kËtÄp de duÖÖr - cueibet.anglican.orgcueibet.anglican.org/docstore/dinkabcp.pdf · 2022 c nyith...

KËTÄP DE DUÖÖR

KU

LUƆI DE THÄKÄRÄMAN

KU

CÖK KƆK KE LUƆI DE KANITHA

KEK-Ë

DIƐT KE DABID

KU

PÖÖC DE DUKÖÖR

(Prayer Book in Dinka Bor Dialect, Modified )

New Day Publishers

P.O. Box 110 Juba , Sudan

Ka tɔ ThIN

1-PɛI ke Jiëëŋ ku Yiëi ke Ruöönic

2-Cök ke Lɔŋ-ë Nhiäkduur

3-Cök ke Lɔŋ Thɛi

4-Litani

5-Lɔɔŋ ku Lɛc të Göör-ë Ke

6-Lɔɔŋ ku Thöön ku Wëlpath bïïke yaa lueel në Ruöönic ëbɛn

7-Luɔi de Män Lajik

8-Luɔi de Baptïnh de Mïth-thii

9-Luɔi de Baptïnh de Kɔcdït

10-Katëkïthdhïm

11-Luɔi de Cɔkril

12-Cök ke luɔi Lajik de Thiëëk

13-Cök ke Thiɛŋ de Kɔc cï Thou

14-Lɛc de Diär të cïi kek Dhiëth

15-Ajuɛɛr de Män Lajik Jöt ( Order two )

16- Diɛt ke Dabid

17-Cök ke Tɛɛu de Rördït ku Dïkoon

18-Pööc de Duköör

19-Cök ke Puöt ke Yath ( 39 Article)

1- Pɛ i ke Jiëëŋ

cin English Jiëëŋ Nïn Biɛk ke Ruöönic Rin ke Jiëŋ kɔk

1 January Kön 31 Mɛi

2 February Kol 28-29 Mɛi

3 March Nyith 31 Mɛi

4 April Akɔ nydït 30 Abuɔl kɛɛr

5 May Akänythi 31 Kër 6 June Aduöŋ 30 Kër 7 July Alɛthboor 31 Yak

8 August Aköldït 31 Yak

9 September Bildït 30 Ruël

10 October Biɛlthi 31 Rut col

11 November Lal 30 Rut ɣer

12 December Ɣɔr 31 Rut ɣer

2- Yiɛ i yee Röt Waar në Ruöönic

Run Cit Akölë Diäk de ŋeth

Akölë Jöt

Lɔ nhial

De Yecu

Akölë Thiër dhiëc

Thändeei De Bɛn

2014 A Nyith 5

Akɔ nydït 20

Akänythi 29

Aduöŋ 8

Lal 30

2015 A Kol 18 Akɔ nydït 5 Akänythi 14

Akänythi 24

Lal 29

2016 C Kol 10

Nyith 27

Akɔ nydït

5

Akɔ nythi

15

Lal 27

2017 A Nyith 1 Akɔ nydït 16 Akänythi 25

Aduöŋ 4

Ɣɔr 3

2018 B Kol 14 Akɔ nydït 1 Akänythi 10

Akänythi 20

Ɣɔr 2

2019 C Nyith 16 Akɔ nydït 21 Akänythi 30

Aduöŋ 9

Ɣɔr 1

2020 A Kol 26 Akɔ nydït 12 Akänythi

21

Akänythi 31

Lal 29

2021 B Kol 17 Akɔ nydït 4 Akänythi 13

Akänythi 23

Lal 28


Aduöŋ 5

Lal 27


Akänythi 28

Ɣɔr 3

2024 B Kol 14 Nyith 31 Akänydït 9

Akänythi 19

Ɣɔr 1

2025 C Nyith 5 Akɔ nydït 20

Akänythi 29

Aduöŋ 8

Lal 30

2026 A Kol 18 Akɔ nydït 5

Akänythi 14

Akänythi 24

Lal 29

2027 B Kol 10 Nyith 28 Akɔ nydït

6

Akänythi 16

Lal 28


Aduöŋ 4

Ɣɔr 3


Akänythi 20

Ɣɔr 2

2030 B Nyith 6 Akɔ nydït 21 Akänythi 30

Aduöŋ 9

Ɣɔr 1

2031 C Kol 26 Akɔ nydït 13 Akänythi 22

Aduöŋ 1 Lal 30

2032 A Kol 11 Nyith 28 Akänythi 6

Akänythi 16

Lal 28

2033 B Nyith 2 Akɔ nydït 17 Akänythi 26

Aduöŋ 5

Lal 27

2034 C Kol 22 Akɔ nydït 9 Akänythi 18

Akänythi 28

Ɣɔr 3

2035 A Kol 7 Nyith 25 Akänythi 3

Akänythi 13

Ɣɔr 2

3- CÖK KE LƆŊ DE NHIÄKDUR

NË AKÖLIIC ALƆGUT THÖK DE RUÖÖN

Në gɔc de Lɔŋ –ë Nhiäkdur ke Awut abï kɔk ke kek ëcökkä ke kacïigɔɔr yaa ciir ke jɔt ye

röl nhial bïi piŋ në kɔc tɔ ciëën në luak thar. Na rëk ëka bï kë buɔth cök kek-ë cökkä ke

lueel,

Naa wel raan ye puöu wei të de rɛɛcden cï looi , ku yee kë ye këpath looi, ëkee tiëpde

luök bë pïïr. Edh.18-27

Ɣɛɛn gam ka ca-ke wuööc , ku rɛɛcdië arɛɛr ke nyiɛc Dit 51,3

Kum yï nyin në karɛccië , ku wɛɛc-ë rɛɛcdië wei ëbɛn Dit 51,9

Köc de rɔt de NHialic ee yaa puön ye dhiaau, puön yee dhiaau ku yee rɔt wel acïï ye

tɔɔn Yïn NHialic Dit 51:17

Rɛtkä we puööth kua aciee alɛth , ku wɛlkä röt Yekoba NHialinyduön, yenë ka nɔŋ

piath ku käc de puöu, aciee dac ɣök , ku kee kɔc kony, ku kee rɛɛc puöl . Juɛl 2,13

Bɛnydït NHialinyda ee naŋ käc de puöu ku pɛl , të cïï ok cak teer Ke Yeen, ku kënku

röl de Bɛnydït NHialinyda yaa gam buk yaa cath në lööŋkeiic, lööŋ cï ke tääu në O

nhïïm. Dan.9.9-10

Yïïn Yekoba , yee ɣa jɔɔny në luŋ lajik , ke ciee ɣökdu , duök-ke Yïïn bë ɣa cɔk liu,

Jeremiya 10:24

Wɛlkä we puööth , ceŋ de NHialic ee ɣëët . Math. 3:2

Ɣɛɛn bï rɔt jɔt ku laar të nɔŋ Awa ku ka ba lɔ yɔɔk, Ya Awa , Ɣɛɛn cï rɛɛc looi nhiaal, ku

në yï nyin, aɣɛɛn cï path, aɣɛɛn cï ber ya cɔɔl wëndu . Luk. 1:18-19

Duk-ë awundu yïn luk, Yïn Yekoba , nëkë cïn en ran yee pïïr bë yaa naŋ yic në yïnhom.

Dit .143:2

Naa yeeku jam ,lan liiu kërac në Opuööth , ke Ok yee röt dhoom ku yic aliu në Oiic .

Naa yeeku karɛckua gam, ëkee naŋ adöt ku yee lajik, ku yee karɛckua puöl, ku yee O

waak puööth në col ëbɛn. 1Jɔn 1.8-9

Wɛt ke wää ( Pan-ë maa/ Kɔc nhiaarke ) këcïïgɔɔr ee O yɔɔk , ye buk karɛc juëckua ya

gam , ku cukke yee moony në NHialic nyin, NHialiny nɔŋ riɛɛl ëbɛn , Yeen awadɛn tɔ

nhiaal . Ee O Yɔɔk yee buk ke yaa gam në puön luɔɔi ku në puön koor , buk pälde karac

yaa lööm në käcdït kɔɔc NHialic puöu. Ook Cï guëër ëtɛɛn në yee mɛɛn buk Karackua

gam , ku buk NHialic leec në kapuɔɔth cï ke yiën O, ku buk RiɛɛldïïtDe puɔɔny, ku buk

wël lajikKe piŋ , ku buk lɔŋ në ka görkuke , kak-ke guöpkua kek-ë tïïpkua. Yen ëka

cööl-ë week , wek kɔc cï guëër ëtɛɛn , ku bak ɣa ruac tëde thöny de athiɛɛi nhiaal në

puön luɔɔi, ku në puön kor , ku kuɛnykä ɣa cök

GÄM de raan ëbɛn abïi Awut/ Abun yaa ciit ku gɛm kɔc, ëke cï ke nhiɔl tuk kedhiɛ

Abïi awut yaa ciit ku gɛm kɔc kedhiɛ ëke tuök nhiɔl

AWA Dïïtdan ril ku kɔc puööu, Ok aacï yiɛc në dhɔlkuiic cï thök cï määr. Ok aacï kak-

ke puööthkua looi. Ok aacï lööŋkun lajik baai . Luɔi puɔɔth ëdï loiku acuk puöl , ku luɔi

rɛɛc-ë ëdï jiɛɛiku acuk looi. Acïn të puɔl të nɔŋ Ok. Ku Yïïn Bɛnydït käc-ë puöu në Ook

, Ok Kɔc rɛc. Pɛl kɔc-ë NHialic kɔc-ë gam në karɛckeen . Ku bɛr-ë kɔc dhiaau puööth

jɔɔt, cï wël ëca lɛk kɔc kedhiɛ në Yecu Kërïtho Bɛnydïïtda , Ku kony O , Awa Dïïtdan ril

ku kɔc puöu, në luɔidïït ca looi në Ook, buk lajik , ku bï kɔc Rinkun lajik yaa leec në

luɔida. Amen

Kän abïi ran ciee abun ku Ducïir yaa lueel

YIIN läŋku, Bɛnydïït kɔc puööu , yiën-ë kɔckun ëyï gam , yiën-ëke pälde awäc ku dɔɔr ,

ku bïk waak në karɛcken kedhiɛ , ku bïk këdu yaa looi ëke ciee nhïïm ëliääp, në Yecu

Kërïtho Bɛnydïïtda . Amen

Päl de Karac

Abïi randït ya ciir ye tök ke kaac , ku kɔc ëke cï kenhiɔl tuk kedhiɛ

NHIALINY Nɔŋ riɛɛl ëbɛn ,Wunde Bɛnydïitda Yecu Kërïtho, acïn ran yee kërac looi ëgör

bë thou. Agör bë raan rɔt yaa wel në luɔi rac ku bë yaa pïir , ku cï awuutke yiëk riɛɛl ku

lööŋ, bïi-ke lɛk kɔcke, kɔc cï-ke puööth wel , në pɛl ëpɛl NHialicke , në karɛcken , ku

në nyiɛɛi ënyiɛɛi yen karɛcken wei . Yenëka Yen kɔc puöl kedhiɛ kɔc cï ke puööth wel,

ku yïi-kï wël piɛɛthken lajik gam në yic . Yen lɛŋ-ë ko bë O cɔk ayee O puööth wel , ku

yïn O Jɔŋdïïtden Lajik , bë ka loikuke bïk yaa miɛt në ye puööu, ku bë luɔidaan yeeku

looi ëbɛn bë yaa ɣɛɛr ku leejik, buk ɣet në kööl ciëën , në yumdeen bïi kɔc puööth ya

layum athɛɛr , në Yecu Kërïtho Bɛnydïitda . Amen

Abïi kɔc jäl yaa gam ëtɛɛn , ku në lɔɔŋ kɔkkä cök kedhiɛ yï Amen

Naa rëk ke Awut/ Abun abï yenhiɔl tuk, ku lueel lɔŋ de Bɛnydït ke jɔt ye röl nhial, bïi piŋ

në kɔc tɔ në luak thar , ku rɛɛr kɔc ëke cï kenhiɔl tuk ayɛ, ku yeekï gam atök kek-ë abun,

ëtɛɛn ku ɣän kɔk yenëke duur thïn në luëkiic

Lɔŋ de Bɛnydït

Awadɛɛn tɔ Nhiaal , Riɛnku aabïï-ke yaa riëëu. Cɔk ceŋdu cɔk abɔ. Yee puöndu cɔk aloi

në pinynhom cï më yenë ye looi pan-nhiaal. Yee O muɔɔc në yee Kööl-ë buk yaa

cam. Yee O puöl në karɛckua , cï më yee Ok kɔc yee Karɛc luöi O puöl. Duk-ë O cɔk

ayee them . Yee O luök në kërac. Ceŋ ee këdu , riɛɛl ee këdu , nhuɔɔm ee këdu athɛɛr .

Amen

Abïi ciit në ran ŋɔr lɔŋ ku yee gam në ye cök

1-Bɛnydïitda , liep Othook. =Ku buk yï leec në Othook

2-NHialic dɔc Ok Luök = Bɛnydït dɔc O Koony

3-Ee yaa bï nhuɔɔmdu tɔɔ , = Tɔɔ kenë Wun ku kenë Wää, ku yee tɔ ke në

Wëëidïit Lajik

4- Acït manë tɔ en gɔɔc-ë käŋ = ku yee tɔ ee mɛɛn , ku agut en athɛɛr wadɛ. Amen

5- Lɛckä Bɛnydït . = Lecku Rin ke Bɛnydït.

Yee Din-ë abïi yaa ket të nyic-ë ye , naa kuc ka yee ciit ku gam ,ku cie kööl-ë jöt,

akööl-ë anɔŋ dindɛ peei ku në aköl yee pɛɛi nin thiäär ku dhoŋuan në pɛɛi kedhiɛ

aacïn-ë ke yee bï yaa lueel, abïi yaa lueel në diɛt kɔkiic

VENITE EƆULTEMUƐ

DOMINO

( Dit 95 )

Bääkkä këëtku Yekoba , ku cɔkku Opuööth cɔk layum në riɛɛl de luäŋda.

Lokku ëye nhom ku buk Leec , ku nyuthku NHialic miɛtdaan de puöu në diɛtkua.

Yekoba ee NHialiny Dïit , ee Mëlëŋdït wär jak kedhiɛ.

Pinythok ëbɛn atɔ në ye cin, ku riɛɛl de kuur ayɛɛ.

Bar dït eekë de yen-ë kee cak-e, ku ɣän ɣer ëkaake juiirke në Ye ciin.

Bäkkä ciimku piny ku buk door, ku tukku O nhiɔl në Yekoba nhom Duciëŋda .

Yeen-ë kee Yekoba NHialinyda , Ok aaye kɔc ke pinyde , Ok aaye thök tɔ në Ye ciin

Naa naŋkä puööth bak piŋ röl në yee kööl-ë, ke we duökkä puööthkuön cɔk aril, acït

man ɣɔn akölë themke teer roor kek-ë ɣɛɛn.

Ɣɔn them wurkuön ɣɛɛn, ku tïŋkï luɔidïitdië.

Run thiërŋuan ɣɛn acï puöu dhiau në yee rïny-ë ku jääm, yaa kɔckä aayeekï wuööc

nëke puööth ku kaa këc dhölcië nyic apath.

Ɣɛɛn cï ɣök ɣɔn ku kuɛɛŋ keek, yaa kɔckä aacï bï lɔ në lɔŋdiëic

Ee yaa bë nhuɔɔm yaa tɔ kek-ë Wun, ku kek-ë Wä ku ka bë yaa tɔ ayɛ kek-ë Jɔŋdïit

Lajik.

Acït ɣɔn thɛɛr tueeŋ , ku ee mɛɛn ku athɛɛr wadɛ . Amen

Diɛt aabïi jäl bööth në juër cien-ë ke juiir. Ku në thök de dit ëbɛn, ku de Benedicite, ku

Benedictus, ku Magnificat, kek-ë Nunc dimittis, ëkaa bïi yaa lueel , yaa …..

Ee yaa bë nhuɔɔm yaa tɔ kek-ë Wun, ku kek-ë Wä ku ka bë yaa tɔ ayɛ kek-ë Jɔŋdïit

Lajik.


Naa rëk ke ciër tueeŋ abïi jäl ciir apath në röl dït ke piŋ në raan ëbɛn , Ciër cïi kuɛny bei

në Lëk Thɛɛric cï nyuöth cien-ëye nyooth në Kalendaric , të cïn en cök kɔk cïike lɔc në

yee kööl-ë. Ran cïr abï yaa kɔɔc ku wel ye nhom kɔc të bïi raan ëbɛn ye yaa piŋ röl thïn

ran cï guëër luɛɛk. Naa cï ciër-ë thök , ke Din cɔl ( Te Deum Laudamuɛ ) abïi yaa ket të

nyic-ë ye , ku naa kuc ka yee lueel bïi yaa ciit ku gam aluööt.

Göl de Ciër ëbɛn abïi Awut yaa jam , ye ciër ee gɔl në Cäpta …….. de …….. ku cök

…….. . ku naa cï ciër thök, ëka bïï yaa lueel, yaa ciër tueeŋ ku ciër ciëën ee thök

ëtɛɛn.

TE DEUM LAUDAMUS

YIIN ayeeku leec Yïïn NHialic , Yïn ayeeku gam kee Yïïn yee Bɛnydït

2- Piny thok ëbɛn ee Yïïn door , Yïïn Wun de ceŋ yee tɔ athɛɛr .

3- Yïïn yee Malaikai cööt kedhiɛ , Bɛi nhiaal ku riil tɔ thïn kedhiɛ .

4-Yïïn yee Cierubïm , ku Therapïm cɔt luut.

5- Lajik Lajik Lajik , Bɛnydït NHialiny de Thäbääth.

6-Nhial ku piny aaye thiäŋ në Dïtdu, Dïtdun de nhuɔɔmduun göök

7-Rem-e Adhëŋ de Dutuuc , ee yï leec cool yïïn në pɔɔny.

8- Amatnhom piɛɛth de Nebïï , ee yï leec cool yïïn në pɔɔny.

9-Rem-ë cï ŋeeny de Märtïïr , ee yï leec cool yïïn në pɔɔny.

10-Kaniitha Lajik de pinynhom ëbɛn ee yï nyic në cöök, Wun në dït dïït göök ciën

thook.

11-Wäntöŋdun yee yï riëëu ku yee yiic , ku jɔl yaa wëëidïït lajik yee mëduut.

12- Yïïn ye ya Mëlëŋ de nhuɔɔm yïn Kërïtho, Yïïn yee yaa wënde , yee yaa wën yee ciëŋ

athɛɛr.

13-Ɣɔɔn cïn rɔt gam ba raan luöök, aakëc yïïn adhiënh de Nyan Bïm rɛɛc.

14- Ɣɔɔn cï arɛɛm de thou tiaam, aacïn ran yee gam ëbɛn liëp ciëëŋ nhiaal.

15- Cin cuëëc de NHialic ayïn rëër thïn , në nhuɔɔm de Wuur yee tɔɔ ke yeen.

16- Aayeeku gam ke yïn bë bɛɛr bɛɛn , Ba yaa Duluäŋda ba O luöök .

17- Yenë ka yee Ok yï lɔŋ wu yee Awuutku koony, Keek ,kek man cake waar në

riɛmdun nhiaar.

18-Cɔkke cɔk matkï kenë Lajikku , në nhuɔɔmic nhuɔɔm yee ceŋ athɛɛr.

19-Yee kɔcku luök yïn Bɛnydït ku yaa Adïïtku thieei, Yeeke dɔk ku jatëke nhial athɛɛr .

20-Yïïn ayeeku leec arëët akölriëëc , Ok yee Rinku puɔny colku dorkuke athɛɛr .

21- Yee lɔŋda gam Yïïn Bɛnydïït , ba O tiit në yee köölë-ë acuk rɛɛc kɔŋ looi.

22-Yee puöu käc në Ok Yïïn Bɛnydïït , Yee puööu cool në käc në Ook.

23- Yee käcdun-ë Puööu cɔk nyuc Ook Yïïn Bɛnydïït, Në kë Yee Ok röt gɛi në Yïïn.

24-Ɣɛɛn cï rɔt gɛi Yïïn yïn Bɛnydïït , Duk-ë ɣɛɛn yee kaŋ cɔk riööc.

Ka yee Din-ë yen bïï ket

BENEDICITTE OMNIA

OPERA

WEEK we ka cïï Bɛnydït ke looi wedhiɛ , yaakä Bɛnydït puɔɔny. Yaakä leec ku yaakä

nhoom athɛɛr.

2- Week we Malaikai ke Bɛnydït yaakä Bɛnydït puɔɔny, yaakä leec ku yaakä nhoom

athɛɛr.

3-Week we Nhiël wedhiɛ yaakä Bɛnydït puɔɔny , yaakä leec ku yaakä nhoom athɛɛr.

4- Week we Piëu de pölic yaakä Bɛnydït puɔɔny , yaakä leec ku yaakä nhoom athɛɛr.

5- Week we Ril ke Bɛnydït wedhiɛ yaakä Bɛnydït puɔɔny , yaakä leec ku yaakä nhoom

athɛɛr.

6- Week we yïk Akɔl ku Pɛɛi yaakä Bɛnydït puɔɔny , yaakä leec ku yaakä nhoom athɛɛr.

7- Week we Kuɛl nhiaal yaakä Bɛnydït puɔɔny , yaakä leec ku yaakä nhoom athɛɛr.

8- Week we yïk Nyieer wek-ë Thäc yaakä Bɛnydït puɔɔny , yaakä leec ku yaakä nhoom

athɛɛr .

9- Yïïn yïn Yom kuötic de NHialic , Yaakä Bɛnydït puɔɔny, yaakä leec ku yaakä nhoom

athɛɛr.

10- Week we yïk Mɛc ku atuöc yaakä Bɛnydït puɔɔny, yaakä leec ku yaakä nhoom

athɛɛr.

11-Week we yïk Mɛi ku Ruël yaakä Bɛnydït puɔɔny, yaakä leec ku yaakä nhoom athɛɛr.

12-Week we yïk Thäc wek-ë Kulor yaakä Bɛnydït puɔɔny , yaakä leec ku yaakä nhoom

athɛɛr.

13-Week we yïk Kulor wek-ë Yuiir yaakä Bɛnydït puɔɔny , yaakä leec ku yaakä nhoom

athɛɛr.

14- Week we Yïk Kɔi ke deŋ yaakä Bɛnydït puɔɔny , yaakä leec ku yaakä nhoom athɛɛr.

15-Week we yïk wɛɛr ku aköl yaakä Bɛnydït puɔɔny, yaakä leec ku yaakä nhoom athɛɛr.

16- Week we yïk ɣɛɛr ku cuɔl yaakä Bɛnydït puɔɔny, yaakä leec ku yaakä nhoom athɛɛr.

17-Week we yïk labiriu wek-ë Pöl yaakä Bɛnydït puɔɔny, yaakä leec ku yaakä nhoom

athɛɛr.

18- Në Piny yee Bɛnydït puɔɔny , në yee leec ku yee nhoom athɛɛr.

19- Week we Kurdït ku Kurthii yaakä Bɛnydït puɔɔny, yaakä leec ku yaakä nhoom

athɛɛr.

20-Week we Kaŋök ke tiɔpnhom yaakä Bɛnydït puɔɔny, yaakä leec ku yaakä nhoom

athɛɛr .

21-Week we Yith yaakä Bɛnydït puɔɔny , yaakä leec ku yaakä nhoom athɛɛr.

22-Week we Bɛɛr ku Aboor yaakä Bɛnydït puɔɔny , yaakä leec ku yaakä nhoom athɛɛr.

23-Week we Recdït ku këriëëc tɔ në pïïuiic yaakä Bɛnydït puɔɔny , yaakä leec ku yaakä

nhoom athɛɛr.

24- Week we Diɛt nhiaal wedhiɛ yaakä Bɛnydït puɔɔny , yaakä leec ku yaakä nhoom

athɛɛr.

25-Week we Läi ëbɛn ku Woŋ yaakä Bɛnydït puɔɔny, yaakä leec ku yaakä nhoom

athɛɛr.

26-Week we Mïthke raan Yaakä Bɛnydït puɔɔny , yaakä leec ku yaakä nhoom athɛɛr.

27- Në Yïthërɛl ( Jiëëŋ ) yee Bɛnydït puɔɔny, në yeekï leec ku yeekï nhoom athɛɛr.

28-Week we Muɔɔcdïït de Bɛnydït yaakä Bɛnydït puɔɔny, yaakä leec ku yaakä nhoom

athɛɛr.

29-Week we Awuut ke Bɛnydït yaakä Bɛnydït puɔɔny , yaakä leec ku yaakä nhoom

athɛɛr.

30- Week we Tïïp ke kɔc Lajik yaakä Bɛnydït puɔɔny , yaakä leec ku yaakä nhoom

athɛɛr.

31-Week we kɔc Lajik ku kɔc kor puööth yaakä Bɛnydït puɔɔny, yaakä leec ku yaakä

nhoom athɛɛr.

32- Week we yïk Anania ku Adhäria yaakä Bɛnydït puɔɔny , yaakä leec ku yaakä nhoom

athɛɛr.

Ee yaa bë nhuɔɔm yaa tɔ kek-ë Wun, ku kek-ë Wä ku ka bë yaa tɔ ayɛ kek-ë Jɔŋdïït

Lajik.


Ciër Ciëën abï yaa tɔ ayɛ , ciër cïi kuɛny bei në Lëk Jötic. Ku jɔl ëdinë buɔɔth

cök, të cien-ë ye yee ciir në cäpta de yee kööl-ë , ka në Wëlpath në kööl-ë Jɔn

Baptïth.

BENEDICTUS Luk1. 68

BƐNYDÏT abuk thieei NHialiny de Yïthërɛl , ee mïthke neem ku wɛɛr keek.

2-Tuŋdeen de luäŋ de Ook , acï cɔk jɔt rɔt, tuŋ de kuanden Dabid de Awunde .

3-Acï jam në Nebïïken Lajik thook, man ëke tɔ töŋ-ë ciɛk-ë piny.

4-Ku bïï O luök të nɔŋ kɔc nɔŋ ater kek-ë O, ku në kɔc man O cin.

5-Ku bï käc-ë puööu ëcï lueel luöi wunkuandït, ku yee mände Lajik tak .

6-Kuëëŋ cien mël kuëëŋ të nɔŋ Abëram wäädïtda

7-Bïï O luök në kɔc nɔŋ ater kek-ë O cin, ku buk këde yaa looi ku cuk bï riööc .

8-Ku buk ceŋ ke O Lajik ku lok yuic në ye nhom, në akööl bïï Ok ke pïïr.

9-Yïïn Wëndië , yïïn bïi yaa cɔɔl Nebï de NHialiny Dït arëët, Yïïn bï Bɛnydït ŋɔɔr ba

dhɔlke juiir.

10- Ba Nyïny de luäk nyuöth kacke ,lan cïn-ë ke luök në nyiɛɛi de karɛcken .

11-Në käc kɔɔc NHialic puööu në Ook, bë bak-ë piny bɛn nhiaal bë O bɛn-ë neem.

12-Bë kɔc rɛɛr në cuɔlic ku kɔc rɛɛr në atiëmde thouic meer, ku yee O dak cök dhöl de

dɔɔr.

Ee yaa bë nhuɔɔm yaa tɔ kek-ë Wun, ku kekë Wä ku ka bë yaa tɔ ayɛ kek-ë Jɔŋdïït

Lajik.


Ka yee Din-ë yen bïi ket

JUBILATE DEO Dit 100

YAAKÄ awuɔɔu de miɛt puöu looi Bɛnydït wek piiny kedhiɛ.

2-Luööikä Bɛnydït në miɛt-ë puööu, ku bäkkä në Yenhom ke we ket diɛt.

3- Ku nyiɛckä ke Bɛnydït yee NHialic , Ee Yeen ëkee cak O , aacie Ook opɛc. Ook aaye

kacKe ku yeeku amɛl ke böŋDe

4-Bäkkä thïn në thoŋ de rɔk kek-ë mɔc de lɛc në we cin , bɛn në tiääiKeiic ke pɔny.

Yee naŋ alɛɛcDe , ku yee RiɛnKe thieei.

5- Nëkë yee Bɛnydït Yeen NHialic , ku käc de PuööuDe ee tɔ athɛɛr, ku YicDe ee ceŋ në

rïc ëbɛn.

Ee yaa bë nhuɔɔm yaa tɔ kek-ë Wun, ku kek-ë Wä ku ka bë yaa tɔ ayɛ kek-e Jɔŋdïït

Lajik.


Gäm de Dutuuc

Gäm de Dutuuc abïi yaa looi cï kë ket , të cïnë ye ciit në ran ŋɔɔr në lɔŋ , ku kɔc ëke

kääc ku dɛɛikï , të ciën aköl cïn ye nyuɔɔth bïi gäm de Athänäthïyo Cïithieei lueel.

Ɣɛn yee NHialic gam , wun Nɔŋ riɛɛl ëbɛn, Duciëŋ-ë cak Nhial ku piny ‘ Ku gam Yecu

Kërïtho , wäntöŋ de Bɛnydïïtda , cïï dhiëëth në Nyan-ë Bïm cɔl Märï këc yäm në rör , Në

tɛɛu-ë wëëidïït Lajik në ye yic. Cï kërac guum në ceŋ de Ponto Pëlato, ɣɔn piɛɛt-ë yeen

në tim kɔu, go thou ku thiɛk, ku leer pan de kɔc cï thou ( pan-atïïp-ke kɔc ) , ku ber rɔt

jɔt në thouic në kööl-ë diäk, ku leer pan-Nhiaal , ku yee nyuc në cïn cuëëc de NHialic

Wun Nɔŋ riɛɛl ëbɛn, ku bï bɛɛr dhuk ëtëtuui bë luk bɛn-ë luk, luŋ de kɔc cï thou ku kɔc

pïïr .

Ɣɛn ye wëëidïït lajik gam ( Jɔŋdïït lajik ) , Kaniitha Katholik Lajik, Män yee kɔc cïï thiëëi

mat, pɛl de karɛc ke kɔc, ku jön bïï tïïp-ë kɔc röt jɔt , ku pïïr bïï kek ya pïïr athɛɛr.

Amen

Naa cï yekënë thök në gäm ke lɔɔŋ aabïi jäl buɔɔth cök ke kɔc cï kenhiɔl tuk kedhiɛ, ku

kɔŋ Awut/ Abun ŋɔr lɔŋ ëkääk ciit ke jɔt ye röl ku yee gam në ye cök

Ee…yaa bï Bɛnydït yaa tɔ kek-ë week

Ku në yee tɔ kek-ë tïïp..du

Lɔŋ.ku Bɛnydït cɔk yïpuöu cɔk ye käc në Ook

Kërïtho cɔk yï…puöu cɔk ye käc në Ook.

Bɛnydït cɔk yï…puöu cɔk ye käc në Ook

Naa rëk ke Awut , ku röör dït kɔk tɔ , ku kɔc aabï Lɔŋ de Bɛnydït Lueel cialic ëtɛɛn në röl

dïit piŋ në kɔc kedhiɛ.

Awadɛɛn tɔ Nhiaal , Riɛnku aabïï-ke yaa riëu. Cɔk ceŋdu cɔk abɔ. Yee puöndu cɔk aloi




Amen

Bɛny…dït nyuö…th-ë O käcduun ë puöu në Ook

Ku yië….në O luäŋ….du

Bɛny….dït yee du….döök….kua luök

Ku yee O piŋ në käcduun de puöu të yee Ok Yï cɔɔl

Yee A……wuut….ku yee ke cɔk lɔ puööth jik,

Ku cɔk kɔckuun ca ke lɔc cɔk ke ye puööth lɔ yum

Bɛny…….dït yee kɔc….. ku luöök

Ku yee kɔc cï kak….ku löök yee ke thieei

Yee O yiën dɔɔr ë run ceŋ Ok…ke Bɛnydït

A……cïn dɛ yee O kony në ɣëët kee Yïïn yï…tök, NHialic.

NHialic wak O……. puööth

Ku duk….ë Wëëidïït .duun La jik yee nyaai ë nɔŋ Ook

Lɔɔŋ keediäk aabïï jäl bööth, këtueeŋ , ee lɔŋ de yee Kööl-ë , ku yeen ëcïï lɔc në män

Lajikic ëya , ku yee kë de rou yee lɔŋ de Dɔɔr, ku yee kë de diäk yee lɔŋ de Athiɛɛi de ceŋ

path. Ku lɔɔŋ ciëën keerou aacïï bïï kaŋ yaa nyääŋ wei në lɔŋic ëbɛn, aabïï yaa lueel

Aluööt në Ruöönic ëbɛn , cï ciër cien-ë ke ciir, ku kɔc kedhiɛ ëke cï kenhiɔl tuk

Lɔŋ de Rou, DE Dɔɔr

NHIALINY Dït , yïïn yïn man yee Duciëŋ de dɔɔr ku yee män-ë kɔc nhiaar , nyïny yee

Ok yï nyic , yen-ë kee yaa pïïr athɛɛr , ku të yee Ok këdu looi , ke Ok yee Lääu Pacɔk,

Yee O gël , Ok awuutkun kor puööth, të bïï kɔc-ë tɔŋ , kɔc nɔŋ ater kek-ë O , Duök-ke

Ook bë yaa riööc në riɛɛl de Kɔc man O, në riɛɛl de Yecu Kërïtho Bɛnydïïtda . Amen

Lɔŋ De Diäk de Athiɛɛi

Bɛnydït Awadan Nhiaal , NHialiny nɔŋ riɛɛl ëbɛn ku ceŋ athɛɛr , yïïn cï nyin tïït në O

apath agut cïï më thiöök-ë, jɔl rëër ke yï gël O akäl në riɛɛldïïtdu. Ku duk-ë O cɔk

ayuëëk në këracic në yee Kööl-ë , ku duk-ë O cɔk alɔ të nɛk O. Cɔk luɔida ëbɛn ayeeku

looi në cït kë tɔ në yïpuöu, buk kë lajik në yï nyin yaa looi në Aluööt, në Yecu Kërïtho

Bɛnydïïtda . Amen

Të nɔŋ yeen kɔc yee Anthem ket ka bïï ket ëtɛɛn

Kek-ë lɔɔŋ bɔɔthkä aabïïke yaa ciir , të cien-ë kööl ciir Litani , ku jɔl lɔɔŋ kɔk buɔɔth cök

keerou bïike ciir cï juër cïn-ëke juiir.

Dudöök ke Thouth Thudän

Kän

NHIALINY Nɔŋ riɛɛl ëbɛn, Yïïn man yee riɛɛl ëbɛn guëër bei thïn, Yïn thiëcku në puööth

kor , ba mëdöök ke Thouth Thudan ya thieei kek-ë awuut kedhiɛ, Mapätiic, bänyke

baai ku nhïïm-ë gal. Yee ke meer në athiɛɛidu, ku yïkï riɛɛl në piathdu , ku gël-ke në

riɛɛldu , ku cɔk keek ku kɔc tɔ në riɛɛlic në ke cök , ayee nhiaamde ku piath de yee

pan-ë ŋäär tueŋ, në Yecu Kërïtho Bɛnydïïtda. Amen

Ka Kän

NHIALINY Nɔŋ riɛɛl ëbɛn ku nyic käŋ kedhiɛ, Yïïn Läŋku ba puöu yaa käc në yee

Pandaan-ë Thouth Thudan-ë . Kony kɔc cïï-ke tääu në riɛɛlic në O nhïïm, bë yaa kë

yee piath ku yee këde piändu yen yïkï gɔɔr kɔc tɔ në ke cin. Thieei Mëdöök kedhiɛ,

Gäbänaai ke Yïtheeth ( Madïrïyaa ), Mapätiic, Mamuur, Bäny ke baai ku kɔc kɔk tɔ në

riɛɛlic në Miiric baai. Dɔk ke puööth bïk yï yaa tääu tueŋ, ku yïkï kɔc kuum në jik. Yiëk-

ë panda dɔɔr ku bäny, ku cɔk nhuɔɔmdu aye dït në kɔc puööth kedhiɛ, në Yecu Kërïtho


Lɔŋ de AWUUT KU KƆC

NHIALINY Nɔŋ riɛɛl ëbɛn ku yee ceŋ athɛɛr, , Yïn yïtök, yïn ëkee kagɛi-ëke looi, wäl-ë

Bïcïïpkua nhïïm wëëidïït ( Jɔŋdïït ) de athiɛɛidu, ku Awuutkuan ke kak-ke NHialic kenë

kɔc cïï-ke tääu në kecin bïk-ke yaa tïŋ. Yee ke yor nhïïm në thäny de Athiɛɛidu, bïk yï

yaa cök në yuum-ë puöu. Yiën-ë O, yekënë Bɛnydït, në nhuɔɔm de Mëkunyda ku

mëdöörda, Yecu Kërïtho . Amen

Lɔŋ DE KÏRÏTHOTHOM CÏÏ THIEEI

NHIALINY Nɔŋ riɛɛl ëbɛn,Yïïn cï O cɔk guëër ëtɛɛn, buk yï lɔŋ në kak görku-ke Odhiɛ.

Në Kɛc-ë lueel , naa mɛt kɔc kaarou ka yeekï diäk në riɛncië , ke wëlken aaba ke gam ?

Muɔc Ok në yee mɛɛn , Bɛnydïïtda në lɔŋ cïï Ok yï lɔŋ , cï nyïny-ë nyic yïïn yeen, Lan

piɛɛth en të nɔŋ Ok . Cɔk O cɔk anyic yicdu , të ciëŋ Ook ëtɛɛn , ku cɔk O cɔk apïïr

athɛɛr të leer Ok Pandu. Amen

2 Korinthooi 13

THiɛi de Yecu Kërïtho Bɛnydïïtda , ku Nhiëër de NHialic, ku män de Jɔŋdïït Lajik, aabï

yaa tɔ kenë Ook odhiɛ athɛɛr . Amen

Lɔŋ de Nhiäkduur në Ruöönic ëbɛn ee jäl thök ëtɛɛn alɔgut

( Apäm 14—23 në duööric )

Cök ke Lɔŋ thɛi në Akööliic alagut thök de Ruön

NË AKÖLIIC ALƆGUT THÖK DE RUÖÖN

Në gɔc de Lɔŋ thɛi ke Awut abï kɔk ke kek ëcökkä ke kacïigɔɔr yaa ciir ke jɔt ye röl nhial

bïi piŋ në kɔc tɔ ciëën në luak thar. Na rëk ëka bï kë buɔth keek ëcökkä lueel,

Na wel raan ye puöu wei të de rɛɛcden cï looi , ku yee kë ye këpath looi, ëkee tiëpde

luök bel pïïr. Edh.18-27

Ɣɛn gam ka ca-ke wuööc , ku rɛɛdië adhiac ke nyiɛc Dit 51,3

Kum yï nyin në karɛccië , ku wɛɛc-ë rɛɛcdië wei ëbɛn Dit 51,9

Köc de rɔt de NHialic ee yaa puön ye dhiau, puön yee dhiau ku yee rɔt wel acïï ye tɔɔn

Yïn NHialic Dit 51:17

Rɛtkä we puööth ku acie alɛth , ku wɛlkä röt Yekoba NHialinyduön, yenë ka nɔŋ piath

ku käc de puöu, aciee dac ɣök , ku kee kɔc kony, ku kee rɛɛc puöl . Juɛl 2,13

Bɛnydït NHialinyda ee naŋ käc de puöu ku pɛl , të cïï ok cak teer Kek-ë Yeen, ku

kënku röl de Bɛnydït NHialinyda ya gam buk yaa cath në lööŋkeiic , lööŋ cï ke tääu në

O nhïïm. Dan.9.9-10

Yïïn Yekoba , yee ɣa jɔɔny në luŋ lajik , ke ciee ɣökdu , duök-ke Yïïn bë ɣa cɔk liu,

Jeremiya 10:24

Wɛlkä we puööth , ceŋ de NHialic ee ɣëët . Math. 3:2

Ɣɛɛn bï rɔt jɔt ku laar të nɔŋ Awa ku ka ba lɔ yɔɔk, Ya Awa , Ɣɛɛn cï rɛɛc looi nhiaal, ku

në yï nyin, aɣɛɛn cï path, aɣɛɛn cï ber-ë ya cɔl wëndu Luk. 1:18-19

Duk-ë awundu yïn luk, Yïn Yekoba , nëkë cïn en ran yee pïïr bë yaa naŋ yic në yïnhom.

Dit .143:2

Naa yeeku jam , kërac aliu në Opuööth , ke Ok yee röt dhoom ku yic aliu në Oiic . Naa

yeeku karɛckua gam, ëkee naŋ adöt ku yee lajik, ku yee karɛckua puöl, ku yee O waak

puööth në këcol ëbɛn. 1Jɔn 1.8-9

WƐT ke wää ( Pan-ë maa/ Kɔc nhiaarke ) këcïïgɔɔr ee O yɔɔk , ye buk karɛckua ya

gam , ku cuk ke yee moony në NHialic nyin, NHialiny nɔŋ riɛɛl ëbɛn , Yeen awadɛn tɔ

nhiaal . Ee O Yɔɔk yee buk ke yaa gam në puön luɔɔi ku në puön koor , buk pälde karac

yaa lööm në käcdït kɔɔc NHialic puöu. Ook Cï guëër ëtɛɛn në yee mɛɛn buk Karackua

gam , ku buk NHialic leec në kapuɔɔth cï ke yiën O, ku buk Riɛɛldïïtde puɔɔny, ku buk

wël lajikke piŋ , ku buk lɔŋ në kɔrkuke , kak-ke guöpkua kenë tïïpkua. Yen ëka cööl-ë

week , wek kɔc cï guëër ëtɛɛn , ku bak ɣa ruac tëde thöny de athiɛɛi nhiaal në puön

luɔɔi , ku në puön koor ku kuɛnykä ɣa cök

GÄM de raan ëbɛn abïi Awut/ Abun yaa ciit ku gɛm kɔc, ëke cï ke nhiɔl tuk kedhiɛ

Abïi awut yaa ciit ku gɛm kɔc kedhiɛ ëke tuök nhiɔl

AWA Dïïtdan ril ku kɔc puööu, Ok aacï yiɛc në dhɔlkuiic cï thök cï määr. Ok aacï kak-

ke puööthkua looi. Ok aacï lööŋkun lajik baai . Luɔi puɔɔth-ë ëdï loiku acuk puöl , ku

luɔi rɛɛc-ë ëdï jiɛɛiku acuk looi. Acïn të puɔl të nɔŋ Ok. Ku Yïïn Bɛnydït käc-ë puöu në

Ook , Ok Kɔc rɛc. Pɛl kɔc-ë NHialic kɔc-ë gam në karɛckeen . Ku bɛr-ë kɔc dhiau

puööth jɔɔt, cï wël ëca lɛk kɔc kedhiɛ në Yecu Kërïtho Bɛnydïïtda , Ku kony O , Awa

Dïïtdan ril ku kɔc puöu, në luɔidïït ca looi në Ook, buk lajik , ku bï kɔc Rinkun lajik yaa

leec në luɔida.

Amen

Kän abïiran ciee abun yaa ciir , ka Duciir

YIIN läŋku, Bɛnydïït kɔc puööu , yiën-ë kɔckun ëyï gam , yiën-ëke pälde awäc ku dɔɔr ,

bïk waak në karɛcken kedhiɛ , ku bïk këdu yaa looi ëke ciee nhïïm ëliääp, në Yecu


Päl de Karac

Abïi randït ya ciir ye tök ke kaac , ku kɔc ëke cï kenhiɔl tuk kedhiɛ

NHIALINY Nɔŋ riɛɛl ëbɛn ,Wunde Bɛnydïïtda Yecu Kërïtho, acïn ran yee kërac looi ëgör

bë thou. Agör bë raan rɔt yaa wel në luɔi rac ku bë yaa pïïr , ku cï awuutke yiëk riɛɛl ku

lööŋ, bïï-ke lɛk kɔcke, kɔc cï-ke puööth wel , në pɛl-ë ëpɛl NHialicke , në karɛcken ,

ku në nyiɛɛi-ë ënyiɛɛi yen karɛcken wei . Yenëka Yen kɔc puöl kedhiɛ kɔc cï ke puööth

wel, ku yeekï wël piɛɛthken lajik gam në yic . Yen lɛŋ-ë ko bë O cɔk ayee O puööth wel

, ku yïn O ( WëëidïïtDen ) Jɔŋdïïtden Lajik , bë ka loikuke bïk yaa miɛt në ye puööu,

ku bë luɔidaan yeeku looi ëbɛn bë yaa ɣɛɛr ku leejik, buk ɣet në kööl ciëën , në

yumdeen bïï kɔc puööth ya layum athɛɛr , në Yecu Kërïtho Bɛnydïïtda . Amen

Abïi kɔc jäl yaa gam ëtɛɛn , ku në lɔɔŋ kɔkkä cök kedhiɛ yï Amen

Naa rëk ke Awut/ Abun abï yenhiɔl tuk, ku lueel lɔŋ de Bɛnydït ke jɔt ye röl nhial, bïi piŋ

në kɔc tɔ në luak thar ciëën , ku rɛɛr kɔc ëke cï kenhiɔl tuk ayɛ, ku yeekï gam atök kek-ë

abun, ëtɛɛn ku ɣän kɔk yenëke duur thïn në luëkiic

Lɔŋ de Bɛnydït





Amen

Abïi ciit në ran ŋɔr lɔŋ ku yee gam në ye cök

1-Bɛnydïïtda , liep Othook. =Ku buk yï leec në Othook

2-NHialic dɔc Ok Luök = Bɛnydït dɔc O Koony

3-Ee yaa bï nhuɔɔmdu yaa tɔɔ , = Tɔɔ kenë Wun ku kenë Wää, ku yee tɔ ke në

Wëëidïït Lajik

4- Acït manë tɔ en gɔɔc-ë käŋ = ku yee tɔ ee mɛɛn , ku agut en athɛɛr wadɛ. Amen

5- Lɛckä Bɛnydït . = Lecku Rin ke Bɛnydït.

Diɛt aabïï yaa ket të nyic-ë ke ku na kuc kaa yee Ran ŋɔr lɔŋ ciit ku gam , ka kuen ke ciër

ŋoot wei , cï löc cïn-ë ke lɔc, ku bɔ ciër de Lëk Thɛɛr cï kuëny cïn-ë yee kuany , naa cï

thök ka buɔɔth Magnifcat ( ka Din-ë Märï Bïm [dhuec ] Cïïthieei )

MAGNIFICAT Luk 1.46

TIËPdië ee Bɛnydït leec , ku wëëicië aacï layum në NHialicic Duluäŋdië

2- NHialic adaai në nyan awundeen ŋɔŋ guöp piiny , tiëŋkä rïc thok ëbɛn abï ɣa yaa

cɔɔl nyan Cïïthieei.

3- Duciëŋdïït ril acï kërilic looi të nɔŋ ɣa, ku RiɛnKe aa Lajik arëët.

4-käc de puöuDe atɔ ke kɔc-ë riööc në Ye, në rïcic ëbɛn.

5-Acï riɛɛlDe nyuɔɔth në Ye kök, acï kɔc dït puööth thiäi piny në të ëyeekï täk-e nëke

puööth.

6- Acï mëriil jat piny në thöcken nhïïm, ku mïït kɔc kɔc nhial

7- Acï kɔc nɛk cɔk thiööŋ në miëth mit , ku cieec kɔc bɛny wei të cïn cäm.

8- Acï aluɛkke mïth Yïthërɛl kony, në tɛk cien käc-ë puöuDe tak.

9-Cï mënë cien jam ke wunkuandït thɛɛr , jiɛɛm ke Abëram ku mïthke alagut.


Lajik.( wëëidïit Lajik)


Ka yee Din-ë yen bïi ket , të cien-ë kööl de thiëër ku dhoŋuan de pɛi , kek aayee akööl

yen-ë ke ye ciir, ke diɛt kɔk aacir.

CANTATE DOMINO . Dit 98

Kɛɛtkä Yekoba në din jöt, nëkë cien kak-ë gäi looi

2- Cin cuëëcDe ku köŋDeen Lajik, aacï tiämDe bɛɛi

3-Yekoba acï luäŋDe cak nyic, ku ka cï Lajik nyuɔɔth në dɔl kuc-e nyïïn kedhiɛ.

4-Acï käc de puöuDe ku gäm adötDe tak tɔŋ mïth ke Yïthërɛl , Ku piny thok ëbɛn acï

luäŋ de NHialinyda tïŋ.

5-Luɔikä wuɔɔu de miɛt de puöu tɔŋ NHialic wek pinynhom, lak rïïr në kët , lak

puööth yum , ku lɛckä.

6-Yaakä Yekoba kɛɛt në thom , ku në thoom ku röl-ë diɛt pianykä Yekoba.

7-Në röl-ë kaaŋ ku röl-ë tuŋ, lakiic yoom në Bɛnydït nhom nëkë Yen Mëlëk.

8-Në bar kek-ë thiäŋde loi atupbuööu , ku looi tiɔp nhom ku ka ciëŋ thïn kedhiɛ.

9-Cɔk Ciɛr ku gɛl apamke cin, ku cɔk thɔɔny kedhiɛ amit puööth në Bɛnydït nhom, në

ŋu yeen abɔ bë acuŋ rɛɛr (ɣap ) në pinynhom luk.

10-Yeen abɔ bë pinynhom bɛn-ë luk, ku në LajiŋDe abï pinynhom luk. Ku kɔc ceŋ

pinynhom në piath.


Lajik.


Naa rëk ke ciër de Lëk Jöt abï jäl ciir cï kuëny cien-ë ye kuany. Ku buɔɔth Nunc dimittiɛ (

ka Din de Thimeon . )

NUNC DIMITTIƐ Luk.2.29

BƐNYDÏT, cɔk AwutDu cɔk jɛl kek-ë dɔɔr , cï luɛl ëcïn ye lueel ɣɔn në wɛtDuic.

2-LuäŋDu aca tïŋ në ɣa nyin, LuäŋDuun ca juiir tɔŋ kɔc kedhiɛ.

3- Bï yaa ɣɛɛr bï juur kɔk yaa meer, ku bï yaa nhuɔɔm të nɔŋ jurDu Yïthërɛl.


Lajik.


Ka yee Din-ë yen bïi ket , të cien-ë kööl de Thiëër ku rou de pɛɛi ëbɛn.

DEUƐ MIƐEREATUR Dit 67.

EE yaa bï NHialic puöu yaa käc në O ku thieei O, ku ruël O në Yenyin ku kɔɔc puöu në

O.

2- Bïï dhölDu nyic në pinynhom, ku bïï luäŋdu nyic në dɔl kedhiɛ.

3-Cɔk Rɔt aleec në kɔc NHialic , në yic cɔk Rɔt aleec në kɔc kedhiɛ.

4- Cɔk dɔl amit puöu ku këtkï në puön layum, Yïïn bï kɔc luk në lajik , ku mɛc dɔl tɔ në

pinynhom.

5- Cɔk Rɔt aleec në kɔc NHialic , në yic cɔk Rɔt aleec në kɔc kedhiɛ.

6- Piny abï kakke yaa juak në ciil , NHialic abï O yaa thieei NHialinyda në Yiic.

7-NHialic abï O yaa thieei, ku ka bïï piny thok ëbɛn yaa riëëu.


Lajik.


Gäm de Dutuuc

Gäm de Dutuuc abïi yaa looi cï kë ket , të cïnë ye ciit në ran ŋɔɔr në lɔŋ , ku kɔc ëke

kääc ku dɛɛikï , të ciën aköl cïn ye nyuɔɔth bïi gäm de Athänäthïyo Cïithieei lueel.

Ɣɛn yee NHialic gam , wun Nɔŋ riɛɛl ëbɛn, Duciëŋ-ë cak Nhial ku piny ‘ Ku gam Yecu

Kërïtho , wäntöŋ de Bɛnydïïtda , cïï dhiëëth në Nyan-ë Bïm cɔl Märï këc yäm në rör

,Në tɛɛu-ë wëëidïït Lajik në ye yic. Cï kërac guum në ceŋ de Ponto Pëlato, ɣɔn piɛɛt-ë

yeen në tim kɔu, goo thou ku thiɛk, ku leer pan de kɔc cï thou ( pan-atïïp-ke kɔc ) , ku

ber rɔt jɔt në thouic në kööl-ë diäk, ku leer pan-Nhiaal , ku yee nyuc në cïn cuëëc de

NHialic Wun Nɔŋ riɛɛl ëbɛn, ku bï bɛɛr dhuk ëtëtuui bë luk bɛn-ë luk, luŋ de kɔc cï thou

ku kɔc pïïr .

Ɣɛn ye wëëidïït lajik gam ( Jɔŋdïït lajik ) , Kaniitha Katholik Lajik, Män yee kɔc cïïthiëëi

mat, pɛl de karɛc ke kɔc, ku jön bïï tïip-ë kɔc röt jɔt , ku pïïr bïï kek ya pïir athɛɛr.

Amen

Naa cï yekënë thök në gäm ke lɔɔŋ aabïi jäl buɔɔth cök ke kɔc cï kenhiɔl tuk kedhiɛ, ku

kɔŋ Awut/ Abun ŋɔr lɔŋ ëkääk ciit ke jɔt ye röl ku yee gam në ye cök

Ee…yaa bï Bɛnydït yaa tɔ kek-ë week

Ku në yee tɔ ke..në tïïp..du

Lɔŋ.ku Bɛnydït cɔk yïpuöu cɔk ye käc në Ook

Kërïtho cɔk yï…puöu cɔk ye käc në Ook.

