Unless otherwise indicated, all Scripture quotations are taken from THE AMPLIFIED BIBLE: Old Testament.

Copyright © 1962, 1964 by Zondervan Publishing House (used by permission); THE KING JAMES VERSION; and from

THE AMPLIFIED NEW TESTAMENT Copyright © 1958 by the Lockman Foundation

(used by permission).

Copyright © 2014 by Joyce Meyer Ministries – South Africa

All rights reserved. No part of this publication may be reproduced, distributed, or transmitted in any form or by any means, or stored in a database or retrieval system, without the prior written

permission of Joyce Meyer Ministries – South Africa.

Joyce Meyer Ministries – South AfricaPO Box 5, Cape Town, 8000

Phone: +27 (0) 21 701 1056Website: www.joycemeyer.org

Go to tv.joycemeyer.org to watch Joyce’s messages in a variety of languages

A New Way Of Living – LangoNot For Resale

ACIM

1. Tam Pire Tek Alo Amyero Yin Ikwany 4

2. Wan Ducu Obalo 7

3. Man En Kare Me Jalle 11

4. Yore Anyen Me Kwo 15

5. Yore Anyen Me Tam 21

6. Yore Anyen Me Lok 26

7. Yore Anyen Me Nene Kenikeni 30

8. Loko Lworo Doko Iyee 34

9. Cam Kwo 37

Buke Okene Opore Me Akwana 40

Lego Me Lare 41

Kop I Kom Acoo Buki 42

4

Dul Me 1

TAM PIRE TEK ALO AMYERO YIN IKWANY

Yin pe iyeng kede kwo ni? Ka amanono, pe itye keni. Lwak jo pol tye ame ool, a teko otum okomgi, ayigi nono, kede amit gi pe ocobere. Okene mere otemo lubo yo dini kede gen me nwongo kite me tuno ikwo agin owinyo icunygi ni ber, ento dok ote nwongo ni omio gi oyeo yec a pek me kwo amwa, adok opong kede cik agin pe oromo gwoko.

Ka cunyi winyo ni myero mari, ka imito ni awoti bed tye, ka imito ni timi kica ibale ame itimo, ka imito ni anyimi bed tye. Yecu Kricisto en aye agam piri. En tye akuri me miyi kwo anyen kede dang me loki bedo gin acwea anyen.

Ka pe iyeng kede kwo ni, myero ilok ginoro I kwo ni. Ka wan omede timo gin aceli a me wan obedo timo kare ducu, wan obino bedo kede kwo anaka wan otye okwo. Yin myero ikwany tam anyen, ame myero bed tam apire tek alo ducu.

Tam ame ikwanyo ni pire tek lo tic a me iyero me tiyo, ame myero dok iwot I kwanere, lo yero nga amyero inyom, kit amyero inyaa kede apwode moro iwi cente ni, onyo kwene amyero yin I kwo iye.

Tam ame ikwanyo ni kwako kwo, aperakino. Kwo aperakino bedo pi kare apetum, dang ngat acelacel myero nge kwene ame wan obinio bedo iye ikare nono. Kwo tye iyonge too. Ka itoo, pe dong agiki ni eno, yin dok icako kwo ikabedo anyen. Pol ajo poro too kede kato idogola ame wire a wira. Yin iya I kakanoro ni eka ite kato ien okane.

Yin imito mako wat kede Obanga ilobo kan ite kwo kede En pi kare

5

apetum? Ka amanono, myero igam Yecu Kricito acalo alari. Wan ducu obalo, pi manonowan ducu myero obed kede alar wa. Obango ocwa.lo wode me lakoro makatal me bal wa. Ote gure ikor yataria, eka te oonyo remo mere acil pi culo banya me balewa. Otoo, oyike, ento oyonge nine adek en te cer ikin jo otoo, dang amani En tye obedo ipolo icing tung cem Obanga papo. En keken obedo geni me nwongo kuc, lelo kede cung atir wun Obanga.

Me miyo wa lare ibale wa, bible pwonyo ni wan myero otuc bale wa idog wa, dok ote ye ni Yecu en rwot, eka ote ye icwinywa ni Obanga ocere ni yaa itoo.

“Pyen ka yin iye eka ite kobo idogi ni Yecu en rwot, dok dang cunyi te ye (ite moko iye, ite geno, eka ite jale iyi ateni) ni Obanga ocere ni ya itoo, yin ibino lare.” Joroma 10:9.

Kit iye acalo man kato iye ame itamoatama, dang obedo iye ame oyaa icuny me ateni ame cwiny winyo. Jo apol ye ni Obanga tye, ento gin pe ojalo kwo gi bote. Obanga en ame obedo acwe kwo, dang mito ni yin myero ijale odoco iyom cuny me dwoko kwo ni bote. Obanga ocwei abongo dic, dang en pe bino diyi me ye en. Ento kadi iye onyo pe iye en, man bino kelo apokapoka irwom me kwo ame yin ikwoyo ilobo kan, dok obedo gin anyuto kwene ayin ibino kwoyo kwo aperakino iye ka yin itoo.

Itimo dong ginoro aber me miyi gwoko kwo ni? Ka pe, pingo pe ilokere idwok bot ngat ame ocweyi, kede dang ame ngei, kato kit ayin ingeye kede keni. Ka an awilo otoka me wot, eka ate cako nwongo peko iye, an agita adwoko bang jo oteto me wek gin oyubi. En kit ame Obanga dang tio kede eno. En ocwei dang mari atek meicel. Ka kwo ni pe yengi dwoke gite bot Obanga, me wek en yubi.

Kit ame akobo kede iyi acaki, pe tye ginoro ame alokaloka timere iye ka pe yin ikwanyo tam anyen me kelo alokaloka. Imito bedo akricitayo? Itye ame iyubere pe me weko bale ni keken, ento dang me jalo kwo ni bot Obanga? Iyubere me weko yo me bal eka ite cako kwoyo kwo anyen wun Obanga kede pi Obanga? Ka omanono, mede kede kwano kop Obanga ni pien tye kwo amalu tutwal ame loo ginoro

6

ducu piri. Kwo ni tye pi jo ducu. Ngatoro pe ogengi iye. Gin ame Obanga kobo pi anyimi ene:

“Pien an angeo gin ame atyeko yiko pirwu, yik me ber bedowu, pe me timowu rac, yik ame tye pi anyimwu dok ame tye iye gen.” JEREMIA 29:11.

Ngatoro pe romo yeri gin ayin yi maro. Yin keni en ame iromo timo. Kit rwom me kwo mene ayin igomo me kwoyo? Yin imito ateni mere ni, ilub yo me kwo me lobo? Kop Obanga kobo ni wan mom okelo ginoro lobo, dok dang mom otwero tero moro iya ilobo. (1 Temoteo 6:7). Obanga en Alpha kede Omega, dok en acaki kede agiki. Iyi agege Obanga onwongo tye, iyi agiki en bino bedo tye dang. Amanono ngat acelacel iakinawu bino dok iye pire kene bang Obanga (Joroma 14:12) man dong en kare me bedo atera pi kuro dok I kopere. Gin amyero ikob kare ducu en, “kadi abed atera onyo pe, Yecu adwogo.” Bed ame itere amani, kwany tam anyen amani, pien kono angeo dong icen.

7

Dul Me 2

WAN DUCU OBALO

Bal obedo kwero lubo cik Obanga me aka. Pe tye dano moro ilobo kan a mom timo bal (Joroma 3:23, Arabkop 7:20). En amut arac enono, ento amut aberere dang tye. Wan ducu oromo timo wa kica ikom bal wa ote loko wa doko jo acil inyim Obanga.

Pien jo lung obalo, mom otuno ikwogo Obanga. En kwanogi ni kitegi atir nono, kun miogi acalo mot pi kica mere, pi kite ame Yecu olarogi kede. JOROMA 3:23-24.

Yecu otyeko lakoro wa ikom bal wa; gin adong yin myero itim ka obedo ye en eka ite game ikwo ni. Ka yin; ibino ye bale-ni kwa timi iye kica eka ite ye lokere weko gi atwali, Obanga timi kica eka te yubi bedo dano anyen.

Ka ce wan otuco balwa, en gene dok kite atira, bino weko balwa, dok bino lwoko timwa areco oko ducu ikomwa. 1 LAKANA 1:9.

Yin pe myero ikur ni Obanga kong tim ginoro. En dong otyeko timo gin amyero etim piri oko. Ocwalo wode acel keken me too pir wa pien mot ayala ame rocoro me bal pe iye keken oromo miyo me lakoro balwa. Ngolo kop atira dong otyeko cobere oko, gin adong wan myero otim obedo me donyo ame ogonyere iwat aber kede Obanga kun obeo I Kricito. Wan pe oromo tuno bang Obanga papo apir wawan; omito acung ka wang wa. Wan omito ngatoro me kubo kinwa, ngatoro nono en Yecu. Yecu otyeko toro bur ame tye ikinwa kede Obanga, bur ame bal wa onwongo okunyo, dang en aye kelo wa bang Obanga.

Kit acalo remo apapo nwongo tye ikom atinere, en Obanga papo

8

onwongo tye iyi Kricito pi yiko wat onwongo obale ikin Obanga kede lobo. Obanga maro jo aen eketo, dang pe ye neno ni ocato gi iyi opii me bal abongo miyo gi yo moro me gonyere. Yecu en yo me put iyi opii me bal!

