Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlavul (February) 25, 2019 thaw|anni (monday)

GAS NEWSAgency : KIM JOEBooking : 3rd.JAn., 2019 to 23rd.Feb., 2019 delivery :25-02-2019 (MOn)Time :10AM - till stockStock : 306 @ ` 774 19kg & 5kg /FTL available*Apply DBC& NC avai.

Agency : SASBooking :8th. Jan. , 2019 to 30th.Jan.., 2019delivery :25-02-2019 (MOn)Time : 9AM - till stockstOCK : 306 @rate:Rs. 774/-

BUNGMUAL INDANE GV Booking: 11 Dec to 16 Dec Delivery: 25/2/2019 Time:9:30am - 12pm Stock: 270

Hmasawnna Thar Vol - 34/136 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

eaC 71st General assembly march 6-10 sungCCPur: Evangelical As-sembly Church (EAC) 71st General Assembly chu March 6-19, 2019 sung khin Rengkai, Bible Hill ah ‘Seltaka Tlan’ ti thupui hmangin nei ning a tih. Kohran in\huoi dan ding ro-relna le mipui Pathien biek inkhawmnahai nei ning a ta, Council Member tlung kim ni chu March 6 ning a tih. March 7 zing dar

10:30am ah Council Rorel neiin March 8-9 (Zirtaw-pni le Inrinni dar 10:30am) Assembly Rorelna ning a ta, March 10 chu mipui Worship Service ning a tih. Outgoing Modera-tor Rev. Fimchawnthang niin Incoming Moderator chu Upa Lal\halien a nih. Hi huna thuhriltu dinghai chu Rev. Challienkung, Rev. Fimchawnthang, Rev.

Lalkhamlien, Rev Dr Lal-hmuoklien, Mr David Yoon (South Korea), Rev Dr Lalrosiem Songate le Rev. Huolthangsei |hiek hai ning an tih. Mi tinin \awng\ainaa lo hrie le inkhawmpuia \hang seng dingin Council Chair-man Rev. Fimchawnthang le Executive Director Rev. Huolthangsei |hiek han HT tiemtu po po an fiel.

CrusadeCCPur: Lamka Gospel Revival Crusade huoihawt-nain February 26, 2019 zana inthawk khin YMA Hall, Lamka, Hmuia Veng, CCPur-ah “The Oil of Joy- Isaiah 61:3 thupuia hman-gin Crusade um a ta, Speak-er in Frederick Lalrindika, Bethel Ministry, Aizawl, Mizoram \hang a tih. February 26 - March 1, 2019 inkar sung zan tin 6:00PM ah crusade pro-gramme um a ta, March 2 le 3, 2019 zantieng 1:00PM haiah Crusade hi nei ning a tih. Crusade huna hin taksa le thlarau tiengpanga damna beisei le inhnikna nei taphawt \hang dingin Organizing Committee chun fielna an siem.

Sawrkar thawktu tam tak an pension ding

CCPur: Churachand-pur district-a department tum tuma thawktu \hahn-emtawk tak hai chu Febru-ary 28, 2019 khin an sina in-thawk an pension ding a nih. Thawktu Pension ding hai lai hin Medical Supdt., District Hospital-a inthawk pension ding hai chu- - Ningkhoman, Grade-IV; Thienkhokim, Grade-IV; Kholhei Lupho, Grade-IV; Ginzasut, Grade-IV; Niangngaihching, Grade-IV; Nengchinlian, Grade-IV; Chingkhanniang, Grade- IV le Lalthanglien, Grade-IV.>>sunzawmna phek 2-ah

ZEO Office hawng a nita dingCCPur: Joint SSA & RMSA Teachers Asso-ciation, CCPur in tiemchin umlo Ceasework Strike an nei leia inzawma ZEO Of-fice an khar a um chu As-sociation in an strike thaw an la chawlsan/call off hri leiin February 25, 2019 a inthawk hin ZEO CCPur Office khawm hawng nawk le nidang ang bawka sin thaw nawk ni tang a tih.

Jt. SSA & RMSA Strike call off tahCCPur: Joint SSA & RMSA Teachers As-sociation in an thil ngen sawrkarin a ngaisaknaw leia February 5, 2019 a inthawk tiemchin um loa Ceasework Strike an lo thaw ta chu parent JSR-TAM inhriettirna dungzui-in hun iemanichena dingin la chawlsan/suktawp (call off) hri a nih tiin Inf. & Publicity Dept., Joint SSA & RMSA CCPur chun thu-suok a siem. Hi le inzawm hin Joint

SSA & RMSA Teachers Association hnuoia teach-ers hai chu February 25, 2019 a inthawk mani sin thaw \an nawk ta dinga inhriettir an ni bawk. Ceasework strike sung class lak loa um hai phuhrukna dingin student hai hmakhuo ngainaa extra class neipui dingin As-sociation chun Teacher hai a ngen a. An strike thaw thlawptu nu le pa le CSOs hai chungah lawmthu an hril bawk.

EM hai a lawmpui CCPur: Hmar National Union (HNU) GHQ chun Feb. 23, 2019 khan ADC, CCPur-a EM thar hai Pu Lalhrillien Zote (MDC Saikot) le Pu Lalditsang Puruolte (MDC Senvon) hai lawmpuina Pu L. Thanzam Pulamte, Gen. SEcy. HNU GHQ chengi-nainah an nei. Hi huna hn Dr Amo, Gen. President, HNU GHQ khawm \han-gin thuhrilna hun a hmang a, zantieng lawmna ruoi an kiltlang bakah Rev. Dr Lal-hmuoklien in EM tling thar hai \awng\aipekna a nei.

Can Beer Rs. 9,00,000 manhu suksietCCPur: 25 Assam Ri-fles han February 13, 2019 a Tipaimukh biela Kingfisher Beer \hahnem-tawk tak an man hai Ex-cise department kuta an peklut hnungin Pu B. John Tlangtinkhuma, Commis-ioner of Excise, Govt. of Manipur inrawinain Dis-trict Excise Department han Pangzawl khaw bula Bus Terminal hmunah Pa-thienni khan an suksiet. Hi huna hin District Excise Department a inthawk N. Tawna Paite, Inspector, Excise, CCPur le a team hai an \hang. Excise Department in zanita Beer an suksi-et hai lai hin Kingfisher Can Beer 500ml case 250 (6000), tuolsung rate-ah Rs. 9,00,000/- vel ding a \hang a. JCB hmangin Can Beer hai hi rawt le suksiet a nih.

Beer hai hi Tipaimukh Road fethlenga Tipaimukh biel sunga phurlut tum 25-Assam Rifles han an lo man a ni a, Can Beer pak-hat hi tuolsung rate-ah Rs. 150/- vel nia hril a nih.

Excise Department chun sawrkar thil khap hai hrim hrim tukhawma zawr ta lo dinga ngenin, inruit-hei dona kawnga an hmal-akna mitin hlawp dingin an ngen.

Pherzawl District-a dingin PM-KISAN hawng

CCPur: February 24, 2019, 1:00PM khan Pher-zawl District-a dingin Pu T. Paukhanlian, Chair-man, ADCC chun DTC Hall, Tuibong, CCPur-ah Pherzawl District Level-a dingin Pradhan Mantri Kis-han Samman Nidhi Yojana (PM-KISHAN) a hawng. PM-KISHAN hi sawrkar thlungpuiin loneitu hai \hangpuina/ham\hatna dinga scheme thar a hung siem a nih. National level ah PM Modi hin scheme

hi zanikhan a puong a, State level-a dingin Mani-pur CM Pu N. Biren Singh in zanikhan a hawng bawk a nih. Pherzawl district-a dinga PM-KISAN hawng-naa hin Pi Mannuamching, IAS, DC, Pherzawl district in welcome address hrilin Scheme chunchang hrilhri-etna a nei. Scheme hawng-naa hin Pherzawl District sunga loneitu/farmers ben-eficiaries 50 thlanguok hai kuomah ‘Letter of Intima-

tion of selection” pek an nih. Hun tawpah Pu S. Thienlaljoy Gangte, Addl. DC, Pherzawl in vote of thanks a hril. Hun hmangna hi Pher-zawl District sunga District Level Officers, Lal hai bakah beneficiaries hai an \hang. Thu dawngnain a hril danin tuchenah Pherzawl district sungah beneficia-ries 1100 chuong zieklut an nita a, la zieklut thei zing a nih tiin a hril. Zani ma khan Sub-Di-vision level in SDO Than-lon; SDO Parbung le SDO Vangai haia khawm hawng a nih. Hi Scheme hnuoia hin beneficiaries han instal-ment vawithum in kum khatah Rs. 6000/- an hmu ding ti a ni a, fist instal-ment in Bank Account-ah Rs. 2000/- thun niin ei thu dawngna chun a hril.

Chief Minister-in PM-KISAN State Level a hawngPM-KISAN hi BJP ‘Vote Inchawkna’a nih: P. Chidambaram

imPhal: Losinthawtu-hai lo Hectare 2 neka lien nei lo haiin kum khata Rs. 6, 000 an hmuna ding PM-KISAN State Level-a mi chu Chief Minister Mr N. Biren Singh-in zani khan Sati Khongnang, Bengoon, Mayang Imphal, Imphal West ah a hawng tah. Hawngna hunsera hin Minister for PWD, IPR Mr. Th. Biswajit Singh, Minister for CAF&PD Mr. Karam Shyam, Minister for Agriculture Mr. V. Hang-khanlian, Deputy Speaker Mr. K. Robindro Singh, MLA hai Mr. H. Dingo, Mr. Asab Uddin, Mr. Th. Satyabrata, Chief Secre-tary, DGP le sawrkar mil-ien dang dang an \hang. Hawng zova thu a hril-naa chun, politics ei khelna san chu mihai karah sakhu-ona le hnam le nina hai hmang inremnawna tur tu ding ni lovin mipuihai an hringnun sukhmasawnna dinga rawngbawlna ding lem a nih, tiin a hril a. Hun tawite sungin a sawrkar chun mipuihai hmasawnna dingin welfare scheme tam-tak a hlen hman niin a hril. A sawrkar chu mipuihai hmasawnna dinga inpum-pek a ni thu hrilin, chutaka ding chun welfare scheme hran hran tamtak a hlen suok ta thu a hril a. Ei state-a inkhuongruol taka hma-sawnna a um theina ding chun muongna a um a ngai tiin a hril bawk a. Hnam tin

