October - December 2020

1Forest Khawvel

FROM EDITOR’S DESK

Kumin chhunga thilthleng hi a then a that laiin a then erawh duh ang a ni lo hle, kan thu veka thleng ni hek lo le. Kan lawmna pakhat chu Wildlife Week thla nena inmil thlap mai nungcha humhalhna kawnga khaw hrang hrangin kan ram luia sangha an rem mai loh nana NGHAFUAN an veng hi a ni a, hriat a nuamin a hahdamthlak hle a ni. Hei hian rah tha chhua-hin khaw dang tih nachang la hre ve lo te pawh a tihhmuh zel dawn a ni. Kum lo kal zel turah pawh he nungchate hmangaihna nun hi i chhunzawm zel ang u.

Tin, Kumin krismas leh kumthar lo thleng tur hi Covid-19 vangin ruaitheh, lenkhawm leh inkhawm a neih theih dawn loh avanga rem-changa hmanga ramvah chingten ramsa, sava leh luia nungchate pel leh manna hun atana hmang lo turin mi tin leh NGO ten tan kan lak zual sauh a ngai a ni.

Tunah chuan thal khawro hun a ni leh ta mai a. Chuvangin thunun loh meiin pawi a khawih nasat theihzia hriain kangmei tichhuak lo tur leh a chhuah mai theihna hmunah chuan fimkhur em em turin mi tin kan inngen a ni. Kan ramngaw leh a chhunga nunna nei chi hrang hrangte hi suat a tihch-hiat tham pawh an awm tawh lo tih hriain dimdawih takin i enkawl teh ang u.

Ka lawm e.

Editor: Lalrinliana, MFS

Office Address: Divisional Forest Officer, Forest Extension Division, PCCF’s Office Building, Tuikhuahtlang, Aizawl, 796001, Mizoram.

Phone/Fax: 0389-2323302

E-mail:efextension16@gmail.comforestkhawvel2015@yahoo.com

Jt. Editor: V LaikhumaOCTOBER - DECEMBER 2020 Vol. XXI Issue No. 3

FOREST KHAWVEL

CHIEF JUSTICE OF INDIA IN MIZORAM A TLAWH

Chief Justice of India, Justice Sharad Arvind Bobde, In-dia rama court sang ber, Supreme Court Chief Justice ch-uan ni 21.12.2020 khan Mizoram a rawn tlawh a. A pual hian Assembly Annexe Conference Hall, Aizawlah “Meet on Green Mizoram” tih thupui hmangin programme buatsaih a ni. Kum 30 hnua Chief Justice of India-in Mizoram a rawn tlawh lehna hmasa ber a ni.

Chief Justice of India, Justice Sha-rad Arvind Bobde chuan Mizoram mipuiten environment an humhalh thatzia te, ram pumah forest area nei tha ber te zinga mi a ni thei te leh kum tina Green Mizoram Day puala thing phun leh a enkawl zui hna an thawk thin chu chhuanawm a tih thu a sawi a. Thing leh mau, lui leh nungcha humhalh chu Mizo te nunphung leh ziarangah a bet tlat nia a hmuh thu a sawi. Environment humhalh ngai

Forest Khawvel 2

pawimawh em em-tu Supreme Court Chief Justice chuan Environment humhalh bei-hpui hi mihring dam khawchhuahna nena inzawm tlat, sakhuana - religion a ni, a ti a. Sakhua hian mihringte a phuar khawm ang bawkin environment humhalh beihpui hian khawvel hmun tina mite a phuarkhawm a ni, a ti.

Mihring nunna atan a pawimawh em avan-gin dan hmanga roreltu judiciary chuan a theih chin chinah environment humhalh hi an kengkawh tur a ni, Chief Justice chuan a ti a. Environment chuan khawvela mihring chhuan lo awm tawh, awm mek leh awm zel turte a nghawng dan a intluktlang vek a ni, a ti. Environment hnathawh dan leh a hum-halh dan hrethiam tur chuan tunlai thiam-na field hrang hrang - biology, ecology, earth science, geography, atmospheric science, mathematics leh a dangte a kaihhnawih vek avangin heng zirna peng hrang hrang te hi a khaikhawm, a ti a. CJI chuan hetiang lam hawi program buatsaih hi environment chhe zel tur venna leh humhalhna kawnga hmal-akna pawimawh tak nia a hriat thu sawiin Mizoram Sawrkar hmalakna fakawm a tih thu a sawi bawk a ni.

Chief Minister Pu Zoramthanga chuan Mizoramin sik leh sa, thing leh mau, lui leh nungcha te humhalhna turin kum engemaw zat kalta atang tawh khan Green Mizoram Day kum tin hman thin a ni, a ti a. Envi-ronment humhalh a pawimawh tluk zetin mipuite ei leh bar, sum leh pai thawhchhuah dan tur ngaih pawimawh a tul vangin en-vironment humhalh leh economy siam that hi a kal kawp tlat tur a ni, a ti. Chief Min-ister chuan mau chungchang sawi langin thla reilote chhunga puitling thei, boruak tih thianghlimna atana tangkai, suma chan-tir theih ni bawk si a nih avangin Mizoram sawrkarin hemi kawngah hian chak takin hma a lak mek tih a sawi bawk.

