arise, shine (tho la eng rawh) greetings and messages from ... dop/mizoram-translation.pdf ·...
TRANSCRIPT
Arise, Shine (Tho la eng rawh)
Greetings and Messages from Joina Dhlula, President Baptist Women Union of Africa ( Chibai
bukna leh thuchah tawi Joina Dhlula, President Baptist Women Union of Africa atangin)
When we Arise Communites Are Transformed (Midangte tana kan en chhuah hian kan khawtlang
a lo siam thain khawtlangnuam kan lo neih theih phah a ni)
Krista a kan Baptist unau zawng zawngte in hnenah remna leh thlamuanna awm rawh se. Pathian
fate kan nihna anga khawvel hmun hrang hranga chengte kan intawngtai sak tawn thei hi kan vannei
hlein ka hria. Inngaitlawm tak leh tih tak zeta Pathian kan zawn chuan a awmpuina hi kan chang zel
dawn a ni, hei hi ka tawngtaina pawh a ni. Pathianin a hmeichhiate min kohna hi harsatna kawng
hrang hranga tawkte tana ding ngam turin min ko a ni. Tun kum 2017 a khawvel hmun hrang hranga
Baptist hmeichhiate tawngtaina ni tura program hi Africa rama Baptist hmeichhiate buatsaih a ni a
(Baptist Women’s Union of Africa). Tun kuma kan tawngtai hona a kan innghahna leh kan duhber
chu hmeichhiate Pathianin a min kohchhan ang taka Pathian hnathawh mak tak hmuthar lehtheuh
turin a ni. Lal Isua hi midangte rawngbawlsak leh enna pe turte leh danglamna kan mimal nunah leh
khawtlangah thlen turin a lo kal a ni. Chutiang bawkin, Pathian fate kan nihna angin Lal Isuan eng
tura min duh angin kan eng chhuak ve tur a ni. Pathian thuin a sawi angin “Chuvangin unaute u,
Pathian khawngaihnaah hian, inthawina nung leh thianghlim, Pathian lawm tlak atan in taksa chu in
hlanah ka ngen a che u; chu chu in rawngbawlna awm reng a ni si a”(Rom 12:1) “Mihring fapa hi mi
bote zawnga, chhandam tura lo kal a ni reng si a a ti a” (Luka 19:10).
Nun thlakthleng, danglamna tih awm zia tak tak chu, “Nun thara nun, nun danglam neih tihna a ni”.
Lal Isua Lal leh chhandamtua kan pawm hian Pathian fate a vuah kan lo ni ta a ni, chung mite chu
Pathianah nunthar neitute an lo ni ta a ni. Pathian rawngbawlpuitu tura nun danglam neitute an lo ni
ta a ni. Lal Isua-ah hian i awm reng ang u, Lal Isua kan nuna tarlan zel a nih theih nan leh thlarau
thianghlimin ti tura minduh anga huaisen taka penchhuak zel chung leh a thua inchawm zel chungin.
He nunthar, nunthlakthleng nun hi keimahniah chauh a tawp tur a ni lo bawk a ni. He nunthar,
nundanglam Lal Isua a kan neih hi kan chhuangkua-ah leh kawtlangah langchhuak theuh rawh se. Lal
Isua thlarau thianghlim awmpuina hi khawvel mamawh a ni. Heng zawng zawngah hian , Lal Isua zara
ka unau duhtakte i eng chhuak ang u. Kan lo enchhuah hian keimahni hmangin Pathianin kan
khawtlangah danglamna a thlen thin a ni.
Krista a in unau, Joina Dhlula, President of the BWUA (Africa rama Baptist hmeichhe President).
A Greeting from the Women’s Department President (Chibai bukna leh thuchah tawi Baptist
World Alliance women’s Department President hnen atangin)
Thil hrang hrang kan hma a lo awmte hi i hmachhawn ngam ang u, eng chhuak tura penchhuah hi
thil harsa lutuk a ni lo a ni hmeichhiate tan pawh hian, harsa lutukah i ngailo ang u. United Nation
(U.N) a mithiam zir mite chuan kum 2020 velah chuan hmeichhiate dinhmun chawikan anih a
dinhmun sangzawk a kan dah vethei anih chuan khawvel hian dollar maktaduai 28 laiin hlawkna a
neihphah dawn a ni an ti. Mahse, tuna kan dinhmun en hi chuan kum 140 vel kal kan la ngai dawn a
ni kan tumram thleng tur hi chuan.
Hmeichhiate dinhmun kan dahhniam em avang hian khawvel hian a thlen tur hmun hniha thena
hmumkhat chauh a la thlengthei niin a lang. Hmeichhiate chu enkawlna tha pek lohin a tamzawk
chu an lo thanglianin zirtirnatha an dawng lo a, pasal neia fate nei tur angah chauh beisei an ni thin.
Hei hi kohhrante leh kristiante tihdan tur a ni lo a ni, a bik takin Baptist hmeichhiate hi chuan Lal
Isuan heng kan tawrhna zawng zawng hi Kross-ah min hnehsak tawhin thlarau thianghlim hmangin
nunthar min pein beiseina nung min pe bawk a ni bible a kan hmuh ang hian, “Tisa a chak loh
avanga Danin a tih theih hauh loh chu Pathianin a rawn tita; mihring tisa sual ang puin a Fapa ngei
chu, sual thawi nan Pathianin a rawn tir a; tisaa sual awm chu thiamloh a chantir ta; tisa dana awm
tawh lo, thlarau dana awm tawhte, keimahniah hian Danin a phut chu hlena a awm theih nan”(Rom
8:3-4).
Nupui niha fate han neiha nu nih hi engmah a pawina a awm lo, bible in min hrilh angin inhmangaih
tawn tur Krista-ah chuan kan ni. Nu nihna hi malsawmna pakhat a ni a, Pathianin hmeichhiate hi tha
a tih em vangin a siam a. Pathian chuan kan theihna (talents) hrang hrangte hi hmangchhuak theuh
turin min duh a ni. Ringtute hi hmeichhia kan ni emaw ni lo emaw in dawhtawn tur kan ni biblein a
sawi angin “Krita tihtute in nih avangin intulut tawn rawh u. Nute pawhin Lalpa thu an awih angin
mahni pasalte thu an awih tur a ni” (Efesi 5:21), hetih lain hmeichhia tam tak hi tihduhdahna leh
hmusitna kawng hrang hrangin mipate lakah an tuar mek a. Vanduaithlak takin hmeichhia la
naupang lampang, tleirawlte hian an nute leh an pite leh an mahni rualpuite lak atangin tihduhdahna
kawng hrang hrangin an tuar fo thin a, inhnialnate pawh a chhuak fo thin bawk a ni. Heng zawng
zawng hi sual hnathawh keimahni a bettlat vang a ni. Hengte hian min phuarbet tlatin Pathianin a
talent thatak midangte tana malsawmna nitura kan hnena a dah hi kan hmangchhuak thei lo thin.
Hmeichhe tam zawkte hi an tawrhna an ngawihbo puiin hriatpui siloh hian harsa takin
nunkhawchhuahna kawng an lo zawh ve mek a ni. Lal Isua hi tuinung lui anih zia hi an hrethin lo a.
