ma’arif-e-sibtain fi manaqib ul hasanain alaihimussalam · shaykh-ul-islam dr. muhammad...
TRANSCRIPT
MA’ARIF-E-SIBTAIN FI
MANAQIB UL HASANAIN
ALAIHIMUSSALAM Sayyeduna Hasnain Kareemain Alaihimussalam ki Shaan me
40 Ahadees-e-Mubaraka
(Roman Urdu/Hindi me)
Book of 40 Ahadees made from Book of
Shaykh-ul-Islam Dr. Muhammad Tahir-ul-Qadri
“Marajal Bahrain fi Manaqibil Hasnain”
(Alaihimussalam)
By: www.facebook.com/DrQadriBooks
“Farma dijiye: Mai is (Tableegh-e-Risalat) par tumse koi
ujrat nahi maangta magar (Meri) Qarabat se Muhabbat
(chahta hun).”
(Surah Al-Shura Aayat no. 23)
1. “Hazrat Ali RadiAllahu Anhu bayan farmate hain ke jab Hasan paida hua to
uska naam Hamza rakha aur jab Hussain paida hua to uska naam uske chacha
ke naam par Jafar rakha. (Hazrat Ali RadiAllahu Anhu farmate hain) Mujhe
Nabi Akram SallAllahu Alaihi wa Aalihi wa Sallam ne bulakar farmaya: Mujhe
ye naam tabdeel karne ka hukm diya gaya hai. (Hazrat Ali RadiAllahu Anhu
farmate hain) maine arz kiya: Allah aur Uska Rasool behtar jaante hain. Pas
Aap SallAllahu Alaihi wa Aalihi wa Sallam ne unke naam Hasan wa Hussain
rakhe.”
. 2
2. “ Mafzal se riwayat hai ke Allah Tabarak wa Ta’ala ne Hasan aur Hussain ke
Naamon ko hijab me rakha yahan tak ke Huzoor Nabi Akram SallAllahu Alaihi
wa Aalihi wa Sallam ne Apne Beton ka naam Hasan aur Hussain rakha.”
3. “Hazrat Abu Raafe RadiAllahu Anhu se riwayat hai ke jab Hasan aur Hussain
paida hue to Huzoor Nabi Akram SallAllahu Alaihi wa Aalihi wa Sallam ne Khud
Unke kaano me Azaan di.”
. 2
4. “Ummul Momineen Hazrat Aaisha Siddiqa RadiAllahu Anha bayan karti hain
ke Huzoor Nabi Akram SallAllahu Alaihi wa Aalihi wa Sallam ne Hasan aur
Hussain ki paidaaish ke saatwe din unki taraf se do do bakriyan aqeeqe me
zibah ki.”
5. “ Hazrat Umar ibne Khattab RadiAllahu Anhu farmate hain: Maine Huzoor
Nabi Akram SallAllahu Alaihi wa Aalihi wa Sallam ko farmate hue suna: Har
aurat ke beton ki nisbat unke baap ki taraf hoti hai ma siwaye Fatima ki Aulad
ke, ke Mai he unka Nasab hun aur Mai he unka Baap hun.”
Aur ek riwayat me hai
“Sayyeda Fatima tuz-Zahra Salamullahi Alaiha se marvi hai ke Huzoor Nabi
Akram SallAllahu Alaihi wa Aalihi wa Sallam ne farmaya: Har aurat ke beton
ka khandan hota hai jiski taraf wo mansoob hote hain ma siawaye Fatima ki
aulad ke, pas Mai he Unka Wali hun aur Mai he Unka Nasab hun.”
Aur ek riwayat me hai
“Hazrat Umar ibne Khattab RadiAllahu Anhu farmate hain: Maine Huzoor Nabi
Akram SallAllahu Alaihi wa Aalihi wa Sallam ko farmate hue suna: Qayamat ke
din Mere Hasab wa Nasab ke siwa har silsila-e-nasab munkata hojaega. Har
bete ki baap ki taraf nisbat hoti hai ma siwaye Fatima ke, ke Unka Baap bhi
Mai he hun aur Unka Nasab bhi Mai he hun.”
6. “Sayyeda Fatima Salamullahi Alaiha farmati hain ke ek roz Huzoor Nabi
Akram SallAllahu Alaihi wa Aalihi wa Sallam Mere yahan tashreef laaye aur
farmaya: Mere Bete kahan hain? Maine arz kiya: Ali (Alaihissalam) unko saath
legaye hain. Nabi Akram SallAllahu Alaihi wa Aalihi wa Sallam unki talaash me
mutawajjah hue to unhe paani peene ki jagah par khelte hue paaya aur unke
saamne kuch khajooren bichi hui thin. Aap SallAllahu Alaihi wa Aalihi wa
Sallam ne farmaya: Ay Ali! Khayal rakhna Mere beton ko garmi shuru hone se
pehle waapis le aana.”