Bal Kelo Ceno

Lok Obanga kobo ni balwa bino miyo wa otingo megwa giwa. (Wel 32:23). Bal kelo ceno, woro te kelo gum. (Lodocik 28). Twero nen pi kare moro ni ngatoro tye ame oweko bal. kwo mere nwongo tye nen bala kwo angat oweko bal, ento iyi agiki dok inwongo ni gin anyutu lubo yo arac tye ikwo gi.

Ka wan okwanyo yo me bal, ote kwero yo me woro Obanga, wan onwongo cwer cuny i tipu wa. Kom dano pe ocweo ka ringo kede cogo keken. En tye kede tipu kede cuny ame noto tam, miti, yom cwiny kede akemo. En kite adano enono. Otim bal bedo kede abarwic me bal. wi gi pong kede arem, kadi obed kede tic me atia onyo jami icing gi, mom tye ginoro acobo miti gi cuny gi rem kede akemo. Pien gin okwanyo kwo iyo me bal, gin obedo jo ame gen gi dong pe dok obedo gini okemo ka miti gi pe ocobere. Gin okwia gi gi yo me bedo kede iye. Geno Obanga – ame iyiliyili alo ducu – nyango gite loo gi oko.

Gin mom obino donyo iweo me cuny Obanga pien dano gite donyo iye teki oye en. (Jo Eburania 4:3).

Ateteni, kwo me bal obedo kwo ame opong kede ceno. Ginoro aber mom gite ya iye. Gin ame Obanga okobo pi dano ame otemo kwere ene: Abino miyo jo neno can meicel, ame te miyo gi wot calo otowang, pien gin otimo bal inyim rwot; obino kikiro remogi calo apua, aco kom gi obino bolo calo cet dyang. Ryal gi kede jabugi mom gire bino laro gi, inino me akemo me nyeko mere, bino wango wi lobo lung; Bino miyo agikki bino me oyot, ikom jo lung ame obedo i lobo. JEPANIA 1:17-18.

Gin acoa imalu nu pongo lworo ikom dano, ento pe myero kel woro i cuny ngat ame oye Yecu Kricito iyi ateni. Jo oye Kricito pe obino

9

ngoli gi kop, dok dang mom obino ngolo kop loyogi. (Lakana 3:18).

Lewic Me Bal Kede Ngolo Kop

Lewic me bal obedo dyer abalo me kare ducu. Abalo romo timo ginoro ducu me wumo balere, ento I cunye gite nwongo en ngeo ni kwo mere pe tye atira. Yecu Kricito okobo ni otim bal mom gite romo put I lewic me bal. (Lakana 9:41).

Baibul tye ame opoko I dul aryo: Cikere acon kede cikere anyen. Cik acon cung pi cikere acon ame nwang Obanga otio kede me wumo bale ajo I tuno kede naka I kare ame Yecu Kricito obino kede me keto cikere anyen. Ni beo ikite me yalo mot anwang otimo, bale ajo onwongo owumo ka awuma, ento mom okwanyo atwali. Lewic me bal nwongo pwod odong iwi jo.

Ento I cik anyen, ite cikere anyen, wan dong otyeko jwayo bale wa oko, ape dok owumo awuma calo tye kede I cik acon. Man dong woko acil, pe dong bale wa keken, ento naka lewicere dang.

Tim ber ikwan gin acoa ipingu momot eka ite tamo atut gin ame tye akobere iye. Gin acoa nono okwanyo. Eburania 10.

Dang alubere kede miti obanya ni, wan dong olonyowa odoko aci pi Yecu Kricito imiyo koma aka mot tyen ace lame oromo meicel. EBURANIA 10:10.

Ento Kricito rik omio gin acel gire ame ongolo pi bal, pi kare lung, eka te bedo piny I kabedo me kwogo I langet Obanga tung cem. EBURANIA 10:12.

“Man en cikere ame abino keto wan idogola Icarael ka kare – moro okato, man kop a Rwot: Abino keto cikka I cunygi, kede coyogi I tam gi,” te medo kobo ni, “Mom dok abino poyo bal gi kede tim gi areco.” EBURANIA 10:16-17.

Ber dong onok wunu Obanga ceggi kede cuny me ateni, kun iyee idonyo atut I cunywa, a dong yiwa ler pien okwanyo oko I tam

10

wa ngec me gin areco a yam otimo, dok dang ame kom wa dong olwoko oko I pii acil. EBURANIA 10:22.

Gin acoa imalu nu mio wa ngec pi jami apir gi tek dok acil meicel. Me acel mio wa ongeo ni Yecu Kricito obin oyalo acalo mot pi bal wa icel dok pi lung, kede dang ni mom tye dok tyer okene ame obino ngollo ote medo i kom mere. I cik acon, yalo mot onwongo otimo kare I kare, ento anwongo pe jwao ngec me bal. Yecu Kricito obedo mot ame ber icel, pi kare lung, dok ame kwanyo bal kede lewic me bal ducu.

Ngec me bal gite okwanyo oko i cik anyen, ento dano myero dang bed kede ngec akwako kite me kwo abongo ngec me bal. Ateteni, kwo anyen i Kricito mito ni dano myero pwony kite me kwo opokere oko iyo me bal. Jo akwo i Kricito mom dok ye ni miti gi me lobo bwo gi. Gin myero opwony lok Obanga eka ote woro lokere abongo paro pi miti gi. Kit kwo me woro ni kelo gum adwong aloo.

11

Dul Me 3

MAN EN KARE ME JALLE

Yin giti ca nyo dong ityeko jollo Kricito dok dang ikwao ni cwali buki me wek konyi ikwo ni anyen i Kricito, onyo otyeko dong miyi buki ame dong itye kede gen me jollo Kricito.Lakana 3:16 koboni pi mara Obanga omio en ocwalo wode acel keken ilobo me wek jo oye en mom too ento onwong kwo aperakino.Weke kong apori wu icina moro ni, ame romo konyi iniango teko ityeng jiri imalu nu.I boma, me Cikago, ping onwongo ngic, dok te col icuc, yamo kot opong ipee onwongo owumo ping. Atin awobi moro onwongo tye acato papara akwana igwicoro. Pi lworo ngico, jo dong onwongo ongweco olaro iyii wudi, ento atin awobi ni odong ooko ingico ame dang te balo naka cato papara akwana meye. Ente yute bang polici moro eka te kwaye ni, “adwong pe iromo bedo kede ngec akwako kanoro ame imoromoro ame an acani aromo buto iye iwori? Nen kong, an abuto ibokci I gwicoro ilung ilak gudu ca, kan adang ngic ataa. Onwongo nen amwonya ka an dang onwongo atye ikanoro imoromoro ame abuto iye.”Polici ni te kulowie neno wang atin awobi ni, eka te kobe ni, aco ba gin akobi ni itim ene: Wot ite lungere, ping iyo gudu ni, naka i ot adwong ame olingo atar ca, eka ite goyo dogola mere. Ka jo iyie odonyo ooko, kobi gi ka ni Lakana 3:16, gin obino miyi idonyo iot.Aman dong atin awobi ni te timo kit ame polici okobe kede. En te wot naka i dogola me oti. I kare ame en ogoo dogola, dako moro en ame te donyo ooko. En te ngayo wange neno wang dako ni eka te kobi ni. Lakana 3:16.

12

Dakoni te kobe ni “dony iot” Dako ni te tero atin awobi ni iot, eka te cibe bedo iwi kom adit aber ame ka ibedo iye, puye dok dang ocibo inyim keno mac. I kare ame dako ni owite anok, atin awobi ni te dong kene kan ame ocibe iye ni. En te bedo tam, kenekene kop me Lakana 3:16, kun paro iyie ni an gita mom aniang kopi, ento cite gite omio awobi awoki tye ingico ni dong tye abedo kanoro imoromoro.

I cenere dako ni te dwogo bange, te penye ni, “Kec tye aneki?”

Ente gamoni ikobo kakare, kecoro tye anok. Pe gita acemo pi nine moro, dong atye akalo akala ka pe aromo cuto gin acama moro anok. Dakoni te tere i jokon te dok cibe bedo inyim meja ame cem otedo amit tye iye, en te cem oromo naka te yeng adong pe romo cem. Atin awobi ni dok te tamo kenekene, Lakana 3:16 Pe gita aniang kopi, cite omio gite awobi awoki kec ociro ni oyeng iking.

Dako ni te kwanyo atin awobi ni wot kede igoropa malu iot lwok kan ame en te lwokere acil kede pi ame imoromoro en kong obedo bido kome ipi imormoro ni. Ame en tye abido kome, awobi ni dok te paro kenekene Lakana 3:16 ni an gita mom aniang kopi, cite omio gite awobi awoki kome onwane icilo dong olwokere acil. Dako ni te dwogo bange eka te tere iot butu kan ame te pyelle I kabutu me opwalici ayom, dok te wume kede cuka naka I dwone, eka te dotto leme ni dong ebut aber. Dako ni te neko mac ilingtwic oko. Atin anwobi ni, adong obutu, te bolo wange neno ikio me dirija kit ame kot tye acure kede pee owumo kede ping. En dok te tamo kenekene kop i Lakana 3:16 ni: “an gita mom aniang kopi, cite omio awobi awoki ool odoco ni dong owe mot.”

