roli i kulturËs politike nË ndËrtimin e sistemeve...
TRANSCRIPT
C E N T R U M 9
316
Qani Nuhiu, MA1
UDC: 316.344.5:[316.75:32
ROLI I KULTURËS POLITIKE NË NDËRTIMIN E SISTEMEVE DEMOKRATIKE
УЛОГАТА НА ПОЛИТИЧКА КУЛТУРА ВО ГРАДЕЊЕТО НА ДЕМОКРАТСКИ СИСТЕМИ
THE ROLE OF POLITICAL CULTURE IN THE BUILDING OF THE DEMOCRATIC SYSTEMS
Abstract
Definition of culture in general and political culture.
The role and influence of political culture in building
democracy.
Types of political culture under governance systems and their
characteristics .
The role of scientific, cultural, political elites and civil society
in creating of political culture.
The role of media in creating of political culture.
Political culture as a factor in building and advancing
democracy.
Democracy as a way of regulating the relations in society and
form of governence, is not an act, but a long and very complex process,
which depends on many factors. During treatment and scientific
research of the formation of societies and democratic states, which are
governed by authentic (qualitative) democratic institutions, it is
impossible to not traiting the role of political culture that has in building
democracy in general. Democracy often has own contradictions, level
1 State University of Tetova, Faculty of Law ([email protected])
C E N T R U M 9
317
raising in almost every case also depends on numerous social and
political conditions. But in general in all values and principles which
democratic systems are supported, exist one condition, which is a
conditio sine qua non of democracy building, and he provided that is
political culture.
Key words: political culture, types of political culture, political
culture characteristics, states and democratic societies, values and
principles on which democratic systems rise, democratic institutions.
Hyrje
Kultura pa dyshim është një nga karakteristikat identifikuese të
njeriut dhe të shoqërisë njerëzore në përgjithësi. Si e tillë është një
dukuri mjaft e komplikuar, prandaj është e nevojshme që qartë të
përcaktohet se çka nënkuptohet me nocionin KULTURË.
Kultura mund të definohet nga pozicioni i shkencave të ndry-
shme, prandaj është e domosdoshme që të përcaktohet karakteri
shoqëror i kulturës.
Kultura për mision kryesor ka qëllimin që ta lehtësojë e ndihmojë
ruajtjen, vazhdimin dhe përparimin e racës njerëzore në përgjithësi,
prandaj nisur nga ky aspekt ajo qëndron në raporte shumë të ngushta
me progresin.
Shkencëtarët kanë bërë dallimin në mes të “definicioneve
progresiste, idealiste dhe materialiste të kulturës”.2
“Disa shkencëtarë flasin se kultura paraqet proces të pushtimit sa
më të madh të natyrës nga ana e njeriut, i cili mbështetet në progresin
teknologjik dhe të fitimit të diturisë objektive”.3
Shpesh ndodh që mos dallohen qartë kultura dhe civilizimi.
Kështu Edvard Tejlor-i e ka “konsideruar ‘kulturën’ dhe ‘civilizi-
min’ si sinonime, dhe se të dy kuptimet e nënkuptojnë “atë tërësi të
përbërë e cila i përfshin diturinë, besimin, artin, moralin, të drej-
tën, doket dhe të gjithë aftësitë dhe shprehitë të cilat njeriu i ka
fituar si anëtar i shoqërisë”. 4 E.Tejlor gjithashtu ka pohuar se
“kultura përparon sipas nevojës (ligjit të natyrës) qoftë në
kuptimin material qoftë në kuptimin moral”.5
2 “ENCIKLOPEDIJA DRUŠTVENIH NAUKA”, TOM 2 (N-Ž)/ priredili Adam
Kuper i Džesika Kuper, Izdavač: SLUŽBENI GLASNIK, Beograd, 2009; str. 671. 3 Po aty. 4 Po aty. 5 Po aty.
C E N T R U M 9
318
“Kultura në kuptimin e përgjithshëm përcaktohet si tërësi e
krijimtarisë historike të njerëzimit me të cilën njeriu e ndryshon botën
rreth vetes dhe vetveten në atë botë”.6
“Në nocionin e kulturës janë përfshirë krijimtaria shkencore, artis-
tike dhe njohuria e njerëzve, përvoja e tyre dhe gjerësia e ndjeshmërisë së
tyre, të cilat shprehen si tërësi ose shkallë e zhvillimit të individit dhe
grupeve shoqërore, përsosmërinë e tyre në sundimin me botën”.7
“Përderisa nocioni i civilizimit ka të bëjë më tepër me arritjet e
njeriut dhe njohuritë në sferën e jetës material dhe të jetës së përditsh-
me, nocioni i kulturës i shpreh të arriturat afatgjate shpirtërore dhe
vetitë e njerëzve dhe të bashkësive njerëzore në rrugët e tyre të zhvilli-
mit historik, zotërimin me natyrën dhe kultivimin e natyrës së tij në
kuptimin shpirtëror ”.8
Sipas definicionit “Kultura në kuptimin e përgjithshëm
definohet si tërësi e krijimtarisë historike të njerëzimit me të cilën
njeriu e ndryshon botën rreth vetes, por edhe vetveten në atë botë. Në
nocionin (kuptimin) më të gjerë të kulturës janë përfshirë krijimtaria
shkencore, artistike dhe dituria e njerëzve, përvojat e tyre të cilat e
shprehin tërësinë ose shkallën e zhvillimit të individëve ose të grupeve
shoqërore”.9
Pra, ekzistojnë dallime në mes të nocioneve civilizim dhe kultu-
rë. Përderisa nocioni civilizim drejtpërdrejtë ka të bëjë me njohuritë
dhe të arriturat shkencore si dhe rezultatet e saj në lëminë e reprodu-
kimit material dhe të jetës së përditshme në aspektin material e praktik,
nocioni kulturë fokusohet dhe i pasqyron begatitë shpirtërore të
njerëzve dhe të bashkësive njerëzore gjatë gjithë rrugëtimit të zhvillimit
historik të tyre.
