palm pacl ah, tuh oasr srohsrohk na luhlahp muhta putuk. acn putuk oasr inmahsrlon acn tafunsak ac...
TRANSCRIPT
Published and distributed with the assistance of the NATIONAL DISSEMINATION AND ASSESSMENT CENTER California State University, Los Angeles 5151 State University Drive Los Angeles, CA 90032
Produced in cooperation with the DEPARTMENT OF EDUCATION K'osrae, E. Caroline Islands 96944
Printed in the USA First Printing, Fall 1982
The contents of these instructional materials were developed with financial assistance from the Office of Bilingual Education, Department of Health, Education and Welfare. The funds were provided through the Bilingual Education Act, Title Vil of the Elementary and S(>condary Education Act of 1965 as amended by Public Law 95-561. However, the contents do not necessarily 1 represent the position or policy of that agency and a reader should not infer endorsement by the Federal Government.
Developed by:
PALM Pacific Area Languages Materials Project Social Science Research Institute 2424 Maile Way, Room 713, .University of Hawaii at Manoa Honolulu, Hawaii 96822
-----------·-------
,_UNiVERSITY Of HAWAJI LIBRARY
SROHSROHK
SUHLALLACL
SOKO
retold by JOHNNY SABINO
illustrated by CARRIE SHIRAMIZU
Sie pacl ah, tuh oasr srohsrohk na
luhlahp soko muhta Putuk. Acn Putuk oasr
inmahsrlon acn Tafunsak ac Okat. Srohsrohk
na suhlallacl soko pa inge. Srohsrohk
soko inge kuh in sramsram nuh sin mwet.
El sruhnga kang kuhtwena mwe mongo sahyen
mwet.
uh.
Mwet �uhkwena pa el luhngse kang
Srohsrohk na suhmaht soko pa inge.
El oraclah luhf na luhlahp se lal, oan
na sisken Inywac soko. Mweyen el oruh
elan muhta kang mwet kal ut ke Inywac
soko inge. Inywac soko inge muhtwacwacack
na Tafunsak som twe sahslah e Okat.
1
Mwet met ah tuh orekmakihn na yohk
inyac soko inge. Eltahl ac kal som
Tafunsak lac nuh Walung. Eltahl kuh pac
in kal tuhkuh Walung me nuh Lelu. Kal uh
ma na fihsracsr se sin mwet met ah. Kuht
mwet inpacl inge uh pa luhman alsracngwesr
sruhnga kal uh.
Orekma lal srohsrohk uh pa muhta
mongo mwet ke lwen nuhkwewa. Fin wacngihn
mwet na srohsrohk el ac suhpwacr. El ac
oan na mutul. Fin oasr mwet na el ac
engan.
Mwet ah ac kal nwe apkuhran in sun
luhf lal srohsrohk ah na eltahl mihslac.
Mwet nuhkwewa ac tuhfalwack. Eltahl ac
tiac luhngse sramsram kuh oruh kuhtwena
ma in wohwohn.
Kuhtuh mwet ah ac kal na orek eki.
Eltahl ac kal, oruh acnuhmuh eltahl tiac
na sahngweng sel srohsrohk. Eltahl ac
kal nwe apkuhran in sun luhf lal srohsrohk
ah na, muhnahslah esacltahl. Eltahl ac
muhtwacwacack tuhfalwack.
2
Mwet inge ac muhtwacweack in orek suhmaht
nub sel srohsrohk. Eltahl ac kahkah
srihsrihk lac ke kal uh. Eltahl ac orek
suhmaht kal mahsrihk. Eltahl nuhnkuh na
muh srohsrohk el tiac na liyacltahl.
Tuhsruhktuh, mwe pahkomuhta nub seltahl.
Eltahl nihkihn na lah srohsrohk el muhta
na yoryor liyacltahl.
3
Na mwet ah ac kal nwe sun luhf lal
srohsrohk ah. Inpacl se inge na, mwet
nuhkwewa ac tuhfalwack. At laltahl ah
ac muhtwacwacack pihsrpihsr lac ke p am
uh. Na mwet ah ac ngwet tub, "Sue kom
nub muhta mahngwelihk yorma. " In p acl
se inge na, kuhtuh mwet ah ac muhtwacwacack
tuhng. Na kuhtuh ac ange, "Tari, sahflah
moul lasr. Suhlallacl ah pa muhta
ngwetma ingoh. "
Srohsrohk lac liyacack mwet ah na
el fanyak muhta fin luhf lal ah. El ac
mahngwelihk tari el muhta p ihtti lohohl.
Mwet ma sahngweng yohk sel ah ac tiac
luhngse liye muhtahl. Eltahl ac kuhi na
tuhng ke kal uh.