Gauhati High Court Judge pahnih; Justice Michael Zothankhuma leh Justice Nelson Sailo bakah Principal Chief Conservator of Forests, Pu Jitendra Kumar leh Central YMA

President, Pu Vanlalruata ten thu an sawi a. Law Minister, Pu TJ Lalnuntluanga’n law-mthu sawiin hun hnung a khar a ni. Mizoram Legislative Assembly Speaker, Pu Lalrinliana Sailo, Deputy Speaker, Er.Lalrinawma, Plan-ning Board Vice Chairman, Pu H.Rammawi leh sawrkar hotulu dangte programme-ah hian an tel a. Gauhati High Cout Chief Jus-tice lo ni tawh Pu Ajit Singh chuan Chief Justice of India hi a rawn tawiawm a ni.

Chief Justice of India, Shri Sharad Arvind Bobde hian ni 22.12.2020 khan Mizo Village, Reiek-ah nungcha, thing leh mau humhal-hna atana Mizoram State Legal Services Au-thority buatsaih lungphum a phum a, Reiek Cleanliness Drive a vailiam nghal bawk a ni.

Chief Justice of India, Shri Sharad Arvind Bobde chuan faina chu hmasawnna rahbi a ni a, in leh lo tihfai leh khawchhung tihfai chu mi tin mawhphurhna a nih bakah khua leh tui tha chuan faina kawnga mite entawn tlakin a nun a hmang tur a ni, a ti a. Fai-na chu nunphunga nei turin a chah bakah midangte tih hmuhtu ni turin kalkhawmte a chah bawk a ni.

Shri Sharad Arvind Bobde hian Tourism Department enkawl Zokhua a tlawh hnu-ah, Reiek Tlang lawnin Gauhati High Court Judge pahnih Justice Michael Zothankhu-ma leh Justice Nelson Sailo bakah Gauhati High Cout Chief Justice lo ni tawh Shri Ajit Singh leh midangten an tawiawm a ni.

Mizoram rawn tlawh tu Chief Justice of India hi nature lam ngaina tu leh a humhalh thu a mi thahnem ngai tak a ni. Ni 23.12.2020 khan Mizoram a chhuahsan leh a ni.

October - December 2020

3Forest Khawvel

66TH NATIONAL WILDLIFE WEEK - 2020 HMAN ANI.

Kum danga kan tih thin dan ang lo tak, mahse awmze nei tak siin Wildlife Week vawi 66-na chu Mizoram hmun hrang hrangah hman a ni. Kumina thupui hi ‘Khawvela thilnung tinrengte Dam Khawchhuahho’ (Sustaining All Life on Earth) tih a ni.

Hripui leng avanga kan thil tih thin hrang hrang te kum dang angin tithei lo mah ila, Circles, Divisions leh Ranges hmunah hun tha taka hman a ni hlawm. Hmun hrang hranga kan hun hman dan tlangpui chu hetiang hi a ni.

State Capital, Aizawlah chuan hmun pawimawh lai laiah Banner mawi tak tar a nih bakah Office tihfai hnathawh a ni a, he-tah hian officers leh staff hrang hrangte hah taka thawkin office complex tifaiin an hnat-lang. Hei bakah hian Minister thuchah pawh DDK, Zonet leh LPS kaltlangin mipui te hriat-turin puanchhuah a nih bakah Chanchinbu-ah pawh chhuah a ni bawk.

Hetiang deuh bawk hian Circles leh Divi-sion thut hmunah pawh hman a ni a. Hmun thenkhatah chuan Awareness campaign neih a ni a, hemi tihhlawhtlin nan hian Tlangau, Social media hrang hrang, Banner tar, Poster tar, bakah Chanchinbu te hman a ni bawk. Heng te bakah hian patrolling uluk taka neih a ni hlawm bawk.

North Vanlaiphai Division huamchhunga Range hrang hrangah chuan in tinah lutin Campaign neih a ni a, mipui pawhin an dawng-sawng tha hle a ni.

Champhai Division huamchhungah chuan Vil-lage Council thlan thar te ko khawmin aware-ness neihpui a ni bawk.

Forest Khawvel Chhiartu zawng zawngte Krismas leh Kumthar Chibai kan buk a che u.

Forest Khawvel 4

WILDLIFE WEEK 2020 – PACHHUNGA UNIVERSITY COLLEGE

Dt.13/10/2020 khan Environment, Forest & Climate Change Minister Pu T. J. Lalnuntluanga’n Pachhunga University College-in Wildlife Week hmanna Seminar Hall, PUC Campus-a an buat-saih chu khuallian niin a hmanpui.

Khuallian Pu T. J. Lal-nuntluanga chuan Mizorama college tha ber leh hmunhma nei tha ber, Pachhunga University College-in Wildlife Week hman nachang an hria chu lawmawm tiin hei hian

ramngaw leh nungcha humhalh an ngaih-pawimawhzia a tilang chiang hle niin a sawi. Aizawl mipui, a bik takin PUC Campus chheh vela awm veng leh mipuiten Aizawl khaw-pui tan PUC-a ram ngaw, thing leh mau leh nungcha te an hlutzia an hriat thar leh heng-te hian Aizawl khawpui tan boruak tha an siam nasatzia te an hriat nawn a pawimawh hle tih a sawi.

Kan ram chauh hi sakei-baknei (Asiatic Lions) ram tla awmchhun awmna a ni. Sakei pangn-gai erawh khawvelah a ngahber kan ni thung. Kan ramin nungcha humhalhna khauh taka kan ken kawh hona rah chhuah hi kan hmu mek a, Sakei a leta tipung tura hmalakna pawh a hlawhtling tawh a, he thil tum hi rin aia hmain hlenchhuah a ni.