Kultura, si natyrë e dytë e njeriut, nuk është asgjë tjetër përveç se
rregullimit i jetës së njeriut. Pra, ajo është “fitore mbi parregullsinë.
Parregullsia tregon mungesë të shpirtit, prandaj në botën e
kulturës nuk ka vend për parregullsitë”.10
6 “ENCIKLOPEDIJA POLITIČKE KULTURE”, redaktori Milan Matić i Milan
Pounavac, Izdavač Savremena administracija, Beograd, 1993; str. 829. 7 Po aty, f. 829-830. 8 Po aty, f. 830. 9 Milan Matić, Milan Podunavac “POLITIČKI SISTEM“, Izdavač ČIGOJA
ŠTAMPA, Beograd, 1997; str.347. 10 Dr Čedomir Čupić POLITIČKA KULTURA I MEDIJI, FPN | Godišnjak 2009 | II
DEO: Novinarstvo, komunikologija, kulturologija; str.339-351; Beograd, 2009; str.339.
C E N T R U M 9
319
Koncepti i shoqërisë dhe koncepti i kulturës janë dy koncepte
më të përdorura në sociologji. Sipas Anthony Giddens “Kultura përbë-
het nga VLERAT të cilave u përmbahen anëtarët e një grupi, nga
NORMAT që ata respektojnë dhe të mirat materiale që krijojnë”.11
“Vlerat janë ideale abstrakte ndërsa normat janë parime të për-
caktuara ose rregulla që njerëzit duhet t’i respektojnë. Normat përfaqësoj-
në atë “që duhet bërë” dhe “atë që nuk duhet bërë” në jetën sociale”.12
“Kur e përdorim termin kulturë në jetën e përditshme shpesh e
mendojmë atë si ekuivalent të “elementeve të larta të mendjes”-artit,
letërsisë, muzikës dhe pikturës. Siç përdoret nga sociologët, ky
koncept përfshin jo vetëm këto elemente, por edhe shumë të tjera. Kul-
tura i referohet gjithë mënyrës së jetesës së anëtarëve të një shoqërie”.13
Duhet cekur edhe faktin se “Në të përfshihet mënyra e të veshurit,
zakonet e martesës dhe të jetës familjare, mënyrat e të punuarit,
ceremonitë fetare dhe shfrytëzimi i kohës së lirë. Ajo përfshin edhe
objektet që ata krijojnë dhe që kanë shumë kuptim për ta si: harku dhe
shigjeta, plugu, fabrikat dhe makineritë, kompjuterët, librat, banesat”.14
Gjithsesi se kultura si koncept dallohet nga koncepti shoqëri, por
midis dy nocioneve ka lidhje të afërta. “Shoqëria“ është sistemi i
marrëdhënieve reciproke që lidhin me njëri -tjetrin individët e së njëjtës
kulturë. Asnjë kulturë nuk mund të ekzistojë pa një shoqëri. Por, po ashtu
asnjë shoqëri nuk mund të ekzistojë pa një kulturë. Pa kulturë ne as që do
të quheshim “njerëz”. në kuptimin që e përdorim këtë term. Nuk do të
kishim gjuhë në të cilën do të shprehnim veten, as idenë e vetëdijes, kurse
aftësia jonë për të menduar do të ishte mjaft e kufizuar…”.15
“Kultura e përgjithshme është sferë e komplikuar në të cilën
reflektohen të arriturat dhe përvojat e zhvillimit shpirtëror në të gjithë
lëmitë e jetës, e me këtë edhe në lëminë politike, e cila është me rëndësi
të madhe për ekzistencën kolektive dhe zgjedhjen e rrugëve dhe qëllimeve
të zhvillimit të përbashkët të disa popujve dhe grupeve tjera shoqërore”.16
Kështu, sipas Andrew Heywood “Në kuptimin më të gjerë,
kultura është mënyra e jetesës së një populli”.17
11 Anthony Giddens “SOCOLOGJIA“, Botues: Botime Çabej, Tiranë, 2004; f.42. 12 Po aty, f.42-43. 13 Po aty, f. 43. 14 Po aty. 15 Po aty. 16 “ENCKLOPEDIJA POLITIČKE KULTURE“, redaktori Milan Matić i Milan
Pounavac, Izdavač Savremena administracija, Beograd, 1993; str. 830. 17 Andrew Heywood “ POLITIKA“, botimi i dytë, Botues: Botimet DUDAJ, Tiranë, 2008; f. 222;
C E N T R U M 9
320
“Sociologët dhe antropologët priren të bëjnë dallimin në mes “kul-
turës” dhe “natyrës” , ku e para e përfshin atë që kalohet nga një brez në
tjetrin nëpërmjet të mësuarit e jo nëpërmjet trashëgimisë biologjike”.18
1. Nocioni i kulturës politike
KULTURA dhe KULTURA POLITIKE, si nocione dhe si
dukuri shoqërore janë në lidhje të drejtpërdrejtë e shumë të ngushtë në
mes veti, megjithatë nuk mund të identifikohen dhe shpeshherë mes veti
kanë dallime që kundërshtojnë njëra-tjetrën, por megjithatë nocioni
KULTURA POLITIKE nuk e ka humbë lidhjen e drejtpërdrejtë me
nocionin e përgjithshëm të KULTURËS.
“Kultura politike është pjesë e ndërgjegjes kolektive të një
kombi, ajo ekziston si një sistem simbolesh, besimesh, vlerash dhe
normash të një shoqërie të veçantë. Nga ana tjetër, kultura politike
është qëndrimi ose orientimi i qytetarëve ndaj objekteve të
ndryshme politike”.19
Ndryshe, kultura politike mund të definohet edhe si orientim i
qytetarëve të një kombi ose shoqërie ndaj politikës, organizimit politik
dhe perceptimit të legjitimitetit politik. Ajo, si pjesë e kulturës së
përgjithshme, paraqet vendosjen e rregullit në jetën politike,
gjegjësisht në sferën publike dhe në jetën institucionale.
Kultura politike origjinën e ka nga Shtetet e Bashkuara të
Amerikës dhe si i tillë ka pasur percepcion neutral.