Chumi avang chuan khawvel ti eng chhuak turin an lo pen chhuak thei ta lo a ni. Lal Isua hi tuinung
lui chu a ni biblea kan hmuh anga Lal Isua leh Samari hmeichhia tuichhunchhuah bula an inbiak ang
khan (Johana 4).
Hei hi a ni tur a ni lo. Lal Isuan hmeichhiate hi min ko a eng chhuak tur leh khawtlang nuam siam
turin.Kristian, Lal Isua din kohhrante hian Lal Isuan ti tura min pek a chanve pawh hi kan la ti zo lo a
ni. Chumi avang chuan, hmeichhiate tihtur tam tak rawngbawlna-ah hian a awm a ni bible-a kan
hmuh anga hmeichhiaten Pathian ropuinan an talent-te an hmang angin. Heng hmeichhiate hi kan
sawilang tlem em em a, pulpit atang pawhin an rawngbawlna pawh hi kan fak tlem hle a chhan niber
awma lang chu kan dahhniam tlat vang a ni. Paula rawngbawlna a hmeichhe tangkai tak takte kha
han ngaihtuah nawn leh teh, foibi te, priski leh Akuila te rawngbawlnate kha bible a kan hmuh ang
khan (Rom 16). Zawlnei Debori tel lovin Isarel hoin hnehna an chang thei lo ang khan (Roreltute
4:4ff); Lidia tel lovin filipi kohhran a ding thei lo ang khan, Lal Isua nu Mari tel lovin Lal Isua a piang
thei lo, Samari hmeichhia avanga Samari ramah chanchintha a thleng angin. Pathianin hmeichhiate
hmangin khawltlang a tidanglam thei a ni.
How to Plan your Day of Prayer Celebrations (Hemi ni, tawngtainna ni hmanna tura lo inbuatsaih
lawk nan)
By Olivia B.Hill, Editor of the Organ of News, Baptist Women Union of Africa (Olivia B.Hill, Editor of
the Organ of News, Baptist Women Union of Africa hnen atangin)
How to conduct a Day of Prayer meeting (an example 90-120 minutes) (Engtiang anga hman tur
nge, entir nan, minutes 90-120 vel ni ta se)
Tho la eng rawh tih thupui mil lampang hla play theih ni se
Chibai bukna leh hemi ni kan hmanchhan tlangpui hruaitute atanga inhrilhfiah theih ni se
Chibai bukna Africa Baptist hmeichhe President hnen atangin chhiar ni se
Bible study ami kha chhiar ni se (Tin, a theih pheichhuan group hran te teah inthenin
sawihona-te neih theih ni se, tin sharing hunte hawn ni bawk se
Hmeichhe pahnihin Africa hmeichhe pahnih chanchin kan lo tarlan kha chhiar theih ni ta se.
Africa khawmualpui atanga tawngtaipui ngaite kha chhiar chhuah ni se tawngtaina neih ni
bawk ta se.
Tin, khawmualpui hrang hrang atanga tawngtaipui an ngaihna-te chhiar chhuah a
tawngtaipuina neih ni se. Tin, Baptist World Alliance women’s Department a kan hruaitute
tan tawngtaisakna neih ni bawk se. Hei hi chu a remchandan anga hruaituin lo siamrem ta
mai se.
Tin, thawhlawm khawnna neih ni se, hemi kan thawhlawm hmanna hrang hrangte
inhrilhfiahin tarlanna neih ni bawk se.
Malsawmna tawngtaina a khar ni ta se
2017 khawvel pumpui Baptist hmeichhiate tawngtainna ni hi Africa khawmualpuia Baptist
hmeichhiate buatsaih a ni a, kan tumber chu khawvel pumpui a Baptist hmeichhiate lungrual taka
tawngtaina a rawngbawlho hi a ni.
Tihtak zet leh theihtawp a inbuatsaihna nena he ni hi hmangho turin kan insawm duh a ni. Hengte
hian lo inbuatsaih lawk tum ta ila : -
November 6,2017 is our Day of prayer (Hemi ni kan tawngtaina ni atan hian). Hlawhtling taka kan
neih theih nan, kohhran tin ten tawngtai group (Day of prayer team) member pali nga vel lo ruat ta
se, chung groupte chuan hma lo lak ni ta se. Hemi ni hlawhtling taka hman anih theihna turin
ruahmanna lo neih lawk ni ta se. Tin, hemi ni a hlawhtlinnan a inbuatsaih nan hemi ni thlenhma thlali
chhung hi chu tawngtaina-ah lo hriat thin ni bawk se.
Hetiang hian ruahmanna siam ni ta se:-
July 2017: Prayer group kan ruatte khan he rawngbawlna an koah a awm tih hriain hemi ni atana an
inbuatsaihna a hlawhtlin theih nan tawngtaina neih ni ta se. He ni pawimawh zia inzirtirna neih ni
bawk se.
August 2017: Tawngtai pawl (Prayer group) kan ruatte khan khawmualpui hrang hrang a cheng kan
kristian Baptist unauten he ni hlawhtling taka an hman theih nan tawngtaipuina neih tura thawh thin
ni se.
September 2017: Tin, he hunah hian kohhran hrang hrangte he ni a mahni ngei kala tel ve a
pawimawh zia inhriattir ni bawk se.
Ruahmanna (Hemi ni atan hian hengte hi tihtheih ni ta se) :
Sawmna siam nithei se
Tin, hmeichhia naupang lampang, thleirawl te, tar chaklo tak tak te pawh hemi ni hmang
ngei tura sawm nithei se. A tamthei ang ber kal tura insawm nithei se.
Tin, phone hmang te leh Whatsupp message hmang te a thiante pawh he ni hmang ve ngei
tura insawm uar tura inhrilhhriat nithei se.
Tin, sawmna thu hemi ni atan hian mawi taka chei thawn chhuah nithei se a remchan chuan.
Tin, a remchan phei chuan ‘Tho la, eng rawh’ tih T-Shirts lampangte siam theih ni se,
chungte chu hralhchhuah theih tura buatsaih ni ta se.
Tin, mimal tinte leh group hrang hrangte he ni hi theihnghilh lo tura inhrilhhriat nawn nithei
se.
Tin, a theih pheichhuan Media leh Radio hmangte a inhrilhhriat theih ni se.
October 2017: Hemi ni atan hian lo inbuatsaih lawkna neih nithei se, hengah te hian:
Cheimawina lampang (Decorations): Hmeichhiate hian thil cheimawina lampang hi kan
ngaina em em a chuvang chuan tawngtaina room-te pawh mawi taka chei nithei se.
Tawngtai room tur kha hmun sarihah thenhrang ila, chung room hrang hrangte chu khawmualpui
pasarihah vuah ta ila, chungte chu balloon rawng hrang hrangtein cheithei ta ila hetiang hian: –
Africa chu – nawinawk rawng (Royal purple)
Asia chu – A pawleng lampang in (Light Blue)
Caribbean chu – a hringin (green)
Europe chu – A pawldukin (dark blue)
Latin America chu – a engin (yellow)
North America chu – Serthlum rawngin (orange)
South West Pacific chu – a senin (Red)
Tin, dawhkan room hrang hrangah khan an colour theuh a khuh dah theih ni ta se, dawhkan chungah
Bible dah theuh ni bawk se.