Bɛnydït cɔk yï…puöu cɔk ye käc në Ook

Naa rëk ke Awut , ku röör dït kɔk tɔ ,ku kɔc aabï Lɔŋ de Bɛnydït Lueel cialic ëtɛɛn në röl

dïit piŋ në kɔc kedhiɛ.





Amen

Bɛny…dït nyuö…th-ë O käcduun ë puöu në Ook

Ku yië….në O luäŋ….du

Bɛny….dït yee du….döök….kua luök

Ku yee O piŋ në käcduun de puöu të yee Ok Yï cɔɔl

Yee A……wuut….ku yee ke cɔk lɔ puööth jik,

Ku cɔk kɔckuun ca ke lɔc cɔk ke ye puööth lɔ yum

Bɛny…….dït yee kɔc….. ku luöök

Ku yee kɔc cï kak….ku löök yee ke thieei

Yee O yiën dɔɔr ë run ceŋ Ok…ke Bɛnydït

A……cïn dɛ yee O kony në ɣëët kee Yïïn yï…tök, NHialic.

NHialic wak O……. puööth

Ku duk….ë Wëëidïït .duun La jik yee nyaai ë nɔŋ Ook

Lɔŋ thɛi de rou de Dɔɔr

NHIALINY Dït , gör piath de puöu ëbɛn , ku täŋ path ëbɛn , ku luɔi path ëbɛn, aayee

bɛn të nɔŋ Yïïn . Yee Awuutku yiën dɔɔr , dɔɔr cïï piny nhom lëu në yïnë kɔc, bë

puööthkua luɔi de lööŋku yaa göör arëët , ku yee O gël duök-ke Ok bï yaa riööc në kɔc

rac, buk rëër apath të cïn ateer, në luɔi puɔɔth de Yecu Kërïtho Duluäŋda . Amen

Lɔŋ De Diäk de Gël

Mer të coolda , Yenëka lɛŋ Ok yïïn, Bɛnydïïtda . Cɔk käc dïïtduun kɔɔc Yïïn puöu cɔk

gël Ok në Kërac ku kak näk Ok në yee mëkääu-ë, në Nhiëër de Wäntöŋdu , Duluäŋda,

Yecu Kërïtho. Amen

Të nɔŋ yeen kɔc nyic Anthem de Thouth Thudän ka bïi ket

Dudöök ke Thouth Thudän

Kän

NHIALINY Nɔŋ riɛɛl ëbɛn, Yïïn man yee riɛɛl ëbɛn guëër bei thïn, Yïn thiëcku në puööth

kor , ba mëdöök ke Thouth Thudan ya thieei kek-ë awuut kedhiɛ, Mapätiic, bänyke

baai ku nhïïm-ë gal. Yee ke meer në athiɛɛidu, ku yïkï riɛɛl në piathdu , ku gël-ke në

riɛɛldu , ku cɔk keek ku kɔc tɔ në riɛɛlic në ke cök , ayee nhiaamde ku piath de yee

pan-ë ŋäär tueŋ, në Yecu Kërïtho Bɛnydïïtda. Amen

Ka Kän

NHIALINY Nɔŋ riɛɛl ëbɛn ku nyic käŋ kedhiɛ, Yïïn Läŋku ba puöu yaa käc në yee

Pandaan-ë Thouth Thudan-ë . Kony kɔc cïï-ke tääu në riɛɛlic në O nhïïm, bë yaa kë

yee piath ku yee këde piändu yen yïkï gɔɔr kɔc tɔ në ke cin. Thieei Mëdöök kedhiɛ,

Gäbänaai ke Yïtheeth ( Madïrïyaa ), Mapätiic, Mamuur, Bäny ke baai ku kɔc kɔk tɔ në

riɛɛlic në Miiric baai. Dɔk ke puööth bïk yï yaa tääu tueŋ, ku yïkï kɔc kuum në jik. Yiëk-

ë panda dɔɔr ku bäny, ku cɔk nhuɔɔmdu aye dït në kɔc puööth kedhiɛ, në Yecu Kërïtho


Lɔŋ de AWUUT KU KƆC

NHIALINY Nɔŋ riɛɛl ëbɛn ku yee ceŋ athɛɛr, , Yïn yïtök, yïn ëkee kagɛi-ëke looi, wäl-ë

Bïcïïpkua nhïïm wëëidïït ( Jɔŋdïït ) de athiɛɛidu, ku Awuutkuan ke kak-ke NHialic kenë

kɔc cïï-ke tääu në kecin bïk-ke yaa tïŋ. Yee ke yor nhïïm në thäny de Athiɛɛidu, bïk yï

yaa cök në yuum-ë puöu. Yiën-ë O, yekënë Bɛnydït, në nhuɔɔm de Mëkunyda ku

mëdöörda, Yecu Kërïtho . Amen


NHIALINY Nɔŋ riɛɛl ëbɛn , Yïïn cï O cɔk guëër ëtɛɛn, buk yï lɔŋ në kak görku-ke Odhiɛ

. Në Kɛc-ë lueel , naa mɛt kɔc kaarou ka yeekï diäk në riɛncië , ke wɛlken aaba ke gam ?

Muɔc Ok në yee mɛɛn , Bɛnydïïtda në lɔŋ cïï Ok yï lɔŋ , cï nyïny nyic yïïn yeen, Lan


athɛɛr të leer Ok Pandu. Amen

2 Korinthooi 13

THIƐI de Yecu Kërïtho Bɛnydïïtda , ku Nhiëër de NHialic, ku män de Jɔŋdïït Lajik, 9

Wëëidïït) aabï yaa tɔ kenë Ook odhiɛ athɛɛr . Amen

Lɔŋ thɛi de Ruöönic ëbɛn ee jäl thök ëtɛɛn alɔgut

( Apäm 24 në duööric )

GÄM DE Atënäthio Cïïthieei

YEEN man yee ŋu bïï luök , në käŋ nhïïm kedhiɛ kë thiekic thïn , ee bë gäm de Katholik

Lajik muk. Ee gäm-mo tɔŋ ŋɛk bë muk ke cï liɔric, të cïn dak-ë puöu ke cï pïïr athɛɛr

tekic .

Ku Gäm de Katholik ee kän ,Ok aayee NHialiny tök door Diäŋdït , ku Diäŋdït në mätic .

Aciee ran cïï liääp, ku aciee kë cïï tɛɛkic .

Raan tök atɔ yee Wun , dɛ ke yee Wä ku dɛ ke yee Wëëidïït Lajik.

NHialic Wun-nhom, de Wä ku de Wëëidïït Lajik, ee tök kedhiɛ, thööŋ nhuɔɔmke ,

Bɛny-ëriɛl mätic athɛɛr.

Cï më tɔɔ Wun, yen ee tëde Wä, ku yen yee tëde Wëëidïït Lajik.

Wun ee cï cak, ku Wä ee cï cak , ku Wëëidïït Lajik ee cï cak .

Wun aciee kë yee deetic , Wä aciee kë deetic , ku Wëëidïït Lajik aciee kë yee deetic.

Wun de athɛɛr , ku Wä athɛɛr, Ku Wëëidïït Lajik athɛɛr.

Ku ka aciee Diäk athɛɛr , ee tök athɛɛr.

Aaciee diɛk ciee deetic, ka yee diɛk këc-ë ke cak, ee töŋ këc-ë cak , ku töŋ ciee deetic.

Cï më nɔŋ Wun riɛɛl ëbɛn, ke Wä nɔŋ riɛɛl ëbɛn , ku Wëëidïït Lajik ke riɛɛl ëbɛn.

Ku kaciee ril keediäk ëbɛn, ee riɛɛl ëbɛn tök.

Wun ee NHialic , Wä ee NHialic , ku Wëëidïït Lajik ee NHialic .

Ku kaaciee NHiëliic keediäk , Ee NHialic tök.

Acït më yee Wun Bɛnydït , Wä ee Bɛnydït , ku yee Wëëidïït Lajik Bɛnydït.

Ku kaaciee Bänydït keediäk, ee Bɛnydït tök.

Acït më cïï yiny de Kïrïthäänooi Ok thany thïn , buk ŋɛk yaa nyic etök bë yaa NHialic ku

yee Bɛnydït .

Ku Yanh de Katholik acï O nyiëën në jiɛi, buk cuök-ë lueel , ka nɔŋ NHiëliic keediäk ku

luel , ka nɔŋ Bänydït Keediäk.

Wun acïn kë cïn-ë yee looi, ku ka këc-ë cak , ka bïïbei.

Wëëidïït Lajik ee Wun ku ee Wä, ee cï cak ku kee cï loi , ku kee cï bɔbei , ee lɔ löŋ.

Wun atɔ ke yee tök, ku kaa ciee Wurken keediäk, Wään tök , ku kaa ciee wät keediäk,

Wëëidïït Lajik tök ku kaa ciee wëidït Lajik keediäk .

Ku në yee Diäŋdït-ë yic acïn kë tɔ tueŋ në kën-ë, ka nɔŋ kë tɔ ciëën në kën-ë , ku acïn

kë kor në kën-ë.

Ku keek keediäk aaye mätic athɛɛr , ku thöŋ mätic.

Në këriëëc ëbɛn cï më acien-ë ciëën , ke mät në Diäŋdïtic , ku Diäŋdït në Mätic bïï yaa

door.

Ke yeen Man bïï luök , abï yaa tak në Diäŋdït.

Latueŋ ëkɛɛ, kee ka thiekic në luäk athɛɛr, ku yeen ayɛɛ abë yaa gam waŋ de Yecu

Kërïtho Bɛnydïïtda.

Nëkë yee gäm yic kän, Ok aaye gam ku lëkku , ke Yecu Kërïtho Bɛnydïïtda yee Wën de

NHialic. ee NHialic ku Raan.

NHialic , de këdɛ de Wun, ee bɔbei aŋoot piny kedhiɛ , ku Raan, de këdɛ de Man ,

dhiëëth-ë në piny nhom . NHialic pacak, Raan pacak de tiëp piŋ ku yee guöp manh-ë

raan alawɛn,

Thöŋ ke Wun , cï më yen NHialicnhom gɔɔt , ku cï wär Wun, cï maraan guöp gɔɔt.

Yeen Man ayɛɛ yee NHialic ku Raan , ku kaa ciee rou, ee Kërïtho tök.

Tök , ku kee cï wel rɔt tɔŋ NHialicnhom bë lɔ në guöpic, ee cï Maraan lööm ben yaa

NHialic.

Tök kedhiɛ , ku kee cï bɔ në liɛɛp de këdɛ ,ee mɛt de raan.

Cï më yen tiëp piŋ guöp ee raan tök. Ke NHialic ku Raan ee Kërïtho tök,

Man cï gum në lɔn ben O luäŋ , ku leer pan-ë atïïp ke kɔc , ber rɔt jɔt në aköl-ë diäk në

thouic.

Ku leer pan-nhiaal, ku yee nyuc në cin cuëëc de Wun, Nhialiny nɔŋ riɛɛl ëbɛn, të ben

bɛr bɛn thïn bë kɔc cï thou ku kɔc pïïr luk.

Të len bɛn ke kɔc cï thou kedhiɛ aabë röt bɛr jɔt ke gupken, ku kaa bïï ŋɛk ke luɔide

yaa kuɛnyic NHialic apath.

Ku kɔc cï nyiɛc luui aabë lɔ në pïïr athɛɛric , ku kɔc cï rɛɛc looi aabë lɔ në many yee dëp

athɛɛric.

Kän yen-ë kee gäm de Katholik, man yee raan puöl bë yaa gam në gäm adöt , ku naa

ciee kɛɛ kee ka cïn luäk yen raan.

Ee bï Nhuɔɔm yaa tɔ kek-ë Wun ku Wä ku Wëëidïït Lajik,

Cït ɣɔn thɛɛr tueeŋ ku yee mɛɛn ku athɛɛr wadɛ .

Amen

LITANI

Litani , ka lɔŋ de käŋ kedhiɛ , ajɔl buɔɔth cök , abïi yaa ket ke ket , yee ciit ku gam, ka

ciit ku gam, të cïi lɔŋ-ë nhiäkduur thök në Thändeei cök, ku në wenhdeei , ku

Päraaideei path, ku në akööl kɔk bïi Bïcïp ke nyooth.

YIIN NHialic Wun de pan nhiaal , yee puöu käc ne Ook ,Ok kɔc rac .

Yïin NHialic Wun de pan nhiaal , yee puööu käc në Ook , ok kɔc rac.

Yïïn Nhialic Wä , Duwër de pinynhom, yee puöu käc në Ook , Ok kɔc rac .

Yïin NHialic wä , Duwër de pinynhom , yee puöu käc në Ook, Ok kɔc rac.

Yïïn NHialic Wëëidïït Lajik yee puöu käc në Ook ,Ok kɔc rɛc.

Yïin NHialic Wëëidïit Lajik yee puöu käc në Ook , Ok kɔc rɛc.

Yïïn Diäŋdïït Lajik cïïthieei , ku cïïnhoom , yee yic diäk ku yee NHialiny tök , yee puöu

käc në Ook , Ok kɔc rɛc.

Yïin Diäŋdïït Lajik cïïthieei , ku cïïnhoom, yee yic diäk ku yee NHialiny tök, yee puöu käc në Ook

, Ok kɔc rɛc.

Duk-ë Yïnhom yee ciëët Bɛnydït , në ka cukke wuööc , ku awäny de wunkuandït (

kuarkua ) , ku duk-ë rɛɛcda yee guöör , yee O puöl , Bɛnydïït path, yee kɔcku puöl kɔc

cakke waar në riɛmdun piath arëët, ku duk-ë yee ɣök ke O athɛɛr.

Yee O puöl , Bɛnydïit path

Në rɛɛc ëbɛn ku awääc , në luɔi rac , në dhuöm ku teer de duriëëth , në ɣökdu ku në

lukwei athɛɛr.

Bɛnydïit path , yee O luök

Në cöör de puööu ëbɛn , në dït de puööu , në nhuɔɔm de ciɛɛliic ( luethic ) në dhuöm

de rɔt , në tiɛɛl , ku në män ,ku në jam rac ku cuök nhiëër ëbɛn.

Bɛnydïit path, yee O luök.

Në bal , ku në karɛc dït kɔk ke thou kedhiɛ , ku në dhuöm ëbɛn de tiɔp nhom , de guöp

, ku de duriëëth .

Bɛnydïït path , yee O luök.

Në yuil-ë deŋ ( labiriu ) ku jiɛɛl, në anuaan , në bëny mat piny nhom , në pawɛɛr , në

tɔɔŋ ku tiɛr ku thon ciee gääu ( yul ).

Bɛnydïït path yee O luök

Në kuut de riɛɛr , ku luɔɔm, ku muön , në nyïny rac , ku jiɛi de yic , ku teer de wëët , në

riɛl de puöu ku në män de wɛtdu ku lɔŋ,

Bɛnydïït path , yee O luök

Në këcïïkum de wäth Lajik cïn wäth ke yï yee raan , në Dhiënhduun Lajik ku ŋuötdu,(

Cuɛl ) në Baptïnhdu , ku thiëël ku thëm.


Në tɔɔkdu ( arɛɛm ) ku duiit ( tuc ) cït riɛm , në Tiɛmageerdu ku guöm , në Thonduun

piath ku Thiɛk, në Jönduun de rɔt de nhuɔɔm , ku në Lɔ nhial, ku në bɛn de Wëëidïït

Lajik

Bɛnydïit path , yee O luök.

Te yen naŋ kë näk O , të yee O ceŋ në loi yic , në aköl de thou , ku në aköl de luk.


Yïïn yeeku lɔŋ arëët , Ok kɔc rac , ba O yaa piŋ , Yïïn Bɛnydïït NHialic , ba puööu yaa

naŋ döŋ de Kaniithaduun Lajik tɔ në pinynhom ëbɛn ba yaa dak dhöl piath.

Piŋ Ook , yïïn läŋku , Bɛnydïït piath.

Ba puöu yaa naŋ gël ku dök de duŋɔɔr ke Junub Thudän ku kɔc kedhiɛ cïï tääu në

kecin

Piŋ Ook , Yïïn läŋku Bɛnydïït Path.

Ba puöu yaa naŋ nyuuth de Bïcïïp kedhiɛ , ku Röördït , ku Dïkoon, në nyïny yic ku muŋ

de wɛtdu ,ku bïk yaa nyuɔɔth ayɛ në wëëtdɛnic ku piëërdeɛn.

Piŋ Ook , yïïn läŋku Bɛnydïït path.

Ba Puöu yaa naŋ ba thiäi de Wëlpiɛɛthku kony në pinynhom ëbɛn ,ku ba kɔc ke luɔi

tuɔɔc në kak kek cï luɔkiic

Piŋ Ook , yïin läŋku Bɛnydïit path.

Ba puöu yaa naŋ gɛm de athiɛɛi ku nyïc ku döt, gäm-ë ke kɔcdït kedhiɛ tɔ në kɔc ke

miiric nhïïm.

Piŋ Ook yïin läŋku , Bɛnydïït path.

Ba puöu yaa naŋ dök ke kɔc ke amat de Palamɛn de piny-ë Junub Thudän në tɛɛriic ,

bïk nhuɔɔmdu yaa cuɔt tueŋ , ku piath de kɔcku kedhiɛ.

Piŋ Ook yïïn läŋku , Bɛnydïït path.

Ba puöu yaa naŋ thiëi de Duluuk ku yeeke muk , bake yiën athiɛɛi bïk yaa luk në luŋ

lajik, ku yeekï yic kony.

Piŋ Ook , yïïn läŋku Bɛnydïït path.

Ba puöu yaa naŋ thiëi de kɔcku kedhiɛ , ku yeeke muk.

Piŋ Ook, yïïn läŋku Bɛnydïït path.

Ba puöu yaa naŋ yïn-ë juöör ëbɛn nhiëër , ku dɔɔr , ku mät.

Piŋ Ook, yïïn läŋku Bɛnydïit path

Ba puöu yaa naŋ yiën-ë O puööth nhiëër de Yïïn ku riëu, ku yeeku lëëth në luɔi de

lööŋku.

Piŋ Ook , yïïn läŋku ,Bɛnydïït path

Ba puöu yaa naŋ jom de athiɛɛi të nɔŋ kɔcku kedhiɛ , bïk wɛtdu yaa piŋ në puööth lir ,

ku yeekï gam në nhiëër lacar , ku yeekï luɔk në kak-ke Jɔŋdït

Piŋ Ook yïïn , läŋku , Bɛnydïït path

Ba puöu yaa naŋ bïï de kek dhöldu yic , kek kɔc cï yiec wei kedhiɛ ku cïïke dhoom.

Piŋ Ook, yïïn läŋku , Bɛnydïït path.

Ba puööu yaa naŋ ba kɔc yee kɔɔc ya cɔk ril, ba kɔc riöc puööth yaa duut puööth ku

yeeke kony , ba kɔc yee yuïïk ba ke yaa jɔt, ku ba catän cuat piny në Ook cök buk yaa

dum.

Piŋ Ook , yïïn läŋku , Bɛnydïït path.

Ba puöu yaa naŋ nyiɛc tïŋ ku kuny lëu duöt-ë puööu të nɔŋ raan ëbɛn ran yee tɔ në

rɔɔr-ë. Ku në dakic , ku në ka dhal-ë yic.

Piŋ Ook , yïïn läŋku , Bɛnydïït path.

Ba puööu yaa naŋ tïŋ de raan ëbɛn yee cath të ɣer ku ran de pïïuiic , ku diär yeeke

rɔɔp, ku kɔc yee tök, ku mïth-thii ku ba puöu yaa käc në kɔc cïike mac ku kɔc yee

apëc.

Piŋ Ook, yïïn läŋku, Bɛnydïït path.

Ba puöu yaa naŋ gël ku döm ( muöök ) de mïth abɛɛr , ku diärjɔɔk , ku kɔc cï nyïïn

kuany ku yeeke yɔŋ.

Piŋ Ook , yïïn läŋku, Bɛnydïït path.

Ba puöu yaa käc në raan ëbɛn.


Ba puöu yaa naŋ päl de kɔc nɔŋ Okke ater , ku kɔc yee O ŋet, ku kɔc yee O riëth , ba ke

yaa yal puööth.


Ba puöu yaa naŋ möc-ë Ook ka yee luɔk në piny nhom ku ba ke yaa tiit , bukke yaa

cam në kööl de thääp.


Ba puöu yaa naŋ yïn-ë Ok wël yic de puööu , ku ba rɛɛcda yaa puöl ëbɛn, ku kak-ë ke

cukke looi, ku kak kuckuke , ku ba O yaa yiën athiɛɛi de Wëëidïït Lajik, bï ciɛɛŋda yaa

cɔk path cï man de wɛtduun Lajik.


Wën-ë NHialic , piŋ Ook, yïïn läŋku.

Wën-ë NHialic , piŋ Ook yïin läŋku

Yïïn Nyɔŋ de NHialic , man yee rɛɛc de kɔc ke pinynhom nyaai.

Në dɔɔrdu bɔ

Yïïn Nyɔŋ de NHialic , man yee rɛɛc de kɔc ke pinynhom nyaai.

Käc-ë puöu në Ook.

Yïïn Kërïtho Piŋ Ook.

Yïïn Kërïtho piŋ Ook.

Bɛnydït cɔk yï puöu cɔk yee käc në Ook.

Bɛnydït cɔk yï puöu cɔk ye käc në Ook.

Kërïtho cɔk yï puöu cɔk ye käc në Ook.

Kërïtho cɔk yïpuöu cɔk ye käc në Ook.

Bɛnydït cɔk yïpuöu cɔk ye käc në Ook.


Awut/ Abun abï mat ke kɔc në lɔŋ de Bɛnydït





Amen

Awut = Bɛnydït , duk-ë O yee luööi cï man de rɛɛcda.

Gam = ku duk-ë O yee dhuök ka coolkua

Lɔŋku

YIIN NHialic , Wun de käc de puööu ,yïïn man cë keŋ de puön yee rɔt wel yee maan ,ku

cïï kɔr ( tuil ) de raan dhiaau puööu yee jäi, Yee O kony në käcduun de yïpuööu në

lɔŋdɛɛn yeeku lueel në yïnhom në keriëëc yee O yɔŋ , të yee kek O ŋet , ku yee O piŋ

në athiɛɛi , bï keek karɛckä bïk yaa ciën këdɛ ,karɛc yee bɛn të nɔŋ Ok në dhuöm ku

koony de duriëëth ka këde raan , ku bï ke yaa thiäi wei në gël de piathdu, bï O , Ok

awuutku , bï O yaa cuök näkke në ŋet ku buk yï yaa leec athɛɛr në Kaniitha Lajikduic ,

në Yecu Kërïtho Bɛnydïïtda .

Amen

Yïïn Bɛnydït , jɔt rɔt , kony O, ku luäk O bï Rinku yaa riëëu

Yïïn NHialic , acuk piŋ në O yïïth , ku kee ciɛɛr-ë Ook në kuarkua ( wunkuandït ), në

luɔi path në ca looi në aköölken , ku ɣɔn ŋoot kek ëke liu.

Yïïn Bɛnydït , jɔt rɔt , kony O, ku luäk O bï Rinku yaa riëëu

Ee yaa bï nhuɔɔm bï yaa tɔ kek-ë Wun ku kek-ë Wä , ku yee tɔ kek-ë Wëëidïït Lajik

Gam = Acït man ëtɔɔ yen ɣɔn gɔɔc-ë käŋ , ku yee tɔ ee mɛɛn , ku agut yen athɛɛr wadɛ

. Amen.

Yee O gël në kɔc nɔŋ ater kek-ë O , Yïïn Kërïtho.

Yee guömda tïŋ në athiɛɛidu

Yee dhiën de puööthkua tïŋ në kuanyduun de nyin.

Ye rɛɛc de kɔcku puöl në käc de puööu.

Yee lɔŋda gam në käc de puööu.

Yïin , yïn Wën de Dabid, cɔk yïpuöu cɔk kɔc në Ook.

Yee Ok piŋ ee mɛɛn ku athɛɛr Yïïn Kërïtho.

Yee O piŋ në athiɛɛi , Yïin Kërïtho , yee O piŋ në athiɛɛi yïin Kërïtho Bɛnydïït.

Randït = Yïïn Bɛnydït , yee O nyuöth käcduun de yïpuööu.

Gam = Në kë yee O röt gɛi në Yïïn.

Lɔŋku

YIIN läŋku në puööth koor, yïn Awada , ba niööpda yaa tïŋ në käcduun de Yïpuööu ,

ku yee ye rɛɛc-ë ëbɛn nyaai të nɔŋ Ook në nhuɔɔm de Riɛnku, rɛɛc yee rɔt tiiŋ ke Ook ,

buk yïïn yaa luööi athɛɛr në pïïr lajik ku lee cäp , ba yaa naŋ riëëu ku nhuɔɔm , në

Mëdöördaan tök ku yee Mëkuunyda , Yecu Kërïtho Bɛnydïïtda .

Amen


NHIALINY Nɔŋ riɛɛl ëbɛn , Yïïn cï O cɔk guëër ëtɛɛn, buk yï lɔŋ në kak görku-ke Odhiɛ

. Në Kɛc-ë lueel , naa mɛt kɔc kaarou ka yeekï diäk në riɛncië , ke wɛlken aaba ke gam ?

Muɔc Ok në yee mɛɛn , Bɛnydïïtda në lɔŋ cïï Ok yï lɔŋ , cï nyïny-ë nyic yïïn yeen, Lan


athɛɛr të leer Ok Pandu.

Amen

2 Korinthooi 13

THIƐI de Yecu Kërïtho Bɛnydïïtda , ku Nhiëër de NHialic, ku män de Jɔŋdïït Lajik, (

wëëidïït ) aabï yaa tɔ kenë Ook odhiɛ athɛɛr .

Amen

Litani acï thök ëtɛɛn

(Apäm 29-34 në duööric)

LƆƆŊ KU LƐC KU THIƐI

TE GÖÖR_Ë KE

Abïi yaa ŋɔɔr në lueel-ë lɔŋ Kirithothom de Litani , ka lɔŋ në lɔŋ de nhiäkduur ku lɔŋ

thɛi.

Lɔŋ de Thouth Thudän

NHIALINY Nɔŋ riɛɛl ëbɛn ku yee dunyïny de käŋ kedhiɛ , Yïïn läŋku ba pinydaan-ë

Thouth Thudän ba yaa thieei . ku cɔk kɔc tɔ në kɔc nhïïm në riɛɛl de Miiricda cɔkke yee

puöndu göör ku piath de kɔc kedhiɛ . Yee Mëdöök thieei kek-ë Gäbänaai kedhiɛ , agut

maapätiic ku bänykuan ke miiric kedhiɛ . Yeeke yal puööth bïk kakke Yïpuöu yaa cɔk

tɔ tueeŋ ,ku bï luɔk lajik bïk yaa tɔ në Oiic. Yee pinyda yiën dɔɔr , bï kɔc yaa naŋ kakke

muŋ-ë röt , ku bï nhuɔɔmdu bïï yaa dït në kɔc puööth , në Yecu Kërïtho Bɛnydïïtda.

Amen

Lɔŋ në ɣööt ke Palamɛn Nyïny-ë wël

YIIN NHialic , man yee raan ëbɛn yee Yïïn thiëëc mɔc në awaiic , Yïïn läŋku në kɔc cïï

lɔc bïk lɔ mat në Palamɛn de panaan-ë Thouth Thudänic . cɔk ŋɛk në keek ayee rɔt puöl

ku tɛɛu piath de raan ëbɛn tueŋ. Cɔk tuŋ kedhiɛ mɛt ku görkï män-ë yiic , bïï kɔc ke

Thouth Thudän kedhiɛ ceŋ në dɔɔr ku miɛt de puööu, ku bïk riëu de wuöt kɔk ku

puön path yök. Cɔk piändu yee looi në käŋiic kedhiɛ , në Yecu Kërïtho Bɛnydïïtda .

Amen

Ka kän

NHIALINY de athiɛɛi, Yïïn läŋku në puön koor në yee pan-ë Thouth Thudän-ë ëbɛn ,

ku në ɣöötkuan ke Palamaan kedhiɛ ( cï nyuc ee mɛɛn ) ba ka yeekï mat yaa dɔk ku yee

ke cɔk tïŋ keyiic në bɛn de nhuɔɔmdu , piath de Kaniithadu , pial , riëu ku piathde kɔc

ke Thouth Thudän kedhiɛ , bïk keriëëc ëbɛn yaa gɔl thar në riɛɛlduic , bï dɔɔr ke miɛt

de puöu, Yic ku lajik, duör ( duördu ) bïk yaa yaa kakkua në kuat thok ëbɛn . Ëkääk ku

ka puɔɔth kɔk , yee piath-ë ke ke , ku piɛthkï ke O, ku Kaniithada ëbɛn kek-ë aalimku

në rinke Mëdöörda , Yecu Kërïtho Bɛnydïïtdɛɛn cïï thieei ku yee Duluɛɛk.

Amen

Lɔŋ de Aköl lɔc-ë kɔc lɔ Palamɛn

NHIALINYDIT , Dumöny de nyïc ëbɛn, Yïïn läŋku në puööth koor ba nhïïm dɔk nhïïn

ke kɔc cïï cɔɔl bïk kɔc puɔɔth bë luɔi la looi në Palamɛn de Thouth Thudänic lɔc . Cɔk

löcdu abï nhuɔɔmdu bɛɛi ku piath de kɔcku kedhiɛ . Yiëk-ë kɔc bïï lɔc nyïc , riɛɛl-ë

puööu , ku lajik. Ëkän athiëcku në rinke Yecu Kërïtho Bɛnydïïtda.

Amen

Lɔŋ de Deŋ

NHIALINY Awadɛn tɔ nhiaal , Yïïn yïtök yïn-ë kee deŋ cɔk tueny , ku yïïn akee piny cɔk

loi, ku ɣɔk aayee kut në yïïn . Ok läŋ yïïn ba kedhal O tïŋ, ku ba O yiën deŋ görku ee

mɛɛn , buk naŋ mïïth ku bï ɣäkkua nyuɛth . Yïïn nyic käŋ lan puɔɔth kek të nɔŋ O, ku

kee ca lueel wu ba kɔc yaa muɔɔc kɔc dɛk käŋke yee yï lim ( ŋal ). Ee kän yen abïï Ok të

nɔŋ yïïn , në Yecu Kërïtho Bɛnydïïtda .

Amen

Lɔŋ de Tueny de deŋ path

YIIN NHialic , Awadɛn nhiaal , Yïïn man-ë cï jam në Yecu Kërïtho Wëndu thok lan yee

kɔc ceŋdu kaŋ yaa göör ku lajiŋdu ku kaa bïï yaa naŋ keriëëc ëbɛn kë yee layum nëke

gup. Cɔk deŋ path cɔk atueny, yïïn läŋku , buk ka yee luɔk ke piny nhom yaa lööm bïk

O yaa duut puööth ku yeeku yï nhoom, në Yecu Kërïtho Bɛnydïïtda .

Amen

Lɔŋ de run-ë Pawɛɛr ( cɔk ) ku dak de käŋ )

YIIN NHialic Awadɛn nhiaal , yïn man cï O wɛɛt në wënduun cïïthieei buk miëth de

akölic yaa thiëëc të nɔŋ yïïn , tïŋ guöm de kɔckua ,yïïn läŋku , ku kuöny-ë O ka

ŋɛŋkuke , Yee ka yee luɔk në pinynhom yeeke cɔk kuöt në athiɛɛiduun nhiaal , ku cɔk O

yee mɔc path lööm në miɛt de puööu , ku yeeku luui bï nhuɔɔmdu yaa dït , ku në kuny

de kɔc yee dak , ku duötdɛɛn de Opuööth, në Yecu Kërïtho Bɛnydïïtda .

Amen

Lɔŋ de ka tooc ku ka bɛɛr ( gelic, nam )

NHIALINY Ril arëët , Yïn man cï bar ( gel/nam) cak ku ka yee cath thïn kedhiɛ , tääu-ë

athiɛɛidu në kakkuan yeeku ke lööm në pïïuiiciic , bïk yaa kut në köölken , ku bɛr-ë

kɔckuun ke mäi ke rec ku kɔc yee cath në wëëriic bɛɛr-ë ke yaa thieei, bïk yaa poth në

raric ëbɛn në pïïuiic , buk yï yaa gam në miɛt de puööu ke yïïn yee Bɛnydïït de bar ku

ɣän ɣer, në Yecu Kërïtho Bɛnydïïtda .

Amen

Lɔŋ de bëc ( tuaany )

NHIALIC ciee yïïn nɔŋ riɛɛl, tïŋ miëëthku aabec , cɔk ɣän töök cɔk adem , bär nyaai-ë

( alɛɛth ) atuöc-ë guöp, bï atuöc-ë guöp lɔ piny, Ok aacï kërac looi Odhiɛ , päl O cɔk O

ca pïïr ,Yecu Wëndu ee karɛckua puk Odhiɛ . Ee O kɔc në guöpde . Nyuöth-ë O buk

nhiaar, ku buk wëlke yaa luöi Yeen , në Yecu Kërïtho Bɛnydïïtda .

Amen

Lɔŋ de mïththii

NHIALIC Awadït piŋ lɔŋdië akïïn , yee ɣa muk në yïcin aluööt ( nyindhiɛ ) , nyuöth-ë ɣa

ba Yecu Kërïtho nhiaar , në kɛc-ë lueel ɣɔn yee mïththii bɔ të nɔŋ ɣa duökkäke pën ?

thieei wää ku maa ku mïth akɛccië kedhiɛ , ku päl karɛcke kɔc , ku luöi-ë ɣa ke mit në

yï puööu , ne Yecu Kërïtho Bɛnydïïtda .

Amen

Lɔŋ de kɔc bïi cɔk yee Awuut/ Abuun

Yee lɔŋ-ë abïi yaa lueel aluööt ( nyindhiɛ ) në wïk tueeŋ de Thiëël , ku wïk buɔth

Thändeei ɣer ku Theptemder 14 ( Bildït 14 ) ku December 13 ( Ɣɔr 13 ) , në kɔc bïike

cɔk yee Awuut ke kakke NHialic

NHIALINY Nɔŋ riɛɛl ëbɛn ,Awadan Nhiaal , yïn man cï rɔt ɣɔc Kaniitha de raan ëbɛn në

riɛm piɛɛth de Wënduun nhiaar, Yee tïŋ në käc de Yïpuööu . Dɔk ku ŋɔr nyïny de

awuutku Bïcïïp ku aduböök ke thökku në yee mɛɛn , bïk kecin yaa cuök yee dac kan

në raan nhom . Yeeke cɔk ayee lɔc në gäm ku në nyïc në kɔc path bï yaa luui në luɔi

lajik de Kaniithadu. Muɔc kɔc , kɔc bïïke cɔk yee awuut ke luɔi lajik , muɔc keek në

athiɛɛiduun nhiaal , bïk nhuɔɔmdu yaa nyuɔɔth në pïëërdɛn ku pööcdɛn , ku yeekï luäŋ

de raan ëbɛn kuɔny tueŋ, në Yecu Kërïtho Bɛnydïïtda.

Amen

Ka kän yen bïï ciir

NHIALINY Nɔŋ riɛɛl ëbɛn , dumöny de ka path kedhiɛ , Yïn man cï Luɔiduun lajik

kuötic tääu në Kaniithaduic , Muɔc kɔc në athiɛɛi , yïn läŋku ne puööth koor , ba kɔc

bïïke caal në yee luɔiëic , kuethke në yic de pööcdu, ku cɔkke acïn awäc në pïïr , bïk

yaa luui në adöt në Yïnyin, ne nhuɔɔm de Rin dïtku , ku në piath de Kaniithaduun lajik,


Amen

Lɔŋ de päl de Karac

NHIALIC , Yïïn man yee puööu naŋ ba puööu yaa käc ku yee O puöl , löm yee lɔŋdaan

lɛŋ Ok yïïn në puööth koor , Ok cï deer ku dut O në jonh de karɛckua . Yeen cɔk

nyinkuaany de käc dïïtduun de yïpuöu cɔk kony O, në nhuɔɔm de Mëdöor töŋda ku

Mëkunyda Yecu Kërïtho.

Amen

Lɔŋ thiin de Nhiäkduur

NHIALIC Bɛnydïït nhiaal ku piny , Yïïn cuk gam , yïn cï O tïŋ apath wɛnakɔu. Päl

karɛckua në puŋ de Yecu , kony O në yee akäl duökke O bï rɛɛc bɛɛr looi. Naa yee cath

ke O, ke Ook yee riɛl . Naa yee liiu tɔŋ O ke Ook yee kɔc . Piŋ wëlkua në Yecu Kërïtho

Bɛnydïïtda .

Amen

Lɔŋ de Kët

NHIALIC, Yïïn cï liëpke kɔc cak bïk Yï yaa leec , ku cak puööthke kɔc bïk Yï yaa

nhiaar, Thiöŋ O puööth në nhiëërdu buk yï yaa leec apath në liëpkua , në Yecu Kërïtho

Bɛnydïïtda .

Amen

Lɔŋ në piath de Kërïthäänooi

YIIN läŋku , Bɛnydït , ba yaa daai në kɔc kedhiɛ kɔc ke yee pan-ë, kɔc yee Riɛnku cɔɔl

, ku cɔk O yee cath ëcäp në dhöl de Kërïthäänooi . Cɔk O cɔk päl tëŋ de röt , ku buk

yaa mat në O puööth ku täk buk këthieek cïï kan në O yëth yaa nyiɛc ɣääc .Yee O kony

buk cɔt de panda yaa gam cï riɛɛl tɔ ke ŋɛk , nyaai-ë kook të nɔŋ Ook, kook yee kɔc

kɔk thiöök wei kɔc göör kunyda, ku yee O gäm athiɛɛi buk luɔidɛɛn akölriëëc yaa looi

apath ku në diɛɛr. Yee O tiɛɛt wei në rɛɛcic në wɛt ku në kë yeeku looi, ku yee O gäm

puön lir buk yaa rëër ( dhiac ) ke O lui apath , buk Riɛnku yaa nhoom, në Yecu Kërïtho

Bɛnydïïtda.

Amen

Lɔŋ de kɔc yee ŋet

YIIN , yïn Yecu Kërïtho , Yïn man cïï ŋet guum në kɔc rac cin në këda ( Ok ) ku guöm-

ë agut cï thou , ku ca kɔcku nyiëën në wɛtdun Lajik lan bïn-ëke yaa ŋet në gämdenic,

Ok cïït Onhïïm në Yïnhom në kɔc gum në yee kööl-ë nëkë yee kek Kïrïthäänooi (goo

yaa…) Cɔk gämden ayee riɛl , ku yeeke duut puööth ku bɛɛi-ë ke bei në dhiëëuic ku

në tɔɔkic ( arɛɛm ) , ku në karɛc kɔkiic , Ku cɔk kɔc yee thou në Yïïn cɔkke ayee naŋ

athiɛɛi de guöm agut thök , bïk Rinku yaa nhoom në gämden, Yïïn man yee ceŋ ku yee

dɔk kek-ë Wuur ku Wëëidïït Lajik.

Amen

LƐC

Lɔŋ de Raan ëbɛn

Yee lɔŋ-ë abïi yaa lueel të yen aköl cïn Litani

NHIALIC , yïn man yee Duciëëk ku yee Dumuŋ de kɔc kedhiɛ , Yïïn läŋku në puööth

koor në ceŋ de raan ëbɛn . Yeeke nyuöth dhölku në piath de Yï puööu, bï juöör ëbɛn

piath de luäŋdu yaa nyic . ku Yïïn Läŋku arëët në ceŋ de Kaniitha Katholik , Yee cɔk ŋär

në wëëidïït piɛɛthdu , bï kɔc-ë röt cɔl Kïrïthäänooi bï ke yaa dak dhöldu Yic , ku yeekï

gäm döt në puön tök , në män de dɔɔr ,ku në pïïr lajik. Kek-ë kɔckä aakɛnkuke

käcduun de yïpuööu, Yïïn Wun de raan ëbɛn , kɔc yeeke yɔŋ , ku kɔc nɔŋ ka yeeke dhal

në täŋdenic ku gupkeniic , ku ceŋdenic, ( kɔc kedhiɛ kɔc lɛŋ Okke ) Ee ba ke yaa duut

puööth ku luäk keek në kakken yeeke dhaliic kedhiɛ .Yeeke yiën liɛr de puööu në ka

yeekï ke guumiic kedhiɛ , bïk ka yeeke yɔŋ yaa wuör ( dëëny ) në miɛt de puööu. Ëkän

aalimku në Yecu Kërïtho .

Amen

LƐC

Lɔŋ de Käŋ kedhiɛ

NHIALIC Nɔŋ riɛɛl ëbɛn , wun de käc puööu , Ook , O awuutkun cï path , Ok lec yïïn

arëët në puööth koor , në këpiɛɛthdu ëbɛn kenë nhiëërduun tɔ ke O ku raan ëbɛn, Yïïn

lecku në cäŋ-ë ciɛk Yïïn O, ku gël yïïn O gël . ku athiɛɛi ëbɛn de pïïr pïïr Ok në

pinynhom, ku lecku yïïn në lɛc wär keek ëkakkä, nhiëërduun thiekic cïn kɔc cïn ke

waar në Yecu Kërïtho Bɛnydïïtda , ku ka yee O yiën thiëi , ku ŋäth de ka puɔɔth yeeku

ŋɔɔth, ku yïïn läŋku, cɔk O cɔk ayee kakke käcduun de yïpuöu nyic , buk yï yaa leec në

puön luɔɔi , ku nyoothku lɛcda në luɔida ke ciee Othook kepɛc , në yïn bïï Ok röt yaa

yiën yï buk yaa awuutku , ku në canh bïï Ok yaa cath në Yïnyin ke O lajik në

aköölkuan ke pïïr , në Yecu Kërïtho Bɛnydïïtda , man yee mat kek-ë yïïn ku Wëëidïït

Lajik mätku wek-ë lɛc ku duör ëbɛn athɛɛr wadɛ.

Amen

Lɛc de thiëi de ka cï luɔk

NHIALIC Bɛnydïït Nɔŋ riɛɛl ëbɛn . Yïïn ,yïn Duciëëk ku yee Wun de këriëëc ëbɛn , Yïïn

lecku arëët nëkë cïn raan yiën kööl cum ku kööl de tëm, ku yïn yïn Yïnke O, Ook

mïthku , ka yee luɔk ke tiɔp nhom në köölden . Keek kakkä ku juëc kɔk ke käc de

Yïpuööu aapuɔɔny Ok ke yïïn ku leec Ok ke Riɛnku ku nhuɔɔmdu , në Yecu kërïtho

Bɛnydïïtda ,

Amen

Lɛc në Luäkic ne anuaan ku në bëc

NHIALIC Bɛnydïït , Yïïn yïn man cë mïth ke raan yee yɔŋ në göör göör yïn-ë . Yïïn

lecku arëët në puöu ëbɛn në luäŋ cïn O luök në bëc ku ka yɔŋ O në käc de Yïpuööu , ku

Ok gɛm röt Yïin ne piath de puööu në piath yïïn Awada , tïïpkua kek-ë gupkua ,bïk yaa

köc pïïr möcku yïïn ku buk nhiëër de käc de Yïpuöu yaa puɔɔny ku yeeku leec në

Kaniitha cialic , në Yecu Kërïtho Bɛnydïïtda .

Amen

THIËËI

EE yaa bï NHialic bï yaa cath kek-ë week , ku bï yaa rëër kek-ë we, ku bï we yaa muk

apath , në yee köölë , ku athɛɛr Wadɛ .

Amen

WEK tɛɛukuke në käcdït de puöu de NHialicic ku në gëldeic. Ee yaa bï Bɛnydït we yaa

thieei , ku yee we muk, ee yaa bï Bɛnydït we yaa meer në yenyin , ku yee puöu piath në

week. Ee yaa bï Bɛnydït yenyin yaa jɔt week , ku yee we yiën dɔɔr në yee mɛɛn ku

athɛɛr wadɛ .

Amen

Lɔɔŋ ku THöön ku Wëlpath

bïi-ke yaa lueel Në Ruöönic Ëbɛn

( Apäm 35 -60 në Duööric )

-Lɔŋ cïi nyooth në Thändeei ka kööl lajik nɔŋ lɔŋ thëëi abïi yaa lueel në lɔŋ thëëi në

Duöör ŋäär

THÄNDEEI Tueeŋ DE Bɛn

Lɔŋ

NHIALINY Nɔŋ riɛɛl ëbɛn, yiën-ë O riɛɛl buk luɔi de cuɔl nyaai, ku buk alanh de ɣɛɛr

ruök , alanh yee O gël, në yee mɛɛn ku në run pïir Ok ke ëtɛɛn ,run cïi Yecu Kërïtho

Wëndu ke O neem në puön koor , ku buk röth jɔt në pïir athɛɛr në kööl ciëën agut,

kööl ben bɛɛr bɛn në dïtdeen de nhuɔɔm, bï kɔc pïir ku kɔc cï thou luk, në yeen, yen

man yee pïir ku yee ceŋ kënë Yïin ku Jɔŋdïit Lajik, në yee mɛɛn ku athɛɛr . Amen

Yee lɔŋ-ë abïi yaa lueel Aluööt kenë lɔɔŋ kɔk në Bɛn, agut thëëi de kööl de Dhiënh de

Kërïtho.

Book Rin ke book verse theme

Thön Romaai 13. 8-14 = love does no harm to a neighbor

Wëlpath Mathäyo 21. 1-13 = His Messiahship and His Kingly authority

THÄNDEEI DE ROU DE BƐN

Lɔŋ

Bɛnydïït cïï thieei, Yïin man cï kacïigɔɔr lajik cɔk agɔrke kedhiɛ bïk O yaa pɔɔc, cɔk ke

ayeeku ke piŋ ku yeeku ke caar , ku dötku ke , ku muk-ku ke në Onhïïm ku Opuööth ,

buk ŋäth de pïir athɛɛr kuök , ku yeeku muk aril në puööth lir ku në duöt yee wɛtduun

Lajik O duut puööth, pïïr ca yiën O Në Yecu Kërïtho Duluäŋda. Amen

Buk Rin ke buk Verse theme

Thon= Romaai 15. 4-13 = God of patience and comfort

Wëlpath = Luk 21.25—33 = Bɛn de rou de Yecu = 2nd coming of Jesus

THANDEEI DE DIÄK DE BƐN

Lɔŋ

BƐNYDÏIT Yecu Kërïtho, Yïn , Yïn man ecï matunydu tuööc ɣɔn kɔŋ yïn bɛn bï dhöldu

bɛnë juiir në yïnhom tueeŋ, cɔk awuutku ku mëŋëëmkun ke kak cïi kum , cɔk ke yee

dhöldu juiir ëya ku yïïkï caar, në döŋ bïi kek kɔc areec-wël yaa dɔk në nyïny de kɔc cïi

luök , buk yaa kɔc path në yï nyin në bɛnduun de rou bïi yïin ba kɔc ke piny nhom luk

, yïin man yee pïir ku ciëŋ-ë athɛɛr wek-ë wuur ku Jɔŋdïit Lajik, yak-kä NHIALINY tök

athɛɛr. Amen

Buk Rinke Buk verse /cök theme / ŋuun

Thön - 1Korinthooi - 4.1—5 = steward / Maduet

Wëlpath Mathäyo - 11. 2—10 = who is not offendered is bless

THÄDEEI DE ŋuan DE BƐN

Lɔŋ

BƐNYDÏIT jat-ë riɛɛldu nhial, Yïn läŋku , ku bär në O-yiic , ku kony O në aŋoŋ riildu.

Karɛɛckua aayee O pëën ku gëlkï O në kat dhöl ca tääu në o nhïim , yeen cɔk athiɛɛi

dïitdu ku kacduun de yï puöu cɔk ke adɔc O kony ku luɛkkï O , në luɔi cïi wëndu

Bɛnydïit thöl , yeen man yeeku riëëu ku yeeku nhom kenë Yïin ku Jɔŋdïit Lajik , athɛɛr .

Amen

Buk rinke buk verse/Cök theme/ŋuun

Thön - Pilipooi = 4.4—7 =be united , joyful, and in prayer

Wëlpath = Jɔn 1.19—28 = A voice in the wilderness/ rör cööt roor

Kööl-ë Dhiënh De Kërïtho

Lɔŋ

NHIALINY Nɔŋ riɛɛl ëbɛn , Yïïn , yïn man cï O yiën wäntöŋduun –ë bɔ bei ,bï guöp ciët

Ook, ku dhiëth në kööl cït akäl në Bïm ( dhueny ) lacar , cɔk O aber-ë jɔt në wëëidïït (

Jɔŋdïïtduun Lajik, Ok kɔc cïi ke bɛɛr dhiëëth, ku yeeku mïthku në muöök ku athiɛɛi, në

yeen ee mɛɛn ,yen Yecu Kërïtho Bɛnydïïtda , man yee pïïr ku yee dɔk kek-ë yïïn ku

Jɔŋdïït Lajik (Wëëidïït ), yaakä NHialiny tök , agut yen athɛɛr wadɛ . Amen

Buk Rinke buk verse/cök theme / ŋuun

Thön - Eburuu 1.1—12 = Son exalted above angels

Wëlpath – Jɔn 1. 1—14 = word / wɛt ee tɔ

Kööl De Thäpäno Cïi thieei

Lɔŋ

Yïïn , yïn Bɛnydït , cɔk ka yeeku ke guum kedhiɛ në tiɔp nhom, në lëk de yicdu , cɔk ke

ayee Ok ke O-nyïïn jat nhial ëcök, buk nhuɔɔmduun-ë bë nyuɔɔth bïi yaa tïŋ në gäm,

ku buk kɔc yee O ŋet yaa nhiaar ku yeeku ke thieei, të cïi Jɔŋdïït ( wëëidïït )Lajik O

thiööŋ , në kɛɛr de Märtïïr tueeŋdu Thäpäno Cïïthieei , ran ëcï yï lɔŋ në kɔc näk-e, yïïn

Yecu cïïthieei , man yee kɔɔc në cin cuëëc de NHialic ba kɔc yee gum në yïïn ba ke yaa

kony, Yïïn man yee yïn ëyee Mëdöörda ku Mëkunyda. Amen

Lɔŋ de kööl-ë dhiënh de Yecu Kërïtho abïi läl yaa buɔɔth cök , ku ka bïi yaa cool-ë luɛl

agut yen gɔc de run jöt

Buk Rinke buk verse/ Cök theme / ŋuun

Thön - Dutuuc 7. 55—60 = cuök dhuk-ënhom de rɛɛc

Wëlpath – Mathäyo 23. 34---39 = Nääk de kɔc cïï NHialic tooc

Akööl De Jɔn cïïthieei

Dupöny De Wëlpath

Lɔŋ

BƐNYDÏÏT kɔc puööu , Yïin läŋku , ba Kaniithadu yaa meer në ɣɛɛrdu, bï yaa cath në

ɣɛɛr de yicduic, të ciën ɣɛɛr në pööc de Mëtunydu Jɔn Cïïthieei Dupöny de Wëlpath , bï

ɣɛɛr de Pïir athɛɛr dïk-ë lööm , në Yecu Kërïtho Bɛnydïïtda . Amen

Buk Rinke Buk Cök Theme / ŋuun

Thön 1 Jɔn . 1. 1---10 = kë cïi piŋ ku tïŋ ku gɔt në cin

Wëlpath Jɔn 21. 19—25 = remaining until Jesus come back

Akööl de MIËTH CINIC AWAC

Lɔŋ

NHIALINY Nɔŋ riɛɛl ëbɛn, Yïïn yïn man cï riɛɛl bɛɛi në thokke mïththii thuët, ku cɔk

mïththii yee yï nhom në thonden, cɔk kërac ëbɛn cɔk thou në Oiic , ku cɔk O ril në

athiɛɛi , bï ciënawac de pïïrda , ku dön de gämda agut thou, bïk O yaa cɔk nhom

Riɛnkuun Lajik, në Yecu Kërïtho Bɛnydïitda . Amen


Thön Nyooth 14.1—5 = Nyɔk në thööc nhom

Wëlpath Mathäyo 2. 13—18 = köt de Yecu ku Nääk de Mïth

THÄNDEEI BUƆTH KÖÖL DE DHIËNH DE KËRÏTHO

Lɔŋ

NHIALINY Nɔŋ riɛɛl ëbɛn , Yïïn yïn man cï O yiën wäntöŋduun-ë bɔ bei , bë guöp ciët

O , ku dhiëth në Kööl cït akääl në Bïm ( dhueny ) lacar , cɔk O beer jɔt në Jɔŋdïïtduun

Lajik, O kɔc cïike bɛɛr dhiëëth, ku yeeku mïthku në muöök ku athiɛɛi, në Yeen ee mɛɛn

yeen Yecu Kërïtho Bɛnydïïtda , man yee pïïr ku yee dɔk kek-ë yïïn ku Jɔŋdïït Lajik,

yaakä NHIALINY tök , agut yeen athɛɛr wadɛ . Amen

Buk Rinke Buk cök theme / ŋuun

Thön Galataai 4. 1—7 = Meth acïï dhiëëth në tiik ku tɔɔ në löŋic

Wëlpath Mathäyo 1. 18-25 = Dhiënh de Emanuel , NHialic atɔ ke O

Ŋuöt De KËRÏTHO

Lɔŋ

NHIALINY Nɔŋ riɛɛl ëbɛn , Yïïn yïn man cï wënduun cïï thieei cɔk acuel ( ŋuöt ), ku cɔk

gam löŋ de raan , Yiënë O cuɛl yic ( ŋuöt yic ) de Jɔŋdït , bï puööthkua kenë gupkua

cɔk thou në kɔɔr rɛɛc de guöp ku de piny nhom , buk puönduun cïï thieei yaa gam në

keriëëc ëbɛn, në yee wëntöŋduun-ë Yecu Kërïtho Bɛnydïïtda. Amen


Thön Romaai 4. 8---14 Bïï yï cɔk alajik ke yï këc-ë Cueel

Wëlpath Luk 2. 15---21 = abök thök aacï bɛn bïk meth bɛnë tïŋ

Ye lɔŋ töŋ-ë ku Thön ku Wëlpath aabïï-ke yaa ciir Aluööt agut yen Nyooth de Yecu

NYOOTH DE KËRÏTHO

ËNƆŊ JUURKƆK

Lɔŋ

NHIALIC , yïin , yïn man cï Wäntöŋduun-ë bɔ bei nyuöth Juur kɔk ŋɔrke në

kuel , cɔk käc de yïpuööu në Ook , Ok kɔc yee Yï nyic në yee mɛɛn në gäm

yee Ok gam , cɔk ayee Ok naŋ luɔk de nhuɔɔmduun nhiaal , të cïi yee pïir-ë

thök, ne Yecu Kërïtho Bɛnydïitda . Amen

Buk Rinke Buk cök ŋuun

Thön Epethooi 3. 1---12 = nyooth de kë cïi thiaan ku ŋuun

Wëlpath Mathäyo 2. 1—12 = Röör dït nyic käŋ bɔ piny ciëën

THÄNDEEI TUEEŊ DE

NYOOTH

Lɔŋ

BƐNYDÏT , Yïïn läŋku ba lɔŋ de kɔcku yaa piŋ në käc de yïpuööu , kɔc yee yï cɔɔl , ku

yee ke cɔk atïŋ kapath bïïke yaa dhiil në luɔi , ku yeekïke nyic ku yeeke yiën athiɛɛidu

kek-ë riɛɛl , bïkke yaa looi në piän adöt, në Yecu Kërïtho Bɛnydïitda . Amen

Buk Rinke buk cök ŋuun

Thön Romaai 12. 1—5 = Köc yee pïïr ku mɔc-ë wëi bïn luui.