Ramngaw humhalh bik zau tak kan nei a, hei hi nungchate humhalh nana kan inpekzia lan tirtu a ni a. Heng ramngaw te hi Eco-Sensi-tive zone te hian an chhawmdawl tlat avan-gin Sanctuary leh National Park-te tiphuisuitu tha tak an lo ni reng mai. Hetianga ram zau tak tak kan siamte hi a chhan ber pawh nung-chate zalen taka an awm nan a ni ber.

India hi nungcha pem chi ho tam tak tana chenna leh kawng pawimawh a ni a. Hei vang hian Gandhi nagar Declaration, 13 Confer-ence of Parties-in nungcha pem chi bik hum-halh kawnga hma a lo lakna leh duan chhuah te ecological nena inkungkaih tlat ‘Post 2020 Global Biodiversity Framework’ atan a dah pawimawh em em a ni a. Hemi-in a tum ber chu sava pem chiho leh an mamawh lui leh ramngaw awmsa humhalh zel hi a ni.

India-ah hian mihring za zela sawmpasarih (17%) lai ram 2.4% chauh ni lawisi-ah kan cheng a. Chuvangin ram than zelna tur hi thil pawimawh tak a ni chungin nungcha leh nun-na nei thil tinreng te humhalh chu kan ngai pawimawh em em a ni.

Tawih thei lo chi (Plastis Waste Management) thehthang dan hi kan ngai pawimawh em em bawk a. Plastic leh micro-plastic tih tlem nan hian hma kan la nasa hle a ni. Hei hi ram than zelna atan mai ni lovin nunna nei (biodiver-sity) hausak zel nan thil pawimawh tak a ni si.

Project Tiger leh Project Elephant hlawhtlinna azarah nungcha dang humhalh ngai bik tan Project Lion leh Project Dolphin pawh kalpui turin a remchang ta em em a ni. Hei hi mi tinte inpekna azarah chauh hlawhtling thei a ni dawn thung.

Pu Mahatma Gandhi, muanna leh tharum thawh lohna kalpuitu pianchamphaphak nen a inruala Wildlife Week kan hmang hi thil tha tak a nih bakah nunna nei chi tinrengte humhalh leh chenhopui kan thiam theih nana hmalakna a lo ni hi thil inhmeh tak a va ni tehlul em.

PRIME MINISTER’S MESSAGE ON THE OCCASION OF 66TH WILDLIFE WEEK - 2020

Wildlife Conservation hi kan kal phunga bet tlat a ni a. Kan hnamzia-rang leh tihdan phung nen pawha kal kawp tlat a ni bawk. Kan ram danpui zahawm takin he zirtirna hi lo dahin kawng a lo sial ruah hi a zahawm em em a ni. Ramngaw leh nungcha venhim hi India ram mipuite tih ngei tur (fundamental duties) ah a dah hial a ni.

October - December 2020

5Forest Khawvel

AIZAWL ZOOLOGICAL PARK TIH CHANGTLUN CHHOH ZEL TUM A NI

Aizawl Zoological Park, Sakawrtuichhuna awm chu mipuite tan tlawh chakawm leh nuam zawk tura cheibawl chhoh zel tum a ni a, tihchangtlun chhoh dan tur en hian ni 28.09.2020 khan Forest Minister Pu TJ Lalnuntluanga leh Principal Secretary cum PCCF (HoD) Pu Lian-dawla, PCCF (PD) Pu Jitendra Kumar, Pu C.Lalbiaka, CF (Wildlife) ten a hmunah an tlawh a, Minister leh Department hotute hi Pu Lalnunzira, DCF(WL)/Director, Pu C.Chawnghmingliana, ACF(WL) leh Pu Immanuela, i/c Range Officer Aizawl Zoo ten an lo dawngsawng a ni.

Zoo Layout Design atangin siam that tur leh tihdanglam tul nia an hriatte an thlir ho a, Kawnghnuai lam (Visitor Pathway) lirthei kal theih tura ruahman nise an ti a, phai ram Zoo a an hman thin Battery Operated Vehicle te pawh ngaihtuah tum a ni bawk.

Tin, Aizawl Zoo-ah hian Indian National Ani-mal (Royal Bengal Tiger) Keipui lakluh tum a nih avangin a dahna tur (Enclosure) pawh him tawk tura chei that nise an ti bawk a, a enna tur (visitor’s gallery) pawh tha taka siam nise an ti bawk.

Hei bakah hian a remchang thei a nih chuan Hanging pathway te pawh siam tum a ni bawk ang.

PUC Principal Dr. Tawnenga chuan 1995 khan thing phunna kawnga hma an lak that avangin Indira Priyadarshini Vrikshamitra chawimawi an dawn thu te sawi langin PUC ram chu Aizawl khawpui tan rohlu a ni, a ti a. A humhalh kawngah theihtawp chhuaha tan an lak dante a sawi tel a. Dr. Lalruatsanga, Associate Prof., Dept. Of Botany leh Pi Z.D. Lalremthangi Assistant PUC te pawhin helai ram an College-in an cheibawl leh an enkawl dante an sawi bawk a ni.