Tin, a theih phei chuan kan T-Shirts rawng hrang hrang kan siamte kan hak theih phei chuan a room
rawng ang zelin room hrang hrangah khan awm theih ila.
Tin, hemi ni a kan bible changthlan Rom 12:2 “Tun lai khawvel awm dan ang hian awm suh u la,
Pathian duhzawng, tha leh lawm tlak leh that famkim chu , in hriatthiam theih nan” tih hi lian taka
ziak dah theih ni bawk se. Tin, music-te play theih ni bawk se.
Offering (Thilpek chung chang) : Hemi ni a kan thawhlawm tlingkhawm hi keimahni ram theuh
kohhran hmeichhiate inrelbawlna bakah Baptist World Alliance Women’s Department in
rawngbawlna hrang hrang a neihna a hman tura ruahman thin a ni. Hemi ni a kan thawhlawm
thlingkhawm hian hmeichhiate rawngbawlna kawng hrang hrangin a puih thinin a pawimawh hle a
ni.
Heng kan thawhlawm, hemi ni a tlingkhawm theuhte hmang hian rawng kan bawl thei a ni. Kan pek
tam lehzual theih nana malsawmna neithei theuh turin tan ila ang u.
Distribution of the Day of Prayer Offering (Hemi ni a kan thawhlawm tlingkhawmte kan hmanna
tlangpui te):
Za a sawmnga (50%) hi Baptist World Alliance Women’s Department in hemi ni atana kan
inbuatsaihna hrang hrang atana hman thin a ni. Tin, hruaitute thil tul hrang hrang avanga
inhmuhkhawmna (leadership conference) mamawh atan mai bakah mi harsate tanpui nan leh hemi
Baptist World Alliance Women’s Department website kan neih-te hmanga chanchin hrang hrang kan
inhriattirna mamawh leh senso atan hman thin a ni.
Tin, za a sawmnga (50%) dang leh chu heng a tante hian hman thin a ni.
Keimahni ram bik Baptist hmeichhia te inrelbawl nan leh mamawh atan hman thin a ni.
Tin, keimahni bik he ni kan inbuatsaihna atan leh hmeichhiate rawngbawlna hrang hrang
keimahni ram bik mamawh atan hman thin a ni
Kan lo chhinchhiah atan, he mi Baptist World Alliance Women’s Department hi mahni inpekna,
hlawh hran neilo (Volunteers) anga thawh a ni a. Executive Director leh part time bookkeeper chauh
hi hlawh nei anga kan chhawr chu a ni. Heng nihna pahnihte hi chu regular anga thawk an ni. Mimal
tinte leh group hrang hrangte tawngtaina nena Baptist World Alliance Women’s Dapartment
Executive Director hi theihtawpa lo tanpui tur leh hemi hlawh atana fund, an chhawrna tur hlawh
kan neih theih zelna tura minlo tawngtaipui turin ka insawm theuh duh bawk a ni.
How to enhance your World Day of Prayer experience (Engtin nge tun aia hma kan lo sawn theih
zawk ang)
He ni hi kawng hrang hrang a hmandan a awm thei a, nileng emaw, chawhma leh chawhnu chauhah
te kan remchandan anga zir zelin, a engpawh hi atha vek a ni Lal Isua hminga khawvel hmun hrang
hranga Baptist hmeichhiate tawngtai tura kan kal khawm hi chuan. Hemi ni hmang tura kan
inbuatsaih hian, hemi ni hi ka tan chuan experience tha tak a ni tiin ngai la, i nunah engthu nge a
sawi he ni kan hman hian tiin inbuatsaih rawh. He ni hian kawng hrang hrangin khawvel hmun hrang
hranga cheng hmeichhiate kan tawngtai hona hmang hian inpawhna tha tak a siamthei a ni.
Hemi ni, khawvel hmun hrang hranga cheng Baptist hmeichhiaten kan hman hi malsawmna pakhat
kan chan ho theih chu a ni. Thil pahnih pawimawh tak tak he ni hian a keng tela chu chu – Tawngtai
leh Thilpek hi a ni. Tawngtaina hi kan taksa a thisenzam ang maia nunna min petu thil pawimawhtak
pakhat ringtute tan chuan a ni. Tawngtaina hian beiseina min pein, min kaihruaiin thlamuanna min
pe thei a ni. Khawvel hmun hrang hranga cheng Baptist hmeichhiate tawngtaina hian kan inunauna a
tinghet leh zual a ni, he tawngtaina lo hi chuan thil hi a famkim tak tak thei lo a ni, thil ropui tak tak
pawh hi heng tawngtaina atang hian a lo thleng thei a ni.
Tin, thilpek he nia kan pek thin hi rawngbawlna pawimawh tak pakhat a ni, hemi nia kan thawhlawm
thlingkhawm hian rawngbawlna kawng hrang hrangah keimahni tualchhung leh kohhran theuhte
mai bakah khawvel huap anga Baptist hmeichhiate rawngbawlna a puih nasa hle a ni. Kan unau
mamawh zawkte kan tanpui hian kan inzawmna a lo thukin Pathian ram kawng hrang hrangin mite
hnenah kan puangchhuakin kan tilang thei a ni. Unau vek kan niang hian intanpuitawn tur kan ni.
(Tin, ‘tawngtaina leh fakna’ hun a awm leh a, hei hi BWA Women’s Dapartment facebook page –ah a
hmuhtheih a. Hei hi darker 24 hun chhunga tana tih a ni a November 5 Sunday zanlai atanga tih niin
November 6 zanlai thleng tura buatsaih a ni a. Tin, hmun hrang hranga an hman dante mai bakah
music mawi tak tak te leh, testimony te leh thuchah tha tak tak te a hmuhtheih dawn a ni.)
Bible Study 1 ‘Arise and Shine’
When you Arise, He transforms lives by R.A. Late Ju ( I lo en chhuah hian nangmah hmangin
Pathianin mite nunah thu a sawi thin a ni tih thupui hmangin R.A Lateju hnen atangin, Rev R.A
Lateju hi Executive Director Baptist Women’s Missionary Union of Nigeria a ni)
Johana 4:39-42 “Hmeichhiain, ‘ka thiltih apiang min hrilh thei vek’, a tih avang khan chumi khuaa
Samari mi tam takin Isua an ring ta a. Samari mite Isua hnen an lo thlen chuan an hnenah cham
turin an ngen a, chu khuaah chuan ni hnih a cham ta a. A thu an hriat chuan mi dang tam tak
pawhin an ring ta a. Tin, hmeichhe hneah chuan, ‘tunah zawng i thu sawi avanga ring kan ni ta lo,
keimahni ngeiin a thusawi kan hria a, he mi hi khawvel chhandamtu a ni ngei tih kan hre ta.....’, an
ti a
Introduction (Thu hma):
Kan nun Lal Isua hmanga tihdanglama a lo awmna hi kan khawtlang nun siamthatna tura hmanraw
pawimawh tak pakhat a ni. Paula chuan Rom khuaa kristian ho hnenah chuan he khawvel dan anga
awm lo`turin leh an rilru ngaihtuahnate leh an taksate chu Pathian lawm zawng anga awm turin a
hrilh a ni (Rom 12:2), chutianga Pathian lawmtlak a awm tur leh eng chhuak turin a chah a ni.