. 6
. 6
. 7
7. “Hazrat Usama bin Zaid RadiAllahu Anhuma se marvi hai, unhone farmaya:
Mai ek raat kisi kaam ke liye Huzoor Nabi Akram SallAllahu Alaihi wa Aalihi wa
Sallam ki khidmat me hazir hua. Aap SallAllahu Alaihi wa Aalihi wa Sallam
baahar tashreef laaye aur Aap SallAllahu Alaihi wa Aalihi wa Sallam kisi shaye
ko apne Jism se chimtaaye hue they jise main na jaan saka, jab mai apne kaam
se faarig hua to arz kiya: Ya RasoolAllah SallAllahu Alaihi wa Aalihi wa Sallam!
Aapne kya cheez Apne Jism se chimta rakhi hai? Aap SallAllahu Alaihi wa Aalihi
wa Sallam ne kapda hataya to dekha ke Hasan wa Hussain Alaihimussalam
dono raano tak Aap SallAllahu Alaihi wa Aalihi wa Sallam se chimte hue they.
Aap SallAllahu Alaihi wa Aalihi wa Sallam ne farmaya: Ye Mere Dono Bete
hain.”
. 7
. 8
8. “Hazrat Ali Alaihisslam riwayat karte hain ke Hasan Seene se Sar tak
RasoolAllah SallAllahu Alaihi wa Aalihi wa Sallam ki kaamil Shabeeh they aur
Hussain Seene se niche tak Huzoor SallAllahu Alaihi wa Aalihi wa Sallam ki
kaamil Shabeeh they.”
9. “Hazrat Anas bin Maalik RadiAllahu Anhu farmate hain ke Huzoor Nabi
Akram SallAllahu Alaihi wa Aalihi wa Sallam se arz kiya: Aapko Ahle Bayt me
se sabse zyada Kaun Mehboob hai? Aap SallAllahu Alaihi wa Aalihi wa Sallam
ne farmaya: Hasan aur Hussain.”
. 8
. 9
. 9
10. “Hazrat Abu Saeed Khudri RadiAllahu Anhu Allah Ta’ala ke is farman “Ay
Nabi ke ghar waalon! Allah chahta hai ke tumse (har tarah ki aaludgi) door
karde aur tumko khoob paak wa saaf karde” ke bare me farmate hain: Ye
Aayat-e-Mubarak in Paanch hastiyon ke bare me naazil hui: Huzoor Nabi
Akram, Ali, Fatima, Hasan aur Hussain Alaihisswalatu was Salaam.”
Faida: Inhi Paanch Hastiyon ke mutazkirah takhsees ke baais Aammatul
Muslimeen me “Panjatan” ki istelaah mashhoor hai. Jo Shar’an durust hai
isme ko mubalga ya aytekaadi guluw hargiz nahi.
. 10
. 10
. 11
11. “Hazrat Safiya binte Shaiba se riwayat hai ke Ummul Momineen Hazrat
Aaisha Siddiqa RadiAllahu Anha bayan farmati hain ke Huzoor Nabi Akram
SallAllahu Alaihi wa Aalihi wa Sallam subah ke waqt bahar tashreef laaye
darhalaanke Aap SallAlahu Alaihi wa Aalihi wa Sallam ne ek chadar oodhi hui
thi jispar siyah oon ke kajawon ke naksh bane hue the. Hasan ibne Ali
Alaihimussalam aaye to Aap SallAllahu Alaihi wa Aalihi wa Sallam ne Unhe us
chadar me daakhil karliya fir Hussain Alaihissalam aaye Aapke humraah
chadar me daakhil hogaye, fir Fatima Salamullahi Alaiha aayin, Aap SallAllahu
Alaihi wa Aalihi wa Sallam ne Unhe us chadar me daakhil karliya, fir Ali
Alaihissalam aayen to Aap SallAllahu Alaihi wa Aalihi wa Sallam ne Unhe bhi
chadar me le liya. Fir Aap SallAllahu Alaihi wa Aalihi wa Sallam ne ye Aayat-e-
Mubaraka padhi “Ay Ahle Bayt! Allah to yehi chahta hai ke Tumse (Har tarah
ki) aaludgi door karde aur Tumko kamaal darja Taharat se nawaz de.”
. 11
12 .“Hazrat Saad bin Abi Waqqas RadiAllahu Anhu bayan karte hain ke jab
Aayat-e-Mubahla “Aap farma den: Aao hum apne beton ko bulate hain aur
tum apne beton ko bulao” naazil hui to Huzoor Nabi Akram SallAllahu Alaihi
wa Aalihi wa Sallam ne Ali, Fatima, Hasan aur Hussain Alaihimussalam ko
bulaya, fir farmaya: Ya Allah! Ye Mere Ahal (Bayt) hain.”
Aur ek riwayat me hai
. 12
. 12
“Ummul Momineen Hazrat Umme Salama RadiAllahu Anha se marvi hai ke
Huzoor Nabi Akram SallAllahu Alaihi wa Aalihi wa Sallam ne Fatima
Salamullahi Alaiha aur Hasan wa Hussain Alaihimussalam ko jama farmakar
unko Apni chadar me leliya aur farmaya: Ay Allah! Ye Meri Ahle Bait hai.”