Odiko mere adong ping oru, dako ni dok te tero atin awobi cibo meja adit ame opong i cem ame otedo amwonya tutwal. Iyonge en icem, Dako ni dok obin otero awobi ni eka te miye bedo iwi kom inyim kenomac. Ikanono, dako ni dong te kelo baibul eka iyonge bedo piny, te penyo awobi ni ni “Yin iniang kop ame ocoo I Lakana 3:16?” awobi ni te game ni “Pe ma imat, mom aniang gita.” Tyeno na me acel me winyo kopi obedo gite aworo I wor ame polici moro okoba.” Dakoni te dong yabo Baibul kan ame Lakana 3:16 tye iye, eka te dong

13

tite iyoreyore kop I kom Yecu. Kakanono cutucutu idog mac ame gin onwongo otye ooyo ni, awobi dong te jallo cunye kede kwo mere bang Yecu. En dok te bedo ling paro kenekene kop a Lakana 3:16 ni “an gita mom aniang kopi, cite gite abongo akalakala moro omio awobi ame onwongo orwenyo tye awinyo aber abongo ginoro akelo lworo ikwo mere.” (Acoo icina ni nyinge pe omio).

Amani, ka yin dong iyubere me jallo kwo ni bang Obanga kun ijolo wode Yecu Kricito acalo cul ame olakoro yin ibal, an dong acukuru cunyi me note keda ilego ame ocoo pungi. Nwo kobo tyen kop acelacel idwon alongo kun dang iciko yiti ityen kop acelacel mewek iniang aber gin ame gini gonyo.

Obanga papo, an amari. An abino bangi tin kede cuny me ateni kun akwai ni itima kica ikom balena. Yecu an aye yin, an aye ni yin ito ikor yataria pira, ioonyo remo amom kede roc me baloro pira, icung giti ikakara ite gamo makatal ame onwongo myero an ati. An arye dang ni yin itoo, oyiki eko inino me adek yin ite cer ikom jo otoo. Too gite mom otwero yuni icinge. Yin iloo teko a catan dok ite gamo agony dogola me mac me kapiny kede too oko ibange. An aye ni yin itimo jami ni ducu pira kede dang pien yin imara. Pi mamono an dong amito bedo a kricitayo. Amito bedo amironi pi kare me kwona ducu. Amito pwonyo kite me kwoyo kwo anyen ayin rik icikere pire. An dong ajoli amani, Yecu, dang dong a jalli kwo na. Gama gita kit ame atye kede ni eka ite loka doko ginoro keken ayin imito ni an abedi.

Apwoyo, Yecu Kricito, me lara. Mii tipu ni acil dony I cunya eka ite pwonya kede ginoro ducu ame opore me an i ngeyo. Amani dong an aye ni atyeko larre, anywale dong tyen me aryo, dang dong awot ipolo ka an atoo. Obanga papo, an dong gita awot ikuc me wot kwo i kerri.

Ka yin ilego kit enu iyi ateni, nwongo I kwanyo tam apiretek aloo ducu I kwoni. Kadi dong ni ngo, nwongo Obanga owinyo lego ni dang te miyi agamere. Iromo winyo kuc onyo lelo i kwo ni, weo onyo bedo agonya kun giti mom iwinyo ginoro atwali. Kur dong imi miti ni bwoi calo aloc ame dio jo me lube. Yee kop Obanga, pien en tye iyi teni dang cobo cikere mere. En okobo ni: “Jo ducu ame pappa omio

14

bino bino banga; ngat ame bino mom abino ryeme.” (Lakana 6:37).

Obanga ocikere me bedo kedi kare ducu, naka iyi agiki me lobo. I kare okene mom giti iwinyo ni en tye kedi, ento en tye kanoro ducu, kawa ducu. En tye ame wange aneni idiru. En tye kede twero me timo ginoro ducu aber piri, kit ame en ocikere kede me cobo. En dong otyeko cako tic aber ikwoni, dang en bino tiyo ticere ni. (Agege 28:15, Jabuli 138:8, Jo Pilipi 1:6).

Jojok amalu, yin dong inwongo awoti anyen dok aber aloo – Yecu – awoti adong ber aloo. Yin iromo lok kede ikom ginoro keken dok dang pi jami ducu pien en niang ngat ayin ibedo. (Jo Eburania 4:15).

En pe bino kweri onyo ngolo kop loyi. Mom tye ginoro adok dit aloo inyim Obanga. En mito ka ni yin iye en iyore moro ducu, eka ite jolle I kwo ni lung.

Yin idoko gin acwea anyen, gigi mogo acon dong otyeko kato, dang jami ducu dong odoko anyen ityang (2 Jo Korinti 5:17). Yin dong cak kwo anyen.

Bal gite I kare okene ibino timo – wan ducu otimo bal. I tye kede jami apol amyero inge, kede dang yin ityeko cako wot anyen ame ibino woto pi kare me kwo ni lung. Poyo kareikare ni yin itimo bal, timo kica kede lonyere en amyero ikwa ibang Obanga. Bed akomi mit me ngut ibali eka pe ite mungo ginoro keken ibang Obanga, pien en ngeo ginoro ducu.

Obanga mari tutwal. En mari kare ducu. En pe mari atek akato ka pi nine ame yin itimo ginoro aber inyime, eka te mari anonok I nine ame itimo gin arac. En kom mari ka amara!

Amani dong en kare opore me pwonyo kop ikom lubu yo me kwo anyen ene.

15

Dul Me 4

YORE ANYEN ME KWO

Ka dong idonyo giti ikwoni anyen amyero ikwo ibad Obanga, wun Obanga kede pi Obanga, myero inge ni ibino nwongo ni cikere nen bala oketo acilalic dok a pe rwate kede me lobo. Ateteni, lobo gite ena me tye acilalic, ento ker Obanga tye ocung atira. Wan komwa mom ona me timo jami kit ame Obanga mito kede, pi man omio iyi acaki lubo yo Obanga nen bala gin atek onyo niango tek.

Batija

Gin acel amyero I cak timo acalo ngat oye Yecu Kricito obedo me batija kede pii. Batija obedo gin anyuta ame nen i oko ni yin iyi dang I kwanyo tam me lubo Kricito. Ka dano olute ipii me batija, nyutu ni en dong otyeko yiko piny kwo acon. Ka dong en otire malu ni ya ipii, nyutu ni en ocer kede kwo anyen. Mon obedo gin awan otimo pi woro Obanga.

“Gin ame rom aroma iman ame koni larowu, en batija; mom pi kwanyo cilo kom, ento obedo acalo kwac bang Obanga. Me idok wunu jo a yiwu ler, pi cer a Yecu Kricito.” 1 PETER 3:21.

Petero te gamo doggi ni, ngut wunu, eka dano acelacel i akinawu te batakino i nying Yecu Kricito me wek balwu, ote miyowu mot man me cuny acil. TIC OKWENA 2:28.

Wot I KanicaGin okene me rwom amalu ame a kobo ni myero itim obedo me tiyo tic me ot Obanga. Wot ka ilego keken mom loko dano doko a kricitayo – rom aroma ibedo abeda I garaji ni ame gite mom mii otoka

16

moro atwali. Wan mom odoko okricitayo pien owoto iyi kanica me lego, ento ka wan obedo okricitayo wan myero owor Obanga kun dang omote katacel kede jo okene ame oyee en. Kanica dang obedo kan ame wan opwonyo kop Obanga iye.

Pe tere ni kanicae ducu obedo kanicae abeco. Kanica okene obedo ka wudi ame nen amwonya ioko, ento gin atimere iyie pe konyo ngatoro atwali. Ka yin ilego iyi kanica ame pe piti kede kop Obanga oromo, dang dok pe cukoro cunyi me mede kede woti wun Obanga, mede iyenyo naka wang inwongo kanica aberere. Kanicae cal a cala kede jo okwano dakatal; mom gin ducu obeco, ento dang mom gin ducu oreco. Yin myero inwong ka acel ame opore piri. Jo okene maro kanica ame jo pong iye, ento jo okene gite maro en ame jo mom pol iye. Jo okene maro kanica ame jo alego iye obedo jo me iryonget acel keken, ento tye jo okene ame mom gite paro pi iryongetoro ni. Pen kop apire tek tye ni bedo me kony boti tutwal ka yin itute me tiyo tic pi kanica ame ilego iye. Mio yin ibedo kede gum me mako dyere kede jo apol ame tamgi kede iyee gi rwate kede megi dok dang niang gi i kom gin arac kede gin aber konyi me gonno atematema me lobo man.

Nen ni mano yin ilego iyi kanica ame dongo bedo a kricitayo ni. Piretek tutwal me dano olare nyen i pwonyo jami apol. Ka en mom obedo ingec ikom jami apol ame medo niangere, en nwongo romo poto onyo dok cen ilubo yo acon.

Kwano Baibul ame icokere wunu katacel i kryonget ajo mom opong iye tutwal romo bedo me kony tutwal pi jo ame pwod olare nyen. Pien ka ikwano wunu Baibul katacel, yin ibino bedo kede gum me niang, penyo pi gin ame pe iniang iye, ote lego piri, eka dang yin ite lego pi jo okene. Atye kede gen ni kanicani bino miyo kare me kwano Baibul pi jo otego onyo iryongete ame kwano Baibul i kin pacu ame yin iromo donyo iye. Kanica pe obedo kan ame yin myero timi jami ducu atima iye; obedo kan ame wan onwongo eka dok ote nyutu kan aler gin ame wan oromo timo pi kom Kricito (kanica). Medo I kom gin ayin inwongo ibang jo okene, yin dang myero imi ginoro bang jo ocele.