G. Almond dhe S. Verba përdorën të parët e kanë përdorë
nocionin e kulturës politike në studimin Kultura civile (1963) 20 dhe
po të njëjtin të parët e kanë futë në shkencën e politikologji-së.
Ata gjatë viteve të 50-ta të shekullit të kaluar kanë tentuar ta zgjidhin
çështjen gjithmonë aktuale e mjaft diskutabile, se përse disa demokraci të
reja u shkatërruan në prag të Luftës së dytë botërore, përderisa në shtete
tjera me të njëjtin sistem politik dhe faktorë ekonomik kanë venduar
zhvillim shoqëror e ekonomik demokratik stabil dhe afatgjatë.
Autorë të ndryshëm, për kulturën politike japin definicione të
cilat kanë edhe dallime nga njëra tjetra, por dallimet nuk janë në esencë,
por në nuancë të përkufizimeve.
18 Po aty. 19 http://www.enciklopedija.hr/natuknica.aspx?id=49235 20 Po aty.
C E N T R U M 9
321
Kështu “Politologët e përdorin termin në një kuptim më të
ngushtë për t’iu referuar orientimit psikologjik të njerëzve, ku “kultura
politike” është “modeli i orientimeve” për objektet si partitë, qeveritë,
kushtetuta, të shprehur në besime, simbole dhe vlera”.21
Por “Kultura politike dallon prej opinionit publik për faktin se
modelohet prej vlerave afatgjata dhe jo thjesht prej reagimeve të
politikave dhe problemeve specifike”.22
Kultura politike është një shprehje profesionale politikologjike
e sociologjike e cila i tregon qëndrimet e përgjithshme politike të
anëtarëve të shoqërisë në një shteti.
Kultura politike në esencë paraqet shprehje të orientimit
politik, gjegjësisht, pikëpamjet mbi sistemin politik dhe funksionimin
e tij, si dhe qëndrimet për rolin e qytetarit në sistem. Para shfaqjes së
nocionit të kulturës politike kanë ekzistuar nocione, si p.sh. “karakter
kombëtar”, të cilat ishin mjaft të paqarta dhe joprecize.
Është karakteristike se “Pjesëmarrësit politikë nuk reagojnë
drejtpërsëdrejti në ‘situata’, por u përgjigjen atyre nëpërmjet ‘orienti-
meve’ ndërmjetësuese. Orientimet për veprim janë një dispozitë e për-
gjithshme e aktorëve që drejtojnë mënyrat e veprimeve të tyre në situata
të caktuara. Kështu, për shembull, është e lehtë të dallosh individua-
lizmin politik amerikan nga kolektivizmi politik japonez.”.23
Mund të konstatohet se “Vetëm koncepti i kulturës politike ka
mundësuar një lidhje të plotë midis hulumtimeve antropologjike,
psikologjike dhe sociologjike, e me këtë edhe shfaqjen e teorisë së
kulturës politike, e cila shpjegon rolin e identitetit, i cili nuk ekziston
pa besime të caktuara, vlera dhe normat të jetës politike”.24
Në teorinë politike “Nocioni kulturë është futë nga antropologjia
nëpërmjet të ‘kryengritjes bihevioriste’”.25 Ky nocion gjatë viteve të
pesëdhjeta të shekullit XX përdoret gjithmonë e më tepër në teorinë,
por edhe në praktikën politike.
Në lidhje me përcaktimin e kulturës politike Adam Kuper dhe
Xhesika Kuper theksojnë se “Për sa i përket definicioneve, ato mund të
21 Andrew Heywood “ POLITIKA“, botimi i dytë, Botues: Botimet DUDAJ, Tiranë,
2008; f. 222; 22 Po aty. 23 http://www.enciklopedija.hr/natuknica.aspx?id=49235 24 Po aty. 25 KLAUS VON BEYME “SUVREMENE POLITIČKE TEORIJE“, Izdavač :
STVARNOST, Zagreb, 1974; str.180.
C E N T R U M 9
322
ndahen në dy kategori të gjëra: ato të cilat e kufizojnë hapësirën e kultu-
rës politike në orientimin subjektiv të kombeve, grupeve shoqërore dhe
individëve drejt politikës; dhe ato të cilat e zgjerojnë konceptin që t’i
fusin shabllonet e sjelljes politike”.26
Definicionet reprezentative në grupin e parë i përfshijnë ata të cilët
kulturën politike e kuptojnë si “sistem të besimeve empirike dhe vlerave të
cilat e definojnë situatën në të cilën zhvillohet aksioni politik”.27
Ndërsa, definicionet e llojit më të zgjeruar kulturën politike e
kuptojnë si “matricë të qëndrimeve dhe sjelljeve në brendi të të cilit
është vendosur sistemi politik”.28
Në Kinën e lashtë vëzhguesit dhe kronistët politik kanë qenë
përshkrues të ngjarjeve politike të kohës dhe të ndjenjave të popullit.
Në atë kohë edhe në dinastitë më të vjetra kanë pasur rangimin e
këshilltarëve dhe administratorëve më të lartë shtetëror.
Edhe Pindar-i i Tebës është i njohur më thënien se doket
(zakonet) janë babai i të gjithë gjërave (Nomos panter panton).29
Sunduesit e periudhës romake, gjithashtu i kanë kushtuar mjaft
rëndësi krijimit dhe kultivimit të besimit në institucionet e atëhershme
romake kanë dhe si të tillë kanë qenë të njohur në kultivimin e religjionit
politik, besimit në shtetin romak dhe traditën, vlerat e civilizimit të
atëhershëm, etj.