4
Mwet ah ac kal nwe sonol srohsrohk.
Na srohsrohk el ac muhtwacwacack sramsram
nuh seltahl. Srohsrohk el ac angwe, "Mwet
ekahsr ingacn?" Na mwet ah ac angwe,
"Mwet limekohsr pa inge. " Na srohsrohk
el ac angwe, Koacl nga luhngse luo in
srolah, tolu kaloht. Mwet luo ma ac
srolah ingacn ma nak."
Pacl se inge na, mwet ah ac tuhkweni
ngwetacni. Eltahl ac suk lah sue ac
srolah uh. Na mwet ma orekma in mukul
ac watwen seltahl ah ac kahslah. Eltahl
muh eltahl pa ac srolah uh. Eltahl ac
angwe, "Tari kuht ac som na ke en mukul.
Kuht p ahkomotomtacl pa macnsis kuht in
misac."
5
Mukul luo ah ac srolah na, mwet ngi
ac kal som. Eltahl ac som twe srohsrohk
el kangluhltahllah. Wacngihn ma mwet ah
kuh in fahk kuh oruh nuh sel srohsrohk.
Eltahl enenuh na in sang luhngse lal uh.
Mwet ah tuh luhman sruhngwaclah kal ut ke
inyac soko ah.
Tuh oasr mukul ohnkohsr muhta Lelu.
Mukul ekahsr inge arulacna watwen ac
fokoko. Eltahl pwacpa muh eltahl ac som
unilyac srohsrohk. Mwet ah tuh luhman
suhlahlahlfongi mukul ekahsr ah. Mwet
ah muh srohsrohk el ac tuh kanglah mukul
ekahsr ah.
Na mukul ekahsr ah kal ke oak na
muhi soko som. Eltahl orekma nuh ke kahs
laltahl nuh sin mwet ah. Wacngihn kuhfwen
mwe mweun eltahl us. Eltahl som na ke en
mukul. Wacngihn fosrngah kuh sahngweng
laltahl sel srohsrohk.
Eltahl kal nwe ngwet tuh srohsrohk
el nuh muhta pihtti lohohl. Na eltahl
luhman muhtwacwacack tuhfalwack. Eltahl
orek in forlah kal fohlohk. Na sie
seltahl angwe, "Kuht ac tiac fohlohk.
Esam lah mwet ah ac tuh isruhnkuht lah
kuht fohlohk. 11
6
Eltahl tari na kal nwe sonol srohsrohk.
Na srohsrohk el angwe, " Mwet ekahsr
Ingacn?" Na mukul ekahsr ah angwe, "Tiac
mwet ekahsr ma, kuht ac unikomi. El tahl
sramsram na ahkkasrkuhsrakyacl srohsrohk.
Eltahl muh, "wacngihn srihpac eltahl in
srolah. "
In pacl se inge na srohsrohk el
foloyak. El ahtulac nuh inyac ah. El
muhtwacwacack in kof ukwe mukul ohnkohsr
ah. Mukul ohnkohsr ah muhtwacwacack in
kal kahing.
Eltahl kal kahing nuh meoa. Eltahl
kal nwe tahpuhl tuh srohsrohk el nuh
ukwacltahl na. Eltahl ullac na pwacye.
Tuhsruhktuh, eltahl kampare na in sun
acn meoa. Mweyen eltahl kal oruh srohsrohk
lan sun acn meoa.
Nuhnak na suhmaht se pa mukul ohnkohsr
ah oruh ah. Eltahl etuh lah srohsrohk el
arulacna fotwete. Ik meoa ah fin ngohkohl
wack na, eltahl ac kangluhllah.
Mukul ekahsr ah sun acn meoa na
eltahl tuhfah mongi. Eltahl muhta monglac
sanwel srohsrohk. Srohsrohk el kofkof nwe
sun acn meoa na muh fotwete lac an we.
Ik meoa ah ngohkwack fohlohl srohsrohk, ac
kahsruhsr ukwacl.
7
Oasr ik soko meoa pahngpahng Tola.
Inwaclihn ik soko inge arulacna yohk ac
kohsroh. El sroyak na twe otyaclihk
infulwacl srohsrohk. Srohsrohk el misac
na ik meoa ah nohfohn tuhkweni kangluhllah.
Na mukul ohnkohsr ah angwe, " A ac
kuhtuh kom suhmaht. Sulpac oruh suhmaht
lorn an. "
Luhf se ma srohsrohk el tuh muhta
kac ah, srackna oasr nwe mihsenge. Kuht
kuh in som nuh Tafunsak twe kal ke Inywac
soko we ah som liye luhf we inge. Inywac
soko inge pa mwet met ah ac kal kac som
twe sonol srohsrohk ah.
8