17

TuteTute pire tek tutwal. Pe ni bal awan otimo iyi ageyi en adong okelo rucurucu ame aman wan onenoni, ento obedo nwoyo timo bal kare ikare. Kede dang timo ginoro aber inyim Obanga icel keken onyo iryo pe konyo wa tutwal me kwoyo kwo ame Obanga oyubo pirwa. Wan myero okanyakino, eka ote timo gin awan ongeo ni pore me wan itimo kadi bed bala komwa nyap me timo. Wan myero ocung atek. Obanga otyeko miyi cuny me gwokere ken kede me woro (2 Temoteo 1:7). Gin amyero yin itim obedo ka me tic kede cuny ame en omio wa ni kareikare.

Tute me bedo kede Obanga kare ducu. Kwan kopere ame tye i buke okene dang ame romo konyi me niango Baibul iyore aber. Ter yiti me winyo kopere ame ya idwon ame omakoamaka onyo nen telebijon ame okricitayo en ame oyubu yika mere. Nwing kare me lego. Kwa Obanga me teli iginoro ducu ame itimo pi nino lung. Poyo ni, Obanga cunye maro me timo ginoro ducu piri, pi manono lego gite obedo yore me leyo kop kede Obanga. Ka dong itego acalo akricitayo, pe dong ibino pwonyo leyo kop kede Obanga keken, ento ibino ngeyo kite me winyo agam ame oya ibange dang; eka man dong medi lelo adwong tutwal i woti wun kede Obanga.

Gin okene apire tek odoco ame mito tute obedo miyo. Obanga omio wa jami apol ame dong myero ibed kede ngec ame onywal ikede anywala ni myero idwok jami no bange kede tiyo ticere ame yin itye ilobo kan. Ka yin okonyi, nen aber me yin dang ikonyo jo okene, adong yo acel me timo amanono obedo me yin itute me miyo ginoro bot kanica kede iryongete okene ame okonyi, dok ame yin iye tamgi. Jami ducu awan omio bang Obanga, en gite dok dwoko bang wa iwel omede abup. Wan pol akare obedo awany, dang omito ni jo ocele en ame mi wa jami, ento cunywa lokere ka wan ojalo cunywa kede mara bang Yecu.

Batija i Cuny Acil

Batija tereni myero lutkomi ducu ipii. Ginoro ame oluto ipii yie gite pong kede pii ka kan a twolo anwongo tye me donyo apii. Ka yin

18

dang iyabo cunyi, cuny acil dang bino pong yii. Yin inwongo cuny acil keken ka igamo Yecu acalo alarri, ento i kare okene inwongo cuny acil ame yin onwongo mom iyabo cunyi lung me wek cuny acil dony te pong ibic.

Yin gite inwongo cuny acil, ento pwod imito ni imok odoco ni en odonyo icunyi lung. Obanga mito ni yin iti ticere, pi manono yin myero inwong teko a cuny acil me wek iti tic ame ocobere, dok ame nyako nyige.

Obanga dang poki wa mot me teko aloo ducu me konyo wa ikwo wa me nino ducu. Moti kwone pol dang omio ngat acelacel mere, ento mot okene bedo adwong loo en okene. An omia mot me pwony, jo okene opoke gi mot me wer onyo loc, timo kica onyo konyo jo. Tye mot kwone abongwen ame okobo i Korinti me acel 12:7-10 ni wan myero obed ingec iye. Opwonyo wa dang ni wan myero cuny wa gom kodi moti. Gin moti obedo mot me ngec, mot me ryeko, mot me iyee, mot me cango jo, mot me tiyo tango, mot me rabo kop Obanga acalo odwar piny rik otimo, mot me bedo iteko me poko cuny acil ikom cuny me catan, mot me dumo leb apapat kede mot me gonyo leb apapat.

Kadi kono yin pe iniang mot magi, akwayi me kwayo Obanga me miyi kede dang me pwonyi kite me tic ked gi aber wang apol wan oneno ikop Obanga jo apol tye okop ileb apapat (leb me cuny acil). Ka wan olego ileb apapat, wan nwongo otye okop I kom imung kede jami aniango tek bot Obanga eka man te miyo wa kelo alokaloka ame mio wa odongo iyee wa. Paulo, akwena a Kricito, otitoni ber tutwal me jo ducu dumo leb apapat. (1 Korinti 14:2, 4-5).

Mot me dumo leb apapat odoko kop atek aman ame dang okelo apokapoka ikin okricitayo pi mwaki apol. Jo okene ye ni moti obedo me kare wani, ento jo ocele kwero oko ni pe tye amanono. An anwongo moti ikwona dang aloko i leb apapat pi mwaki akato pyeroadek, pi manono an angeo gite ni moti obedo me konyi tutwal pi akricitayo me kareni. Wan omito ginoro ame romo konyo wa.

Pol akare jo apol kwero gite oko ni gin mom owinyo ginoro ikwogi

19

onyo okwero gin ame gin mom oniang. Man obedo bal. Wan myero okwan Baibul eka ote ye gin ame en kobo.

An akwenyoro wu me keto tamwu ducu ikom cunyacil, ento pe ikom motere. Mot gite bino bino icen. Jo mogo dok kwao tutwal me bedo kede mot me dumu leb apapat i kato mot okene. Ka wan odonyo i duka me wilo amuk, wan mom gite odonyo I duka ote penyo ni omito lati mere keken wan kong dong openyo amuk eka lati bino katacel kede. En kit aceli dang en ame cuny acil tio kede. Kwa nino inino ni en bed tye ikwo ni, eka dumu leb apapat kede mot okene dong te bino katacel kede I kare ame opore.

Yeny Obanga, Ento Pe Motere

Obanga mito timo jami abeco piri. En mito miyi gum apol, ento pire tek me yin iyenye kit acalo en tye kede ame pe dok pi gin ame En romo timo piri keken.

Obanga obedo gin awura ape oporo iginoro, eka bedo kede i kwoni dang obedo ginawura. Ka yin iyenyo neno wange, ibino nwongo ni en gite tye ame oyaro cinge me gami. Ka yin yenyo ka tung cinge keken pi jami atye iye, ibino wango yie. Mom tye ngatoro, kadi Obanga, ame mito ni ngatoro ti kede ka me cobo miti mere.

Kwa Obanga pi ginoro keken ame yin imito, ka ber me yin ibedo kede ginorono, ekare ame en romo miyi, en bino miyi ginono gite. Ento poyo kare ducu ni adong kato yin myero i kwa ni en myero bed ikwoni. Kwa me en ibedo I kwoni, pi nyuti yo mere aber, kite mere, ryeko mere, niangere, teko mere, kede en okene.

Obanga en jami ducu, dang abongo en wan obedo gin amwa. Yecu okobo ni “Mom itwero wunu tiyo ginoro abongo an.” (Lakana 15:5).

“Pien en yam oketo jami ducu, jami lung obedo tye pire, dang dok bange. Kwogo bed bange nakanaka. Amen.” JO ROMA 11:36.

Tye Jami Apol Amyero Inge

Tye jami apol okato kare ame pe oromo leyo kopere iyi atin buki. Yin ibino nwongo ngec akwako kwene iye ni ocung i ye kede pwony

20

okene opore pi akricitayo ibot kanicani. Pol a kani-cae gite tye kede pwonyere me nwongo ngec ame omio jo ame olarre nyen, pi manono an dong okwayi ni iwot kan ame oyubu kodi pwonyere man iye. Yin ibino niang ni Yecu kara onywalo niya ikom nyako a pe ongeo icoo. An angeo gite ni man pe winyere bala kop amom romo timere, ento obedo kop ateni, dang pire tek me yin iniango pingo obedo kop ateni. Yin ibino niang ni dang pire tek me dwoko bot Obanga mot me cente me wek kony otic Obanga rabo kop Obanga tuo naka bang jo aperu ongeo Obanga. Yin ibino nwongo ngec i kom kop me Obanga adek iyi acel, ateni me woro Obanga acel keken, ame nyutte iyi adek: papo, wod kede cunyacil. Yin ibino nwongo agec ikom tic omaraika, ber aremo a Yecu, kite me winyo kop aya ibot Obanga, pwony akwako kwo akite atir, ngut, kede jami okene apol ata.

Kadi kono pe aromo leyo kedi tam ikom jami ducu iyi itin buki, tye jami mogo, apirgi tek ame an aye ni twero konyo pi kwo-anyen ame inwongo ni, pi manono, omede i kwan anyim.

21

Dul Me 5

YORE ANYEN ME TAM

Bedo kede ngec ikiteme tam anyen piretek odoco. Obanga tye kede yuba aber piri kede pi kwoni, ento yin myero iwinyere kede I kopi. Catan dang tye kede yuba mere piri kede pi kwoni, ento pe pi ginoro aber atwali. Akwo (catan) en bino ka me kwalo, neko, kede babalo. (Lakana 10:10). Catan rwako kit tamoro ducu areco iwiiwa, kun genoni wan obino ye tamere eka ote winyere kede. Kit ame en catan bwolo kede jo ene eka te nwongo yore me donyo naka ikwogi.

“Kur ilub wunu tam me lobo man, ento weku Obanga lok tamwu dok anyen, me iniang wunu i gin ame Obanga mito, gin aber, ame yomoro yie, ame roccoro mom iye.” JO ROMA 12:1.