Sipas W.Phillips Shiveley “Studjuesit e politikës quajnë
kulturë politike llojet e pozicioneve bazë, që preken në këtë krye”.30
Kultura politike “Më së shpeshti përkufizohet si përmbledhje
qëndrimesh, njohurish, bindjesh dhe gjykime vlerësuese nëpërmjet të të
cilit orientohet dhe e formëson sjelljen politike”.31
Me terma më të përgjithshëm mund ta përkufizojmë se kultura
politike është ajo pjesë e kulturës së përgjithshme të një shoqërie e cila
përfshin vlerat, besimet, qëndrimet, simbolet, prirjet, pastaj mënyrat e
sjelljes ndaj politikës si dukuri dhe çështjeve politike të cilat kanë të bëjnë
26 “ENCIKLOPEDIJA DRUŠTVENIH NAUKA“, TOM 2 (N-Ž)/ priredili Adam
Kuper i Džesika Kuper, Izdavač: SLUŽBENI GLASNIK, Beograd, 2009; str.1002. 27 Po aty. 28 Po aty. 29 Milan Matić, Milan Podunavac “POLITIČKI SISTEM“, Izdavač: ČIGOJA
ŠTAMPA, Beograd, 1997; str.348. 30 W.Phillips Shiveley “Hyrje në Shkencat Politike“, Botues AIIS, Tiranë , 2012; f.250. 31 VUČINA VASOVIĆ “SAVREMENE DEMOKRATIJE I“ (treće izdanje), Izdavač
Službeni glasnik, Beograd, 2012; str.674.
C E N T R U M 9
323
me kushtet e përgjithshme të jetës së përbashkët në një shoqëri dhe në zgje-
dhjen e drejtimeve dhe qëllimeve të zhvillimit të përgjithshëm shoqëror.
Kultura politike e një shoqërie përbëhet nga të gjitha besimet dhe
qëndrimet që ka një grupacion i caktuar shoqëror apo një komb, të cilat
krijojnë bazë dhe standard për mënyrën e sjelljes së tyre politike. Ajo
dallon nga një shtet në tjetrin dhe nga një shoqëri në tjetrën.
Filozofi gjerman, Immanuel Kant-i ka theksuar nevojën që në
çdo bashkësi të punohet në arsimimin politik të anëtarëve të saj “pasi
kultura sipas parimeve të para për edukimin e njeriut dh qytetarit
as që ka filluar e ku më të jetë e përfunduar”.32
Nërsa Zhan Zhak Ruso shprehet se: “Të krijosh qeverisjen për
popullin është gjithsesi gjë e dobishme, por di edhe për më të
dobishme-ta edukosh popullin për qeverisje”.33
Nga kultura politike varet edhe shkalla e aktivizmit qytetar, pra,
intensiteti dhe mënyra e pjesëmarrjes së qytetarëve në politikë, sepse
kultura politike ndikon shumë në ndërtimin dhe mbajtjen e raporteve
ndërmjet popullit dhe elitave politiko-institucionale.
Kultura politike e një populli mund të ketë forma të ndryshme.
Për shembull nëse një pjesë e madhe e popullatës dëshiron rend politik
demokratik, atëherë kultura politike e shoqërisë në fjalë quhet “demo-
kratike”. Nëse një popull nuk ka traditë demokratike dhe nuk e
praktikon demokracinë si stistem qeversjeje, atëherë nuk mund të flitet
për kulturë politike demokratike, por për kulturë nënshtruese.
Në rastet kur kultura politike dhe rendi politik i një shteti apo
shoqërie dallojnë shumë dhe në afat më të gjatë janë në diskrepancë
ndërmjet vete, atëherë mund të shfaqen probleme serioze lidhur me
legjitimitetin dhe stabilitetin politik të shtetit e me këtë mund të vijë
deri tek destabilizimet dhe konfliktet shoqërore e politike.
Sot “Kultura politike është një determinantë shumë e rëndësishme
e sistemit politik”34 dhe shumë ndikim në organizimin dhe funksio-
nimin e sistemeve politike e institucionale.
32 Për më tepër shih në: “ENCKLOPEDIJA POLITIČKE KULTURE“, redaktori Milan
Matić i Milan Pounavac, Izdavač Savremena administracija, Beograd, 1993; str. 831. 33 Po aty. 34 VUČINA VASOVIĆ “SAVREMENE DEMOKRATIJE I“ (treće izdanje), Izdavač
Službeni glasnik, Beograd, 2012; str.674.
C E N T R U M 9
324
2. Faktorët determinues në formimin e kulturës politike
Në formimin e kulturës politike të shoqërisë përgjegjësinë më të
madhe e kanë elitat shkencore, artistike, politike, shpirtërore dhe
elitat filozofike. Ato nëpërmjet të procesit të edukimit, arsimimit dhe
socializimit kanë rol luajtur rol vendimtar në krijimin e kulturës
politike.
Rol të madh në formimin e kulturës politike kanë pasur dhe
akoma shumë e shumë në kohën bashkëkohore kanë edhe mediumet
(televizioni, gazetat, radioja) dhe rrjetet sociale si më të përhapurat. Por njëkohësisht nuk duhet anashkaluar edhe përgjegjësinë e faktorëve
të lartpërmendur shoqëror, nga fakti se ashtu si do të sillen ato ndaj
shoqërisë dhe proceseve politike.
Nisur nga shkaku i ndikimit në masat e gjëra njerëzore të gjitha
këto determinante që i përmendëm më lartë kanë një rol shumë të
rëndësishëm dhe gati të pazëvendësueshëm në formimin, përhapjen dhe
kultivimin gjithnjë e më të avancuar të kulturës politike qoftë të indi-
vidëve, shoqërive dhe shteteve. Nga fakti se ashtu si elitat e caktojnë
strategjinë e zhvillimit afatmesëm e afatgjatë të shoqërisë dhe shtetit
varet se nga do të orientohet edhe kultura politike si tërësi e mendimeve
dhe të veprimeve politike të popullit.
Formulimi dhe udhëheqja e politikës mund të shpjegohen nga
pozitat e bashkëpunimit, konfliktit, ndarjes së pushtetit dhe të ndikimit
në shoqëri në mes të interesave të organizuara dhe mirë të balancuara,
gjë për të cilën nevojitet kulturë politike. Prandaj është e qartë se:
“Teoria e pluralizmit të grupeve në themelet e saj ka bindjen se, në
parim, të gjitha interesat mund të artikulohen dhe të organizohen, duke
vendosur një ekuilibër ndërmjet interesave të ndryshme, pavarësisht se
ato janë manifeste apo latente”35, e për këtë nevojitet niveli i kulturës
së lartë politike.