Lal Isuan hmeichhiate nunah thu a sawi nasain danglamna nasa tak a thlen a, Samari hmeichhia nena
tuichawina hmuna an inhmuh pawh hian danglamna nasa tak he hmeichhe nunah hian a thlen a ni
(Johnna 4). Nun khawhartak leh beidawng taka a lo hmanthinna kha Lal Isuan thlak sakin nunthar
pein beiseinanung a peta zawk a ni. Chutiang danglamna nasa tak a nuna thleng chuan thawhchhuah
tiring Lal Isua chanchintha thu a tlangaupui ta zawk a (Johana 4:29). Lal Isua chanchintha thu a
tlangaupui angin Samari khuaa mi tam takin Lal Isua chanchin hriat chakin an lo kalin he hmeichhia
ang bawkin an nunah danglamna awmin Lal Isua an ring ve ta a ni. He tihian an sawi nghe nghe a, “I
sawi avanga ring ringawt kan ni ta lo, amah chu kan mit ngeiin kan hmuin a thu kan ringta a ni tiin”
(Johana 4:39-42)
Lessons from the Samaritan Women’s story (He hmeichhia atang hian zir tur tam tak kan neihte):
Lal Isua nen an inhmuh atang khan a nunah danglamna nasa tak a thleng nghal a. Lal Isua
hnen atang lo hi chuan danglamna nun a char theih loh a ni. He Samari hmeichhia pawh hi
Lal Isua nena an inkawm atang chauhin a ni nunthar danglam a neih hi. Lal Isua nen hian
intawhna tak tak innei tawh em?, i nei lo anih chuan i eng chhuak thei dawn lo a ni, a hnaih
laiin Lal Isua chu pan la hmuh awla a awmlai hian pan rawh.
Pathianin kan zawhna tam takte he hmeichhia ang hian min chhansak thin (Johana 4:11-15).
Hetah pawh hian Lal Isua chhannate hian hmeichhia hi a tibuai ve deuh niin alang. Chutiang
bawk chuan kan zawhna tam tak hi a chhanna Pathian thu hmangten kan hmu thei a ni
Pathian tanpuina kan dil chuan. Paula pawhin Timothea hnenah khan bible-te zirngun a
hnathawktu tha niturin a fuih a nih kha (2 Timothea 2:15). Pathian thu hi eng ang taka
hrechiang leh bel nge inih le?. Engtia tam nge bible thu hmangte a i zawhnate chhanna hmu
tura i lo beih ve thin le?
Pathian kan nun tidanglamtu a hman: He Samari hmeichhiain Lal Isua chanchin hriatbelh zel
a duh ang khan, Beria an Pathian thu hriatbelh zel a duh angte (Tirhkohte 17:10-12), he
hmeichhia pawh hian tih tak zetin Pathian thu a ngaithlain a zir bawk a, mi thianghlim anga
awm loin a sualnate puangin rinna Pathianah a nghat tlat a ni. Engtia rei nge i sual i lo
zepruk tawh a, chu chu Pathian hmaah i thupthei em?, mahse chu chu a theih loh, Pathianin
engkim hi a hre vek a, chumi tifai turin Lal Isua pan la, chaknathar, siamtharna leh damna
famkim chang turin. Lal Isua hi nangmah tanpui turin a inpeih reng a ni.
Chatuan hremhmuna kal turte hnenah chhandam nihna thu min hriattir a. He Samari
hmeichhia pawh hi he chhandamna nunthar nun danglam a neih avang hian a hlim em em a
Lal Isua thu hi tlangaupuiin midangte Lal Isua hnenah a hruailut ve a ni. Mi tam takin a thu an
ngaithlain a nunna thilmak leh danglam tak thleng chu an hmu a ni. Lal Isua chanchintha thu
hi i puangchhuak ang u. Zirtirte thuah chuan, “A thu an hriat loha hrilh anih loh chuan engtin
nge an rintheih tehlul ang. Rinna hi hriatna atanga lo awm a ni” (Rom 10:14-17,NIV).
Midangte chhandamna thu hrilh tura chhandam i ni, Lal Isua chanchintha hi puangchhuak
rawh midangte hnenah. Lal Isua hi nangmah kal tlangin lo eng chhuak se midangten Lal Isua
chu nangmahah a awm a ni tih hre rawh se.
Chhandam inih atangin ringlotu eng zat hnenah nge Lal Isua chanchintha thu hi i
puanchhuah tawh le. Tun hunah khan Lal Isua chanchintha thu hi pakhat tal hriatir tum
rawh. I nun atang khan mi eng zatin nge Lal Isua hi hmuh an chak ve le? Tho la eng chhuak
rawh le.
Nun danglam tura en chhuah: Lal Isua ringtute hi eng ang kan ni, khawvel eng kan ni.
Hmeichiate hi Pathianin eng chhuak turin min duh a. Lal Isua Lal leh chhandamtua kan lo
pawm atang khan Lal Isua zarah enna kan lo neita a, nangmah hmangin miten Lal Isua an
hmu thei a ni. Lal Isuan nangmah hmanga enna pekchhuah aduh a ni. Lal Isuan Samari
hmeichhia hmangin mi tam tak a hnenah a hruai a nih kha. A thu hretu rinawm nge rin awm
loh nih i duh zawk?. Midangte tanpuitu nih nge nih loh i duh zawk. I engte i pekchhuah loh
chuan Lal Isua zuitu rinawm i ni thei lo ang.
Some Concrete Ways to Shine for Christ (Kawng hrang hrangte a Lal Isua tana kan en chhuahna
turte):
Lal Isua a chhandamna i lo neih atang khan i lo eng chhuak ta a, tichuan miten nangmahah Lal Isua
an hmuthei ta a ni. Lal Isua hnenah kal ila tihdanglamin i awm ang u. Hengte hi kan en dan tur kawng
hrang hrangte chu a ni.
Pathian that zia hriat tum rawh. Lal Isua hnathawh puitu nih tum rawh (Rom 10:14-17).
Pathian hmangngaihna thu leh a ropuina nangmaha lang kha puangchhuak rawh. Khawvel hi
Lal Isua hnathawh leh a hmangngaihna hriat tir rawh.
I nuna harsatna lo thleng thinte kha nangmah tichak tuah ngai rawh. Harsatna kan nuna lo
thlengthin hi huaisen takin hmachhawn ngam rawh (Rom 8:26-28; filipi 4:4-7). I harsatnaah
khan tawp tum loin Pathian ring chungin hmachhawn ngam rawh.
Tawngtai chungin Pathianah awm reng rawh. A hunah pawh hun loah pawh tawngtai rawh.
Tawngtaina hian harsatna karah pawh thlarau thianghlim awmpuina leh tanpuina a pe dawn
che a ni (kolossa 4:2-4).
Midangte thlamuantu leh chakna petu nih tum rawh, entawntlak niturin hma la rawh (Rom
2:21-24).
Lal Isua chanchintha hrilhdarh anih theih nan harsatna pawh tuar huam rawh. I huntha kha
chanchintha hrilh nan hmang rawh (Kolossa 4:5-6).