Minister hi Pu Liandawla, Principal Secretary leh PCCF ni bawk leh Environment, Forest &

Climate Change Department senior officials ten an tawiawm a. Programme zawhah Min-ister leh amah tawiawmtuten PUC Campus ramngaw leh hmun hma an fang a ni.

Aizawl Zoo a Birds Enclosure (sava dahna) Rs. 12.39 lakh senga sak thar chu Minister hian a hawng nghal bawk a ni.

Heng an thil ruahman te tihhlawhtlin a nih theihna tur zawng hian ni 05.10.2020 khan Minister hian Architect hruaiin Aizawl Zoo hi a tlawh leh nghal a, Minister hi Adviser to CM Pu C. Lalramzauva leh Pu Jitendra Kumar, PCCF (PD) ten an tawiawm a, a rang lama hmalak nise an ti a ni.

Tunah hian Aizawl Zoological Park hi Layout Design hi ennawn (Revise) mek a ni a, tun aia Ramsa dam tam theih dan turte pawh ngaih-tuah mek a ni bawk.

Forest Khawvel 6

Khuallian Pu Liandawla chuan trainee-te fuihin an training chhungin thiamna fam-kim an zir vek hman dawn lo va, chuvangin

mahnia thiamna awmsa hmang tangkai thei tur khawpa inbuatsaih tlat turin leh training chhungin mahni inthunun tlat chunga zo ngei tur leh chu chu training chhuah hnua hmang tangkai a tipung turin thahnem ngai takin a fuih. Professional training bakah hian thiamnate, hriatnate, physical fitness bakah conduct rules leh service rules te thlenga an tan a pawimawh thu a sawi.

Pu V Zaithanzuala, Consultant-in training school report ngaihnawm takin a sawi a. Tun tuma training turte hi April, 2020-a tan tawh tur a nih laiin Covid-19 hrileng avangin a hun

hi sawn hlat a ni ta a ni.

Forest Training School hi kum 1974-ah Mizoram Forest School tia dinin Superinten-dent-in a ho thin a. Kum 1981 June ni 5-ah Forest Education & Research Institute tia thlak niin Principal hovin enkawl a ni a ta a. Tichuan kum 1996 April ni 1 khan Forest Training School tia thlak a ni leh ta a ni. He Institution hi IFS leh MFS mi 24 laiin an lo enkawl tawh a ni.

Tichuan Department mi, frontline staff: For-est Guard - 634 train chhuak tawhin tun tuma mi hi batch 30-na an ni a, Forester - 291 lai train chhuak tawhin tuna mite hi batch 21-na an ni thung. Anni bakah hian Surveyor leh Demonstrator-te pawh a tul ang zelin zirtirna pek a lo ni tawh a, Sur-veyor mi 4 Ranger-a hlan kai te pawh hetah hian training pek an lo ni tawh bawk. Heng bakah hian refresher course engemaw zat kalpui a lo ni tawh thin a ni. Chutah chuan hengte hian zirtirna an dawng tawh a ni. 1) Range Officers - 32 2) Deputy Rangers - 167 3) Forest Rangers - 89 4) Foresters - 539 5) Forest Constable - 73 6) Forest Guards - 622 7) Members of VFDC - 6

FTS hian a tirah chuan ram 16.92 Ha. lai a awh thin a, tunah erawh chuan nekna hrang hrang avangin 14.37 Ha. chauha zau a ni tawh.

FORESTERS AND FOREST GUARDS TRAINING 2020-21

October ni 22, Ningani khan kum 2020-21 chhunga Forest Training School-a train tur For-esters - 9 leh Forest Guards - 13 tepualin training hawnna (inaugural programme) hman a ni. He hunah hian Pu Liandawla, Principal Secretary chu khuallian a ni a, Pu V Lalfala, CF(R&D)-in inkhawm a kaihruai a. Pu Laldinthara, Principal-in hunserh a hmang a, a taw-pah lawmthu sawiin hun a khar bawk. He hun hmangtute tan hian zanriah tuihnai tak buatsaih a ni.

October - December 2020

7Forest Khawvel

MAMIT-AH THINGZAI MAN A NI

17.10.2020 (Saturday) khan Mamit Forest Range staff duty-a kalte chuan Dampui Zongaw atangin Thingzai Cft. 174 (char tin 24 leh char Char 113) an man a. Thing zaitute buk luh-chhuahin Power chain saw 3, chempui 2, thirtiang 1, Wrench leh screw drivers etc., an man bawk. Thing zaitute hi an lo awm lova, an bûk hi tihchhiatsak niin an mimal thawmhnaw erawh khawihsak an ni lo thung.

Ni 20.10.2020 khan Damdiai leh suarhliap inkarah mi pakhat Sava lo kap lai man a ni bawk a, vanneihthlak takin sava hi a kah thelh hlauh a ni. Ti tawh ngailo tura a intiam avang leh a silai Department-a a surrender zui avangin case siamsak a ni ta lo.

SANGHAL-IN MI PAHNIH HLIAM

November ni 14, 2020 khan Teirei lui kama Nul hmun siam Pi Vanramengi kum 46 Khawhnai khua chu Sanghal-in beiin a hliam a. He thu hi hriat a nih veleh a hmunah Teirei Forest Range Staff te tlan nghalin hliam hi Phaileng PHC panpui a ni. He Sanghal hian Pu Vanlalhlana kum 34 Khawhnai khua chu a rawn bei leh a, ani pawh hi Phaileng PHC panpui nghal a ni. Dam-dawiin a hliam te kalpuiin senso hi Teirei Range Staff hian an tum sak a, medical bill erawh chu submit a la nih loh avangin pek a la ni lo. He Sanghalin mi a beih an chhan na lamah tihhlum niin, Teirei Forest Range Staff te’n Khawhnai Branch YMA te hriatpuinain oil chhia a leihin an hal a, an phum a ni.