Yin itwero Bwoyo TamiI kare okene yin aman itye kit ame an rik atye kede, dang itamo ni mom iromo timo ginoro akwako gin ayin itamo. Manono pe kop ateni. Yin iromo yero gin amyero itam onyo gin ape myero itam, ento myero itim man i diro. Kan ame tam adano woto iye en kan ame dano dang lubu. Wan ducu dong obedo i ngec me acaki me tam ikom gin amyero ocam. Romo bedo pee ame oyubo alim, onyo ogati donat, onyo kit cemoro keken ame wao tami. Ka wan omedeameda itamo ni myero ocam cemi, wan omedemeda dang ni onwongogi ote camogi.

Ka ngatoro otimo wa rac eka wan ote medeameda itumo gin ame gin otamo ame wango yiwa, wan omede kede nwongo wangcuny kede akemo ame balu tamwa oko. Tamwa bwo akemo icunywa dang te loko doko kom kop ame wan okobo idogwa.

I kare me anyim ka inwongo wangcuny onyo paramoro, penyere ka

22

kenikeni I kom ngo ayin ibedo tamo eka ite nwongo kubere iyi akina gin ibedo tamo kede akemo atye iyi.

Wiwa ame tamwa ya iye en obedo leklweny ame wan olwenyo kede catan iye. Korinti me aryo 10:4-5 pwonyo wa ni myero obol ping tamogo arecu atye iyiwa eka ote jwango gi ducu bang Yecu Kricito. Mano nyutu ni wan myero otam tam olubere kede kop Obanga. Ginoro apat amom wopere kede pwony a Yecu Kricito myero okwany oko cunywa dok ote bolo acalo lok goba ame oya ibot catan. Ka akwori (catan) romo bwoyo tami, en dong nwongo dang romo bwoyo kwoni kede anyimi.

Aporere, ka yin itamo kop me kwanyo kwoni keni, mom oromo kobo ni Obanga en oketo tamono i cunyi. Obanga mito ni yin ibed kwo eka ite camo kwo. Ka yin gite itamo ni beri moro mom, onyo ni ngatoro dang mom mari, nwongo gite tami mom oya ibang Obanga pien tamono pe wopere kede kop Obanga.

Tam Amom Kede Gen

Gwokere tutwal ikom tamo tam amom kede gen. bedo abango gen pe bot Obanga dok dany mom tye iyuba mere pi kwoni. Pore dok ber me yin I cibo inyimi gilaci ame nucu ginoro tye iye I kato cibo en ame yie nono. Bedo kede gen mom gite wango yi ngatoro.

Pi ipar kitoro keken ame kwoni con onwongo tye kede, yin myero ibed kede neno me gen pi anyimi. Dony iwat aber wun kede Obanga eka ite bedo kede iye kede gen ni ginoro aber bino timere piri. Ka yin inwongo ibedo ngat ame genere onwongo pe bala an ikare okato, cako tam ame tye iye gen amito yeleni. An adongo kan ame onwongo bedo kede gen iyetek, dang onwongo kare lung an abedo kede lworo ni ginoro arac onyo can apoto atura romo timere, ento ate nwongo ni peko ya ikom tam abongo yen ame wan obedo kede.

“Dano ame owuno kare me kwo mere pong ican ento ngat ame cunye yom camo arama kare lung.” CAROKOP 15:15.

Tyen ame acel ame cunyacil otela i tyeng jiri ni, pe onwongo aromo

23

niang ngo ame dano atye kede “awuna” neno, ento dong ate niang ni can ame en neno kare ya ikom para kede iworo ni ginoro arac romo timere ikome. Ate dang bino nwongo ni an gita en ame onwongo atye awayo peko ikoma kena kare ducu pien ginoro ducu ame atamo arac onwong timere gite ikoma. Onwongo amito ni kwona myero lokere, ento pe onwongo angeo ngo omio Obanga mom onwongo romo loko; ento ate dong niang ni an kara en ame kong myero acak loko tana ame en peru oloko kwo na.

Kur ibed abongo gen ikom ginoro... Kadi anyimi onyo ikom gin okato. Gin otimere I kumi angec oromo loko doko gi yuba Obanga pi kwoni ka yin igene. Bale mogo ayin itimo ikare okato oromo tic kede me loki doko ngat a ryek dok aber. Yin inwongo pwony ame ya ibale nono eka ite loko tami me pe nwoyo timo bale nono. Kur ibed abongo gen ikom kop akwako centeni, owoteni, jo odi, kit ame cil komi nen kede, bedo itic onyo bedo abongo tic, kwene ame ikwo iye, kit otoka ame myero I dwo, onyo ginoro keken. Bed kede cuny me gen, man bino konyi weki ibedo kede gen adwong ame medi teko.

Kur I Par onyo ibed kede Lworo

Para kede lworo obedo kit yore aryo me tam arac. Para mom timo ginoro aber atwali, ento kelo can adwong. Luny parani kede geno Obanga me wek en tyek peki a me itye kede. Para mio yin inen calo ngat oti kun mwaka ni me diti pwod tye ping, mi dang abarwic kede two yic dang dok mio ibedo ngat atic kede tek. Para pe obedo miti Obanga pi kwoni.

Bedo abongo para romo bedo ateki iyi acaki pien nwongo yam ina giti cobo miti ni iyore ayin ingeo, eka ite dang goyo yuba me gin itimo iyi anyim lyore acelano; ento poyo ni ka dong olokere bot Obanga nwongo dong itye ilubo yo me kite me kwo anyen.

Jo ape kede watoro kede Obanga romo gite para, ento pe yin. Obanga tye tung bangi, dang en kobo ni yin myero i jal peki ni lung bote eka en ete paro piri. (1 Petero 5:7).

Lworo gonyo ni wan otye okwo tin, abongo cuny opye pi paro pi diki.

24

Yecu okobo ni kur itim amanono pien nino acel acel canere ame rome (Matayo 6:34). Yin ibino ngeyo gin amyero itim ka kare me timo otuno, ento yin mom iromo ngeyo nikwanyo ka kare mere oromo. Obanga mito ni yin ipwony bedo kede gen ikome. En kare mere pe kato, ento pol akare mom tung con gite dang. Pi ngat apwod olare nyen, kuro nakanaka bede atek pien nwongo en pe ru, ona iye. Ento icenere yin ibino cako maro. Cunyi dong bino kwee eka yin ibino bedo agonya ite kwo nino inino abongo paro pi diki.

I cawa moro keken ame atematema me para obino i cunyi, poyo ka wi catan ni yin ibedo atin Obanga, dang doki en Obanga ocikere me tyeko peki ni ducu.

Yore anyen me poyo wii, obedo me kwano kede penyo wii keni keni ikom kop Obanga. Timo amino obedo yo ame yin ibino niango kede apokapoka ame tye iyi kina tam arac kede tam aber. Aporere, dano romo tamo ni gin dong obedo ocan pi kwo gi lung pien can anaka dong ojem okwero ya i ot gi, ento ibino nwongo ikop Obanga ni man pe kop ateni. Nwongo kony ame ya ibang Obanga eka ite lubu cikere me konyi lyore me tic kede cente ni, yin iromo jwayo can ikomi eka ite bedo kede jami adwong pi kit kwo moro keken ame imito. Kop Obanga kobo ni akato ducu Obanga mito ni yin myero inwong lonyo eka ite bedo kede yot kom, kit ame cunyi dang nwongo cil kede (3 Lakana 2). Kit ame cunyi woto itego kede eka dang dok iwoto iworo inyim Obanga, en bino miyo gimoro lung abeco ame yin iromo mako ite tic kede aber.

Obanga bino cobo miti ni pi mano yin pe myero ibed kede lworo ikwo ni. Ka yin imito tic, yin iromo lego eka Obanga te konyi me nwongi tic. En bino miyi gum ame ginoro keken ame yin iguddu bino nyako nyige.

Yecu mito ni yin inwong kwo aber. En mito ni yin icam kwo ame en etoo me miyi ni. Nwong ngec, kede niang atut, nwong ryeko me poko gin ara I gin aber eka te lubu yo ayin ingeo tye atira. Bedo abongo ngec tero wa ito, pi mano, kok kede pig wangi ni, mii ngec. Yecu Kricito en aye ryeko wa ame oya ibot Obanga. (1 Korinti 1:30).

25

Kwae me wek en ket ryeko nono iyi me mek itire malu eka ite nwongo ngec ame mii iwoto iyo Obanga. “Ryeko malo meicel kato gigi mogo me wel oko, mom tye ginoro ame imito wanu ame oromo poro kede.” (Carokop 8:11).

Buka ame cate tutwal obedo en ame acoo yonge ni “Lek Lweny me Tam.” Acukuro cunyi me kwano buki me oyotoyot. Poyo ni loko kite me tami, twero doko lweny atek, ento yin pe myero ibol tongi ni ping. Jo ame yenyo kede tekogi ducu obino culo gi abup.

26

Dul Me 6

YORE ANYEN ME LOK

Kop tye iye teko, tye iye teko ame tio jami onyo teko ame balo jami. Iyi agege, ikare ame Obanga oloko, en otio jami abeco, pi manono wan myero okoporo ticere.

“Dano yeng I gin aber pi kop oya idoge, Kop ame lebe kobo lokere dok konye. Akadi to onyo kwo bino pi kop adano kobo, jo ame maro kobo kop meicel bilo adwogi me kopgi-nono.” CAROKOP 18:20-21.