EOC 67th Council le Gen. Assembly zoCCPur: Evangelical Or-ganisation Church (EOC) in February 21, 2019 a inthawk Centenary Compound, Ling-siphai-a Annual Council vawi 67-na le General As-sembly an hmang chu Pathi-enni khan zo a tah. Pathienni zingkar inkhawm hunah Ordination Service nei a ni a, Rev. Lam-khogin Khaute, Moderator in Upa thar mi 6 hai Ordina-tion pein thucha a hril bakah Rev. Dr S. Lalpi Vaiphei, Ex-ecutive Chairman chun Upa thar hai \awng\aipekna a nei

a, Rev. Harry Muanlal, Ex-ecutive Director in Upa thar hai Uniform inhaktirna a nei. Chun, Upa kum 90 chu-ong tah, a dam phawt chun

council in\hung \hul ngai lo Upa Tualzanek of Mata kuomah Blanket inhlan a ni bawk. Upa dinga Ordination

chang thar hai chu- Mint-hang of Tualnuam Village; Lamminlun of Tualnuam Village; Kaithianmang of New Mata; Khaiminlian of Game Village, Imphal; Khawmtinlal of Gangpimual le Kamlalmuan of Pengjang hai an nih. Pathienni inkhawm tawp zan khan Rev. Dr Kh. Khaizakham in thu a hril a, Assembly thutlukna hai Rev. Harry Muanlal, Executive Director in a puonglang a, Rev. Dr Kaitinkap Vaiphei in khawmpui a khar.

lai lungrila inpumkhatna a um a ngai a nih tiin a hril. Chief Minister chun February 27 a inthawk khin mani khuo le veng le kawt-khar bulah medical test chi hran hran 76 thaw/hmu theina ding Mobile Diag-nostic Service \an a ni ding thu a hril bawk. Chuong ang test hai result chu pek suok nghal pei ning a tih, tiin a hril. “Ei state ah PHC 76 a um a, PHC biel tinin Mo-bile Diagnostic Service hi

nei an tih. Hmatieng peia chu mi haiin medical test thaw dingin Hospital, PHC kher an fe ngai ta naw nih. Phase khatnaa chun tlan-gram le phairam haiah Mo-bile Diagnostic Servce 10 ve ve hlen phawt ning a tih” tiin a hril. Hmasawnna ding dan-gah, Prime Minister thiltum angin kum 2022 chenah chu Water Supply Scheme thar hmangin in tinin dawn ding tui thienghlim an nei ta ding niin a hril a. Hitaka hmang

ding hin Centre-in Rs. 2, 600 Crore vel a riruong niin a hril a. Hi pawisa hi bank thar BRICS ta New Devel-opment Bank-in sum an puktir ding niin a hril bawk. Sawrkar chun hmun hnufuol le retheinahai dawmkawngna dingin scheme tamtak a thaw a. Hnam hnufuol le hmun hnufuolnahai dawmkang hi a sawrkar thiltum niin a hril. PMAY hnuoiah Li-long AC ah In 2200 bawl ding niin a hril a. Women’s

Market khawm Rs.4 crore sengin bawl mek niin a hril bawk. Zani ta a hawng PM-KISAN hnuoia hin Ma-nipur ah chu Farmer (losinthawtu) 10, 500 vel inzieklut an um a. Hienghai hin kum tin Rs. 6, 000, thla thum dan peia Rs.2, 000 pei an dawng ding thu a hril. Hi huna hin Chief Min-ister chun PM-KISAN Card losinthawtu mi 1436 hai kuomah a sem suok a, Labour Card 30, CHMT le PMJAY card 1900 vel le Pradhan Mantri Ujjwala Yojana hnuoiah sungkuo 300 vel LPG connection thar a pek suok bawk. Hi hma hin CM hin IPR minister Mr Th Biswajit Singh leh PHC Mayang Imphal le Komlakhong Po-lice Out Post hai a hawng bawk a. Zingkar bu fak hma khan Rs. 13 crore sen-ga bawl Koirengei Bridge, Imphal a hawng bawk. All india level-a PM-KISAN hawngna le inzaw-min Union Finance Minis-ter hlui Mr P. Chidambaram chun, election ding tawma BJP hai ‘vote inchawkna” (Cash for Vote) tiin a hril. >>sunzawmna phek 4-ah

Maoist han Cor-ruption Thawtu

Phawrlang an tumimPhal: Maoist Com-munist Party Manipur (MPCM) chun, tulaia PHE department National Rural Drinking Water Pogramme hnuoia sub-standard Pipe inchawkna dinga Rs. 20 Crore neka tam hmang ral-naa corruption inthuk tak inphum ruk chu huot dawk in a thawtuhai zawng daw-ka hremna an pek ding thu an puong. Zanita an thusuok an siem a chun, Kolkata-a um Jindal company hi Pipe supply tu dinga ruotna hi iengtia hung suok am a nih a? tu ham a thawtu an zawng dawk ding thu an hril a. A thawtu indiktak le a thawtua intum ‘scape goat’a hmanghai khawm an phawrlang vawng ding thu an hril. An hril dan chun, tuta BJP sawrkar chu ‘Regime of 15%’ (15% sawrkar) tia hrietlar a ni tah. Kha hma met khawm khan PWD-a EE pakhat chun thamna pawisa a lak lai video social media a pholar a lo ni tah a. Hi hi BJP sawrkar thaw dan a nih a, sawrkar roreltu an thlenga chu thawdan (cor-ruption) a lan thleng chu-ong nawh. “Ni dang chu Thoubal hi ‘Centre of Corruption’ tia hriet a nih hlak a. Tuhin chu Heingang le Thongju an nih tah. Hieng khuo pahnihai chauh hi an nih Anti Cor-ruption or Vigilance han an them thei lo chu. “Corruption chun sawrkar department po po a fangsuok zo tah a. Mihaiin an hrieta chu an hril suok ngam lo chu, sawrkar sin annawleh contract dithai chu Heingang or Thongju ah an fe hlak ti hi a nih” tiin a hril. Case dangah MSPDCL (Manipur State Power Dis-tribution Corporation Lim-ited) chun sin lakna ding a um naw tiin corruption an thaw nawzie an hril a. Anachu, tuhin BJP nuhmei pakhat Heingang mi chun pawisa dawlin MSPDCL sin a sem ti hriet a nih a. Action lak a nih. Hieng ang hin PHE Pipe inchaw-knaa corruption khawm hi suidawk la ning a tih, tiin a hril. (IT)

Health Minister-in Health and Wellness centres 2 a hawng

imPhal: Health and Family Welfare Minis-ter Mr. L. Jayantakumar Singh chun, zani khan Health and Wellness Cen-tres (HWC) pahni Irilbung le Takhel, Imphal East ah a hawng. Takhel-a mi a hawng zova thu a hrilnaa chun, hi Centre hi hawng a nina san chu mipuihaiin hriselna \halem le nun changkang an nei theina ding a nih tiin

a hril a. State sung hmun hran hranah hieng ang H&W Centre hi hawng a lo nih tah tiin a hril bawk. Hieng H&W Centre-a baka hin sawrkar chun mipui hmasawnna ding welfare scheme hran hran a hawng tah bawk thu a hril a. H&W Centre hin chu abikin nuhmei nau paihai, an naupai \an tir a inthawka mihai le tarhai chen ta dinga rawngbawl-

na hmun ding a nih a tih. A khuo mipuihai chu Centre hi hmang \angkai ngei tum dingin a fiel a. Thawktu ding Doctor le Nurse hai khawm inpezo takin mipuihai \hatna ding le hmasawnna dinga sin thawin professional eth-ics hmang dingin an fui bawk. Inhrietthiemnawna um nawna ding le thiltum a hlawtlingna ding chun mipui le thawktuhai karah inhrietthiemna le thawt-langna a pawimaw thu a hril bawk. Minister chun H&W Centre haia meivar le tui dawn ding le hmang ding chu concerned department hai le hung inrawnin hung pek ning an tih tiin a hril a. A khuo mipuihia chu thienghlim tak le \ha taka lo enkawl ve dingin an fui bawk. (DIPR)

nCC ‘b” exam imphal ah nei

imPhal: NCC Group HQ Imphal hnuoia Unit hai po po ta dingin Feb.24 khan Manipur College Imphal ah NCC “B” Certificate Exam nei a ni a. Manipur pumpuia College 20 haia inthawkin candidate NCC Cadets 363 an exam. Exam hi darkar thum sungin test le practical tests - Drill, Weapon Training, Battle Craft, Map Reading le Communication hai nei a ni a. NCC ‘B’ exam hi col-lege ah kum 2 training nei zo tahai ta dinga buotsai a nih. Hi Exam-a pass hai chu a chunga hrilhai baka khin Leadership, Personal-ity Development, Disaster Management, National Integration, Social aware-ness, Health & Hygiene,

Adventure Training le Ecology & Environment hai training pek nawk hlak an nih. Chubakah, Cadets hai chu hi hun sung hin ni 10 Camp pakhat bek an \hang a ngai bawk. Hieng Camp hai hi mani invengna ding le dam khawsuokna ding, life skill qualities, self discipline, cooperation le khawtlang le ram ta dinga mi \angkai tak ni theina dinga pawimaw maw-phruna le social adjustment hai incorporate-na dinga pawimaw tak Camp a nih. Hmun kilkhawr deu Jiribam hai ang ta ding chun a hranin Jiribam hmun ngeiah Exam nei hlak a nih tiin PIB DW thusuok chun a hril.

Hmasawnna Thar2 thlavul (February) 25, 2019thaw|anni (monday) artiCle/health & emPloyment newS

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

SUNZAWMNA

Mani le mani in exam hlak ding

VAWISUN THUPUIMi a um danin Lalpa a suklawm chun, A hmelma-hai ngei khawm ama le inrem dingin a siem.