RAMSA MANSA HALRAL

Dan phal loha ramsa tihhlum, Champhai Wildlife Crime Control Sub Unit-in a man chu Inrinni khan Champhai SP charge la mektu Addl. SP C. Lalengliana hoin an halral.

Wildlife Protection Act 1972 dan bawhchhiaa ramsa tihhlum an halral takte hi- Sakhi pum khat kg 16-a rit, Vahrit pakhat, Zawng sarep khai 5, kg 2.500-a rit te a ni a. Sakhi kap-tu hi WPA 1972 huaiah Rs. 25,000 chawitira hrem a ni a, ram vak tawh lo tura intiamin a silai hi DFO Champhai hnenah a tung a ni. Vahrit hi Ruantlang khawdaia ram kalte hnen atanga man niin, an chhar nia an sawi avan-gin thubuai siamsak an ni loa, Zawngsa rep hi a neitu hriat loh Myanmar atanga rawn lut a ni. Heng sate bakah hian sava thang thahnem tak Mualkawi rama man halral tel a ni bawk.

Forest Khawvel 8

MULUKAWLH PAHNIH KAH HLUM A NI

Ni 30.11.2020 khan Keifang leh Tuirini inkarah ramsa (sava) kah hlum a ni tih report a awm a. He report bawhzui hian Pu Lalthantlinga R.O, Saitual Forest Range leh staff pahnih bakah YMA leh V.C. member te’n he pawikhawihna hmun hi an pan nghal a. Kawng lakah pawikhawihtute ni a puh 1) Lalruatfela S/o Lalroliana 2) V.L. Rochanhlua S/o Lalroliana 3) Lalruatzela S/o Lalroliana, Keifang Aizawl road te hmuin an kut atang hian Mulukawlh (Gyps himalayensis) thi pahnih bakah ulhbun (SBBL) pathum (Licence nei pahnih leh tual chher pakhat) man a ni. Wildlife Protection Act 1972 behchhanin Chief Judicial Megistrate hnenah ni 2.12.2020 khan thubuai thehluh a ni.

SAVAWM SEH

Pu Zochhuanmawia (k-32), Pu Pu Lalpantluanga fapa, Hliappui khua chu November ni 20 Zir-tawpni khan PHE tui lakna hmuna a inhlawhfaknaah buk zauhna tur hmanrua lakhawm tura a kal chu Savawmin a seh a, a lu leh hnung lamah nasa takin hliam a tuar a. Tunah hian Civil Hospital, Aizawlah enkawl mek a ni. He thil hi tihpalh thil thua intawh thut vanga thleng a ni. Savawm hi hliam tawh vanga hetianga che hi a ni bik lo.

He thu hriat a nih veleh hian Pu Lalduhthlana, DFO Champhai chuan hliam tuar tanpui nan hian Rs. 10,000/- a pe nghal a. Pu C Lalthankima, DFO(WL), Khawzawl pawh a hmunah kal-chilhin thil thlen dan kimchang felfai taka lain CWLW lamah a thehlut bawk.

Tunlai hi savawm no neih hun leh a no chawm hun lai a nih avangin ramhnuaia kal thinte fimkhur a ngai em em a, ram reh deuhah phei chuan hetiang chi pumpelh nan hian thawm chhuah fo a tul zawk a ni.

A hun hnuhnung lamah pawh ti hian a sawi a, “Thi hman ka la ni lo, nungchate tana dam hi ka la mamawh a ni” a ti hial.

A hniakhnung zuiin a mission zawh hman lohte chhunzawm turin kan Zoram mipuiten i bei zel ang u.

Hmangaih taka an tana rawng i lo bawlsak thin thilsiamte chunga thuneitu Siamtu Pathian ang chhungah thlamuang takin chawl na’ng che.

MI UIHAWM

Kum 2011 a nungchate chunga ngilneihna avanga Ulhbun silai, License nena surrender-tu Pu C. Lalzuala, Tlangpui chuan ni 23.10.2020 dar 8:00 AM khan Cancer natna avangin chatuan ram min pansan ta. Tlangpuiah ASEP dintu niin a thih ni thleng hian Tlangpui branch Presi-dent a ni.

Pu C. Lalzuala hi, Zoram tan pawh mi tangkai leh hlu a ni a. Mi tam tak tih theih loh titu leh hmahruaitu zingah a tel a, a thiltih ropui tak hian a tharin mi dangte hnenah thu sawi thar mawlh teh se.

WOOD BASED INDUSTRIES LICENSE HMASA BER PE CHHUAK

Ni 16.12.2020 khan The Mizoram Wood Based Industries (Establishment & Regulation) Rules, 2017 hnuaia Mizorama a hmasa ber atan Wood Based Industries Licence chu Mamit Forest Division hnuaiah pekchhuah a ni.