13. “Hazrat Ayyub Ansari RadiAllahu Anhu bayan karte hain ke mai Huzoor
Nabi Akram SallAllahu Alaihi wa Aalihi wa Sallam ki Bargah-e-Aqdas me haazir
hua to (dekha ke) Hasan wa Hussain Alaihimussalam Aap SallAllahu Alaihi wa
Aalihi wa Sallam ke saamne ya godh me khel rahe they. Maine arz kiya: Ya
RasoolAllah SallAllahu Alaik wa Sallam! Kya Aap SallAllahu Alaihi wa Aalihi wa
Sallam inse muhabbat karte hain? Nabi Akram SallAllahu Alaihi wa Aalihi wa
. 13
Sallam ne farmaya: Mai inse muhabbat kyu na karun haalanke Mere Gulshan-
e-Duniya ke yehi to 2 Phool hain jinki mehak ko sunghta rehta hun (Inhi
Phoolon ki khusbu se kaif wa suroor pata hun)”.
14. “Hazrat Anas bin Maalik RadiAllahu Anhu farmate hain ke mai Huzoor Nabi
Akram SallAllahu Alaihi wa Aalihi wa Sallam ki Bargah-e-Aqdas me haazir hota
ya (farmaya) aksar aukaat haazir hota (aur dekhta ke) Hasan wa Hussain
Alaihimussalam Aap SallAllahu Alaihi wa Aalihi wa Sallam ke Shikam-e-
Mubarak par lot pot horahe hote aur Huzoor Nabi Akram SallAllahu Alaihi wa
Aalihi wa Sallam farma rahe hote: Ye Dono he to Meri Ummat ke Phool hain.”
. 13
. 14
. 14
15. “Hazrat Anas bin Maalik RadiAllahu Anhu farmate hain ke Huzoor Nabi
Akram SallAllahu Alaihi wa Aalihi wa Sallam Sayyeda Fatima Salamullahi
Alaiha se farmaya karte: Mere dono Beton ko bulao fir Aap SallAllahu Alaihi
wa Aalihi wa Sallam Un dono (Phoolon) ko sunghte aur Apne Seena-e-Aqdas
ke saath chipka lete.”
16. “Hazrat Ya’ala ibne Murrah RadiAllahu Anhu bayan karte hain ke Hasan
wa Hussain Alaihimussalam Huzoor SallAllahu Alaihi wa Aalihi wa Sallam ki
taraf chalte hue aaye. Jab Unme se ek Aap SallAllahu Alaihi wa Aalihi wa
Sallam ke paas pahunch gaya to Aap SallAllahu Alaihi wa Aalihi wa Sallam ne
Apne ek baazu se Usey Galey laga liya, fir jab dusra pahuncha to dusre baazu
se Usey Galey laga liya, fir dono ko baari baari chumne lage.”
. 15
. 15
. 16
. 16
17. “Hazrat Umar ibne Khattab RadiAllahu Anhu se riwayat hai ke Huzoor Nabi
Akram SallAllahu Alaihi wa Aalihi wa Sallam ne farmaya: Hasan aur Hussain
Tamam Jawaanan-e-Jannat ke Sardar hain.”
Ek riwayat me hai
“Hazrat Abu Hurairah RadiAllahu Anhu se riwayat hai ke Huzoor Nabi Akram
SallAllahu Alaihi wa Aalihi wa Sallam ne farmaya: Aasmaan ke ek farishte ne
(isse pehle) Meri Ziyarat kabhi nahi ki thi, usne Meri Ziyarat ke liye Allah Ta’ala
se ijazat talab ki aur Mujhe ye Khushkhabari sunayi ke Hasan aur Hussain
Tamam Jannati jawaanon ke Sardar hain.”
. 17
. 17
18. “Hazrat Anas bin Maalik RadiAllahu Anhu se riwayat hai ke maine Huzoor
Nabi Akram SallAllahu Alaihi wa Aalihi wa Sallam ko farmate hue suna ke: Hum
Abdul Muttalib ki Aulad Ahle Jannat ke Sardar hain jisme Mai, Hamza, Ali,
Jafar, Hasan, Hussain aur Mahdi shaamil hain.”
. 18
. 18
19. “Hazrat Abdullah ibne Abbas RadiAllahu Anhuma farmate hain ke jab
Aayat-e-Mubaraka “Farma den Mai tumse is (Tableegh-e-Haq aur Khair
khwaahi) ka kuch sila nahi chahta bajuz Ahle Qarabat se Muhabbat ke” naazil
hui to Sahaba Ikram RadiAllahu Anhum ne arz kiya: Ya RasoolAllah SallAllahu
Alaik wa Sallam! Aapke wo kunse Qarabatdar hain jinki Muhabbat humpar
Waajib hai? Aap SallAllahu Alaihi wa Aalihi wa Sallam ne farmaya: Ali, Fatima
aur Unke dono Bete (Hasan wa Hussain).”
20. “Hazrat Abdullah ibne Mas’ud RadiAllahu Anhuma riwayat karte hain ke
Huzoor Nabi Akram SallAllahu Alaihi wa Aalihi wa Sallam ne farmaya: Jisne
Mujhse Muhabbat ki, Uspar laazim hai ke wo in dono se bhi muhabbat kare.”