Wëlpath Luk 2. 41…..52 = Yecu acï rördït cï pöc ca gɛi.

THÄNDEEI DE ROU DE

NYOOTH

Lɔŋ

NHIALINY Nɔŋ riɛɛl ëbɛn ku yee ceŋ athɛɛr , Yïïn man yee ka tɔ nhiaal dɔk kedhiɛ ku

ka tɔ piiny , Piŋ lɔŋ de kɔcku në käc de yïpuööu , ku yee O cɔk anɔŋ dɔɔrdu në

aköölkuan ke pïïr kedhiɛ , në Yecu Kërïtho Bɛnydïïtda . Amen


Thön Romaai 12. 6-16 =Luui-ë NHialic në mɔc de wëi

Wëlpath Jɔn 2. 1—11 = Pïïu cïï waar ëke yee mäu

THÄNDEEI DE DIÄK DE

NYOOTH

Lɔŋ

NHIALINY Nɔŋ riɛɛl ëbɛn ku yee ceŋ athɛɛr , tïŋ Ok në niööpda në käcduun de yïpuööu

, ku yee ciɛn cuëëcdu thiiu , ba O yaa kony ku yee O gël në ka yee O nɔk kedhiɛ ku ka

yeekuke dak, në Yecu Kërïtho Bɛnydïïtda . Amen


Thön Romaai 12. 17-21 = Duk-ë yee guur , guur eekë de NHialic.

Wëlpath Mathäyo 8. 1—13 = Yecu acï ran nɛk abïl cɔk adem ku gäm de Apuruk

THÄNDEEI DE ŊUAN DE

NYOOTH

Lɔŋ

NHIALINY , Yïïn man nyic-e ke O yee rëër në ka dït juëc yee O dhaliic , ku cuk kɔɔc

yee lëu në niööpdɛn de Opuööth , yee O yiën riɛɛl ku gël , bïk O yaa muök nhial në ka

yee O dhal kedhiɛ, ku temkï O ka yee O them kedhiɛ . në Yecu Kërïtho Bɛnydïïtda.

Amen

Buk rinke buk cök ŋuun

Thön Romaai 13.1—7 = Buk riil tɔ në baai nhom yaa gam

Wëlpath Mathäyo 8. 23—34 = Yom ku atiɛktiɛk aacï wël ke Yecu gam.

THÄNDEEI DE DHIËC DE

NYOOTH

Lɔŋ

BƐNYDÏT , Ok läŋ yïin ba Kaniithadu ku yeekï kɔcku bake yaa cɔk ayee dhiac ( rëër ) në

luɔi yicdu yïin NHialic , bï kɔc yee röt gɛi në ŋäth de athiɛɛidun nhiaal , bïike yaa gël

athɛɛr në riɛɛl dïitdu, në Yecu Kërïtho Bɛnydïitda


Thön Kolothaai 3. 12---17 = Cït ke ran jöt

Wëlpath Mathäyo 23. 24—30 = cuth de aduuk kɔɔth ku pälkeiic

THÄNDEEI DE DHETEM

DE NYOOTH

Lɔŋ

NHIALIC, Yïïn man cien-ë Wënduun Cïïthieei nyuɔɔth bï luɔi de Duriëëth riöök , ku

cɔk O ayee mïth ke NHialic ku yeeku adïït ke pïïr athɛɛr , cɔk O, Ok lɔŋ yïïn , Ok kɔc

nɔŋ yee ŋäth-ë, cɔk O lacar cï man len car , buk yaa ciët Yeen në ciɛɛŋ nhuɔɔm

athɛɛrde, në kööl beer yen tuöl kek-ë riɛɛl ku nhuɔɔmdït , të yen pïïr ku ciëŋ yen

athɛɛr kek-ë Yïïn , Yïïn Wun ku Yïïn Wëëidïït Lajik , yakä tök athɛɛr wadɛ. Amen


Thön 1Jɔn 3.1—8 = Rɛɛc ku mïthke NHialic

Wëlpath Mathäyo 24. 23-31 = Nebïi ka adhuɔɔm ku dupööc ke adhuɔɔm

THÄNDEEI YEE CƆƆL

THEPTUAGETHÏMA

Lɔŋ

BƐNYDÏT , Yïïn läŋku ba lɔŋ de kɔcku yaa piŋ në piath de Yïpuööu , bï O, Ok kɔc yeeke

waai apiath në karɛckua , bï O yaa luök , në piathdu në nhuɔɔm de Riɛnku , në Yecu

Kërïtho Duluäŋda , man yee pïïr ku yee dɔk kek-ë Yïïn ku Wëëidïït Lajik, yaakä

NHialiny tök athɛɛr wadɛ. Amen.


Thön 1Korinthooi 9.24-27 = kɔc yee mëën aaye yiëk göl

Wëlpath Mathäyo 2.1—16 = Riiŋ-ë meth Yijip bïi lɔ thiaan

THÄNDEEI YEE CƆƆL

THEKTHAGETHIMA

Lɔŋ

NHIALINY Bɛnydït, Yïin man yee O tïŋ ke O cï röt yee gɛi në kë yeeku looi, në käcduun

de Yïpuööu në yee O gël në riɛɛldu në käŋ kedhiɛ ka yee O yɔŋ, në Yecu Kërïtho

Bɛnydïitda. Amen


Thön 2Korinthooi 11. 19—31 = Ba gum në kë de Kërïtho

Wëlpath Luk 8. 4—15 = Dupuk ke kɔth cï lɔ pok

THÄNDEEI YEE CƆƆK

KUINKUAGETHIMA

Lɔŋ

BƐNYDÏT , Yïïn , yïn man cï O pɔɔc wu luɔida ëbɛn luɔi yee yic ciën nhiëër , ee yaa

ciɛɛliic ( luethic ) Tuuc Wëëidïït Lajik, ku wäl-ë Opuööth mɔc piɛɛth de nhiëër . Yen ee

duöt de dɔɔr ku kapath kedhiɛ . Ku ran yee tɔ të cïn-e , ee ciët kë cï thou në Yïnyin ,

cɔk bɔ në Wäntöŋdu Yecu Kërïtho . Amen


Thön 1Korinthooi 13. 1-13 = cït ke Nhiëër ku piathde

Wëlpath Luk 18. 31-43 = Yecu acï thonde tïŋ tueeŋ ku lëk kɔc.

KÖL TUEEŊ DE THIËËL,

YEE CƆƆL WËNHDEEI DE

ŊETH

Lɔŋ

NHIALINY Nɔŋ riɛɛl ëbɛn ku yee ceŋ athɛɛr , yïïn man cïn kë yee maan në ka cake cak,

ku yee karɛc ke kɔc yee kepuööth wel puöl, Bɛɛr-ë puööthkua , bɛrëke cɔk yee puööth

jöt , ku yeekï dhiaau, buk duɔɔt në karɛckua në yic , ku gamkuke , ku buk pɛl path

lööm në yïïn , yïïn NHialiny de käc de puööu ëbɛn ,në Yecu Kërïtho Bɛnydïïtda. Amen

Yee lɔŋ-ë abïï yaa lueel në nyindhiɛ në thiëël të lɔŋ de yee kööl-ë thök

YEEN ee mɛɛn ,aluel Yekoba , ye wɛlkä röt ɣɛɛn në puönduun ëbɛn ,në thiëël , ku në

dhiëëu, ku duɔɔt, ku rɛtkä wepuööth , ku cie alath , ku wɛlkä röt Yekoba NHialinyduön ,

yen-ë ka nɔŋ piath ku käc de puööu, aciee dac ɣök , ku kee kɔc kony, ku kee rɛɛc

puöl. Ŋa nyic-e në cï rɔt bï dhuk ku wel rɔt , duökkä bï athiɛɛi waan ,agut mɔc de

miëth ku mɔc de dëk të nɔŋ Yekoba NHialinyduön ? Kuɔthkä tuuŋ në dhiön , wɛkkä

thiëël Lajik , calkä röt në guëër lɔ dïu de riëëu , kuöötkä kɔciic , ku cakkä duut lajik,

kuöötkä röör dïtkuöniic , ku mïththii, kek-ë ka thuët ( tiëk ),në ran thiëk lɔ biic ɣönde

, ku në nyan thiak wan tëden ciëŋ. Në bäny ke kakke NHialic, kɔc yee awuut ke

Yekoba , nëke dhiau në kaam de gɛɛr kek-ë kän-ë köc , ku yeekï jam , Yïï pɛl kɔcku .

Yekoba , ku duk-ë dïtdu Yïn rɛɛc , duökkä kek bïï juöörke yaa dɔk , yee ŋu bïk kek

yaa jam në juööric , Yïï tɔ NHialinyden tëyo ?


Thön Joel 2.12 = cɔt ba yïpuöu wel në thiëël

Wëlpath Mathäyo 6.16-21 = Thiëëldu bïi NHialic nyic ye tök

THÄNDEEI TUEEŊ DE

THIËËL

Lɔŋ

BƐNYDÏY , yïïn man ëyï cï thiëël ɣɔn në Ook në akööliic kee thiër ŋuan ku wëriic kee

thiër ŋuan ( nïn thiër ŋuan ) . Yiën-ë O puööth nyiɛŋ de röt bï guöpkua röt yaa gäm

Wëëidïït ku buk wëlku yaa gam në lajik ku në lacar , bïï yï yaa leec ku yee yï nhoom ,

Yïïn man yee pïïr ku ciëŋ-ë wek-ë Wuur ku Wëëidïït Lajik, yakä NHialiny tök athɛɛr

wadɛ . Amen


Thön 2Korinthooi 6. 1-10 =Cïtke luɔi de wɛt-ë NHialic

Wëlpath Mathäyo 4.1-11 = Yecu acï Thiëël

THÄNDEEI DE ROU DE

THIËËL

Lɔŋ

NHIALINY Nɔŋ riɛɛl ëbɛn , Yïïn yee O tïŋ ke O cïn riɛɛl yee Ok röt kony , yee O muk

gup në biäk biic , ku tïïpkua në baŋ thïn , ba O yaa gël në ka bï O yiën yaa dhal në

Ogup , ku në tɛŋ rɛɛc bï yiën yaa ɣëët ke tïïpkua ku yee ke yɔŋ , në Yecu Kërïtho



Thön 1Thethalonikeei . 4.1-8 =yee layuic buɔɔth cök

Wëlpath Mathäyo 15.21-28 = Kë yee lueel ee yï ca rac

THÄNDEEI DE DIÄK DE

THIËËL

Lɔŋ

Yïïn läŋku , NHialiny Nɔŋ riɛɛl ëbɛn , ba nyin yaa tïït në ka yeeku ke göör në Opuööth ,

Ok awuutkun koor puööth , ku yee cin de Riɛɛldu thiiu , bï yaa gëlda në ka yee teer

kek-ë Ook kedhiɛ , në Yecu Kërïtho Bɛnydïïtda . Amen

Buk Rinke cök ŋuun

Thön Epethooi 5.1-14 = Ba cath në nhiëëric , ɣɛɛr ku nyïc

Wëlpath Luk 11. 14-28 = ɣön cï ye yic tek acie kɔɔc

THÄNDEEI DE ŊUAN DE

THIËËL

Lɔŋ

CƆK O , Ok läŋ Yïïn , NHialiny Nɔŋ riɛɛl ëbɛn, Ok kɔc yeeke waai apiath në

karɛckua , cɔk O yeeke kony në athiɛɛidu , në Yecu Kërïtho Bɛnydïïtda . Amen


Thön Galataai 4.21-31 Lööŋ ke mät kaarou

Wëlpath Jɔn 6.1-14 = Yecu acï raan 5,000 cääm

THÄNDEEI DE DHIËC DE

THIËËL

Lɔŋ

YIIN läŋku NHialiny Nɔŋ riɛɛl ëbɛn , ba kɔcku yaa tïŋ në käc de Yïpuööu , bïï ke yaa

dɔk ku yeeke gël athɛɛr , kegup ku tïïpken , në piath dïïtdu në Yecu Kërïtho

Bɛnydïïtda. Amen


Thön Eburuu 9.11-15 =Të de duöör Lajik tɔ pan nhiaal

Wëlpath Jɔn 8.46-59 = Yecu ee tɔ ɣɔn aŋoot Abëram wei

THÄNDEEI ŊÄÄR NË KÖÖL

DE JÖT

Lɔŋ

NHIALINY Nɔŋ riɛɛl ëbɛn ku yee ceŋ athɛɛr , Yïïn , yïn man cï Wëndu , Yecu Kërïtho

Duluäŋda , tuööc në nhiëër nhiɛɛr Yïn kɔc , bï guöp ciët O , ku bï thou guum në

Tiɛmageer kɔu , bï raan ëbɛn bë kuurdïïtdeen de puööu bë yaa käär . Në käcdun de

puöu në yee O cɔk mɛt në jön de rɔtde , në yeen ee mɛɛn , Yecu Kërïtho Bɛnydïïtda

. Amen


Thön Pilipooi 2.5-11 = Koor-ë rɔt piny ku jat-ë Yecu nhial

Wëlpath Mathäyo 27. 1-54= Guöm de Yecu

MÄNDEEI ŊÄÄR NË KÖÖL

DE JÖT

Thön Yïthäya 63.1—19

Yeen ee ŋa ëkë bɔ në lɔŋ-ë piny de Edome , kek-ë alɛth cïike guel në bothura , ku

ciëŋ alɛth ke nhuɔɔm , ku yee cath në riɛɛl dïit de aŋoŋde ? Ee ɣɛɛn ɣan man yee

jam në Lajik ku naŋ riɛɛl de luäk . Yee ŋu yee alɛthku thiɛth , ku yeekï ciët alɛth

ke ran de nhiëny de abiëc? Ɣan cï abiëc nhiac atök, ku juöör ëbɛn acïn ran töŋ ëtɔ

thïn ke ɣa , ee yic , aacake dum në ɣɔɔkdië , ku riɛmken aa weer në alathcië gup,

ku ɣan cï aläthcië nyuil kedhiɛ . Kööl de guur ee tɔ në ɣa puööu , ku kööl de

këdiën cïi waar ee bɛn . Guɔɔ ɣanyin jɔt , goo ciën ran kuny , guɔ gäi në ciën ran

töŋ kääc , Goo aŋoŋdië ɣa yiën luäk , ku muk kɛc de ɣa puööu , muk ɣa. Guɔɔ juöör

dum në ɣɔɔkdië , ku cakke amuöl në akɛc de ɣa puööu, ku wäl riɛmden në tiɔp

nhom . Ɣan bï nhiëër de käc-ë puööu de Yekoba yaa lueel , ku pɔny de Yekoba në

mɔc cïi Yekoba O muɔɔc , ku piathdïïtde të nɔŋ dhiën ( kuan ) de Yïthërɛl , cï yiënke

cï man de käc de yepuöu ,ku në dït de nhiëër de käc de ye puöu. Në ke cien jam ,

ye në yic pacɔk , aayee kaccië , mïth cïn yiic lueth , aakee yee duluɛŋden . Guöm

cïïke gum acien gum, ku kaacïi Malaikaide ke luök, aa cïke luök në nhiëër ku në

nyinkuɛɛnyde, ku kaake yeeke ɣääc ku jɔtke ɣɔn thɛɛr . Gokï teer ,ku cɔkkï jɔŋden

lajik duööt, ago naŋ ater kek-ë keek, ku ɣëët kek-ë keek. Ana rëk ke ber yenhom

ciët në aköl thɛɛr ɣɔn, në Mothe , ku kɔcke , jiɛɛm . Ye yeen ako , yen man ëbïi ke

bei, bɛkke baric kek-ë abök de thäkke ? Yeen ako, Yeen man ëtɛɛu joŋden lajik në

keciɛɛliic ? Yeen yen man ëkɔŋ nhuɔɔmde cɔk yee ciin cuëëc de Mothe, Yeen yen

man ëcï piau tekic në ke nhïim bë rɔt cäk rinke athɛɛr ? Yeen , yen man cïke ŋɔɔr

kööl cïi ajɔŋköör bak rokic ( roor ) , bïk cuök yee kɔth ? aacïi jɔŋ de Yekoba ke cɔk

lɔŋ , cï ɣɔk yee lɔ në lɔkic , Yeen yïn cï kɔcku ŋɔɔr , ba rɔt cäk rin ke nhuɔɔm .

Wël yïnyin nhial , ku daai-ë pan nhom de lajik ku në nhuɔɔmdu, tɔ kɔɔrdu tëyo

kek-ë riɛɛldu ? göör yïn O göör ku käc de yïpuööu aathiɛɛk wei të nɔŋ ɣɛɛn. Ku yïin

yee awada , Naa cɔk amë kuc Abëram O , ku këc Yïthërɛl O nyic ke yïin tɔ ke yï

yee Wääda. Riɛnku aayee O waar athɛɛr. Yekoba yee ŋu cɔk yïin O athiɛI në yï cin ,

ku yee ŋu cɔk yïin O aril puööth në riëudu ? Dhuk rɔt ciëën në wɛtde aluɛkku ,

kuanyduun cïi bär yï, Acïi kɔckun lajik lööm ëmääth , ku lajikdu acïi kɔc ke ater rac.

Ok aacï ciët kathɛɛr , cuk ciët ka kɛc-ë kaŋ mac. Ka këc-ë ke kaŋ cɔɔl në Riɛnku.


Thön Yïthäya 63. 1- = Bɛnydït ee Duluk ku yee Duluɛɛk

Wëlpath Mak 14. 1—72 = Döm de Yecu ku nääkde

Tiöthudeei Ŋäär NË KÖÖL

DE JÖT

THön Yïthäya 50.5-11

BƐNYDÏT NHialic ee ɣa liëp yïc, ku ɣɛɛn akëc kɛɛc wei në Ye cin, ka ca cak jääl tɔŋ-

e , ɣɛɛn cï akɔu wɛl kɔc biɛk ɣa, ku wɛl ɣa gëm ran nyueth ɣathok në nhïm, ɣɛɛn këc

nyin nyop ku tääu ɣa nyin nëkë ŋuut anyin. Në ŋu Bɛnydït NHialic abï ɣa kony,

aɣɛɛn cï bɛɛr guöp many ,aɣɛɛn cï nyin ciët ŋëëm , nëkë nyiɛc ɣɛn-e ke ɣa cï guöp

bë yär, Yeen man yee ɣa cɔk alɔjik athiök në ɣa lɔɔm. ee ŋa bï teer yaa lëu në

ɣanhom ? kɔɔcëko atök . Ee ŋa mɛɛn ke ɣa ? cɔk acut rɔt në ɣa lɔɔm daa. Pacɔk

Bɛnydït NHialic abï ɣa kony . Ku yee ŋa ëmënë ëkënë ɣa luökwei ? Pacɔk aabï yaa

dhiɔp abïk nyuän cï alanh-ë kɔu. ku kaabïï nyuannyuaan cam . Ku yee ŋa de week

yee riööc në Yekoba ? Ee ŋa yee röl de Awutde riëëu ? Yeen man yee cath në

muööthic, ku ka cïn ɣɛɛr tɔ ke ye ? cɔkkä ayee Rinke Bɛnydït gam të cïn dak-ë

puöu thïn ku yee rɔt geei në NHialinyde . Tiëŋkä , week wedhiɛ wek kɔc yee mac

dɛɛp ku yaakä thiep ku atiap ruök në wekɔɔth, cathkä në ɣɛɛr de many cak cuönyic

ku në thiepkuön cak tiaapiic. Kän yen abak lööm në ɣa cin , wek bï yaa tɛc piiny në

dhiëëuic .


Thön Yïthäya 50.5-11 = Cuök riööc-ë nyin ku yee NHialic kɔc kony

Wëlpath Mak 15.1-39 = Mëlëŋ de Judaai acïi piäät

WINHDEEI ŊÄÄR NË KÖÖL

DE JÖT


Thön Eberuu 9.16—27 =Ee ciën päl de awäc të cin en riɛm cï kuër

Wëlpath Luk 22.1—71 = Petero acï Yecu jai gopuöu dhiaau arac

THÄTHIDEEI ŊÄÄR NË KÖÖL

DE JÖT


Thön 1Korinthooi 11. 17…34 = Yee rɔt caar të looi-ë Män Lajik

Wëlpath Luk 23. 1—49 = Yecu në nyin de Barabäthic

PËRAITDEEI PIATH

( Aköl-ë Dhiëc path )

Lɔŋku

NHIALINY Nɔŋ riɛɛl ëbɛn. Yïïn läŋku ba yee dhiënduun-ë yaa tïŋ apath , dhiën cïï

Yecu Kërïtho Bɛnydïïtda cien gɛɛny gam , ku tɛɛu-ë ye në kɔc rac cin, ku guum en

thou në Tiɛmageer kɔu , Yeen man yee pïïr ku yee dɔk kek-ë Yïïn ku Wëëidïït Lajik ,

Yaakä NHialiny tök athɛɛr wadɛ. Amen

NHIALINY Nɔŋ riɛɛl ëbɛn , ku yee ceŋ athɛɛr , Yïïn , yïn man yee guöp de Kaniitha

ëbɛn dɔk ku cɔk ɣer në Wëëidïïtdu ,löm lɔŋdɛɛn lɔŋ Ok Yïïn në raan ëbɛn tɔ në

Kaniithadun lajikic , bï kɔckä kedhiɛ bïk Yï yaa luööi në yic ku në lajik në luɔi ca

yiënke në Bɛnydïïtda ku Duluäŋda Yecu Kërïtho . Amen

NHIALINY kɔc puööu , Yïïn man cï kɔc kedhiɛ cak , ku acïn ke man nëka cake cak

, ku cïï ran yee rɛɛc looi yee göör bï thou, ee bï rɔt yaa wɛl wei në luɔi racic bï yaa

pïïr, yee puöu käc në Judaai, ku Mathiliim ,ku kɔc kɔk kuc Yï, ku kɔc cï gämden

wuööcic . Nyaai-ë kuny-ë käŋ, ku riɛlde puöu, män de wɛtdu të nɔŋ keek , ku bɛɛi-

ë ke në bɔɔŋduic Bɛnydïït cïïthieei, bïïke luök kek-ë Yïthërɛl yic , ku bïïke mät në

böŋ tökic në abök tök cin, Yecu Kërïtho Bɛnydïïtda ,man yee pïïr ku yee dɔk kek-ë

Yïïn ku Wëëidïït Lajik , yaakä NHialiny tök ,athɛɛr wadɛ . Amen


Thön Eberuu 10.1..25 = ba dïk-ë yaa pïir në gäm

Wëlpath Jɔn 19.1..37 Acï thök

THEEI DE KÖÖL

DE JÖT

Lɔŋ

BƐNYDÏT , naa cïiïO jäl baptïth në thon de Wëndun Cïïthieei Duluäŋda Yecu Kërïtho

, ke Yïïn cɔk O beerëke thiök Ok-ë yeen , në thon yee Ook kakkuan yee luɛl

yeekuke nhiaar cɔk athou , ku buk lɔ në yum de jön de rɔtic në raŋ, ku në thoŋ de

thou , në piathde , yeen man cï thou , ku thiɛk , ku beer rɔt jɔt në Ook , Yecu



Thön 1Petero 3.17..22 = Ba gum në luɔi-ë këpath ku aciee luɔi-e kërac

Wëlpath Mathäyo 27.57—66 = Yecu acïi thiök ne Raŋ de Jothepic

KÖÖL DE JÖT

Ke Anthemkä aabïi yaa ket të nyic-ë ye naa kuc ka yee lueel, në nyin de Din-ë

Dabidic , Din cɔl Bääkkä këëtku Bɛnydït.

RƐTDA ee Yecu Kërïtho acïï nɔk nëkë da, ke yeen camku miëthdït , ke cinic awurro

thɛɛr, ku cinic män ka rɛɛc , në camku në yee Mono cïnic Awurro në yee kë de

puön ɣɛɛr ku yic.

1Korinthooi 5.7

ANYICKU Kërïtho acï rɔt jɔt në thouic pacɔk , thou aci ber riɛl në ye . ku yee kän

yen acien thou anaa tök , ku yee pïïr në yee kän , të nɔŋ NHialic . Ku week bak yaa

thou në rɛɛc , ku piërkä në NHialicic në Yecu Kërïtho. Romaai 6.9—11

Kërïtho ee rɔt jɔt në thouic , ee yaa akeeŋ de kɔc yee niin. Thou ee bɔ në raan, ku

ber jön de röt bɛn në raan . Acït më yee kɔc thou kedhiɛ në Adam , yen-ë kee tëde

akan bïïke yaa pïïr në Kërïtho . 1Korinthooi 15.22

Ee yaa bï nhuɔɔm yaa tɔ kek-ë Wun ku kek-ë Wä ku bï yaa tɔ ayɛ kek-ë Wëëidïït

Lajik.

Acït ɣɔn thɛɛr tueeŋ ku yee mɛɛn ku athɛɛr wadɛ. Amen

Buk Rinke Buk Cök ŋuun

Thön 1Korinthooi 5.7-8 Yecu Kërïtho ee muɔr de Rɛt

Thön 1 Korinthooi 15. 22 pïir bïikɔc yaa pïir në Yecu

Thön Romaai 6.9--11 Yecu acï thou tiaam , thou acï ber riɛl në Yecu

Lɔŋ

NHIALINY Nɔŋ riɛɛl ëbɛn , Yïïn ,yïn man cï thou tiaam në wäntöŋduunë bɔ bei ,

Yecu Kërïtho, ku ca O liëp thoŋ de pïïr athɛɛr, Yïïn läŋku në puööth koor , tɛɛu yïn

tuil path tääu në Opuööth në athiɛɛidun yee O ŋɔɔr , yee Yïïn O cool në kuny buk

kapath yeekuke göör bukke yaa looi apath ,në Yecu Kërïtho Bɛnydïïtda yee pïïr ku

yee dɔk kek-ë Yïïn ku Wëëidïït Lajik, yaakä NHialiny tök agut athɛɛr wadɛ. Amen .


Thön Kolothaai 3.1—11 Piëërdu acïi tɔɔ në Kërïthoic në NHialicic

Wëlpath Jɔn 20. 1—10 Yecu Aliu Rɛɛŋ ee rɔt jɔt

MÄNDEEI DE WÏK DE

KÖÖL DE JÖT

Lɔŋ







Thön Dutuuc 10.34—43 Yecu ee Duluŋ de kɔc pïir ku kɔc cï thou

Wëlpath Luk 24.13—35 Agäi kɔc kuc käŋ ku cïk wël yee dac nyic

ThIÖThDEEI DE WÏK DE

KÖÖL DE JÖT

Lɔŋ







Thön Dutuuc 13. 26—41 Lacɔk ke NHialic në gä de Yecu

Wëlpath Luk 24. 36—48 Ee dɔɔr yaa tɔ ke we

ThÄNDEEI TUEEŊ DE

JÖT CÖK

Lɔŋ

AWADƐN Nɔŋ riɛɛl ëbɛn ,Yïïn ,yïn man cï Wäntöŋdu gam bï O kɔc në Karɛckua , ku beer

rɔt jɔt bï O cɔk lajik, cɔk O anyiɛɛi awurro de män de rɛɛc , buk Yï yaa luööi në lacar de

pïïr ku yic , në piath de Wëndu Yecu Kërïtho Bɛnydïïtda . Amen


Thön 1Jɔn 5.4—12 Dulëëk kaadiäk nhiaal ku diäk në pinynhom

Wëlpath Jɔn 20.19--23 wek aatuɔɔcke ku wëëi në kenhïim

ThÄNDEEI DE ROU DE JÖT

CÖK

Lɔŋ

NHIALINY Nɔŋ riɛɛl ëbɛn , Yïïn ,yïn man cï Wäntöŋdu gam bï yaa kɔɔc de Karɛɛckua,

ku yee kɛɛr de pïïr lajik ayɛ, yee O yiën athiɛɛi buk ye mɔc piɛɛth-ë yaa lööm në lɛc, ku

buk cökken cïïthieei yaa them në kuënyëiic aluööt, cök ke pïïrdeen lajik arëët, në Yeen

ee mɛɛn yen Yecu Kërïtho Bɛnydïïtda . Amen


Thön 1Petero 2.19—25 Karɛckua aacïi Yecu ke jɔt në piɛɛt-ë ke ke

Wëlpath Jɔn 10.11-16 Abök thökku böök

ThÄNDEEI DE DIÄK DE

JÖT CÖK

Lɔŋ

NHIALINY Nɔŋ riɛɛl ëbɛn , Yïïn, yïn man yee kɔc nɔŋ ke cïkke wuööc nyuöth ɣɛɛr de

yicdu , bïk kenhïïm dhuök dhöl lajik , Yee kɔc kedhiɛ ,kɔc yee mat në luɔi de Kërïtho

,yeeke cɔk nyiɛɛi ka yee teer kek-ë gämdɛn , ku yeeke cɔk loi ka yee röt tiiŋ kek-ë

gämden,në Yecu Kërïtho Bɛnydïïtda. Amen


Thön 1Petero 2.11-17 Gɛm de Bääny tɔ në Miiric baai

Wëlpath Jɔn 16.16—22 Dhiën de kɔc cïgam ku wel rɔt ke yee miɛt de puöu

ThÄNDEEI DE ŊUAN DE

JÖT CÖK

Lɔŋ

NHIALINY Nɔŋ riɛɛl ëbɛn , Yïïn –ë kee puööth ke kɔc ciee lëu në dök dɔk ku kɔɔr de

kɔc rɛc , Yee kɔcku cɔk yee lööŋku nhiaar ,ku yeekï ka yeeke lueel göör , bï puööthkua

,ka yee tɔ në ka yee la weerer ke piny nhomiic , bïk yaa dïk-ë kɔɔc të yen-ë yum de

puöu yic yök thïn, në Yecu Kërïtho Bɛnydïïtda. Amen


Thön Jakob 1.17—27 = Apiŋ moth yïith në piŋ

Wëlpath Jɔn 16.5—15 = Luɔi de Wëëidïït Lajik

ThÄNDEEI DE DhIËC DE

JÖT CÖK

Lɔŋ

BƐNYDÏT , kapiath kedhiɛ aayee bɛn të nɔŋ Yïïn. Yee O , Ok awuutkun koor puööth ,

yee O cɔk yee kapath tak në wëëi Lajik yee yiën O , ku cɔk ayeeku looi në doŋduun de

käc de Yïpuööu , në Yecu Kërïtho Bɛnydïïtda. Amen


Thön Jakob 1.22—27 = Pïŋ de Wɛt ku loi

Wëlpath Jɔn 16.23—33 = wek aa bï thiäi në ɣanhom ku dɔŋ atök

KÖÖL DE LƆ NhIAL

Lɔŋ

YÏÏN läŋku , NHialiny Nɔŋ riɛɛl ëbɛn ,në Ook , Ok kɔc yee lɔ cïï Wäntöŋduun-ë bɔ bei ,

Yecu Kërïtho Bɛnydïïtda , cien lɔ nhial gam , buk yaa lɔ nhial ayɛ në Opuööth ku në

täŋda ,ku yeeku ceŋ në nyindhiɛ Ok-ë yeen , yeen man yee pïïr ku yee dɔk kek-ë Yïïn

ku Wëëidïït Lajik , yaakä NHialiny tök athɛɛr wadɛ . Amen


Thön Dutuuc 1.1—11 = Yecu acïi jat nhial ke dɛɛi-ë

Wëlpath Mak 16.14—20 = Ran ciee gam abïi luökwei

ThÄNDEEI DE KÖÖL DE

LƆ NhIAL CÖK

Lɔŋ

NHIALINY Mëlëŋ de nhuɔɔm ,Yïïn , yïn man cï Wäntöŋdu Yecu Kërïtho jat nhial në

tiɛm dït laar-ë pan nhiaal në ceŋdeic , Yïïn läŋku , wu duk-ë O yee nyääŋ wei të cïn

duöt de puööu. Tuöc-ë O Wëëidïïtduun Lajik bïk O yaa duut puööth ,ku bɛr-ë O jat të

cïï Duluäŋda Kërïtho O ŋäär thïn , yeen man yee pïïr ku yee dɔk kek-ë Yïïn ku Wëëidïït

Lajik , yaakä NHialiny tök athɛɛr wadɛ . Amen


Thön 1Petero 4.7—11 = Ba luui ku guöm-ë nënhuɔɔm de NHialic

Wëlpath Jɔn 15. 26--27 Bɛn de Dukuny , Wëëi de Yith

ThÄNDEEI ƔER

Lɔŋ

NHIALINY, Yïïn ,yïn man ëcï puööth ke kɔckun nɔŋ adöt pɔɔc ɣɔn wälɛ cït-ëmɛɛn , në

tuuc cïnke tuöc ɣɛɛr de Wëëidïït Lajik , cɔk O cɔk ayee luɔi puɔɔth de käŋ kedhiɛ nyic në

Wëëidïït töŋ-ë , ku yeeku puööth miɛt athɛɛr në duötden lajik yen O duut puööth ,në

luɔi piɛɛth de Yecu Kërïtho Duluäŋda ,man yee pïïr ku yee dɔk kek-ë Yïïn ku Wëëidïït

Lajik , yaakä NHialiny tök , athɛɛr wadɛ . Amen


Thön Dutuuc 2.1—11 = Bɛn de Wëëidïit Lajik

Wëlpath Jɔn 14.15—31 Ciëŋ de Wun ku Wä në Ook kɔc cï gamiic

MÄNDEEI DE WÏK DE

ThÄNDEEI ƔER

Lɔŋ







Thön Dutuuc 10.34—48 Ran yee riööc në NHialic ku looi këpath ayee gam

Wëlpath Jɔn 3.16—21 Kɔc aanhiar rëër në cuɔlic arëët awär rëër në ɣɛɛric

ThIÖThDEEI DE WÏK DE

ThÄNDEEI ƔER

Lɔŋ







Thön Dutuuc 8.14—17 Mɔc de NHialic aciee ɣɔɔc në wëu

Wëlpath Jɔn 10.1--10 Cuär ee lɔ ɣöt në rɔk nhom

ThÄNDEEI DE DIÄŊDÏT

ThÄNDEEI DE DIÄŊDÏT

Lɔŋ

NHIALINY Nɔŋ riɛɛl ëbɛn , ku yee ceŋ athɛɛr , Yïïn , yïn man cï O yiën athiɛɛi buk gäm

yic yaa döt , ku yeeku nhuɔɔm de Diäŋdït athɛɛr gam, ku yeeku dɔɔr ke yee etök në

riɛɛl de Dïtdïïtde. Yïïn läŋku , ba O yaa cɔk alacäp në yee gämëic , ku ba O yaa gël

athɛɛr në ka yee O dhal ëbɛn, Yïïn man yee pïïr ku yee dɔk , ku yee NHialiny tök, athɛɛr

wadɛ. Amen .


Thön Nyooth 4.1—11 = Thööc ku Duör de Pan nhiaal

Wëlpath Jɔn 3.1—16 = Dhiënh de Rou

ThÄNDEEI TUEEŊ DE

DIÄŊDÏT CÖK

Lɔŋ

NHIALIC , Yïïn , yïn man yee riɛɛl de kɔc yee röt gɛi yï kedhiɛ , piŋ lɔŋda në käc de

yïpuööu , Ok yee niööp në Ogup ka yee thou , ëka cïn kë puɔɔth yeeku lëu në luɔi të

liiu Yïïn kek-ë Ook. Yeen yee O kony në athiɛɛidu , buk Yï yaa cɔk amit puööu në

puööthkua ku në luɔida në muŋ bïï Ok lööŋku yaa nyiɛc muk , në Yecu Kërïtho

Bɛnydïïtda. Amen .


Thön 1Jɔn 4.7—21 = NHialic ee nhiëër

Wëlpath Luk 16.19—31 = Ladhoro pan-ë ran cï Bäny

ThÄNDEEI DE ROU DE

DIÄŊDÏT CÖK

Lɔŋ

BƐNYDÏT , Yïïn , yïn man yee kɔc kony ku yeeke dɔk , kɔc yeeke pɔɔc në riëëu ku

nhiëërdu , yee O gël, Ok läŋ Yïïn , në tïŋ yee Yïïn O tïŋ apath , ku yee O cɔk ayee

Rinkuun Lajik riëëu ku yeekuke nhiaar athɛɛr , në Yecu Kërïtho Bɛnyïïitda . Amen


Thön 1Jɔn 3.13—24 = Ran yee mɛnh-ëmaan ee yaa atiir

Wëlpath Luk 14.16—24 = Miënh dïit de Thiëëk ku kɔc cï jaai

ThÄNDEEI DE DIÄK DE

DIÄŊDÏT CÖK

Lɔŋ

BƐNYDÏT , Yïïn läŋku ba O yaa piŋ në käc de Yïpuööu , Yee O, Ook kɔc cake cɔk anɔŋ

puööth buk yaa lɔŋ në tuöc-ë puöu , yee O cɔk agëlke në kuny dïïtdu , ku yee O gël ku

yee O duut puööth në ka yee O nɔk kedhiɛ ku ka yee teer kek-ë Ook. në Yecu Kërïtho



Thön 1Petero 5.5—11 = Dït-ë puöu amɛɛn NHialic

Wëlpath Luk 15.1-10 = Parabol de amäl töŋ cï määr

ThÄNDEEI DE ŊUAN DE

DIÄŊDÏT CÖK

Lɔŋ

NHIALIC , Yïïn , yïn man yee dugël de kɔc yee röt gɛi Yï, ku cïn kë yee riɛl ku yee

Lajik të cïn Yïïn , Yee O juɛk käc de Yïpuööu , ku yee O dɔk ku yee O ŋɔɔr , buk

kakke piny nhom yaa bakiic , duökke Ok bï ka yee ceŋ athɛɛr yaa wuööc. Yiën-ë O

ëkän Awadɛn nhiaal , në Yecu Kërïtho Bɛnydïïtda . Amen


Thön Romaai 8.18—23 = jääl në guömic lɔ në nhuɔɔmic

Wëlpath Luk 6.36—42 =Athëm yïin them yenabïn yï yaa thɛm

ThÄNDEEI DE DhIËC DE

DIÄŊDÏT CÖK

Lɔŋ

BƐNYDÏT , Yïïn läŋku ,yeeka yee kɔcke looi në piny nhom , yeeke cɔk ayeekïke looi

në dɔɔr ku në döŋ Yïïnke dɔk, bï Kaniithadu këdu yaa looi në puön mit ku në lɔ dïu

lajik, në Yecu Kërïtho Bɛnydïïtda . Amen


Thön 1Petero 3.8—15 = Yïïn acïï cɔɔl ba yaa athiɛɛi

Wëlpath Luk 5.1—11 =Atooc kee ŋuan cïi cɔɔl ëke yee Duttuc

ThÄNDEEI DE DhËTEM

DE DIÄŊDÏT CÖK

Lɔŋ

NHIALIC , Yïïn , yïn man cï kapath juër kɔc yee Yï nhiaar , ka wär nyïny de raan ,

Wäl-ë Opuööth ye nhiëër-ë , buk Yï yaa nhiaar në käŋ nhïïm kedhiɛ , buk ka cïï

lueelku yaa lööm ka wär ka yeekuke göör , në Yecu Kërïtho Bɛnydïïtda . Amen


Thön Romaai 6.3—11= Ok aacï thou në Baptïnhda

Wëlpath Mathäyo 5.20—26 = duk-ë yee ɣök

ThÄNDEEI DE DhOROU

DE DIÄŊDÏT CÖK

Lɔŋ

BƐNYDÏÏTde riɛɛl ëbɛn , Yïïn , yïn man yee Mëgöc ku yee Dumöny de käŋ kedhiɛ ,

cuöm-ë Opuööth nhiëër de Riɛnku , ku cɔk duör yic de gäm cɔk ayee dït në Oiic ,

ku yee O miëëth në kapath ëbɛn , ku yee O muök në käcdït de Yïpuööuic , në Yecu

Kërïtho Bɛnydïïtda. Amen


Thön Romaai 6.19—23 = Aluɛk ke rɛɛc lɔ në luɛɛk de Lajikic

Wëlpath Mak 8-1—9 = Yecu acï raan tiim keeŋuan cääm

ThÄNDEEI DE BƐT

DE DIÄŊDÏT CÖK

Lɔŋ

NHIALIC , Yïïn , yïn man yee käŋ kedhiɛ cɔk bɔ , kapiiny ku kanhiaal , në

mɔcduun ciee thök , Ok läŋ Yïïn në puööth koor ba ka yee O nɔk kedhiɛ yaa nyaai ,

ku yee O yiën ka yee kapath të nɔŋ Ook , në Yecu Kërïtho Bɛnydïïtda . Amen


Thön Romaai 8.12—17 = Ok aacïiNHialic ke muk

Wëlpath Mathäyo 7-15—21 = aabak yaa nyic në luɔk yee kek luɔk.

ThÄNDEEI DE DhOŊUAN

DE DIAŊDÏT CÖK

Lɔŋ

YÏÏN läŋku , Bɛnydït ,yiën-ë Opuööth luɔi de ka yee piath bukke yaa tak ku

yeekuke looi në nyindhiɛ ,ku yee O , Ok kɔc ciee kë yee këpath ëbɛn yee lëu në luɔi

, yee O cɔk ayee pïïr lëu cï man de Yïpuööu , në Yecu Kërïtho Bɛnydïïtda. Amen


Thön 1Korinthooi 10. 1—13 = Raan timthiërrou ku diäk acï thou

Wëlpath Luk 16.1-9 = Makuet kuc muknë käŋ

ThÄNDEEI DE THIÄÄR

DE DIÄŊDÏT CÖK

Lɔŋ

CƆK yïïthke käc de Yïpuööu , Bɛnydït , cɔkke ayee ɣɔɔr në lɔŋ de awuutkun koor

puööth , ku yeeke cɔk ayee ka yee miɛt në Yïpuööu thiëëc në lɔŋdenic ku yeekïke

lööm , në Yecu Kërïtho Bɛnydïïtda . Amen


Thön 1Korinthooi 12.1—11 = Mɔc de wëi kuötic

Wëlpath Luk 19. 41—47 = Go Yecu Dhiaau

ThÄNDEEI DE THIËËR KU

TÖK DE DIÄŊDÏT CÖK

Lɔŋ

NHIALIC , Yïïn , yïn man yee kɔc cɔk nyic riɛɛl dïïtdu në nyooth Yïin käcde Yïpuööu

ku nyinkuɛɛnydu nyuɔɔth, Yiën-ë O athiɛɛi dïït yïn-ëkɛɛ në käc de Yïpuööu , buk

lööŋku yaa kuanyiic , ku yeeku ka cïï lueel piɛɛthku yaa lööm , ku buk naŋ biäk de

wëukun nhiaal , në Yecu Kërïtho Bɛnydïïtda . Amen


Thön 1Korinthooi 15. 1—11 =Yecu acï thou në rɛɛcda ku jɔt rɔt

Wëlpath Luk 18.9—14 = Ran de Päräthaai ku Mëjuër lɔ lɔŋ

ThÄNDEEI DE ThIËËR KU

ROU DE DIÄŊDÏT CÖK

Lɔŋ

NHIALINY Nɔŋ riɛɛl ëbɛn ku yee ceŋ athɛɛr , Yïïn , yïn man yee rëër ke Yï cï rɔt

juiir në pïŋ, abï lɔŋ yee Ok Yï lɔŋ wuör , ku muɔc Ok arëët abï ka cukke lim wuör ,

Wäl-ë Onhïïm dït de athiɛɛidu , ku päl ka yee nyïny de puööthkua ke riööc , ku

yee O yiën kapath, ku cïï Okke path, abukke yaa thiëëc tɔŋ Yï , aayee piath ku

door de Yecu Kërïtho Wëndu, Bɛnydïïtda . Amen


Thön 2Korinthooi 3.4—9 = Ran-ë wëi de kak-ë NHialic

Wëlpath Mak 7.31—37 = Yecu acï miŋ liep yïith

THÄNDEEI DE THIËËR KU

DIÄK DE DIÄŊDÏT CÖK

Lɔŋ

NHIALINY Nɔŋ riɛɛl ëbɛn ku käc de puööu , Ee mɔc yiën kɔckuun nɔŋ adöt , kän

yen-ë kee ke cɔk luui Yïïn në luɔɔi yee yic naŋ pɔny . Yïïn läŋku , ku buk Yï yaa

luööi në adöt në yee pïïr-ë , buk ka cïï lueelkun nhiaal cuök yee wäc , në piath de

Yecu Kërïtho Bɛnydïïtda.. Amen


Thön Galataai 3.16—22 = akëc-ë bär kɔc , acïi than në luɛl

Wëlpath Luk 10.23—37 = Parabol de Thämariya path


ŊUAN DE DIÄŊDÏT CÖK

Lɔŋ

NHIALINY Nɔŋ riɛɛl ëbɛn ku yee ceŋ athɛɛr ,yee gämda kek-ë ŋäthda ku nhiëër

yeeke cɔk ayee cil ku yee O cɔk anhiar lööŋku , buk ka cïï lueelku yaa lööm ,në

Yecu Kërïtho Bɛnydïïtda. Amen


Thön Galataai 5.16—24 = Buk yaa cath në wëëi de NHialic

Wëlpath Luk 17.11—19 = Yecu acï ran nɔŋ abïl ca puɔl


DHIËC DE DIÄŊDÏT

CÖK

Lɔŋ

YEE Kaniithadu muk në käc athɛɛr de Yïpuööu , Ok läŋ Yïïn , Bɛnydït , niööp niɔɔp

raan ee ye cɔk thuët kɔɔc, Yen yee O gël në koonydu në ka bï we yaa nɔk kedhiɛ,

ku yee O ŋɔɔr në käŋ kedhiɛ , ka bï göör yee Ok luäŋda göör yaa kony , në Yecu



Thön Galataai 6.11-18 = Nhiaam atɔ në Tiɛmageer kɔu etök

Wëlpath Mathäyo 6.24--34 = Duk-ë yee diɛɛr ku duk-ë bäny kaarou luui


DHËTEM DE DIÄŊDÏT

CÖK

Lɔŋ

BƐNYDÏT , Yïïn läŋku , cɔk nyinkuɛɛnyduun yee dhiac aye Kaniithadu waak ku yee

gël . Aciee tää yee lëu apath të cïn kunydu , yen yee nyiɛc muk në kunydu ku në

piathdu, në Yecu Kërïtho Bɛnydïïtda . Amen


Thön Epethooi 3.13—21 = Rin yee këriëëc ëbɛn ye nhiɔl yaa tuk

Wëlpath Luk 7.11—17 = Yecu acï manh-ëtiŋjɔɔk jɔt në thouic


DHOROU DE DIÄŊDÏT

CÖK

Lɔŋ

BƐNYDÏT , Yïïn yeeku lɔŋ , bï athiɛɛidu O yaa ŋɔɔr ku yee O buɔɔth , ku yee O cɔk

anɔŋ puööth buk kapath yaa looi akölriëëc ,në Yecu Kërïtho Bɛnydïïtda . Amen


Thön Epethooi 4.1-6 = Yaakä cath nëmätic

Welpath Luk 14.1—11 =Ran yee rɔt cɔk adït abïi yaa kuɔɔr piny


BƐT DE DIÄŊDÏT

CÖK

Lɔŋ

BƐNYDÏT , Yïïn läŋku , yiën-ë kacku athiɛɛi bïk thëm de kapiiny ku kakke guöp yaa

tiaam, ku bïk Yï yaa kuany cök në puööth lacar ku täŋ lacar , Yïïn NHialiny tök, në

Yecu Kërïtho Bɛnydïïtda . Amen


Thön 1Korinthooi 1.4—8 = NHialicacï kɔc cɔɔl në män-ë Wëndeic

Wëlpath Mathäyo 22.34-46 = Ee löŋŋo dït në lööŋiic ?


DHOŊUAN DE DIÄŊDÏT

CÖK

Lɔŋ

NHIALIC, naa liu të nɔŋ O, ke Ook ciee kë lee Yïin puööu yum yee lëu në luɔi . Në

Käc de Yïpuööu , në yee Wëëidïïtduun Lajik-ë , yen O dɔk puööth ku yee O ŋɔɔr në

Käŋiic kedhiɛ , Në Yecu Kërïtho Bɛnydïitda . Amen


Thön Epethooi 4.17-32 = Ran thɛɛr acïi nyaai ku rukku ran jöt

Wëlpath Mathäyo 9. 1-8 = Yecu aci karɛc ke ran cï ruääi puöl ku cɔk apuɔl

THÄNDEEI DE THIËR ROU

DE DIÄŊDÏT CÖK

Lɔŋ

NHIALINY Nɔŋ riɛɛl ëbɛn ku nɔŋ käc dïït de puööu, yee O muk në piathdïïtDu , Yïïn

läŋku ,në ka yee O nɔk kedhiɛ , buk yaa dik në Oguöp ku në tïïpkua , buk ka yee

tɔ në Yïpuööu yaa looi në puööth mit , në Yecu Kërïtho Bɛnydïïtda. Amen


Thön Epethooi 5.15-21 = Yaakä cath në nyïny-ë käŋic

Wëlpath Mathäyo 22.1-14 = kɔc cïï cɔɔl në thieekic aacï aluɛkla nɔk


KU TÖK DE DIÄŊDÏT

CÖK

Lɔŋ

YÏÏN läŋku , Bɛnydïït kɔc puööu,yiën-ë kɔckuun-ë Yï gam ,yiën-eke pälde awäc ku

dɔɔr , bïk yaa waak në karɛcken kedhiɛ ku bïk këdu yaa looi ëke ciee nhïïm ëliääp,

në Yecu Kërïtho Bɛnydïïtda . Amen


Thön Epethooi 6.10-20 = Näpkä röt në kakke thɔr-ë tɔŋ

Wëlpath Jɔn 4.46-54 = Yecu acï meth ca puɔl ke këc lɔ tëde meth


KU ROU DE DIÄŊDÏT

CÖK

Lɔŋ

BƐNYDÏT , Yïïn läŋku , ba Kaniithadu , man yee kɔcku yaa cɔk ayee rëër ke ke lajik ,

bïk yaa lääu në ka yeeke dhal kedhiɛ në gëldu , ku bïk Yï yaa luööi apath në puön

luɔɔi ,në nhuɔɔm de Rinku, në Yecu Kërïtho Bɛnydïïtda. Amen


Thön Pilipooi 1.3-11 = alɛcdït ku Lɔŋ

Wëlpath Mathäyo 18.21-35 = Aluaŋ cïn käc de puööu


KU DIÄK DE DIÄŊDÏT

CÖK

Lɔŋ

NHIALIC , Yïïn ,yïn man yee tëdiën-ë thiaan ku yee riɛɛlda ,ku yee Mëgöny de lajik

ëbɛn, wel Yïyïc ba lɔŋ luɔɔi de Kaniithadu yaa piŋ , ku cɔk ka yeekuke thiëëc në

gämda, cɔk ayeekuke lööm ëcök , në Yecu Kërïtho Bɛnydïïtda. Amen


Thön Pilipooi 3.17-21 = Kɔc yee yäc yen yee nhialinyden

Wëlpath Mathäyo 22.15-22 = Bïi atap yaa gam ku buk yaa pëën


KU ŊUAN DE DIÄŊDÏT

CÖK

Lɔŋ

BƐNYDÏT , Yïïn läŋku , wu päl kɔcku në ka cïkke wuööc ,bïï O yaa luök Odhiɛ në

yuïïnke karɛckuaiic në piath dïïtdu , karɛc cukke looi në niööp niɔɔp Ok , Yiën-ë O

ëkän , Awadɛn nhiaal , në Yecu Këtho Bɛnydïïtda ku Duluäŋdaan Cïïthieei . Amen


Thön Kolothaai 1. 3-12 = Gämdennë Kërïthoic

Wëlpath Mathäyo 9.18-26 =Nyanthi acïi jɔt në thouic ku cɔk tiik apuɔl


KU DHIËC DE DIÄŊDÏT

CÖK

Lɔŋ

YEE kɔckuun nɔŋ adöt cuɔth puööth, Yïïn läŋku Bɛnydït ,bïk yaa luɔk arëët në luɔi

piath , ku bïk ariɔmdït lööm në Yïïn , në Yecu Kërïtho Bɛnydïïtda . Amen

Thön Jerëmiya 23.5

ALUEEL Yekoba , ye Tiëŋkä , akööl kaa bɔ , akööl banke këër Lajik de Dabid jɔt, ku

kabï yaa dɔk cï Mëlëk ku yee luui në yic ,ku kabï yaa luk në Lajik në tiɔp nhom .