I chunga thil thalo titute chu ngaidamin Pathianah awm reng rawh (Kolossa 3:13).
Lal Isua i Lalpa thu ang zelin awm rawh (Kolossa 3:22-25)
Midangte tanpuitu nih tum rawh. Lal Isuan min hmangaih angin midangte hmangaihtu nih
tum rawh (Rom 5:8; Kolossa 3:23-25).
Midangte fuihtu nih tum rawh (1Timothea 4:12)
Lal Isua chanchintha hrilhin midangte chaknathar pek tum rawh (Rom 19:14-17)
Pathian thu anga awma fimkhur taka awm chung zelin (2 Korinth 10:6)
Lal Isuan min hmangaih anga hmangaih vein leh tihtak zeta a rawngbawl chungin
(Deuteronomy 6:5-9; Rom 6:16-18)
Pathian hriatna lamah leh rinna a hmasawn chung zelin, Pathian thu ngun taka zira
ngaihtuah chungin, nitin Pathian nena awmdun zelin (Kolossa 3:16)
In tlansiaknatha bei chungin Pathian duhzawngin i awm ang u (filipi 1:21)
Midangte ngaichang chung zelin (Hebrai 13:1-3)
Conclusion (Thu tlangkawmna):
Lal Isuan he tihian a sawia, “Khawvel eng inni...In eng chu mi mithmuhah eng chhuak rawh se,
tichuan inpa van ami in lo chawimawi theihnnan” (Mathaia 5:14-16,NIV). Engin kan kalna turte min
hmuhfiahtir angin Lal Isua eng hian danglamna kan thiante bulah, chhungte hnenah kan hnathawhna
hmunahte leh kan khawtlangah a thlen thei a ni.
Stories from Africa (Africa rama mi pakhat chanchin)
Thu Tlangpui: I prayed that my faith would not fail in face of trouble (Harsatna ka tawhte hian ka
rinna min ti chaklo lo turin Pathian hnenah tawngtaiin ka dil a)
Esther Sandra Grant hi Umadzi WA Amayi Malawi Africa khawchhak lam laili taka mi a ni a, a
chanchin kaltlang hian Baptist hmeichhiaten kan harstana karah pawh kan rinna hloh lo turin minfiah
a duh a ni.
Hmeichhe pasal sun tawh ka ni a. Ka pasal chuan lung natna avangin 11 October, 2007 khan min
boralsan tawh a. Ka tanchuan tawrh a harsa em em mai a, ka khawvel hi atawp ni maiin ka hria. Fa
panga kan nei a, palite chu USA a company pakhat a thawktu mi 105 in a school an dinah an kal a. Ka
pasal thihhnu chuan nun hi harsa hlein ka hria. Pathian hnenah nasa takin ka tawngtai a chung
harsatna leh lungngaihna ka tawh zawng zawnga min kalsan lo turin.
Ka pasal thita chu Stuart M.Grant niin English mi Malawia awm thin a ni. Lunglam harsatna nei a ni
tih chu a hma daih pawhin kan pahnih chuan kan hre tawh a ni. Doctorin a sawidan chuan ka pasal
Stuarta chu zai vat ngaiin a sawi a, mahse chu pawh chu South Africa hmunah chuan an tih theih loh
tur thu min hrilh a, tin a zai nan pawisa tam tak agai dawn a ni tih minhrilh bawk a. Ka pasal Stuart-a
chuan doctor hnenah chuan ka upa tawh a kum 70 lai ka tling tawh a in zai nan chutiang pawisa zozai
chu ngaihtuah leh hman a tum loh thu a sawi a. Kei leh a fate tan chuan chung zawng zawng kan
tana a inhuamna chu tawrh a har hle mai a bik takin a fate a hmangaihna leh an zirlai zirzo zawk tura
a duhna chu. Doctor chuan ka pasal hnenah chuan kar thum chauh a dam dawn a ni an zai loh chuan
tih a hrilh nge nge a. Mahse, ka pasal chu Lal Isua ringtu nghet tak a nih avangin thih kha a hlau lo
reng reng a. A thih hma chuan thil chinfel ngai nia a hriatte chingfel vein 11th October’2007 khan ka
kut vuan reng chungin mal minsawm chung leh khawvel a chhuahsan dawn ta tia sawi chungin min
kalsan ta a ni. Chumilai chuan keipawh chuan ka khawvel hi tawpta angah ka ngaia. Mahse, mak tak
main Pathian khawngaihna leh awmpuina ka chang hle a ni.
Ka tihhmasak ber chu Stuarta Pasal atan min pek avangin lawmthu Pathian hnenah sawiin, aman a la
let leh ta a ni ka ti a, ka rinna chu a thi lo ang tiin ka tawngtai bawk a. Mi tam tak a vuinaah chuan an
lo kal a, a tamzawkte chu lusunna tak tak leh a nat zia hrethiam lote pawh an ni. Thenkhatte chuan
ka hlimna chu tawpah an ngaia, mahse Pathianah rinna ka nei tlat a ni tih an hre lo a ni. Thian pakhat
chuan ka pasal Stuarta thihna chu channa nasa takah a ruata mahse thenkhat chuan he thihna hian
mite thinlungah thu nasa takin a sawi zel dawn a ni tih an sawi bawk a. Chung zawng zawng karah
chuan Pathianin ka rinna ti chakin chakna thar min siamsak a ni. Pathian hmangaihna tih en chuah
tirtu ni ve turin chaknathar Pathianin min pe a ni.
Tunhma zawng aiin ka rinna chu chak zawkin ka hria. Pathianin ka tawrhna atangin hmeichiate
tlamuanpui turin min siam a ni. Tunah chuan, Umodzi Wa Amayi National Committee Executive niin,
Central East Region Umodzi Wa Amai-ah treasurer ka ni bawk a, He mi ni khawvel pumpui
hmeichhiate tawngtaina ni (Women’s Day of Prayer) Executive Committee member niin, Rinna a
hmeihhiate (Women in Faith) tih pawlah Executive member ka ni bawk a, Remna siamtute (a peace
building network) tih pawlah te khawtlang thatna lampang ngaihtuah tu pawl (Public Affairs
Committee)–ah te committee member ka ni bawk a ni. Ka hmeithai puite chakna thar nei turin ka
fuih bawk a, hna ropui tak thawk vein ka ingai theih ta a ni. Tin, kan Primary School MaCkenzie
Village a mi pawh a thachho zel a ni.
Ka rinna ka vawngnung rengin ka hnathawhna-ah pawh hlawhtlinna ka chang zel a ni. Ka fapate
pahnih pawh an zirnaah hlawhtlingin an zo ve tawh a, sumdawnna lampang an buaipui mek a ni.
Pathian khawngaihna zarah ka fate pali chuan University atangin an zirlaite an zo ve tawh a, ka fa
naupang ber pawh tunkumah engineering degree a hmu ve tawh dawn a ni.
Ka Baptist unau puite harsatna karah pawh tawngtai fan fan turin ka sawm duh che u a, hlau loin
penchhuak la Lal Isuan a awmpui zel dawn che a ni tih ring chungin a ram a lo zau zel theih nan (Luka
22:24-32).