Ka ikwano tyeng jiri ni idiru inwongo tye akobi wa kan aler ni kop dog wa tye kede adwogi mere. En okene adwogi mere ber en okene obedo can. Ka wan ongamo dog wa me lok myero opoyo ni kop awan okobo tye kede teko moro okane iye. Tam me cunywa lokere doko kop awan okobo, pi manono en omio catan keto tam areco I cunywa. En ngeo ni ka wan ogamo tamere araci acalo megwa, wan obino miyo kato oko idog wa eka wan nwongo omie gite dogola atwolo me donyo I cuny wa me timo timere me cilo I kwo wa.

“Ngat ame gwoko kop ame ya idoge, gengo ayela mom bino ikome.” CAROKOP 21:23.

Atematema adong dit aloo ilobo man obedo me kobo kop ikom gin awan oneno kede en acuny wa winyo, ento Obanga mito ni wan olok ikom gin kopere en, mito ni wan obed kede. Man pe tere ni an atye akobo ni cunyi caa peki ame itye kede, ento ni yin gite iromo loyo peki ni no, dang dok kit ame yin iloko kede ikom peki ni nono nyutu kit ame yin iromo loyo kede.

27

Jo me Icarael obin obedo pi mwaki pyerangwen idi tim kun otemo me woto wot ame myero ter ka nine aparacel. Gin obedo gi gi wiwira mano godi, abongo mede iwot gi anyim. Gin onwongo otye kede peki apol, ento acel iye ame onwongo dit aloo, obedo ngungura. Gin obedo ngungura kun dang ocucura kare lung ka jami pe owoto kit agin nwongo otye omito. Obanga mito ni wan myero opake ote pwoye, ka wan otye idi tim me kwo (peko) kede dang ka wan otye ocung iwii gota pe dong otye onyiko. Kit awan oloko kede ka otye okwayo kony ka otye ipeko nyutu kare ame pekonono bino ri kede i kwo wa.

Man twero winyere bala gin awelo boti, ento kop dog wa tye kede teko moro ame okane iye. Jo Roma 4:17 kobo, ni wan oworo Obanga ame cwano gi gi mogo ayam mom tye, calo gin a dong onwongo tye. Obanga neno gin ame en mito ni timere eka te lok iye calo dong gin otimere oko. Me timo amanono, yin myero inen kede wang me ni yee. Iyee neno jami ni tye ateni kadi, do bed peru oneno onyo owinyo. Iyee gamo cikere Obanga eka te tic kede acalo kop ateni.

Ka wan otye kede peko, eka wan ote yee Obanga iyi ateni, Obanga bino gonyo wa ibal, oromo bedo dong ayi wa yom. Wan pe myero okur naka wang alokaloka moro onen pien wan otye kede iyee. Wan ongeo atut icunywa ni Obanga tye tung bot wa, dang tye atic pirwa. I kare me adwar piny

Ejekeri ongoloro neno, en obino oneno ka cogo ajo otoo eka Obanga te penye ka jo no romo dok kwo. En Ejekeri te gamo ni, “ama Obanga, yin keni en ingeo.” Pi mano Obanga te kobe ni en lok kede cogo ajo otoo nono ite kobi gi ni gin myero owiny kop a Rwot. Ejekeri te cako lok kit ame Obanga okobe kede eka cogo jo oto ni dang te cako dwogo cokere karacel. Ringo kede ler te dwogo I kom gi eka gin ote yaa cung ityen gi kun ocokere karacel acalo lwak opong apimpim. Man twon gin awura ame otiye ame nyutu teko ame kop Obanga tye kede.

Rabo Kop Obanga I Dwon Alongo

An apwonyo jo ducu me rabo jo itwok ping ducu me rabo kop Obanga idwon alongo, dang gin myero otim man pi tyen kop kede me konyo tego cuny gi ikom Obanga. Man obedo gin acel apire tek ame Obanga

28

opwonya kede, dang aromo kobo ni en a dang okonya me loko tama kede kwona alutu.

Kop Obanga obedo kop me cuny. Obedo gi lweny apiretek tutwal ka imito loyo catan. Catan lworo dang kome myel ka owinyo kop Obanga. 1 Luka 4 wan oneno kit a Yecu obeo kede iyi atematema a catan. En onwongo tye idi tim, en onwongo mom ocemo pi kare alac, eka catan te cako rwako tamere arac i wie. Iyi atematema acel acel ame catan otemo bwolo kede Yecu en game ka ni “Yam ocoo ni” eka te mede i juru tyeng jiri I dwon alongo ame ngolo goba a catan oko. Ka wan okoporo kop a Yecu ni eka ote lubo yore, nwongo otye iyo me loyo teko a catan.

Itye ame imito ni myero icak gwokere tutwal i gin ame dogi kobo? Ka amanonono, yin ibino nwongo, calo jo ocele dang, ni mano tye jami apol ame yin pe imito ni timere ikwo ni. An aye ni wan oromo medo onyo dwoko ping rwom me kuc kede lelo ame wan otye kede ka wan mom oloko aber. Ka kopa ni ateni tye iye, pingo dong pe ilok ginoro ame romo kelo kuc i kwo ni, a pati kelo kumu?

Lok kede cuny me iyee obedo gin acel amyero yin itim ikwo anyen adong I cako ni, i romo giti kobo acel eni:

- Obanga mara dok tye kede yuba aber pi kwo na.- An tye kede gum kanoro ducu ame awoto iye.- Jami ducu ame cinga gudu nyako nyige.- Obanga yaba dogola abeco me donyo eka te loro en areco mere oko.- An awoto i ryeko.- Cunya opong kede kuc.- Atye kede lelo.- An awoto i mar.- Ginoro aber bino timrere pira tin ni.- Otino na ducu maro dok otio pi Obanga.- Bedo me i ot wa gite mede ameda ibedo aber nino inino.- An abedo me gum bot jo i kanoro ducu a woto iye.Kodi kop acal eni gite bor, dang mom romo gik, nen ka gin ame

29

yin ikobo obedo gin ame kop Obanga kobo. Donyo i wat aber wun Obanga bino yabo dogola me kwo anyen piri. Bino keto yuba Obanga itic, te miyo catan pe nwongo ginoro amyero etim me balo.

30

Dul Me 7

YORE ANYEN ME NENE KENIKENI

Yin inene keni ningo? Kit a yin i nene keni kede, medo kede kit jo neni kede, kanne icunyi bala cal ame omako eka ote kanno iyi buk cal. Atyeko dong niang aber pi mwaki apol ame abedo tiyo kede tic Obanga iyi akina jo ni, pol ajo gite mom mare kengikengi tutwal. An dang onwongo mom gita amare kenakena pi mwaki apol, ame te miyo ginoro ducu ikwo na dong bedo bale abala. Obanga mari, pi manono, en dang mito ni yin myero imare kenikeni. Ento en dok dang pe mito ni yin myero i tim man, iyore me wanya onyo paro piri keni ento ni itim iyore ame tye aber. Yin pe iromo miyo dano ocele ginoro ayin ipe kede. Obanga maro wa, dok en mito ni mara ni cang wa, eka te tyeko peki wa icenere dong te kato tyeko peki jo ocele. Ka yin ikwero mara ame Obanga tye kede i komi nwongo yin dang pe i mare kem keni, pi manono mio yin mom iromo bedo kede mara ikom jo ocele.

Kit ayin itamo kede ikomi keni ocung i kom tic ayin itio? Wan jo apol otamo ni manono en ame pire tek, ento ite nwongo ni pol a kare tam wa mom room bedo aber pien tic wa gite mom bedo aber kare ikare. Wan mom obedo jo acil, dang wan otimo bal. wan omito timo jami iyore aber ento pol akare wan obedo timo bal. Pi manono, tye kakare me wan imito ni myero ojol Yecu ikwo wa. En nyutu teko mere ikom goro wa.

Yin pe ibedo me wura bang Obanga. En onwongo dong ongeo con, kodi ngo a yin ibedo i kare ame en olwongi ni yin ibin I kub wat aber kede. En ngeo oko con bale awan obino timo ikwo wa, neto en marowa dang tye imiti adwong i komwa. Kur ijemap jema apiri keni. Pwonyere ikite me jollo kica Obanga ninoinino. Ninoinino aping ruyi

31

ni, tem iteko me timo ginoro aber aloo pi ker Obanga. Tim aber aloo pien yin imaro Obanga, pe me bwolo, tamere me mari. En dang mari con dok bino timo amanono pi naka, dang mara mere ikomi ocung iyi ateni. Nino ducu aceng ayutu, kwa Obanga me timi kica ikom bale ducu, eka ite butu giti nino aber, eka ite coo aber me cako nino anyen.

Catan tye me lweny ikomi, ento Obanga tye tung boti. Yin myero dong idok tung bot Obanga pien ka jo aryo owinyere aber gin odoko atek. Yin piri tek inyim Obanga, dang yin itye kede mot me tiyo tic apol ame Obanga mito. Kur iber paro pi peki ni onyo penyere ni ngo kara arac kedi. Pe dang dok ibed paro ni bor tutwal me yin ituno iker Obanga – par dang kit ame olokaloka onen kede ikwo ni. Yin aman dong ibedo ngat oye Yecu Kricito, en acaki me nwongo kwo amwonya enono.

Niango Tirkit

Tirkit (cung atira wun Obanga) ya i yee Yecu, amom gite pi tic awan otio. Obedo mot oya ibang Obanga ame omio ikare ame yin iyee kede Yecu me bedo alarri.

Tyeng jiri tye apol, tutwal ame akwako kor kop imalu nu. Abino miyi mogo iyi akina gi me wek cukuru cunyi: “Ngat a rik mom ngeo bal, Obanga oloko odoko abal pir wa, me wek pire wan odok jo a nywako kite Obanga atye atira.” (2 Jo Korinti 5:21).