. 19
. 19
. 20
Aur ek riwayat me hai
“Hazrat Abu Hurairah RadiAllahu Anhu bayan karte hain ke maine Huzoor
Nabi Akram SallAllahu Alaihi wa Aalihi wa Sallam ko Hasan aur Hussain
Alaimussalam ke mutalliq farmate hue suna: Jo Mujhse Muhabbat karta hai,
Uspar in dono se Muhabbat karna Waajib hai.”
21. “Hazrat Abu Hurairah RadiAllahu Anhu se marvi hai ke Huzoor Nabi Akram
SallAllahu Alaihi wa Aalihi wa Sallam ne farmaya: Jisne Hasan aur Hussain
. 20
. 21
Alaihimussalam se Muhabbat ki, usne darhaqeeqat Mujh he se Muhabbat ki.”
22. “Hazrat Salman Farsi RadiAllahu Anhu bayan karte hain ke Huzoor Nabi
Akram SallAllahu Alaihi wa Aalihi wa Sallam ne Hasan wa Hussain
Alaihimussalam ke liye farmaya: Jisne Inse Muhabbat ki usse Maine
Muhabbat ki, aur jisse Mai Muhabbat karun usse Allah Muhabbat karta hai,
aur jisko Allah mehboob rakhta hai usey Neymaton waali Jannat me daakhil
karta hai.”
. 21
. 22
. 22
23. “Hazrat Ali Alaihissalam se marvi hai ke Huzoor Nabi Akram SallAllahu
Alaihi wa Aalihi wa Sallam ne farmaya: Mai, Fatima, Hasan, Hussain aur jo
Humse Muhabbat karte hain, Qayamat ke dn ek he maqam par jama honge,
Hamara khana peena bhi ikattha hoga, taa-aanke log (hisab wa kitab ke baad)
juda juda kardiye jaenge.”
24. “Hazrat Abdullah ibne Abbas RadiAllahu Anhuma se marfuan Hadees
marvi hai ke Huzoor Nabi Akram SallAllahu Alaihi wa Aalihi wa Sallam ne
farmaya: Mai Darakht hun, Fatima uski tehni hai, Ali uska Shagofa aur Hasan
. 23
. 23
. 24
wa Hussain uska Phal hain aur Ahle Bayt se Muhabbat karnewaale uske patte
hain, sab Jannat me honge, Ye Haq Hai Ye Haq Hai.”
25. “Hazrat Abdullah ibne Abbas RadiAllahu Anhuma se riwayat hai ke Huzoor
Nabi Akram SallAllahu Alaihi wa Aalihi wa Sallam ne irshad farmaya: Ay logon!
Kya Mai tumhe unke bare me khabar na dun jo (Apne) Nana Nani ke aitbaar
se sab logon se behtar hain? Kya Mai tumhe unke bare me na bataau jo (apne)
. 24
. 25
Chacha aur Phuphi ke lihaaz se sab logon se behtar hain? Kya Mai tumhe unke
bare me na bataau jo (apne) Maamu aur Khala ke aitbaar se sab logon se
behtar hain? Kya Mai tumhe unke bare me khabar na dun jo (apne) Maa Baap
ke lihaaz se sab logon se behtar hain? Wo Hasan aur Hussain hain, Unke Nana
Allah ke Rasool, Unki Nani Khadija binte Khuwailid, Unki Waalida Fatima binte
RasoolAllah, Unke Waalid Ali ibne Abi Talib, Unke Chacha Jafar ibne Abi Talib,
Unki Phuphu Umme Haani binte Abi Talib, Unke Maamu Qasim ibne
RasoolAllah, Unki Khala RasoolAllah ki Betiyan Zainab, Ruqaiyya aur Umme
Qulsoom hain. Unke Nana, Nani, Waalid, Waalidah, Chacha, Phuphi, Maamu
aur Khala (sab) Jannat me honge aur wo dono (Hasnain Kareemain) bhi Jannat
me honge.”
. 25
. 26
26. “Hazrat Anas bin Maalik RadiAllahu Anhu bayan karte hain ke Huzoor Nabi
Akram SallAllahu Alaihi wa Aalihi wa Sallam ne farmaya: Ek martaba Jannat
ne Dozakh par fakhr kiya aur kaha mai tumse behtar hun. Dozakh ne kaha:
Mai tumse behtar hun. Jannat ne dozakh se pucha: Kis wajah se? Dozakh ne
kaha: Isliye ke mujhme bade bade jaabir hukmaraan firaoun aur namrood
hain. Is par Jannat khamosh hogayi. Allah Ta’ala ne Jannat ki taraf Wahi ki aur
Farmaya: Tu aajiz wa lajawab na ho, mai tere do Sutuno ko Hasan aur Hussain
ke zariye mujayyan kardunga. Pas Jannat khushi aur suroor se aise sharma
gayi jaise dulhan sharmati hai.”