Judaai aabïï luök në aköölkä , ku Yïthërɛl abï yaa ceŋ ke lääu ,ku Rinken bïn-ë ke

Ye yaa cɔɔl aakïïk , ( YAA YEKOBA EE LAJIŊDA ) Yeen , tiëŋkä , akööl kaabɔ ,aluel

Yekoba , bïk kek ke cuök ber yaa jam , Yïï cï Yekoba man ceŋ , cï dhiën de Yïthërɛl

bɛɛi bei piny de Yijip , abïk yaa lueel , Yïï cï Yekoba man ciëŋ cï kuan de Yïthërɛl

bɛɛi bei ku ŋɛɛrke bïïke bei piny cuëëc ku piɛny ëbɛn canke ciɛɛc thïn , ku kaa bï

yaa ceŋ piny thɛɛrden. Wëlpath Jɔn 6.5-14


Thön Jeremiya 23.5-8 = Këër de Lajik ku lauic

Wëlpath Jɔn 6.5-14 =Monokee dhiëc aacïnëke tiimkeedhiëc cääm

AKÖÖL KE KƆC CÏÏTHIEEI

Naa yee naŋ Thändeei kɔk ŋäär në Thändeei de Bɛn , ke Duör de Thändeei ëke cïike

waan në nyooth cök , aabïïke lɔɔk në nyïïnkeniic cï më göörëke . Ku naa likki ,kebaŋ

cï doŋ wei-ë apäl , të yen lɔŋ ciëën ka Thön ku Wëlpath të göör-ëke bïike lueel në

Thändeei ŋär në Thändeei de Bɛn

AKÖL DE ANDEREYA

CÏÏTHIEEI

Lɔŋ

NHIALINY Nɔŋ riɛɛl ëbɛn , Yïïn ,yïn man cï Mëtunyduun lajik Andereya Cïïthieei

yiën athiɛɛi, ben cɔt de Wëndu Yecu Kërïth dac gam, ku kuɛny cök të cïn gääu , cɔk

O , Ok kɔc yeeke cɔɔl në wɛtduun lajik, cɔk O ayee röt gam , ku cuk yee jai , buk

lööŋkun lajik yaa dhiil në luɔi , në Yeen ee mɛɛn yen Yecu Kërïtho Bɛnydïïtda.

Amen


Thön Romaai 10.9-21 = dhëëŋ piɛɛth de cök ke kɔc yee wëët në Wëlpath

Wëlpath Mathäyo 4.18-20 = cɔt de kɔc-ë wëët në Wëlpath

THOMA CÏÏTHIEEI MËTUUC

Lɔŋ

NHIALINY Nɔŋ riɛɛl ëbɛn ku yee ceŋ athɛɛr , Yïïn ,yïn man ëcï Mëtunyduun Lajik

Thoma cɔk alɔ gäkäk në jön de rɔt de Wëndu bï gäm cɔk aril , cɔk O agam Wëndu

Yecu Kërïtho pacɔk ku të cïn lɔ gäkgäk , bï gämda yaa ciën rɛɛc në Yïnyin . Piŋ

Ook, Bɛnydït, në Yecu Kërïtho töŋ-ë , man yeeku mat kek-ë Yïïn ku Wëëidïït Lajik,

mätku wek-ë we në riëëu ëbɛn ku nhuɔɔm , në yeen ee mɛɛn ku agut yen athɛɛr .

Amen


Thön Epethooi 2.19-22 = Jiër cïï wɛc de Dutuuc ku Nebïï në gäm

Wëlpath Jɔn 20.24-31 = kɔc yee gam nëkë këckï tïŋ aaye thieei

WËL DE RƆT DE PAULO

CÏÏTHIEEI

Lɔŋ

NHIALIC , Yïïn ,yïn man cï ɣɛɛr de Wëlpath cɔk ameer piny nhom ëbɛn ,në Pööcde

Mëtuny cïïthieei Paulo. Yïïn läŋku , wu cɔk O ayee Wëldɛɛn de röt gɛi-ë takic ( ciëët

) ku yeeku lɛcda nyuöth në yeen , në kuëny bïï Ok pööcden lajik yaa kuanyiic ,në

Yecu Kërïtho Bɛ’nydïïtda . Amen


Thön Duttuc 9.1-22 = Ee ŋu gör ba looi Bɛnydït ? nyääŋ-ë käŋ wei

Wëlpath Mathäyo 19.27-30 = ba kakku nyääŋ wei në këde Yecu

LEER DE YECU YEKALU

YEE CƆƆL

TƐM DE GUÖP DE MÄRÏ

DHUENY CÏÏTHIEEI

Lɔŋ

NHIALINY Nɔŋ riɛɛl ëbɛn ku yee pïïr athɛɛr , Ok läŋ Dïtdïïtdu . wu cï leer-ë cien-ë

Wäntöŋduun-ë bɔbei cien-ë ye laar Yekalu në guöp de raan në kööl cït akäl, cɔk

ayïn O Yïïn në puööth lacar ku puööth cïniic acuɔl , në Yeen töŋ-ë Yecu Kërïtho


Wëlpath Luk .2.22-40

Tiëŋkä , ɣɛɛn tooc dutunydië bë ŋɔr tueŋ, ku ka bï dhöldië lɔ juiir ,ku Bɛnydït

,man yaakä göör , abï lɔcel luäŋDe ëmëtöŋ-ë , ku tiëŋkä , Dutuny de mɛt , yee wek

puööth miɛt , abɔ , aluel Yekoba de rɛɛm . Ku yeeŋa bï aköl de bɛnDe lëu në tiët ?

ku yeeŋa bï kɔɔc lëu të Len ɣäkbei ? Acït many de lɛŋ de wëëth , ku Acït thaabun

de wɛk yen-ë lɔk. Ku Kabï yaa nyuc cï Mëthɔth diär wëëth ku luŋ de thiau , ku kabï

wɛtke Lebi Diaar ku jɔlke thueeth kɔɔth cï thian tɔc ku thian luat, ku bïk köc de

mɔc yaa gäm Bɛnydït në lajik. Ku mɔc de Judɛ ku Jeruthalem aabï jäl yaa miɛt të

nɔŋ Yekoba , abï yaa ciët akööl thɛɛr tueeŋ ɣɔn cï wan. Ku Ɣɛɛn bï rɔt cuöt we në

luk, ku Ɣɛɛn bi dac yaa lɔ tëcïn gääu, ku mëköör, kɔc yee kuëëŋ në lueth , ku kɔc

yee lui ke ke yɔŋ në kuöc riöpden ,kek-ë diärjɔɔk, ku kɔc yee kat në kuny de

abaköök , nëkë ciee kek yee riööc në ɣa, kän alueel Yekoba.

Thön Malakai 3.1-5


Thön Malakai 3.1-5 = Dutuny cïï tooc abɔ të cïn diɛɛr

Wëlpath Luk 2.22-40 = jääl në dɔɔr të cïn diɛɛr de pan-ë atïïp-ë kɔc

AKÖÖL DE MATHIƐTH

CÏÏTHIEEI

Lɔŋ

NHIALINY Nɔŋ riɛɛl ëbɛn , , Yïïn ,yïn man cï awunduun nɔŋ adöt Mathiɛth lɔc ku

cɔk mɛt ke Dutuuc kee thiëër ku rou bë nyin de Judäth mëgɔny cï Bɛnydït gaany

löökic , cɔk Kaniithadu ayee muök wei aluööt të de Dutuuc ke adhuɔɔm, ku yee

Juiir ku yee ŋɔɔr në abök yith nɔŋ adöt cin, në Yecu Kërïtho Bɛnydïïtda . A


Thön Dutuuc 1.15-26 = tëde ceŋ acï yaa panthɛɛric

Wëlpath Mathäyo 11.25-30 = kɔc jɔt kathiek aacïï Yecu cɔl lɔŋ

NƐM DE MÄRI DHUENY

CÏÏTHIEEI ( BÏM )

Lɔŋ

Yïïn läŋku , Bɛnydït , wäl-ë O puööth athiɛɛidu, wël cien-ë Wëndu Yecu Kërïtho

cien-ë Ye wel ke yee raan anyicku në thoŋ de Malakai , yen cɔk O bɔ në nhuɔɔm de

jön de rötdeic në Tiɛmageer ku guöm ,në Yeen töŋ-ë Yecu Kërïtho Bɛnydïïtda.

Amen


Thön Yïthäya 7.10-15 = Rinke manh bïï dhiëëth ku nɔŋ riɛl yïndï

Wëlpath Luk 1.26-38 = Manh bïï dhiëëth ee manh yïndï

AKÖL DE MAK CÏÏTHIEEI

Lɔŋ

NHIALINY Nɔŋ riɛɛl ëbɛn ,Yïïn ,yïn man cï Kaniithadu wɛɛt në pööc nhiaal de

Dupönydun de Wëlpath Mak Cïïthieei , Yiën-ë O athiɛɛi , buk yaa cuök yee ciët mïth

yeeke kuaath në yom de nyïny de ciɛɛliic , ku buk yaa kɔɔc në yicic , yiny de

Wëlpathkuun Lajik , në Yecu Kërïtho Bɛnydïïtda . Amen


Thön Epethooi 4.7—16 = NHialic acï Kaniitha kuɛnyic tuŋ kuötiic

Wëlpath Jɔn 15. 1—11 = Këër ciee luɔk ayee tɛɛm wei në tim kɔu

AKÖL DE PILIP CÏÏTHIEEI

KU JAKOB CÏÏTHIEEI

Lɔŋ

NHIALINY Nɔŋ riɛɛl ëbɛn , nyïny yen-ë Yï nyic ee yaa pïïr athɛɛr , cɔk O cɔk nyic

Wëndu Yecu Kërïtho kee yeen-ë dköl , ku yee yic , ku yee pïïr , buk Dutuuckun lajik

yaa buɔɔth cök, Yïk Pilip ku Jakob Cïïke thieei, ku buk yaa cath ëcäp në dhöl yee

ŋɔr në pïïr athɛɛric , në Wën töŋduun-ë Yecu Kërïtho Bɛnydïïtda . Amen


Thön Jakob 1.1-12 = pïïr-ë Raan acït noon nhom ku yɔk-ë tim

Wëlpath Jɔn 14.1-14 = Yecu ee kuer , ku Yic ku pïïr

BÄRÄNÄBA CÏÏTHIEEI

MËTUUC

Lɔŋ

BƐNYDÏT NHialiny Nɔŋ riɛɛl ëbɛn , Yïïn , yïn man cï mɔc gɛi-ë de Wëëidïït Lajik gäm

Mëtunydun lajik Baranaba , Yïïn läŋku , wu duk-ë O nyiɛɛŋ wei të cïn mɔcduun

kuötic , ku të cïn athiɛɛi bïï Ok ye yaa luööi në dhëëŋde ku nhuɔɔm, në Yecu



Thön Dutuuc 11.22-30 = Bärnäba acï Paulo lɔ göör

Wëlpath Jɔn 15.12-16 = yaakä röt nhiaar cï me nhiaar ɣɛn we.

AKÖL DE JƆN BAPTÏTH

Lɔŋ

NHIALINY Nɔŋ riɛɛl ëbɛn , Yïïn , yïn man cï awundu Jɔn Baptïth cɔk adhiëth në

dhiënh gɛi-ë , ku toc bï dhël lɔ juër Wëndu Duuäŋda , në wëët de Wël de puööu,

cɔk O ayee pööcde buɔɔth ku pïïr lajiŋde, buk Opuööth dïk-ë wël cï wëëtde , ku

yeeku jam në yic në kɛɛr yee Ok ye käär , buk rɛɛc yaa jäi në ŋeeny ,ku yeeku gum

nëkë de yic në puööth lir ,ne Yecu Kërïtho Bɛnydïïtda . Amen

Wëlpath Luk 1.57-80

“Duötkä kɔc puööth , ëë, Duötkä kaccië puööth , kän alueel NHialinyduön , lɛk-ë

Jeruthalem duötë puööu, ku yup kuöi bë piŋ. Lɔn cïï taaŋke thook thök, ku

awänyde acïï puöl , nëkë cien päl de awänyde löömic ërou në Bɛnydït cin, röl de

ran töŋ yee cööt roor në panic, juɛrkä dhël de Bɛnydït , cakkä kuerke alɔcït në

panic ëtɛɛn , agëk lääuic de Bɛnydït . Thuööth kedhiɛ aabïï thöönyiic, ku kur kek-ë

thɔɔny kedhiɛ aabïï raai nhïïm piny , ku kuer ŋɔl abïï citkɔu , ku agëk laɣɔmɣɔm

aabïï thɔɔŋ nhom. Ku nhuɔɔm de Yekoba abïï jäl nyuɔɔth , ku ka bïï gup kedhiɛ jäl

tïŋ atök. Kän acïï Bɛnydït lueel në thuɔɔŋDe. Goo röl lueel “ dhiau-ë ! “ Goo thiëëc “

Ee ku ŋu yan dhiaau ? “ Dɛl ëbɛn ee noon , ku nhiëër ëbɛn deen cïn ye thok acït

yɔk-ë tɔ domic Noon ee nɔc ku lööny yɔk roor, nëkë yee aliir de wëëi de Bɛnydït

ye kuɔɔth wei , Pacɔk kɔc aadïk yaa noon , noon ee yom ku lööny yɔɔk wei, ku wɛt

de NHialinyDa ee kɔɔc athɛɛr “ Ku Yïïn Dhiɔn , Yïïn man yee thoŋ path bɛɛi , jɔt

rɔt ku lɔr nhial në kuur bär arëët nhom. Ku Yïïn Jeruthalem , yïïn man yee thoŋ

path bɛɛi , yaat-ë yïyic në röl ril ëtör. Ku duk-ë nyin riöc, tuɔɔc-ë yï röl, röl kɔkic,

yɔɔk-ë pɛndït ke Judɛ , tiëŋkä NHialinyduön , tiëŋkä Bɛnydït NHialic abi bɛn ke cin

ril , ku ka bïï KööŋDe mäc-E , ku tiëŋkä ariɔmDe atɔ Ke Ye, ku luɔiDe atɔ në

Yenhom. Abï böŋDe yaa nyuääth cï abök , abï dɛɛu ke amɛl yaa kut në Yekök, ku

yeeke boom në Ye Yɔu, ku yee akääl kor thiëër në Yenhiɔl.


Thön Yïthäya 40.1-11 = duöt-ë puöu de kɔc-ë NHialic

Wëlpath Luk 1.57-80 = Lëk në Nebï de NHialiny dit

AKÖL DE PETERO

CÏÏTHIEEI

Lɔŋ

NHIALINY Nɔŋ riɛɛl ëbɛn , Yïïn , yïn man cï Mëtunydu Petero Cïïthieei yiën Mɔc

piɛɛth kuötic në Wëndu Yecu Kërïtho , ku yɔɔk-ë bë amɛlku yaa miëëth , Yïïn läŋku

wu cɔk Bïcïïp kedhiɛ ku abök cɔkke ayee wëët arëët në wɛtdun lajik , ku cɔkke

ayee kɔcke buɔɔth cök në yeen , bïk göl de nhuɔɔm athɛɛr lööm , në Yecu Kërïtho



Thön Dutuuc 12.5-11 = Petero acïï Malaikai luöny bei ɣön-ë döm

Wëlpath Mathäyo 16.13-19 = Kuur bïï Yecu Kaniitha buth thïn

JAKOB CÏITHIEEI MËTUUC

Lɔŋ

NHIALINY kɔc puööu , cɔk O awan kakke tiɔp nhom kedhiɛ ku nhiëër de kapiiny,

ku yökku röt ke O cï röt cɔk ajuir buk lööŋkun lajik yaa kuanyiic cï man ëcïï

Mëtunydun lajik Jakob ëcien wun waan ku kak ëke tɔ kek-ë ye kedhiɛ , ku akëc

gääu në cɔt cïï Wëndu Yecu Kërïtho ye cɔɔl , në Yecu Kërïtho Bɛnydïïtda . Amen


Thön Dutuuc 11.27-30 = Kuɔɔny de röt në cɔkic

12.1-3 = Bɛny-ë baai ku Kaniitha

Wëlpath Mathäyo 20.20-28 = Tiik ku të yee nhiër miëëthke

BARTHOLOMAYO

CÏÏTHIEEI MËTUUC

Lɔŋ

NHIALINY Nɔŋ riɛɛl ëbɛn , ku yee ceŋ athɛɛr , Yïïn ,yïn man cï Mëtunydu

Bartholomayo dïk-ë yiën athiɛɛi ben gam ku yen wëët në wɛtdu , Yïïn läŋku , wu

cɔk Kaniithadu ayee wɛt-ë nhiaar ku yee gam , ku yen wëët ku lööm , në Yecu



Thön Dutuuc 5.12-16 = NHialic yen ee Bɛny në raan ëbɛn

Wëlpath Luk 22.24-30 = Tëër-ë bääny

MATHÄYO CÏÏTHIEEI

MËTUUC

Lɔŋ

NHIALINY Nɔŋ riɛɛl ëbɛn , Yïïn, yïn man cï Mathäyo cɔɔl në Wëndun cïïthieei tëde

juɛr de atap , bï yaa Mëtuuc ku yee Dupöny de Wëlpath, Yiën-ë O athiɛɛi buk kɔɔr

de wëk ëbɛn ku nhiëër rɛɛc de Kajuëc yaa puöl , ku buk Wëndu yen man yee pïïr ku

yee dɔk kek-ë Yïïn ku Wëëidïït Lajik , yaakä NHialiny tök athɛɛr wadɛ. Amen


Thön 2Korinthooi 4.1-6 = Ɣɛɛr yee dëp të col

Wëlpath Mathäyo 9.9-13 = ɣɛɛr acï nyuc ke Mëjuëër ëke tɔ në cuɔlic

MAIKEL CÏÏTHIEEI KU

MALAIKAI KEDHIƐ

Lɔŋ

NHIALINY yee ceŋ athɛɛr , Yïïn , yïn man cï luɔi de Malaikai ku kɔc cak kegɛi-ë ku

tääu-ë keek në ɣänken , luui yee Malaikaikun lajik Yï luööi nhiaal , yen-ë cɔk

ayeeke O kony ku yeekï O gël në tiɔp nhom cï nyuöth cïn-e nyooth, në Yecu



Thön Nyooth 12.7-12 =Ran-ë yee rɔt cɔl këdït në dhëëŋ acïï cuɔp piny

Wëlpath Mathäyo 18.1-10 = Ee ŋa dït në gämic

LUK CÏÏTHIEEI DUPÖNY

DE WËLPATH

Lɔŋ

NHIALINY Nɔŋ riɛɛl ëbɛn , Yïïn , yïn man cï Luk Akïïm cɔɔl , yen man tɔɔ pɔnyde në

Wëlpathiic , bï yaa Dupöny de Wëlpath ku yee Akïïm de tiëp, Ee yaa bï Yï yaa yuum

puööu , bï wɛl ke pöc cï ke gam bïk bëc ëbɛn de tïïpkua yaa cɔk adem , në piath de

Wëndu Yecu Kërïtho Bɛnydïïtda. Amen


Thön 2Timotheo 4.5-15 = yee tɔŋ path thɔr , tɔŋ de gäm

Wëlpath Luk 10. 1-7 = Dulëëk cïï tooc bïk tɔŋ-ë lëk la thɔr

THIMON CÏÏTHIEEI KU

JUDƐ CÏITHIEEI DUTUUC

Lɔŋ

NHIALINY Nɔŋ riɛɛl ëbɛn , Yïïn , yïn man cï cök ke Kaniithadu wɛc në Dutuuc ku

nebïï , ku Yee Yecu Kërïtho në guöpde yee nhom de ŋem de päny , cɔk O amɛt ke

ke në tök , në män de wëi në pööcdɛɛn , buk yaa luaŋ lajik të nɔŋ Yïïn , në Yecu



Thön Judɛ 1-8 = malaikaai cï luɔi wuööcic aatɔ ɣön-ë Döm

Wëlpath Jɔn 15.17-27 = cïn të kony-ë röt në NHialic nhom

KƆC CÏÏTHIEEI KEDHIƐ

Lɔŋ

NHIALINY Nɔŋ riɛɛl ëbɛn ,Yïïn ,yïn man cï kɔckuun cake lɔc nuɛɛt në tökic në mɛt

në guöp cïïkum de Wëndu Kërïtho Bɛnydïïtda, yiën-ë O athiɛɛi buk kɔckuun lajik

cïïthieei yaa buɔɔth cök në pïïr path ku lee jik ëbɛn buk yum de puööu ciee lueel

cuööp , kë ca juër kɔc yee Yï nhiaar në puön luɔɔi, në Yecu Kërïtho Bɛnydïïtda .

Amen


Thön Nyooth 7.2-12 = Juöör ciee lëu në kuɛn agɛm nhuɔɔm NHialic

Wëlpath Mathäyo 5.1-12 = Ee kɔc yïndï kek yee thieei ?

( Apäm 61---79 )

LUƆI DE YÏK_Ë KƆC

MIËTH THƐI DE BƐNYDÏT

KA

MÄN LAJIK

Kɔc kedhiɛ kɔc nɔŋ puööth lööm de män Lajik aabïï Awut ke yaa lɛk në kööl ŋäär (

abïï yaa caal lɔn ben naŋ män Lajik në Wïk bɔ ) bï kɔc bë lööm në män Lajik röt juiir

në wïkic.

Ku naa yee naŋ ran töŋ de kek-ë kɔckä yee ran nɔŋ kërɛɛc cï looi kë nyic

Kɔc , ka nɔŋ kë cï wäc ran rɛɛr ke ye në wɛt ka në kërɛɛc cï luöi ye , ku looi rɔt ke yee

kɔth de kɔc yee guëër luɛɛk, ku nyic Awut , ka bïï cɔɔl ku jiɛɛm-ë nhom, bï cuök lɔ

tëde Agen de Bɛnydït , agut të cien ye puööu wel ku cï rɔt nyaai në pïïr racic , ago

kɔc yee guëër luɛɛk puööth la nip, kɔc ëke cï röt looi ëke yee kɔth në ye, ku cï

kërac puk, cï puök kɔc cï ke luöi rɛɛc , ka cï rɔt nyuöthke bïï kë cï rɔt looi cök në

nyic bïi looi të cien rɔt juiir.

Yen-ë kän abïï Awut yaa looi ayɛ në kɛmke kɔc , kɔc nyic yenke tiɛɛl ku män në

kamken në röt, aacïïke bï yaa päl tëde mät në Agen de Bɛnydït nhom, agut të cien

ye nyic ke ke cï mat ku cïk dɔɔr . Ku naa yee ŋɛk puöu naŋ pɛl ran-ë rɛɛcde në

yepuöu ëbɛn , rɛɛc cïï yee ran-ëluööi ye , ku puk ka cienke kɔth , ku dhiac (rëër )

ran-ë ke kuec në mät ke yeen në puön de NHialic , dhiɛɛc ke ŋoot në rɛɛcic ku

tiɛɛlic , ke Awut abï ran cï yepuöu wel-ë päl tëde män Lajik, ku cie ran ril puöu kuec

në mät-ë. Naa yee Awut raan ciɛɛc wei cï luɛl cïn-ë yee lueel , ka në Rubrik ŋɔr ëkän

, ka bï duluŋ ( Gaadic ) de Kaniitha lɛk në yee ran cïï ciɛɛc wei luɛɛk-ë aŋoot nïn ke

ke këc yaa thiäär ku ŋuan , gɔɔc aköl-ë looi ëkënë rɔt , ku duluk ( Gaadic ) abï yee

ran-ë luk në löŋ cïï gɔɔr në Kanonic.

Agen , në kööl de Män Lajik , abïï yaa thiëth nhom alanh lion ɣeer ëpath , abï yaa

cäp në luak cialic ka ciɛp-ë në luak thar ciëën ,të cïï lɔc në lɔŋ de Nhiäkduur ka lɔŋ

Thɛɛi . Randït abï kɔɔc në baŋ cuëëc de Agen ku lueel Lɔŋ de Bɛnydït ku lɔŋ buɔth-

e cök ke kɔc cï kenhiɔl tuk.





Amen

Lɔŋ

NHIALINY Nɔŋ riɛɛl ëbɛn , puööth kedhiɛ aayee nhïïm ɣɔr në Yïïn . Yïïn yee kɔɔr ëbɛn

de puööth nyic ,ku kacïn kë yee muɔɔny në Yï nyin. Wak täŋ de Opuööth në wëëi de

Wëëidïïtduun Lajik , buk Yï yaa nhiaar arëët , ku buk Rinkun Lajik yaa leec apiath , në

Yecu Kërïtho Bɛnydïïtda.

Amen

Randït abï ye nhom wɛl kɔc ke kääc , ku lueel LÖÖŊ KEE THIËËR në liem puɔɔth lacïth ,

ku dhiac ( rɛɛr ) kɔc ëke cï kenhiɔl tuk, ku yeekï NHialic thiëëc në Löŋ thar ëbɛn bï

puööu käc në dhuŋ cïn-ë ke dhuööŋ kek lööŋ , bï ke yiën puööth bïk lööŋ yaa looi

aluööt .

Awut

NHIALIC ee keek Wëlkä lueel ee jam , Yen ɣɛɛn Yee Yekoba NHialinydu

I. Yïïn bï yaa ciën nhiëliciic Kɔk ee Ɣɛɛn Atök.

Ku dhuk = Bɛnydït , yee puöu käc në Ook, ku yee O cɔk nɔŋ puööth buk

dhiac ke O ye löŋ-ë looi.

II. Duk-ë käŋ yee cak ëke cït kanhiaal, ëke cït kapiiny, ëke cït ka yee tɔ

në pïïuiic , duk-ë piny yee ciim nëke, duk-ëke yee lɔŋ. Ɣɛɛn ɣɛn

Yekoba NHialinydu ,Ɣɛn yee NHialiny mëtiil. Ɣɛn bï karɛc guör në mïth

, karɛcke wunken aɣët kuat diäk ku kuat ŋuan , tɔŋ kɔc-ë ɣa maan

,ku ɣɛɛn bë puöu yaa käc në Juääc-ë ɣa nhiaar ku yeekï löoŋcië looi.



III. Duk-ë Rinke Yekoba NHialinydu duk-ëke yee läät, Yekoba abë lɛtde

guöör tɔŋ ran-ë Ye läät.



IV. Duk-ë nhom yee määr në akööl-ë Thäbäth ( aköl-ë NHialic ) ayee

week peei ee kööl lajik. Yïïn bë yaa luui akööl kee dhëtem , aabïnke

luɔidu yaa looi ëbɛn, Akööl buɔth dhëtem cök ( Bëër ) , ee Thäbänh de

Yekoba NHialinydu, Yeen akööl-ë acïn bë yaa luui, Yïin , ku wëndu ,ku

nyandu , ku awundu , ku nyanawundu , ku miaardu, ku kamaan rɛɛr

pandu. Yekoba ee cak nhial ku piny në akööl kee dhëtem , ku baar ,

ku käŋ kedhiɛ ka yee tɔ nëkeiic , ku lɔɔŋ në kööl buɔth dhëtem cök.

Yeenë kee thieei Yekoba akööl buɔth dhëtem cök ku week.



V. Yee wuur theek ku moor ba yaa ceŋ në akööl juëc piny cïï Yekoba

NHialinydu yiëk yï.



VI. Duk-ë tir näk.



VII. Duk-ë yee koor.



VIII. Duk-ë yee kual



IX. Duk-e ran rɛɛr ke yï yee riëth guöp.



X. Duk-ë pan-ë manh-ë moor yee wak ,duk-ë tiŋ-ë manh-ë moor yee

wak, ku awunde , ku nyanawundu ,ku miaardu ku akacjade ku kak-ke

kedhiɛ.

Ku dhuk = Bɛnydït , yee puöu käc në Ook, ku gäär-ë kek-ë LÖÖŊkä

kedhiɛ në O puööth O läŋ Yïïn

Ku rɛɛr Randït ke kääc , ku jiɛɛm , ëkälɛ

Lɔŋku

NHIALINY Nɔŋ riɛɛl ëbɛn , Yïïn man yee ceŋ du yee dhiac athɛɛr ,ku yee riɛɛldu ciën ye

thok , yee puööu käc në yee pan-ë ëbɛn , ku yee bänykua dɔk puööth kedhiɛ kek-ë

kɔc yee O dɔk , bïk yaa nyic ke riɛɛl ëbɛn yee bɛn të nɔŋ Yïïn, ku bïk nhuɔɔmdu ku riëu

yaa ŋäär tueŋ në kɔɔr në këriëëc nhom ëbɛn , ku buk yaa nyic lan cïn ke gäm riɛɛl ,

buk ke yaa riëëu ku gɛmkuke röt cï man de wɛtdu ku lööŋku , në Yecu Kërïtho

Bɛnydïïtda , man yee pïïr ku yee dɔk kek-ë Yïïn ku Wëëidïït Lajik, yaakä NHialiny tök

athɛɛr wadɛ .

Amen.

Ee mɛɛn Lɔŋ de yee kööl-ë abïï lueel. Naa cï lɔŋ thök , ke Randït abï Thön lueel, Ciir

ëkälɛ . Ye Thön ee gɔɔr në -----------cäpta ……………., ku gɔl në

cök…………….. . Ku naa cï Thön thök në ciëër , ke Randït abï jam, Ye Thön ee kɔɔc

ëtɛɛn. Ku yöök kɔc kɛɛc-ëko nhial në Ciëër de Wëlpath , ku kääc kɔc nhial kedhiɛ ,ku

jiɛɛm, Ye Wëlpiɛɛth Lajik kaa gɔɔr në………. Cäpta ………. Ku gɔl në cök

…………… , ku na cï Wëlpath thök , ka buɔɔth Gäm de Naithiin cök ,naa yee ket ka ciit

Randït ku jɔl ket , naa kuc ka lueel ku jɔl gam ne; luɛl , ku kɔc aakääc

Gäm de Naithiin

AN yee NHialiny tök gam Wun Nɔŋ riɛɛl ëbɛn , Duciëŋ-ë ëcak nhial ku piny , ku ka

yeeku ke tïŋ ku ka cukkuke yee tïŋ.

Ku gam Bɛnydïït tök Yecu Kërïtho , Wäntöŋ-ë bɔ bei të nɔŋ NHialic , Ee bɔ bei të nɔŋ

Wun aŋoot piiny kedhiɛ, NHialiny de NHialic , Ɣɛɛr de Ɣɛɛr NHialiny yic de NHialiny Yic,

Në bɔ bei në cie cäk, tää ëtɔɔ yen , ayen tök ke Wun. Duciëŋ de käŋ kedhiɛ , Në bɔ piny

nhiaal në O , Ook kɔc bï O bɛn-ë luök , ku cïï yaa raan guöp në Wëëidïït Lajik në Märï

Dhueny ( Bïm ) këc thɔɔny ( tɛc ) ke röör . Ku cïï cak ke yee raan , ku piɛɛtë ayɛ në Ook

në ceŋ de Pontio Pilato. Gum ku thiäk , ku ber rɔt jɔt në thouic në kööl-ë diäk cï man

de kacïïgɔɔr , ku leer pan nhiaal ku yee nyuc në cin cuëëc de Wun. Ku bï bɛɛr dhuk në

nhuɔɔm bï kɔc pïïr ku kɔc cï thou luk, ku ceŋde abï ciën ye thok.

Ku an yee Wëëidïït Lajik gam, Bɛnydït ku yee Dumöny de pïïr , Yee bɛn bei të nɔŋ Wun

ku Wä , Man tɔ ke Wun ku Wä yee mat në dɔɔr ku nhuɔɔm, cï jam në Nebïï thook. Ku

gam Kaniitha tök Katholik de Dutuuc. An yee Baptïnh tök ayaa nyic , Baptïnh de päl de

karac. Ku an tit Jön ben-ë kɔc cï thou jɔt në wëi , ku pïïr de ceŋ bï bɛn .

Amen

Naa rëk ke Awut abï kɔc lɛk në kööl Lajik kek tɔ në yee wïkëic bïike muk nhïim , ka kööl

ke Thiëël cïi tääu bïn-ë ke thiëël thïn ne wïkic . Ku të göör-ë yeen ayɛ, ka kööldɛ bïn-ë

Män Lajik looi abïi lɛk kɔc , ku lööŋ , ku kɔc cïike nyaai në Män Lajikic . Acïn kë bïi yaa

lueel luɛɛk në thääi de Duöör de NHialic , abï yaa awut ye tök , ku kacïn kë bïi yaa lueel

, aaye lööŋ cïike gäär në yee Kïtäm-ë yic , kek luel, ka Duluŋ de Kaniitha de yee tën-ë

Wëët abï jäl bɛn ëtɛɛn

Randït abï jäl dhuk në Agen de Bɛnydït nhom ku gɔɔc juër de kakke män Lajik , ku lueel

ëcökkä , kek-ë cökkä aabïïke kuanyiic aacï bïi buɔɔth cök kedhiɛ ,ëkälɛ

Cakkä ɣɛɛrduön ayee lacar në kɔc nyïïn, bï kɔc luɔi puɔɔthduön yaa tïŋ ku yeekï

Wuurduön tɔ nhiaal leec. Mathäyo 5. 16

Duökkä wɛukuön yee tɔɔu në piny nhom , të yee kek riääk thïn në cääm-ë kɔm ku

kethkï , ku të yee ruëëny dhoŋ ku kuɛlke thïn, Yaakä wɛukuön tɔɔu ku muökkäke pan

nhiaal , të ciee kek-ë riääk thïn në kɔm ku keth ku kual cuärke . Mathäyo 6.19-20

Këdɛ ëbɛn kë nɔŋ wek puööth bïï kɔc yaa luöi we , yen yaakä luöike ayɛ. Kän yen ee

löŋ ku Nebï. Mathäyo 7.12

Go Dhäkäyo kɔɔc, ku yöök Bɛnydït , ye tïŋ , Bɛnydït , baŋ töŋ de ceŋdië ayaa mɔc aŋääŋ

, ku naa ca këde randɛ kuöc lööm , ëka yaa dhuök-e ke yee yic ŋuan. Luk 19.8

Yee alathkërë nin yee lɔ tɔɔŋ në wɛuke nyïïn kepɛc ? Yee ŋa yee dom de abiëc com, ku

cie ka cï luɔk thïn yee cam ? Ka yee ŋa yee böök nyuäth ku ciee ciɛkke ɣɔk yee mac

ëruëëth . 1Kor. 9.10

Naa cuk we puök kɔthke wëi , kee yen dït në tëm bïï Ok kakkuön ke piny nhom tem.

1Kor, 9. 11

Kuöckä ke kek awuut ke kaljik yee cam në kakke Yekulu, ku kɔc yee kän de köc luööi

ëke yee mat në lɔm de kak-ë kän de köc ? Ye kän acïï Bɛnydït looi , bï kɔc yee wëët

në Wëlpath bïk yaa pïïr në Wëlpath. 1Kor. 9.13-14

Ran yee kadiääk pök abï yaa tem në kadiääk , ku ran yee Kajuëc pok abï Kajuëc yaa

tem. Cakkä raan ëbɛn ayee mööc të cït të yen tɛk thïn ku ke tɔ ke ye këde puöu kɔu,

ku ciee kë yen-ë Yï tuer, NHialic anhiar ran yee mööc në puön cïn aŋuɛɛn. 2Kor 9.7

Cakkä ran cïï pɔɔc në wɛt ayee käŋ kedhiɛ kapath rɔm këk-ë ran-ë pööc. Duökkä rot

cɔk ayeeke wet nyïïn , NHialic aciee kɔc ëbui, kë ca pok yen-ë aba yaa tem .

Galataai 6.6-7

Yeen ee mɛɛn Ok alääu nhïïm , naa nɔŋku kaam de lääu ëkälɛ , ke O yeeku raan ëbɛn

luöi këpath, ku kapath bïk yaa kɔc cï gam . Galataai 6.10

Luɔi de NHialic de puön cïnic teer ee yaa juëŋ de wëu. Acïn ke cuk bɛɛi në yee piny-ë

nhom ku ka cïn ke buk lëu në nyiɛɛi thïn. 1Tim. 6.5-7

Yee acïbääny ke yee piny-ë nhom yɔɔk , bïk yaa kok në mɔc yee kek mööc , ku yeekï

puööth rɔm , ku yeekï röt täu kapath në kööl bï bɛn , bïk pïïr yic yaa kuak piny . 1Tim

6.

NHialic acïn të guk bë nhom määr në luɔiduön ku luɔi de nhiëër cak nyuɔɔth në RiɛnKe

, ne kuny cïï wek kɔc Cïïthieei yaa kony , ku kaa ŋuɔtëke kuɔnykäke.

Eb. 6.10

Duökkä nhïïm yee määr në luɔi de këpath , ku yaakä röm ,kän ee luɔi de köc puɔɔth

yee NHialic miit puööu. Eb. 13.16

Ran yee naŋ ka piɛɛthke yee piny-ë nhom, ku adaai në mɛnh-ë dɛ-ë ke nɔŋ kë dak-e

ku wel-e nyin wei ku cï muɔɔc , ke nhiëër-ë NHialic tɔ tëyo ëtën-ë në ye yic . 1Jɔn 3.17

Yee kɔc muɔɔc në ka tɔ ke yï, ku duk-ë yïnyin yee wɛl wei tënɔŋ aŋääŋ , ku Bɛnydït

acï bë yenyin yaa wɛl wei tɔŋ yï . Tobit 4.

Yee puöu käc në riɛɛldu , ku naa nɔŋ Kajuëc , ke yï yee mööc arëët ,ku naa nɔŋ kalik ke

yee them arëët në puön mit ba yaa mööc në kalikkun tɔ ke yï yiic , ëkɛɛ ke yïin abë cuöt

path lööm në kööl cïn ber dak Tobit .4

Ran yee puöu käc në aŋääŋ ŋɔŋ gup ee rɔt gɛi në Bɛnydït, ku tïŋ , këdeen cï gam abïï

bɛɛr yaa yiën-e. Kääŋ 14..21

Raan ayee thieei ran yee kɔc tök ku kɔc dak ku kɔc ŋɔŋ gup muɔɔc , abïï Bɛnydït yaa

luök në akööl de kakken riliic. Dit 41.1

Naa lueel kek-ë cökkä , ke Dïkon, ka dutïït de Kaniitha , ka randɛ cïi tääu luɛɛk ( mada

cïï ruök, ka tiɛŋ ducïïr ) abï mɔc de aŋääŋ gup , cïï kɔc läŋ luɛɛk gam lööm kek-ë

mɔc dɛ de kɔc në kë de cuɛtic cïï Kaniitha juiir thɛɛr, ku yïkke Randït në riëu . Ku jɔl

randït ke lööm në puön koor ku tɛɛuke në Agen Lajik nhom .

Ku naa nɔŋ mät , ke Randït abï Mono yaa bɛɛi ku kɛn Agen nhom kek-ë pïiu ke abiëc ,

cï nyïny nyic yen-e lan bïi kek kɔc thɔŋ . Të cien ëkääk thöl në luɔi ,ke Randït abï jam

kälɛ,

LƆŊKU në kɔc ke Kaniitha de Kërïtho tɔ në piny nhom.

NHIALINY Nɔŋ riɛɛl ëbɛn ku yee pïïr athɛɛr , Yïïn cï O pɔɔc në Dutunydun Lajik buk Yï

yaa lɔŋ , ku buk Yï yaa lim , ku buk Yï yaa leec në käŋ kedhiɛ , Yïïn läŋku në puööth

koor ( ba wëukuan yïnkuke Yïïnkä bake lööm ) ku ba yee lɔŋdaan-ë piŋ , lɔŋ lɛŋ Ok

Dïtdu Yïïn NHialic . Yïïn läŋku ba Kaniitha de piny nhom yaa cɔk ayee wëëi në yith

nyïïn ku në mät ku dɔɔr . Ku yee kɔc kedhiɛ kɔc yee Rinkun Lajik gam , yee ke cɔk ayee

mat në yiny de wɛtdun lajik , ku yee ke ciëëŋ në mätic , ku në nhiëër lajikic , yïïn

beerku lɔŋ ,ba Mëdöök ke Thouth Thudan kek-ë Ducïïrken , ku kɔc cïïke gäm riɛɛl në

ke cök , ba ke yaa cɔk ayee yic nyic në awaiic , ku yeekï luɔi path kony . Yee Bïcïïp

kedhiɛ ku Awuutku yee ke yiën athiɛɛidu, awadɛn nhiaal , bïk kɔc yaa nyuöth wël yithku

në pïïr yee kek pïïr në kɔc nyïïn, ku në pööc yee kek kɔc pɔɔc , ku bïk Thäkärämantkun

Lajik yaa looi apiath . Ku yee kɔcku kedhiɛ muɔɔc në athiɛɛidun nhiaal , ku jɔl yaa

keek ëkɔc cï guëërkä , bïk wɛtdun lajik yaa piŋ, ku yeekï muk apath në puön luɔɔi ku

riëëu, ku bïk yaa yaa awuutku në luɔi lajik në nyindhiɛ në aköölken kedhiɛ ke pïïr në

yee piny-ë nhom. Ku Yïïn läŋku në puööth koor në piathdu , yïïn Bɛnydït , ba kɔc yaa

kony kedhiɛ ku yee ke duut puööth , kɔc nɔŋ ka yeeke dhal , ku kɔc yee puööth dhiaau

, ku kɔc yee käŋ ke dak , ku kɔc bec , ku kɔc yee naŋ ka yeeke nɔk kedhiɛ . Ku Ok lec

Rinkun Lajik ayɛ në awuutku kedhiɛ awuutkun cï liu në piny nhom, kɔc cï Yï gam ku

riëëukï Yï. Yee O thieei , Yïïn läŋku , buk piathden ya käär , buk mat O kek në ceŋdun

nhiaal . Yiën-ë O ëkän , Awada , në Yecu Kërïtho Mëdöörda ku Mëkunyda .

Amen .

Të yee awut kɔc nyiëën në luɔi de Män Lajik ( ee yen-ë kabï ye yaa looi të cien thiök ) të

cïi wëët thök, ke ka bï kɔc ciër ëkän jiɛɛm ëkälɛ -

KƆC nhiaarke , në kööl de ……. Ke an nɔŋ puöu , në kuny de NHialic , ba

Thäkärämant yee kɔc duut puööth-ë gam, yiën kɔc kedhiɛ kɔc yee ye göör në riëu ,

Thäkärämant de Guöp de Kërïtho ku Riɛmde , bïk lööm në cïït de nhom de Tiɛm ageer

piɛɛthde ku guöm . Yee kän etök ayee Ok puŋ de karɛckua lööm ku yee O cɔk röm në

ceŋde pan nhiaal , Yeen eetɔ në O puööth në puön koor , ku në tuöc de puöu, buk

NHialiny Nɔŋ riɛɛl ëbɛn yaa leec , Awadɛn nhiaal nëkë cien O yiën Wënde , Duluäŋda

Yecu Kërïtho, bï thou në Ook , ku kaciee kän etök , ee bïk yaa miëth de wëikua ayɛ në

yee Thäkärämantëic. Kuu kän ee bɔ të nɔŋ NHialic , ku kee duduut të nɔŋ kɔc ëye nyiɛc

lööm apath , ku kee yaa nääk-ë tir të nɔŋ kɔc ëye kuöc lööm, yeen ee tɔ në ɣakɔu ba

wek lɛk wälɛ , bak dït de këlajik cïïkum bak tak, ku diɛɛr dïït de kuöc lööm de , ku bak

nyïnyduön de we puööth bak caar ) ku ka ciee yic puɔl cï luɔi de kɔc yee NHialic puɔɔny

) ee bak bɛn ke we lajik ku lak car të de miëth de pan nhiaal , ke we cï alanh de thiëëk

pɔth cï man yee NHialic yee göör në kacïïgɔɔr Lajikiic , ku bak loor në röm de Agen

Lajik-ë.

Cökkä yee luɔi-ë ëkɛɛ , tök ee bak pïïrduön ku jamduön caar lan thööŋ kek në lööŋ ke

NHialic , ku në ka yaakäke tïŋ në cakke wuööc në wepuööth ku wɛt ,ku luɔi ,bïï wek ke

dhiaau në rɛɛcduön , ku bakke gam në NHialiny Nɔŋ riɛɛl ëbɛn nhom , ku bak puööth

naŋ jɔny ( Jiɛi ) de röth në pïirduön. Ku naa yɔkkä rɛɛcduön në ciee rɛɛc de NHialic ye

tök, yee yaa rɛɛc kɛɛr rɛc kek-ë week ayɛɛ , ke wek bï röt määt wek-ë keek ,ku cak

reec në cuut de kek agut riɛɛlduön ëbɛn , cuut de rɛɛc ku yɔŋ ëbɛn cak luöi kɔc kɔk ,

bak puööth naŋ päl de karɛc ke kɔc kɔk cïkke wäc we , cï man yee we päl de karɛckuön

göör në NHialic ciin , Naa ciee ëkɛɛ , ke lööm de Män Lajik ee lukwei ayee lɔk-ë juëk we

. Yeen naa tɔɔ raan në weiic , ran yee NHialic läät , ka yee wɛtde pëën , ka yee kuöc

jam në NHialic , ka yee köör , ka yee til , ka yee wak , ka yee naŋ awäny dïit dɛ , ke në

wel yepuööu në karɛcke , yee cïï ye köör , ke rɛɛr ëcë bɔ në Agen Lajik nhom , duök naa

bïï ku lööm yee Thäkärämant-ë , ke duriëëth bï lɔ në ye puööu , cï man ɣɔn len në

Judäth puööu , ku thiööŋ rɛɛc ëbɛn puööu , ku leer yïïn diɛɛric në rou , yïpuööu ku

tiëpdu .

Raan abï bɛn dhiil të de Män Lajik të yen rɔt gɛi käc de puööu de NHialic ku të nɔŋ yen

nyïnyden de puöu lacäp , yeen naa tɔ raan në weiic ran cïï nyïnyden de yepuööu yee

lacäp cït-ë luɔi-ë , ku göör wɛt de kuny ku de duöt-ë puööu , ke bɔ të nɔŋ ɣa, ka ran

töŋ de Awuut de kak-ë NHialic yee yökke nyic käŋ , ku bï këthieek de puööu puöl ku

bï päl awänyde yök në luɔi de wɛt Lajik de NHialic , kek-ë kuny de Wël ku pöc , agut

të bïï nyïnyden de yepuöu ben lacäp , ku gäi de diaŋ de yenhom ëbɛn nyaai.

Ka naa yee kɔc tïŋ ke ke ciee bɛn të de Män Lajik, ke kabï kɔc yɔɔk në yee wëlkä benke

kɔc nyiën në nyinde këniɛic …

WÄT amɛth ciën nhiaarke arëët në …… agɔɔr , në athiɛɛi de NHialic , ba luui në miëth

thɛi de Bɛnydït, ku wek cɔɔlëke të de ye Miëth-ë në baŋ de NHialic , week wedhiɛ , we

kɔc tɔ ëtɛɛn, ku wek yaake lɔŋ , në Rinke Yecu Kërïtho Bɛnydïïtda , ye bak cuök yee

rɛɛc yen bɛn thïn , të cien-ë we yaa cɔɔl në nhiëër de NHialic në guöpDe yaakkä nyic

në yee luɔi rac ku yee kuöc täk të yïn yen ëkɛɛ, të cïï raan miëthdït looi , ku cï agende

thiööŋ nhom në miëth kuöt, ku cïn këbeer liu aayee kamaan kepɛc bïk nyuc , ku kɔc

cïïke cɔɔl ( të cïn kë jiɛike ) aacï bɛn-ë jai ku cïnkï lec. Yee ŋa de wek naa rëk ke cï

dhiaau puööu në yee kë cït ëkän-ë ? ka yee ŋa na rëk ke cï bë tak lɔn cïn-ë ye yɔŋ ku

cïï luöi kërac ? Yeen kɔc nhiaarke arëët në Yecu Kërïthoic , yaakä röt tïŋ apath, duökkä

week bïï NHialic ke cuöth puööth në weguöp , të pëën we röt të de Män Lajik, ee käc

të nɔŋ ran bï jam yee ɣɛn cï bï Män Lajik bï lööm, nëkë duut kak kɔk ke piny nhom

an. Keek kakkä aciee lacäp të nɔŋ NHialic . Naa yee raan jam yee ɣɛɛn yee ran rɛɛc

dhiau puööu , yen ɣɛn riöc në bɛn , ke yee ŋu cïï wek wepuööth yee wel , ku bak röt

dueek ? Të yee NHialic we cɔɔl , ke we cï nyïïn yee riööc në jam wu ka cuk gör ? Të yee

wek dhuk të nɔŋ NHialic , ke we lëu bak röt yaa kony, ku jamkä wu kɛckä röt juiir ?

Yaakä takic në wepuööth lan bïï kek ëkathii yee wek ke röt konykä yaa yith në NHialic

nhom. Kɔc ëke reec miëthdït cï gär cin-ë ye gɔɔr në Wëlpathiic , nëkë cïï kek dom ɣɔɔc

, ka në kë bïï kek Yok ke mör lɔ them , ka në kë cïï kek thiëëk, aakëc-ë ke bɛn-ë puöl,

aacïï yök ëke cïn koony në miëth nhiaalic . Ɣɛɛn në baŋdië, ɣɛɛn bï rɔt yaa juiir , ku cï

man de luɔidië , ku wek yɔɔkke në Rinke NHialic , ku wek caalke në Rinke Yecu Kërïtho

, bak yaa mat në yee Män Lajik-ë . Cï man ëcïï Wën de NHialic tiëpde gam thou në

Tiɛmageer kɔu në luäŋduön , Yeen ee yaa luɔiduön , bak Män Lajik yaa lööm në cïït yee

wek wenhïïm ciët në köc de röt në thonde , cï man-ë cien-e lueel në guöpde . Ku naa

yaakä ëkän rɛɛc , ke yaakä tak në wepuööth lɔn yee wek NHialic yen yaakä yɔŋ , ka lɔn

yee aciɛɛndïït de arɛɛm yen tɔ në wekɔɔth. Të yee wek röt pëën në Agen de Bɛnydïït ,

ku yaakä röt week të nɔŋ wät amäthkuön man ye bïk cam në miëthdïït de pan nhiaal .

Naa yaakä kek-ë kakkä dïk-ë täk , ke week bï dhuk në täŋ piathic në athiɛɛi de

NHialic , ku Ok cï bï kaŋ yaa dak në lɔŋ bïï Ok NHialic yaa lɔŋ në puööth koor , NHialiny

Nɔŋ riɛɛl ëbɛn Awadɛn tɔ nhiaal, buk ëkän yaa lööm.

Në aköölde luɔi de Män Lajik, të cïi kɔc mɛt röt juiir ,ke Randït abï ëyöök-ë ciir ku

lueel….

KƆC nhiaarke në Bɛnydïtic , we kɔc yee puööth naŋ bɛn tëde Män Lajik de Guöp ku

Riɛm de Duluäŋda Kërïtho , abak yaa dhiil-ë täk në yöök ëcïï Paulo Cïïthieei kɔc

kedhiɛ yɔɔk bïk them ku yeekï röt caar arëët , ke ke këc guɔɔ cam në yee Mono-ë , ku

dëkkï në yee Abïny-ë . Piath ee dït , të yee Ok yee Thäkärämant-ë lööm në puööth

kor ku në gäm yee pïïr ( nëkë yee Ok rïïŋ de Kërïtho cuet në Opuööth , ku dekku

riɛmde , ke Ok yee jäl ceŋ në Kërïthoic , ku Kërïtho në Oiic , ke Ok yee yaa tök OK-ë

Kërïtho, ku Kërïtho ke O, ) Ku rɛɛc ee dït të ciee Ok ëkän nyiɛc lööm. Nëkë bïï Ok yaa

naŋ awäc në Guöp de Kërïtho Duluäŋda ku riɛmde , lukweida ayeeku cam ku dekku ,

nëkë cïee Ok-e yee tak ke yee Guöp de Bɛnydït , A Ok yee ɣök de NHialic cɔk adɛp në

Okɔɔth , ayeeku cuɔth puöu bï O yaa cieen arac në tuaany kuötic , ku në thon kuötic .