-THUVARHAI 16: 7

Mihriem hringnun le khawsakna thila ding hin thil \ul le pawimaw chi tum tum a um a, chu hai laia pakhat chu exam hi a nih. Exam hi namnul chi a ni naw a, thiemna, hrietna, lungril le ngaituona popo peka thaw ngei ngei chi a nih. Exam-a \hang hai pop o hi an hlawtling vawng ngai nawh ti chu mitin hriet a nih. Exam a hlawtling ding chun theitawp tak meu suo a \ul hlak. Thil iengkim thawna dingah hin exam hi a \ul vawng ta leiin mitin el hi exam pe thei dinga ei in singsat a \ul a nih. Exam ei paltlang ngam naw chun mi iengkhawm lo ei ni ding a nih. Mihriem hriselna a hung \ha naw pha chun Doc-tor ei pan hlak. Doctor chun a hrietna, a thiemna, a hmangruo le khawl chi hran hran hai hmagin ei taksa bung tum tum ei thisen, ei ek, ei zun, ei kal, ei lung, ei chuop, ei thin, ei phingpui, ei ril, blood pres-sure le a dang dang hai a exam (a enfie) zo hnungin ei natna hai a a hmuin a hriet suok a. Ei natna izirin damdawi fak ding a mi pek bakah fak lo ding, dawn lo ding, thaw lo ding, nghei ding le insum ding a mi hril a. Chuong ang taka ei thaw chun ei natna a hung dam a, mi hrisel naw kha mi hrisel ei hung ni ta hlak. Doctor-in mi exam naw sienla chu ei natna a hriet suok thei naw ding a nih. Hi taka inthawk hin exam \ulna le pawimawna an lang chieng hle. Exam ti thumal hi ei \awng ni lo, sap\awng a ni a, sienkhawm ei \awng ang chara ei hriet le hmang ta a nih. Exam ti chu inenfel annawleh inenfie tina a nih. Mihriemhai hi ei dam sung hin exam penaw ding ei um naw a, exam pe ding seng ei nih. Nitina mi-hriemhai sin pakhat chu mani le mani in exam hi a nih. Mihriem mani le mani in exam (inenfie) ngai lo hai chun an nina an hriet thei ngai nawh. |ha le felah an inngai a, an lungril le ngaituona a chapoin an uongthuong hlak. Mi chapo le mi uongthuong hai hrim hrimin inrempui le inmilpui an nei ngai nawh. Mi uong, mi chapo le mi intithei ei lo ni pal chun, mani le mani in exam ei ta, a \ul a ni chun X-ray, endoscopy le CT Scan hai chen ei thaw ngam a \ul a nih. Mani le mani ei in exam nuom naw a, ei suol pangngai, ei uong le chapo pangngaia ei umzing a ni chun ei chan ding chu mihai theida, nghawk le hmu pei lo ei hung ni ding a nih. Mihriem mani le mani ei in exam chun, ei hrat nawna, ei fel nawna, ei tlin nawna, ei indik nawna, ei thiem nawna le ei suolna hai ei hung hmuin ei hung hriet thei hlak. Ei ni neka \ha , ei ni neka fel, ei ni neka hrat, ei ni neka lekhathiem, ei ni neka hausa, ei ni neka hmel\ha, ei ni neka lien, ei ni neka ropui, ei ni neka inlal le ei ni neka thunei lem hi an tam taluo a, ieng ei ni nawzie ei hmu chiengin ei hung inhriet chieng thei hlak. Exam ringawta ei nina ei hmu fie thei naw a ni chun in X-ray ngam ei tiu. X-ray-a a lan lang fie naw rawp chun khawl \ha lem CT Scan-ah inenfie el ding a nih. Mihriemin ei nina ei hriet chieng pha chun ei zawi rawng rawng hlak. Ei nina hrietna dingin mani le mani in exam hlak ei tiu. Tulai hin sawrkar le sawrkar ni lo haiah khawm sin ruok a hung um a, sin lakna a hung um chun exam paltlang ngei ngei a \ul hlak. Written test exam a tling lo, viva voice-a a tling lo le Physical Efficiency Test-a tling lo hai chun sin an hmu ngai nawh. Sin hmu hai chu exam-a tling le a thaw \ha bik zuolhai an hung ni hlak. Sin zawngnaa khawm certificate el hau a huntawk tanaw a, exam-a tling chu thil \ul makmaw a nih. Hi lei hin exam hi ngaipawimaw a \ul takzet a nih. PET le viva voice hai khawm hi exam-na chi khat vawng a nih. Tulai hin Board of Secondary, Manipur hnuoiah HSLC Examination, 2019 le Council of Higher Sec-ondary Education, Manipur hnuoiah Higher Second-ary Examination (Class-XII), 2019 le Class-XI Exam-ination, 2019 nei a ni mek a. Hi exam-a \hanghai pop o an pasi vawng naw ding a nih ti chu a chieng sa a nih. Exam mekhai hin an pasi ding le ding naw an hri-etlawk thei hlak. Asan chu an exam pek dana inthawk hriet thei a ni leiin. Exam-a pasina ding, mark \ha le insang hmuna ding chun, exam petu dinghai hi an ni le an ni an lo in exam hlak. An ni le an ni an in exam chun an hriet naw le an thiem nawhai an lo hrietlawk a, taima takin an inchukin an lo tiem hlak. Mani le mani in exam ngai lo, thabo le zawmthaw student-hai chun an hriet naw le an thiem naw khawm an hriet naw a, result a hung suok huna an fail let der hlak.

Assam-a Zu \halo dawn leia thi mi 140 chuong tahGuwahati: Assam-a chun Zu \halo dawn leia thi an pung belsa pei leiin hi thu ei sut chena thina tuok chu 140 an an chuogn ta a, midang 200 vel hospital hran hran haia enkawl mek an la nih tiin Pathienni-a Official thusuok chun a hril. Jorhat Medical College Hospital (JMCH) a enkawl mi 71 an thi ta a, midang 272 enkawl mek an la nih

tiin senior Health Depart-ment official thusuok chun a hril. Jorhat district-a Tita-bor Subdivison Hospital-a enkawl mi 4 an thi belsa nawk a. Golaghat district a khawm tuchena mi 49 an thi ta bawka hril a nih. Ningani liemtah zan khan Golaghat le Jorhat district haia Thingpui huon –a sinthawtu han zu \halo hi an dawn a, an dawn zan

khan mi 12 an thi nghal a nih. Chief Minister Sar-bananda Sonowal le Health Minister Himanta Biswa Rama hai chun In-rinni khan JMCH a enkawl damnaw hai an va kan a. Mr Sonowal chun thina tuok sungkuo hai zang-nadawmna Rs. 2 lakh seng pek dingin a puong bakah damnaw hai \hangpuina dingin Rs. 50,000 seng pek

an ni ding thu a puong. Hi bakah Upper As-sam Division Commis-sioner Julie Sonowal khawm inquiry thawa thlakhat sunga report pe dingin a lo inhriettir ta a nih. Zu \halo dawn leia mi tam tak thina le inzawm hin thu indawnchieng dingin mi 12 hrentang an nih tiin Assam DGP Ku-ladhar Saikia chun a hril.

thamna pek theinaw leiin offi-cer motor-ah a lawi a thlung

bhoPal: Madhya Pradesh a Tikamgarh district a chun loneitu kum 50 mi Laxmi Yadav of Devpur village chun a mohair pahni hminga ram inchawka um ram lekha transferna dingah Tehshildar le Revenue Department officer han thamna an ngen a pek theinaw leiin Revenue Dept. Officer motor-ah a Lawi a va thlung. Ram lekha transfer-na dinga Tehsildar in thamna Rs. 50,000 a ngen chu a pek thei hram

a, sienkhawm Revenue officer hin thamna Rs. 50,000 a lo ngen ve nawk leiin, pawisa a nei ta sinaw leia a beidawnga a Lawi hi officer motor-a a va thlung el niin Yadav chun a hril. Hi thil tlung le inzawm hin Tikamgarh Collector Saurav Kumar Suman chun SDM-Baldevgarh chu thil umdan suichieng dingin an hriettir a. Mr Yadav intumna hi an dik a ni chun official hai hi hremna na tak pek an ni ding thu a hril.

HMAR INPUI INTHLANG DAN HI By : Lalramsiem @ElârEs

A hun lai a ni bawka, Hmar khawvela rorelna khâwl insângtak Hmar Inpui General Headquarters inthlang ding ei hmasuon mek le inzawm hin ei inthlang dan System hi siem that tul a um el naw maw ti’n ngâidan mâwlte ei chanchinbu fethleng hin thairang ve ka nuom tlat el, hi ka thu ziek mawl tak te hin ei hnam \huoitu inzâ-um tak tak le var tak tak hai ngaituona tukver chikte bek a kik hawng pal hlau chun lawm a um awm em ti’n inzak khawm dâwn lovin mâwlmang takin ka ngaidan ka hung thairâng ve a, kawk le deng hla tak le inthuk tak a neinaw khawma ei ngaituona a hai hmun chikte bek a lo chang sunzawm thei hlau chun ka thuziek hi a hlawtling hle tina ni’ng a tih. Tlângsam hi khawkhat parâwnkai an ni ngai naw ang hin. hi thu ziektu khawm hi khaw khat parâwnkai lo ve tho thu ziek a nih a, sienkhawm tlangsam in khaw sung ta dinga tlang a’nsam chun khaw sunga chanchinthar, thaw ding um hai mipui hriet dinga intluntu le ei inhrietpawna a nih ti kha theinghil naw bawk inla.Hmar Inpui inthlang dan ka hung tarlang, a hnuoia hi Hmar Inpui inawpdanbu a Hmar Inpui inthlang dan chu a nih a, uluk deuin hei en inla, siem \hat \ul um nuolin a’nlang.artiCle 24 - inthlanG danClause: i). Nomination type hmang ding a ni chun inthlang hun dârkâr 12 hma ngeiin candidate-in lekha pawimaw po po a pêklût ngei ding a nih. Chu lekha hai chu Election Presiding Officer in a certify ngei ding a nih. ii). Nomination type hmang a ni naw chun inthlang hun pha Election Presiding Officer-in candidate nuom hai ta dingin hun hawng a tih. iii). Candidate proposer chun, mi a candidate nuomhai phalna la hmasâng a ta, proposed candidate chun a remtina lekha-in amanih bau ngeiin a suklang ding a nih. iv). Candidate chu thlang thei dinga a hming a fe thleng theina dingin mi pahni bêkin an second ngei ding a nih. v). Thlang dinga post um po po a thei naw khawma President le General Secretary candidate dinghai bek chun nomination an file ngei ding a nih. Nomination Form a chun Proposer le Seconder um an ta; an suoi an kei ngei bawk ding a nih. Hun tiem chin sunga nomination form laa file an um naw chun Executive Committee le Election Commission inrawnin thuthlûkna siem an tih. Inthlang dan Clause i). to iv). chu hei sie tha phawt inla; clause v). hi belchieng hei tum ei tih. ‘Thlang dinga post um po po a thei naw khawma President le General Secretary candidate dinghai bek chun nomination an file ngei ding a nih. Nomination Form a chun Proposer le Seconder um an ta; an suoi an kei ngei bawk ding a nih’. tih a nih. Hi taka ei dan siem hi Sawrkar dan entawna ei siem ni ngei dingin a’nlang a, a ni ngei sawrkar dan ei zui sie chun Sawrkar inthlangpuia an thaw hlak ang hin President le Secretary post inchu a nomination file tu