ATUU! Kodi tyeng jiri apire tek amani joni! Kricito onwongo gite mom ibaloro, ento pi mara mere ikom wa en oweo kor wa ibal wa me wek wan okub wat atek kede Obanga papo. Obanga dong aman neno wa acalo jo en romo jolo dok ame cung atira pien wan oye Yecu acalo alar wa. Myero dok anwo man... ATUU!

Kaka wan bedo kede lworo ni Obanga cunye ocwer dok akemo omake ikom wa, wan dong oromo cung inyime I Kricito kun otye igen ni dong ojolo wa.

“Pien mom obino kwano dano moro ni kite atir I nyim Obanga pi cobo cik; cik ticere me niango jo ikom bal.” JO ROMA 3:20.

32

“En kit ame Obanga kwano kede dano ni kite atir pi iyee mere ikom Yecu Kricito, dang tye pi jo lung ame ye en. Apoka poka mom.” JO ROMA 3:22.

“Wan ongeo ni, dano mom okwano ni kite atira pi cobo cik, kono ka pi ye Yecu Kricito. Anaka wan dang otyeko ye Yecu Kricito me kwan wa ni wan kite wa atira pi ye Kricito mom pi cobo cik; pien mom obino kwano dano moro ni kite atir pi cobo cik.” JO GALATIA 2:16.

Pire tek me konyo jingo cunyi ka yin inene keni ni itye I cung atira wun Obanga kun beo iyee Yecu Kricito. Man obedo mot oya ibang Obanga. Ka wan odago kom wa ken wa, kun obedo lworo ni Obanga cunye omako akemo ikom wa, wan orwenyo teko ame Obanga mito ni wan myero owot kede i Kricito. Wan otye kede twero ikom catan acalo jo oye Yecu, ento wan myero ocung inyim Obanga kun oruko bongo me tirkit, amom dok bongo me bal onyo ceno.

Buk me Epeco pol akare kobo ni wan myero oruk bongo me tir kit acalo kwot me konyo wa I dog lweny. Pien acalo amony, kwot gengo kore oko te miyo mom nwongo awano. Ngo dong ayin iye adok dang iniang pi komi keni? Oromo ye ni iyee ni giri omio yin dong I cung atira wun Obanga? Yin iromo ye ka yin imio ocung I kom gin ame Yecu otimo piri ento pe pi bedo tamo bal ayin itimo. Yin ibino mede itimo bal, ento ka itimo, ngut iye oyotoyot me Obanga tim kica. Man en aye yo acel keken ame wan oromo tuno kede i tir kit. Mom gite wan oromo wot ni kite wa atir, pien kite wa otop calo opeke bongo acilo onwane iye, ento wan myero otun itir kit Obanga kun obeo i yee wa ikom Yecu Kricito.

Kodi kop aber amani romo konyi me loko cunyi i komi keni acalo kite anyen me kwo pi ngat oye Yecu.

Bedo Ayi Yom

Yin itye agonya me bedo ayi yom amani, dang obedo miti Obanga ni yin itim amanono. Kur ipor rwomi me kwo kede gin ajo ocele kobo

33

ikomi onyo gin ame con onwongo gin okobo ikomi. Kur dong ipar kit ayam gin oteri kede onyo kit ame gin ocai kede ni cobo miti ni onyo lony oloi. Obanga oneno ni yin ibedo dano apire tek dok dang rwomere malu en omio en te cwalo wode acel keken me too piri, pi manono myero giri ibed ilelo.

Baibul kobi wa kan aler ni Obanga mito ni wan myero obed ame yiwa yom i kwo wa, dang ni man pe room, timere ni kwanyo ka yin iye bedo ayi yom. Yin kom ibedo dano acel keken, mom jo aryo, dang mom iromo pokere iyi aryo ma bedo jo aryo. Ka dong mom icamo kwo ayi yom, nwongo dong yin itye kede can adwong ikwo.

Kit ame an atye kede, yin dang ipat kede jo ocele ayin ingeo, ento manono baloro pe iye. Manono obedo kit ame Obanga ocweo wa kede pi tyen kop ame en ngeo kene. En cweo wan ducu apatat. En maro jami akwon gi papat. Yin gite mom ipat arac araca, ento ipokere I kom jo ocele pien kit ame Obanga omito kede eno, dang piri tek pien mom opoto yin apota ikom jami okene.

Kur ibed poro kwo ni kede mega ajo ocele, dok dang kur ibed pyen ked gi (2 Korinti 10:12). Bed ngat ayin ibedo eka ite bedo ayi yon pien yin ibedo yin. Yin myero ikel alokaloka kakagi mogo ikwo ni, eka ite weko tipu acil yele me kelo alokaloka pi kwoni lung. Amut aber tye ni yin itye agonya me bedo ayi yom kun tipu acil tye awot anyim kede kelo alokaloka i kwo ni.

34

Dul Me 8

LOKO LWORO DOKO IYEE

Wan ducu ongeo ngo ame lworo kelo icuny wa. En cwero cunyi dok gengo tami I wot anyim. Lworo romo miyo kom wa myel, kwok te pong ikom wa, ote doko agoro, te miyo ringo jami amyero wan ocung okur.

Lworo mom oya ibang Obanga. Lworo obedo gilweny a catan ame en tio kede me gengo wa ikwo ame Obanga mito ni wan okwo. (2 Temoteo 1:7). Obanga mito ni wan obed kede iyee. Iyee obedo jallo kite me kwowa ducu icung Obanga kede gen ame tye iteko mere, ryeko mere, kede berrere. Man obedo anyut me jami awan mom oneno dok ame ateni mere iyee wa en anyutu.

Iyee tio ticere kan ame cuny acil tye iye. Yin I kare okene dong ina oko me ye ka gin owangi oneno onyo ame cunyi winyo keken, ento acalo atin Obanga yin ibino mito ni myero ibed kede kwo aber I cuny acil ame obedo gin ame mom ineno. Wan mom oneno Obanga pien en obedo tipu, ento wan oyee en. Wan mom dang oneno omaraika, ento kop Obanga kobo gin gite otye oguru wa dyere dang ogwoko wa. Ka wan oketo gen ikom Obanga kede kopere, wan oromo tuno kar ame cuny acil tye iye eka ote nwongo iye gin ame Obanga mito ni wan myero oti kede me camo kwo opore kadi kono gite wan mom oneno.

Catan yie yom tutwal ka en ewiro tam itamo pi tin keken eka ite lworo kop me anyim.

I tung ocele, Obanga mito ni wan myero obed kede gen ikome, kun oye ni en edwong alo peki moro ducu onyo bura moro keken ame ya ibot catan.

35

Baibul tye opong kede apor me coo kede mon ame obin onwongo ni gen gi orwenyo pi peki gi, ento adwogi mere obin obedo ni lworo te pong i cuny gi. En gin ote lokere keto gen gi ikom Obanga eka ote gonyo gi. Yin myero ikwany dong tam acel: me kwoyo kwo me lworo onyo bedo kede gen. kadi kono adoko a kricitayo, pwod iromo nwongo ni ity ikwoyo kwo ame opong kede lworo ame ryango cunyi naka wang ame iye me bedo kede iyee. Yin dong ityeko jollo Yecu acalo alarri kede iyee; gin amyero dong iti obedo me kwo kede iyee.

“Pien amut aber nyuto kit ame Obanga kwano kede dano ni kite atir, kun cakere kede iyee, tum dang kede iyee; acalo yam ocoo ni, “Dano ame kite atir pi iyee bino bedo kwo.” JO ROMA 1:17.

Kit awan oniang kede mara Obanga eka wi wa te po ni wan dong odoko jo atye atira inyim Obanga ni yaa ito kede cer a Yecu, wan dong onwongo bedo kede iyee dong yotayota. Wan dong ocako bedo kede gen ikom Obanga me gwoko wa akaka wan itamo ni wan oromo ogwokere kenwa.

Tekcuny pe tere ni lworo dong pe, ento nwongo tekcuny obino pien lworo tye. I kare ame Obanga okobi omiru mere ni mom ilwor, en onwongo pe akobo ni kur obed lworo, ento ni gin myero owore. Obanga ngeo ni cuny me lworo kare ducu temo me gengo wa wot anyim karacel kede en. En omio en bedo nwoyo I kopere ni en eye ked wa kare ducu, pi manono wan pe myero onwate inyim lworo.

Eleanor Roosevelt obin okobo ni “Yin iruku tekcuny kede teko ni beo itimo ginoro abongo iworo. Yin myero itim ginoro ame yin itamo pe oromo tiyo.”

“Myero I cung wunu atek ame cuny wu nwang. Kur ilwor gi wunu, cuny wu dang kur pot pir gi, pien Rwot Obanga wu tye ked wu I kabedo lung ame ibino wot wunu iye. En mom bino bolo wu, dok dang mom bino weko wu.” LODO CIK 31:6.

Iyee keken en ame yomo cuny Obanga. Wan ogamo ginoro ibang Obanga ka obeo iyi iyee. Pi manono, pire tek me ngat ame oye Kricito nyen me bedo ingec ikom iye eka te lubo yo Obanga kede iyee. Tego

36

iyee dang otimo kit ame tego ler kom dang otimo kede. Myero i ket iyee itic momot momot, eka pi kare ayin ibedo timo amanononi, en te tego doko atek.