27. “Hazrat Umar ibne Khattab RadiAllahu Anhu farmate hain ke Huzoor Nabi
Akram SallAllahu Alaihi wa Aalihi wa Sallam ne farmaya: Beshaq Fatima, Ali,
. 26
. 27
Hasan aur Hussain Jannatul Firdous me safed Gumbad me muqeem honge
jiski chhat Arsh-e-Khudawandi hogi.”
28. “Hazrat Abu Faakhta (Saeed ibne Alaqa) RadiAllahu Anhu se riwayat hai
ke Huzoor Nabi Akram SallAllahu Alaihi wa Aalihi wa Sallam, Ali, Fatima, aur
Hasan aur Hussain Salamullah Alaihim ghar par they ke Hasan ne paani
manga. Huzoor Nabi Akram SallAllahu Alaihi wa Aalihi wa Sallam ne aadhi raat
ko uthkar Usey paani pilaya. (Isi douran jabke Huzoor Nabi Akram SallAllahu
Alaihi wa Aalihi wa Sallam Hazrat Hasan Alaihissalam ko paani pilane he waale
they) ke Hazrat Hussain Alaihissalam ne wahi paani talab kiya, jise Huzoor
SallAllahu Alaihi wa Aalihi wa Sallam ne pehle dene se inkar farmaya (kyunki
Hasan Alaihissalam Unse qabl paani maang chuke they aur Huzoor SallAllahu
Alaihi wa Aalihi wa Sallam usi tarteeb se dena chahte they, ye bagarze tallem
. 27
. 28
wa tarbiyat tha). Arz kiya gaya: Ya RasoolAllah SallAllahu Alaik wa Sallam!
Lagta hai ke Aapko Hussain se zyada Hasan Mehboob hai? To Huzoor Nabi
Akram SallAllahu Alaihi wa Aalihi wa Sallam ne farmaya: Ye wajah nahi balke
Hasan ne Hussain se pehle paani manga tha. Fir Aap SallAllahu Alaihi wa Aalihi
wa Sallam ne farmaya: Ay Fatima! Mai, Tum, Ye Dono (Hasan wa Hussain) aur
Ye Sonewala (yaani Hazrat Ali) Qayamat ke din ek he jagah par honge.”
29. “Hazrat Ali Alaihissalam bayan karte hain ke RasoolAllah SallAllahu Alaihi
wa Aalihi wa Sallam ne mujhe bataya ke sabse pehle Jannat me daakhil hone
waalon me, Mai (Yaani Hazrat Ali Alaihissalam khud), Fatima, Hasan aur
Hussain hain. Maine arz kiya: Ya RasoolAllah SallAllahu Alaika wa Sallam!
Humse Muhabbat karnewale kahan honge? Aap SallAllahu Alaihi wa Aalihi wa
Sallam ne farmaya: Tumhare Piche.”
. 28
. 29
. 29
30. “Hazrat Usama bin Zaid RadiAllahu Anhuma se riwayat hai ke Huzoor Nabi
Akram SallAllahu Alaihi wa Aalihi wa Sallam ne dua farmayi: Ay Allah! Mai Inse
Muhabbat karta hun, Tub bhi Inse Muhabbat kar aur Inse Muhabbat karne
waale se bhi Muhabbat kar.”
31. “Hazrat Abu Hurairah RadiAllahu Anhu se marvi hai ke Huzoor Nabi Akram
SallAllahu Alaihi wa Aalihi wa Sallam ne farmaya: Jisne Hasan aur Hussain se
bugz rakha usne Mujh he se bugz rakha.”
. 30
. 30
. 31
. 31
32. “Hazrat Salman Farsi RadiAllahu Anhu bayan karte hain ke Huzoor Nabi
Akram SallAllahu Alaihi wa Aalihi wa Sallam ne Hasan wa Hussain
Alaihimussalam ke bareme farmaya: Jisne Inse bugz rakha ya Inse bagawat ki
wo Mere yahan mabgooz hogaya aur jo Mere yaha mabgooz hogaya wo Allah
ke gazab ka shikar hogaya aur jo Allah ke yahan gazab yafta hogaya to Allah
Ta’ala usey Jahannam ke azaab me daakhil karega (jahan) uske liye hamesha
ka thikana hoga.”
. 32
. 32
33. “Hazrat Zaid bin Arkam RadiAllahu Anhu se marvi hai ke Huzoor Nabi
Akram SallAllahu Alaihi wa Aalihi wa Sallam ne Hazrat Ali, Sayyeda Fatima,
Hazrat Hasan aur Hazrat Hussain Salamullah Alaihim se farmaya: Jisse Tum
ladoge Meri bhi usse ladayi hogi, aur jisse Tum Sulah karoge Meri bhi usse
Sulah hogi.”
. 33
. 33
. 34
34. “Hazrat Abu Bakr Siddiq RadiAllahu Anhu farmate hain ke maine dekha ke
Rasool-e-Akram SallAllahu Alaihi wa Aalihi wa Sallam ne ek Khaima me qayam
farmaya aur Aap SallAllahu Alaihi wa Aalihi wa Sallam ek Arabi kamaan par
tek lagaye hue they aur khaima me Ali, Fatima, Hasan aur Hussain Salamullah
Alaihim bhi maujood they.Aap SallAllahu Alaihi wa Aalihi wa Sallam ne
farmaya: ‘Ay Musalmano ki Jamaat! Jo Ahle Khaima (Ahle Bait) se Sulah
karega Meri bhi usse Sulah hogayi,jo Inse ladega Meri bhi usse ladayi hogi. Jo
Inko dost rakhega Meri bhi usse dosti hogi. Inse sirf khushnasseb aur barkat
waala he dosti rakhta hai aur Inse sirf badnaseeb aur badbakht he bugz rakhta
hai.”