Yen yaakä röt luk ( Jäi ) , wät amäthcië , duökkä wek bïï yaa luk në Bɛnydït . Wɛlkä

wepuööth në yic në karɛckuön cï wan, yaakä naŋ gäm yee pïïr yee kɔɔc ëcök në Kërïtho

Duluäŋdaic , kuɛɛkkä cieeŋkuöniic ku yaakä naŋ nhiëër lacäp wek-ë raan ëbɛn , Yeen-

ëka bïï wek yaa piath në lööm de kek-ë ëkacïïkum Lajikkä . Ku kë wär kek-ë kakkä

,ee bak NHialic yaa dhiil-ë lɛc në puööth koor , NHialic Wun ku Wä ku Wëëidïït Lajik ,

në wɛr de piny në guöm ku thon de Duluäŋda Kërïtho , man yee NHialic ku yee raan ,

man ëcï rɔt cɔk koor agut yen tiemageer kɔu , në Ook , Ok kɔc rac , ku cï rëër në cuɔlic

ku në tiëp de thouic , bï O yaa cɔk ayee mïth ke NHialic , ku yee O jat të de pïïr

athɛɛr . Ok bï Onhïïm yaa cool në cïït në nhiëër dïït de Duluäŋda , Duluäŋ tök , Yecu

Kërïtho, në thon cien thou në Ook , ku Kajuëc puɔth cï lëu në kuɛn cïke yiën Ook në

Riɛm piɛɛthden cï kuëër wei, ee kacïïkum Lajik looi ke gɛmke ., bïk nhiëërde yaa

nyuɔɔth , ku bïk yaa cïït de nhom de thonde , ku duöt dïït de Opuööth yee ciën ye

thok. Yen yeeku Wun ku Wä ku Wëëidïït Lajik yeekuke Leec aluööt ( ci man yen yaa

luɔida ) , buk röt yaa gam ëcök yïnku röt puöndeen lajik ku lee yum ,ku yeeku nyic

buk yaa luööi në yic lajik ku në lajik në akööl yee Okke pïïr kedhiɛ .

Amen

Ee mɛɛn Randït abï kɔc yɔɔk kɔc cï bɛn bïk Män Lajik lööm, aabï yɔɔk kälɛ…

WEK kɔc wel wepuööth në karɛckuön në yic ku nhiarkä kɔc ceŋ kek-ë week ku naŋkä

puööth bak yaa cath në pïïr jötic ku bak lööŋke NHialic yaa kuanyiic , ku bak yaa cath

në dhɔlken Lajikiic, Cuötkä röt të thiök në gäm yee wek gam , ku lɔmkä yee

Thäkärämant Lajik-ë bë we duut puööth, ku gamkä karɛckuön në puööth koor në

NHialic nhom, NHialiny Nɔŋ riɛɛl ëbɛn ,ku tuökkä wenhiɔl në puööth lir .

Ee mɛɛn Awun tök buɔth lɔŋ cök , abï gäm de kɔc lueel në kɔc kedhiɛ , kɔc nɔŋ puööth

lɔm de Män Lajik, ku kɔc kedhiɛ aacï kenhiɔl tuk ku jɔl gam në ye cök…

NHIALINY Nɔŋ riɛɛl ëbɛn , Wun de Bɛnydïïtda Yecu Kërïtho , Duluäŋ de käŋ kedhiɛ ,

Duluŋ de kɔc kedhiɛ , Ok gam karɛckuan juëc ku dhiauku puööth në keek. Aake dhiac (

rɛɛr ) ëke yeekuke looi, teerku kek-ë riɛɛl dïïtdu, Yïïn NHialic në täŋ-ë yeeku tak, ku në

wël ëke yeekuke lueel , ku në luɔi ëyeeku looi .Ook cï röt yiën ɣök piɛɛthdu ku täŋ keec

de Yïpuööu. Ook wel Opuööth arëët , ku dhiauku puööth në keek karɛc loikukekä. Cïït (

täŋ yee Ok ye takic ) yee Ook Onhïïm ciëët në keek ,ee O gut puööth , thiɛk thieek kek

aciee Ok ke yee lëu në jöt . Käc-ë puööu në Ook, käc-ë puööu në Ook , Awadɛn kɔc

puööu arëët. Në Yecu Kërïtho Wëndu Bɛnydïïtda, pɛl Yïïn Ook në ka cukke looi kedhiɛ .

Ku cɔk O ayee këdu looi athɛɛr , ku yeeku ka bïnke puöu yaa miɛt looi në Pïïr cïï Ok

bɛɛr pïïr , bï kɔc Rinku yaa riëëu ku leckïke ,në Yecu Kërïtho Bɛnydïïtda .

Amen

Ee mɛɛn Randït abï kɔɔc ku naa tɔ Bïcïp thïn kee yen akääc ku wël yenhom kɔc ku ciir

ëkääk ,jiɛɛm …..

NHIALINY Nɔŋ riɛɛl ëbɛn , Awadɛn nhiaal , ee cï lɛk O në käc dïït kɔɔc yen puööu yee

bï karɛc yaa puöl , karɛc ke kɔc yee ke puööth wel kedhiɛ , ku yeekï dhuk të nɔŋ Yeen

në gäm yic , Ee yaa bï puöu käc në week , ee yaa bï we puöl ku luɛk wek në karɛckuön

kedhiɛ , ee yaa bï we yaa cɔk ayee riɛl në luɔi path ëbɛn , ku bïï we në pïïr athɛɛric , në

Yecu Kërïtho Bɛnydïïtda .

Amen

Ee mɛɛn Randït abï ëkääk ciir jiɛɛm…..

Piɛŋkä wël piɛɛth cïï Duluäŋda Kërïtho cïke lɛk kɔc kedhiɛ , kɔc yee kepuööth

wɛl yeen në yic

BÄKKÄ të nɔŋ ɣɛɛn kɔc ye puööth dak wedhiɛ , ku kɔc yee kathiek jɔt ka näk we, ku

wek ba muɔɔc në lɔŋ bak yaa lɔŋ. Mathäyo 11.16

NHialic ee kɔc nhiaar në piny nhom , ku muɔɔc kɔc në Wän töŋdeen-ë bɔ bei, bï ran-ë

ye gam bï cuök yee thou , ku bï yaa naŋ pïïr athɛɛr. Jɔn 3.16

Bɛrkä wël cïï Paulo cïïthieei ke lueel piŋ.

Yee wɛt-ë kee wɛt yic , ku kapath në kɔc kedhiɛ të lööm kek-e , Yaa Yecu Kërïtho ee

bɛn në piny nhom bï kɔc cï karɛc looi luök. 1Tim 1.15

Bɛrkä wël cïï Jɔn Cïithieei ke lueel piŋ .

Naa yee raan kërac looi ,ke Ok nɔŋ Dukuny në Wun nhom , Yecu Kërïtho Lajik, ku kee

Duwëerda në Karɛckua. 1Jɔn 2.1

Të cïi keek ëkakkä thök, ke Randït abï bɛɛr jam lueel ëkän…

Jatkä wepuööth .

Ku gam = aajötkuke Bɛnydït

Randït = Lecku NHialic Bɛnydïïtda

Ku gam = loiku ëkɛɛ , ke yee këpath

Randït abï yenhom wɛl Agen de Bɛnydït , ku lueel , ye…

Kee këpath në yic , ku Yïïn buk yaa dhiil në lɛc në aluööt në ɣän yee Ok ke tɔ thïn

kedhiɛ , Yïïn Bɛnydït, Awadɛn Lajik , NHialiny Nɔŋ riɛɛl ëbɛn ku ciëŋ athɛɛr. ( Awadɛn

Lajik )

Keek-ë wëlkä aabïi waan në Thändeei de Diäŋdït

Këŋäär abï lɔ cï köölde të nɔŋ yen kë cïi nyooth, ka naa cïi lueel , ke kee kän , ken abï ye

buɔɔth cök ee më toŋ-ë…..

Yen-ë Ka yee Ok mat Ok-ë Malaikai , ku Malaikaidït , ku rem nhiaal ëbɛn , buk Rinkun

Lajik ke nhuɔɔm yaa puɔɔny ku yeekuke door , ku yeeku Yï leec athɛɛr, yeeku jam ,Wu

Lajik Lajik Lajik, Bɛnydït NHialiny de Rɛm , nhial ku piny aaye thiäŋ në nhuɔɔmdu,

Nhuɔɔm abï yaa tɔ kek-ë Yïïn , Bɛnydït Nhiaal.

Amen :

KAŊÄÄR

NëKööl de Dhiënh de Kërïtho ku akööl buɔth ye cök keedhorou.

NË mɔc cïn Wäntöŋdu Yecu Kërïtho miaac bïï dhiëëth ɣɔn wälɛ, të cït emɛɛn në Ook,

yeen man cï yaa raan në man Märï guöp dhueny ( Bïm ) këc tɛc ke moc, ku cïn nyin

thiin de rɛɛc , bï O cɔk lacar në rɛɛc ëbɛn. Yen-ë ka yee Ok mat……..

Në Akööl de Jöt ku akööl buɔth yecök keedhorou

Ku kee gök bïï OK Yïïn yaa dhiil në lɛc , ee jɔt nhuɔɔm de Wëndu Yecu Kërïtho

Bɛnydïïtda , nëkë yeen Nyɔŋ de Rɛt-ë guöp , man ëköc-ë Ook , ku cï rɛɛc de piny nhom

nyaai, yeen man cï thou riöök në thonde , ku cï O bɛɛr dhuök pïïr athɛɛr në Jöndeen de

rɔt . Yeen-ë ka yee Ok mat…..

Në akööl-ëLɔ nhial , ku aköölbuɔth-ëkeedhorou.

Në Wëndun nhiaar arëët Yecu Kërïtho Bɛnydïïtda , man cï rɔt nyuɔɔth të nɔŋ Dutuucke

kedhiɛ në jönde rɔtde në nhuɔɔmic ɣɔn cien thök , ku leer-ë nhial ke dɛɛi-ë në kek

kedhiɛ , bï tëda lɔ juiir , buk bɛɛr yaa lɔ nhial ayɛ të tɔɔ yen thïn , ku yeeku ceŋ Ok-ë

yeen në nhuɔɔmic. Yen-ë ka yee Ok mat …..

Në Thändeei ɣer , ku akööl buɔɔth-e kaadhëtem

NË Yecu Kërïtho Bɛnydïïtda , Cï man cien yaa yic yenkë ɣɔn cï lueel, ye Wëëidïït Lajik

abï we lɔny nhiaal , go löny nhiaal cï awuööu dïït-ë yom adhuɔŋ , yom ril, ke cït liëpke

mac , nyuc Dutuuc nhïïm, bïï kek yaa wëët , ku yeeke ŋɔɔr në yic ëbɛn , ku mɔcke nyïny

de thuɔk kɔk, ku nyiiny kek-ë tuöc de puööu , bïk Wëlpath dac yaa lɛk dɔl kedhiɛ ,

yen-ë kee bïï O bei në cuɔlic ku yiɛc,leer O në ɣɛɛr lacaric , ku Wëndu Yecu Kërïtho .

Yen-ë kee ye Ok mat….

Në Miëth de Diäŋdït ëpath .

YIIN NHialiny tök , Bɛnydïït tök , Yïïn ciee Tök ëpath , wek yee Diäk në Tökic . Ke yeeku

gam në nhuɔɔm de Wun, yen-ë ka yeeku gam në nhuɔɔm de Wä ku në nhuɔɔm de

Wëëidïït Lajik, të cïn kë yeeke cɔk acï thöŋ ku yeeke week. Yen-ë ka yee Ok mat…

Të ciën-ë töŋ de kaŋär lueel , Kee kän abïi jäl yaa lueel në ye cök

Yen-ë Ka yee Ok mat Ok-ë Malaikai , ku Malaikaidït , ku rem nhiaal ëbɛn , buk Rinkun

Lajik ke nhuɔɔm yaa puɔɔny ku yeekuke door , ku yeeku Yï leec athɛɛr, yeeku jam ,Wu

Lajik Lajik Lajik, Bɛnydït NHialiny de Rɛm , nhial ku piny aaye thiäŋ në nhuɔɔmdu,

Nhuɔɔm abï yaa tɔ kek-ë Yïïn , Bɛnydït Nhiaal.

Amen :

Randït abï yenhiɔl tuk në Agen de Bɛnydït thok ku lueel-ë lɔɔŋkä në kɔc kedhiɛ ,kɔc bï

mät lööm , jiɛɛm kälɛ…

Ok koor puööth , AOk ciee bɛn tëde Agendun-ë acuk ye lëu , Bɛnydïït kɔc puööu , në

luɔidɛn lajik, Ok yee bɛn në käc dïïtdun kɔc yïïn puööu në Kajuëc . Ok cë path anaa cɔk

yaa kuëny de thuthueei cï lööny në agendu thar ëkacuk lëu , ku Yïïn dhiac ke Yïïn yee

Bɛnydïït töŋ-ë , man yee käc de puööu yen yee luut, Bɛnydïït piath puööu , cɔk O acuet

Rïïŋ de Wëndun nhiaar, Yecu Kërïtho , ku dekku Riɛmde , bï gupkuan rac cɔk aɣer në

yeguöp , ku bï tïïpkua waak në riɛmden path arëët , ku buk yaa ceŋ athɛɛr nëye yic , ku

ciëŋ në Opuööth.

Amen

Naa cï Randït kɔɔc në Agen thok ku juiir Mono ku pïiuke Abiëc të thiök, ben Mono dac

yaa lööm thïn ku bɛnyic ke dɛɛi-ë në kɔc nhïïm , ku ben Abïny dac yaa lööm thïn, ku jɔl

lɔŋ de thiëi lueel, ëkälɛ…

NHIALINY Nɔŋ riɛɛl ëbɛn , Awadɛn nhiaal , Yïin cï O yiën Wäntöŋdu Yecu Kërïtho në

käc dïït kɔɔc Yïïn puöu , bë thou guum në Tiɛmageer kɔu wɛɛr O. Gɛm cien rɔt gam

anaa tök ɣɔn acien karɛc ke kɔc ke piny nhom ëbɛn thöl në köc pukke. Ku ciɛk ëluɔi-ë ,

ku lëk O në Wëlpiɛɛthken Lajikiic buk dhiac ke yeeku looi, bïï Ok Onhïïm yaa ciëët

athɛɛr në thon piɛɛth cien thou, agut bɛn ben bɛɛr bɛn . Piŋ O , Awadɛn kɔc puöu, Yïïn

läŋku në puööth koor , cɔk Ook , Ok kɔc löm keek-ë ka cake cakkä, Mono ku pïïu ke

Abiëc, cï man-ë ciɛk WënDu Yecu Kërïtho Duluäŋda ciɛk yenke, në cïït yee Ok onhïïm

ciëët në thon cien thou ku guöm cien gum, cɔk O alöm Guöpden Cïïthieei ku Riɛmde=

Ee mɛɛn Randït abï thään kuany { ku ka lɔk-ë jam } ku kɛn ye cin në thään-ë Mono

nhom ku kuɛny Mono tök ku bɛnyic. Ku kuɛny Abïny , Ee mɛɛn akɛn ye cin në

Abiny nhom { ke luel ëwëlka } Ee mɛɛn akɛn yecin në käŋ nhïïm kedhiɛ ka tɔɔ pïïu

ke Abiëc ke thïn bë ke thieei.

Wɛɛr ɣɔn cïn-ë ye gaany , go Mono lööm ku leec NHialic ku bɛnyic , ku yïn kɔcpööcëke ,

ku , jiɛɛm , lɔmkä ku camkä , Ee Guöpdië , aca gam në week . Yaakä looi ëkälɛ bak

wenhïïm yaa ciëët në ɣɛɛn. Ku të cïï Miëththɛi thök , go Abïny lööm , ku leec NHialic ,

ku yïn kɔcpööcëke , ku jiɛɛm , Ye dɛkkä wedhiɛ , ëkän ee Riɛmdië , Riɛm de Män Jöt, cï

kuëër wei në week ku në juääc , bï karɛckuön nyaai. Yaakä looi ëkälɛ në akööl yee

wekke ye dek kedhiɛ , bak wenhïïm yaa ciëët në ɣɛɛn.

Amen

Ee mɛɛn Awut abï mät kaŋ lööm në Mïithiic keerou në rɔtde, ku leer yïn Bïcïp të tɔɔ yen

thïn ku Abuundïtkɔk tɔɔ thïn ku Dïkoon thïn , ku lee jɔl yiën kɔc kedhiɛ , yee tääu në

raan cin ku jɔl këde cuääk , ku acï yenhiɔl tuk në puön lir . Ku naa tɛɛu Mono në raan

cin ka luel ëkän ….

GUÖP de Bɛnydïïtda Yecu Kërïtho , cï gam në yïïn , ee ya bï yï yaa muk guöp ku tiëpdu

aɣët pïïr athɛɛr. Löm ëkän ku cam në cïït cïït yïn ( täŋ tɛk yïn ) yïnhom në thon cien

thou në yïïn , ku cam në yïpuööu në gäm yïn gam , ku lec.

Ku Awut gɛm pïïu muk Abïny në ye cin abï ëkän yaa lueel, ëkälɛ

RIƐM de Bɛnydïïtda , Yecu Kërïtho , cï kuëër wei në yïïn , ee yaa bï yï muk guöp ku

tiëpdu aɣët pïïr athɛɛr . Dek ëkän në cïït cïït ( Täŋ tɛk yïn ) yïnhom në kuëër cïï Riɛm

de Kërïtho kuëër wei në yïïn , ku lec.

Naa cï Mono ku pïiu ke Abiëc cïk thök ku kɔc juëc aaŋoot-ëke këc lööm në mät, ke Abun

abï kɔk wuöl ku thieeike në luɔi wɛn cïi gɔɔr lɔŋ-ë , abï gɔl në kek-ë wëlkä , jiɛɛm , (

Kërïtho Duluaŋda wɛɛr ɣɔn cien-ë ye …. ) në thiëi thieei yen Mono , ku beer gɔl në kek-

ë wëlkä të thieei yen Pïiu, ( ku të cïi Miëth thɛi thök…) në thiëi thieei yen Abïny-ë pïiu .

Naa cï kɔc thöknë mät kedhiɛ , ke Awut abï dhuk të de Agen de Bɛnydït , ku naa nɔŋ ka

cï doŋ ,ke ke cïïthieei kaa kɛn Agen nhom në riëëu , ku kumke nhïim në alanh linon ɣer

ëpath.

Awut abï lɔŋ de Bɛnydït lueel , ku gɛm kɔc në ye cök kedhiɛ .





Amen

Naa rëk Randït abï jäl jam ëkälɛ

BƐNYDÏT ku yee Awadɛn nhiaal , Ok Awuutkun koor puööth , Ok gör ba lɛcdɛɛn niɛ cïï

Ok röt kɔc-ë gäm Yïïn në käc kɔc Yïïn puööu , Yïïn Awadɛn piath, ku Yïïn läŋku në

puööth koor , ba Ook , Ok-ë Kaniithadu ëbɛn ba O cɔk löm nyiɛɛi de karɛckua ku

kapiɛɛth kɔk ke guöm cien gum kedhiɛ , në luɔi piɛɛth de Yecu Kërïtho Wëndu, ku në

thon cien thou , ku gɛm yee Ok Riɛmde gam , ku yee mɛɛn , Bɛnydïïtda , Ok yïn röt Yïïn

, tïïpkua kek-ë gupkua , bïk yaa mɔc path , mɔc lajik , mɔc pïïr yïnku Yïïn. Ku Ook läŋ

Yïïn në puööth koor , ba O , Ok kɔc cï yee män lajik-ë lööm , ba O cɔk thiäŋ në riëudu

ku athiɛɛidun nhiaal . Ook cï path në karɛc juëckua buk Yï yaa muɔɔc në këthi. Yïïn

läŋku wu löm yee luɔidaan-ë buk yaa dhiil-ë yïn-ë Yïïn . Duk-ë luɔi piɛɛthda thööŋ ,

ku päl ka cukke wuööc , në Yecu Kërïtho Bɛnydïïtda . man mɛt ke Yï ku Wëëidïït Lajik

në riëëu ëbɛn ku nhuɔɔm bï yaa tɔ kek-ë Yïïn , Awadɛn Nɔŋ riɛɛl ëbɛn , athɛɛr wadɛ.

Amen

Ka yee kän yen bïi ciir

NHIALINY Nɔŋ riɛɛl ëbɛn ku yee pïïr athɛɛr , Yïïn lecku arëët në mɔc cïn O muɔɔc , Ok

kɔc cï kek ekacïïkum Lajikkä lööm, në miëth pïïr de Guöp nhiaar ku Riɛm de Wëndu

Yecu Kërïtho Duluäŋda , ku në nyuuth cïn O nyuööth në yee kän wu yee puööu piath të

nɔŋ Ook , ku Ook yee röt mat arëët në guöp de Wënduic , yee rem thieei rem de kɔc

yee Yï gam kedhiɛ , ku Ook yee adïït ke ceŋdu athɛɛr në ŋäth, në kapuɔɔth ke thon

kook Ok , thon cïï Wënduun nhiaar thou ku guöm cien gum . Ku Yïïn läŋku arëët në

puööth koor, Awadɛn nhiaal, ba O yaa kony në athiɛɛidu , buk yaa dhiac në yee män

Lajiŋëic, ku buk luɔi yaa looi ëbɛn luɔi ca juër yee Ok cath thïn . në Yecu Kërïtho

Bɛnydïïtda , man yee mat kek-ë Yïïn ku WëëidïïtLajik, ee wu bï yaa mat kek-ë week në

riëëu ku nhuɔɔm athɛɛr wadɛ.

Amen

Ee mɛɛn kän abïi yaa ket të nyic-ë ye , naa kuc ke yee lueel ke kɔc kääc

NHUƆƆM abï yaa tɔ nhiaal ke NHialic ku dɔɔr në piny nhom ku miɛt-ë puöu de kɔc.

Yïïn lecku, ku Yïïn thieeiku , ku Yïïn doorku , ku Yïïn nhoomku , ku Yïïn lecku nhom në

nhuɔɔmdïïtdu, Yïïn Bɛnydït NHialic , Mëlëŋ Nhiaal , NHialic Wun Nɔŋ riɛɛl ëbɛn .

Bɛnydït , Wäntöŋ-ë bɔbei , Yecu Kërïtho, NHialic Bɛnydït, Nyɔŋ de NHialic , Wën de

Wuur, Yïïn man yee karɛc ke piny nyaai , käc-ëpuöu në Ook. Yïïn, Yïïn man yee karɛc ke

piny nhom nyaai , käc-ë puöu në Ook. Yïïn, Yïïn man yee karɛc ke piny nhom nyaai ,

löm lɔŋda . Yïïn, Yïïn man yee nyuc në cin cuëëc de NHialic wuur , käc-ë puööu në Ook.

Yïïn , Yïtök, yïn-ë kee Lajik , Yïïn ,yïtök ,yin-ë kee Bɛnydït , Yïïn , yïtök , yïn Kërïtho

wek-ë Wëëidïït Lajik, wek tɔ nhiaal arëët në nhuɔɔm de NHialic Wuuric.

Amen.

Ee mɛɛn Randït ka Bïcïp të tɔɔ yen thïn ka bï kɔc thiɛɛi dhöl në yee thiëi-ë

Dɔɔr de NHialic wär nyïny de raan ëbɛn , ee yaa bï we yaa muk puööth ku muk

wenhïïm në nyïny de NHialicic ku në nhiëërdeic , ku nyïny de Wënde Yecu Kërïtho

Bɛnydïïtda ku nhiëërde ayɛ , ku athiɛɛi de NHialiny Nɔŋ riɛɛl ëbɛn Wun ku Wä ku

Wëëidïït Lajik , aabï yaa tɔ në weiic , ku kabï yaa ceŋ kek-ë week ë luööt.

Amen.

Kek-ë lɔɔŋkä aabïike yaa lueel të cïi juɛr thök të cïn yen Mät , tök ka rou në akääl tökic

,ku yee ke bɛɛriic në luɛɛl të göör-ë ke , në thök de lɔŋ ëbɛn ,lɔŋ de nhiäkduur ka lɔŋ

thɛi ku mät ,ku litani , cï nyïny nyic abunke.

KONY O në käcdun de Yïpuöu , Bɛnydït , në yee lɔŋdɛɛn lɛŋ Ok Yïïn-ë , ku cɔk

awuutku cɔkke yee tëëk në dhöl de Luäkic athɛɛr , bïïke yaa gël në kuny piɛɛthdu në

käŋ kedhiɛ ka bïkke yaa yök në yee pïïr ee piny-ë nhomic , në Yecu Kërïtho Bɛnydïïtda

. Amen

BƐNYDÏT Nɔŋ riɛɛl ëbɛn ku yee NHialiny yee ceŋ athɛɛr ,Yïïn läŋku ba O yaa nyuööth ,

ku yee O thieei , ku yee O dak , Opuööth ku Ogup, në dhɔl ke lööŋkuiic ku luɔidaic ,

bïk O yaa muk në gël riil dïïtdu , Ogup ku tïïpkua , ee mɛɛn ku athɛɛr , në Yecu Kërïtho

Bɛnydïïtda ku Duluäŋda .

Amen .

YIIN läŋku NHialiny Nɔŋ riɛɛl ëbɛn , cɔk keek wël cukke piŋ në Oyïïth në yee köölëkä ,

cɔkke acom në Opuööth në athiɛɛidu , bik yaa thääp në luɔk path në Oiic në luɔi path ,

bï kɔc Riɛnku yaa riëëu ku yeekïke leec , në Yecu Kërïtho Bɛnydïïtda .

Amen

YE O ŋɔɔr në puön mit , Bɛnydït , në luɔidɛɛn yeeku looi ëbɛn , ku yee o kony në

kunyduun yee dhiac ( rëër ) ke O , buk Rinkuun lajik bïk yaa nhuɔɔm , në luɔida ëbɛn ,

luɔi yeeku gɔl në Yïïn ku yeeku thöl në Yïïn, ku buk pïir athɛɛr lööm në käcduun de

Yïpuööu , ne Yecu Kërïtho Bɛnydïïtda .

Amen

NHIALINY Nɔŋ riɛɛl ëbɛn , Yïïn yee awaŋgaak de nyïc ëbɛn , Yïïn man yee ka dak O

nyïc ëke këcku guɔɔ thiëc Yïïn , ku nyic kuöc thiëcda , Yïïn limku ba puöu yaa käc në

niööpda , ku ba O yaa yiën ka yee Okke riööc në thiëc bukke thiëc yï në wɛt rɛɛc Ok,

ku ka cukke yee lëu në thiëëc nëkë cïï Ok cɔr, yeeke yiën O në piathde Wëndu Yecu

Kërïtho Bɛnydïïtda .

Amen

NHIALINY Nɔŋ riɛɛl ëbɛn , ee ca lueel lan bïn lïm de kacku yaa piŋ, kɔc yee Yï lïm në

Rinke Wëndu . Yïïn läŋku , ba yïyïc wɛl O në käc de Yïpuöu, Ok kɔc läŋ Yïïn ee mɛn-ë .

ku cɔk ka cukke thiëëc në gämda , cï man de Yïpuöu , cɔkke alömkuke , bïk lan yee OK

dak yaa kony , ku bï nhuɔɔmdu yaa dït në kɔc nhïïm , në Yecu Kërïtho Bɛnydïïtda .

Amen.

Abï yaa ciën gɛm de Miëth Thɛi de Bɛnydït , të cïn en kɔc lëu röt ëmät kek-ë Randït cï

nyic yen-e .

Naa yee cien kɔc lëu thiërrou në Kaniithaic , kɔc yee Män Lajik lööm , ka bï yaa ciën män

Lajik bïi yaa looi ëluaŋ-ë , të cïn en kɔc keeŋuan ka kɔc kee diäk bï mat ke Randït .

Naa nɔŋ Mono ka Pïiuke abiëc cï döŋ wei ke ke këc-ë ke guɔɔ thieei, ke kaa bïï abun

lööm , ku naa nɔŋ ka cï döŋ bei ke ke cïï thieei , ke kaa cie jat beec luɛɛk , aabïï Randït

ku kɔc kɔk , ke mɛt bïkke cɔɔl , ku kaa bïïke yaa cam në riëëu në kek-ë kɔckä luɛɛk ëtë

töŋ-ë , të cien-ë kɔc thiɛɛi beec.

Mono ku Pïïuke abiëc ke mät aabïïke yaa bɛɛi në awut ku Dutïït de luak ( Märkua cïï ruök

ka Ducïir de tiik ) ku kaa cïike ɣɔɔc në wëu ke Kaniitha ëtɛɛn.

Ku dɔtkä ëkän ( Muökkä ëkän në wenhïim ) yaa Kïrïthäänooi kedhiɛ aabï aabï dhiil yaa

mat në Män Lajik anaadiäk në ruöön tökic , cïï diäk kɔŋ dääk , ku kööl-ë Jöt ee töŋ de

yee diɛɛŋkä.

Naa cï duör thök , ke mɔc cïï juaar abïï yaa tɛk aŋääŋ ku kɔc kɔk cï nyïny nyic abun de

luak-ë ku Dutïït de luak . Ku naa cïk mat në tëŋdɛn , ke kaa bïï Bicip yaa tek.

MÄN LAJIK

“Luɔi de Miëth Thɛi de Bɛnydït ee tääu kälɛ , kɔc aabï Män Lajik yaa lööm ke ke cï

kenhiɔl tuk, ( kän ee nyooth de gamdɛn de kuur de puöu ku lɛc de kapiɛɛth ke Kërïtho

yeeke yiën kɔc yee ye nyiɛc lööm , ku nyiɛɛi ben-ë luɔi rac yaa nyaai ku bïï ariɛɛr tekic (

liäpliäp ) të looi-ë Män Lajik, të yïn en rɔt yiën looi, ka bï tuöl). Të nɔŋ en ran yee ye

kuöc tak në kuny kuc yen-e , ka looi-ë nyic në niööp ka në rɛɛc ku riɛl de puööu , kee

ka yee lueel kälɛ, Ya duör de Mono ka duör de Pïïuke abiëc cïïke thieei yeeke lööm cï

mandɛn ,ku kacie tää tɔɔ Guöp De Kërïtho ku Riɛmde thïn . Mono ku Pïïuke abiëc cïïke

thieei yee ke lööm aaye dhiac (rëër ) cï mëdɛn thɛɛr , ku kacï bïï yaa door, ( ëkän yen ee

duör de eidool [ jak] , kë bïï yaa maan në Kïrïthäänooi nɔŋ adöt ëbɛn ) ku Guöp ku

Riɛm de Duluaŋda Kërïtho aatɔ Nhiaal , ku kacie piiny, ee wuööc kek-ë yic de guöp de

Kërïtho të yen-ë ye lueel yaa ye Guöp de Kërïtho tɔɔ në ɣän juëc “

( Apäm 80 --- 86 në duööric )

LUƆI DE BAPTÏTH DE MÏTHTHII

BÏÏ YAA LOOI LUAŊ DE NHIALIC

Kɔc aabïïke yaa yɔɔk , ya ka ŋuɛɛn bïï mïth yaa baptïth në Thändeei ka në akööl Lajik

kɔk , akööl yee kɔc ke guëër , ago kɔc cï guëër agokï kɔc yaa lëk në kɔc cïï piac

mat në Kaniitha de Kërïthoic në baptïth , ku bï Baptïth de mïththii bë kɔc yaa cɔk

acïït ke nhïïm në yee gämden de NHialic ɣɔn -ë, ëcɔk-e ayïk-ë Baptïth. Ku kän

aben-ë Baptïth yaa ciir në thoŋ nyic . Ku naa gör ayɛ, ke mïth aalëuke në baptïth në

kööl cï rɔt guɔɔ yök.

Mɛnh-ë dhɔk ëbɛn bïï baptïth abï yaa naŋ wunken ke NHialic kääc në ye kɔu

kaarou. Ku man de kakke NHialic ke yee tök kääc në yee kɔu . Ku manh-ë nya abï

yaa naŋ märken ke kakke NHialic kääc në ye kɔu kaarou , ku wun de kak-ë NHialic

tök kääc në ye kɔu.

Naa yee naŋ mïth bïïke baptïth , ke kaa bïï kɔcken yaa lueel thëëi, ( në aköl yäär )

ka nhiäkduur aŋoot lɔŋ –ë nhiäkduur ke këc-ë gɔl, ku lekkï Awut de NHialic , ku

wunken ke kakke NHialic ku märken ke kakke NHialic bïk röt rec në töny de pïïu ke

Baptïth lɔɔm, të cïï ciër ciëën de lɔŋ de nhiäkduur ka lɔŋ thɛi thök , të cït të bïï

Awut yee nyuɔɔth thïn. Naa cï Randït /Abun bɛn të de töny nɔŋic pïïu layuic ke

Baptïth cïn-ë ke ye thiööŋic , ka bï kɔɔc ku thiëëc kɔc ee kän –

Cïi kek-ë mïthkä ( manh-ë ) guɔɔ baptïth ka ŋootkï ( ŋoot ) ?

ku dhuk = aakëc-ë ke baptïth

Ke Randït abï ëkääk ciir jiɛɛm—

Kɔc nhiaarke . kɔc kedhiɛ aaye dhiëëth në karɛciic , ku Duluäŋda Kërïtho

ee jam , Yee kacïn ran lëu lɔ në ceŋ de NHialicic ke ŋoot ke këc bɛɛr dhiëëth

në pïïu ku Wëëidïït Lajik . Week yaa lɔŋ ya bak NHialic Wun cɔɔl në Yecu

Kërïtho Bɛnydïïtda , bï kek-ë mïthkä ( yee manh-ë ) yiën kë cïk lëu në yök

në kakke piny nhomiic ,ku bïï ke baptïth në pïïu ku Wëëidïït lajik , ku bïïke

lööm në Kaniitha de Kërïthoic , bïïke cɔk ayee mïthken ( manhdeen ) yee

pïïr

Ee mɛɛn Randït abï jam kälɛ--

Lɔŋku

NHIALINY Nɔŋ riɛɛl ëbɛn ku yee ceŋ athɛɛr , käc kɔɔc Yïïn puöu acïn Nɔi

luök ɣɔn kek-ë kuanden ( dhiënde ) në riändït duökke bï mou , ku Yïin cï

kacku mïth Yïthërɛl , aacake tɛɛm në Bar thith apath. Keekkä, kek aayee

nyooth de Baptïnhduun Lajik. Ku Baptïnh cien-ë Wënduun nhiaar arëët ,

Yecu Kërïtho , cien-ë ye Baptïth në ciir de Jordaan , ee pïïu thieei nyïïn bï

karɛc yaa waak wei në wɛk cïï kum. Yeen Yïïn läŋku wuö tïŋ kek-ë mïthkä (

manh-ë ) në käc dïïtduun kɔɔc yïïn puööu, wakke , ( wak ) ku thieeike (

thieei ) bïïke luök ( bïï ) në ɣökduic , ku bïïke ( bïï ) lööm në Kaniitha de

Kërïthoic . Yeeke cɔk ayee kɔɔc apath në gäm yee kek ( yen ) gam , ku

yeeke cɔk alɔ puööth ( puöu ) yum në ŋäth yee kek ( yen ) ŋɔth , ku yeeke

cɔk rɛɛr në puööth ( puön ) path të nɔŋ kɔc kɔk , bïk ( bï ) yaa tëëk apath në

karɛc ke pinynhom cialiic , ku bïk ( bï ) ɣet pan de pïïr athɛɛr të bïï kek ( ben

) yaa ceŋ thïn kek-ë Yïïn athɛɛr wadɛ , në Yecu Kërïtho Bɛnydïïtda. Amen

NHIALINY Nɔŋ riɛɛl ëbɛn , ku cïï yee thou athɛɛr , Dukuny de kɔc yee dak

kedhiɛ , dugël de kɔc yee röt riëŋ yï kedhiɛ ba ke kony, pïïr de kɔc yee gam ,

dujön de kɔc yee thou. Yïïn cɔlku në kek-ë mïthkä ( manh-ë ) bɔ në

Baptïnhduun lajik bïk ( bï ) pɛl de karɛcken ( karɛcke ) lööm në dhiënh cien-

ë ke ( ye ) bɛɛr dhiëëth në Wëëidït . lömke , Yïïn Bɛnydït , cï man ëcïn-ë ye

lueel në Wëndun nhiaar , yaakä thiëëc ku ka bak yaa lööm , yaakä göör, ku

bak yaa yök , yaakä tɔɔŋ , ku ka bïi yaa liëp we, yen muɔc Ook ee mɛɛn yïïn

cuk thiëëc ,cɔk kë görku cɔk ayökku, liëp-ë O thok Ok tɛŋ, bï kek-ë mïthkä (

manh-ë ) thiëi athɛɛr de wɛtdun nhiaal yaa lööm, ku bïk ( bï ) ɣet në pïïr

athɛɛric në ca lueel në Kërïtho Bɛnydïïtda . Amen

Ee mɛɛn kɔc yor nhïim aabï kɔɔc, ku luel Randït ëkääk , ye lɛ ….

Piɛŋkä cök ke Wëlpath, cïïke gɔɔr ne Mak Cïïthieei , në Cäpta thiäär ku cök

thiäär ku diäk .

Goo kɔc mïththii bɛɛi të nɔŋ Yecu , bïïke bɛn-ë gɔɔt ( Jak ) gup në Yecu,

goo kɔc pööcëke kɔc waai ( cil ) . wɛn acïi Yecu tïŋ , goo puöu tuöc ( lɛth )

ku yöökke , cakkä mïththii abɔ të nɔŋ ɣɛɛn, ku duökkäke pën , ka cït keek ,

kek aaye ceŋ de NHialic . Week yɔɔkke në yic pacɔk , Yaa raan ëbɛn ciee ceŋ

de NHialic yee lööm cï man manhthi , acï lɔ thïn bï lëu. Gooke boom , ku

thieeike , ku kɛc yecin në kenhïim.

Të cien Wëlpath ciir , ke Awut /Abun abï kɔc yɔɔk cïr kek-ë Welkä kɔc.

KƆC nhiaarke , wek cï wël ke Kërïtho Duluäŋda piŋ në kek-ë Wëlpiɛɛthkä

yiic , në yöök cien kɔc yɔɔk yee bɔ mïththii të nɔŋ-e , në wɛi ( cïl ) cien-ëke

cil në kɔc , nɔŋkï puööth bïkke pëën, yöök cien kɔc yɔɔk bïk piath-ë mïth

yaa käär.. Anyiɛckä ke cï piathden de yepuöu nyuɔɔth në kek-ë mïthkä në

kɛn de yecin , yen-ë kee boom yenke , ku kɛn yecin ke ku thieeike. Yeen

duökkä gɛi , gamkä pacɔk , ke bï kek-ë mïthkä ( manh-ë ) lööm në piath de

ye puööu, aabïke ( abï ) boom në kökken ke käcde puööu , aabïke ( abï )

yiën athiɛɛi de pïïr athɛɛr , ku kaabïke ( kabï ) yiën biäkden ( baŋden )

(Biäkde ) de ceŋ athɛɛr . Yen të cïï Ok puön de Awandɛn nhiaal nyic në kek-

ë mïthkä (manh-ë ) cï man ëcïï Yecu Kërïtho Wënde yee lueel , ku naa cuk

nyic ke tïŋ bïï, bïï Ok kek-ë mïthkä ( manh-ë ) në piath tëde Baptïnhdeen

Lajik, ke lecku në gäm ku në riëu , ku jamku wuö

NHIALINY Nɔŋ riɛɛl ëbɛn ku yee ceŋ athɛɛr , Awadɛn nhiaal, Yïïn lecku në

puööth koor nëkë cïn O cɔɔl buk Riɛɛldu yaa nyic ku buk Yï yaa gam , Ye

nyïny-ë yee cɔk dït , ku ye gäm-ë yee cɔk aril në O puööth athɛɛr. Yiën-ë

kek-ë mïthkä ( Manh-ë ) Wëëidïïtduun Lajik bïïke bɛɛr dhiëëth ku bïïke cɔk

ayee adïït ke ( dït ) luäk athɛɛr. Në Yecu Kërïtho Bɛnydïïtda , man yee pïïr ku

ceŋ në Bäänyic kek-ë Yïïn ku Wëëidïït Lajik , ee mɛɛn ku athɛɛr wadɛ.

Amen

Randït / Abun abï bɛɛr ke wunken ke NHialic ku märken ke NHialic në lɛ…

KƆC nhiaarke , we cï kek-ë mïthkä ( manh-ë ) bɛɛi ëtɛɛn bïïke baptïth , we

cï lɔŋ bï Yecu Kërïtho Bɛnydïïtda bë ke lööm, ku pɛlke në karɛcken ( karɛcke

), ku cɔkke aɣer në WëëidïïtDen Lajik , ku yïnke ceŋ nhiaal ku pïïr athɛɛr .

Acak piŋ ayɛ në luɛl cïï Yecu Kërïtho cien-e lueel në Wëlpiɛɛthkeiic , ye bï ke

yiën käŋ kedhiɛ ka cïï wek ke lɔŋ, ku yee luɛl cien-e lueel-ë, aben-e dhiɛɛl

thïn nëyic . Yen të cïï Kërïtho yee lueel ëkɛɛ , ke kek-ë Mïthkä ( manh-ë )

aabï baŋdɛn ( biäkdɛn ) ( Baŋde ) bɛɛr lueel në week , wek dulëëkken (

dulëëkke ) agut të cïï kek dït ( cien dït ) bïk ( bï ) jäl lueel në amëriɛldɛn (

amëriɛlde ) Ye bïk ( bï ) duriëëth yaa jäi kek-ë luɔide ëbɛn, ku bïk ( bï ) wɛt

Lajik de NHialic yaa gam , ku bïk ( bï ) lööŋke yaa looi.

Yeen ɣɛn thiëc në yee mɛɛn ,

NË nyin de yee manh-ë yic , yee duriëëth jäi kek-ë luɔide ëbɛn, ku dhëëŋ de

luethic de kakke piny nhom , ku wëŋ yïnke wak , ku kɔr rɛɛc de guöp .

duökke kek bake yaa kuany cök ku yeekï yï thɛl wei ?

Ku dhuk = Aajäike kedhiɛ

Awut

Yee NHialic gam , Wun Nɔŋ riɛɛl ëbɛn , Duciëŋ-ë cak Nhial ku piny ? ku gam

Yecu Kërïtho , WäntöŋDe , Bɛnydïïtda ? ku gam dhiënh cien-ë ye bɛɛr

dhiëëth në dhueny ( Bïm ) cɔl Märi këc thɔɔny ( tɛc ) ke rör? Ku gam guöm

cien gum në ceŋ Pontio Pilato, ku piɛɛt cien-ë ye piäät në tim kɔu , ku thon

cien thou, ku thiäŋ cien-ëye thiök, ku lɔ cien lɔ pan de kɔc cï thou, ku jön

cien rɔt bɛɛr jɔt në thouic në kööl-ë diäk ,ku lɔ cien lɔ pan nhiaal ,ku nyuny

yeen nyuc në cin cuëëc de NHialic Wun Nɔŋ riɛɛl ëbɛn, ku bɛn ben bɛɛr bɛn

të cïï piny nhom thök ne ceŋ bï luk bɛn-ë luk, luŋ de kɔc cï thou ku kɔc pïïr?

Ku yee Wëëidïït Lajik gam, Kaniitha Katholik Lajik, män yee kɔc cïïthieei mat,

ku päl de karɛc ke kɔc , ku jön bïi gup röt bɛɛr jɔt, ku pïir athɛɛr në thou

cök ?

Ku dhuk = Aagamke në yic kedhiɛ

Awut

Bïï yï baptïth në yee gäm-ë ?

Ku dhuk = Yen-ë ka gɔɔr

Awut

Ba kakke puön Lajik de NHialic ku lööŋke bake yaa looi, ku yee cath në

keiic në kööl yïnke pïir kedhiɛ ?

Ku dhuk = Aaba ke yaa looi.

Ee mɛɛn Randït abï jam ëkälɛ …..

NHIALINY kɔc puööu , cɔk Adam thɛɛr tɔ në kek-ë Mïthkä puööth ( manh-ë

) puöu cɔk thiɛk , ku cɔk ran jöt cɔk jɔt rɔt në kepuööth ( yepuöu ). Amen

Cɔk täŋ rɛɛc de guöp cɔk thou në kepuööth ( yepuöu ) ku cɔk kakke Wëëidït

kedhiɛ cɔkke pïïr ku yeekï cil në kepuööth ( yepuöu ) . Amen

Cɔkke yee naŋ riɛɛl bïk ( bï ) duriëëth yaa tiaam ku yeekï ( yee ) kakke

pinynhom ku këde guöp tiaam. Amen

Cɔk kek-ë mïth cukke yiën Yïkä ( ye manh cuk yiën yï ) në luɔidɛn ca yiën O

Ok awuutku, cɔkke athiäŋ në kapuɔɔth nhiaal , ku riöp athɛɛr , në käc kɔɔc

yïïn puööu , Yïïn NHialic Bɛnydïït Cïïthieei , man yee ceŋ ku yee käŋ dɔk

kedhiɛ athɛɛr wadɛ. Amen

NHIALINY Nɔŋ riɛɛl ëbɛn ku yee pïïr athɛɛr , Wëndun nhiaar arëët , Yecu

Kërïtho acïï pïïu bɛn bei ku riɛm në ye lɔɔm bï karɛckua puöl , ku Yïïn

kɔcpööcëke löŋde , yee bïk juöör yaa la pɔɔc ëbɛn ku yeekïke baptïth në

Rinke Wun ku Wä ku Wëëidïït Lajik, Ok läŋ wuö piŋ lɔŋ de kek-ë kɔc cï

guëërkä , thieei kek-ë Pïïukä bïk karɛc waak wei në wɛk cïïkum, ku cɔk kek-

ë mïthkä ( manh-ë ) bukke baptïth ne yee mɛɛn në kek-ë Pïïukä , cɔkke

löm thiëi bïk ( bï ) yaa thiäŋ në yeen , ku cɔkke ayee tɔ ( dhiac ) në mïthkuiic

athɛɛr mïth yee yï gam cake lɔc , në Yecu Kërïtho Bɛnydïïtda . Amen

Ee mɛɛn Randït abï meth jɔt ku yöök wunken ke kakke NHialic ku märken ke kakke

NHialic , yee

Cakkä yee manh-ë

Yeen ee mɛɛn abïi cɔɔl në rin cïn-ë ke ye cäk në kacken , ku ( naa jamkï ka cï nɛk

pïiu të boor-ë ye në pïiuiic ) ka jool Abun në pïiuiic ëmääth ku lueel ëkän

R. Yïïn yaa baptïth në Rin Wun ku Wä ku Wëëidïit Lajik . Amen

Ee mɛɛn acïï juɔɔl në diäk.

Ku naa lueel märken ke kakke NHialic ku wunken ke kakkä NHialic meth aniɔp

guöp, ka gëm-ë nhom pïiu në ye cin.

Ok bïï-ë manh-ë në böŋ de Kërïthoic , ku ka jitku nhom në cïn de

Tiɛmageer, yen-ë kee nyooth de riööc cïï yee manh-ë nyin bï yaa riööc në

gäm yen Kërïtho cïï piäät në yeen gam , ku bï yaa ɣëët kek-ë yeen në kërac,

ku këpiiny ku duriëëth , ku bï yaa dhiac ke yee alathkërë piɛɛth de Kërïtho,

ku yee awunde agut thök de pïïrde athɛɛr. Amen

Të lueel abun ëkääk-ë ka jit meth nhom thok në cïn de tiɛmageer abï jam

Ee mɛɛn Randït yee ……

Adɛɛiëko ee mɛɛn wɛtke wää nhiaar ke , ke kek-ë mïthkä ( manh-ë ) cïï ke

bɛɛr dhiëëth ,ku cïï ke mat në Kaniitha de Kërïthoic ,Yeen lecku NHialiny

Nɔŋ riɛɛl ëbɛn në yee luɔi piɛɛth-ë , ku lɛŋku wun atök, bïk ( bï ) yaa pïïr cï

man gɔɔc kek ( en ) yeen agut thök de pïirden ( pïïrde )

Ee mɛɛn lɔŋ de Bɛnydït abïi lueel ke kɔc cï kenhiɔl tuk kedhiɛ ,





Amen

Ee mɛɛn Randït abï jam kälɛ --

YÏÏN lecku , Awadɛn kɔc puööu, në kë cïn puöu miɛt acɔk kek-ë mïthkä (

manh-ë ) aberëke dhiëëth në Wëëidïïtduun Lajik , ku lömke ke ke yee mïthkun

( ke yee manhduun ) cake muk ( dɔp ) , ku bɛɛiëke në Kaniithaduun Lajikic . Yïïn

läŋku në puööth koor , cɔk kek-ë mïthkä ( yee manh-ë ) cï thou në rɛɛc , ku

yeekï ( yee ) pïïr në piath lajik, ku cïïke thiök kek-ë Kërïtho në thonde , cɔkke

apiɛɛt ran thɛɛr ku nyiɛɛikï kërac ëbɛn. Män mɛt kek ( yen ) në thon de Wëndu ,

cɔk Yïnke ( en ) aber mat në jön cien rɔt bɛɛr jɔt , bïk yaa adïït ke ( bï ya dït de )

ceŋduun ciëŋ athɛɛr kek-ë Kaniithaduun Lajik ëbɛn , në Yecu Kërïtho

Bɛnydïïtda. Amen

Kɔc aabï kɔɔc kedhiɛ ku ciir Randït ciir ëyöök-ë , cïr wunken ke kakke NHialic ku märken

ke kakke NHialic .

Naa cï kek-ë mïthkä ( yee manh-ë ) jam ku cïk (cï ) mël kuëëŋ në week , ye bïk

( bï ) duriëëth yaa jäi kek-ë luɔide ëbɛn , ku yeekï ( yee ) NHialic gam, ku bïk (

bï ) yaa luöi , ke yaakä nyic në yee baŋduön ku yee luɔiduön bï kek-ë mïthkä (

yee manh-ë ) pöc , ago naa cïk ( cï ) nyïc lëu, ke ke bë yee mël-ë dïk ënyïc,

mël riil cïk ( cï ) lööm ku cïk ( cï ) nyuɔɔth në week. Ku bakke yaa caal tëde

wëët . ku bïk ( bï ) käŋ yaa dïk në nyïc apath , ku kë dït ee bakke yaa cɔk anyic

Gäm de Dutuuc , ku Lɔŋ de Bɛnydït , ku Lööŋ kee thiëër në thoŋ nyic, thoŋ-ë

man. Ku käŋ kedhiɛ ka yee Kïrïthäänooi ke nyic ,ku yeekï ke gam në luäŋ de

tiëp, bï kek-ë mïthkä ( manh-ë ) bïk ( bï ) yaa naŋ riɛl de pïïr path ku yeekï ceŋ

ke ke yee Kïrïthäänooi ( ke yee Kïrïthäänoo ) path . ku yeekï ( yee ) döt aluööt (

nyindhiɛ ) ke baptïth yen yee ya nyooth de gämda, gäm yee Ok Duluäŋda

Kërïtho käär, ku yee O cɔk acït Yecu. bï thon cien thou ku rɔt jɔt në Ook , Ok

kɔc cïï ke baptïth, bïï Ok yaa thou në rɛɛc ku beerku röt jɔt në Lajik, ku yeeku

kërac ku kɔɔr rac yeekuke but ( cool-ë ) në jiɛi, ku yeeku ciëëth tueŋ në lacäp

ëbɛn ku në pïïr lajik.

Të cïï yöök thök , ke kabï bɛɛr yɔɔk kälɛ …

Kek-ë mïthkä ( yee manh-ë abï ) aabïï ke laar ( yiën ) Bïcïp bï ke lɔ cɔkril të cïï

kek ( cien ) Gäm de Dutuuc lëu në luɛl, ku lɔŋ de Bɛnydït lëu në luɛl, ku lëukï

lööŋ kee thiëër në luɛl ku cïï ke bɛɛr pɔɔc në Kätëkïdhïm de Kaniitha cïï tääu në

yee känic.

Acïï wɛt de NHialic dïk-ë nyooth ëcök ke mïth cïïke Baptïth ku yeekï thou ke ke këc kërac

looi ,ke ke yee naŋ luäŋ.

Naa yee naŋ riööc në luɔi de cïn de Tiɛmageer në Baptïth , ke luɛlde ku kë yee looi acïï

gɔɔr në Canonic xxx de Run de MDCIV.