Stories from Africa (Chanchin dang pakhat Africa ram atang bawkin):
Thu tlangpui: Transforming through those faithful in small things (Thil hote atanga rinawmna nena
nunthar neih)
Ka hming chu Gazani Thipe a ni a, Sebina Botswana rama awm ka ni a. Kum 2001 khan Lal Isua hi Lal
leh chhandamtu-ah ka lo pawm ve a. Tent of Hope Ministry (Beiseina puanin) tih pawl hote, Brazila
miten Crusade an lo neihna atanga piangthar ka ni. Othilia, la naupang tak tleirawlte hi kan inah lo
kalin Crusade a kal ve turin min sawm a. Tichuan, chumi tlai chuan Crusade chu ka va chhim ve ta a,
speaker, thu sawitu thusawi chuan min hneh em em mai a, thlamuana maktak mai neiin Pathian thu
hriatchak lehzualna ka lo neita a ni.
Chumi Crusade chhung chu beiseina puanin team (Tent of hope ministry) te chuan Pathian thu an
hrilh mai bakah thil hrang hrang zirtirna-te an nei bawk a, Puanthuite leh thil thuiparte leh ei tur
siamdante, bible study te an neihpui bawk a. Nitin chu Crusade chu ka chhim ve ziah ta mai a,
thildang tih aiin pathian thu ngaihthlak chu ka thlang thin a. Tichuan, Sebina a Baptist kohhran a lo
din pawhin member hmasaber ka lo ni ta a ni. Kum 2002-ah khan Baptisma ka chang nghe nghe a.
Kohhran ho chuan room pakhat Pathian biak nan leh inkawmkhawm nan thingtlang tihthan nana
thawktu pawl hoin committee-na tur in an luahna hmunah chuan kan luan ve a, he pawl hming hi
Village Development Committee houses an ti. Mahse, hun a lo kal zela kan room luah man pekturte
kan lo neita lo a chumi avang chuan a hnu lawkah member tam zawkte chuan kohhran chu an
chhuahsan ta mai a, tlemte chauh kan lo awm ta a ni.
Chumi hnu chuan hmeichhia pawh pathum chauh inkhawm tura kal kan lo ni ta mai a. Ka in chu
kohhranhote inkawmkhawm nan leh Pathian biak nan hmang turin ka thawh a. Pastor pawh awm
loin keiman a tirah chuan ka kaihruai mai a. Tichuan, kum 2004 khan Brazilian Mission-te chuan
Sebina-ah kohhran an lo din ta a. Chutih hunlai chuan mipa pahnih kohhran min enkawpui tur ka
neia, Groitseone leh Logan-te an ni. Zirlai anih avangin School chawlhlai chauhin min puih thei a.
Logana min puihtu pakhat zawk chu thu hriltu hlawhtling takah a lo chhuak ta a, lawmawm ka ti
takzet a ni. Logan a chu 25th June’2016 khan Sebina Baptist kohhran pastor atan nemngheh a ni nghe
nghe a ni. Kohhran pawh chu member 50 laiin a lo thang ta mai a. Pathian hnathawh ropui hengte
avanga ka hmuh theih avang hian Pathian hnenah lawmthu ka sawi bawk a ni, ka theih tawpa tan laa
hmalak zel ka tum a ni.
Pathian chu a thutiamah a rinawmin hmeichhiate rawngbawlna pawh mal a sawm zel a ni. Harsatna
karah pawh chhel taka thawk zel turin i infuih tawn theuh ang u. Lalpa chu fakin awm rawh se a thu
tiamah a rinawm si a.
Day of Prayer Projects 2017: Emphasis Africa (2017 hma chhawp hrang hrangte, Africa ram atangin
lo thlir hota i la)
1. Project Name (Hma chhawp hming): Thingtlang lama hmeichhiate hmasawnna pek
Country (khaw hming): Liberia
Organisation (Pawl hming): F.C Barnes Industrial, Academy of the Liberia Baptist WMU
Person responsible (Hma latu hming): Olivia B. Hill
He hmalaknain a tum ber chu Liberia khawthlang lampang a hmeichhe naupang, tleirawl-te
tanpuina pek a ni, a bik takin Bomi a chengte leh Montserrado thingtlang a chengte tan. He
hma lakna hian zirna lamah hmasawnna pek bakah hriselnatha pek a tum bawk a.
Thingtlanga cheng hmeichhiate inchhungkhur vawn dante leh thlaichin dante he hmalakna
hmang hian zirtirna pek a ni bawk a ni.
Tun hnaia kan hmuhchuah dan chuan za a 68 (68%) hmeichhiate an school kalna tihtawp
sakin an chhungte puih tura tih an ni tih hi. Hmeichhe tam takte chu hmeichhe fel tak leh nu
fel tak inchhungkhur enkawl tur ringawt a zirtir a ni a. Tin, hmeichhe tam tak chu
naupangtein pasal an neihtir thin.
Thawh tur chu hmun hnih angin a awm theih ang he hmunah hian:
Hmeichhe naupangte chu school kal chhunzawm zel tura fuih
Hmeichhe naupangte chu an zirna tur fee-te tumsak bakah, lehkhabu-te, thawmhnawte a
thlawnin ngaihtuah sak ta bawk ila. Tin, zirna sang zawk an thlen theih nan zirna sang zawk
an awmna hmunah chuan din tum ta ila. Tin, nu la naupang lampangte chu training tha tak
pek theih ni se.
2. Name of the Project (Hma chhawp hming): Tihluihna a naupang chhawrluihna dona kawng,
naupang kum tlinglo hnathawk tura chhawrluih duh lohna entirna.
Country (khaw hming): Malawi
Organization (Pawl hming): Tisule Foundation
Person responsible (Hma latu hming) : Patricia Annie Mzumara.
Naupang paruk zela pakhat ang hi Malawiah hian tih duhdah leh nghaisak tuar ang an ni. En
kawlna tha, zirtirna tha leh ngaihsaktu tha an neih loh avangin HIV Aids natna kai theihna hi
an tan chuan a sang hle a ni. A bik takin hei hi Malawia Africa ram pakhat Katonga district,
Tanzania atanga 45 k.m a awm Zambia atanga 90 k.m hmun velah hian a ni. Hei hi thil
pawimawh tak pakhat hma lakna chu a ni - Naupangte tihluihna a pasal inneihtirte leh
naupang kum tlinglo ram danga sumdawn nana hralh donate.
He pawl hian naupang heng harsatna hrang hrang tuar tute chu chhanchhuah a puih a tum a
ni. Naupangte hi kan ram hruaitu turte an la ni a chuvang chuan an pawimawh hle a ni. Heng
te hi kan do loh chuan harsatna min la siam theih a ni.
3. Name of the Project (Hma lakna hming): Alabaster Jars (Hriak rimtui)
Country (Ram hming): South Africa
Organization (Hma latu pawl hming): First City Baptist Church
Person responsible (Ham latu hming) : Donnae Thomas
He miin a tum ber chu hna la neilote, in leh lo chennatur tha neilote leh harsatna kawng
hrang tuartute tanpui a ni. Tunah hian he pawl hian thawhlehni a kan program siam lo
chhimtute tan hna a thawk meka a bik takin. Tin, hmeichhia harsatna hrang hrang avanga
mahni hmeichhiat mipatna lama inzuar thinte chhanchhuahna kawngah he pawh hian hma a
la bawk a ni.