. 34
. 35
35. “Hazrat Abu Hurairah RadiAllahu Anhu bayan karte hain ke hum Huzoor
Nabi Akram SallAllahu Alaihi wa Aalihi wa Sallam ke humrah Namaz-e-Isha
ada karrahe they, jab Aap SallAllahu Alaihi wa Aalihi wa Sallam Sajde me gaye
to Hasan aur Hussain Alaihimussalam Aap SallAllahu Alaihi wa Aalihi wa
Sallam ki Pusht Mubarak par sawaar hogaye, jab Aap SallAllahu Alaihi wa
Aalihi wa Sallam ne Sajde se Sar uthaya to un dono ko apne piche se narmi ke
saath pakadkar zameen par bithadiya. Jab Aap SallAllahu Alaihi wa Aalihi wa
Sallam dobara Sajde me gaye to Shehzaadgaan ne dobara aisa he kiya(ye
silsila chalta raha) yahan tak ke Aap SallAllahu Alaihi wa Aalihi wa Sallam ne
Namaz Mukammal karli uske baad Dono ko Apni Mubarak Raano par
bithaya.”
Aur ek riwayat me hai
. 35
“Zir ibne Jaish RadiAllahu Anhu farmate hain ek din Huzoor Nabi Akram
SallAllahu Alaihi wa Aalihi wa Sallam logon ko Namaz padha rahe they ke
Hasnain Kareemain Alaihimussalam jo us waqt bachhe they aaye. Jab Aap
SallAllahu Alaihi wa Aalihi wa Sallam Sajde me gaye to wo Aap SallAllahu Alaihi
wa Aalihi wa Sallam ki pusht Mubarak par sawaar hone lage, log unhe rokne
ke liye aage badhe to Aap SallAllahu Alaihi wa Aalihi wa Sallam ne farmaya:
Mere Maa Baap inpar Qurbaan ho! Inhe chod do…..yaani Sawaar hone do.”
Ek aur riwayat me hai
“Hazrat Bara bin Aazib RadiAllahu Anhu se riwayat hai ke Huzoor Nabi Akram
SallAllahu Alaihi wa Aalihi wa Sallam Namaz padhaate to Hasan wa Hussain
Alaihimussalam dono me se koi ek aakar Aap SallAllahu Alaihi wa Aalihi wa
Sallam ki Pusht Mubarak par sawaar hojata jab Aap SallAllahu Alaihi wa Aalihi
wa Sallam Sajde me hote, Sajde se Sar uthate hue agar ek hota to Usko ya
Dono hote to bhi Aap SallAllahu Alaihi wa Aalihi wa Sallam Unko thaam lete,
fir Aap SallAllahu Alaihi wa Aalihi wa Sallam farmate: Tum do sawaron ke liye
kitni achi sawari hai.”
36. “Hazrat Salman Farsi (RadiAllahu Anhu) farmate hain: Hum Huzoor Nabi
Akram SallAllahu Alaihi wa Aalihi wa Sallam ke paas they. Umme Ayman Aap
SallAllahu Alaihi wa Aalihi wa Sallam ke paas aayin aur arz kiya: Hasan wa
Hussain Alaihimussalam goom hogaye hain. Raawi kehte hain din khoob nikla
hua tha. Aap SallAllahu Alaihi wa Aalihi wa Sallam ne farmaya: Chalo Mere
Beton ko talash karo, raawi kehta hai har ek ne apna apna rasta liya aur mai
Huzoor SallAllahu Alaihi wa Aalihi wa Sallam ke sath chal pada, Aap SallAllahu
Alaihi wa Aalihi wa Sallam musalsal chalte rahe hatta ke pahaad ke daman tak
pahunch gaye (dekha ke) Hasan wa Hussain Alaihimussalam ek dusre ke sath
chimte hue hain aur ek azdaha apni dum par khada hai aur uske muh se aag
ke shole nikal rahe hain. Aap SallAllahu Alaihi wa Aalihi wa Sallam uski taraf
tezi se badhe to wo azdaha Huzoor Nabi Akram SallAllahu Alaihi wa Aalihi wa
. 36
Sallam ki taraf mutawwajah hokar sikud gaya phir khisakkar pathar me chup
gaya phir Aap SallAllahu Alaihi wa Aalihi wa Sallam Hasnain Kareemain
Alaihimussalam ke paas tashrif laaye aur Dono ko alag alag kiya aur Unke
Chehron ko pocha aur farmaya: Mere Maa Baap Tumpar Qurban ho, Tum
Allah ke haan kitni Izzat waale ho. Fir Aap SallAllahu Alaihi wa Aalihi wa Sallam
ne Unme se ek ko Apne daayen Kandhe par aur dusre ko baaye Kandhe par
utha liya. Maine arz kiya: Tumhari Sawari kitni khoob hai? Huzoor Nabi Akram
SallAllahu Alaihi wa Aalihi wa Sallam ne farmaya: Ye bhi dekho ke Dono
Sawaar kitne Khoob hain.”