hai hin open deua vote an zawng phalpek ni ngei sien nuom a um takzet. Prez/Secy post inchu nuom chun inthlang ding hma ni 35 ah Nomination paper file ding tih nisien, Scruitiny le thaw ding \ul sukfelna a ni 3 reserve in, ni 30 sung chu huoisen taka nomination file ngam hai chun open deuin, Hmar Inpuia vote nei thei hai le public hma ah inzawrna hun siem pek ni hai sien, vote zawng theina hun tawp tak le Assembly inkar hi ni 2 siempek ni bawk hai sien chu Hmar Inpui \huoitu inthlangna hi muk hle dinga ngai a nih. Hi a chunga ei ziek khi democracy rama um ei ni angin Nomination an file ngei ding a nih ti khin a sawmsa ngei dinga ngai a nih a, sienkhawm a \hangsa der naw khi mak ve tak a nih. Khi a chunga inthlangna dan khi HYA, HSA a khawm ei hmang ve a, laklâw in a mi siem vel vawng ni’n a’nlang. Tiem hun sunga hin mi pakhat chauin Nomination lo file ta ang sien, chu nu/pa chu tlinga puong a ni ding le ding naw khawm hi dan bu clause a hin ziek ngeia belsa nisien nuom a um. Hi thu hi ziek a ni naw lei khawm hin buoina lientak suok thei a nih.Clause i) ah hei kir nawk inla: i). Nomination type hmang ding a ni chun inthlang hun dârkâr 12 hma ngeiin candidate-in lekha pawimaw po po a pêklût ngei ding a nih. Chu lekha hai chu Election Presiding Officer in a certify ngei ding a nih. Hi khawm hi buoi a um ie, nomination type hmang ding a ni chun candidate pa kha lekha certify \ul pawimaw a nei a, floor candidate a ni ruok chun direct scruitiny a fethleng tina a nih a, lekha certify \ul pawimaw a nei ta nawh tina a nih a, danglam tak a nih. Inthlang dan ei siem hi ei belchieng chet chet chun siem that met met \ul a tam hle in a’n lang, tuta ei fe dan hi hnampui pakhat rorelna ding chun nêp ei ti der nawh, sienkhawm; bâksam met met chu a nei ni’n a’nlang. Nomination system a fe angreng, floor candidate um thut thei anga um ei ni hin mipui a mi suk laklaw hle ruol ruolin Hmar Inpui President le Secretary ni tumhai khawm laklawna tlang ah ei in\hungtir a ni deu tak. Mi’n vote a zawng leh ‘ama chu vote a zawng nasa ie’ ti’n ei eltam zui a, a zawng naw le hlak ei sawisel zawm thova, secret open angin ei um a, ei laklaw kuol vel vawng chu a ni deu tak a nih. Vote zawng hi a lo fe ta laklaw a ni leiin floor candidate ding ti inlakhawm, President/Secretary candidate ni tum khan open secret in vote chu zawng tho a t’a, chuleiin mi tu-el khawma zalen taka vote ei zawng le Hmar hnam ta dinga an thil tum (Manifesto) an phawr lang theina dingin ei in awpdan hi amendment thaw vat hi a \hat hmel el naw mani? Ei mi hmasa ha’n in awpdan bu anlo siem hi ei kal bur nawh a, a lo sawl hmasa hai sawlna le inrimna kha inza a um takzet a, inza-na insang tak ei pek, sienkhawm, khawvel a hung changkangpei a, system iengkim an update zung zung ang hin ei in update a hun ta hle naw maw? ti’n mâwl te in ngaidan ei hung tlângsampui ve a nih.

24 February 2019

Union Minister hlui Deo in TDP a zawm

amravati: Andhra Pradesh-ah Union Minis-ter hlui Kishore Chandra Deo chun Pathienni khan state a sawrkarna siemtu Telugu Desam Party (TDP) a zawm. Deo hi TDP president le AP Chief Minister N. Chandrababu Naidu in a

supporter hail eh formal ta-kin a lo lawmlut. Mr Deo hin seniors hai inzana a um nawh tia tulai hnaia kha Congress a in-thawk inban a ni a, Man-mohan Singh Prime Minis-ter nina hnuoia khan Tribal Affairs and Panchayat Raj Minister a lo nih. Lok Sabha Election hung um dinga hin Vi-sakhapatnam district-a Araku (ST) Lok Sabha constituency-ah TDP ticket in a ngir ding a nih. Deo hi Lok Sabha term 5 le Rajya Sabha term khat lo chel ta a nih.

employment news 1. Union Public Service Commission (UPSC) huoi-hawtnain Civil Services (Preliminary) Examination, 2019 a um ding a ni a. Apply thei ding han March 18, 2019 chenin https://upsconline.nic.in fethlengin Online-a ap-plication peklut thei ning a ta, thu chieng lem UPSC Web-site: www.upsc.gov.in ah hmu thei nign a tih. 2. UPSC huoihawtnain Indian Forest Service (IFS) Preliminary Examination, 2019 um a tih. Post ruok zat 90 a ni a, apply thei ding hai chu kum 21-32 inkar ni a \ul a. ST/SC etc hai ta dingin ruled dungzuiin relaxation um a tih. Apply thei ding le inhnikna nei han March 18, 2019 chenin Online application peklut thei ning a ta, thuchieng lem UPSC website-ah hmu thei ni bawk a tih. 3. Assam Rifles hnuoiah India mi nuhmei le pasal hai ta dingin Sports quota hnuoiah Rifleman/Rifle Woman (general duty) post tum tum 116 a ruok. Inhnikna nei han March 17, 2019 chenin Application peklut thei ning a tih. Thu chieng lem https://assamrifles.gov.in ah hmu thei ning a tih. Post ruokna sports Disciplines hran hran hai le post ruok zat chu a hnuoia ang hi a nih. (i) Football- 16; (ii) Archery-14; (iii) Rowing-12; (iv) Ath-letics-13; (v) Taekwondo-6; (vi) Karate-17; (vii) Judo-12; (viii)Boxing-15; (ix) Rifle Shooting-8; (x). Equestrian-3

RN Ravi Feb. 26 in Nagaland hung dingnew delhi: Naga le sawrkar thlungpui inbiekna fe meka Centre interlocu-tor le Dy. National Secu-rity Adviser (NSA) Pu RN Vavi chu Naga peace process fe mek le inzawma stakeholders hai meeting neipui dingin February 26,

2019 khin Nagalang hung inzin a tih. Amiruokchu, R.N. Ravi hung inzin dinga hin Nagaland-a apex tribal or-ganisation Naga Hoho chun beiseina iengkhawm an nei naw niin thu dawngna chun a hril.

Divisional Forest Office –a inthawk pension ding hai chu - Soikhodam, Forester; Pautinlian, Head Forest Guard; Gouchinthang, Forest Guard; Thangzathang, Head forest Guard le Vungzam, Forest Guard. Excise Dept. a inthawk Inspector N Tawna Paite; CC-Pur Govt college –a inthawk Ricky Vanlallawm Guite, Principal Ccpur Govt College; Peter Ngamsei Haokip, MusicTeacher; S Thangpu Songput, LDC; Chingniang, Peon le Paokhothang, Peon. Lamka College a inthawk pension ding Thianginthang, Peon le Chawngparmawi, Counter Attendant. ZEO/CC-Pur-a inthawk pension dinghai- T Goukhomang, Head-master; T Pumkhokam, UDC; Nimandra Singh, GT (Sc); K Liankhanthang, GT (Arts); Chingseibam Sobita, Head-master; Tunzalian Vualnam, GT; Khamkhanthang, PT; Lal-zarlien Joute PT. CMO/ Medical Dept. a inthawk pension ding hai - Vungzakap, Grade-IV; Jamlet Haokip, Grade-IV; Ngur-lonlun, Grade-IV; T Ginzachin, Grade-IV; Chinkhothang, Grade-IV le Pauchunglen. Sericulture Dept. a inthawk pension ding - Vanlal-rinliana, Sr Accountant. PWD/CCPur division a inthawk pension ding hai - Zolian Guite, AE-III; Thanglianmang, Peon; Vahkholhing, Cane Women le T Paukhanthang, Khalasi. Electricity Dept. a inthawk pension ding hai - Khup-chinmang, Lineman; Ngulkhojam Baite, Lineman; Holk-hojam Touthang, Lineman; Abdul Kalam, Lineman; Md Iboyai, Lineman; Ngaikung Office Asst le Kapkhothang, Office Asst. hai an nih. Chun, March 31, 2019 a pension ding iemanizat an um bawk. March 31, 2019 a pension ding hai chu- H Gi-gin, Range Forest Officer le Lalramhluna, Head Clerk. DC office a Revenue dept a inthawk A Ibotombi Singh, Mandol; Lalbiakmawia, Zilladar le Thangpu, Lambu; SDO/BDO Mualnuam ni mek N Thuamkhansuan le Po-lice Dept a inthawk SI Kamkholal.

Sawrkar thawktu pension ding

Pulwama hmuna terrorist hai chetnain mipui lungrilah Terrorist nuoibo dingin mipui hai an fui; Mann Ki Baat May tla tawp-a insuo nawk ning a tih: PM

new delhi: February 14, 2019 a Pulwama, Jam-mu and Kashmir-a terrorist hai chetna chun ram pum-puiah terrorist hai a zunga inthawk phawidawk dingin mipui hai an fui a, Pulwa-ma thi tlung khan mipui hai ngaidan tlang tak a pek bawk a nih tiin a hril. Hi thu hi thla tina All India Radio programme-a Mann Ki Baat –a India le ramdanga um mipui hai hmaa thu a hril hlak a episode 53-na a hrilnaa a hril a nih. Terrorist hai tukdawlna dingin chi le kuonga intli-erna, sakhuo inngeilona le

rambung in\hehrangna le thil danga mi \hehrantu hai peihmang a pawimaw thu hrilin, sipai huoisen han mipui hringna san dingin an hringna an inhlan a nih tiin Pu Modi chun a hril. Pulwama hmuna ter-rorist hai chet leia sipai

huoisen hai thina khan ram puma mipui hai a suk lungsen a. Terrorist hai le anni \hangpuitu hai nuo-ibo vawng dingin sipai han lungril an siem ta a nih tiin a hril bawk. PM Modi chun Class X le XII exam pe mek le

exam ding hai ditsakna an hlan a. Mann Ki Baat chungchanga chun, gener-al election hung um dingah ama khawm an candidate ve ding a ni leiin election thilah ei buoi seng ding a ni leiin a nawk a Maan Ki Baat chu May thla tawpah insuo nawk a ni ding thu Pu Modi chun a hril. General Election result hi May thla tawp hmaa pu-ong hman ring a ni a, Pu Modi chun tling nawk a, PM la ni nawk ngei dinga inringzo takin Mann Ki Baat insuo nawk ding hun a hril hi a puong a nih.