LUƆI DE BAPTÏTH DE KƆCDIT

KƆC LËU GÄMDƐN NË LUƐL

Naa nɔŋ kɔc bïike baptïth , ëkee kɔc cï ŋuɛɛn, ke Bïcïp abïi yaa lɛk , ku ran bï nyooth bë

yiëk ëluɔi-ë, në wunken ke kakke NHialic ku Märken ke kakke NHialic bë kɔɔc në kɔc

bïike baptïth kɔɔth, ka ran dɛ cï rɔt yök aŋoot nïn keedhorou , ago naŋ kööl ciɛɛrëke bïi

nyic lan cien-ëke wɛɛt apath në lööŋ ke duöör ke Kïrïthäänooi , ku bïike yɔɔk bïk röt juiir

në lɔŋ ku thiëël në lɔm de yee Thäkärämant lajik-ë.

Naa cïike yök ke ke path, ( ku cï kɔc guëër në Thändeei ka akööl lajik cïi nyooth ) ke

wunken ku märken ke kakke NHialic aabï kɔc bɛɛi tëde töny de pïiu ke Baptïth lɔɔm në

thök de ciëër de rou në lɔŋ-ë nhiäkduur ka lɔŋ thɛi në löny cï-ëye lɔc , ka të cïi kuɛny-e

në awut.

Randït abï kɔɔc ëtɛɛn ku thiëëc kɔc lɔn cien-ë kek-ë kɔckä baptïth ka ŋootkï, ku naa

dhukkï , yee kaa këcëke baptïth, ka bï buk liepic ku jiɛɛm ëkälɛ

KƆC nhiaarke , kɔc kedhiɛ aaye dhiëëth në këracic ,( kë cïï dhiëëth në rïïŋ ee

yaa rïïŋ ) ku kɔc yee tɔ ëke yee rïïŋ aacie layum në NHialic puööu , aayee ceŋ

në këracic , ku yeekï karɛc juëc wuööc . Ku Duluäŋda Kërïtho ee jam , Ye kacïn

ran lëu lɔ në ceŋ de NHialicic ke ŋuɔt-ë këc-ë bɛɛr dhiëëth në pïïu ku në

Wëëidïït Lajik. Week yaa lɔŋ ya bak NHialic Wun cɔɔl , në Yecu Kërïtho

Bɛnydïïtda , bï kek-ë kɔckä ( yee ran-ë ) yiën kë cïk ( cïï ) lëu në yök në kakke

pinynhomiic , ku bïïke baptïth në pïïu ku Wëëidïït Lajik , ku bïïke lööm në

Kaniitha Lajik de Kërïthoic , ku bïïke cɔk ayee kɔcken ( randen ) yee pïïr .

Ee mɛɛn Randït abï jam , ye

Ee mɛɛn kɔc cï guëër aabï kenhiɔl tuk kedhiɛ

Lɔŋku

NHIALINY Nɔŋ riɛɛl ëbɛn ku yee ceŋ athɛɛr , käc kɔɔc Yïïn puöu acïn Nɔi

luök ɣɔn kek-ë kuanden ( dhiënde ) në riändït duökke bï mou , ku Yïin cï

kacku mïth Yïthërɛl , aacake tɛɛm në Bar thith apath. Keekkä, kek aayee

nyooth de Baptïnhduun Lajik. Ku Baptïnh cien-ë Wënduun nhiaar arëët ,

Yecu Kërïtho , cien-ë ye Baptïth në ciir de Jordaan , ee pïïu thieei nyïïn bï

karɛc yaa waak wei në wɛk cïï kum. Yeen Yïïn läŋku wuö tïŋ kek-ë kɔckä (

ran-ë ) në käc dïïtduun kɔɔc yïïn puööu, wakke , ( wak ) ku thieeike ( thieei

) bïïke luök ( bïï ) në ɣökduic , ku bïïke ( bïï ) lööm në Kaniitha de Kërïthoic .

Yeeke cɔk ayee kɔɔc apath në gäm yee kek ( yen ) gam , ku yeeke cɔk alɔ

puööth ( puöu ) yum në ŋäth yee kek ( yen ) ŋɔth , ku yeeke cɔk rɛɛr në

puööth ( puön ) path të nɔŋ kɔc kɔk , bïk ( bï ) yaa tëëk apath në karɛc ke

pinynhom cialiic , ku bïk ( bï ) ɣet pan de pïïr athɛɛr të bïï kek ( ben ) yaa ceŋ

thïn kek-ë Yïïn athɛɛr wadɛ , në Yecu Kërïtho Bɛnydïïtda. Amen

NHIALINY Nɔŋ riɛɛl ëbɛn , ku cïï yee thou athɛɛr , Dukuny de kɔc yee dak

kedhiɛ , dugël de kɔc yee röt riëŋ yï kedhiɛ ba ke kony, pïïr de kɔc yee gam ,

dujön de kɔc yee thou. Yïïn cɔlku në kek-ë kɔckä ( ran-ë ) bɔ në

Baptïnhduun lajik bïk ( bï ) pɛl de karɛcken ( karɛcke ) lööm në dhiënh cien-

ë ke ( ye ) bɛɛr dhiëëth në Wëëidït . lömke , Yïïn Bɛnydït , cï man ëcïn-ë ye

lueel në Wëndun nhiaar , yaakä thiëëc ku ka bak yaa lööm , yaakä göör, ku

bak yaa yök , yaakä tɔɔŋ , ku ka bïi yaa liëp we, yen muɔc Ook ee mɛɛn yïïn

cuk thiëëc ,cɔk kë görku cɔk ayökku, liëp-ë O thok Ok tɛŋ, bï kek-ë kɔckä (

ran-ë ) thiëi athɛɛr de wɛtdun nhiaal yaa lööm, ku bïk ( bï ) ɣet në pïïr

athɛɛric në ca lueel në Kërïtho Bɛnydïïtda . Amen

Ee mɛɛn kɔc aabï kɔɔc nhial , ku jam Randït ciir ëkääk , ëlɛ

Piɛŋkä Wëlpiɛɛth cïike gɔɔr në Jɔn Cïithieei , në Cäpta diäk ku gɔɔc në cök

tök agut yen bɛt .

Ran de Pärïthaai ee tɔ ɣɔn cɔl Nïkodemo, ee yee bɛny de Judaai . Goo lɔ të

nɔŋ Yecu në wɛɛric , leer ku yöök ,Ye Räbï, Ok nyic Yïïn, ke yïïn yee Dupöny

cï bɛn të nɔŋ NHialic , acïn ran lëu kagɛi-ëke në luɔi cï man looi yïïnke të cïï

NHialic tɔ ke ye. Goo Yecu dhuk , ye yïïn yaa yɔɔk në yic , yaa na cï raan

ber-ë dhiëëth eka cï ceŋ de NHialic lëu në tïŋ. Goo Nïkodemo thiëëc , yee bïï

ran cï dït bɛɛr dhiëëth kadï ? lëu dhuk në dhiënh de manic ku ber-ë dhiëëth

? Goo Yecu dhuk , ye yïïn yaa yɔɔk në yic , ya naa cï raan ber-ë dhiëëth në

pïïu ku në Wëëidït, eka cï ceŋ de NHialic bï lëu . kë yee dhiëëth në rïïŋ ee

yaa rïïŋ ku kë yee dhiëëth në Wëëidït , yen-ë kee yaa wëi. Duk-ë gɛi, në

jam ëjiɛɛm ɣɛn aniɛ. Ya yïïn bïï bɛɛr dhiil në dhiëth. Yom ee puut ( rëët ) të

yee tak , ku yïn awuööude piŋ , ku yee të yen bɛn ku yen lɔ kuc, yen-ë kee

raan ëbɛn ran yee dhiëëth në Wëëidït ee yiën ëkɛɛ.

Naa rëk ke Randït abï yöök-ë ciir ëkälɛ ..

KƆC nhiaarke , wël riil ke Duluäŋda Kërïtho aayaakä ke piŋ në kek-ë

Wëlpiɛɛthkäiic , ye naa cï raan berë dhiëëth në pïiu ku Wëëidït eka cï lëu lɔ

në ceŋ de NHialicic . kuu kän eekë dïit yaakä ŋäŋ de yee Thäkärämant lëu

në döt , të yen-ë ye yök thïn. Ku yen-ë ayee tëde ( cɔɔkde ) ayɛ ɣɔn në yee

mëtöŋ-ë, ɣɔn ŋoot yen ke këc guɔɔ lɔ nhial , ( cï ciër yee Ok ye ciir në cäpta

ciëën de Wëlpiɛɛth ke Mak Cïïthieei ) , go kɔcpööc-ëke yɔɔk , ye lakkä në

pinynhom ëbɛn , ku yaakä raan ëbɛn wɛɛt në Wëlpiath . Ran yee gam ku cïï

baptïth kee yeen abïï luök , ku ran cie gam abïï luökwei, Yee kënë ee O

nyuöth këpiɛɛth dïït yeeku lööm në yeen. Ku yen-ë kee cɔk Petero Cïïthieei

Mëtuuc cɔk jam kälɛ, ɣɔn kɔŋ yeen wëët në Wëlpiath , ku cïk kɔc gut puööth

kek Wëlpath, gokï thiëëc kek-ë Mëtuuc kɔk , Ya week kɔckua ku yaakä

wätmäthkua ayɛ, buk ŋu looi ? Go dhuk yöökke , yee Wɛlkä wepuööth , ku

cakkä röt ayïk-ëke baptïth wedhiɛ në päl de karɛc , ku bak mɔc de Wëëidïït

Lajik lööm, nëkë yee kë cïï lueel yen këduön, ku yee këde miëëthkuön, ku

yee këde kɔc këc ( theer ) kedhiɛ , agut juääc bïï Bɛnydït NHialinyda yaa cɔɔl.

Ku yöökke arëët në wël juëc kɔk , jiɛɛm , yee luäkkä röt në yee kuan rɛɛc-ë

yic ( Cï man cïï yee Mëtuuny töŋ-ë ye lɛkke tëdɛ ) Yee baptïth ee O luök ayɛ

në yee mɛɛn ( ku kaciee nyiɛɛi de acol de guöpic , ee yaa gäm de nyïny

piɛɛth de puööu të nɔŋ NHialic ) në jön de rɔt de Yecu Kërïtho . Yen duökkä

yee lɔ gäkgäk , yaakä cök në gäm , ke kek-ë kɔc tɔ ëtɛɛnkä ( ran tɔ ëtɛɛn-ë

) lööm në miɛt de puööu , të wel kek kepuööth ( yen yepuöu ) në yic ,ku

bïkkï ( bïï ) të nɔŋ yeen në gäm, bïï ke yiën päl de karɛcken ( karɛcke ) ku

yïïn ke Wëëidïït Lajik , bïïke yiën athiɛɛi de pïïr athɛɛr , ku cɔkke anɔŋ baŋ

de ceŋdeen yee tɔ athɛɛr . Yeen naa cïï O jäl tuer në puön piɛɛth de Awadɛn

nhiaal de kek-ë kɔckä ( yee ran-ë ) në luɛɛl ëcïï wënde Yecu Kërïtho ye lueel

, ke në lecku në puööth puɔɔth nɔŋiic adöt , ku jamku , wu…

NHIALINY Nɔŋ riɛɛl ëbɛn ku yee ceŋ athɛɛr , Awadɛn nhiaal , Yïïn lecku në

puööth koor në kë cïn O cɔɔl buk Riɛnku yaa nyic ku buk Yï yaa gam, yee

nyïny-ë yee cɔk dït , ku yee gäm-ë yee cɔk ril në Opuööth athɛɛr. Yiën-ë

kek-ë kɔckä ( ran-ë ) wëëidïïtduun Lajik bïïke bɛɛr dhiëëth ku bïïke cɔk

ayee adïït ke ( dït de ) luäk athɛɛr , në Yecu Kërïtho Bɛnydïïtda, man yee pïïr

ku ciëŋ në Bäänyic kek-ë Yïïn ku Wëëidïït Lajik , ee mɛɛn ku athɛɛr wadɛ .

Amen

Ee mɛɛn Randït abï kɔc bïike baptïth yɔɔk kälɛ

KƆC nhiaarke ( ran nhiar ) cï bɛn ëtɛɛn në göör göör wek-e ( yïn-e ) bak (

ba ) baptïth lajik lööm , wek ( yïïn ) cï lɔŋ lɛŋ kek-ë kɔc cï guëërkä piŋ , Ye

bï Yecu Kërïtho Bɛnydïïtda , bï we ( yï ) lööm ku thieei we ( yï ) ku pɛl we ( yï

) në karɛckuön ( karɛcku ) ku yïn we ( yï ) ceŋ de NHialic ku pïïr athɛɛr .

Acak ( aca ) piŋ ayɛ në luɛl cïï Yecu Kërïtho ye lueel në wɛtden lajik , ye bï

we ( yï ) yiën käŋ kedhiɛ ka cïï Okke lɔŋ , ku yee luɛl cien-ë lueel-ë aben-e

dhiɛɛl thïn në yic . Yeen , të cïï Kërïtho ye jäl lueel ëkɛɛ , ke week ( yïïn ) ayɛ

wek bï ( yïïn ) baŋduön bɛɛr lueel në kek-ë Dulëëkkuönkä ( Duleekkunkä )

nhïïm ku në kenhïïm kedhiɛ kek kɔc cï guëër ëtɛɛnkä , wu bak ( wu ba )

duriëëth yaa jäi kek-ë luɔide ëbɛn , ku bak ( ba ) wɛt lajik de NHialic yaa

gam , ku bak ( ba) lööŋke yaa looi.

Ee mɛɛn Randït abï ŋɛk në kɔc bïike baptïth yaa thiëëc ëkääk ..

Yee duriëëth jäi kek-ë luɔide ëbɛn, ku dhëëŋ de luethic de kakke piny nhom

ku wëŋ yïnke wak , ku kɔr rɛɛc de guöp . duökke kek bake yaa kuany cök ku

yeekï yï thɛl wei ?

Ku dhuk = Aajäike kedhiɛ

Awut

Yee NHialic gam , Wun Nɔŋ riɛɛl ëbɛn , Duciëŋ-ë cak Nhial ku piny ? ku gam

Yecu Kërïtho , WäntöŋDe , Bɛnydïïtda ? ku gam dhiënh cien-ë ye bɛɛr

dhiëëth në dhueny ( Bïm ) cɔl Märi këc thɔɔny ( tɛc ) ke rör? Ku gam guöm

cien gum në ceŋ Pontio Pilato, ku piɛɛt cien-ë ye piäät në tim kɔu , ku thon

cien thou, ku thiäŋ cien-ëye thiök, ku lɔ cien lɔ pan de kɔc cï thou, ku jön

cien rɔt bɛɛr jɔt në thouic në kööl-ë diäk ,ku lɔ cien lɔ pan nhiaal ,ku nyuny

yeen nyuc në cin cuëëc de NHialic Wun Nɔŋ riɛɛl ëbɛn, ku bɛn ben bɛɛr bɛn

të cïï piny nhom thök ne ceŋ bï luk bɛn-ë luk, luŋ de kɔc cï thou ku kɔc pïïr?

Ku yee Wëëidïït Lajik gam, Kaniitha Katholik Lajik, män yee kɔc cïïthieei mat,

ku päl de karɛc ke kɔc , ku jön bïi gup röt bɛɛr jɔt, ku pïir athɛɛr në thou

cök ?

Ku dhuk = Aagamke në yic kedhiɛ

Awut

Bïï yï baptïth në yee gäm-ë ?

Ku dhuk = Yen-ë ka gɔɔr

Awut

Ba kakke puön Lajik de NHialic ku lööŋke bake yaa looi, ku yee cath në

keiic në kööl yïnke pïir kedhiɛ ?

Ku dhuk = Aaba yaa them në looi të yee NHialic akony.

Ee mɛɛn Randït abï jam ëkälɛ …..

NHIALINY kɔc puööu , cɔk Adam thɛɛr tɔ në kek-ë kɔckä puööth ( ran-ë )

puöu cɔk thiɛk , ku cɔk ran jöt cɔk jɔt rɔt në kepuööth ( yepuöu ). Amen

Cɔk täŋ rɛɛc de guöp cɔk thou në kepuööth ( yepuöu ) ku cɔk kakke Wëëidït

kedhiɛ cɔkke pïïr ku yeekï cil në kepuööth ( yepuöu ) . Amen

Cɔkke yee naŋ riɛɛl bïk ( bï ) duriëëth yaa tiaam ku yeekï ( yee ) kakke

pinynhom ku këde guöp tiaam. Amen

Cɔk kek-ë kɔc cukke yiën Yïkä ( ye ran cuk yiën yï ) në luɔidɛn ca yiën O, Ok

awuutku, cɔkke athiäŋ në kapuɔɔth nhiaal , ku riöp athɛɛr , në käc kɔɔc yïïn

puööu , Yïïn NHialic Bɛnydïït Cïïthieei , man yee ceŋ ku yee käŋ dɔk kedhiɛ

athɛɛr wadɛ. Amen

NHIALINY Nɔŋ riɛɛl ëbɛn ku yee pïïr athɛɛr , Wëndun nhiaar arëët , Yecu

Kërïtho acïï pïïu bɛn bei ku riɛm në ye lɔɔm bï karɛckua puöl , ku Yïïn

kɔcpööcëke löŋde , yee bïk juöör yaa la pɔɔc ëbɛn ku yeekïke baptïth në

Rinke Wun ku Wä ku Wëëidïït Lajik, Ok läŋ wuö piŋ lɔŋ de kek-ë kɔc cï

guëërkä , thieei kek-ë Pïïukä bïk karɛc waak wei në wɛk cïïkum, ku cɔk kek-

ë kɔckä ( ran-ë ) bukke baptïth ne yee mɛɛn në kek-ë Pïïukä , cɔkke löm

thiëi bïk ( bï ) yaa thiäŋ në yeen , ku cɔkke ayee tɔ ( dhiac ) në mïthkuiic

athɛɛr mïth yee yï gam cake lɔc , në Yecu Kërïtho Bɛnydïïtda . Amen

Ee mɛɛn Randït abï ŋɛk në kɔc bïike baptïth yaa dɔm cin cuëëc ku bïi në pïiuiic të cït

të nyic yen-e thïn , ku thiëëc wunken ku märken ke kakke NHialic në rin cïn-ë ke ye

cäk , naa cïi lɛk rin ka jool në pïiuiic ,nee lik pïu kaa gem në ye cïn ku wɛlke ne ye

nhom , ku lueel ëkän..

R. Yïin yaa baptïth në Rinke Wun ku Wä ku Wëëidïit Lajik . Amen

Naa cï pïiu thiɛp në diäk ka jɔl ëkän lueel

Të lueel Randït ëkän ka lɔk-ë jit raan nhomthok në cïn de Tiɛmageer

Ok bïï yee ran-ë në böŋ de Kërïthoic ku ka jitku nhomthok në cïn de

Tiɛmageer , Yen-ë kee nyooth de riööc cïï yee ran-ë nyin bï yaa riööc në

gäm yen Kërïtho cïï piäät në yeen gam, ku bë ɣëët kek-ë yeen në kërac , ku

kapiiny , ku duriëëth, ku bï yaa dhiac ( rëër ) ke yee alathkërë puɔɔth de

Kërïtho ku yee awunde , agut thök de pïïrde . Amen

Ee mɛɛn Randït abï ëkän lueel. Ëkälɛ..

Adɛɛiëko ee mɛɛn wɛtke wää nhiaar ke , ke kek-ë kɔckä ( ran-ë ) cïï ke

bɛɛr dhiëëth ,ku cïï ke mat në Kaniitha de Kërïthoic ,Yeen lecku NHialiny

Nɔŋ riɛɛl ëbɛn në yee luɔi piɛɛth-ë , ku lɛŋku wun atök, bïk ( bï ) yaa pïïr cï

man gɔɔc kek ( en ) yeen agut thök de pïirden ( pïïrde )

Ee mɛɛn lɔŋ de Bɛnydït abïi lueel ke kɔc cï kenhiɔl tuk kedhiɛ ,





Amen

YIIN lecku në puööth koor , awadɛn nhiaal , nëkë cïn O cɔɔl buk thiëidu

yaa nyic ku buk yï yaa gam . Yee nyïny-ë yee cɔk dït , ku yee gäm-ë yee cɔk

ril në Opuööth athɛɛr . Yiën-ë kek-ë kɔckä ( yee ran-ë ) Wëëidïïtduun Lajik ,

bï kek-ë kɔckä ( yee ran-ë ) cïï ke bɛɛr dhiëëth ku cïïke cɔk ayee adïït ke (

dït de ) luäk athɛɛr , në Yecu Kërïtho Bɛnydïïtda , bïk ( bï ) yaa dhiac ( rëër )

ke ke yee awuutku ( yee awundu ) ku bïk ( bï ) ɣet të nɔŋ kapuɔɔthkun cake

lueel , në Yecu Kërïtho Bɛnydïïtda wëndu , man yee pïïr ku yee ceŋ-ë

Bäänyic kek-ë yïïn. Yaakä mat wek-ë Wëëidïït Lajik, athɛɛr wadɛ. Amen

Ee mɛɛn kɔc cïi baptïth aabï kɔɔc kedhiɛ ku yöök Randïtke ,jiɛɛm kek-ë wunken ku

märken ke kakke NHialic , jiɛɛm ..

KEK_Ë kɔckä ( yee ran-ë ) cï jam në wenhïïm ye bïk ( ye bï ) duriëëth yaa jäi

kek-ë luɔide ëbɛn , ku bïk ( bï ) Nhialic yaa gam ku bïk ( bï ) kakke yaa looi,

Abak nyic në baŋduön bakke ya cɔk ayee kenhïïm ( yenhom ) ciëët në mël

riil cïk kuëëŋ ku gäm riil cïk lueel , ku lëk riil cïk lueel në yee mɛɛn në kek-ë

kɔckä nhïïm ku në wenhïïm wek dulëëkken cïï lɔc. Ku kaa bakke ( ka bak

) yaa bɛɛr yɔɔk ayɛ , bïk ( bï ) yaa pöc apath në wɛt Lajik de NHialic , bïk (

bï ) yaa cil në athiɛɛi ku nyïny de Yecu Kërïtho Bɛnydïïtda , ku bïk ( bï ) yaa

pïïr në luɔi lajik në yee piny-ë nhom.

Ku ciir kän ben bɛɛr jam ke kɔc cïike baptïth në yee mɛɛn

Ku week ( yïïn ) we ( yïn ) cïï baptïth baŋduön atɔ ( baŋdu ) ayɛ . Wek ( yïïn

) cïï cɔk aye mïth ( manh de ) NHialic ku ɣɛɛr në gäm yee wek ( yïïn ) Yecu

Kërïtho gam. Yeen baŋduön atɔ ( baŋdu ) bak ( ba ) yaa cath ke we ( yï )

yee Kïrïthäänooi ( Kïrïthäänoo ) yith ( yic ) ku ciëtkä ( ciët-e ) mïth ke ɣɛɛr

( manh-ë ) ku wek ( yïïn ) bï wenhïïm ( yïnhom ) yaa ciëët aluööt në

Baptïth yee O nyuööth gämda , buk Kërïtho Duluäŋda yaa käär , ku buk

yaa ciët yen në thon cien thou , ku beer rɔt jɔt në Ook , ayee Ok , Ok kɔc

cïïke baptïth , aayee Ok thou në rɛɛcda ku beerku röt jɔt në luɔi lajik , ku

yeeku kɔɔr rac ëbɛn cɔk thou , ku yeeku cath në luɔi piɛɛth de NHialicic

ëbɛn.

Raan ëbɛn cïi baptïth ëkälɛ abïi yaa yiën Bïcïp be cɔkril në thök de Baptïth të lëu yen

rɔt , bïi cɔk bɔ tëde män Lajik.

Naa nɔŋ kɔc cïike bɛɛi bïike bɛn-ë baptïth ke ke ŋoot ëke yee mïth aa këc dït bïk

gämdɛn lueel kepɛc në nyïnydɛn ku jamkï në röt ke kaa bïike baptïth në baptïnhde

mïththii ku cïke thɛny nhïim


KATËKÏTHDHÏM

LUƐLDE EE

PÖÖC BÏ YA NYIC NË RAAN ËBƐN KE KËC_Ë GUƆƆ

LAAR BÏÏ CƆKRIL NË BÏCÏP

Thiëc

Cɔl Riɛnku dï ?

Dhuk-ë nhom = R

Thiëc . Ee ŋa ëciɛk yïin në kek-ë rinkä ?

Dhuk-ë nhom

Aayee wunciëën ke NHialic ku märciëën ke NHialic kek aake ciɛk ɣɛɛn në

baptïnhdië , aake cɔk ɣa aye ran de Kërïtho ku yaa manh de NHialic ku yaa

dït në ceŋ de Pan-nhiaal.

Thiëc .

Ee kuŋu cïï wurkuun ke NHialic ku märkuun ke NHialic looi në yïïn në

Baptïnhdu ?

Dhuk-ë nhom

Aajam kuëŋkï röt në käŋ keediäk në riɛncië .

Këtueeŋ,- Ee ba jɔŋrac yaa jäi kek-ë luɔide ëbɛn, dhëëŋ ku kak-ke ciɛɛliic

ke yee piny rɛɛc-ë nhom, ku kɔɔr rɛɛc de guöp ëbɛn.

Këde rou – Ee ba cök kedhiɛ ke gäm de Kërïthäänooi ba ke yaa gam.

Këde diäk – Ee ba puön lajik de NHialic ku lööŋke yaa döt , ku yaa cath

nëkeiic në akööl piëër ɣɛnke kedhiɛ .

Thiëc ,

Naa rëk cïi ye tak lan bïnke yaa dhiil në gäm ku në luɔi , cï luɛl cïi kek ye

lueel në yïin ?

Dhuk-ë nhom

Ee yic ( ee tëde ) aaba ke yaa looi në koony de NHialic . Ku ɣɛn lec NHialic

Awadan nhiaal në cööl cien ɣa cɔɔl në yee luaŋëic . Në Yecu Kërïtho

Duluäŋda. Ku ɣɛɛn yee NHialic lɔŋ bï ɣa yaa yiën athiɛɛide , ba dhiac nëkeiic

agut thök de piëërdië.

DUPÖÖC

Luel coke gämdu

An yee NHialic gam , wun Nɔŋ riɛɛl ëbɛn, Duciëŋ-ë cak Nhial ku piny ‘ Ku gam Yecu

Kërïtho , wäntöŋ de Bɛnydïitda , cïï dhiëëth në dhueny cɔl Märï këc yäm në rör ,Në

tɛɛu-ë wëëidïït Lajik në ye yic. Cï kërac guum në ceŋ de Ponto Pëlato, ɣɔn piɛɛt-ë yeen

në tim kɔu, go thou ku thiɛk, ku leer pan de kɔc cï thou ( pan-atïïp-ke kɔc ) , ku ber rɔt

jɔt në thouic në kööl-ë diäk, ku leer pan-Nhiaal , ku yee nyuc në cïn cuëëc de NHialic

Wun Nɔŋ riɛɛl ëbɛn, ku bï bɛɛr dhuk ëtëtuui bë luk bɛn-ë luk, luŋ de kɔc cï thou ku kɔc

pïir .

An ye wëëidïit lajik gam ( Jɔŋdïit lajik ) , Kaniitha Katholik Lajik, Män yee kɔc cïï thiëëi

mat, pɛl de karɛc ke kɔc, ku jön bïï tïip-ë kɔc röt jɔt , ku pïir bïi kek ya pïir athɛɛr.

Amen

Thiëc.

Ee kuŋu yee nyic në kek-ë coke gämdukäiic ?

Dhuk-ë nhom

Këtueeŋ. –An yee pöc ba NHialic Wun yaa gam , man-ë cak ɣa ku piny ëbɛn.

Këde rou. – An yee NHialic wä gam man-ë war ɣa ku raan ëbɛn

Këde diäk - An yee NHialic Wëëidïït ( Jɔŋdïït ) Lajik gam man-ë ɣa cɔk alajik

Ku kɔc kedhiɛ kɔc cïï-ke lɔc ke NHialic.

Thiëc.

Yïïn cï jam lɔn cïï wurkuunke NHialic ku märkuunke NHialic lueel në yïïn , ba

lööŋke NHialic yaa muk, lɛk-ëke ɣa, yeekï dï ?

Dhuk-ë nhom = Aayee thiëër .

Thiëc . =Yeekï lööŋko ?

Dhuk-ë nhom

Aacïi NHialic ke lueel në kïtäm de Bɛnbeiic cäpta thiërrou, jiɛɛm , Ye Ɣɛɛn ye

Yekoba NHialinydu , man cï yï bɛɛi bei piny de Yïjip, bɛɛi yï bei në dhiën de

luɛɛk.

XI. Yïïn bï yaa ciën nhiëliciic Kɔk ee Ɣɛɛn Atök.

XII. Duk-ë käŋ yee cak ëke cït kanhiaal, ëke cït kapiiny, ëke cït ka yee tɔ

në pïïuiic , duk-ë piny yee ciim nëke, duk-ëke yee lɔŋ. Ɣɛɛn ɣɛn

Yekoba NHialinydu ,Ɣɛn yee NHialiny mëtiil. Ɣɛn bï karɛc guör në mïth

, karɛcke wunken aɣët kuat diäk ku kuat ŋuan , tɔŋ kɔc-ë ɣa maan

,ku ɣɛɛn bë puöu yaa käc në Juääc-ë ɣa nhiaar ku yeekï löoŋcië looi.

XIII. Duk-ë rinke Yekoba NHialinydu duk-ëke yee läät, Yekoba abë lɛtde

guöör tɔŋ ran-ë Ye läät.

XIV. Duk-ë nhom yee määr në akööl-ë Thäbäth ( aköl-ë NHialic ) ayee

week peei ee kööl lajik. Yïïn bë yaa luui akööl kee dhëtem , aabïnke

luɔidu yaa looi ëbɛn, Akööl buɔth dhëtem cök ( Bëër ) , ee Thäbänh de

Yekoba NHialinydu, Yeen akööl-ë acïn bë yaa luui, Yïin , ku wëndu ,ku

nyandu , ku awundu , ku nyanawundu , ku miaardu, ku kamaan rɛɛr

pandu. Yekoba ee cak nhial ku piny në akööl kee dhëtem , ku baar ,

ku käŋ kedhiɛ ka yee tɔ nëkeiic , ku lɔɔŋ në kööl buɔth dhëtem cök.

Yeenë kee thieei Yekoba akööl buɔth dhëtem cök ku week.

XV. Yee wuur theek ku moor ba yaa ceŋ në akööl juëc piny cïï Yekoba

NHialinydu yiëk yï.

XVI. Duk-ë tir näk.

XVII. Duk-ë yee koor.

XVIII. Duk-ë yee kual

XIX. Duk-e ran rɛɛr ke yï riëth guöp.

XX. Duk-ë pan-ë manh-ë moor yee wak ,duk-ë tiŋ-ë manh-ë moor yee

wak, ku awunde , ku nyanawundu ,ku miaardu ku akacjade ku kak-ke

kedhiɛ.

Thiëc .

Ee yiɛny ŋu nyic yïin pöc në keek ëlööŋkä ?

Dhuk-ë nhom.

Ɣɛɛn nyic käŋ kaarou , luui yan NHialic luööi ku luui yan ran rɛɛr ke ɣa

luööi.

Thiëc .

Ee kuŋu Yee luui yïn NHialic yïn luööi ?

Dhuk-ë nhom

Luui yan NHialic luööi , ee ba yaa gam, ee ba yaa riööc në Yeen, ku

ba yaa nhiaar në piäändië ëbɛn, ku në tɛŋdië ëbɛn, ku tiëpdië ëbɛn, ku

riɛɛldië ëbɛn. ee ba yaa door , ee ba yaa leec, ee ba yaa naŋ adöt në

Yeyic , ee ba yaa cɔɔl ba Rinken Lajik yaa riëu ku wɛtde , ku ba yaa

luööi në jik në kööl yanke pïir kedhiɛ.

Thiëc.

Ee kuŋu yee luui yïn ran rɛɛr ke yï luööi ?

Dhuk-ë nhom

Luui yan ran rɛɛr ke ɣa luööi , ee ba yaa nhiaar cï guöpdië , ku yaa

raan ëbɛn luöi kë naŋ ɣan puöu bïk yaa luöi ɣa. Ee ba wää ku maa yaa

nhiaar, ku riëuke ku yaake kony. Ee ba rɔt yaa gäm dudöökcië kedhiɛ

ku aduböök ke kakke NHialic , ku bäny. Ee ba yaa naŋ kuur de puööu

ku riëu , në kɔcdïtciëiic, Ee ba randɛ cuök-ë thɔɔk puööu në jam ka

kërɛɛc luöi ye , Ee ba yaa naŋ yic ku laa jik në këriëëcdiën yaa looiic

ëbɛn. Ee ba rɛɛc ku män cuök-ë muk në ɣa puööu. Ee ba acïn yaa

muök wei tëde ruëëny , ku yaa liemdië muk në jam de rɛɛc ku lueth,

ku riëth . Ee ba ɣaguöp yaa nyiɛc luööi , ku caa ye muöl ku caa ye bal.

Ee ba yaa cuök-ë wak ku yaa kakke randɛ göör në ɣa puööu .Ee ba yaa

pöc ku yaa luui në luɔi yic, ba ka yanke pïïr yaa lööm , ku yaa luɔidië

looi të cïï NHialic ɣa caal thïn

DUPÖÖC

Manh puɔɔthdië , nyic ëkän , ke yïïn ciee keek ekakkä yee lëu në luɔi

në rɔt yïtök , ku cïï cäth yee lëu në lööŋke NHialiciic , ku cïï yee lëu në

luui , të cïn athiɛɛi yicDe , man bïn pööc yaa dhiil ba yaa luut në cɔt në

lɔŋ path. Yeen cɔk piɛŋ, të lëu yïïn lɔŋ De Bɛnydït në luɛl .

Dhuk-ë nhom




ayee them . Yee O luök në kërac. Amen

Thiëc -Ee kuŋu yee göör të nɔŋ NHialic në yee Lɔŋ-ë ?

Dhuk-ë nhom =

Ayaa göör bï Bɛnydït NHialic Awadaan nhiaal , man yee dumöny de piath ëbɛn , bï ɣa

yaa tuöc athiɛɛiDe , ku raan ëbɛn, buk yaa door , ku yeeku luööi, ku yeeku wëlke piŋ,

cï luɔi bïi Ook ye yaa dhiil në luɔi. ku ɣan yee NHialic lɔŋ , bï O yaa yiën ka ŋɔŋ O

kedhiɛ kakke gupkua kek-ë tïipkua , ku bï puöu yaa käc në Ook, yee karɛckua puöl, bï

puöu yaa miɛt në luäk ku gël O në raar de Opuööth ku Ogup, ku bï O yaa muök wei të

de rɛɛc , ku tëde jɔŋ rɛɛc nɔŋ ater ke O, ku tëde thou athɛɛr . Kuu kän ayaa döt, abï yaa

looi në käc de Ye puööu ku piathDe, në Bɛnydïitda Yecu Kërïtho. Yeen aluɛɛl , yaa

Amen në tɔ ëkɛɛ.

Thiëc -

Yee Thäkärämant kee dï cïi Kërïtho ke gäm Kaniithade ?

Dhuk-ë nhom.

Aayee rou ëpath, ku kaa yee piath në luäk ( Baptïth ku miëth thɛi de Bɛnydït )

Thiëc - Ee Kuŋu yee luɛl de wɛt cɔl Thäkärämant-ë ?

Dhuk-ë nhom

Yeen ee cïn beec yee lëu në tïŋ de athiɛɛi baŋ thïn de puöu cïi yiën O , cïi Kërïtho gäm

Ook në guöpde, buk yaa lëu në lööm në Yeen , ku bï yaa ciit-ë O nhïim buk yaa nyic

pacɔk .

Thiëc . Ee biäk kadï tɔ në Thäkärämantic ?

Dhuk-ë nhom . = ayee rou , cïn beec yee lëu në tïŋ ku athiɛɛi baŋ thïn de puöu.

Thiëc . \ Cïn beec yee lëu në tïŋ-ë yee kuŋu në Baptïthic ?

Dhuk-ë nhom =Aaye pïiu , ka yenë ke raan baptïth nëkeiic në Rinke Wun, ku Wä

Ku wëëidïït Lajik.

Thiëc Ku naa athiɛɛi në baŋ thïn de raan puöu ee kuŋu ?

Dhuk-ë nhom =Ee thon yee raan tɛk wei në rɛɛcic, ku dhiënh yee raan cɔk alɔ-jik, Ok

dhiëthke në rɛɛcic në cäŋda , ku yeeku mïthke ɣök , kuu kän acïï

Ok yaa mïth ke athiɛɛi

Thiëc = Ee Kuŋu yee göör të nɔŋ raan bïi baptïth ?

Dhuk-ë nhom =Ee wël de puööu bï rɛɛc yaa waan ciëën , ku gäm de Yecu, ben

Ka cïi NHialic ke lɛk-e në yee Thäkärämantëic yaa gam pacɔk.

Thiëc Ee ŋu yenë mïth-thii baptïth ke ke kor , ke ke cï lëu keek ëkääk në luɔi ?

Dhuk-ë nhom = Aayee ke lɛk kɔc tɔ në nyïïnkeniic kek mïth bike piŋ ne yic,

Ku ka luel bïk yaa dhiil-ë luɔi në gupken të cïï kek dït .

Thiëc = Ee ŋu ëgɛm-ë Thäkärämant de miëth Thɛi de Bɛnydït ?

Dhuk-ë nhom = Ee gɛm-ë bë yaa cïït-ë nhom aluööt de thon Kërïtho, ku de

Kapuɔɔth yeeku-ke lööm në yeen .

Thiëc . Yee baŋ beec ka cïn de Miëththɛi de Bɛnydït ee kuŋu ?

Dhuk-ë nhom = Ee mono ku pïïu ke Abiëc, cïi Bɛnydït ke lueel ye bïi ke yaa lööm.

Thiëc . Ye baŋ thïn ka kë cïi nyuɔɔth yaa kaŋu ?

Dhuk-ënhom = Ee yaa guöp ku riɛm de Kërïtho, ka yeeke lööm ku lömke në yic

në kɔc nɔŋ adöt në Miëththɛi de Bɛnydïtic.

Thiëc . Yee kapuɔɔth kaŋu yeeku lööm në keek ?

Dhuk-ë nhom = Ee yaa riɛl ku jön de tïipkua në Guöp ku Riɛm de Kërïtho , cï man

Yee gupkua riɛl ku jötkï në Momo ku pïïuë abiëc .

Thiëc . Ee kuŋu yee göör të nɔŋ kɔc yee bɛn tëde Miëththɛi de Bɛnydït ?

Dhuk-ë nhom =Ee bïk röt kaŋ yaa caar lan cïï kek kepuööth wel në yic në rɛɛc

thɛɛrden. ku yeekï puööth naŋ bïk yaa cath në pïir jötic , ku yeekï

naŋ gäm yee pïir në käc de puöu de NHialic në Kërïtho, ku yeekï

thonde tak në lɛc, ku yeekï naŋ nhiëër ke raan ëbɛn.

-Awut , ŋɛk në Kaniithadeic , abï mïth yaa pɔɔc ku ciɛɛrke në kɔc nhïïm luɛɛk, në aköl de

NHialic ëbɛn ku aköl Lajik kɔk, të cïï ciër de rou de lɔŋ thɛi thök ( ka në aköl bïï Bïcïp

yiën nyooth ) mïth cïï-ke tuöc en, të yen-e tak ke path ne ɣän kɔk ke Kätëkïthïm.

-Ku wunken ke mïth , ku märken , ku bänyken, ku diärdïtken, aabïï mïthken , ku awut,

ku kɔc yee pööc , aabïï-ke yaa cɔk abɔ luɛɛk në kööl cïï nyooth, ( keek , kek ka këc pöc

në Kätëkïthïm ) ku bïk yaa piŋ në riëu ku yeeke pɔɔc në awut/ abun, agut të cïï kek

keek ekakkä nyic kedhiɛ , ka cïï ke nyooth bïk pöc në keek.

-Naa cï mïth dït ku lëukï luɛl de Gäm de Dutuuc ku lɔŋ de Bɛnydït ku lööŋ kee thiëër në

thuɔɔŋdɛn , ku lëukï gäm de ka yeeke thiëcke në yee Kätëkïthïm-ëyic, ke kaa bïï-ke bɛɛi.

të nɔŋ Bïcïp. Ku meth ëbɛn abë yaa naŋ wun ku man de kak-ke NHialic bïk yaa Dulëëk-

ke në cɔkrildeic.

-Ku naa yee Bïcïp yee lueel bï mïth ka kɔc kɔk bɛɛi të nɔŋ yeen bïï ke cɔkril, ke awut

/abun , në Kaniithadeic , abï waragaak gär Bïcïp ke nɔŋic riɛnken ku ruönken keek kɔc

tɔ ne Kaniithadeic , nyicke ke ke path bïï ke yiën Bïcïp bï ke cɔkril. Ku naa yee Bïcïp gam

, ke kaa bïï-ke cɔkril ëke buɔthke cök


Luɔi De CƆKRIL

KA KƐN DE CIN NË KƆC CÏI_KE BAPTÏTH NHÏIM

KU CÏK

ƔET NË KÖL_Ë NYÏNY_Ë KÄŊ

Në kööl cïï lueel ke kɔc kedhiɛ , kɔc bïï-ke cɔkril , aabïï-ke cɔk akääc ëke cï röt rec në

Bïcïp nhom , ku yeen Bïcïp ( ka awundɛ / adundɛ cïï tääu ) abï kek-ë wëlkä ciir, ka dɛ

cïï nyooth në Bïcïp bïï ciir .

Kɔc nhiaarke në Bɛnydït , Kaniitha ee luɔi de Dutuuc ke Kërïtho kaar në luɔi yee kek

cɔkril looi. Ayeeku yök në Luɔi de Dutuuc bɛtic .

Ku kɔc cï thiäi aa wɛt caath në bɛɛiic wëët kek kɔc . Go Pilip lɔ pan de Thämäria lee kɔc

lɛk Kërïtho . Ɣɔn yï gamkï wël piɛɛth ke Pilip cïïrke në ceŋ de NHialic ku në rinke Yecu

Kërïtho , gooke baptïth në rör ku diär . Naa cï Dutuuc tɔ në Jeruthalem ye piŋ , ke kɔc

ke Thämäria cï wɛt-ë NHialic gam, gookï Petero ku Jɔn tuɔɔc. Gookï lɔ ku lɔŋkï ke ke

bïk wëëidïït ( Jɔŋdïït )Lajik lööm, eekëcke guɔ nyuöc . Aake cïi baptïth në rinke Yecu

Kërïtho kepɛc. Gookï kecin kan nëke nhïïm, gookï wëëidïït Lajik lööm.

Kacïïgɔɔr aayee O pɔɔc në yee kän , në mɔc puɔɔth peei de Wëëidïït Lajik cï gam në kɛn

de cin ku lɔŋ . Yeen naa yee mɔc-ë bɛn të nɔŋ NHialic në guöpde , ke O läŋ NHialic

Nɔŋ riɛɛl ëbɛn, Ok Kɔc tɔ ëtɛɛnkä , bï kek-ë kɔckä cɔk ril në WëëidïïtDen Lajik në yee

cɔkril-ë, kek kɔc cïi cɔk ayee miëëthke në Baptïth.

Yeen week , we kɔc bïï cɔkril , abak lueel në yee mɛɛn në rɔtduön në kek-ë kɔc cï

guëërkä nhïïm , Lɔn cïï wek puööth la kac thïn , në kuny de yee mɔc-ë , buk luɔi de

pïïrda yaa looi në gäm de Kërïthoic ku në luɔi de puön de NHialic ku lööŋke, ku buk

gam në kɔciic lɔn bïï Ok luɔi de Kërïthäänooi yaa dhiil në luɔi, luɔi cïï Baptïth O mac

nhïïm thïn.

Ee mɛɛn Bïcïp abï wëlkä lueel , ye

Yeen ee mɛɛn , dhuökkä wël rilkuöniic , ku ciën cïn-ë we ciëën në Baptïthduön ?

Yeen dhuökkäkeiic ëke ril në NHialic nyin , ku ne kɔc nhïïm, kɔc cï guëër ëtɛɛnkä ?

Dhuökkä keiic ëke ril , ku gamkä në wepuööth ke we bë käŋ kedhiɛ yaa dïk-ë gäm ku

yaakä- ke looi, käŋ kedhiɛ kak eke cake lueel ɣɔn.

Ku abïï raan ëbɛn gam ëkälɛ në röldït ke piŋ kɔc cï guëër kedhiɛ

Yenëka luɔɔi.

Bïcïp

KOONYDA ee tɔ në Rinke Bɛnydït .

Ku gam =Man-ë cak nhiaal ku piny

Bïcïp = Ee bïï Rinke NHialic bïï-ke yaa leec .

Ku gam = Ee mɛɛn ku agut en athɛɛr wadɛ

Bïcïp =Bɛnydït piŋ lɔŋda.

Ku gam = ku cɔk cɔtda ayee ɣet të nɔŋ Yïïn.

Bïcïp = Lɔŋku

NHIALINY Nɔŋ riɛɛl ëbɛn ku yee pïïr athɛɛr, Yïïn man cï keek awuutkunkä cɔk beer-ë

dhiëëth në Pïïu ku në Wëëidïït Lajik ( Jɔŋdïït ) , ku ca ke yiën päl de karɛcken kedhiɛ,

Yeeke cɔk ril, Ok läŋ Yïïn , Yïïn Bɛnydït , në Wëëidïït Lajik , mëdun-ë puöu ( Dudut ) ku

yeeke cɔk cil aluööt në mɔc dïïtduun de athiɛɛidu, ku wëëi de täk ku riɛɛl-ë puöu, ku

wëëi de nyïny-ë käŋ ku luɔi yic lajik , ku yeeke thiööŋ, Yïïn Bɛnydït , në wëëi de riëu

lajik, në yee mɛɛn ku agut cï athɛɛr wadɛ . Amen

Ee mɛɛn të cïn-ë ke cɔɔl tueŋ në Bïcïp nhom , ku cïk kenhiɔl tuk ëke cï röt rec, ke Bïcïp

ajɔl ye cin kan në ŋɛk nhom ke luel ëkääk ku akuany tuŋic lɔ ciɛɛm, lueel ëkälɛ -

Yee manhduun-ë ( awunduun-ë ) gël, Yïin Bɛnydït në athiɛɛidun tɔ nhiaal, bë yaa rëër ,

ke yee këdu athɛɛr, ku bë yaa cil ku ciil në Akööliic në wëëidïïtduun Lajik, agut bɛn bïn

bɛr bɛn në ceŋduun yee tɔ athɛɛric. Amen

Ee mɛɛn Bïcïp abï kän lueel të cïi thɛny thök

Ee yaa bï Bɛnydït yaa tɔ kek-ë week .

Ku dhuk kɔc ,

Ku në yee tɔɔ kek-ë tiëpdu

Kɔc aacï kenhiɔl tuk kedhiɛ në yee mɛɛn ku lueel Bïcïp ëkän

Lɔŋku





Ku yee lɔŋ-ë abïi Bïcïp mat thïn në luɛl

NHIALINY Nɔŋ riɛɛl ëbɛn ku yee Pïïr athɛɛr , Yïïn man yee O cɔk agör käŋ ku yeeku-ke

looi , ka yee piath ku yeekï kak-ke yïpuöu, Yïïn läŋku në puööth koor në keek

awuutkunkä , cïï Okke Ocin kan nëke nhïïm në yee mɛɛn ( cï mënë luɔi de Dutuuckun

Lajik ɣɔn ) bë ke nyuööth ( në kɛn-ë cin-ë ) në yee piathduun de puööu ku thiëëiduun

piath në keek. Në cinduun de awuönden , O läŋ Yïïn , në yee tɔ në kenhïïm athɛɛr , në

Wëëidïïtduun Lajik në yee tɔ ke ke athɛɛr, ku yee ke ŋɔɔr në nyïc ku në luɔi de wɛtdu ,

bïk pïïr athɛɛr lööm, në Yecu Kërïtho Bɛnydïïtda , man pïïr kek-ë Yïïn ku Wëëidïït Lajik,

yaakä NHialiny Tök athɛɛr . Amen.

BƐNYDÏÏT Nɔŋ riɛɛl ëbɛn ,ku yee NHialiny yee ceŋ athɛɛr , Ok läŋ Yïïn, Yee O yal puööth

ku Ogup, ku yeeke thieei , ku yeeke dak , në dhɔl ke lööŋkuiic , ku në luɔidenic , bïï O

yaa gël gup ku tïïpkua në gël dïïtdu, gɔɔc ëtɛɛn ku agut en athɛɛr , në Yecu Kërïtho

Bɛnydïïtda ku Duluäŋda . Amen

Ee mɛɛn aabïi Bïcïp ke jäl thieei , ku lueel ëkän , ëkälɛ

Ee yaabï Thiëëi de NHialiny Nɔŋ riɛɛl ëbɛn , Wun ku wä , ku Wëëidïït Lajik , yaa tɔ në

wenhïïm , ku yee ceŋ kek-ë week athɛɛr . Amen

Acïn ran bïi yaa päl tëde Män Lajik ke ŋoot-ë këc-ë thanynhom në Bïcïp ( Cɔkril ) ku naa

cï rɔt juiir ku nɔŋ puöu bïi cɔkril, kacïn ran lëu-ë në pëën.

( Apäm 103 ----110 në duööric )

CÖK KE

LUƆI LAJIK DE THIËËK

Këtueeŋ , ran thiëk ku Nyan thiak aabïïke yaa caal rin luäŋ de NHialic të cïi ciër

de rou thök ,ku kɛɛckï nhial të tɔɔ kek luɛɛk, abïi caal në Thändeei keediäk, në

lɔŋ de nhiäkduur ka lɔŋ thɛi, abïi awut / abun caal ëkälɛ ( Ye ɣɛɛn luel thiëŋ-ë

R---- kek-ë R------. Naa nɔŋ ran töŋ de week nɔŋ kë nyic kë bïn-ë kek

ëkɔckä cuök mɛɛt-ë në Thiëŋ Lajik , ke bɔ tueŋ tɛɛn ku lueel ).

thiëc-ë ee thiëc tueeŋ ku abïï këde rou buɔɔth cök ku këde diäk në wïk

keediäkiic ëkɛɛ.

Ku naa cï kɔc thiak röt cïk yee kɔc ke luaaŋ tök, kee ka bïi yaa caal në luëkiic

kedhiɛ , ku ka cïn abun/ Awun töŋ de luaaŋ tök bë thiëëk looi kek-ë kɔckä ke

waragaak këc-ë bɛɛi tɔŋ awun-ë , waragaak cien-ë ke caal anaa diäk.

Akööl ka thääi cien-ë Luɔi Lajik de thiëëk nyooth , abïi ran thiëk ku nyan thiak

abïi kek bɛn në Kaniithaic, nya abɔ ke kackɛn ku moc abɔ ke kackɛn ku nyuckï të

cïi Kaniitha juiir bïi kek nyuuc thïn, ku naa jɔl Awut luɔi gɔɔc ke moc akääc në cin

cuëëc de tiik ku tiik cam de moc , ku jɔl Awut buk ciir jiɛɛm ye…..

KƆC nhiaarke , Ok cï guëër ëtɛɛn në NHialic nhom , ku në kek-ë kɔc cï

guëër ëtɛnkä nhïïm , buk yee mony-ë kek ee nyan-ë määt në thiëŋ Lajik.

Ee yaa luɔi path , luɔi cïï NHialic cak ɣɔn cïn raan kërac, yee O nyuööth

män cïï kum yee Kërïtho mat kek-ë Kaniithade. Yee luɔi-ë acïï Kërïtho

dhëëŋ ku cɔk adik në tääden, tɔɔ yen. Ku këgɛi-ë cï kaŋ looi në kana de

Galili , ku cïï Paulo Cïïthieei lueel ye bïï yaa riëu në raan ëbɛn. Yeen acïn

ran töŋ bï yen yaa ruɛɛt ku yee looi, ke këc kaŋ ciëët , ku cïï ye, ye nyic

lan yen këthiek , bï kɔr rɛɛc de guöp yaa gam , cï läi man kuc käŋ. Abïï

yaa looi në riëu , ku cïn awäc ku yee ciën abanban, ku në riëu de NHialic ,

ku bïï yaa tak yee ŋu ëciɛk-ë thiëëk.

Këtueeŋ , ee cak bïï mïth yaa dhiëëth , bï ye yaa cɔk cil, bïk Bɛnydït yaa

riëu ku yeeke gël , ku bïk yaa lɛc de Rinken Lajik.

Këde rou, Ee cak bï yaa wäl de karɛc , ku yee nyiɛɛi de bal, bï kɔc cie röt

yee lëu në tiët bïk yaa thiëëk, ku yeekï röt muk , yeekï kër puɔɔth ke

guöp de Kërïtho.

Këde diäk, Ee cak bïk röt yaa kuɛɛk ( Mat ) , ku yeekï röt kony, ku yeekï

kepuööth duut , cï man yee keek röt dhiil në luui, ŋɛk ke ŋɛk , në piathic

ku në rɛɛcic . Kë de yee luɔɔi-ë acïn yen ran nɔŋ kë lëu në luɛl , kë cïn-

ëke bë kuɛɛk, ku naa tɔɔ yen raan , ke bɔ bë jam, naa cie ye, ke bit

athɛɛr.