He pawlin a tum ber chu Lal Isua chanchintha la hrelo-te hnenah hriattirna neih hi a ni,
eiturte semin Pathian thu an puangchhuak pah thin a ni.
4. Project Name (Hma chhawp hming): Bhutan Baptist hmeichhe pawl din
Country (Ram hming): Bhutan
Organisation (Pawl hming): Asian Baptist Women’s Union
Person responsible (Hma latu hming): Precy Caranongan leh Zirsangliana Ralte
He pawlin a tum ber chu Bhutan-a Baptist hmeichhe pawl din a ni. Bhutan a hmeichhiate
training tha pek leh thawh hona tha nei tura tanlak hi he pawl thiltum pawimawh tak pakhat
a ani.
2017 Day of Prayer Requests ( Hemi ni kan tawngtaina a hriat tur leh tawngtapui turte)
1. Baptist World Alliance women’s Department and the BWA (Baptist World Alliance,
khawvel pumpui a Baptist hmeichhe inzawmkhawm pawl hruaitute leh khawvel
pumpui Baptist inzawmkhawm pawl hruaitute tan)
Khawvel pumpui a Baptist hmeichhe inzawmkhawm, Baptist World Alliance Women’s
Department a kan hruaitute – President Ksenija Magda, Secretary leh Tresurer nibawk Kathy
James leh ram hrang hrang a kan hruaitute tan i tawngtai ang u.
Executive Director, Moreen Sharp i tawntaipui ang u. He hna pawimawh tak a chelhna-ah
hian Pathian awmpuna, finna leh chakna a neih theih nan.
Kum 2020 a khawvel pumpui Baptist hmeichhe hruaitute inhmuhkhawmna Rio de Janerio
Brazil khawpui a lo awm tur tan i tawngtai ang u. Tin, Pathian hruaina a he inhmuhkhawmna
hi a lo hlawhtlin theih nante leh Khawvel pumpui a Baptist hmeichhia mi 2000 lai kan
kalkhawm theih nan i tawngtai ang u.
Khawvel pumpui Baptist inzawmkhawm pawl, Baptist World Alliance a kan president Paul
Msiza lahe General Secretary Neville Callam tan leh khawvel hmun hrang hrang a Baptist ho
tan i tawngtai ang u.
2. North America (North America rama chengte tan)
North America rama Baptist hmeichhiaten an rama raltlan (refugees) ho tan malsawmna an
lo nih theih nan.
North America a tualthahna awm thin leh hmeichhia an chanchin hriat loh a bote, police
pawhina an la zawn hmuh lohte leh an chhungte tan i tawngtai ang u.
North America rama cheng Baptist hmeichhiate lungrual tak leh thawhhona tha nei chunga
Pathian lalram an dinzel theih nan i tawngtaipui ang u.
Hmeichhia la naupang lampang, tleirawlte tihluina hmanga ramdanga thawnchhuah
chungchangah he ram hi kan lo fihlim theih nan Pathian tanpuina i dil ang u.
Baptist hmeichhia la naupang zawkte leh upa lampangten an thinlungte an hawna
inhriatthiamna zau zawk an neih theih nan i tawngtai ang u.
Pathianin ti tura min ruatsak ang taka Baptist hmeichhia ten tun aia nasa zawka kan chenna
khawvel chereuh tawh lutuk venna kawngah hma kan laka thing leh maute ti chhe mai mai lo
a an pawimawhna hria a kan venhim lehzual theih nan i tawngtai ang u.
3. Europe (Europe khawmualpuia chengte tan)
Europe ram hi hmabak tih tur tam takin min hmuak a ni. Muslim ram thenkhat Middle East,
Arap ho ram kan tihte, Syriate leh a bul vela ram thenkhatte chu harsatna hrang hrang
avangin thim takah an la cheng reng a ni. Pathian hnenah i auchhuahpui ang u heng pawi
sawi lo nu naute leh mi tam tak nunnain an rambuai vanga a tuarphah thin hi a lo tawp theih
nan. Heng zawng zawng tul lo taka thleng thin hi Pathian ti tawp turin i dil ang u.
Tin, Lusun fate, nupui sunte, pasal sunte leh naupang nu leh pa nei tawh loten thlamuanna
Pathian hnen atanga an neih theih nan i tawngtai ang u. Kristian tam tak tihduhdahna tuar
tute Pathian thlarau awmpuina leh chaknathar an neih zel theih nan i dilpui ang u. Lal Isua
thisen hlu kan tlanna tura chhuak khan a lalram dinzel rawh se.
4. Latin America rama mite tan :
Latin America rama Baptist hmeichhiaten kan thalaite hmasawnna turah ruahmanna tha tak
nena hma kan lakzel theih nan i tawngtaipui ang u.
He ramah chanchintha hrilhdarha a lo awm zel theih nan leh Baptist hmeichhiate Pathianin a
tihchak lehzual theih nan i tawngtai ang u.
Pastors te leh kan hruatute tan i tawngtai ang u.
Latin America ram mai bakah North America lampang Texas, New York leh New Jersey a
Spanish tawng hmang tu missionary-te an mamawhte Pathianin a pek theih nan i tawntaipui
ang u.
Tleirawl leh naupang he rama mite tan i tawngtai ang u, a bik takin Baptist hmeichhiaten an
thlarau lam leh tisa lam mamawhnaah an tanpui theih nan.
Kumnga dang lo la awm tura Latin America a Baptist hmeichhiate hmachhawp tih hlawhtlin
anih theih nan i tawngtaipui ang u.
Latin America a Baptist hmeichhe hruaitute tan i tawngtai ang u, finnate chaknatharte an lo
neih theih nan.
5. South West Pacific (Chhim khawthlang tuipui kama thliarkarte tan)
Papua leh Papua New Guinea rama sawrkar kal dikloh vanga hmeichhia leh naupang tam tak
tuartute tan i tawngtai ang u.
Papua rama Baptist hruaitute zingah hmangaihna leh inremna nasa leh zuala a lo awm theih
nan i tawngtaipui ang u.
Australia rama Baptist hmeichhiate tan i tawngtai ang u, a bik takin thalai zingah an
rawngbawlna mai bakah hmeichhe harsatna tawktute tan malsawmna an lo nih theih nan i
tawngtai ang u.
Fiji thliarkar a cheng hmani lawka thli natak Cyclone Winston an tihmai tuartute tan i
tawngtai ang u, chenna tha leh eitur tha an neih theih zel nan te.
Australia rama Baptist hmeichhiate leh New Zealand a miten rawngbawlna lamah nasa
zawka tan he ni kan hman atanga an lo neih theih nan harhtharna i dilpui ang u.
Thingtlang lama cheng hmeichhiate pawisa harsatna avanga hmeichhiate intawhkhawmna a
tam tak kal ve thei lote tan i tawngtai ang u Pathianin an mamawhte a hriatpuia a tanpui
theih nan.
Khawvel pumpuiah remna leh muanna a lo awm theih nan i tawngtai ang u. Tin, kristian ten
heng kawngah hian tan an lak lehzual theih nan Pathian tanpuina i dilpui ang u.