“Teoria e demokracisë pluraliste, me teorinë klasike liberale të
demokracisë përfaqësuese ka të përbashkëta dy objektiva kryesore: ka
për qëllim të pengojë çdo sundim autoritar dhe totalitar”36. Por ajo “në
të njëjtën kohë, synon të kontrollojë çdo ekzekutiv të zgjedhur në
mënyrë demokratike dhe shumicën që e mban atë legjislativ”37.
35 Manfred G. Schmidt “TEORITË E DEMOKRACISË“ (botim universitar), Botues
BOTART, Tiranë, 2012; f.210; 36Po aty, f. 211. 37 Po aty.
C E N T R U M 9
325
Duhet potencuar se “Tre janë përcaktuesit themelorë të kulturës
politike: kultura e sistemit politik, kultura e procesit politik dhe
kultura e sundimit politik. Secila nga këto përkufizime themelore ka
nën përkufizimet e saj”.38 Nga këtu del se kultura e sistemit përfshin
edhe legjitimitetin politik e besimin politik. Kultura e procesit politik
përfshin gjithashtu nëntipat si toleranca politike, të drejtat dhe detyri-
met, efikasitetin politik ose kompetencat qytetare, interesin politik etj.
Kultura e qeverisjes përfshin edhe pritjet e qytetarëve ndaj autoriteteve,
përgjigja e autoriteteve ndaj kërkesave të qytetarëve, etj.
2.1. Rëndësia politike dhe shoqërore e kulturës politike
Në kohën aktuale KULTURA POLITIKE kuptohet edhe si
faktor (i fundit) i përkrahjes së gjerë politike, por edhe si kundër-
peshë e pushtetit politik, nga e cila del mënyra e ushtrimit të pushtetit
“e pranuar nga shoqëria”39. Ajo figuron si komponentë e domosdoshme
në funksionimin e shtetit, shoqërisë dhe demokratizimit të saj.
Gjithashtu “Kultura politike e thekson ekzistencën dhe konfliktin
e përhershëm në mes të forcave politike stabilizuese (kulturore) dhe
forcave politike dinamike, ekspanduese. Nga këto përkufizime del se
kultura politike në mënyrë më dinstiktive dhe më fuqishëm manifes-
tohet në situata të ndryshme krize dhe urgjence, rreziqet për shoqërinë,
të brendshme ose të jashtme”.40
Në kohë të krizave nga konstruktet politiko-kulturore “akti-
vizohen shtresat më të thëlla siç janë mitet (format shumë të vjetra të
identifikimit politik), të cilët duhet t’i japin fuqi psikologjike shtesë
orientimit dhe mobilizimit politik”.41
Sipas Montesquieu-së (“FRYMA E LIGJEVE”), “Populli e bën
për mrekulli zgjedhjen e njerëzve të cilëve duhet t’ua besojë një pjesë
të autoritetit të vet; për këtë i duhet të vendosë për gjëra që duken qartë,
të cilat nuk mund të mos i dijë”.42
Në shtetin demokratik është shumë e rëndësishme të vihet lidhja
midis shtetit (demokratik) dhe qytetarëve të tij, që nënkupton
38 http://www.enciklopedija.hr/natuknica.aspx?id=49235 39 Milan Matić, Milan Podunavac “POLITIČKI SISTEM“, Izdavač ČIGOJA
ŠTAMPA, Beograd, 1997; str.350. 40 Po aty. 41 Po aty. 42 J. J. CHEVALLIER, Y. GUCHET “VEPRAT E MËDHA POLITIKE” , Botues
LIRA, Tiranë, 2001; f. 129.
C E N T R U M 9
326
aktivizmin politik e shoqëror të qytetarëve të shtetit përkatës. Kjo
nënkupton që qytetarët e një sistemi politik demokratik duhet patjetër
t’i zbatojnë ligjet, por edhe të marrin pjesë aktive në formulimin dhe
realizimin e politikave. Demokracia nuk kërkon vetëm zbatimin e
ligjeve, por edhe të jenë entuziastë e në të njëjtën kohë anëtarë kritikë
të shoqërisë, gjegjësisht qytetari të jetë “qytetar demokrat” (W.Phillips
Shiveley). Karakteristikat e një “qytetari demokrat” janë:
- Toleranca;
- Pjesëmarrja aktive;
- Niveli i lartë i interesit dhe informacionit; dhe
- Përkrahja e ndryshme për shtetin, regjimin dhe qeverinë.43
Por cili është ndikimi dhe efekti politik i kulturës politike? Pra,
“Partitë politike dhe zgjedhjet e lira pasqyrojnë esencën e demokracisë
bashkëkohore. Kjo nënkupton dhe përfshin një spektër të madh të të
drejtave dhe lirive të njeriut-nga liria e fjalës deri tek liria e bashkimit
dhe organizimit politik”.44 Këtu gjithashtu nënkuptohet edhe principi i
përfaqësimit politik, por dhe i qeverisjes së përgjegjshme, që nënkupton
pushtet të përgjegjshëm dhe të ndërrueshëm.
“Në të njëjtën kohë rregullat demokratike të lojës kanë domethë-
nien se edhe ato që kanë votuar për partinë e cila i ka humbur zgjedhjet
i pranojnë rezultatet e zgjedhjeve. Kjo do të thotë se kundërshtarit i
pranohet e drejta për të qeverisur. Ato që qeverisin janë të zgjedhur
sipas rregullit të shumicës, por se qeverisja dhe demokracia e tyre matet
me të drejtat e pakicës”.45
Jashtë ndikimit nuk janë as partitë politike dhe është i
pashmangshëm roli i tyre në formësimin e kulturës politike. Pra “Ato
janë mjet i kontrollit të pushtetit, të pretendimit për pushtet politik ose
të ushtrimit të vetë pushtetit. Nga qëllimi i krijimit të saj, që pushtetin
ta bëjë të përgjegjshëm, organizata partiake vetvetes ia ka vënë qëllimin
të cilit i nënshtrohen principet, bindjet, e ndonjëherë edhe morali”.46
43 W.Phillips Shiveley “Hyrje në Shkencat Politike“, Botues AIIS, Tiranë , 2012; f.
243-244. 44 Slaviša Orlović “PARTIJE I PARTIJSKI SISTEMI“ (Teorijski-analitički okvir),
Izdavač Univerzitet u Beogradu Fakultet političkih nauka, Beograd, 2015;str.278; 45 Po aty, f. 279. 46 Po aty.