3thlavul (February) 25, 2019thaw|anni (monday) national/international & advertiSement Hmasawnna Thar

laKtawi

LAWMTHU HRILNAHunsawt taka inthawk takhan Sinus natna kan vawi a, ka nat dan tlangpui chu, bu du lo, hnar sung hung inbawk le inpan, bu fak harsa, tui dawn le lem harsa bakah inkhul rak rak hai a nih. Ka beidawngin Dr MV Azad Phusam ka pan a, hun sawt-nawte sungin a mi enkawl dam a, ka lawm hle. Hi lei hin Dr MV Azad Phusam le Pathien kuomah hi chanchinbu hmang hin lawmthu ka hung hril. Dr MV Azad Phusam hi CCPur , OPP: J.P.selection, ICI Road-ah pan thei le phone numbers 7628890261 & 9089738275 haiah biekrawn thei a nih.

Lawmthu hriltu, Sd/- Calvin, ngurte

PmKvy traininGFREE OF COST –WITH STIPENDEXPERIENCED TRAINERS- CAREER ORIENTEDJOB/PLACEMENT GUIDANCE

Sl. No. COURSE Qualifi-

cation REGD. DOCS

1 BASIC COMPUTER CLASS-X

Aadhar Card, bank Front Page, P/P-2, Education Certificate

2 BEAUTY PARLOUR/THERAPY Cl-VIII -do-

3FIELD TECHNICIAN COMPUTING & PERIPHERALS

DIPLOMA GRADUTE -do-

4 CRM DOMESTIC NON-VOICE CLASS-X -do-

CoordinatorJeM # 9366163414 / # 9774447218NIMAI Trining Centre, ICICI Bank, Old Bazar. (23-1)

Truck inbawtuo leiin mi 5 thi

naShiK: Maharashtra-a Nashik district-a chun Pa-thienni sun dar 11 vel khan Mumbai-Agra National Highway-ah Truck pahni an inbawtuo a, mi 5 an thi bakah midang 28 velin hliemna an tuok.

Kumbh-a tui tla sansuoktu NDRF

constable a thi

new delhi: Praya-graj-a Kumbh Mela neina hmuna sakhuo thila inzin le tuia inphum tuia a tlak leia dama sansuoktu Na-tional Disaster Response Force (NDRF) constable Rajender Gautam chu a hliemna tuorzo loin zani hmasa khan New Delhi-a Safdarjung hospital-ah a thi niin NDRF official thusuok chun a hril. Mr Gautam hi Himach-al Pradesh-a Bilaspur mi a ni a, February 19, 2019 khan Sangam adunga tui tla sansuok dinga inchawm-lutin kum upa tieng pasal pakhat a sansuok a, chu hunah a hnungzang ru a sukhliem leia Hospital-a enkawl a ni a. Sienkhawm damzo loin a thi ta a nih.

AP Dy. cM In le motor raw; police station suosamrijiju in Congress chu mipui infuipawrin an tum

itanaGar: Arunachal Pradesh in a ram mi ni lo Namsai le Changlang district bakah Vijaynagar a Gorkhas um hai Perma-nent Resident Certificate (PRC) a pek tum dodalna leia darkar 48 sung bandh huoihawta um le inzawma boruok sosang le buoi-na lien tham suok ding vengnain zani zantieng-a inthawk khan Itanagar khawpuia chun Feb. 25, 2019 zingkar dar 9 chena dingin curfew puong a nih. Curfew puong nisienkhawm Pathienni khan Arunachal Pradesh khawpui Itanagar a chun mipui pungkhawm han Deputy Chief Minister Chowna Mein private

building insawng meiin an raw bakah Itanagar khaw-puia main police station le Deputy Commissioner office hai an suosam bawk. Buoina sosang peia Police hai silai kap leiin thina tuok khawm an um ta nia hril a ni a. Zanikhan ITBP companies 10 vel tir-lut belsa an nih. Arunachal Pradesh mi hrim ni lo, kum tam tak lo um tah hnam 6 hai a ram mi an nih ti sukchiengna PRC pek dinga Chief Minister Pema Khandu in February 22, 2019 zana a puong le inzawma dodal-na le buoina hi hung in\an a nih. Hieng laizing hin Union minister Kiren Ri-

jiju chun hi PRC leia buoina le boruok sosang hi Congress in mipui hai an infuipawr lei a nih tiin Pathienni khan an tum a. Chief Minister Pema Khandu khawmin tuta state assembly fe meka hin Nabam Rebia inrawi Joint High Powered Committee report phar ringawt a ni a, state sarkarin bill put-lut tumna a neinaw thu chieng takin a lo hrilfie ta a nih tiin Rijiju chun a hril bawk. PRC pek tum hnam 6 hai lai hin Deoris, So-nowal Kacharis, Morans, Adivasis le Mishings hai an \hang. Hieng hnam hai hi Assam a chun ST a rec-ognised an nih.

Vande Bharat Express lunga deng new delhi: Inrinni khan Varanasi-Delhi inkar-ah Vande Bharat Express rail chu mi \henkhatin lungin an lo deng a, driver wind-screen le Express tukver \henkhat an dengsiet niin official thusuok chun a hril. Lunga deng a ni hnung hin technical staff train ngirhmun \ha taka an en-fel hnungah tlan zawm pei thei a nih ti an sukchieng hnungin tlan zawm pei a ni a, zan dar 11:5 vel khan New Delhi Railway sta-tion a tlung tiin Northern Railway Chief Public Re-

lations Officer chun a hril. Lunga deng a ni huna hin Coach numbers C4, C6, C7, C8, C13 puotieng darthlanglang le C12 glass panes pahni dengsiet a nih tiin CPRO chun a hril. Train hi Pathienni zingkar khan Varanasi

panin a suok nawk. India rama semi -high speed train hmasa tak Vande Bharat Express hi February 15, 2019 a kha PM Narendra Modi in a vailiem le commercial run February 17, 2019 a in-thawk \an a nih.

A ngaizawngnu a that hnungin an khaihlumJammu: Jammu and Kashmir-a Bishnah hmu-nah chun pasal kum 24 mi Rakesh Kumar chun a ngaizawngnu Shalu Devi (25) a that hnungin ama le ama an khai hlum. Rakesh Kumar le Shalu Devi hai hi Bishnah hmuna In pakhat sunga a thisaa hmu an nih. Devi hi chema

sunhlum saa hmu a ni a, Kumar hi a room sunga inkhaihluma hmu a nih. Preliminary investiga-tion report dungzuiin inngaizawng an ni a, in-selbuoina an nei leia Kumar hin Devi hi a that hnunga ama le ama inkhaihlum a nih. Police chun case regis-tered in an suichieng mek.

A Case tawp hunah Robert Vadra politics

lut tum

new delhi: Congress president Rahul Gandhi makpa Robert Vadra chun a chunga intumna le case a nei hai a tawp hunah Poli-tics lutchila mipui ta dinga rawngbawlna lien lem nei a lungril thu a hril. Mr Vadra hi Money Laundering cases le dan kala ram laa intumna leia Enforcement Directorate (ED) in case an siem khum le tulai hnaia khawm vawi 5 lai zet ED hmaa lo inlang ta a nih.

inhriettirnaDate 25.2.2019 Monday a inthawk Thingchom khuoa mikhuol lut reng reng VA/VAL UPA kuomah address chiengtak hrila in report ding a inhriettir ei nih. A bikin zan dar 7:00PM a inthawka zing dar 5:00AM in kar sung khawsungmi nilo pawimawna/\ulna leia luthai chu in re-port ngei ngei \ul a tih. A san chu inruithei thaw leia thil inruk/thil inhmang a tam ta leiin hi inhriettirna pawisa lo hai chu an chungah iengpo tlung sienkhawm tukhawmin a maw phur thei naw ni hai.

By OrderThingchom VA/VAL UPA

Sd/- Shri J.l.Pulamte Sd/- lalrosiemChairman.VA Chairman, VAL UPASd/- Jehova huolngo Sd/- lalrolawm darngawnSecretary, VA Secretary, VAL UPA

PlFi pathum kap hlumranChi: Jharkhand-a Gumla district-a chun Kamdara hmuna security forces le helpawl hai inkap-tuonaah Peoples Libera-tion Front of India (PLFI) helpawl pathum kap hlum an ni a, kap hlum hai a in-thawk AK-47 rifles 2le

.315 rifle hmu a nih tiin se-nior Police thusuok chun a hril. CRPF a CoBRA unit le Gumla district Police \hangruol han dappui an thawnaa inkaptuona hi tlung niin Addl. DGP (Operation) M.L. Meena chun a hril.

Parrikar Goa medical Co-lege-ah admit

PanaJi: Prancreatic can-cer leia damnaw le inen-kawl zing Goa Chief Min-ister Manohar Parrikar chu GI endoscopy thaw dingin Inrinni zan sawthnung khan Goa Medical College-ah admit a ni a, nikhat sung chu observation in a la um ding niin Chief Minister’s Office (CMO) thusuok chun a hril a, sienkhawm Parrikar ngirhmun ruok chu a \ha tiin a hril. CM chu observation a um a ni a, a ngirhmun a \ha, ngaituo ding a um nawh; fighter a ni a, nikhat vel hnungah suok nawk el a tih tiin Health Minister Vish-wajeer Rane chun a hril. Parrikar (63) hin Janu-ary 31, 2018 khan AIIMS, New Delhi-ah follow-up

treatment thaw a lo thaw ta bawk a nih. A natna lei hin nikum March thla khawm khan US bakah Mumbai le Delhi haia khawm enkawl a lo nitah. Tulai hnaia state As-sembly in\hung huna khawm khan \hangin state budget a phar a, sienkhawm a hriselna ngirhmun \hat-naw leiin session in\hung ni 3 a suktawi pha a nih.

MKM in LS election-ah party lien hai thlawp an tum nawh

mumbai: Maratha Kranti Morcha (MKM) pawl chun Lok Sabha Election hung um dinga hin political party lien hai thlawp an tum naw thu an puong. MKM chun indepen-dent candidates annawleh party chin lem hai nomi-nees/candidates hai thlawp an tih tiin MKM convenor Sanjeev Bhor-Patil chun a hril a. an thil ngen hai an ngaitha leiin party lien hieng BJP-Shiv Sena an-nawleh Congress-NCP heinekin party chinlem candidate hai thlawp dingin MKM chun thutlukna an siem niin a hril. An thil ngen hai laia pakhat false atrocity cases chingfel le pakhat dang chu minimum support price (MSP) le inzawma Swami-nathan Commission recom-mendations sukpuitling a nih tiin Patil chun a hril.

General Election hung um ding le inzawma thil thaw dan ding ngaituo din-gin kar thar sung hin MKM leaders han meeting nei an tih tiin Patil chun a hril. Nikum November thla khan Maharashtra Legis-lature chun sin lakna le educational institutions haia Marathas hai ta dinga seats 16% huol pekna ding bill a lo passed a, sawrkar thlungpui chun socially and educationally back-ward class in a lo puong ta bawk a nih. Hieng laizing hin Ma-harashtra-a Other Back-ward Class (OBC) hnam hai chun an quota hmang mek humna dingin As-sembly session \anni Thaw\anni hin rally nei an tum. State sawrkarin OBC category-a Marathas hai laklut tumna a nei dodalnaa rally hi nei an tum a nih.