Mamit DFO Pu PC. Lalchhandama chuan Wood Based Industries chu hun rei tak atanga beisei

October - December 2020

9Forest Khawvel

SAVA THLA LAK

-Dr. C. Lalhmingliana

Then khatna

1. Thlalak hlutna.Engvangin nge thla hi kan lak thin? Thla kan lak reng reng hian kan lak lai hmun leh huna thil thlengte en nawn leh fo theih turin kan dahtha tih na a ni. Thlalak tam ber hi chu lak nawn theih tawh loh an ni a, thla kan lak loh chuan chutih laia thil awm dan chu kumkhuain a bo hlen tawh dawn a ni. Thla kan lak erawh chuan, chutih hun laia thil thleng hriatrengna hlu em em kan dahtha a ni a, kan en apiangin a hun laia thil awm dan chu a nihna ang takin kan en leh theih a, chuvangin a hlu a ni.

Thlalak chu a nalh viau chuan a tha, a nalh vak loh pawhin thil awm dan kawlthatna a nih avangin a hlu hrim hrim a ni. Thlalak avangin khawvelah thil tha tam tak a thlen phah tawh a. Khawvela nature park hmingthang ber Yel-lowstone National Park khu thlalak avanga an humhalh a ni a. A zau zawng 8983.18 sq.km-a zau a ni. Kum 1971 khan Naturalist leh Ge-ologist ni bawk Ferdinend Vandeveer Hayden-a hovin ‘Hayden Geological Survey’ neiin an luh-chilh a. Chuta kal mi tam tak zingah chuan thla la thiam William Henry Jackson leh lem ziak thiam Thomas Moran-a te an tel ve a. Jackson-a chuan camera chi thum a keng a, chungte chu- 1) Stereographic camera 2) Whole plate format

camera 3) 18x22 inches format mammoth cam-era te a ni. A exposure chu khaw awmdan azirin rinthua tih a nga a, a tlangpuiin 5 sec.-20 mins. thleng a expose a. Thlalak develop nan ‘collodi-on process’ an tih chi a hmang a. Roll film siam hma daih a ni a, vawi khatah plate khat thun chawp zel a ngai a ni. A bungrua chu sabengtung engemaw zatin an phur a, chungho buaipui tur chuan silai keng mi pasarih an awm bawk a ni. Moran-an ram entawnin lem a lo ziak zel bawk a. Jackson-a thlalakte leh Morn-a lemziahte chu America President leh Senator rualin an lo thlir a, tichuan, March ni 1, kum 1872 khan Presi-dent Ullysses S.Grant-an National Park atan a puang a, sorkawr laipuiin a lo humhalh ta ni.

tawh a hlawhtlinna hmuh tan a ni ta chu law-mawm a tih thu a sawi a. Hei hian kan thing atanga hlawkna tamtak luangral thin kan ra-mah a chamban tir dawn bakah sawrkarin chhiah engemaw zat a hmuh belh anga, dan lova thing rukte tihral a harsat tawh dawn avangin rukrukna pawh nasa takin a ven pah theih dawn thu a sawi.

Wood Based Industries hi chi hnihah then niin Primary Wood based industries chuan thing tum (log) atanga thil dang siam lehna a huam deuh bik a, Secondary wood based industries chuan thing zai sa leh hmanrua siamsa atan-ga thil dang siam lehna hmun a kawk deuh bik thung, phalna bik nei an nih loh chuan thing tum (logs) zai phal a ni lo.

Wood Based Industries din tur hian Dilna form hmangin Bialtu DFO hnenah dilna theh luh tur a ni a. Tihtur hrang hrang zawh hnu-ah State Level Committee-in a thlir leh hnuah, pawmtlak nia a hriat chu Sawrkar pawmpui-

na a dilpui thin. Sawrkarin a pawmpui hnuah chauh License hi pekchhuah theih a ni.

Khawtuala thingzai khawl hmanga thingzai thin kan hmuh tlanglawnte pawh hi Bialtu DFO hnenah in register vek tur a ni a, License erawh a ngai lo. An hmanruate dan ang taka lak/neih an ni vek bawk tur a ni. Dan zawm lo te chu dan anga hremna pek zel theih an ni ang.

License pekchhuahte hi Pi Lalhmangaihi (Hri-ata Enterprise & Saw Mill) leh Pi Maggie Laln-unsangi (DCM Wood Based Industries) te an ni.

Forest Khawvel 10

RAMHMUL DAMDAWI

- M Sawmliana, MFS Rtd.

HRUIVANKAI

Botanical name : Tinospora cordifolia (Willd.) MiersFamily : MenispermaceaeEnglish : Heart-leaved Moonseed

A pianhmang: Hruivankai hi hrui, thing lera zam chho thin niin, a kung hi a bawl hruih a; thing ler atangin a zung eng sin, mam tak mai chu a thlak thla sung thin a; hemi avang hian ‘Hruivankai’ tih hi a hmingah a lo put phah ta a ni. A kungpui tak hi chu hria an tlem hle thung.

Damdawi atana hman te: A zung, a kung leh a hnah te.

Sava leh ram hmul danglam bikte pawh thlalak avangin an humhalh tawh thin a. Vietnam indo-na pawh thlalak rapthlak tak tak avangin duh lotu an pung chho va, a lo tawp ta a nih kha.

2. Mi hmasate.Thlalak tur chi hrang hrang zingah sava thla lak hi a lar pawl tak a ni awm e. Chhinchhiah tlaka sava thla la hmasa ber chu German mi Ottoman Anschultz a ni a, ramhnuaia mi sava thla kum 1884 khan a la ni.