Europe a Kristian ten inpeknathar nena rawng an bawl theih nan i tawngtaipui ang u.
Kristiante zingah inhmangaihna a lo pun deuh deuh theih nan i tawngtai ang u
Europe ramah harhna a thlen theih nan leh kristian nih hlutna a lo pung lehzual theih nan
Pathian tanpuina i dilpui ang u.
Khawvel hmun hrang hrang a cheng Kristian ten chakna thar nena rawng kan bawl theih nan
leh harsatna karah beiseina petu midangte tan kan nih theih nan i tawngtai ang u.
6. Africa rama chengte tan :
Pathian hnenah Africa rama Baptist hmeichhe hruaitu kal chhuaktate avanga lawmthu
sawina leh hruaitu tharten finna an lo neih theih nan i tawngtai ang u
Africa ram hruaitute tan i tawngtai ang u, diktak leh fel taka ram an hruai theih nan.
Africa a Baptist pawl hrang hrang hruaitute bakah General Secretary tan i tawngtai ang u,
tha taka an mawhphurhna an hlen chhuah theih nan.
Africa ramah hnathawh tur tam tak a lo awm a mi tam tak hna thawh tur neilo ten hna tha
tak an lo thawh ve theih nan Pathian hnenah i dil ang u.
Africa ramah ei leh bar lamah hmasawnna nasa tak a lo awm theih nan Pathian hnenah dilin i
tawngtai ang u.
Africa hmarlam ram muslim tamna ramte i tawngtaipui ang u.
7. The Caribbean (Caribbean thliarkar te tan):
He rama thalai hna hmulo tam takin hna thatak an lo hmuh a Pathian tan tangkai taka an
hman theih nan i dipui ang u
Hmeichhia tam zawkten Pathian atanga kohna thar an lo chana Lal Isua tan an lo en chhuah
ve theih nan i dilpui ang u.
Hmeichhia a bik takin la naupang lamten rawngbawlna lamah phurtharna an neih theih nan i
tawngtai ang u
Hmeichhe tam tak mipat hmeichhiatna lama tihduhdah tuartute leh nghaisak tuartute tan i
tawngtai ang u an harsatna atanga chakna thar Pathianah an lo neih theih nan.
He rama sorkar department hrang hrang ten lungrual taka ram hmasawn nana hma an lak
theih nan i dilpui ang u.
He rama kristian hmeichhiaten an eng an en chhuah tir lehzual theih nan.
8. Asia (Asia khawmualpuia chengte tan):
Thlarau thianghlim hnathawh Asia khawmualpui-ah a lo thlen theih nan.
Indonesia rama kristian ten lungrual taka an thawh ho theih nan i tawngtaipui ang u
Sri Lanka a kristian ten thlamuanna an neih theih nan i tawngtaipui ang u.
Nepal a Baptist kohhran ten an awmna tur in an sak theih nan i dilpui ang u.
13th Baptist kohhran Women Assembly lo awm tur hlawhtlin nan i tawngtai ang u, he
khawmpui chhimtuten he khawmpui kal nana an mamawhte an neih theih nan leh 2018-
2023 a tana hruaitu thlanna tur atante i tawngtaipui ang u.
Bhutan a Kristiante tan i tawngtai ang u.
Send offering Receipts to the Appropriate Continental Union (Hemi ni a kan thawhlawm
tlingkhawm kan pekna tur hmun hrang hrang te):
1. North American Baptist Women’s Union (North America rama chengte pekna tur hmun):
North American Baptist Women’s Union (NABWU),
P.O. Box 282,
Bordentown, NJ 08505-0282 USA,
The checks need to be made out to NABWU.
Note: Canada rama chengte chuan an group kal tlangin an pe thei ang. Hengah te hian
information chu a hmuh theih ang www.nabwu.org
2. Baptist Women’s Union of Africa (Africa khawmualpui, Africa rama bung hrang hrang te
pekna tur)
Name of the Bank: First Bank Corporation (FBC),
Account Number: 1025150550117
Swift code: FBCPZHWA
Branch: Zvishavane
Branch code: 8508
98 Robert Mugabe Way
Zvishavane, Zimbabwe
3. Asian Baptist Women’s Union (Asia khawmualpui a cheng ram hrang hrangte pekna hmun
tur):
Account Name:
CECILLIA MELANIE PALANDENG
US$ Savings Accoung Number: 026-221-142-6
Name of the Bank: Bank Central Asia
Bank Address: BCA Cabang Manado
JL. Sam Ratulangi Kav 17-19
Manado 95000, Sulawesi Utara
Indonesia
Swift Code: CENAIDJA
4. Caribbean Baptist Women’s Union (Caribbean thliarkar a awmte tan a pekna hmun tur):
Mrs. Marjorie Fletcher
Treasurer, CBWU
Duncans P.O
Trelawny, Jamaica
5. European Baptist Women’s Union (Europe khawmualpuia cheng ram hrang hrangte pekna
hmun tur):
Account Number: 272728
Bank Name: Spar-und Kreditbank
Evangelisch-Freikirchlicher
Gemeinden eG
BIC: GENODE51BH2
Postgach 1262
61282 Bad Homburg
Tel: 06172/9806-0
6. Baptist Women’s Union of Latin America (Latin America, South America rama cheng te
pekna hmun tur):
Email UFBAL Treasurer
Ofelia Rendon de Tapuy at: [email protected]
Or Sara de Barrios UFBAL
President at: [email protected] for information on how and where to wire our
offering.
7. Baptist Women’s Union of the South West Pacific (Chhim khawthlang tuipui kam thliarkar
te tana pekna tur)
Baptist Women’s Union of the South West Pacific (BWUSWP) treasurer Fran Benfell hnenah
mail a zawhfiah mai tur a pekna hmun tur chu, he hi a mail chu a ni [email protected]
8. Online Giving ( Online pawhin a pek theih a duh tan chuan he tiang hian)
www.bwawd.org ah lutin donate tih lo inziahna kha hmet la tichuan “e-giving” tih kha
hmetleh la tahchuan a tihdan tur a lo awm ang. Tin, pawisa kha i credit card hmangin hmun
hrang hrang atangin i pe thei bawk a ni. He tia han tih hi athen laiah chuan a thakhawp mai
bank a kala kan pek aiin, bank a kala transfer kual chuan chawite pawh angai thin a ni. Tin,
kan thawhlawm thlingkhawm ram hrang hrangin a kan lo pek ve kha a receipt kha a remchan
dan angin kanin thawn leh thin bawk a ni.
International Officers 2015-2020 (Baptist World Alliance Women’s Department a kan
hruaitu te):
President: Ksenija Magda. Email: [email protected]
Secretary/Treasurer: Kathy E.James. Email:[email protected]
Vice Presidents:
Africa: Joina Dhlula. Email: [email protected]
Asia: Precy T. Caronongan. Email: [email protected]
Caribbean: Yvonne Pitter. Email: [email protected]
Europe: Aniko Ujvari. Email: [email protected]
Latin America: Sara de Barrios. Email: [email protected]
North America: Moreen Sharp. Email: [email protected]
South West Pacific: Amelia Gavidi. Email:[email protected]
BWA Women’s Department:
Email: [email protected]