Regional party han pawinawna lien tak an nei ding; BJP hung kir nawk tanaw nih: TRS MP

thiruvananthaPuram: Lok Sabha Election, 2019 hung um dinga hin re-gional parties han sawrkar siemna dinga pawimawna lientak nei an ta, BJP chu sawrkarna siem dingin hung kir nawk tanaw ni hai tiin TRS MP K. Kavitha chun a hril. Hi thu hi Inrinni-a Thiruvananthapuram Press Club-a ‘Meet the press’

programme-a interaction hunah Ms Kavitha in a hril a nih. Ms Kavita in a hril pei dan chun, BJP le Congress han hun\ha tam tak an lo hmangzo ta a, sienkhawm an thutiem hai sukpuitling an nei nawh. Hi lei hin tuhi federal front (regional par-ty hran hran hai pumkhata um) han sawrkarna an hung siem hun a nitah tiin a

hril. BJP le Congress hne-ban dingin an party chun regional party tum tum hai an rawnpui mek a nih tiin a hril. Ms Kavita hi TRS su-premo le Telangana Chief Minister K. Chandrasekhar Rao naunu a nih. Regional parties hai agenda innghatna chu BJP or Congress \hangruolpui lo ding ti a nih. Hieng party pahni hai hin hun \ha tam tak an lo hmang ta a, tu hi federal front in thlak-thlenga sawrkar an hung siem hun a nitah. Regional parties hai \hangruolna chu ‘third front’ ni loin ‘federal front’ ti lem ding a nih tiin Nizamabad Lok Sabha MP Ms Kavita chun a hril.

Kasargod JNV ah H1N1 an leng, cases 5 sukchieng tah

KaSarGod: Kerala-a Kasargod Jawahar No-vadaya Vidyalaya a chun Swine Flu (H1N1) natna hri an leng a, tuchena hin mi 5 hai chu H1N1 an invawi ngei ti sukchieng a nita a, ringhla mi 67 damnaw en-kawl mek an nih tiin district Medical Officer (DMO) AP Vinod Kumar chun a hril. Navodaya a hin stu-dents 570 vel an um a, residential school niin, students, teachers le non-teaching staff hai campus sunga hin an um vawng a nih. Naupang \henkhat Nin-gani khan an damnaw leiin enfel dingin Manipal hmu-na Virology lab-ah sample

thawn an ni a, Zirtawpni khan student 5 hai chu H1N1 an invawi ti suk-chiengin a hung um ta a nih. Hi le inzawm hin Health Department khaw-min school-a hin doctors team tirin campus sungah student damnaw hai an en-kawl mek an ni a, Pathienni khan chu case thar hmu a ni nawh. H1N1 symtoms hai chu khawsik, inkhul, pangna hai an nih. H1N1 hi airbone dis-ease a ni leiin inkhul le in-sim haia inkaisawng thei a ni bakah inchibai, inkuo, in-fawp, thil dawnna in\awm le puon sil\awm hai khawmin virus hi kaisawng thei niin DMO chun a hril.

Poppy chiengtu man

ahmedabad: Gujarat-a Patan district-ah Pathi-enni khan loneitu Jivanji Thakor chu inruithei Kani (Poppy) le Ganja (canna-bis) a ching leiin Patan Police-a Special Operations Group le Harij Police sta-tion team- han an man. Mr Thakor hi Piplana village-a Police team han an va man a ni a, a kuta in-thawk Ganja kg. 1,069 le Kani kg. 113, a rengin Rs. 70 lakh vel manhu ding an mansa bawk. Thakor hi ND & PS Act hnuoia man le case siem-khum a nih.

Kum 7 mi suolluiShahJahanPur: Uttar Pradesh a chun Pathienni khan pasal kum 22 mi Ra-hul Kashyap chun nuhmei kum 7 chau a suollui. Mr Kashyap hin Allah-ganj town a lo lai naupang hi \huoia a suollui a niin district SP (Rural) Subhash Shakya chun a hril. Naupang hin In a tlung hnungah a nu le pahai kuoma thil umdan a hril hnungin Police-ah com-plaint an pek a. Chu le inza-wmin mi suolluitua intum Kadhyap hi Police han an man. Naupang hi hospital-ah admit a nih.

Saudi Arabia US Ambasador Dingin Nuhmei Ruot A Nihriyadh: Journalist Jamal Khashogi thina thu leia Saudi Arabia hming a siet lai tak le US le an kar thu buoi lai takin, Saudi Arabia chun US-a an ambassador dingin nuhmei Princess Rima Bint Bandar a ruot tlat. Hi hin Crown Prince Mohammed bin Salman thuneina hrat zie a suklang niin Kingdom official thusuok chun a hril. Princess Rima hin Crown Prince Salman a sangpa Prince Khalid bin Salman, vice defence minister ni lai chu a thlak ding a nih, itin zanril laia Royal House thusuok chun a hril. Insawi danglamna hi khawvelin ni kum October-a journalist Jamal Khashoggi an Consulate-a a thina thua Saudi Arabia an inthiem nawa, US le an kar thu khawm a buoi lai taka tlung a nih a. Nuhmeiin thuhril le thil siem\hat nawk an thiem lem tia a ruot niin an lang. S a u d i A r a b i a c h u n Khashoggi thina thil kha an Consulate-a thil tlung, ‘thilthaw suol’ leia thina tuok angin an hril a. An consulate sunga thi a ni

leiin an mawphurna a nizie a puong bawk leiin US le an inlaichinna khawm a sukbuoi pha a. Princess Rima hin US sawrkara mi khir tak tak, dan siemtu Saudi Arabia chunga phuba la nuom zing le President Trump-in a \an leia hrem nuom zing hai mi tamtak a hmasuon ding a nih. US chun Khashoggi thina leiin Prince Salman chu hrem a nuom zing lai a nih. US-a Rice University’s Baker Institute-a Fellow Kristian Ulrichsen chun, “Princess Rima appointment hin, Khaoshoggi thina leia US le Saudi inlaichinna suksieta um siem\hat tumna a tarlang a, amiruokchu, Congress Demcrats hrat tak hnuoiah

a thei ding ti chu hril thei an nawh” tiin a hril. Princess Rima hi General Sports Authority-a thawk lai zing, women empowerment thu khekpuitu, sports ah khawm nuhmeihai an \hang ve ding a ni titu a nih a. Arab nuhmeihai ngirhmun khawm dawmkang le chawisang a \ul tia nasataka khekpuitu ve a nih. A pa khawm hun sawt tak US ambassador lo ni tah a nih. Princess Rima hin women empowerment nasatakin a khekpui laiin pasal inlalna ram Saudi Arabia ah chu a la harsa hle a. US le Western rambung, gender equality le women empowerment insangnaa sinthaw ding a nia iemani tak chu an ram ta dinga

entawn ding nei khawm an beisei a nih. Saudi Arabia, nuhmeihai e m p o w e r - n a d i n g t h u khekpuitu le human rights a c t i v i s t s h a i n a s a t a k a khuokhirna ram, nuhmeihai jail-a thun peitu ramin nuhmei ambassador a hung ruot hi chu danglam tak a nih. Prince Salman-in suk ‘modern’ a tumna chu dang ruol lovin a pfepui tho ding niin an lang,

tiin thlirtuhai chun an hril. Saudi Arabia-a Think-T a n k p a k h a t A r a b i a Foundation-a Ali Shihabi chun, “Princess Rima hi US a nuhmei ambassador hmasatak ding a la nih a. Saudi history ah khawm. Minister rank nina pek hin government le workforce ah nuhmei tamlem laklut ding ti thupui a sukpuitling pei a nih” tiin a hril.(Reuters)

Nigeria Election ah Mi 16 An Thi, Ballot Box Raw

laGoS: Nigeria rama inthlangna lientak la ni thei dinga hril, Presdential le Parliamentary election ah Inrinni khan buoina a suok leiin sate 8 ah mi 16 an thia a, ballot box tamtak rawsiet an nih tiin civil society organization inzawmkhawm pawlhai chun an hril. Africa khawmuolpuia rambung mihriem tamna tak Nigeria hi sawrkar thar a um beiseina leia election hi nei a nih a. Sawrkar ni lai khawmin la hrat nawk ngei a tum bawk. Democracy indiktak um ta rawse tia dit pawl han vote thlak dan enkaina The Situation Room an indin a. Chutaka chun state 8 a inthawka buoina ah mi 16 an thi tah ti an record. H i e n g l a i z i n g h i n kum danga election hai le khaikhin chun tu kum election-a buoina suok chu nep tak an tah tiin an hril a. Tu kuma buoina suokna san deuhai chu: vote thlak sukbuoi, a khawpui Lagos a political group haiin an hrat nawnaa an hriet ballot box le paper hai raw a nih deu tak.

P r e s i d e n t i a l l e Parliamentary election ding le inzawm hin October a inthawk khan buoina neu neu a lo tlung zing tah leiin Analyst SBM Intelligence-in a lo inchik dan chun, incident 67 ah mi 233 an hliem or thi tah niin a hril a. Ni tina mithi chu ni khatah 2 pei anga hisap a nih. Police hai hril dana thina langsar deu deu \henkhat chu Rivers state, Adoni area lai hmel hrietlo han local government a hotu pakhat candidate ve chu ama le a unaupa an kap hlum a. An pahni hin President Muhammadu Buhari pawl All Progressive Congress (APC) member an nih. Po l i ce thupuong tu Nnamdi Omoni chun, Okrika biela polling station ah chun hmelhrietlo misuol (hoodlum) pawl khatin voting material po po an lak hmang vawng niin a hril. Voter han vote an la thlak theina dingin police le INEC (Independent National Electoral Commission) hai chu a hmun fein an siem\ha nawk niin a hril. (AFP)

Hmasawnna Thar4 EntErtainmEnt / SportSthlavul (February) 25, 2019thaw|anni (monday)

sun ZAWMnA.......