C E N T R U M 9
327
2.2. Roli i kulturës politike
Roli i kulturës politike në praktikën politike është i pashmang-
shëm. “Kultura politike kuptohet edhe si faktor (i fundit) i përkrahjes
politike më të gjerë, por edhe i kundërpeshës të pushtetit politik, nga e
cila paraqitet masa ‘e pranueshme për shoqërinë’ dhe mënyra e
ushtrimit të pushtetit”.47
Kultura politike ka rol stabilizues, por edhe konservativ, e cila
orientohet drejt ruajtjes së traditës dhe mbështetjes në përvoja, verifiki-
me të mëhershme dhe qartësinë e së kaluarës në raport me gjendjet
bashkëkohore dinamike të paqarta të cilat e përcjellin shoqërinë në
rrugët e zhvillimit të saj historik. Kultura politike është gjithashtu, një
nga kundërbalancat më të rëndësishëm kundrejt ekspansionit të
politikës brenda indeve të shoqërisë, e njëfarë lloji mekanizmi mbrojtës
i cili shoqërinë e ruan autonome dhe e mban në raport me pushtetin e
pavarur politik dhe proceset aktuale politike.
“Kultura politike është bërë një përcaktues i domosdoshëm i
politikës, pa të cilën nuk do të ishte e mundur të kuptohet marrëdhënia
ndërmjet qytetarëve dhe shtetit, marrëdhëniet ndërmjet mikropolitikës
dhe makropolitikës, mundësitë e stabilitetit politik dhe ndryshimet,
vazhdimësisë dhe modernizimit”.48
3. Komponentat e kulturës politike
Gabirel Almond-i kulturën politike e kupton si rrjet të orienti-
meve dhe qëndrimeve individuale të anëtarëve të një shoqërie kundrejt
sistemit politik.49
Autorët Bir dhe Ulam, “përbërjen kryesore të çdo kulture politike e
shohin në këto elemente: vlerat, bindjet (pikëpamjet), simbolet emocio-
nale dhe qëndrimet si dhe stilet e sjelljes politike dhe të jetës politike”.50
Robert Dal (Dahl) thekson se: “kulturën politike e përbën rrjeti
i orientimeve politike ndaj sistemit politik”. Sipas tij orientimet mund
të jenë pozitive (aktive, lojaliste), pastaj apatike (neutrale) dhe më në
fund tjetërsuese (larguese)”.51
47 “ENCKLOPEDIJA POLITIČKE KULTURE“, redaktori Milan Matić i Milan
Pounavac, Izdavač Savremena administracija, Beograd, 1993; str. 832. 48 http://www.enciklopedija.hr/natuknica.aspx?id=49235 49 Më gjerësisht shih në: Milan Matić, Milan Podunavac “POLITIČKI SISTEM“,
Izdavač ČIGOJA ŠTAMPA, Beograd, 1997; str.351. 50 Milan Matić, Milan Podunavac “POLITIČKI SISTEM“, Izdavač: ČIGOJA
ŠTAMPA, Beograd, 1997; str.352. 51 Po aty.
C E N T R U M 9
328
Ekzistojnë edhe lloje tjera të orientimit, të cilat mund të jenë
kooperative ose jokooperative (antagoniste) ndaj aksioneve
kolektive. Gjithashtu kemi edhe llojin tjetër që mund të dallohet bazuar
në raportin e subjekteve politike që kanë gjatë zgjidhjes së problemeve
shoqërore dhe atyre politike.
“Kultura politike e një shoqërie përbëhet nga të gjitha qëndrimet dhe
besimet që kanë njerëzit, të cilat krijojnë bazën për mënyrën e sjelljes
politike”.52 Ky është një nga definicionet më precize i kulturës politike.
Sipas W.Phillips Shiveley termi është huazuar nga antropologjia,
ku termi KULTURË (tërësia e besimeve që ka populli dhe mënyrat e
të të menduarit), krijon një koncept kryesor të organizimit.53
Kultura politike dallon nga njëri shtet në tjetrin dhe si e tillë e ka
fjalën dhe ndikimin kryesor në hartimin apo ndryshimin e politikave.
Ndryshimet në kulturën politike mund të dallohen edhe me
vështrimin e sjelljes dhe thënieve të një populli. Shembull: Japonezët e
theksojnë konsensusin më shumë se amerikanët dhe konfliktin e
vlerësojnë më pak se amerikanët.54
Duhet cekur se kulturat politike të popujve ndryshojnë shumë
ngadalë dhe janë proces evolutiv i vetëdijes politike të popujve që ndry-
shon në mënyrë mjaft të ngadalshme. Ajo ndryshon krahas ndryshimit
të përgjithshëm kulturor dhe vetëdijesimit politik.
Ndikimi i kulturës politike në veprimin politik: “Rezultati dhe kapa-
citetet e brendshme të parlamentit në masë të madhe varen nga stabiliteti i
jashtëm në të cilin veprojnë. Pa autonominë e deputetëve dhe dinjitetit të
parlamentit, bëhet e pakuptimtë e gjithë ideja e demokracisë përfaqësuese,
e me vetë këtë edhe kuptimi i partive dhe zgjedhjeve”.55
4. Llojet e kulturave politike
Sipas Gabriel A. Almond-it dallojmë: kultura politike parohiale
e nënshtruese dhe participative.56
Arent Lijphart-i dallon tre lloje të kulturave politike: centri-
petale (orientimi kah qendra), centriguale (largimi nga qendra) dhe 52 W.Phillips Shiveley “Hyrje në Shkencat Politike“, Botues AIIS, Tiranë, 2012; f.250. 53 Po aty. 54 W.Phillips Shiveley “Hyrje në Shkencat Politike“, Botues AIIS, Tiranë , 2012; f.250. 55 Slaviša Orlović “POLITIKOLOŠKI OGLEDI“, Izdavač “SLUŽBEN GLASNIK“ ,
Beograd, 2010; str.110. 56 Më gjërësisht në: Milan Matić, Milan Podunavac “POLITIČKI SISTEM“, Izdavač
ČIGOJA ŠTAMPA, Beograd, 1997; str.353.