Ku ka bï kɔc thiak röt thiëëc , ye

Wek thiëcke ku yɔɔk we,, Yee cï man bïi we ye yaa dhuk në kööl dïït de

luk, nhiäk të nyooth-ë ka muɔɔny ke raan ëbɛn puööu , naa nɔŋ ran töŋ

de wek waa rou nɔŋ kë nyic ke bï we pëën ne kuëëk ( dɔɔr )de röt në

thiëëk cï man de löŋ, ke në gɛm ne yee mɛɛn. Yaakä nyic apath kɔc

kedhiɛ kɔc këc röt kuɛɛk cï man de wɛtde NHialic , aakëc-ëke yaa kuɛɛk

në NHialic, ku thiëŋden acie ciët löŋ.

Yee kööl de thiëëk-ë , naa nɔŋ ran nɔŋ kë lueel , kë cien-ë ke bë lëu në

mɛɛt në thiëŋ Lajik , cï man de löŋ de NHialic , ka lööŋ ke yee ceŋ-ë , ku

kë yee yic cïi yök thïn cï lueel në keek, ke luɔide thiëëk abë lɔk-ë rɛɛr bïi

päl piny, ku jɔl yic kaŋ caaric apath.

Ku naa cïn kë pënke cïi yökke thiëëk alɔ tueŋ, ku ciir Awut ëkääk , ye---

R. Ba yee tiŋ-ë lööm në yee töŋduun thiak, ba yaa ciëëŋ cï man de löŋ

de NHialic në luɔi Lajiŋ de thiëëk ? ba yaa nhiaar ku yee duut puöu, ku

yee riëu ku yee tïŋ në tuaanyic ( bëcic ) ku pialic ku yee rɔt pɛn diär kɔk

,ku yee pëk në yeen ye tök rïr , në run kedhiɛ run pïïr wekke ?

Ku dhuk moc nhom =

Aaba yaa looi

Naa rëk ke Awut abï tiik yɔɔk , ye—

R. Ba mony-ë lööm në yee monyduun thiak yïïn , ba ciëëŋ cï man de löŋ

de NHialic në luɔi Lajiŋ de Thiëëk ? ba wëlke yaa gam ku yee luööi, ku

yee nhiaar ku yee riëu, ,ku yee tïŋ në tuaanyic ( bëcic ) ku në pialic , ku

yee rɔt pɛn röör kɔk , ku yee pëk në yeen ye tök rïr , në run kedhiɛ run

pïïr wekke .

Ku dhuk tiik , ye

Aaba yaa looi

Randït abï thiëc ëtɛɛn ëkälɛ--

Yee ŋa gɛm ë Nyaan bïi yee mony-ë thiaak ?

Ëtɛɛn ran-ë mathuul në nya abï bɛn tueŋ ku dɔm nya cin ku gɛm abun .

Awut. Abun abï tiik jäl lööm tɔŋ wun ka wuulëën-ë gɛm-e ke cien cin

cuëëcde dɔm ku gɛm moc bï dɔm cin në cin cuëëcde ku yee randït /abun

kän jäl ciit ku gɛm moc

Ŋɛk abï rɔt gäm ŋɛk ëkälɛ

XAN R. an löm yïïn , yïn R. , ke yïïn yee tiŋdïën thiaak, ba yaa këdië , ku

yaa yï muk në yee kööl-ë alagut, në piathic ku në rɛɛcic , të nɔŋ Ok käŋ

ku të cïn Ok käŋ, ku në tuaanyic ( Bëcic ) ku në pialic , ba yï yaa nhiaar

kuɔɔk në yïïn , agut të bïï thou O piääk , cï man de löŋ de NHialic , ku yee

kän yenë ka yan pëk në yïïn.

Naa cï thök ke moc apäl tiik cin ku dɔm Randït moc cin ku cɔk adɔm tiik

cin , ku ciir ëkääk ku yee tiikke bɛɛriic në Abun cök në luɛl

XAN R., an löm yïïn , yïn R. ke yïïn yee monydiën thiak ɣa , ba yaa këdië

, ku yaa yï muk në yee kööl-ë alagut , në piathic ku në rɛɛcic , të nɔŋ Ok

käŋ ku cïn Ok käŋ Tuaanyic ( bëcic ) ku në pialic , ba yï yaa nhiaar ,

kuɔɔk në yïïn ku yaa wɛlku piŋ, agut të bïï thou O piääk, cï man de löŋ de

NHialic , ku yee kän yen-ë ka yan pëk në yïïn.

Aabï ke cin puöl , gɛm moc gɛm tiik jonh de cin , ku kɛn tiik në Kïtäp kɔu

kek-ë mɔc de Randït ku Kïtäp . Ku jɔl Randït joth lööm ku yïk moc bë tääu

në tiik cin , cin de ŋuan ( cin tiiu ) thiääk ke cin theer në cin ciɛɛm de tiik,

naa cï pɔth në tiik cin ka jɔl muk ke muk tiik cin ku buɔɔth Randït cök ke

cir ëkääk , abïi randït yaa ciit ku gɛm moc ëkälɛ…..

Yee JONHË athiaak ɣɛn yïïn , yïn yaa door në guöpdië , ku këriëëcdiën

ëbɛn apäl yïïn, Ne Rinke Wun, ku Wä , ku Wëëidïït Lajik . Amen

Naa cï thök ke moc abï tiik jäl puöl cin ku jɔlkï kenhiɔl tuk , ku jɔl Randït

lɔŋ-ë lueel…

Lɔŋku

NHIALINY yee ceŋ athɛɛr , Duciëŋ de raan ëbɛn , ku yee Dugël , Dumöny

de athiɛɛi de puööu ëbɛn , Mëgöny de pïïr athɛɛr ,lɔny-ë keek

awuutkunkä, lɔnyëke në athiɛɛidu , yee mony-ë kuu tiŋ-ë, kɔc thieikuke

bïk ciët Yïthäk ku Rebeeka , kɔc ëke cï ceŋ në piän adööc , bïk mɛt ku mël

cïk kuëëŋ në röt bïk ke yaa muk nhïïm, ku yeekïke looi, ( ku yee jonh-ë cïï

gam-ë ku lööm cien-ë yee lööm-ë, ee cïn de kek-ë kakkä ), ku bïk yaa

ceŋ në nhiëër lacäpic ku në dɔɔric , ku bïk yaa pïïr cï man de lɔɔŋdu , në


Aabïi Randït ke mat cin, cin cuëëcken ku miitke nhial , ku lueel ye ëlɛ..

Yee kɔc cïi NHialicke kuɛɛk në yee ciën ran yeeke piääk

Awut abï jam kek-ë kɔc , ku lueel ëlɛ

NAA cï R. ku R. cïk mat në thiëŋ Lajik , ku cïk lueel në NHialic nhom ,

ku në kek-ë kɔc tɔ ëtɛɛnkä nhïïm , ku cïk ëkän nyuɔɔth në gɛm ku lɔm de

joth ku män de cin, ke kaa yee cɔɔl ye kaa ye ŋɛk ke tiɛɛŋde , në Rinke

Wun ku Wä ku Wëëidïït Lajik. Amen

KA wut abï yee Thiëi-ë mat thïn në luel, ëlɛ

EE YAA BII NHialic Wun , ku NHialic Wä , ku NHialic Wëëidïït Lajik , ee yaa

bï we yaa thieei , ku yee we gël , ku yee we muk, ee yaa bï Bɛnydït we yaa

tïŋ apath në käc de puööu , ku yee we thiööŋ në athiɛɛi ëbɛn ku riɛɛl, bak

yaa ceŋ etök në yee pïirëic , ku bak yaa naŋ pïïr athɛɛr në ceŋ bï bɛn .

Amen

Të yee Awut ka ran thiëk lɔ në Agen de Bɛnydït nhom bë Cäädda lɔ thanyic , kee

Din-ë abïi ket të nyic-ë ye naa kuc ka luel.

Dit 128. Beati omnes

KƆC aayee thieei, kɔc kedhiɛ yee Yekoba riëëu , ku yeekï cath në dhölduic .

2- Ku naa cam këduun ca looi në ciɛnku, ke yïïn bë puööu miɛt ku puɔɔth ke yï.

3- Tiɛɛŋdu abï yaa ciët Abiëny yee nyiɛc luɔk, në päny tɔ në baai ciɛɛlic nhom.

4- Ku cït miëëthku këër ke Olip, ëke cï Ageenduun-ë täc kɛɛr piny.

5- ku ran bë yaa riööc në Yekoba , Yen ayee thieei .

6-Yekoba abï yï yaa thieei të bïï yen bei Dhiɔn, ku piath de Jeruthalem aba yaa

tïŋ në akööl pïïr yïn ke ke kedhiɛ.

7- Ëë, ee yic yïn abï mïth-ë miëëthku, aabake tïŋ . Ee bï dɔɔr yaa tɔ ke Yïthërɛl .

Ee yaa bë nhuɔɔm yaa tɔ kenë Wun, ku kenë Wä ku ka bë yaa tɔ ayɛ kek-e Jɔŋdïit Lajik.


Ka yee din-ë

Dit 67 Deus misereatur

EEYAABI NHialic puöu yaa käc në Ook ku thieei O, ku ruël O në ye nyin ku kɔc

puööu në O.

2- Bïi dhöldu nyic në pinynhom, ku luäŋdu nyic në juöör kedhiɛ.

3- cɔk rɔt leec në kɔc NHialic, në yiic cɔk rɔt Leec në kɔc kedhiɛ.

4-Cɔk dɔl amit puööth ku këtkï në puön layum, yïin bï kɔc luök në jik ku dɔk

dɔl tɔ në pinynhom.

5-Cɔk rɔt leec në kɔc NHialic , në yiic cɔk rɔt leec në kɔc kedhiɛ.

6-Piny abï kakke yaa juak në ciil, NHialic abï O yaa thieei, NHialinyda në Yiic.

7-NHialic abï O yaa thieei, ku ka bïi piny thok ëbɛn yaa riëëu.



Naa cï dit thök ke moc ku tiɛɛŋde aabï kenhiɔl tuk në Agen de Bɛnydït lɔɔm , ku

kääc Randït në Agen lɔɔm ku lueel ëkän, jiɛɛm, ye…


Ku dhuk= Kërïtho cɔk yïpuöu cɔk ye käc në Ook.

Awut = Bɛnydït cɔk yïpuöu cɔk ye käc në Ook.

Awadɛɛn tɔ Nhiaal , Riɛnku aabïï-ke yaa riëu. Cɔk ceŋdu cɔk abɔ. Yee puöndu

cɔk aloi në pinynhom cï më yenë ye looi pan-nhiaal. Yee O muɔɔc në yee Kööl-ë buk

yaa cam. Yee O puöl në karɛckua , cï më yee Ok kɔc yee Karɛc luöi O puöl. Duk-ë O

cɔk ayee them . Yee O luök në kërac. Amen

Awut = Bɛnydït yee awundu luök kek-ë nyanawundu.

Ku dhuk= kɔc yee röt gɛɛi yï.

Awut = Bɛnydït yee ke lɔny koony tëduun Lajik.

Ku dhuk = ku yee ke gël agut wadɛ

Awut = Në yïin yee yaa të riil yee kek kɛt thïn

Ku dhuk = në wɛt-ë kɔc nɔŋ ater ke ke.

Awut = Bɛnydït , piŋ lɔŋda

Ku dhuk= ku cɔk cɔtda aye ɣet tɔŋ Yïin.

Awut

NHIALINY de Abëram , NHialiny de Jakob , yee kek-ë awuutkunkä thieei , ku

com kɔth ke pïïr athɛɛr në kepuööth, bïk ka puɔth yee kekke pöc në Wɛtduun

Lajik bïkke yaa looi në yic . Yeeke tïŋ , Yïïn Bɛnydït , në käcduun de puööu pan

nhiaal, ku yeeke thieei. Tooc cïn thiëidu tuöc Abëram ɣɔn ke Thära në duöt

dïïtdɛn de puööu, yeen yïïn thiëidu löny kek awuutkunkä , bïk puöndu yaa looi ,

ku bake yaa gël , ku bïk yaa ceŋ në nhiëërdeic agut të pïïr kek në Yecu Kërïtho

Bɛnydïïtda. Amen

Yee lɔŋ böth-ë acï bïï yaa lueel të cïï tiik yaa kë cï dït cï ber dhiëth, acï dhiɔp

BƐNYDIIT kɔc puööu , ku yee Wun de pan nhiaal , Yïïn man cï raan ëbɛn cɔk kuöt

në mɔcduun path, Yïïn läŋku , wu ba kek-ë kɔckä keerou yaa kony në thiëidu ,

bïk mïthken yaa dhiëëth ke ke juëc , ku bïk yaa ceŋ atök në nhiëër de NHialicic

ku në luɔi pathic, agut të bïï kek mïthken yaa tïŋ ke ke yee cil në luɔi de

Kïrïthäänooiic ku në luɔi Lajikic , bïk yaa lɛcdu ku riëudu, në Yecu Kërïtho


NHIALIC, Yïïn ,yïn man cï käŋ kedhiɛ cak në riɛɛl göökdu, ku Yïïn cï luɔi tääu (

në cïï kɔk lɔ , kënë ku kënë , ) bï gɔc de tiik yaa bɛn bei në moc , ( man ca cak ke

thɔŋ-ë rɔt), ku cake nueet në tök, ku ca kɔc pɔɔc lan cien-ë ciët löŋ bï kɔc cake

kuɛɛk në thiëëk bïïke yaa piääk . Yïïn NHialic , Yïn man cï luɔi de Thiëëk thieei

agut këpiɛɛth cïï kum , bï män cïï Kërïtho mat kek-ë Kaniithade yaa nyuɔɔth, Yee

kek-ë awuutkunkä tïŋ në käc de puööu, bï yee mony-ë ye tiŋ-ë yaa nhiaar ,

agut të gɛm yen rɔt në yeen, në wɛtdu ( cï nhiëër ëyee Kërïtho Kaniitha tiŋde

nhiaar, ku yee nhiaar ku yee tïŋ apath cï man de ye guöp ) ku bï yee tiŋ-ë ayɛ

bï monyde yaa nhiaar, ku yee ciën ateer në kamkɛn ku yee naŋ adöt , ku yee

wëlke gam, ku bï diär lajik yaa buɔɔth cök në dïu , ku në luɔi path ku dɔɔr.

Bɛnydït , yeeke thieei kaarou ku cɔkke yee adïït ke ceŋ athɛɛrduic, në Yecu


Ee mɛɛn Randït abï jäl jam ëlɛ

NHIALINY Nɔŋ riɛɛl ëbɛn , man cï wunkuandït tueeŋ ( Kuarkuɔk ) cak , Yïk Adam

kek-ë Käwä , ku cïke thieei ku mɛɛtke në tök në thiëëk ,ee yaa bï we yaa lɔny

kuɛth de athiɛɛi , ku bï we yaa cɔk Lajik ku yee we thieei, bak yaa layum në yee

puööu në gupkuön ku tïïpkuön ,ku bak yaa ceŋ atök në nhiëër Lajikic në

pïïrduönic. Amen

Naa cï ëkän thök , ku cïn wëët lek-ëke luui yee moc tiik luöi ku luui yee tiik moc

luööi , ke Awut abï yee kë böth-ë ciir….

WEEK wedhiɛ wek kɔc cï thiëëk ku cïi we thiaak ,ka wek kɔc yee luɔi Lajiŋ de

thiëëk tääu në we yiëth, piɛŋkä jam yee këcïïgɔɔr Lajik yen jam në luui bïï moc

tiɛɛŋde yaa luööi, ku luui bïï tiik muɔɔnyde yaa luööi. Paulo Cïïthieei ee jam në

Thön Lëk kɔc ke Epethooi ,në cäpta dhiëc , yee löŋ-ë ayee cɔl kɔc cï thiëëk

kedhiɛ, ye wek röör , yakä diärkuön nhiaar ,cï man yee Kërïtho Kaniitha nhiaar

ayɛ, ku gɛm rɔt në yeen, bï cɔk lajik të cien-ë yee waak në pïïu kek-ë wɛt, bï

Kaniitha cɔk ayee këde , Kaniitha de nhuɔɔm, cinic acuɔl , ku këc rɔt ruɔt ,ku

cinic kɔk yïn-ë kɛɛ, ee bï yaa lajik ku yee yic ciën awäc. Yen-ë kee tëde akan, bï

röör diärken yaa nhiaar cï man de gupken. Ran yee tiɛɛŋde nhiaar ee rɔt nhiaar

ayɛ , nëkë cïn yen ran yee guöpde kaŋ maan, ayee muk (dɔp ) ku yen kok, yen-ë

kee tëde Kërïtho ayɛ kek-ë Kaniitha, nëkë yee Ok yaa kakke guöp, ku yeeku

kakke riëëŋde ku yuɔɔmde , Yee luɔi-ë abïï raan wun ku man yaa nyääŋ wei, ku

leer ceŋ kek-ë tiɛɛŋde , ku jɔlkï yaa riëëŋ tök ka rou. Kän eekë dïït cïï kum, an

yee jam në Kërïtho ku Kaniitha . Yen yee ŋɛk në week yee tiɛɛŋde nhiaar cï man

de ye guöp, ku në tiik yee muɔɔnyde riëëu.

Paulo cïïthieei ee bɛɛr jam ayɛ kek-ë kɔc cï thiëëk kedhiɛ ,Në Thön Lëk yen

Kolothaai, Yee wek röör , yakä diärkuön nhiaar , ku duökkä puööth yee kɛc

nëke gup.

Piɛŋkä kë cïï Petero Cïïthieei , Mëtuny de Kërïtho , ku yee ran cï thiëëk amëriɛlde

, cï lɛk kɔc kedhiɛ kɔc cï thiëëk , ye week ayɛ , wek röör , yakä rëër wek-ë

diärkuön ke we yee röt nyic, ku yakä tiik theek cï töny niɔp ( töny këc cuöny ) ku

cï man yee week adïit nëtök në athiɛɛi de pïïr , duökkä lɔŋduön bï yaa gël nhom.

Yee mɛɛn luui yee moc tiik luööi acak piŋ . ku week , wek diär piɛŋkä ku pɔckä

në luui bïï wek rɔrkuön yaa luööi, cï nyuöth cien-ë ye nyooth në këcïïgɔɔr

lajikiic.

Paulo Cïïthieei në yee Thön töŋ de Epethooiëic , ee jam , Ye wek diär , yakä tɔ në

riɛɛl de rɔrkuöniic , cï man tɔɔ wek nëkë de Bɛnydïtic . Në ke yee moc yen yaa

nhom de tiik, cï man yee Kërïtho yen yaa nhom de Kaniitha, ku cï rɔt cɔk ayee

duluɛŋ de guöp, ku cï man tɔɔ Kaniitha në riɛɛl de Kërïthoic, në yen-ë yee tëde

diär akan ke rɔrkɛn në këriëëc ëbɛn. Ku beer jam ayɛ , ye në tiik yee monyde

riëëu.

Ku Thön de Kolothaai ayöök Paulo Cïïthieei week thïn në yee pööc-ë , Ye wek

diär , yakä tɔ në riɛɛl de rɔrkuöniic , cï man puɔɔth yen në Bɛnydïtic .

Petero Cïïthieei ee we pɔɔc në cök töŋ-ë, në jam cien jam , ye wek diär , yakä

wëlke rɔrkuön gam , nëkë naa cï kɔc wɛt yee cak gam , ëkaa bïk yaa lööm të cïn

wɛt në luɔi puɔɔth de diärken , në daai yee kek daai në rërduön yee wek rëër

ëmääth . Duökkä ceŋduun yee cɔk cït naai de nhom ( yuii ) de baŋ beec , ku ciëŋ

de guɛnjinï ( dääp ) ku ruk de alath në kɔc kɔɔth, në yee ciët kë cïï raan thiaan në

yepuööu , kë yee piath ku cie riääk , kë de puön luɔɔi ku puön lɔdïu, yeen man

yeekë de cin göök ( cin dït ) në NHialic nyin. Ee yïn-ë kɛɛ ɣɔn diär lajik ayɛ,

ayee rot gɛi NHialic , aake yee röt kuɛm në ruk në kak-ë dhëëŋ , ku yeekï wëlke

rɔrkɛn gam, cï man ëyee Thära wëlke Abëram gam, yee cɔɔl ye bɛny, man yee

mïthke week ee mɛɛn , të yee we luui apath ku cak yee riööc nëka yen-ë ke gäi

në riööc

Apath bï kɔc puɔc röt thiaak bïk män lajik lööm në kööl de Thiëëk , ka Män Lajik

bïk dac yök të cïi thiëŋdɛn thök të liiu yen në yee kööl-ë

( Apäm 111 në Duööric )

CÖK KE THïɛŋ DE KƆC CÏ THOU

Yee luɔi-ë acï bïï yaa looi në ran cï thou ke këc-ë Baptïth ( këc-ë Yor nhom) , ku ran cïï

nyaai në män Lajikic , ku ran cï ran nɔk etök.

Randït ( Abun ) ke kɔcken lui keye luɛɛk aabï guöp loor në luak thok, ku jɔlkï ŋäär

luɛɛk, ku të leer-ë ye tëde raŋ ,ku jɔl-ë kääk ciir ëkälɛ-

XAN yee jön de röt ku yaa pïir , aluel Bɛnydït , ran yee ɣa gam ku në cï cak thou, eka

bï pïir, ku raan ëbɛn ran yee pïir në ɣan ku yee ɣa gam acie kaŋ thou. Jɔn 11.25-26

XAN nyic Duwërdië në pïir ,ku kabï kɔɔc në pinynhom në köölciëën. Ku naa cï dɛldië

cak luɛl , ke an bï NHialic tïŋ në rïŋcië , aba tïŋ në guöpdië, ku ka ban daai, aciee randɛ.

Job . 19. 25--27

ACIN kë cuk bɛɛi në yee piny-ë nhom , ku ka cïn kë buk yaa lëu në nyiɛɛi thïn , acïi

Bɛnydït miaac , ku acïi Bɛnydït bɛɛr nyaai , ee yaa bïi Rinke Bɛnydït bïike yaa leec. 1Tim

6. 7 , Job 1. 21

Të cïïk kek ɣëët luɛɛk, ke din-ë aket

Dit 39. Dixi, custodiam

ACA lueel ya ba luɔidië yaa tïŋ . lan ban yaa wuöc në ɣa liep.

2.Ɣan bï ɣathok yaa muk , cï kë cïi duut thök në lääk, të tɔɔ kɔc rac në ɣanyin.

3-Liɛɛmdië aca muk, bï ciën kë luɛɛl an cï biɛt ( mim ) agut wël piath, të cak ɣɛɛn tök

ku dhiau.

4-Ɣan ee cï puöu tuöc ( lɛth ) në akɛnythïn ( biän ) , ku naa ŋuɔt-ë ɣa tɛk, goo mac

dëp, guɔɔ jam në ɣa liep.

5-Yaa Bɛnydït cɔk ɣa anyic thök de nïncië ku thëmden , ku ba pïir ban pïir dïk-ë nyïc

.

6- Ca Tïŋ , Yïin cï aköölcië cak cï thëm de cin, ruöncië aacie käŋ të nɔŋ Yï, ku raan ëbɛn

yee pïir ee ciɛɛliic ëbɛn.

7- Raan ëbɛn ee cath acït atiëp, ala-yälyäl në luɔi luethic, acï bäny kutic ku akuc ran bë

döŋ ke ke .

8-Yeen ee mɛɛn Bɛnydït , ee kuŋu tiɛɛt, ŋäthdië atɔ në yïyic.

9-Luäk ɣa në awänydië ëbɛn, ku duk-ë acïbëël cɔk acil ɣa ( wai ).

10- Ɣɛɛn acï athok kuööt , ku thuɔɔŋdië acaa liep ,, në ŋu ee yïin ëyï loi ye .

11-Nyaai-ë lunydu tënɔŋ ɣɛɛn , an yee thou të cïn athiɛɛidu. Mɛŋ de yïcin acï ɣa thääp

12-Të cïn raan waai ( cil ) në kërɛɛcdeen cï looi, ke dhëëŋde aca kuɔɔth wei cï kɔm-ë

alath, ku raan ëbɛn ɣeer wei.

13-Piŋ lɔŋdië Bɛnydït , ku wɛl-ë yï yïith dhiëndië, ku duk-ë bit në cɔtdiëën dhiɛɛu

ɣɛnic.

14- Ɣɛɛn yee alei të nɔŋ yïin , ku yaa abakök cï më de wurciëndït kedhiɛ.

15-Päl ɣa ëmääth ba riɛɛldië bɛɛr yök , ke ɣa ŋoot , ke ɣa këc guɔɔ lɔ ɣöu dhël , laar

të cienë ɣa ber tïŋ thïn.



( DIT 90 . Domine, refugium )

YEKOBA, Yïin cï yaa tëdɛɛn-ë thiaan , në kuat ( riic ) ëbɛn

2- Ɣɔn aŋoot kur ëke këc guɔɔ tuöl , ku ŋoot tiɔpnhom ke këc-ë guɔr cak, ke Yïin ,

yïn-ë yee NHialiny yee tɔ alɔ ɣɔn në rïc thok ëbɛn.

3-Yïin yee raan dhuök në riääkic , ku bɛr-ë dhuk yïtök luel, bäkkä mïthke raan.

4-Ruöön tim në Yïnyin, aacït wɛɛ-thëën cï jääl. Aayee lɔ cï tiët yïin tïit wakɔu.

5- Aayeeke guɔr nyaai cï kuëër de aboor , aacït nïn de nyin, naa yee nhiäkduur kaa cït

noon cï guɔɔ dït.

6- Naa nhiäkduur ka gor dït ku ɣeer, naa yee thëën ka gor-ë tɛm piny ku thiɛɛŋ wei.

7- Ɣökdu ee O thook, ku kɛcdïitdun de Yïpuöu ee O riääc arëët.

8- Karɛckua aaca-ke cäp në yïnhom, ku rɛɛcdan cïi thiaan adɛɛi yïin .

9- Ɣökdu acï niënkua tekiic bïk määr ëbɛn, ku niënkua aaye guɔɔ thök ëpath cï ciër

yen-ë cïïr.

10- Runkuan ke pïir aayee thiërdhorou ëpath , ku naa ca riɛl arëetic kaa yee run

thiërbɛt kek aacuööp-ë , këde lec-ë nhom ee luɔi ril ku dhiëëu, ku jɔlku guɔɔ tɛɛm wei

, ku pɛɛrku ɣörjö.

11-Ku yee ŋa nyic riɛɛl de ɣökdu, ka cɔk bɛɛr riööc në yï , ku kɛc-ëpuööudu ëkɛ.

12-Ke yeen pɔɔc-ë O buk niënkua yaa kueen, ku buk puön-ë nyïc lööm.

13-Agut cï nin Bɛnydït , Dhuk ciëën , ku cɔk käcduun de yïpuööu de athiɛɛi ca tɔ në

awuutku kɔɔth.

14-Cɔk O akueth në käc de puöudu wälɛ, bë dac bɛn, buk puööth layum ku mitku

puööth në nïn kedhiɛ.

15-Bɛɛr-ë O duut puööth në keek aakööl cïnke O waaikä ( cil ) ku run cïi Okke kadhal

O guum.

16- Nyuöth-ë luɔidu awuutku, ku nyuöth-ë nhiaamde mïthken bik yaa nyic.

17-Ku cɔk dhëëŋ de Bɛnydït NHialinyda ayee O kuöm piny, ku dooi luɔɔi de Ocin, bë

tɔ në Ocin. Ëë, dooi luɔɔide cinkua.



Ciër abï bööth , ciër cïï kuɛny bei në Cäpta thiëër ku dhiëc de Thön Tueeŋ de Paulo

Cïithieei lëk Korinthooi

1Kor. 15.20-26, 35-58

YEE MƐƐN Kërïtho ee rɔt jɔt në thouic , Ee yaa akɔŋ ( akeeŋ ) de kɔc yee niin . Thou ee

bɔ në raan ,ku beer jön de röt ber bɛn në raan. Acït man yee kɔc thou kedhiɛ në Adam ,

yenë-ë kee cɔɔk ( tëde ) bïï kek yaa pïïr në Kërïtho. Ku ŋɛk në nyiɛndeic , Kërïtho ee yaa

akɔŋ ( akeeŋ ) ,ku kɔc ke Kërïtho aabï ye kuany cök në jönde röt në bɛnde. Ku bɔ thök,

të ben ceŋ gam yïk NHialic Wun , të cien dök ëbɛn nyaai kek-ë ril ëbɛn . Abï ceŋ në riɛɛl

yaa dhiil , agut të cien kɔc nɔŋ ater kek-ë ye käciic në yecök . Ater ciëën bïï nyaai në

käŋ cök kedhiɛ ee thuɔɔu.

Ŋɛk abï yiën thiëc , Ya yee kɔc cï thou röt jɔt kadï ? ku yeekï gup yiën dï të bïï kek ?

Yïïn yaa acïbëël , kë yee com acie cil (kul ) ke këc guɔɔ thou . Kë yee com acie ye guöp-

ë yenë tuöl , ee nyin , ayïn yaa nyin de rap, ka lɔn yeen nyindɛ . Ku NHialic ëkee ye yiën

guöp , në täŋ cien-e tak, ku kë nɔŋ nyin ëbɛn guöpde peei. Rïŋ ëbɛn acë thöŋ , raan në

riëëŋde , ku lɛi në riëëŋde ku rɛc në riëëŋde , ku dit në riëëŋde. Kanhiaal aatɔ ayɛ ,

kek-ë kakke pinynhom, nhuɔɔm de kanhiaal aloi, ku nhuɔɔm de kapiiny aloi . Akɔl ke

nhuɔɔmde , ku pɛɛi ke nhuɔɔmde , ku kuɛl kek-ë nhuɔɔmdɛn , kuɛl acïï thöŋ

nhuɔɔmke. Yen-ë kee tëde jönde röt de kɔc cï thou. Ee com ku lee luɛl ( dhiäth ), ee rɔt

jɔt ke këc dhiäth. Ee com të cïn nhiaam, ku jɔt rɔt në nhiaamic, ee com në niööpic, ee

rɔt jɔt në riɛɛlic . Ee com në yee guöp de raan , ku jɔt rɔt ke yee guöp de wëi. Naa tɔ

guöp de raan , ke guöp de wëi atɔ ayɛ. Yen-ë kee gɔɔr kälɛ , Ye Adam ran tueeŋ ee yaa

tiëp yee pïïr , Adam ciëën ee jäl yaa jɔŋ yee kɔc yiën pïïr . Kë de jɔk acien tɔ tueŋ, ee

këde guöp yen-ë kee tɔ tueŋ , ku këde jɔk atɔ ciëën . Ran tueeŋ ee yee këde piny , ee

këpiiny , ran ciëën ee yee kenhiaal .Acït man de kapiiny , yen-ëkee cɔɔk de kɔc piiny

ayɛ, acït man de kënhiaal , yen-ë kee cɔɔk de kɔc nhiaal ayɛ. Acït man nɔŋ Ok kë thöŋ

ke këpiiny, yen-ë kee cɔɔk bïï Ok naŋ këthöŋ ke kënhiaal ayɛ . Ëkän yen aluɛɛl , wɛtke

awa , yaa rïïŋ ku riɛm aacë ceŋ de NHialic lëu në lɔk . Kë yee dhiäth-ë acie kë ciee

dhiäth ëlëu në lɔk. Tiëŋkä , wek yaa lɛk këcïï kum, Yaa Ok cï bï niin Odhiɛ , Ok bïï waar

Odhiɛ ee mëtöŋ-ë , cï lɔ niet-ë nyin , në kuöth de tuŋ ciëën, tuŋ abïï kooth , ku kɔc cï

thou aabïï jɔt ëke këc dhiäth , ku Ok bïï waar. Yee kë yee dhiäth-ë abï kë ciee dhiäth

dhiil-ë ruk, ku yeen kë yee thou-ë , abï kë ciee thou dhiil-ë ruk. Ku naa cï kë yee

dhiäth-ë kë ciee dhiäth ruök , ku naa cï kë yee thou-ë kë ciee thou ruök, ke wɛt abï

yaa yic wɛt-ë cïï gɔɔr , kälɛ, Yaa thou acïï tiäm liek, Yïn thuɔɔu , tɔ tiɛmdu tëyo ? Yïn

thuɔɔu tɔ munydu tëyo ? muny de thuɔɔu yen-ë kee rɛɛc , ku riɛɛl de rɛɛc yen-ë kee

löŋ. Ee wubï lɛc yaa tɔ ke NHialic , man yee O yiën tiɛm në Yecu Kërïtho Bɛnydïitda .

Yen wɛtke awa nhiaarke , yaka kɔɔc, ke we cï röth week, yaka kuɛth në luɔi de Bɛnydït

në aluööt në nyïny nyic we luɔiduön ke cie kë de luethic të nɔŋ Bɛnydït.

Të yee kek bɛn tëde raŋ ku të cien-ë guöp juiir në kɛn bïn-ë yee jäl kan rɛɛŋ , ke Abun /

Randït abï kän ciir , jiɛɛm-

RAN yee dhiëëth në tiik aciɛk në pïïrde , ee thiäŋ në ŋet. Ee cil , ku tem , cï luɔk de wäl

, ee riŋ wei cï atiëp, ku kacie kaŋ gääu tɛn tök.

Ok yee pïïr ke O tɔ në thouic , yee ŋa buk gɔr kuny , cie yïïn , yïïn Bɛnydït , yïïn man yee

O lak ( ɣɔk ) apath në karɛckua ? NHialic Bɛnydït Lajik arëët , Bɛnydïït Nɔŋ riɛɛl ëbɛn

Duluɛŋ Lajik ku kɔc puöu arëët , duk-ë O yïn tɔɔk ( arɛɛm ) la cuei de thou athɛɛr.

Yïïn Bɛnydït , yïïn yee ka yeeku ke moony në O puööth aayeeke nyic , duk-ë yïïthkun ke

käc de yïpuöu yee nhiaac në lɔŋda , ku yee O puöl , Bɛnydït Lajik arëët , Duluɛŋ yee

piath arëët athɛɛr, duk-ë O yee cɔk lööny wei në yïcin , të cïï thääidan de thuɔɔu ɣëët ,

në tɔɔk ( arɛɛm ) lacuei de thou.

Ee mɛɛn , të nuk-ë raŋ ke kɔc kääc në raŋ nhom nuk guöp , aabï kë looi Randït buɔɔthic,

ku ciir Randït ëkääk , ye…

TE len yum në NHialiny Nɔŋ riɛɛl ëbɛn puööu në käcdïitdeen de yepuööu , bï tiëp de

yee wän määthdaan ( nyankäidaan ) nhiaarku cï jääl-ë lööm , ke Ok cuk tiɔp guöpde,

tiɔp alɔ tioop, ŋeth alɔ në ŋethic, liɛɛt alɔ në liɛɛtic, në ŋäth yee Ok-e ŋɔɔth pacɔk në

Jon de röt athɛɛr de kɔc në thouic , man bïï gupkuan rac waar , bïk ciët guöpdeen de

nhuɔɔm në kë yen keriëëc ëbɛn cɔk gam Yeen.

Ee mɛɛn Randït abï ëkän lueel ku buɔth cök në kɔc në gäm, naa yee ket ka ket…

Guɔ röl piŋ nhiaal në jam , Ya gär, wu yaa kɔc aayee thieei kɔc yee thou në Bɛnydïtic në

yee mɛɛn alɔgut, ee yic aluel Wëëidït yen-ë ke yee lɔŋ në luɔiden.

Ee mɛɛn Randït abï kän lueel ku beer-ë yic


Ku gam = Kërïtho cɔk yïpuöu cɔk ye käc në Ook.






Naa yee Randït ke kän akuen

NHIALINY Nɔŋ riɛɛl ëbɛn , jak ke kɔc yee thou në gäm de Bɛnydïtic aayee ceŋ kek-ë

Yïïn , ku yïïn ëka yee tïïp ke kɔc nɔŋ adöt gup lɔyum , të cien-ë ke luök në guöm de

guöp , Yïïn lecku arëët në kë cïn puöu naŋ luäŋ de yee wän määthdaan-ë (

nyankäidaan-ë ) në ŋet de yee piny rɛɛc-ë nhom , ku Yïïn läŋku , në piathduun de

Yïpuööu , ba cin de kɔc ca ke lɔc dac thöl ku ba ceŋdu baan, buk puööth layum pacɔk

,në guöp ku tiëp , në nhuɔɔmduun cïn-e thok , Ook, Ok-ë kɔc kedhiɛ kɔc cï jääl, yee

Rinkun Lajik gam në yic ,në Yecu Kërïtho Bɛnydïtda. Amen

( Naa yee meth ke kän akuen )

YÏÏN NHialic , man nɔŋ ciɛɛŋ cïï kum ku luɔi yen-ë gäi, Yïïn man cïn kë ca cak në yee kë

de ciɛɛliic ëpath , ku yee ka ca-ke cak kedhiɛ yee ke nhiaar, Dut awuutku puööth,

awuutkun dhiau ku jithkï puööth, cɔk ke yee Yï nhiaar ku yeekï këdu looi në yee pïïr-ë,

bïk mat kek-ë yee manhduun-ë në lɔm bïï kek wëlku lööm kedhiɛ në ceŋ bï bɛn, në


Lɔŋ

NHIALINY kɔc puööu , Wun-ë Yecu Kërïtho Bɛnydïïtda , Yen man yee jön de röt ku yee

pïïr , yen man yee raan ëbɛn pïïr , ran yee ye gam , të cien cak thou , ku yee raan ëbɛn

pïïr ku yee ye gam ye cuök thou athɛɛr , ku cï O pɔɔc ayɛ ( në Dutunyden Lajik Paulo

Cïïthieei ) yee cuk bï yaa dhiau cï kɔc cïn ŋäth , në kɔc yee niin në Yeyic , Yïïn läŋku në

puööth koor , awade , ba O jɔt në thon de Këracic , jat-ë O në Pïïr Lajikic , ku ba O Yök

ke O lɔyum në Yïnyin në Jön de röt de raan ëbɛn në köölciëën , buk athiɛɛi lööm ,

athiɛɛi bïï Wënduun nhiar lueel lëk raan ëbɛn ran yee Yï nhiaar ku yee Yï riëëu , Ye bäk ,

mïth ke Awa cïïke thieei ,lɔmka ceŋ cïï juër we ɣɔn gɔɔc-ë piny , Yiën- O ëkän, Yïïn

läŋku , Yïïn Awadɛn kɔc puööu , në Yecu Kërïtho, Mëdöörda ku Duwërda . Amen

THIƐI de Yecu Kërïtho Bɛnydïïtda , ku nhiëër de NHialic , ku män de Wëëidïït Lajik,

aabï yaa tɔ kek-ë Ook Odhiɛ athɛɛr . Amen

LƐC DE Diär TË CÏI kek Dhiëth

Yee cɔɔl

Luɔi De Kaniitha De Diär


Naa cï tiik dhiëth , cï mëthɛɛr dhiɛ , ( Ka ruɛc muɔɔnyde në Kaniithaic , të nhiɛɛr yen-e )

lekkï luɛɛk , ku tukkï ke nhiɔl të cïk nhiaar të cït tëden thɛɛr yen rëer thïn luɛɛk ëtɛɛn, ka

të bïi Abun-ë ( Awut ) luak ye tääu thïn bë nyuc thïn, ku naa cï thäi bɛn, nëka cɔɔl-ë

cök , ke Abundït abë jäl jam kälɛ -

Naa cï NHialiny nɔŋ riɛɛl ëbɛn puöu miɛt në piathdu bë yï cɔk adhiëth apath, ku kony yï

në rɛɛcdïït de yee dhiënh-ë yic , ke yïin abë NHialic jäl leec arëët në puööu, ku jam

kälɛ -

Ee mɛn Abundït abë abï dit 116 ciir ( Dilexi quonian )

Xan cï puöu miɛt arëët arëetic , nëkë cïi NHialic röldië piŋ.

2- Acï ɣa liep ye yïc , yeen aba yaa cɔɔl në akööl yan-ke pïir kedhiɛ .

3-Ɣɛɛn ee cï gɔɔl piny në adëp ke thuɔu , ku tɔɔk de giɛɛna ( arɛɛm de pan-ëarɛɛm

atïïp ) ee cï ɣa buöör piny.

4- Ɣɛɛn ee cï anuɛɛn ku thiɛk yök yeth, guɔɔ rinke Yekoba cɔɔl , Yekoba !! yïin ca lɔŋ

arëët ! luäk Tiëpdië !!

5-NHialic ee nyin kuany, ku leejik. Ee yic NHialinyda ee naŋ käc de puööu

6- NHialic ee ran thiin puɔlic kony, ɣɛɛn ee tɔ në dhiëëuic , goo ɣa kony.

7- Yeen dhuök-ë rɔt tiëpde, lɔŋ . Yïin cïï Yekoba riɔp.

8- Ku yee ŋu , yïïn cï tiëpdië luök në thouic , ku nyincië në pïïu , ku cökcië në yuïïk .

9-Ɣɛɛn bï yaa cath në Yekoba nhom, piny de kɔc yee pïïr .

10- Ayaa gam, yen ɣɛɛn bï yaa jam , ku ɣɛɛn cïi yɔŋ arëët . guɔɔ jam në rɔtdië , yaa

raan ëbɛn aye alueeth.

11-Yee riöp cït ŋu ba yiën Yekoba, ne keriëëc puɔɔth cï luöi ɣɛɛn ?

12- Ɣɛɛn bï abïny de luäk lööm, ku yaa rinke Yekoba cɔɔl.

13- Ɣɛɛn bï kë can rɔt mëël gam në kɔc nhïïm kedhiɛ, thonde awuutken cïïthieei ee

miɛt ne ye nyin, Yeen Yekoba .

14-Tïŋ Yïïn Yekoba , ɣɛɛn yee awundu, ɣɛɛn yee awundu ku wën de nyanawundu , yïin

cï ka cane ke ɣa rek thoor në dhuŋ-ë kɔɔth.

15-Yïïn ba yaa gäm köc de lɛc , ku ɣɛɛn bï rinke Yekoba ya cɔɔl.

16-Ɣɛɛn bï kak ëke can ke rɔt mëël gam në raan nhom ëbɛn, në akuänh de ɣön de

Yekobaic, agut yï yic , yïïn Jeruthalem ( Diocese looi-ë ye thïn ). Yaakä Yekoba puɔɔny.



( Dit 127 Nisi Dominus )

NAA ciee Yekoba yenë yee ɣöt yïk , ke luɔiden ee yaa luethic ëpath kek kɔc yee yïk.

2-Naa ciee Yekoba yenë yee baai tiit , ke puööc de dutïït ee yaa luethic.

3- Ee yaa luɔi de luethic yeekë yee wek dac pääc-ë ku yaakä cuïn de nyiɛc tïŋ-ë röt

cam, ee kɔc nhiɛɛrke muɔɔc të cɔk kek niin.

4- Tiëŋkä , mïth ku ka cïï luɔk ke adhiëth , aaye yaa adïït ku mɔc yee bɛn të nɔŋ NHialic

.

5-Acït tää yee yuɛth tɔ në ran göök cin, yenëkee yaa tëde mïththii

6-Raan ee puöu la yum , ran yee göŋde thiööŋic ne keek, aciee yic bë yaa liɛr në jam

ke kɔc nɔŋ ater ke ye , në baai thok.



Naa tɛk ke Abundït abë kän lueel ëkälɛ

Lɔŋko

Bɛnydït, cɔk yï puöu cɔk ye käc në Ook

Kërïtho , cɔk yï puöu cɔk ye käc në Ook

Bɛnydït cɔk yï puöu cɔk ye käc në Ook.



cam. Yee O puöl në karɛckua , cï më yee Ok lɔc yee Karɛc luoi O puöl. Duk-ë O cɔk


Amen

Abun/Awut . Bɛnydït , luäk ye tiŋ-ë awunduun-ë ,

Gam = Man yee rɔt gɛi në yïin.

Abun/Awut = yee yaa ɣön riilde .

Gam = të nɔŋ ran nɔŋ ater ke ye nhom .

Abun/Awut = Bɛnydït , piŋ lɔŋda .

Gam = ku cɔk cɔtda aye ɣet të nɔŋ yïin

Abun/Awut

Lɔŋko

NHIALINY Nɔŋ riɛɛl ëbɛn , yïïn lecku në puööth koor në kë cïn puöu käc ba ye tiŋ-ë

awunduun-ë luök në tɔɔkdïtic ( arɛɛmdïtic ) ku në thuööth rɛɛc de dhiëthic, Yïïn läŋku

, Awandɛn kɔc puööu arëët , cɔk cɔk aye ceŋ në kunydu në adöt , ku yee cath cï man

göör Yïïn-e , në yee pïïr-ë yic ku bï naŋ biäk cïï nhom athɛɛr në pïïr bë bɛn, në Yecu


Tiŋ yee bɛn bï lɛcde bɛnë gam abï mɔc thɛɛrden yee gam bɛnë gam, ku naa nɔŋ män

Lajik, ka path bï män Lajik lööm.

Naa cïn Män Lajik cïi looi në yee kööl-ë diär-ë , ke Abundït/Awut abï tiik yɔɔk ëkälɛ,

Yee

Week tɛɛukuke në käc de puööu de NHialicic ku në gëldeic

Ee yaa bï Bɛnydït we yaa thieei ku yee we muk, Ee yaa bï Bɛnydït we yaa ruɛl në

ye nyin, ku yee puöu piath në week, Ee yaa bï Bɛnydït ye nyin yaa wɛl week, ku

yee we yiën dɔɔr, në yee mɛɛn ku agut en athɛɛr wadɛ . Amen

ORDER TWO

GUËËR LUƐƐK

Të bïï kɔc looi lɔŋ ɣöt , ke kɔc aajɔt röt ku yup dit

Naa cï dit thök ke Duŋɔɔr ajam-

Duŋ ɔɔr =Në Rinke Wun ku Wä ku Wëëidïit Lajik

Kɔc = Amen

Muöth Duŋɔɔr

Abun/Duŋɔɔr amuöth kɔc

Duŋɔɔr = EE yaa bï Bɛnydït yaa tɔ kek-ë week.

Kɔc = ku yee tɔ ke Yi ayɛ

( Ka lueel kän )

Athiɛɛi, käc-ë puöu ku dɔɔr të nɔŋ Awada ku të nɔŋ Bɛnydïitda Yecu Kërïtho bïk yaa tɔ

ke week.

Kɔc = Ku yee tɔ ke Yï ayɛ.

Naa yee kööl de Jöt ka luel ëkän

Duŋɔɔr = Aleelullya, Kërïtho acï rɔt jɔt

Kɔc = Pacɔk Kërïtho acï tɔt dïk-ë jöt.

Duŋɔɔr abï kɔc loor në wël bï lueel ëtɛɛn---

Duŋɔɔr abï lɔŋ-ë ciit—

Kɔc kedhiɛ = NHialiny nɔŋ riɛɛlathɛɛr ,

puööth kedhiɛ aaye nhïïm ɣɔr të nɔŋ Yïïn,

ku ka göör puöu kedhiɛ aayee ke nyic ,

ku ka cïn kë yee muɔɔny në Yï nyin.

Wak täŋ de O puööth, në atiäär de Wëëidïït Duun Lajik,

ku buk Yï yaa dïk-ë nhiër,

ku yeeku Rinkun Lajik jaak, ku nhomkuke.


Amen

Lɔŋ de Wël-ë puöu

1- POOC KE LÖÖŊ KEETHIËËR

Kääk aaye lööŋ keethiëër cïi NHiäic ke yiëk mïth ke Yïthërɛl ,ku caarkä we puööth

Abun = Ɣɛɛn yee Yekoba NHialinydu,acin NHialinyduun dɛ ee Ɣɛɛn atök

Kɔc kedhiɛ = Amen . Bɛnydït, Käc-ë puöu

Abun =Duk-ë rɔt yee cuɛc tiop ka thäthë rɔt wëëth, ka kuɛŋ-ë rɔt riääk ku ŋuek


Abun = Duk-ë Rinke Yekoba NHialinydu dukëke yee latiic

Kɔc kedhiɛ = Amen . Bɛnydït , Käc-ë puöu

Abun = Duk-ë nhom yee määr në kööl-ë Thäbbäth, acïi wëëŋ ke yee kööl Lajik

Kɔc kedhiɛ = Amen . Yekoba , Käc-ë puöu

Abun = Yee wuur ku moor yeeke theek gup .


Abun = Duk-ë raan yee nɔk ( tir )


Abun = Duk-ë Tiŋ-ë randɛ yee kɔɔr

Kɔc kedhiɛ = Amen . Bɛnydït , Käc-ë puöu

Abun = Duk-ë yee kual ( cuëër )


Abun = Duk-ë ran rɛɛr ke Yï tör guöp lueth ( Riëth guöp )


Abun = Duk-ë këde randɛ yee wak në yï puööu ( wëk )

Kɔc kedhiɛ = Amen , Bɛnydït, käc-ë puöu në O ku gɔr kek-ë lööŋkä në O puööth.

( Ka Kän ) 2- comɣortable word

Wël ke lanip de puööu aakïik cïi Duluäŋda Yecu Kërïtho cïke lueel , lëkke raan ëbɛn ran

yee rɔt dïk-ë dhuk-ë Bɛnydït

Bäkkä të nɔŋ ɣa , wek kɔc cï dak në luɔi ku ɣääckä kathiek në we kɔɔth ku wek aaba

muɔɔc në lɔŋbak lɔŋ. Mathäyo 11.28

NHialic acï piny nhomnhiaar goo WäntöŋDe tuööc , bë ran-ë ye gam bï cuök yee thou

ku bï yaa naŋ pïir athɛɛr. Jɔn 3.16

Bɛrkä wël cïi Pual cïïthieei ke lueel piŋ

Kuu wɛt-ë ee wɛt yic , ku kee piath të gam kek yeen , lan cïi Yecu Kërïtho bɛn në piny

nhom bë kɔc cï karɛc looi ( acarɛɛc ) bɛn-ë luök . 1Tim. 1.15

Bɛrkä wël cïi Jɔn cïïthieei ke lueel piŋ ,

Të cïi raan rɛɛc looi , ke Ook nɔŋ mëdör ke Wun ,Yecu Kërïtho Lajik ku Yeen ee dupuŋ

de Karɛckua . 1Jɔn 2.1-2

( Ka kän ) 3- Beatitudeɛ

Piŋëko thiëëi Bɛnydïtda të nɔŋ kɔc-e ye kuany cök

Kɔc yee ŋɔŋ në tïip aayee thieei,

Ceŋ nhiaal eekë dɛn.

Kɔc yee thuc aayee thieei,

Aabïi ke yaa duut puööth

Kɔc ye puööth käc aaye thieei ,

Piny nhom abïi nyäŋke.

Kɔc yee rouke nɔk ku näk cɔkkenë luɔi lajik aaye thieei ,

Aabï yaa kuɛɛth.

Kɔc yee nyïin kuany aaye thieei,

Aabï käc de puööu yaa yök.

Kɔc ɣer puööth aaye thieei,

Aabï NHialic yaa tïŋ nyin.

Kɔc yee dɔɔr looi aaye thieei ,

Aabïïke yaa cɔɔl mïthke NHialic .

Kɔc yee gum në yaaŋ ëke loikë piɛɛth lajik aaye thieei,

Ceŋ de Pan nhiaal abï yaa adonyden.

Kɔŋ piny la dïl ëmääth në cär-ë rɔt

4- Cuutëyic de lööŋ

Duŋɔɔr

Bɛnydïïtda Yecu Kërïtho ee jam, Löŋ tueeŋ ee kän ,

“ Piɛŋkä apath wek kɔc ke Yïthërɛl, Yekoba NHialinyda yen-ë kee Bɛnydït Ye tök.

Yïïn abë Yekoba NHialinydu yaa nhiaar në piäändu ëbɛn, në tiëpdu ëbɛn, në täŋdu

ëbɛn, ku në riɛɛldu ëbɛn”

Ku löŋ de rou ee jam, “ Yee ran rɛɛr ke yï nhiaar cï guöpdu” acïn löŋdïït dɛ wär ëlööŋkä

, në kek-ë lööŋkä kaarou aacïn-ë ke lööŋ kedhiɛ kuɛn thook thïn ku Nebïï kedhiɛ

Kɔc = Amen. Bɛnydït. Yee puöu käc

Jɔl piny kaŋ lɔdïu në biɛt në cär-ë röt

Gäm de awäc ke kɔc

Duŋɔɔr

NHialic acï piny nhom nhiaar arëët goo wäntöŋDE Yecu Kërïtho tuööc bë O luök në

rɛɛcdaic , bë jam në nyindaic pan nhiaal, ku bïi O në pïir athɛɛric .

Yen lekëko karɛckua në wël de puööu ku gäm, Mukku lööŋ ke NHialic ënuat thïn, ku

cieŋku në mhiëër ku dɔɔr ke raan ëbɛn

Kɔc =NHialiny nɔŋ riɛɛlëbɛn , Awadan nhiaal,

Ok aacï rɛɛc looi të nɔŋ Yï,

ku të nɔŋ kɔc rɛɛr ke O,

në täŋ-ë yeeku tak , ku në wël yeeku lueel, ku në luɔi yeeku looi,

në kuny-ë käŋda , ku në niööpda,

ayeeku dïk-ë luɔi ëkälɛ në rökëyic ,

Ok aacï puööth dïk-ë dhiau arac,

ku Ok aacï O puööth wel në karɛckuaiic.