Salma Hayek A Naunu Leh Milan Fashion Week ah

milan: Khwavela milarhai, model le designer hai tlan bumna fashion show laia a ropuitakhai laia mi pakhat Milan Fashion Week 2019 a \hang dingin Hollywood A-lister Mexican nunghak Salma Hayek (52) chu a naunu Valentina Paloma (11) leh \hang dingin an fe ve a. A naunu Valentina khawm a nunghak ve vang tah. Salma Hayek chu kum 52 a ni taa chu a la nunghak hle a. Bottega Veneta, Milan, Italy-a designer hran hranin an design hai en dingin a naunu Valentina leh an fe a. A dum vawngin an chei a. Zakuo ‘Sleek polo neck’ dum le ‘leather pencil skirt’ dum bawk bilin pheikhawk var insang lo chi a bun a. A sam intawmin tarmit dum bunin rangkachak thi infuol duomin zakuo chunga

inlang dingin a awr bawk a. A piengzie nalzie an lang thei vawnga chu a Bag chawi leather var Bottega Veneta Bag chun mi mit a lak lem tlat, asan chu, a bag chawi ringawt khawm hi Rs. 77, 500 vel man a nih. A naunu Valentina chu a nu naw ang takin zakuo le puonbil inkawp naupang zakuo ang chi sen duk ‘burgundy knit dress’ a ban tluon a hak a. Ama khawm Bottega Veneta design cross-body Bag var a paia, Rs. 63, 545 man a nih. Pheikhawk Gucci Trainer dum Rs. 53, 250 man a bun bawk a. A sam sen thal tawi talin a rangkachak nabe a dawk tat bawk. A nu nekin a pa Francois hmel a lak lem Salma Hayek a pasal Francois-Henri Pinault hi sumdawng hausa tawntaw fashion brand inlar tak Kering CEO a nih a. Fashion Week ah a fe vea chu Salma Hayek le an naunu ruol chun a lut nawh. Businessman a nina angin Blue Suit a haka, gentleman takin an chei dan pangngai angin an chei a, a lan tlangval ve hle. Salma Hayek le Francois hi 2006 khan an inhmu \an a, a kum nawk an inhuola a. September, 2007 khan Salma Hayek chun Valentina hi Los Angeles ah a nei tah a nih. Nau an nei hnungin 2009 Valentina’s Day khan Paris khawpui ah an innei a. An innei kum vek April-in Venice, Italy ah an innei \ha nawk a nih. Salma Hayek hin a pasal nauhai, nuhmei Mathilde Pinault (18) le pasal Augustin Evangelista (12) le Francois Pinault (21) hai khawm nau (hrawn) angin a umpui bawk. A pasal nuhmei hmasak le an nauhai an nih a. Tuchen hin inrem taka a nauhai ang vawngin a enkawl a nih.

Premier League:

Tottenham in Burnley hne lo; West Ham, Watford; Newcastle le crystal Palace an hratturF moor: Inrinni zan khan Burnley FC chun an home-ah title contender Tottenham an mikhuol a, Burnley FC chun Chris Wood le Ashley Barnes hai goal hmangin Tottenham 2-1 in an hne. First-half chenah goal a lut naw a, second-half min-ute 57 naah Chris Wood chun Burnley ta dinga goal hmasa tak thunin hma an \huoi a, sienkhawm Harry Kane in minute 65 naah Tot-tenham ta dinga goal hung thunin an goal bat a thungkir a. Amiruokchu minute 83 naah Ashley Barnes chun Burnley FC ta dinga hrat-

na goal a hung thun leiin inkhel tawp chenah Burnley FC chun Tottenham hi 2-1 in an hne ta a nih. Tottenham hin games 27-ah points 60 hmuin pathumna ni mek an ni a, title contender ni pei theina dinga match pawimaw takah

Burnley FC lakah an tlawm ta a nih. Inrinni zana Tottenham hin Burnley an hne zonaw lei hin manager Mauricio Pochettino chu a lungawi-naw hle a. “Tuhin chu title beisei theina ding chance a um ta naw a, hun \ha nasa

tak ei inhmang a nih’ tiin a hril. Burnley FC hin Inrinni zan hratna an chang leiin games 27-ah points 30 hmuin a 14-na in an \hang tah. Inrinni zan match dang haiah West Ham in an home-ah Fulham 3-1 in an hne a, Watford in a mikhuoltu Cardiff City 5-1 in an hne bakah Crystal Palace chun a mikhuoltu Leicester City 4-1 in an hne bawk a. New Castle chun an home-ah Hudders-field 2-0 in an hne a, Bour-nemouth chun Wolves 1-1 in an indrawpui bawk.

Spanish La Liga:

Barcelona in Sevilla 4-2 in an hne; Messi in hat-trick 50na ding a siemSeville: Sevila chun Inrinni zan khan an home Ramon Sanchez Pizjuan sta-dium-ah league hma\huoitu Barcelona an mikhuol a. A mikhuoltu Barcelona chun Lionel Messi hat-trick le Luis Suarez hai goal hman-gin 4-2 in an hne. Tuta \um hi Messi in hat-trick a siem vawi 50-na a ni tah. Goal hmasa Jesus Nevas chun Sevilla ta dinga goal thunin hma an hung \huoi a, Messi in minute 26 naah a hung thungkir nawk nghal a, sienkhawm Gabriel Mercado chun minute 42 naah Sevilla

ta dinga goal a hung thun leiin first-half chena chun Sevilla hin Barcelona 2-1 in an hne a. Second-half hnungah Barcelona chun hmathar lain beitpui an hung thlak a, min-

ute 65 le minute 85 na haiah Lionel Messi chun goal hung thunin hat-trick a siem bakah injury time minute 90+3 ah Luis Suarez chun goal a hung thun belsa bawk leiin inkhel tawp chenah Barcelo-

na hin 4-2 in Sevilla an hne ta a nih. Inrinni zana Barcelona in hratna an chang lei hin games 25-ah points 57 hmuin anni dawttu Atletico Madrid le an karah points 10 umin hma an \huoi ta a. Sevilla hin games 25-ah point 37 hmuin pangana an ni mek. Inrinni zan match dang haiah Getafe CF in Rayo Callecano 2-1 in an hne a, Ath. Bilbau in Eibar 1-0 in an hne bakah Alaves le Celta Vigo 0-0 in an indraw a, Es-panyol le Huesca 1-1 in an indraw bawk.

Bundesliga:

Bayern chun Hertha hnein Dormund an hnawtphak tah

muniCh: Bayern chun Inrinni zan khan an home Allianz Arena-ah Hertha an mikhuol a. Minutes 62 naah Javi Martinez goal hmangin Bayern chun Hertha 1-0 in an hne.

Bayern in hratna an chang le inzawm hin games 23 an khel ta haiah points 51 hmuin hma\huoitu Dort-mund an hnawtphak ta a, sienkhawm Dortmund ngirhmun chu an la hluolan

naw deu. Dortmund hin games 22 ah points 51 hmuin a chunghnung tak an ni mek a, zani zan khan Dortmund hin Bayern a mikhuol a, hratna an chang chun Bay-ern le an karah point a tla nawk met ding a nih. Inrinni zan match dang haiah Werder le VfB Stutt-gart 1-1 in an indraw a, SC Freiburg in Augsburg 5-1 in a hne a, Wolfsburg in Mon-chengladbach 3-0 in a hne a, Mainz in Schalke 3-0 in a hne bakah Fortuna in Nurn-berg 2-1 in a hne bawk.

Belinda Bencic in Kvitova hnein Dubai title a lak

dubai: Switzerland mi unseeded Belinda Bencic (21) chun Inrinni zan khan Dubai Duty Free Tennis Championship finals-ah second seed Petra Kvitova 6-3 1-6 6-2 a hnein Dubai title a lak. Tuta \uma Bencic in Kvitova a hne hi kar liemta sunga top 10 players a hne 4-na a nih. Kar hmasa khan Bencic hin round hmasa haiah Aryana Sabalenka, Simona Halep le Elina Svi-tolina hai a lo hne bawk a nih.

Eubank Jr in James DeGale point in a hne

london: IBO World Super-Middleweight cham-pion hlui Eubank Jr le IBF World Super-Middleweight Champion vawihni lo ni tah James DeGale hai chu Inrinni zan khan London khawpuia 02 Arena hmu-nah an inhnek a, Eubank Jr chun point in DeGale a hneban. Eubank Jnr (29) hin

round two naah DeGale (33) hi vawihni a hnek thluk a, round 10 naah vawikhat a hnek thluk bawk a, round 12 inhnek zo chenah Eu-bank Jnr hin 114-112, 115-112, 117-109 in DeGale hi a hneban a nih. DeGale hin Eubank a hne zonaw chun box-ing khel a chawlsan (re-tire) ta ding thu Eubank

le an inhnek hma khan a lo puong ta a. Sienkhawm an inhnek zo hin a retire ding le ding naw thu ruok chu iengkhawm hril a la nei nawh. Eubank le DeGale hai hi an inbei tawk angreng hle a, an mitko a pawp ve ve a, an lua an intetnaa in-sukhliem an ni ring a nih. Eubank chun a naupa

Eubank Jnr le DeGale an inhnek hma hin a naupa hi a hawphur pui hle a, Eu-bank Jnr hin a hnezo a lo ringnaw thu a lo hril nghe nghe a nih. Amiruokchu mak takin Eubank Jnr hin hratna a hung chang ta a nih.

Glenn Close (71)-in Indepen-dent Spirit Award A Lak

Santa moniCa: Film tieng mi thiem tak tak le critics iemani zat haiin Film Independent tia USD 20 million neka tam lo budget neia siem film hai ta ding bika Award the Independent Spirit Award 2019 chu The Wife changtunu Glenn Close (71) in a vawikhatna dingin Best Female Lead ah award a lak. ‘Fatal Attraction’ ‘The Big Chill’ le film dang dang tamtak lo inlarpui tah Glen Close hi a Uite Pip leh an hung a. Award a hang lak lai khawm stage-ah a kai ve pei a, mipui en le hril a hlaw hle a. A suknui tawl hrep bawk. Award a hang lak zo hin Glenn Close chun a film The Wife-a \hang ve bawk a naunu chungah lawmthu a hril a. A Uite Pip chu hi nia a ‘date’ niin Red Carpet khawm a hung hrawpui niin a hril. Red Carpet ah khawm Glenn Close hi purple suit zakuo inlar deu hakin a hung hmasa tak a nih a. A Uite Pip chu a date a nih. Variety Reporter-in “Iem a ta i Uite leh in hung a? Vawizan hin tuipui kama

chawl hmang ang a ni?” tiin fiemthu thutakin an dawn a. Glenn chun, “Aw, nih e. Ama ka hung \huoi a nih, ama naw midang \huoi ding ka nei nawh. Thu a awia, \ha takin um a tih ti khawm ka hriet. Lo enkawltu ding mi ka nei naw bawka a nih” tiin a dawn a. Reporter chun, “Award ceremony a \hang ding i nih a, iengkim fel taka thawna ah, Ui lo enkawltu ding maw i nei naw?” a la ti nawk pei a. Glenn khawmin, “AW, an um nawh. Kan pahnia um kan nih a, ka maksan chun iem a lo thaw ding ka hriet naw a. Ka hmu phak zinga um inhawi a tih. Kha hma khawm ka lo \huoi ta hlaka buoina a siem ngai nawh” tiin a Uite chu a hei koa, thuawi takin a ke kawlah a ngir ve ran el, thla an lak sung po chu. Stage ah award la dinga a hang fe khawmin Uite Pip hin a hriet ning a tih, lawmin a mei a zap lat lata stage ah an hang kai ve a. Mipuiin an hmu vawnga lawmin an innui nasa hle a. Glenn Close khawm Award dawngtu e ti lovin a Uite Pip leh an hlim hle. Independent Spirit Award hi kum tin Santa Monica, California ah Oscar hma charin nei hlak a nih. A cahng chu Oscar nekin nomination a nei tha lem hlak. Tu kum khawm Bes t Dei rec tor ah nuhmei an um naw lai independent Spirit Award ah chu pathum an um. Mak tak chu budget tlawm USD 4.5 million chauh senga siem ‘Get Out’ dam hin USD 255 million a lam suoka, hieng ang film budget tlawm sum hui lut rawnhai dam chawimawi an nih hlak. Award dawngtuhai hi critics, filmmakers, actors, fest ival programmers, past winners le nominees le board members han an thlang hlak.

