NUNGZUI DINGA SAPNA

Sinna 4, April 25, 2015 ni ading

NGABENG DINGA SAPNA

“Simon Peter in amuh ciangin, Zeisu khe ah bok in, ‘Topa aw,Kei kiang pan pai khia in, keimah in mawhnei mi ka hihi! Ahang in, James leh John ahi Zebedee tate,Peter kipawlpihte in a ngamat uh lamdang sa uhhi. Tua ciang in Zeisu in Simon kiangah “Lau kei in . Tu a kipan in mi na man ta ding hi.” aci hi..’” (Luke 5:8-10)

Hih alamdang ngamatna

tangthu panin nungzui hihna’

omzia ih telsiam thei hi.

Mihing

Zeisu kammal banga tatna: “Zeisu kammal hangin ngeen khia ning ei.” (Luke 5:5)

Pasian sianthona saang: “Topa aw, ka kiang pan paikhia in!” (Luke 5:8)

Ei mawhbanna saang: “Keimah in, mawh nei mi ka hihi.” (Luke 5:8)

PasianMakaih, keem in dal: “Lau kei in.” (Luke 5:10)

Ngabeng dingin hong puahpha: “Mi amante kong suaksak ding hi.” (Matthew 4:19)

NUNGZUI DINGA SAPNA“Khuavak ciangin, A nungzuite Ama kiangah sam in: 12 te telin nungzuipite cih min pia hi.” (Luke 6:13)

Apostle akhiatna in “akisawl mi” cihna hi. Zeisu in 12te telkhia in, lungdamna thu atangko ding, Ama gam aiawh dingte ahi uhhi.

Zeisu in bang hang in tua 12te teel hiam? Bang tuamkaina nei uh hi hiam?

Zeisu nung azuihma a alang tanggte nasep bel thei lian kei mai hangh. 4 te bel ngabenggte hi uha; khat bel siahdongte hi in, khat bel puahpha pawlte khat ahihi.

Mi tuampiante hi tuanlo uh hi. Topa gam thu a it te ahi uh hi. Zeisu tawh aomkhawm nuamte ahi uhhi. A Khaa abuak theih mite, A om nawnloh huna hih leitung ah A masuan azomh dinga kipuah thei ding mite ahi uh hi.” (E.G.W., Pilsinna, Education, cp. 9, pg. 84)

NUNGZUIPITE’ KICIALNA THU“Tua ciangin nungzuipi 12te samkhawm a cinate damsak theihna ding, dawite tungah vangg leh thuneihna pia hi. Pasian gam thu hilh ding leh cina damsak dingin sawl hi.” (Luke 9:1-2)

Atunga thu tungtaawn in, kicialna tawh masuan ki koici laak hiam?

1. “12 te sam hi”sapna dawng a asem khawm ihihi. Zeisu ngiat in sam hi. Sapna dawnga asem khawm,

Pum khat banga mapang khawm ihihi. (Acts 2:1).

2. “Vaang leh thuneihna pia hi.” Ei tha zat kullo hi. Zeisu in ahunhuna galpa

izawh nang vangg hong pia hi.

3. “Thu hilh ding, … damsak ding in paisak hi.” Nungzuite in: pumpi, lungsim leh

khalam thute leh vai khempeuh ah midangte akem dingte ihihi.

NUNGZUI HIHNA“Hih thute khit ciangin Topa in 70 te zong sam a, nihta in, asawtlo a apai nang khuate ah sawl khia a, tua 70 te lungdam takin hong ciah kik uh ciangin, “Topa aw. ‘Nangma min tawh dawite nangawn in ka thu uh hong mang zen veh aw’ ci uh hi.” (Luke 10:1,17)

Tua 70te thupha tangko dingin thu aki piak mah bangin, thuhilhna pen siampite leh upate sepding bek hilo hi. Christian khempeuh in hih masuan ah ih pan’ ding ahihi. 70 te’ gualzawhna vai Zeisu in bangci gen

hiam(Luke 10:18-20)?

Ih masuan ah ih gualzawh ciangin,

Satan aguallel ahihi. (v. 18).

Hanciamna nasia sem leh vang lian sem hi.

(v. 19).

Ih kipahna pen gualzawhna ah

zungkha ding hilo a, vantunggam lutna vai

hi zaw hi. (v. 20).

“Khazih in Anungzuite asawl khiat mah bangin, tuhun in Ama pawlpi mite hong sawl hi. Nungzuipite’ ngah vaang pen amau ading ahihi. Amaute in, Pasian pen amau thatanga aneih uh leh, Amah in amaute tawh semkhawm in, atha uh mawk maii lo ding hi. Amaute nasep in Topa thukimna tawh kipawl nasep ahihi.”

E.G.W. (Nungzuipite’ Nasep, The Acts of the Apostles, cp. 58, pg. 599)

NUNGZUIH MANH“Amah in amaute kiangah, ‘Mi khatpeuh in ka nung hong zuih nop leh, ama pumpi nial a, ama singlamteh nisim in pua in, hong zui ta hen’ aci hi.” (Luke 9:23)

Pumpi nialna. Ka mi ‘luii’ ka hi nawnkei hi. ‘Kei’ ka si khin a Khazih sungah mithak ka suak zo hi.

Ka singlamteh pua. Nungzui kahihna mawhpuak thak ka saang ding hi. Tua kasan’na tawh manh sangpi ka piak zong kul kha ding hi.

Zeisu zui. Zeisu bek mah in ka nuntak hong makaih ding hi.

Calvary khekhap zui lo in Christian nungzuihna cih om theilo hi.

“Gualzawhna angah nuamtein hotkhiatna thu limtaka angaihsut ding uh ahihi. Mihingte lunggulhnate beimang sak in; ih ngaihsutnate Khazih sungah ih ngak ding ahihi. Christiante in amau a’ ahih loh lam uh akitheih ding uh kisamh hi. Nan’ ding zeetna tuak ding uha, do ding lunggulhna nei ding uh ahih manin Topa in kipumpiak-na lobuang sang theilo hi. Kineih khemna pen Ama adingin huathuai hi. Nungzuite in upmuanna tawh Khazih sung ah nungta in, muh theihloh Pa mu a, Khazih in aitpen uh sumgum hong suak in, Amah lobuang ngilhlah hong nei nawnlo ding uh hi.

E.G.W. (A lamdang Pasian’ hongitna, God’s Amazing Grace, September 20)