Tihtakzeta sava thla la hmasatute chu Richard Kearton-a leh a unaupa Cherry Kearton-a te an ni a, Thwaite khua, Yorkshire biala cheng an ni. An thla lak hun hi 1890 chho lai kha a ni. Box camera an hman avangin sava ram tla thla la turin pan hnaih dan kawng hrang hrang an ngaihtuah a. Bawng vun an lip a, an kap puar a, a sirah camera lens rawlhna an tikua a, tichuan, sava ram tla hnai tak takah an la thei ta a ni. Vawi khat chu pakhat zawk a tawlhthlu a, pawnah a rawn ding chhuak tat hut mai a, an bula sava chu a phu nasa lutuk a, vanawrh zawngin a thlawk chho vak a, a rawn tla thla leh chu a thi ta der mai a ni! A chang cbuan lungpui ang taka siam ch-hungah te, thingkung lem chungahte awmin thla an la thin. An camera hman thin pakhat chu tun hnai lawk khan National Media Mu-seum chuan India pawisa cheng 3,76,940.00 ang huin a lei hial a ni.

3. Sava thla lak chungchang.Thla lak dawn rau rau pawhin sava thla lak hi thil harsa takte zinga mi a ni a. A harsat chhan

pakhat chu an te em em mai hi a ni. Mihring thla fiah taka kan lak theihna atangin sava thla la tai la, entlak a ni lo vang. Tunlaia sava thla latu hmingthang Arthur Morris-a pawh hian sava thla a lak hmasak ber chu entlak pawh ni lovin a sawi! A harsatna dang chu mi-hring min hlau em em mai hi a ni a. Mizora-mah lek phei chuan nasa takin min hlau a ni. Ramsa reng reng hian mihring hnaih ngam chin tawk ‘comfort zone’ an nei vek a. Chiang taka min hmuh theihna hmunah chuan chu-tiang aia hnaia kana wm chuan an ngaih a tha lo va, an thiltih lai chawlhsanin min thlir ta a, chu aia kan hnaih leh chuan hlauvin an thlak ta thin a ni. Mizorama savate hi chu kan thah bangte an nih avangin hmun dana savate aiin an comfort zone chu a zau fe dawn a, chumi awmzia chu an tie m em tihna a ni. Chuvan-gin, camera lens lian pui pui nei mah ila, tih dan dang neih a la ngai ta cheu a ni.

(Issue lehah chhunzawm a ni ang)