. 36
. 37
37. “Abdullah ibne Shaddaad apne waalid Hazrat Shaddaad bin Haad
RadiAllahu Anhu se riwayat karte hain ke Huzoor Nabi Akram SallAllahu Alaihi
wa Aalihi wa Sallam Isha ki Namaz ada karneke liye hamare paas tashreef
laaye aur Aap SallAllahu Alaihi wa Aalihi wa Sallam Hasan ya Hussain
Alaihimussalam (me se kisi ek Shehzaade) ko uthaaye hue they. Huzoor
SallAllahu Alaihi wa Aalihi wa Sallam ne tashreef laakar Unhe zameen par
bitha diya fir Namaz ke liye takbeer farmaya aur Namaz padhna shuru kardi,
Namaz ke doran Huzoor Nabi Akram SallAllahu Alaihi wa Aalihi wa Sallam ne
taweel Sajda kiya. Hazrat Shaddaad RadiAllahu Anhu ne kaha: Maine sar
uthakar dekha ke Shehzaade Sajde ki haalat me Aap SallAllahu Alaihi wa Aalihi
wa Sallam ki Pusht Mubarak par sawaar hai. Mai fir sajde me chala gaya. Jab
Huzoor SallAllahu Alaihi wa Aalihi wa Sallam Namaz ada farma chuke to logon
ne arz kiya ke: Ya RasoolAllah SallAllahu Alaik wa Sallam! Aapne Namaz me
itna sajda taweel karliya, yahan tak ke humne gumaan karliya ke koi Amr-e-
Ilahi waake hogaya ya Aap SallAllahu Alaihi wa Aalihi wa Sallam par Wahi
naazil hone lagi hai. Aap SallAllahu Alaihi wa Aalihi wa Sallam ne irshad
farmaya: Aisi koi baat na thi magar ye ke Mujhpar Mera Beta Sawaar tha isliye
(Sajde se uthne me) jaldi karna acha na laga jabtak ke Uski Khwahish puri na
ho.”
. 37
38. “Hazrat Abu Hurairah RadiAllahu Anhu farmate hain ke mai gawahi deta
hun ke hum Huzoor Nabi Akram SallAllahu Alaihi wa Aalihi wa Sallam ke sath
(safar me) nikle, abhi hum raaste me he they ke Aap SallAllahu Alaihi wa Aalihi
wa Sallam ne Hasan wa Hussain Alaihimussalam ki aawaz suni Dono ro rahe
they aur Dono Apni Walida Majida (Sayyeda Fatima Salamullahi Alaiha) ke
paas he they. Pas Aap SallAllahu Alaihi wa Aalihi wa Sallam Unke paas teezi se
pahunche. (Abu Hurairah RadiAllahu Anhu kehte hain ke) maine Aap
SallAllahu Alaihi wa Aalihi wa Sallam ko Sayyeda Fatima Salamullahi Alaiha se
ye farmate hue suna: Mere Beton ko kya hua? Sayyeda Fatima Salamullahi
Alaiha ne bataya: Inhe sakht pyaas lagi hai. Huzoor Nabi Akram SallAllahu
Alaihi wa Aalihi wa Sallam paani lene ke liye mashkize ki taraf badhe. Un dino
. 38
paani ki sakht qillat thi aur logon ko paani ki shaded zarurat thi. Aap SallAllahu
Alaihi wa Aalihi wa Sallam ne logon ko aawaz di: Kya kisike paas paani hai?
Har ek ne kajawon se latke mashkizon me paani dekha magar unko qatra tak
na mila. Aap SallAllahu Alaihi wa Aalihi wa Sallam ne Sayyeda Fatima
Salamullahi Alaiha se farmaya: Ek Bachha Mujhe den. Unhone Ek ko parde ke
niche se dediya. Pas Aap SallAllahu Alaihi wa Aalihi wa Sallam ne Usko
pakadkar Apne Seene se laga liya magar wo sakht pyaas ki wajah se musalsal
ro raha tha aur khamosh nahi horaha tha. Pas Aap SallAllahu Alaihi wa Aalihi
wa Sallam ne Uske Muh me Apni Zubaan Mubarak daaldi Wo Usey Chusne
laga hatta ke sairabi ki wajah se sukoon me aagaya maine dobara Uske rone
ki aawaz na suni, jabke Dusra bhi usi tarah (musalsal roraha tha) pas Huzoor
SallAllahu Alaihi wa Aalihi wa Sallam ne farmaya: Dusra bhi Mujhe Deden, to
Sayyeda Fatima Salamullahi Alaiha ne dusre ko bhi Huzoor SallAllahu Alaihi
wa Aalihi wa Sallam ke hawale kardiya, Huzoor SallAllahu Alaihi wa Aalihi wa
Sallam ne Us se bhi wahi muamla kiya (yaani Zubaan Mubarak Uske Muh me
daaldi). So wo Dono aise khamosh hogaye ke maine dobara Unke rone ki
aawaz na suni.”