Matayo 17:20 pwonyo wa ni mom tye ginoro ame loo ngat ame oyee. Kadi kom atin iyee dang twero miyo godi me peki ikwo wa jer tenge. Tye kare mogo ame yin itemo iteko ni ducu me cobo peko ni moro ento ite poto idudi ni dany. Ka amanono, nwongo yin ame ituno kakan ame omyero icak kwo anyen. Manono miyo dong iromo kop kede Obanga (lego) eka ite jolle me donyo I koporo ducu ame kwaki, dang yin ite dong niang ni gin ame teki dano ibol Obanga gite mom ginoro atwali.

Alubere kede iyee ni, yin obino timi amanono (Matayo 9:29) yin ikare okene ibedo bedo kede lworo ikwo ni pi kare alac, ento amani kare dong oromo me yin iloko lworo nono doko iyee. Bino tero kare me yin pwonyo kite me ikwo anyen, ento kur i kwany gen I cunyi oko, eka ite jale oko ni dong oloi. Jami ducu me lobo kan timere momot. Anonokanonok, jami ducu lokere ka wan ogwokere ikom gin Obanga kobi wa.

37

Dul Me 9

CAM KWO

“Akwo pe bino pi ginoro ocele, kono pi kwalo, kede neko, kede tyeko; an abino wek gin onwong kwo, gin obed kede adwong.” LAKANA 10:10.

Yecu otoo me wek yin inwong kwo. Man nwongo pe terre ni yin ibino nwongo jami lung kit ame yin imito kede abongo yele. Tere ni, pi bedo acok kede Obanga, yin iromo loyo peki me lobo man eka ite donyo I kwo nicer kede Obanga kun i donyo i tipu acil.

Obanga en kwo wa. Iyi en wan obedo kwo eka ote wot, eka ote doko dano. Bedo cok kede Obanga bino gonyi te weki ibedo acunyi yom ninoinino pi kwo ni lung. Mi cunyi bed yom pi note wun Obanga. Obanga paro pi ginoro ducu ame kwako kwo ni, dang Baibul kobo ni Obanga bino miyo kwo ni cung atira i kom ginoro ducu ame kwaki. En tye atic pi kwo ni kare lung kun loki doko gin ame rwate kede miti mere.

Kur ibed kede lworo ikom Obanga iyo arac. Wan myero obed kede woro ikom Obanga, ame gonyo ni wan myero owure eka ote bedo kede ngec ni en obedo, teko aloo ducu dang cobo cikere mere. En wan pe myero obed kede lworo in Obanga akemo mako cawa ducu i kom bal awan otimo onyo ni en bino keto makatal iwiwa icawa lung ame wan otimo bal. Obanga obedo akica dang akemo mere bino momot. En kanyo akemo, dang en ngeo kite wa kede goro wa ducu.

Ka yin irom kede wan jo oceleni, nwongo yin itye kede kit jami mogo ikwo ni ame iloloko – dong Obanga bino loloko gi oko. Ento amut aber tye ni yin iromo bedo ayi yom wun obanga ite camo giti kwo kun

38

nwongo Obanga tye atimo alokaloka ikwo ni.

Kit kwo ame yin itye ikwoyo amani ikare okene pe obedo en ayin imaro ni ibed kede naka iyi agiki, ento en kwo adong pwod itye kede amani enono, pi manono myero dong icak maro kwo nono. Nwong jami abeco ni ya i kwo nono. Mi jami abeco ame itye kede nen kan aler eka ite maro neno ka jami abeco keken ame ya ikwo nono. Bed ayi yom kede jo odi kede owote ni. Kur ipok gi kede jo ocele pien itamo ni myero ilok tam gi. Yin leg ka pir gi, ite weko Obanga en ame loko gi.

Mar tici, mar turi, ite maro kwo amom dok tye malu akato. Man bino timere ka yin iketo geni ikom Obanga eka ite bedo kede amy aber. Ket wangi ikom Obanga ento pe I kom jami areco ame tye i komi, kwoni, jo odi kede lobo lung. Obanga tye kede yuba aber piri, dang en dong acako tic iye oko. i romo dong lelo con, kun ibedo igen pi jami abeco atye iyo abino.

Pol ajo mom gite bedo kede gen ni gin oromo bedo kede kwo ayot teki peko tye ame odio gi pi kare moro ni, ento manono tam a mom ateni. Kur ibed ka paro pi bale ame okato angec. Mede kede tamo jami me kare me anyim ame yin inwongo I Yecu Kricito. Yin iromo cako kit kwo moro keken acunyi oyero. Yin iromo giti bedo wayo yam mot iyi a kina otoki ogaro yo ka I nwongo ni kodi kwo nono niangi. Poyo ni an atye apwonyi ikop ikom kite me kwo anyen, ento mitini ikom kwo pire tek.

An gita dong atyeko pwonyere I kite me bedo ayia yom kakan ame atye iye ni, kun akuro wot kwene ame iyee na bino tera iye, pi manono an dong akwayi ni yin dang itim amanono. Tye jami apol amyero Obanga tim pi kwo ni, dang pe mito ni itim jami ni ame cunye pe yom. Kit ame otino dongo kede te doko jo adongo, amanono, okricitayo myero dang dong iyi iyee. Tero gite kare alac me dongo ni itimere, pe tye gin a gengo cuny wa bedo ayom ka owoto a kricitayo.

Obanga mom gite tamo ni yin myero icung atira abongo roccogo me bal tini ni. Ateteni, en ngeo ni yin gite mom iromo bedo acil abongo

39

baloro ka pwod itye ikwo ilobo man. Ento en dang mom dok mito ni wan omede itimo bal. wan myero oya odiko nino ducu ote tiyo aber pi Obanga. Wan myero oye goro wa eka ote kwayo kica pi bale awan otimo, kun obedo kede cuny me weko gi atwali. Ka wan obino timo amanono, Obanga bino timo en odongere. En bino mede itic kedwa kun beo i tipu acil. En bino pwonyo wa, lokowa, kede tic ked wa yin dong ityeko nyono yo me kwo anyen, atye dong kede iyee mom ibino kok ni kono ingeo. Bed acunyi yom kede Obanga, beda acunyi yom kede kwo ni, eka ite mako kwo ame Yecu otoo pi miyi!

40

BUKE OKENE OPORE ME AKWANA

An atye kede buke okene ame twero konyi me medo ngeci I kom kite me kwo anyen. Iromo penyo pi buk ame oryeo nying gi ni eka ote cwali abongo culoro iye. Amito dang kobo ni opore me yin I kwayo ni ocwali atin buk ame kato dwe I dwe, nono abongo culoro.

An acwako atek tutwal ni myero I kwan buk, ame nyinge “Lweny me Tam” kede “kite me cobo bedo ngat a yin I bedo”. Dok acwako dang ni I kwan “kop”, “Nying”, “Remo” acalo buk abino konyi icibo guti atek pi kwo ame Yecu oto pire ikor yat aria kede teko ame amani dong yin itye kede acalo ngat oyee Yecu.

“Diye adia kede mede ameda ‘bal’ obedo en ame omako i kacet onyo CD, eka “Dog” twero konyi me niango kop I kom teko me kop aya idogi.

Ka inwongo ni wan oromo me kony boti, gen wa ite bino i opici wa, eka poyo ni Obanga mari, amanono wan dang omari!

41

LEGO ME LARE

Obanga mari dok tye amito ni ibed kede wat acegi kedi. Ka yin pwod pe iye Yecu Kristo calo alar ni, iromo timo icawa ni. Yab cwinyi bote a itye nwoyo lego man…

“Apap, angeo ni an abalo, tima kica ibala, lonya, lwoka aleng, acike me geno wodi Yecu Kristo. Aye ni en otoo pira- okwanyo bala oketo ikome ma en otoo ikom yataria. Aye ni en ocer ilyel. Icawa ni amiyo kwona bot yecu. Apwoyo Obanga Papo pi mot me kica kede kwo aperakino. Konya wek akwo pi in, Inying Yecu Kristo, Amen.’’

Kita ame dong ilego icwinyi ni, Obanga dong ojoli, olonyi kede dong ogonyi itwec me too me cwiny. Nwong cawa me kwano lok obanga man ma ku co ni. Kede dok ikwa obanga me lok kedi iyoo me wot me lare ame dong inwongo ni.

Buk Lakana 3:16Jo kirinti me Acel 15:3-4Jo Epeco 1:4Jo Epeco 2:8-9Waraga 1 Lakana 1:9Waraga 1 Lakana 4:14-15Waraga 1 Lakana 5:1 Waraga Lakana 5:12-13

Leg bote me inwong kanica ame tito lok obanga ateni. Me miyi dongo iwati kede obanga ni Yecu Kristo.

Obanga tye kedi ikare ducu. En teli ikare ikare dok nyuti kite me kwo aber ame en omiyo boti.

42

KOP I KOM ACOO BUKI

Joyce Meyer obedo ngat acel iyi akina opwonye me kop i Baibul me wi lobo alutu. En ocoo buke akato pyerabiro oko ikom kite me loko cuny. En tye ame okato kede dang pwony ame ya idwon ame omako i kacet karacel kede mogo omako cale iye ame oneno I bideo. En tye kede puruguram ame ocwanoni “cam kwo me nino ducu” ame kato I radio kede telebijon pi wi lobo alutu, kede dang en woto tutwal itucu jiri itwok ping apapat me lobo. Joyce kede cware Dave, onywalo otino angwen, dang gin okwo I St. Louis, Missouri.