Anglina Jolie Nauhai Leh New York City Fangnew yorK: Mi tamtak chu Km.1 neka hla inkhawm khawm ei pei naw lai le celebrity \henkhat chu Pathienni inkhawm an kai ve hlak laiin Pathienni zata nauhai leng suokpui hlak Angelina Jolie chu Los Angeles-a um zing a nia chu Pathienni khan New York City ah a nauhai pathum khawlai a lengpui. Kum 43-a upa Angelina Jolie chu New York-a Manhattan ah a dum vawnga incheiin a nau parukhai laia pahni, Pax (15) le Knox (10) hai \huoiin an bazara,

an thil zawng an hmu vat naw a hawi. Anachu, an invir le invak kuolna chu cameramen hai ta dinga malsawmna a lo nih. Jolie hin kekawr dum bunin Booth dum bawk khup chenin pheikhawk a bun a. Overcoat dum bawk hakin tarmit dum leh New York boruok dei tak kara chun an thil inchawk ding dit ding khawm an hmu mumal naw a hawi, an invak kuol an invak kuola, kum 10 Knox ta ding lem chun en nuom a tam hle. Tuta Angelina Jolie le

Knox hai fena hi a hma met khan a nauhai pathum, Shiloh (10) Zahara (14) le Vivienne (10) hai leh an lo fe tah a. Manhattan-a Skarstedt Gallery, Upper East Side-a um 1994 laia an bawl an fe a. Chu hmun bawk chu fe tum an hawi. Hi Gallery hi tulai tak tak Art le Culture thil an siekhawmna a nih. Angelina Jolie hin Brad Pitt leh nau pathum an nei a, Shiloh (12) le inphir Knox le Vivienne kum 10 ve ve hai an nih. Naulak pathum bawk an laka Maddox (17), Pax (15) le Sahara (14) hai an nih. An nupa hrilna dingin ‘Brangelina’ ti an niha, business tieng

chu Jolie-Pitt an ti ve thung. Jolie le Pitt hi 2005 khan Brad Pitt le Jennifer Aniston innei lai zing Mr & Mrs Smith an chang duna inthawkin an indit \an a. Jolie hin Jennifer chu thlakin an um kawp tah a. Kum tamtak an inzui hnungin le nau khawm an nei hnungin 2014 khan an inchawk \awm in ropui deu Chateau Miraval, South France ah an innei a. Kum hni vel hnung September 17, 2016 khan vuongna sungah Brad Pitt le Maddox an insukbuoi a, Jolie chun in\hena thu a hril nawk tah a nih. Court ah thubuoi an neia, an nauhai po Jolie nei (lak) vang a tum laiin Court-in a umpui chu an phala, a khata thuneina nei a remti nawh a. January 2017 khan an in\hena thu le nauhai hmakhuo ding chu anni pahni (private)-a sukfel dingin an ti leiin Court-in an thua inrel dingin a phalpek tah a nih. Ni kum August 2018 khan sum tieng a harsa deu amani ding annawleh Brad Pitt inchawitir reng reng a nuom lei, an nauhai enkawlna ding custody le maintenance a pek ding ang a pek ta nawh, tiin a hek thar a. Amiruokhu, ‘suonlam tling lo’ tiin Brad Pitt ukilin pawisa a pek zat le danhai a phawrlang hnungin an re nawk chauh a nih. Brad Pitt chun a nauhai enkawlna ding le Jolie-in in thar an umna ding an chawk \hangpuina dingin a rengin USD 1.3 billion (In man ding USD 8 million leh) a lo pek tah a nih ti lekhaa inthawkin hmu suok a nih.

Boeing 767 cargo Plane Mi 3 chuong Texas ah AccidenttexaS: Federal Aviation Administrat ion (FAA) hril dan chun, Atlas Air Inc hai hmang Boeing 767 Cargo plane pakhat, a khaltu mi 3 umna chu Inrinni zantieng khan Maimi a inthawka Houston pan, Houston George Bush Intercontinental Airport a inthawka Km.30 velah radar a thia, a tla thla (accident) tiin a hril. FAA thusuok hril dan chun, Boeing 767 Cargo Plane hi Anahuac kawla Trinity Bay an tina laia tla thla niin a hril a. Radio contact hrim hrim a um thei ta naw leiin Atlas Air Flight 3591 chu accident-in a puong tah a nih. Hi thil tlung suina chu The National Transportation Safety Board (NTSB) mawphurna ning a ta, thil umdan suizui an tih tiin a hril bawk. A sunga khaltu mi pathumhai chanchin chu iengkhawm a la hril nawh a. Tuolsung media hai chun an

rengin an thi vawng niin an hril. Police hai hri l dan khawmin a khaltu mi pathum hai hi dam suok an um ring a um nawh. Mita hmutu pakhat chun, vuongna ri hi a hung inring thuta, thawk le khatin an hem a lutieng hmasain a hung bir suk niin an hril. C h a m b e r s C o u n t y Sheriff Mr Brian Hawthorne chun, vuongna Boeing 767 hlek hai hi mel thum vela lien area-ah an dar vawng a, vunogna pum a hlek an hmu lientak chu fit 50 tiet vel niin a hril. Houston

Chronicle a hril dan chun, vuongna accident na lai vel hin mihriem taksa bung hlek khawm an hmu niin a hril. “Cardboard a inthawka b o x h a i l e n u h m e i thuomhnaw hai bakah taksa hlek le taksa bung (body parts) khawm hmu a nih” tiin a hril a. Vuongna sunga \awngbauhai record tu Black Box lak suokna ding khawmin a bir thlakna hi dum a ni leiin tui sung hmunhnawk laia mi chu lakdawk an tak hle ding niin a hril. A tlakna dum hi tui-hmunhnawk fit 5 vel inthuk a nih.

Hero I-League

Chennai City in Mohun Bagan an hneChennai: Pathienni zan khan hma\huoitu Chennai City chun Mo-hun Bagan a mikhuol a. Nesot Gordillo (8), San-dro Rodriguez (15) le Pe-dro Manzi (23) hai goal hmangin Chennai City chun Mohan Bagan 3-1 in a hne. Mohan Bagan ta dinga goal khat thuntu chu William Lalnunfela (37) a nih. Red Card hmu pakhat ve ve an um.

Chennai City chun hratna an chang lei hin games 18-ah points 40 hmutain point 7 in hma an \huoi tah. Mohan Bagan hin games 18-ah point 26 hmuin parukna an nih. Chun, Pathienni zan khan Indian Arrows in Real Kashmir a mikhuol a, a hratlem um loin 2-2 in an indraw. Real Kashmir hin games 17-ah point 33 hmuin pahnina an ni a, In-

dian Arrows hin games 19-ah point 18 hmuin 7-na an nih. Zani zan inkhel zo chenah East Bengal in games `16-ah points 32 hmuin pathumna an ni a, Churchill Brothers le NEROCA han games 18-ah points 31 le 26 hmuin palina le pangana an nih. February 25, 2019, 5PM hin East Bengal in Aizawl FC mikhuol a tih.

BJP sawrkarin ni 2-3 hnungah farmer Crore 2 velhai kuomah Rs. 2, 000 seng an account-a thunpek a tumna chu ‘bribes for votes’ a nih. Thil inzamumtak a na, a neka inzak la um nawk le pawi chu Election Commission of India (ECI) in a khap thei naw hi a nih, tiin vawituk khan Twitter ah a post. Zani khan PM Modi chun, sawrkar-kin Rs. 75, 000 Crore a sengna ding PM-KISAN chu Gorakhpur, Uttar Pradesh a inthawkin a hlen a. P. Chidambaram chun, “Vawisun hi ‘Cash for Vote’ \anna ni a nih. BJP sawrkar chun official takin losin-thawtu vaibelsie hnihai Rs. 2, 000 peiin an

vote an chawk ding a nih” tiin a tweet. Pu Chitambaram chun, “Pawisa hi farmer lokeituhai kutah lut a ta, ram neitu mi um lo kuom/hming ah lut bawk a tih. Democracy ah chu ‘Vote inchawk’ neka inzakpui um a um naw a, inzakpui la um nawk chu ECI in iengkhawm a thaw thei naw hi a nih” tiin a hril. PM-KISAN hi Manipur-a district hran hrana hai khawm zani khan hlen suok \an a nih. Tuta Parliament Interim Budget Ses-sion 2019020 ah khan Farmer crore 12 hai kuoma kum tin Rs.6, 000 pekna ding Bud-get Rs. 75, 000 crore a passed tah a nih. (DIPR/IE)

Chief Minister-in PM-KISAN State Level a hawng

MP-ah inphir \huoihmang hai a thisaa hmu an nihbhoPal: Madhya Pradesh-a Chitrakoot area-a chun Upper Kindergar-ten (UKG) inchuklai sum-dawngtu pakhat naupasal pahni hai chu February 12, 2019 khan school bus sunga inthawk silai le chuktuoin \huoihmang an ni a. |huoi-hmanga an um ni 11 hnung

February 21, 2019 khan Ut-tar Pradesh-a Banda district sunga Yamuna vadung ka-mah a thisaa hmu an nih. Naupang \huoihmang le a thisaa hmu hai chu kum 5 le a chave-a upa Shrey-ansh le Priyansh hai an nih. February 19, 2019 khan an pa Brijesh Rawat chu a nau-

hai intlansuokna dingin Rs. 20 lakh pe dingin an ngen a, suizui mek an ni laiin an ringa rekhlum saa hmu an nih. Hi thil tlung le inzawm hin mawphurtu taka intum hieng naupang pahni hai private tuition petu \hangin mi 5 man an nitah.