. 38
39. “Hazrat Abdullah ibne Abbas RadiAllahu Anhuma se riwayat hai ke Huzoor
Nabi Akram SallAllahu Alaihi wa Aalihi wa Sallam Hasan wa Hussain
Alaihimussalam ke liye (khususi tor par) kalmat-e-Taauz ke sath dum farmate
they aur irshad farmate ke Tumhare Jadde Amjad (Ibrahim Alaihissalam bhi)
Apne Dono Sahabzadon Ismaeel wa Ishaaq (Alaihimussalam) ke liye in
kalimaat ke sath taauz karte they “Mai Allah Ta’ala ke Kaamil Kalmaat ke
zariye har (waswasa andazi karnewale) shaitan aur bala se aur har nazre bad
se panah mangta hun.”
. 39
. 39
. 40
40. “Hazrat Abu Hurairah RadiAllahu Anhu bayan karte hain ke hum Huzoor
Nabi Akram SallAllahu Alaihi wa Aalihi wa Sallam ke humraah Isha ada kar
rahe they, jab Aap SallAllahu Alaihi wa Aalihi wa Sallam Sajde me gaye to
Hazrat Hasan aur Hussain Alaihimussalam Aap SallAllahu Alaihi wa Aalihi wa
Sallam ki Pusht Mubarak par sawar hogaye. Jab Aap SallAllahu Alaihi wa Aalihi
wa Sallam ne Sajde se Sar uthaya to un Donoko Apne piche se Narmi se pakad
kar zameen par bitha diya. Jab Aap SallAllahu Alaihi wa Aalihi wa Sallam
dobara Sajde me gaye to Hasan wa Hussain Alaihimussalam ne dobara aisa he
kiya hatta ke Aap SallAllahu Alaihi wa Aalihi wa Sallam ne Namaz mukammal
karne ke baad Dono ko Apni Mubarak Raano par bithaliya. Maine khade hokar
arz kiya: Ya RasoolAllah SallAllahu Alaika wa Aalika Sallam! Mai Inhe waapas
chod aata hun. Pas achanak aasmaani bijli chamki aur Aap SallAllahu Alaihi wa
Aalihi wa Sallam ne (Hasnain Kareemain Alaihimussalam) ko farmaya ke Apni
Waalida ke paas chale jao. Hazrat Abu Hurairah RadiAllahu Anhu bayan karte
hain ke Unke ghar me daakhil hone tak wo roshni barkarar rahi.”
. 40
41. “ Hazrat Abu Hurairah RadiAllahu Anhu Huzoor Nabi Akram SallAllahu
Alaihi wa Aalihi wa Sallam se riwayat karte hain ke Aap SallAllahu Alaihi wa
Aalihi wa Sallam ke saamne Hasnain Kareemain Alaihimussalam kushti lad
rahe they aur Aap SallAllahu Alaihi wa Aalihi wa Sallam farma rahe they:
Hasan jaldi karo. Sayyeda Fatima Salamullahi Alaiha ne kaha: Ya RasoolAllah
SallAllahu Alaik wa Sallam! Aap sirf Hasan ko he aisa kyun farma rahe hain?
Aap SallAllahu Alaihi wa Aalihi wa Sallam ne jawab diya: Kyunki Jibrael-e-
Ameen Hussain ko jaldi karneka kehkar daad de rahe they.”
. 41
. 41
. 42
42. “Sayyeda Fatima Salawatullahi Alaiha se riwayat hai ke wo Apne Baba
Huzoor Rasool-e-Akram SallAllahu Alaihi wa Aalihi wa Sallam ke marz-e-wisaal
ke dauran Hasan aur Hussain ko Aap SallAllahu Alaihi wa Aalihi wa Sallam ke
paas laayin aur azr kiya: Ya RasoolAllah! Inhe Apni wirasat me se kuch ata
farmaen. Aap SallAllahu Alaihi wa Aalihi wa Sallam ne irshad farmaya: Hasan
Meri Haibat wa Sardari ka Waaris hai aur Hussain Meri Jurrat wa Sakhawat
ka.”
Ek aur riwayat me hai:
“Maine is Bade Bete (Hasan) ko Haibat aur Burdbaari ata ki aur Chote Bete
(Hussain) ko Muhabbat aur Raza ata ki.”
Aur ek riwayat me hai:
“Hasan ke liye Meri Saabit Kadmi aur Sardari ki Wirasat hai aur Hussain ke
liye Meri Taaqat wa Sakhawat ki Wirasat hai.”
. 42
Allahumma Salli Ala Sayyedina wa Maulana Muhammadiw wa Ala Aalihi wa
Sahbihi wa Baarik wa Sallim
Allahumma Salli ala Jaddil Hasnain wa Ummal Hasanain wa Abul Hasnain wa
Sayyedina Hasan wa Sayyedina Hussain wa Sayyeda Zainab wa Barik wa
Sallim