C E N T R U M 9
329
e ashtuquajtura kultura politike e marrëveshjes, në të cilën gjithmonë
janë të hapura rrugët për kërkimin e konsensusit në sistemin politik.57
Gjithashtu “Teoria i përcakton tipologjitë e ndryshme të kulturës
politike: kultura nënshtruese, parohiale, pjesëmarrëse dhe qytetare
(civile), fataliste, hierarkike, egalitare dhe individualiste.58
Sipas Gabriel A. Almond-it: “Në sundimet autoritare dominon
kultura politike parohiale dhe nënshtruese”.59
- Kultura politike parohiale e nënshtruese: Këto kultura
politike janë karakteristikë e diktaturave dhe të pushtetmbajtësve auto-
ritar, pasi duke u mbështetur tek ato popullatën e mbajnë “nën kontroll”
dhe të nënshtruar. Në kulturën politike parohiale banorët zakonisht janë
plotësisht të painteresuar për jetë politike. Ato jetojnë me jetën e shoqë-
rive primitive fisnore, tribale, familjaro-kooperativiste dhe religjioze.
Si të tillë janë të “parrezikshëm për pushtetin” dhe lehtë mund të
mbahen të nënshtruar.
- Kultura politike participative, është karakteristikë dhe domi-
non në sistemet politike demokratike. Kjo është produkt i zhvillimit të
vetëdijes qytetare tek individët dhe shoqëria. “Bazuar në këtë, qytetari
është i vetëdijshëm për rëndësinë e jetës politike, të jetës së tij dhe jetës
së bashkësisë dhe shoqërisë. Për këtë shkak ai në mënyrë aktive merr
pjesë në jetën politike, gjegjësisht zgjedh dhe është i përgatitur që të
zgjidhet. Në këtë mënyrë nuk është i nënshtruar dhe i dëgjueshëm, por
qenie e lirë i cili nuk pajtohet që tjerët që vendosin për atë dhe e merr
në dorë lirinë dhe fatin e vet”.60 Vetëdija dhe gatishmëria qytetare për
aktivizëm shoqëror e politik e formojnë kulturën politike demokratike
të individëve e nëpërmes tyre edhe të gjithë shoqërisë.
Kulturën politike e karakterizojnë vlera dhe standarde të për-
hershme, e jo reagime për problemet dhe veprimet politike ditore.
Mirëpo, pikërisht në reagimet ditore shihen vlerat që individët i
përfaqësojnë. Në kulturën politike demokratike ato para së gjithash janë
vlera dhe standard universal dhe në bazë të tyre individët orientohen
dhe veprojnë në jetën politike.
57 Po aty. 58 http://www.enciklopedija.hr/natuknica.aspx?id=49235 59 Gabriel A. Almond, Sidney Verba, “Civilna kultura”, Zagreb 2000, str.22-24. 60 Dr Čedomir Čupić POLITIČKA KULTURA I MEDIJI, FPN | Godišnjak 2009 | II
DEO: Novinarstvo, komunikologija, kulturologija; str.339-351; Beograd, 2009; str.341.
C E N T R U M 9
330
Niveli i zhvillimit të kulturës politike në demokraci varet nga
pranimi, kultivimi dhe praktikimi i vlerave universale siç janë: liria, e
drejta, e vërteta, e mira, dashuria, bukuria, dinjiteti njerëzor dhe
solidariteti) si masë për të gjitha vlerat tjera (të veçanta dhe
individuale).61
Kultura politike varet edhe nga niveli i kulturës së përgjithshme
(arsimimit të tyre); respektimit të personalitetit; respektimi dhe garan-
timi i të drejtave kolektive dhe individuale; besimit në mes të qytetarëve
si dhe në mes të qytetarëve dhe pushtetit; gatishmërisë që të mbrohet e
drejta për opinion publik dhe shpirtin publik për të gjithë veprimet e
përbashkëta; dhe prej përgjegjësisë (individuale dhe kolektive).
Përkrah këtyre elementëve është e nevojshme që në jetën
shoqërore e politike të praktikohen edhe mekanizmat në vijim: dialogu,
toleranca, kompromisi, konsensusi, kritika dhe kontrolli.
Për kulturën politike demokratike shumë të rëndësishme janë tre
principe: principi i dorëheqjes, principi i ndërrimit, dhe principi i
mandatit të kufizuar.
Conclusions
It is very clear that culture in general, but political culturein
particular, as a social and political phenomenon, is influencing factor in
political processes in general.
It greatly influences the selection and orientation of policies,
goals and ideas and ideologies as the political determinants that indi-
viduals, society and the state / states have to move forward and develop.
From the level of development of political culture depends the
quality and level of regularity and efficiency of the functioning of
societies in general, and in particular the regulation of political
functioning mechanics as a very important social activity, starting with
the political organism (which involves the formation and functioning of
political parties), political decision-making, building up, functioning
and democratic control of social, political and state institutions.
It is absurd to imagine that successful contemporary societies can
be organized and consolidated without influencing political culture
during the process of formulating political concepts, building institu-
tions, and practicing democracy across different states.
61 Po aty.
C E N T R U M 9
331
Democracy as a system and way of regulating societies relation-
ships, then as a form of functioning of a corporate governance, is not an
act that can be achieved within a short period of time, but it is a long
and complex process that depends on many internal and external social
and political factors, such as: political, historical, traditional, cultural,
geopolitical, religious circumstances.