October - December 2020

11Forest Khawvel

KEIMAHNI

TRANSFER & POSTINGSN Name of Officer Present posting New Posting

1 Lalbiakchama Chawngthu, DFO DFO, Tlabung DFO, Kawrthah

2 Lalnunngila, ACF ACF, N. Vanlaiphai DFO, Tlabung

3 C. Lalkhawthanga,ACF

ACF, Chief Wild-life

Warden’s office

DFO, Protection

4 C. Chalzama, Dy Ranger

RO, Khawnglung

WLSRO, Bungtlang

5 Zirtluanga Hnamte, Fr

N Vanlaiphai Forest Range RO, Cherhlun

6 L Biakliana Ngaite, Fr

Kanhmun Forest Range

RO, Kanhmun Forest Range

7 Lallianvunga, Fr Hnahlan Forest Range RO, Hnanlan

8 K Vahre, Fr Kanghmun For-est Range

RO, Kanghmun Forest Range

9 Biakchunga, Dy Ranger

RO, South Van-laiphai

RO, South Vanlaiphai

Range

10 C Lallianzuala, Dy Ranger RO, Thingsai RO, Thingsai

Range

11 Vanlalruata Zote, Dy Forest Ranger RO, Bungtlang RO, Lengpui

12 R Lalthantluanga, Dy Ranger RO, Zohmun RO, Zohmun

13 Lalrochama, Dy Ranger

Aizawl Forest Division RO, Zohmun

14 R Zohmingthan-ga, Dy Ranger

Aizawl Forest Division

(Sadar Range)RO, Saithah

15 C Lalramsanga, Dy Ranger RO, Phuaibuang RO,

Phuaibuang

16 Zokunga Sailo, Dy Ranger RO, Bunghmun RO, Bunghmun

17 Lalzuiliana, FR RO, Saithah RO Sialsuk Range

PROMOTIONSN

Name of GovtServant

Promoted to the post

Date of Pro-motion

1 RM Lalthansanga Forest Guard to Forester 26.11.2020

2 H Lalremruata Forest Guard to Forester 26.11.2020

3 Nghaksanga Forest Guard to Forester 26.11.2020

4 Albert Vanlalfaka Forest Guard to Forester 26.11.2020

5 Lalhlimpuia Forest Guard to Forester 26.11.2020

6 J Lalremruata Forest Guard to Forester 26.11.2020

7 Lalthlengliana Forest Guard to Forester 26.11.2020

8 R Laldinpuia Forest Guard to Forester 26.11.2020

9 Dengchhingi Forest Guard to Forester 26.11.2020

10 C Tlangmawii Forest Guard to Forester 26.11.2020

11 BC Thangchhuaka Forest Guard to Forester 26.11.2020

12 Lalduhkima Forest Guard to Forester 26.11.2020

13 Lalzarmawii Forest Guard to Forester 26.11.2020

14 Shillongthangi Forest Guard to Forester 26.11.2020

15 C Kapmawia Forest Guard to Forester 26.11.2020

16 Lalsawmliana Forest Guard to Forester 26.11.2020

17 Ramngaihzuala Forest Guard to Forester 26.11.2020

A hmanna te: Hritlang, khuh, thawhah, hrawkna, khawsik, zunthlum, thisensang, thinna, thinlian, thinthalo, mitliam, thisen nei tlem, thau leh rit lutuk, taitla/taithi, pumnuamlo, kaw-puar, pumpui pan, cancer, thilhuat, kezungpui leh kutzungpui na thin, zun lama harsatna nei, zunkawng tha lo, rulhutpai, tuihal huam huam, kawthalo, santen, pem, hliam, pan, taksa vung-sen, phar, uithak, vun natna chi hrang hrang, dadu/saihri vei, zeng, ruhseh, rulchuk, rannung-seh; chubakah, sam tan a thain, thluak chakna leh tar harna a ni bawk.

Forest Khawvel 12

18 Lalrintluangi Forest Guard to Forester 26.11.2020

19 Lalrinliana Forest Guard to Forester 26.11.2020

(Note: An awmna ngaiah an awm rih ang.)

S.NName of Govt Ser-

vantPromoted to the

postDate of

Promotion

1 Lalhriatpuia Fr. to Dy. Ranger 12.11.2020

2 Lalrochama Fr. to Dy. Ranger 12.11.2020

3 R. Zohmingthanga Fr. to Dy. Ranger 12.11.2020

4 C. Lalramsanga Fr. to Dy. Ranger 12.11.2020

5 Zokunga Sailo Fr. to Dy. Ranger 12.11.2020

6 Biakchhunga Fr. to Dy. Ranger 23.11.2020

7 C. Lallianzuala Fr. to Dy. Ranger 23.11.2020

8 RM Lalthansanga Forest Guard to Forester 26.11.2020

9 H Lalremruata Forest Guard to Forester 26.11.2020

10 Nghaksanga Forest Guard to Forester 26.11.2020

11 Albert Vanlalfaka Forest Guard to Forester 26.11.2020

PENSION

Kumin December thla thleng khan kan thawhpui duhawm tak tak mi 78-in min chawlhsan tawh a, October-December chhung hian heng mite hian Superanuation & Voluntary-in min chawlhsan leh ta.

SN Name Designa-

tionPlace of Posting

Date of Superanu-

ation

1 Thangveli IB Chowkider

Wildlife Aizawl 31.10.2020

2 Zakamlova Forest Ranger Mamit 31.10.2020

3 Lalromawia Dy. Ranger Thenzawl 31.10.2020

4 K. Lalthiang-hlima

Forest Ranger

Cham-phai 31.10.2020

5 R. Thangliana Forester Kolasib 31.10.2020

6 Kawlbuanga Forest Guard CF (R&D) 31.10.2020

7 Liansanglura Forester Aizawl 31.10.2020

8 Remhming-thangi MR Duftry Thenzawl 31.10.2020

9 F. Roenga Forester Lunglei 30.11.2020

10 F. Ramnghing-lova Forester Khaw-

zawl (WL) 30.11.2020

11 F. Liankima Dy. Ranger Lunglei 31.12.2020

12 J. Larchhuak-mawia Dy. Ranger Darlawn 31.12.2020

13 Lalzauva Forest Guard

Protec-tion 31.12.2020

14 NR Pradhan DCF Protec-tion 31.12.2020

15 Lalhmangaiha Forester Aizawl 31.12.202016 PC Lalthankima ACF Lunglei 01.10.2020

n Pu Liankima Lailung IFS, APCCF chu hun rei tak Andaman & Nicobar Island a a awm hn-uin Mizoramah a rawn let leh ta a, CWLW hna a chelh zui nghal a ni.

n PCCF (P&D) chu Executive Body of State Forest Development Agency-a Member Sec-retary leh National Afforestation Programme, Nodal Officer atan ruat thar a ni.

DUTY LAIA VANDUAINA

Ni 5.10.2020 zingkar khan Pu A. Sangkhuma Tiger Protection Force, Dampa Tiger Reserve ami Thaichang Anti Pouching Camp-a a duty laiin thing tlu in a nghawngah na takin a vua a, tunah hian Civil Hospital ICU-ah dinhmun tha lo takin a awm a ni.

Pu A. Sangkhuma hian Wildlife Trust of India (WTI) atangin tanpuina Rs. 1,00,000 leh Deptt atangin Rs 50,000 a dawn bakah a thawhpui leh Forest Officers te atangin tanpuina pawisa pe an awm zel a, Environmentalist Ms Pryia Singh pawhin Rs. 4,000 lai a pe bawk.

SUNNA

n Kan thawhpui, Pu Lalruata Khiangte, Head Constable, Champhai Division ami chu October ni 10,2020 khan Aizawl-ah a boral a, Cham-phaiah vui a ni.

n Kan thawhpui, Pu Rodingluaia, Wildlife Guard Ngurlen National Park a thawk lai chu ni 8.12.2020 zing dar 4:30 khan heart attack avangin a boral. Amah hi department-ah hian kum 26 lai lo thawk tawhin Murlen National Park hrechiang em em tu a ni.

Heng kan thawhpuite hi kan ui em em a, an kalsan tak an chhungte zawng zawng kan tawrhpui takzet a ni.