In the scientific research of the formation and functioning of
societies and democratic states, governed by genuine democratic insti-
tutions, it is nevertheless necessary to take into account the role of the
political culture in the building of democratic political systems. Indeed,
democracy often has its controversies, raising its level or stagnating it
almost always depends on numerous social and political circumstances.
But generally speaking, in all the values and principles upon which
democratic systems are based, there is a condition that cannot be
avoided, which is CONDITIO SINE QUA NON a building of
democracy, and it is POLITICAL CULTURE.
By examining the role and impact of political culture in building
democracy, the types of political culture according to governance
systems and its characteristics. Then the role of the scientific, cultural,
political, and civil sector elites in the formation of political culture is
evident and very clear that political culture is a determinant and key
factor in building and advancing and preserving democracy.
We can conclude that democracy and political culture, including
institutional ones, stand in direct relation to each other. Which implies
that the more undeveloped the political culture, the greater the opportu-
nities for usurpation and manipulation of the political space and of the
social and state institutions, and vice versa. So, the more developed and
at a higher level it is the political culture of a society, so the society will
be more democratic, we will have democratic political systems, which
include more regulated politics and institutions, more consolidated,
functional, transparent and effective and at the same time the quality of
life of citizens will be of the highest level.
C E N T R U M 9
332
Bibliografia:
-W.Phillips Shiveley “Hyrje në Shkencat Politike“, Botues: AIIS,
Tiranë , 2012.
-Andrew Heywood “ POLITIKA“, botimi i dytë, Botues: Botimet
DUDAJ, Tiranë, 2008.
- “ENCIKLOPEDIJA DRUŠTVENIH NAUKA“, TOM 1 (A-M)/
priredili: Adam Kuper i Džesika Kuper, Izdavač SLUŽBENI
GLASNIK, Beograd, 2009.
- “ENCIKLOPEDIJA DRUŠTVENIH NAUKA“, TOM 2 (N-Ž)/
priredili: Adam Kuper i Džesika Kuper, Izdavač SLUŽBENI
GLASNIK, Beograd, 2009.
- “ENCKLOPEDIJA POLITIČKE KULTURE“, redaktori: Milan
Matić i Milan Pounavac, Izdavač Savremena administracija, Beograd, 1993.
-Anthony Giddens “SOCOLOGJIA“, Botues: Botime Çabej,
Tiranë, 2004.
-Sammuel Enoch Stumpf “FILOZOFIA“ (Historia &Problemet),
Botues: Botime Toena, Tiranë.
-AREND LJIPHARD “Demokracija u pluralnim društvima“,
Izdavači: GLOBUS, Nakladni zavod, Zagreb i ŠKOLSKA KNJIGA
Zagreb, 1992.
-J. J. CHEVALLIER, Y. GUCHET “VEPRAT E MËDHA
POLITIKE” , Botues: LIRA, Tiranë, 2001.
-ARISTOTELIS “POLITIKA“, Botues: Plejad, Tiranë, 2003.
-Max Weber “POLITIKA SI PROFESION“, Botues: ASDRENI,
Shkup , 2009.
-KLAUS VON BEYME “SUVREMENE POLITIČKE
TEORIJE“, Izdavač STVARNOST, Zagreb, 1974.
-Manfred G. Schmidt “TEORITË E DEMOKRACISË“ (botim
universitar), Botues: BOTART, Tiranë, 2012.
-Dr.Toma Đorđević “POLITIŠKO JAVNO MNENJE“, drugo
dopunjeno izdanje, Beograd, 1989.
- Toma Đorđević “KOMUNIKACIJA I VLAST“, VELIKA
EDICIJA “IDEJA“, Izdavač “MLADOST“ , Beograd, 1988.
-Toma Đorđević “TEORIJA INFORMACIJA/TEORIJA MASO-
VNIH KOMUNIKACIJA“ Izdavač IRO “PARTIZANSKA KNJIGA“
-Ljubljana, OOUR “ Izdavačko-publicistička delatnost “Beograd, 1979.
- Slaviša Orlović “PARTIJE I PARTIJSKI SISTEMI“ (Teorijski-
analitički okvir), Izdavač Univerzitet u Beogradu Fakultet političkih
nauka, Beograd, 2015.
C E N T R U M 9
333
-Čedomir Čupić “POLITIKA I ZLO“, ČIGOJA ŠTAMPA,
Beograd, 2001.
-Vojislav Stanovčić “VLAST I SLOBODA“, ČIGOJA
ŠTAMPA, Beograd, 2003.
-Vukašin Pavlović “DRUŠTVENI POKRETI I PROMENE“,
3.izd., Službeni glasnik: Zavod za udžbenike Beograd, 2009.
-HANNAH ARENDT “NDËRMJET TË SHKUARËS DHE TË
ARDHMES“, Botues: CEU PRESS Onufri, Tiranë, 1998.
-Milan Matić, Milan Podunavac “POLITIČKI SISTEM“,
Izdavač: ČIGOJA ŠTAMPA, Beograd, 1997.
- Slaviša Orlović “POLITIKOLOŠKI OGLEDI“, Izdavač:
“SLUŽBEN GLASNIK“ , Beograd, 2010.
-VUČINA VASOVIĆ “SAVREMENE DEMOKRATIJE I“
(treće izdanje), Izdavač: Službeni glasnik, Beograd, 2012.
-DANIEL –LOUIS SEILER “PARTITË POLITIKE“, Botues:
UET Press, Tiranë, 2000.
-Dr.Radoš Smiljković “POLITIČKE PARTIJE“, Izdavač: INP
“KNJIŽEVNE NOVINE-KOMERC“ D.D. , Beograd, 1993.
-Dr Čedomir Čupić POLITIČKA KULTURA I MEDIJI, FPN |
Godišnjak 2009 | II DEO: Novinarstvo, komunikologija, kulturologija;
str.339-351; Beograd, 2009;
-Miloš Ilić “SOCIOLOGIJA KULTURE I UMETNOSTI”,
Izdavač: Naučna knjiga; BEOGRAD, 1987.
http://www.enciklopedija.hr/natuknica.aspx?id=49235