Në këde Yecu Kërïtho WënDu,

man cï thou në O,

Päl-ë O ka cï wan kedhiɛ

Ku yiëk-ë O luɔi buk Yï luööi në Pïir Jötic

në nhuɔɔm de Riɛnku.

Amen

( Ka yee Kän yen lueel )

Kɔc kehdiɛ = NHialinydït kɔc puöu arëët ,

Wun Bɛnydïtda Yecu Kërïtho ,

Ok lek karɛckuan cuk looi

në täk , wël ku luɔi,

Yïin akëcku nhiaar në Puöu ëbɛn.

Ok aakëc kɔc rɛɛr ke O nhiaar cï O gup,

në käc de puöuDuic,

päl Yïin të cïi Ok ɣëët thïn-ë ,

kony O buk të cë rɛɛt duɛt,

ku wat të bïi Ok lathïn nhom ,

ku buk yaa kɔc la jïth,

nhiaar käcëpuöu ,

ku cath ke Yï në kur-ë puööu , NHialinyda

Amen

( ka yee Kän )

Kɔc kedhiɛ = Wun de athɛɛr, dumöny de ɣɛɛr ku athiɛɛi,

Yïïn acuk luöi rɛɛc ku luiku kɔc rɛɛr ke O rɛɛc,

Në ka cukke yaa tak ,

në ka cukke yaa lueel ku looikuke,

në kuny-ë käŋ , ku në niööp,

aake loikuke ëke dïkku ënyïc,

Yïïn acïï Ok nhiëër de Yïpuöu yiëk tëtöök,

ku nyuilku cakga Duun tɔ në Oiic,

Ok dhiau puööth ku manyku gup,

ku wëlku Opuööth në rɛɛcdaic ëbɛn,

në wɛt de Wëndu Yecu Kërïtho ,

man cï thou në Ok,

ayen päl-ë O ka cï wankä

ku ŋäär-ë O beec në muööthic

buk yaa cath cï mïthke ɣɛɛr.

Amen

Lɔŋ de päl de karac

Jɔl-ë kääk lueel

Bɛnydït,yee puööu käc

Kɔc = Bɛnydït yee puöu käc

Kërïtho yee puöu käc

Kɔc Kërïtho yee puöu käc

Bɛnydït yee puöu käc

Kɔc Kërïtho yee puöu käc

Abïi abun lueel etök

Abun

NHiailiny Nɔŋriɛɛlëbɛn ,

Yïïn man yee kɔc cï ke puööth dïk-ë wël päl karɛcken,

abï puöu yaa käc në wek,

ku yee wek päl karɛckuön ku bïi we bei thïn,

thɛny we thïn ku cɔk we aril në piathic ëbɛn,

ku muk we në pïïr athɛɛric


Kɔc kedhiɛ = Amen

Nhuɔɔm abïi lueel ëtɛɛn ( Gloria ineɔcelɛiɛ may be uɛed )

Kɔc kedhiɛ =NHuɔɔm abï yaa tɔ nhiaal arëët ke NHialic ,

Ku dɔɔr në piny nhom ke kacKe,

Bɛnydït NHialic, Mëlëŋ nhiaal,

NHialiny Nɔŋriɛɛlëbɛn ku yee Wun,

Yïïn doorku , ku Yïïn lecku nhom,

Yïïn puɔnyku në nhuɔɔmdïït göökdu

Bɛnydït Yecu Kërïtho, Wëntöŋ de Wuur,

Bɛnydït NHialic, Nyɔŋ de NHialic,

Yee karɛc ke piny nhom nyaai,

Käc-ë puöu në Ook.

Yïïn man yee nyuc në cin cuëëc de NHialic wuur,

Löm lɔŋda.

Yïïn yïtök yïn-ë kee lajik,

Yïïn yïtök yïn-ë kee Bɛnydït

Yïin yïtök yïïn Kërïtho wek-ë Wëëidïït Lajik,

wek tɔ nhiaal arëët,

në nhuɔɔm de NHialic Wuuric

Amen

Kɔc aabï jäl kaŋ lɔ dïu ëmääth abïi abun lɛk kɔc lenëko dïu

Ku lueel lɔŋëko ka lëk kɔc kë lɛɛŋ-ë

Ku jɔl Thändeei de ye Kööl-ë kueen

Kɔc kedhiɛ = Amen

Ciër

Ciër tök ka ciër kaarou aabïi ciir ke Wëlpath ŋoot

Ku të cïi ciër thök kälɛ ke ducïir ajam kälɛ,

Ducïir = Kän ee wɛt-ë Bɛnydït

Kɔc kedhiɛ = Lɛc abë tɔ ke NHialic .

Ciit Dit ku ket ëkɔc kääc

Ku bɔ Diɛt ke Dabid bïi ciir të kuc-ë kɛtde

Ciëër De Wëlpath

Ducïir abï Wëlpath caal ka lɛ

Wëlpiɛɛth ke Bɛnydïïtda Yecu Kërïtho aakïik, aacïï kuɛny bei në -------

Cïïthieei Cäpta ------------ ku gɔc në Cök-------------------

Kɔc kedhiɛ = NHuɔɔm ke Yï, Bɛnydït.

Në thök de ciër ke Ducïir ajam ----

Kääk aayee Wëlke Bɛnydït

Kɔc kedhiɛ = Ee bïi Kërïtho yaa puɔɔny

Wëët

Duwëët abï jäl bɛn ke diɛɛnde

Gäm de Naithiin

Abïï yaa lueel në yee köölkä

1-Män lajik aköl-ë Läät 2-Kööl kɔk Lajik

Acïï abun ciit ----

Kɔc kedhiɛ--

AN yee NHialiny tök gam Wun Nɔŋ riɛɛl ëbɛn , Duciëŋ-ëcak nhial ku piny , ku ka yeeku

ke tïŋ ku ka cukkuke yee tïŋ.

Ku gam Bɛnydïït tök Yecu Kërïtho , Wäntöŋ-ë bɔ bei të nɔŋ NHialic , Ee bɔ bei të nɔŋ

Wun aŋoot piiny kedhiɛ, NHialiny de NHialic , Ɣɛɛr de Ɣɛɛr NHialiny yic de NHialiny Yic,

Në bɔ bei ee ci cak, tää ëtɔɔ yen , ayen tök ke Wun. Duciëŋ de käŋ kedhiɛ , në bɔ piny

nhiaal në O , Ook kɔc bï O bɛn-ë luök , ku cïï yaa raan guöp në Wëëidïït Lajik në Märï

Dhueny ( Bïm ) këc thɔɔny ( tɛc ) ke röör . Ku cïï cak ke yee raan , ku piɛɛtë ayɛ në Ook

në ceŋ Pontio Pilato. Gum ku thiäk , ku ber rɔt jɔt në thouic në kööl-ë diäk cï man de

kacïïgɔɔr , ku leer nhiaal ku yee nyuc në cin cuëëc de Wun. Ku bï bɛɛr dhuk në nhuɔɔm

bï kɔc pïïr ku kɔc cï thou luk, ku ceŋde abï ciën ye thok.

Ku Ɣɛɛn yee Wëëidïït Lajik gam, Bɛnydït ku yee Dumöny de pïïr , Yee bɛn bei të nɔŋ

Wun ku Wä , Man tɔ ke Wun ku Wä yee mat në dɔɔr ku nhuɔɔm, cï jam në Nebïï thook.

Ku gam Kaniitha tök Katholik de Dutuuc. Ɣɛɛn yee Baptïnh tök ayaa nyic , Baptïnh de

päl de karac. Ku an tit Jön ben-ë kɔc cï thou jɔt në wëi , ku pïïr de ceŋ bï bɛn . Amen

Gäm de Dutuuc

Abïi yaa lueel në yee aköölkä

1- Thändeei cïn Män Lajik 2- Akööl-ë lɔŋ de Jiɛɛk ëpath

An yee NHialic gam , wun Nɔŋ riɛɛl ëbɛn, Duciëŋ-ë cak Nhial ku piny ‘ Ku gam Yecu

Kërïtho , wäntöŋ de Bɛnydïïtda , cïï dhiëëth në dhueny ( Bïm ) cɔl Märï këc yäm në rör

,Në tɛɛu-ë wëëidïït Lajik në ye yic. Cï kërac guum në ceŋ de Ponto Pëlato, ɣɔn piɛɛt-ë

yeen në tim kɔu, go thou ku thiɛk, ku leer pan de kɔc cï thou ( pan-atïïp-ke kɔc ) , ku

ber rɔt jɔt në thouic në kööl-ë diäk, ku leer pan-Nhiaal , ku yee nyuc në cïn cuëëc de

NHialic Wun Nɔŋ riɛɛl ëbɛn, ku bï bɛɛr dhuk ëtëtuui bë luk bɛn-ë luk, luŋ de kɔc cï thou

ku kɔc pïïr .

An ye wëëidïït lajik gam ( Jɔŋdïït lajik ) , Kaniitha Katholik Lajik, Män yee kɔc cïï thiëëi

mat, pɛl de karɛc ke kɔc, ku jön bïï tïip-ë kɔc röt jɔt , ku pïïr bïï kek ya pïir athɛɛr.

Amen

Lɔŋ në nyin de Kɔcic abïï jäl lueel ëtɛɛn

Ku ka lɛɛŋ-ëke aabïi ke tɛk kɔc läŋ në ke wɛn thɛɛr

1-Kaniitha de Kërïtho tɔ në Piny nhom

2- Cäk ( Akut nhïim, Miiric ku kɔc tɔnë Bäänyic )

3- Kɔc ke baai

4- Kɔc tɔnë guömic

5- Kɔc cïïthieei nyic ëtënë

Ran loi-ë lɔŋ-ë abï yaa jam ---

Bɛnydit, në käc de puöuDuic

Kɔc kedhiɛ = Yee lɔŋda piŋ

Ka lueel kän

Bɛnydït yee O piŋ

Kɔc kedhiɛ =Bɛnydït nɔŋ athiɛɛi, yee O piŋ

Të cïi lɔɔŋ thök ke abun aluel ëkän

Awadan Kɔc puööu

Kɔc kedhiɛ =Gam ëlɔɔŋkä

Në wɛt de WënDu

Duluäŋda Yecu Kërïtho

Amen

Dɔɔr

Duŋɔɔr abï kɔc lɛk dɔɔr në wɛt path ku jɔl kɔc röt muööth

Ee bï dɔɔr de Bɛnydït yaa tɔ kek-ë week ( dɔɔr-ë Bɛnydït ke Yï )

Kɔc kedhiɛ = Ku yee tɔ ke Yï ayɛ.

Duŋɔɔr abï wëlkä mat thïn

Muööth-ëko röt nëcïn de dɔɔr

Ku jɔl ran thiääk ke yï muööth

Agen de Män Lajik ajɔl juiir nhom

Bïi de Mono ku Pïiu ke Abiëc

Dit alɔk-ë ket

Ku kuëny-ë wëu alɔk-ë loi, ku bïi-ë ke ne Agen nhom ku löm abunke ku käŋ aacïi juiir

ëbɛn

Duŋɔɔr abï lɔɔŋkä jäl lueel ka pockeiic

Ee yaa bï Bɛnydït yaa tɔ kek-ë we ( ka kän) Bɛnydït atɔ ëtɛɛn

Kɔc kedhiɛ = ku Tɔɔ ke Yï ayɛ Wëëide atɔ ke O

Jatkä we puööth

Kɔc kedhiɛ = Aajötkuke Bɛnydït

Yeeku bɛnydïtda NHialinyda gäm alɛɛc.

Kɔc kedhiɛ =Ee yic buk gäm alɛɛc ku puɔny

Adïk aayic ,

Ee luɔida ku miɛt-ë puöuda ,

Në thääi kedhiɛ ku në ɣän kedhiɛ

Buk Yï yaa gäm alɛɛc ku pɔny

Wäädaan Lajik , Mëlëŋ nhiaal,

Nɔŋriɛɛlëbɛn ku NHialic athɛɛr,

Në WënDu Yecu Kërïtho Bɛnydïitda

Kɔk kee kääk aalëu bïi ke nyääŋ wei ,kɛth-ëke nhïim

Nëkë yeen ee wɛtduön yee pïir,

në ye acïn këriëëc ëbɛn cak ɣɔn gɔɔc-ë käŋ ,

Ku cuëc O në kɛɛrdu.

[ Kɔc kedhiɛ = Nhuɔɔm ku lɛc aabï yaa kakku athɛɛr ]

Në ye acïn O luöny bei nëluɛɛk de rɛɛcic,

Bïi cɔk adhiëth në tiik ku thou në Tiɛmageer kɔu,

Ku aca jɔt në thouic,

Ku miɛɛt-ë nhom nhial në nyuny cien nyuc në cin cuëëc nhiaal të tui.

[Kɔc kedhiɛ = Nhuɔɔm ku lɛc aabï yaa kakku athɛɛr ]

Në ye acïn ye tuööc në oiic,

LajiŋDu ku Wëëi ëpïir-gam,

Ku loi O ke O yee kɔc adɔcku.


Të cïn kääk tɛɛm wei ke kän abïi lueel

Ke në Malaikai ku Malaikaidït ,

Ku rem ke pan nhiaal kedhiɛ,

Ok aaye DïtDu ku nhuɔɔm de Rinku caal,

Puɔnyku Yïin athɛɛr yeeku jam,

Kɔc kedhiɛ = Lajik,lajik, lajik Bɛnydït

NHialiny de Bääny ku riɛl,

nhial ku piny aaye thiäŋ në nhuɔɔmDu.

Othääna tɔ nhiaal arëët,

[ Acïï thieei yen man cï bɛn në Rinke Bɛnydït

Othääna tɔ nhiaal arëët ]

Gam pɔnyda , Awadan nhiaal,

në WënDu Yecu Kërïtho Bɛnydïitda,

ku naa ku kɛɛrde kuanyiic ku riëuku lɔɔŋde,

yiëk-ë O ëkän në riɛl de Wëëidïitdun Lajik

mɔc de Mono-ë ku pïiu ke Abiëc

bïk yaa guöp ku riɛm të nɔŋ Ook.

Yeen man ɣɔn në yee wakɔn cïn-ë ye gaany-ë,

goo Mono lööm ku leec Yï,

ku bɛnyic ku gɛm kɔcken pööc-ëke ,jiɛɛm,

lɔmkä , camkä , kän ee guöpdië man ca gäm week,

yaakä looi ëkän bak ɣa yaa tak në ye.


Ku Naa miëth thɛi thök ,

goo abïny lööm ku leec Yï,

ku yiëkke kedhiɛ jiɛɛm,

Dakkä ëkän week wedhiɛ ,

kän ee riɛmdië riɛm de män jöt,

cï kuëër wei në week ku në juääc bïï karɛckuön nyaai,

yaakä looi ëkän aluööt në aköl yee wek ye dek,

bak ɣa yaa tak në ye.


Ke yeen Yïïn Awadan nhiaal,

Ok aatak gɛm cien rɔt gam

anaa tok në Tiɛmageer kɔu,

ayee Ok jön-ë rɔtdeen dïit thiekic caal ku lɔ nhial cï nhiam,

aok aaŋɔth bɛn de ceŋdu,

ku në yee Mono-ë kek-ë Abïny

Ok aaloi atɛk Bɛnydïitda Kërïtho Wëndu

Töŋ de kääk abïï ciir

[ Kë cïïkum de gäm eekë thiekic]

Kɔc kedhiɛ Kërïtho acï thou

Kërïtho acï rɔt jɔt.

Kërïtho abï bɛr dhuk.

( Ka kän )

[ Ee bïï Yï yaa puɔɔny Bɛnydït Yecu ]

Kɔc kedhiɛ Thuɔɔndu acïn thuɔɔnda riöök,

jöt-ë rɔtdu acïn O dhuök pïïrda,

Bɛnydït Yecu bär në nhuɔɔm

( ka Kän )

[ Kërïtho ee mono de pïïr ]

Kɔc kedhiɛ Të yee Ok mono-ë cam ku dekku abïny-ë,

ke thondu ayeeku caal , bɛnydït Yecu,

agut aköl bïn bɛn në nhuɔɔmic

( Ka kän )

( Yecu Kërïtho ee Bɛnydït )

Kɔc kedhiɛ Bɛnydït, në tiɛmageerdu ku jön-ë rɔt

yïïn cë lony yëth.

Yïïn ee Duluäŋ de piny nhom ëbɛn.

Gam në Ye, abundaan dït arëët,

yen-ë köcdaan de lɛc ku pɔny,

ku të ciɛm Ok ku dekku kek-ë mɔc Lajikkä

në tääDu Yïïn Maanhombɛny lajik arëët,

ke Yï bɛr-ë O piny në wëëiDu,

tiär O në nhiëërdu,

ku mat O në guöp de WënDuic,

Yecu Kërïtho Bɛnydïitda


Në ye, kek-ë ye, ku në yeic,

në män de Wëëidïït Lajik,

kek-ë kɔc yee kɔɔc në Yï nhom kedhiɛ nëpiny nhom ku nhiaal,

Yïïn ayeeku door, Awadan Nɔŋriɛɛlëbɛn,

në diɛt ke pɔny athɛɛr.

kɔc kedhiɛ =Athiɛɛi ku thiɛkëic ku nhuɔɔm ku riɛl

aayee kakku athɛɛr agut yen athɛɛr.

Amen

Lɔŋ de Bɛnydït

Cï më cïï Duluäŋda Yecu Kërïtho O pɔɔc në lɔŋ

Awadɛɛn tɔ Nhiaal,

Riɛnku aabïï-ke yaa riëu.

Cɔk ceŋdu cɔk abɔ.

Yee puöndu cɔk aloi

në pinynhom cï më yenë ye looi pan-nhiaal.

Yee O muɔɔc në yee Kööl-ë buk yaa cam.

Yee O puöl në karɛckua,

cï më yee Ok kɔc yee Karɛc luöi O puöl.

Duk-ë O cɔk ayee them .

Yee O luök në kërac.

Ceŋ ee këdu, Riɛɛl ee këdu,

ku nhuɔɔm ee këdu

në yee mɛɛn ku athɛɛr wadɛ.

Amen

MONO AJƆL BANYIC

Abun ŋɔɔr abï Mono jäl banyic

Ok bany ëMono-ë yic

buk rɔm në guöp de Kërïtho

Kɔc kedhiɛ = Anaa cɔk aamë juëc Ok-ë ,

ke Ok aaye guöp tök,

nëŋu Ok aaye guöp tök rɔm.

( ka yee Kän )

Thääi ëbɛn yee Ok ëmonoë cam, ku dekku abïny-ë

Kɔc kedhiɛ = Ke Ok aaye thon Bɛnydït caal,

agut të ben bɛn.

Nyɔŋ de Guöm abïi të bɛny-ë monoic në kɔc kedhiɛ

Kɔc kedhiɛ = Nyɔŋ de NHialic,

nyaai-ë karɛcke kɔc ke piny nhom,

yee puöu käc në O.

Nyɔŋ de NHialic,


yee puöu käc në O.

Nyɔŋ de NHialic ,


yiëk-ë O dɔɔr.

( Ka yee kän )

Kɔc kedhiɛ = Yecu , Nyɔŋ de NHialic, käc-ë puöu në Ok

Yecu, Duɣɛny de Karɛckua, käc-ë puöu në Ok.

Yecu, Dupuŋ de piny nhom, yiëk-ë Odɔɔr

Gɛm de Mät

Abun abï töŋ de kääk lueel, lëk kɔc cï bɛn të de mät

Cuötkä röt të thiök në gäm.

Lɔmkä guöp de Bɛnydïïtda Yecu Kërïtho,

man cï gam në week,

ku riɛmde man cï kuëër wei në week.

camkä ku dakkä

në täŋ yee wek thon cien thou në wek tak,

ku miëëthkä we puööth në ye

në gäm kek-ë mɔcëlɛc.

( Ka yee Kän )

Yecu ee Nyɔŋ de NHialic

man yee karɛc ke kɔc ke piny nhom nyaai.

Ayee thieei yen ran cïi cɔɔl në yee Miëth thɛiëic

Kɔc kedhiɛ = Bɛnydït, Ɣɛɛn aciee ran lajik aba yï loor,

guɔr-ë jam në yï thok,ku ɣɛɛn bï pial.

( Ka yee kän )

Mɔc lajik de NHialic, yïk-ë kɔc lajikke NHIalic.

Kɔc kedhiɛ = Yecu Kërïtho alajik,

Yecu kërïtho ee Bɛnydït,

nëkë de nhuɔɔm de NHialic Wun.

Gɔl në Köl-ë Jöt agut yen aköl-ë their thiëc

Aleeluuya. Kërïtho rɛtda acïn-ë Ok kɔc .

Kɔc kedhiɛ = Ke në yee kɛɛ ke O mukëko miëth . Aleeluuya

Lɔŋ töŋ de yee Lɔɔŋkä abïi lueel ke mät këc-ë guɔɔ tekku wan kɔkkä

Kɔc kedhiɛ = Ok cïn piath alëuku bɛn të de agen, Bɛnydït kɔc puöu,

Ok aaye gäm adötda tiɛɛŋ në lajiŋ de gupkuaiic opɛc,

ku në täŋ kuötic duun yïn Kajuëc looi ëtë töŋ-ë kek-ë käc-ë puöudu,

Ok cï lajik

anaa cɔk athutheei cï lööny piny në agendu thar ëka cuk lëu në kuëny.

Ku Yïïn dhiac ke Yï yee Bɛnydït töŋ-ë,

man yee cakgaDu aluööt yaa ba naŋ käc de puöu.

Yen yiëk-ë Ok, Bɛnydït de athiɛɛi,

buk guöp de Wëndu Yecu Kërïtho buk cam

ku dekku riɛmde,

ku bï gupkuan rɛc waak bïk layuic në guöpde

ku lɔɔk tiëpkua në riɛm ayuɛɛu piɛɛthde,

ku buk ceŋ arëët në yeic, ku yeen në Oiic.

Amen

( Ka yee Kän )

Kɔc kedhiɛ = Bɛnydït kɔc puöu arëët,

nhiëërdu acï Ok miit buk bɛn thïn.

Cienkua aake cï lɔyuic,

Ok puööth aake këcku juiir,

Aa o ciee lɔ rok piny abuk kë cï lööny piny në agen nhom lëu në cäm.

Ku Yïïn , yïïn Bɛnydït, Yïïn ee NHialiny de luäŋda,

MonoDu ayee arɔm ke kɔc rɛc.

Wak O ku miëëth-ë O

në guöp cuai ku riɛm ayuɛɛu de WënDu,

ku bï ceŋ në Oiic ku Ook në yeic.

Ke Ook, ku Kïrïthäänooi ke Kërïtho,

ke O bï nyuc ku ciɛmku në ceŋdeic.

Amen

Män Lajik ajɔl gam në abun ku lööm kɔc-e lööm në ye.

Abun abï wɛt yaa lueel të gɛmyen Mono , wɛt jamnë Mono, ku looi ran

gɛm riɛm ëkɛɛ

Ku yee ran löm-e gam

Amen

Të tëk-ë Män Lajik-ë ke diɛt aabïi lɔk-ë ke ket diɛt thääny thook ke mät, ku naa lëu rɔt ke (

Anthemɛ ) aket.

Të tïŋ abun-e ke mono cïïthieei bë dak ka dhuk ku lööm ke tɔ wënh-ë muöökic ku thieei në wël

tɔ tëde thiëi de Mono wɛn , ka kë tɔ në Duöör ajuɛɛr thɛɛr ku Lɔŋ de Thouth Thudan.

Ku naa nɔŋ Mono ke Pïiu cï döŋ ke cïi thieei ka cam ëtë töŋ-ë , ku naa cïn kaam ka lök-ë cam

alɛpei acï kɔc jääl.

Lɔŋ të cïi mät thök

Piny abï jäl kaŋ lɔ dïu

Ku cɔɔl-ë aköl bïn-ë Män Lajik bɛr looi thïn

Lɔŋ tök abïï lueel në kɔc kedhiɛ të cïi abun ye ciit

Kɔc kedhiɛ =Nhialiny Nɔŋriɛɛlëbɛn,

Yïïn acuk leec në mïïth cïn O miëëth,

në guöp ku riɛm de Wëndu Yecu Kërïtho Bɛnydïïtda.

Në ye ke Yïïn gɛmku tïïpkua ku gupkua ëke yee köc pïïr.

Tuɔɔc-ë O beec

në riɛɛl de Wëëidu

bë ceŋ ku luuiku

në nhuɔɔmdu ku pɔnydu.

Amen.

( Ka yee kän )

Kɔc kedhiɛ = Wun kɔc kedhiɛ,

Yïïn ayeeku yiëk lɛc ku pɔny,

ɣɔn ŋoot Ok ke O mec arëët goo Wëndu ca räm ke O ku bïi O baai.

Thuɔu ku pïïr acien nhiëërdu caal beec,

gäm-ë O athiɛɛi, ku liep thoŋ-ë nhuɔɔm.

cɔk Ook kɔc cï guöp de Kërïtho rɔm-ë apïïr në pïïr-ë jöt,

Ook , Ok kɔc cï dek abïny ayïn kɔc kɔk pïïr,

cɔk Ook, Ok kɔc yee ɣɛr-ë Wëëi ke mer abïï ɣɛɛr në piny nhom.

Muk O ëdïl në ŋäthic ŋäth ca tääu në Onhïïm,

Bë Ook ku mïthkun kɔk buk nhïïm lääu,

ku jɔl piny nhom ëbɛn ceŋ bï Riɛnku puɔɔny,

në Yecu Kërïtho Bɛnydïïtda.

Amen.

THIËI KU JÄÄL

Dit alëu bïi jäl ket ëtɛɛn

Abun abï kɔc jäl thiɛɛi dhëlnë yee wɛt-ëka wël puɔth kɔk tɔ

DƆƆR de NHialic

wär nyïny de raan ëbɛn,

ee yaa bï we yaa muk puööth ku muk wenhïïm

në nyïny de NHialicic ku në nhiëërdeic,

ku nyïny de Wënde Yecu Kërïtho Bɛnydïïtda ku nhiëërde ayɛ,

ku athiɛɛi de NHialiny Nɔŋ riɛɛl ëbɛn Wun ku Wä ku Wëëidïït Lajik ,

aabï yaa tɔ në weiic ,ku kabï yaa ceŋ kek-ë week ë luööt.

Kɔc kedhiɛ Amen.

Abun abï jam

Lakkä në dɔɔr bak Bɛnydït yaa nhiaar ku luöikä.

Kɔc kedhiɛ = Në rinke Kërïtho. Amen.

Lakkä në dɔɔr de Kërïthoic

Kɔc kedhiɛ Ee bïï NHialic yee leec.

Kän abïi yaa lueel aköl-ë jöt ku köl-ë thiër dhiëc

Lakkä në dɔɔr de Kërïtho. Aleluya. Aleluya

Kɔc kedhiɛ Ee bïï NHialic yaa leec. Aleluya. aleluya

Ku jɔl kɔc puök ëtɛɛn

DIƐT DABID

Buŋ Tueeŋ [ Diɛt ke Dabid 1-41]

Dit 1

Kuer de Kɔc lajik ku thök de areec wëlke NHialic

Miɛt-ë Puöu Yic

Raan ayee thiɛɛi ran këc cath në Akutnhom de kɔc reec NHialicic , ka yïn kɔɔc në kuer

de kɔc rɛcic , ka yïn nyuc në thöny de adïtpuööthiic.

2-Ee puöu miɛt në löŋ de Bɛnydïtic ku në yee löŋDeen-ë yic yen ee wɛt de ye thok

wakɔu ku aköl.

3-Abï ciët tim cïï com në wär yɔu ee luɔk në pɛɛi kedhiɛ në ruöönic.

4- Man ciee yïïth ëbuɔŋ ku tɛkke wei në yaak, ku kë yee looi ëbɛn abï yaa lɔtueŋ në cil

path.

5- Ku kɔc yee NHialic rɛɛc aacï cït-e , kɔc yee NHialic rɛɛc aacït ayil yee yom kuaath

wei.

6- Areec wëlke NHialic aacï bï kɔɔc lëu aköl-ë liŋdït, ka kɔc rɛɛc tɔ në Akutnhom de

kɔc cï gamic kek bë kɔɔc lëu aliu.

7-Në ŋu Bɛnydït anyic kuer de kɔc lajik, ku kuer de areec wël ke NHialic ee riääk.

DIT 2

Mëlëŋ cïï NHialic lɔc

Yee ŋu yee dɔl röt kuööt kedhiɛ , ku yee ŋu yee kɔc kë ciee yic tak ?

2-Mëlëëk ke pinynhom kedhiɛ aacï keiic määt , ku duŋɔɔr aacï rɔm në amat tök atök,

matkï kë mɛɛn kek Bɛnydït ku kë mɛɛn kek kɔcKen cïi tɔc, jamkï.

3-Dhuuŋku kakkɛn ke riɛl kɔɔth ku thiɛiku dïr piny bë mɛc në O lɔm.

4-Yeen kë cï nyuc pan Nhiaal aabï bui, aabïi Bɛnydït ke dɔm në ( deriɛion )

5- Aabï jääm në ɣɔɔkDe, ku jɔlke nhiaac në kɛc cien puöu kɛc.

6- Ku Mëlëŋdië aŋot-ë ca tääu, në Kuurdiën Lajik de Dhiɔn nhom.

7- Ku wɛt-ë löŋ aba caal beec,acïi Yekoba lɛk ɣa, Yïin yee Wëndië , akäl Yïin abɛɛibei.

8- Thiëc ɣa ,ku dɔl kedhiɛ aaba tääu në Yï cin , ku yee tiɔp nhom ëbɛn adɔɔnyDu.

9- Aabake dhuööŋ në waai de luuŋ , ku riethkeiic cï töny-ë tiɔp këc-ë cuöny.

10-Ke në yee mɛɛn , naŋkä nyïc wek Mëlëëk, ku wek duluuk ke piny nhom naŋkä

yöök-ë löŋ.

11-Luööikä Yekoba në riööc,ku miɛtkä puööth në riëu.

12-Yaakä Wä door, duökkä bë puöu riääk , ku bak riäŋduön yök ëtënë dhölic, nëkë

cien ɣök ëmääth ke këc juakic. Kɔc yee kepuööth tääu në Yekobaic aaye thieei.

Dit 3

Lɔŋ de Nhiäkduur göör-ë Kuny

Yekoba ca tïŋ të cïï kek kë de ran lui ɣa riɛɛr tuääcic thïn! Juëckï kadï kek kɔc loi

ariɛɛr.

2- Eekï dï kek kɔc yee jam në ɣa, acïn kë kony ye tɔŋ NHialic .

3-Ku Yïïn Yekoba , ee Yïïn-ë kee Kɔɔndië , nhiaamdië ku yee töŋ miit ɣa nhom nhial.

4-Ɣɛɛn acï ɣaic yaat në röldït tɔŋ Yekoba, ku ka cï ɣa piŋ në kuurDeen Lajik nhom

5- Tääc piiny ku niɛɛn, ku pääc ,Yekoba acï ɣa muk.

6- Ɣɛɛn acï bë yaa riööc në raan tim thiäär , man cï röt jɔt ɣa në ɣän kedhiɛ, ku göölkï

ɣa piny.

7-Yekoba ! jat-ë rɛt nhial , kony ɣa , NHialinydië !

Nëkë cien kɔc aterdië määŋ gëm, aacake dhuööŋ lec , leckɛn ciee lec-ë NHialickä.

8-Luäk eekë de Yekoba, ku athiɛɛiDu atɔ ke kacKu.

Dit 4

Kuɔɔny de kɔc nɔŋ gäm adöt

Yee ɣa piŋ të yan Yï cɔɔl , NHialinydiëën Lajik !

Thiɛk thiɛɛk ɣɛn puööu acïn ɣa waar puöu thïn, jɔl puöu käc në ɣa ku piŋ lɔŋdië.

2-Ee agut cï nin , wek wɛt ke rör , Bak nhuɔɔmdië wel ke yee yuur, ee agut cï nin bïï

wek dääriic nhiaar, ku gɔrkä luethic.

3- Ku nyic ke Yekoba cï rɔt wɛk ŋuɛkde , yen apuöu gäm-ë NHialic .

Yekoba abï ɣa piŋ të caal ɣan Yeen.

4-Ee ɣök ku duk-ë rɛɛc yee looi, ee lɔŋ de biɛt looi në yïpuöu agendu nhom ku lɔɔ

dïu.

5- Gam-ë köc de lajik , ku tääu-ë puön cïn dak në Yekoba kɔu.

6-Anɔŋ kɔc juëc yee jam kälɛ, Ee ŋa bë O nyuöth piath ? Yekoba , jɔl Yï nyin waal në

O guöp nhiaal ëtënë në ɣɛɛrDu.

7-Miɛt de puöu aca tääu në ɣa puööu, rɛk abï kööl cïï rap luɔk ku mäu arëët wuör.

8- Aaba looi kaarou ba tɛc piiny në dɔɔr, ku niɛɛn, nëŋu Yïïn Yïtök Yïïn Yekoba Yïïn ee

ɣa cɔk ciëŋ ënip.

Dit 5

Lɔŋ gör-ë Gël

WƐL_Ë Yï yïc wɛlcië, Yekoba, ku piŋ lɔŋdiëën de biɛt.

2-Päl-ë Yï yïïth piny ba arɔɔr de kuöndië piŋ , Mëlëŋdië ku yee NHialinydië, në Yï, ke

ɣɛn aläŋ.

3-Rɔɔldië aba piŋ në bakic Yekoba, në bakic ke rɔɔldië agam nhial ku jat ɣa nyin nhial.

4-Nëŋu Yïn aciee NHialiny ëpuöu miɛt në rɛɛc, ku duriëëth acï lëu rëër në Yïyic.

5-Adït puööth aacï lëu kɔɔc në Yï nyin , ku kɔc yee rɛɛc looi aa man kedhiɛ.

6-Yïïn abï kɔc yee jam kalueth riɔkiic, Yekoba aman mënɛk ku mëdhum.

7-Ku të nɔŋ ɣa, ɣɛɛn abï bɛn ɣönDu në runy-ë käc-ë puöuDuic, Ɣɛɛn bï yaa duur në

YekaluDu thok nëkë riääc ɣɛn në Yïïn.

8-Ŋɔr ɣa Yekoba , në LajiŋDu në wɛt-ë Kɔcciën ke ater, Cɔk kuɛɛrDu alɔ cïth në ɣa

nhom tueŋ.

9-Nëkë cïn en gäm adöt në kethook, nëkeiic akɛny thïn kë tɔ thïn ee riöök.

10- Aliëŋden ee riaŋ cï dhɔɔr , ku kaa pel liëp .

11-Caal-ë ke ëke nɔŋ awäc NHialic ! ku cɔkke aaye yuïïk në aciɛɛrkɛn rɛciic, ku ciɛɛc-ë

ke wei bïk lɔ në runy-ë rɛɛcdenic, nëkë cïi kek röt wɛl wei tɔŋ Yï .

12-Cɔk kɔc cï gäm cïn dak-ë puöu tääu në Yïyic amit puööth, Cɔkke aloi ciɛɛu alagut ,

nëkë Cïnke gël.

13-Ku cɔk nhiar Riɛnku ala puööth yum në Yïyic. Nëŋu Yïïn Yekoba ,Yïïn bë kɔc lajik

yaa thieei , në piath aaba ke gɔɔl piny nëkë cït köt.

Dit 6

Lɔŋ de gäm në kaam de ŋɛɛr-e puöu

YEKOBA duk-ë ɣa yee cil në röl-ë ɣök, ka cuɔp-ë ɣa wei në tuöcDun-ë puöu de ɣɔɔk.

2-Käc-ë puöu në ɣa, Yekoba ,në kë niaap ɣɛn, Yekoba , cɔk ɣa apuɔl , nëŋu yuɔmcië

aatoop.

3- Tiëpdië atɔ në riɛɛric arëët ayɛ. Ku Yïïn Yekoba , agut nin bïn cuök bɔ ?

4-Dhuk ciëën , Yekoba , ku luny ɣa bei ! Oi ! Luäk ɣa në wɛt-ë käc de puöudu!

5- Acïn ran-ë Yï bɛr tak në thouic, në raŋic ee ŋa ëYï bɛr leec ?

6- Akɛɛŋdië acï ɣa thöl guöp , wakɔu ëbɛn pïïu ke nyin aaye agendië boor abï kuaŋ ,

ku yee pïïu ke ɣa nyin kuëër looi në kät thar.

7 – Dhiëëu acï ɣa läny nyin wei , ee lɔ ke dït në wɛt-ë kɔc aterdië kedhiɛ.

8-Cuɔtkä röt wei në ɣa lɔɔm wek mëluui ke rɛɛc, nëŋu NHialic acï rɔl-ë dhiëndië piŋ.

9-Yekoba acï lɔŋ de kur de puöudië piŋ, Yekoba abï lɔŋdië yaa lööm.

10-Cɔk kɔc ke aterdië aye jäl many ku tɔɔkï në riɛɛric, cɔkke adhuk ciëën ëke cï many

ëwaŋgɛi.

Dit 7

Lɔŋ ku lɛc de luɛk-ë bei në kɔc ke ater cin

YEKOBA NHialinydië , Ee Yïïn ëka yan gäm cin dak-ë puöu tääu thïn, kony ɣa në ke

cin kek man yɔŋ ɣa kä, ku luny ɣa bei.

2-Ku naa ciee ye ,ke kaa bï ɣa rɛtic cï cuar, kɛɛrkï ɣa piny në ŋuëk , ku ɣɛɛn cïn kë kony

ɣa aliu.

3-Yekoba NHialinydië, naa luɔɔi ëkän , ku nɔŋ rɛɛc në ɣa cin.

4-Ku naa dhuök nhom rɛɛcde yeen man ënyic Ok rëër në dɔɔr . ka piɛn ran-ë aterdië

të cïn ŋääk.

5-Cɔk kɔc ke aterdië acop ɣa ku dɔmkï ɣa, cɔkke akɛc ɣaic abïk ɣa nuɛɛt piny, ku

tɛɛckï nhiaamdië në turic.

6- Oi , Yekoba jat rɔt, ke ɣökDu, Miɛɛt-ë rɔt nhial në kɛc-ë puöuDu tɔŋ kɔc aterdië ,

Jat-ë rɔt nhial të nɔŋ ɣa në luk , luŋDuun ëca lueel ke yee löŋ !

7-Ku akutnhom de kɔc-ë lɔŋ abë Yï gɔɔl piny, në wɛtdɛn acïn la dhuk aliiric.

8-Yekoba abë kɔc luk, luk ɣa, Yekoba, të cït tëde lajiŋdië, ku tëcït të de nhiaam tɔ në

ɣaic.

9- Cɔk rɛɛc de acarɛɛc athok thok , ku dooi awɛi yic, Në NHialiny Lajik ee puööth them

ku nyinh-ë raan.

10- Gëldië atɔ ke yee NHialic, man yee kony në lacïth de puöu.

11-NHialic atɔ ke yee Duluöŋ awɛiic, Ku NHialic aɣök kek-ë acarɛɛc aluööt.

12.ku Naa cï raan dhuk rɔt NHialic , ke NHialic apɛɛt abättäuDe thok bë muɔth, acï

dhaŋDE kuen ku jɔl rëër acï dhaŋ juiir.

13-Ku NHialic acï rɔt juëër kakKen ke thou , Aci yuɛthKe cäp thook në many luatic.

14-Piɛŋkä , acarɛɛc ayee rɛɛc rɔɔp guöp, ee liac në ariɛɛr ku bïï malueth.

15-Ee kɔl wec adhuöm deep en kɔc, ku ka cï jäl lööny në kɔl-ë wecic .

16- Kuöc luɔi-e ŋɛk ee ye dhuök , ku arimriimken ee looi aabï ye dhuɔŋ yeth piny.

17- Yekoba aba puɔɔny të cït tëde LajiŋDe , ku din-ë puɔny aban Rinke Yekoba

puɔɔny Nhiaal arëët.

Dit 8

Nhiaam de Yekoba në Cäkic

YEKOBA, Ooi, Bɛnydïitda

Të mit Riɛnku thïn në piny nhom ëbɛn, NhiaamDu aca tääu në nhial nhom ëbɛn.

2-Në mïththii thook ku mïth thuët thook, riɛl aca ruök, në wɛt-ë kɔc ke aterDu ,ku ba

ater miɛn thok ku mëguur.

3-Naa tiëŋ nhiël kedhiɛ , ee luɔi de Yïcin, pɛɛi ku kuɛl man ca ke ruök.

4-Yee Ran ŋa cien Yï thiööŋ nhom ëkälɛ, Ku Wën de raan yee neem-ë ?

5-Aca cak ke koor piiny në Malaikai , ku jɔl cäp nhom göl de nhuɔɔm ku jiɛɛk.

6-Aca yiëk riɛɛl ben ka ca ke cak në Yï cin kööl në muöök , këriëëc ëbɛn aca tääu në

raan cök.

7-Amääl ëbɛn ku woŋ ke muɔr, agut läi roor .

8-Diɛt nhiaal , rec bɛɛr yee tëëk në kuɛr ke adɛɛkdiɛtic.

9-Oi Yekoba , Bɛnydïïtda , Miɛt de Riɛnku në piny nhom acïn ke thöŋ-ë ye.

Dit 9

Lɔŋ ku lɛc-ëmɔc të nɔŋ luŋ Lajiŋ de Yekoba

YEKOBA Yïïn aba yaa puɔɔny , në piäändië ëbɛn, ku luɔiduun gɛi-ë aba yaa lueel.

2-Ɣɛɛn bï puöu yaa miɛt ku lapuöu yum në Yï yic, Ku kɛt dit në Riɛnku Yïïn Yekoba Dït

arëët.

3-Të lee kɔc ke aterdië dhukciëën, ke kaa bï yuïïk ku riɛɛkkï në Yï nhom.

4-Yiɛnydië ku ŋääkdië Aaca muk apath, Yïïn acï nyuc në thööcic luök-ë në lajik.

5-Yïïn, Yïn cï dɔl cil, acarɛɛcdɛn aca riöök , Yïïn cï riɛnkɛn cuɔth wei alaɣɔn.

6-Oi, yïn ater , riäŋ-ë käŋ acï thok thök alaɣɔn, ku yïn cï pɛndït riöök , agut tɛkden acï

riääk.

7-Ku Yekoba abï ceŋ athɛɛr , ku ka cï thɔny Deen-ë luk juiir.

8-Yekoba abï piny luk nhom në lajik, ku ka bï luŋ Deen-ë piny nhom looi në awɛiic tɔŋ

kɔc lacïth në piath.

9-Yekoba abï yaa tëde thiaan tɔŋ kɔc cïïke nhiaac, tëde thiaan aköölke yaaŋ.

10-Ku kɔc nyic Yï Rin Yïïn Yekoba aabï gäm cïndak tääu në Yï yic, nëkë këc Yïïn

Yekoba kɔc-ë Yïgöör nyääŋ wei.

11-Kɛtkä diɛt puɔɔny-ëke Yekoba , man yee ceŋ në Dhiɔn ! caalkä luɔideic në kɔc

nhïïm.

12-Naa guur Yekoba riɛm , ke kaa tɛkke, Yeen aciee nhom ëmäär në dhiën de kɔc kor

puööth.

13-Käc-ë puöu në ɣa Yïïn Yekoba ! ku tïŋ ariɛɛrdië kek-ë kɔc man ɣa, Yïïn man cï ɣa

miɛɛt nhial në thuɔkke thouiic .

14-Aban pɔnyDu yaa lɛk raan ëbɛn, në thoŋ de nyïïr ke Dhiɔnic , aban yum-ë puöu de

luäŋDu looi thïn.

15- Dɔl aacï dïïr në kɔldɛn-ë loikï yic , abuɔndɛn-ë cïk deep acïke wäi cök.

16-Yekoba anyic në luŋ Deen Yen luk , acarɛɛc ayee kë deen-ë looi rɔk cin në gön.

( lɔŋbit )

17-Acarɛɛc aabïï wel ëke yee abeer, ku jɔl yaa Dɔl yee nhïïm määr në NHialic.

18- Maŋɔɔŋ aacï bï kɔc yaa muöör nhïïm aluööt, ku abaŋäth ke kɔc ŋɔŋ aacï bë kaŋ

riääk abï liu.

19-Yekoba , jɔt rɔt , duk-ë rör cɔk abaŋ guöp , cɔk Dɔl aluk ëke dɛɛi Yïïn.

20- ku bë Dɔl röt nyic tää den ku aciee rör.

Dit 10

Dit de ciën dak-ë puöu tɔŋ NHialic cien Duriëëth käciic

YEKOBA , yeeŋu Yïïn kɔɔc ëtë meec tui ? Eeŋu Yïïn Yïnyin wɛl wei në kaam nɔŋ ariɛɛric.

2-Acarɛɛc ke dït-ë puöude aci aŋäŋ nhiaac, cɔkke awɛɛi karɛɛcken cïk looi cök .

3- Acarɛɛc ee rɔt lɛɛc në täŋdeen rɛɛc tɔ në ye puöu, Yeen ee Mëkok thieei ku cieec

Yekoba wei në ye puöu.

4-Acarɛɛc në dït-ëpuöudeic aciee NHialic ëgöör në luɔideic, NHialic aliu në täŋdenic.

5-KuɛrKu aayee lɔ tueŋ, ku LuŋDu aatɔ nhiaal , aaliu në daaideic, cï mën de kɔcken

ater, aayee dɔl gup ëpath.

6-Acï lueel në ye puöu , “ɣɛɛn aciee kë kɔŋ rïït” , ɣɛɛn acï kɔŋ käär në kuatic.

7-Acï thok thiäŋ në aciɛɛn ku rëër ku yaaŋ, ku në liepic anɔŋic ariɛɛr ku rɛɛc.

8-Ee nyuc të cï rɔt guök në ɣöötiic, ku nɛk raan ëpath në kuaakic të kuc, ee nyin gäk

ëpirpir në kɔc kɔc gup .

9-Ee tɛc ku tïït cï cuar cï tɛc në dheer de läiic tiit läi, ee tɛc ëtë cïï thiaan-ë tiit aŋäŋ bë

dɔm. aya aŋäŋ kaŋ lɛɛl në yuënic ku jɔl kuäk piny .

10-Ee rɔc në ye yic ku boor ye nhom piny, ku bë ran cïn riɛl lööny në riɛɛldeic.

11-Acï lueel në ye puööu,” NHialic acï nhom määr , Acï Ye nyin tɔɔu, Acï be kaŋ tïŋ “

12-Yekoba , jat-ë rɔt nhial ! Oi , NHialic jät-ë Yï cin nhial ! duk-ë nhom määr në

makor.

13-Ee ŋu yee acarɛɛc NHialic lɔnic ? acï lueel në ye puöu, “Yïïn acï bë kueen-ë luɔi kaŋ

thiëëc “

14-Ku ka ca thääp-ë tïŋ , në ŋu Yïïn yee ariɛɛr lïïr kek-ë dhiën-ë puöu. Ba cool në

CiɛɛnDu , ke kɔc cïn kë konyke aacï röt than në Yïcin , ee Yïïn-ë kee Dukuny de kɔc cïn

wunken.

15-Dhoŋ kök de acarɛɛc ku duriëëth , gör-ë rɛɛcdɛɛn-ë aba yök cök .

16-Yekoba ee Mëlëk agut en athɛɛr alaɣɔn, Dɔl aacï riääk në piny De Yekoba nhom.

17-Yekoba Yïïn acï kë göör makor në ke puööth anyic , Yïïn abï Piändɛɛn aba juiir,

Yïyïïth aaba päl piny ba piŋ .

18-Ba awɛɛiic looi tɔŋ abɛɛr ku kɔc yɔŋke , ke manh-ë raan acï ber yaaŋ looi në piny

nhom.

Dit 11

Gäm në Lajiŋ de Yekobaic

YEKOBAIC acan gäm cï dak tääu thïn , ee kadï lëu bïn tiëpdië yɔɔk, “pär-ë cï dit lɔr në

kuurdu nhom “?

2-Liecdaa ! kɔc rɛc aacï dhɛŋkɛn toot , aajuiir yuɛthken bïkke tääu në dhaŋic, ku bik

yuith jäl muɔc ke cïï tiɛɛŋ në dit pɛɛm.

3-Ku naa cïï jiër ke kɔɔc-ë kät ciɛlic dhoŋ, kee ŋu bïï kɔc lajik looi ?

4-Yekoba atɔ në Yekalu LajiŋDeic, ku thöny de Yekoba atɔ pan nhiaal , NyiëënKe

aadaai, ku nyin tharDe athem wɛtke moc.

5-Yekoba athem kɔc lajik, ku kɔc rɛc kek-ë kɔc nhiar luɔi de kërac aamɛɛn tiëp-ë

NHialicke.

6-Abï kɔc rɛc yaa bɔɔk në kɔi , mac ku thulpuur ku yom dɛp aabë yaa thiäŋ de abïny

de kɔc rɛc.

7-Në kë lee Yekoba len jik, ku ka nhiar kɔc lajik , ku kee ye nyin nyiɛc liɛp në kɔc path

guöp.

DIT 12

Rëër de raan ku cuök wɛr de rɔt de NHialic

YEKOBA kuöny-ë, kɔc-ë NHialic aacï lɔ mëk ! Nëkë cïï gäm adöt lɔruar në kɛm ke

wɛtke moc.

2-Acïn ran yee yic lɛk ran rɛɛr ke ye, aa puɔl määnke ku kaa ye puööth rou në jamic.

3- Në Yekoba tëëm mään-ëthok bei ,ku teem liëp yee jam në kak-ë adït puööth.

4-Man yee jam, “Ok aabï tiam në liëpkua, ku mään eekëda, yee Yekoba Ŋa tɔŋ O ? “

5-Yɔŋ de aŋääŋ ku keŋ de kɔc ŋɔŋ guöp, ee mɛɛn, Ɣɛɛn abï rɔt jɔt “ aluel Yekoba “ ku

ka Ba tääu në lanipic kek kɔc yee kek ke puööth dït.

6- Wëlke Yekoba aayee wël layuic, aacït thian luat cïï thaal në many de abeer, cïï yuiic

anaa Dhorou.

7- Aaba ke muk Yïïn Yekoba , aaba ke wëëŋ në yee rïny-ë alagut.

8-Kɔc rɛc aayee lɔ guanguan në ɣän kedhiɛ , të yen rɛɛc yen cïï ca tɔ tueŋ në manh-ë

raan.

DIT 13

Gäm cïndak në Luäŋ de Yekobaic

YEKOBA , ee agut cï nin bïn kuɛɛk wei, Yïïn abï nhom määr në ɣa ?

Ee agut cï nin bïn Yï nyin tɔɔu në ɣa ?

2-Ee agut cï nin ban tiëpdië yaa lääŋ , yaa naŋ dhiën de puööu aluööt ?

Ee agut cï nin bïï kɔc ke aterdië nhïïm yaa tɔ nhiaal në ɣa nhom ëkɛɛ ?

3-Tääu-ë në Yïpuöu nëlɔŋdiëic ku piŋ ɣa, Yekoba NHialinydië, cɔk ɣa ca bak nyin, ku

ba niin në nïn kathuɔu,

4-ku bï kɔc ke ater cak jam, “ ɣɛɛn acï tiam në ke nhïïm “ ëmääth bë kɔc yee ɣa luöi

ariɛɛr puööth miɛt të cïn-ë ɣa nyaai.

5-Ku ɣɛɛn acïn dak-ë puöu në Käc-ë puöuDuic, Piäändië abï miɛt arëët në luäŋDuic.

6-Yekoba aba puɔɔny në kët, në kë cien ɣa luööi apath.

DIT 14

Rɛɛc de manh-ë raan

ACÏBËL acï jam në ye puöu, “acïn NHialic “ aacïï riääk , aacï luɔi ëguöp lɛt looi, aacïn

ran töŋ yee këpath kaŋ looi.

2-Yekoba adaai nhiaal në mïth ke raan piiny, bë tïŋ lɔn nɔŋ en ran yee käŋ deet, yee

NHialic buɔɔth cök.

3-Aacï röt nyaai kedhiɛ , aacï kërac looi atök, acïn ran töŋ yee këpath kaŋ looi, aliu acïn

tök.

4-Cïn kek mëluui de karɛc, cïnkï nyïc kedhiɛ, man yee kaccië cam cï më ciɛm kek abïk

cïï kuöt-ë, ku cïke cɔl Yekoba ?

5- Aakak aatɔ në riööcdïtic , Nëkë rëër NHialic kek-ë rïny de lajik .

6-Lɔŋ de aŋäŋ aca yɔrkɔu, Ku Yekoba ee tëden de thiaan.

7-Oi , luäŋ de Yïthërɛl abë bɛn bei në Dhiɔn ! Të lee NHialic kɔcken cïï luaak bɛɛi ciëën,

Ke cakkä Jakob amit puöu ku lɔ Yïthërɛl puöu yum arëët.

DIT 15

Cït ke kɔc lëu bïk ceŋ ke Yekoba

YEKOBA yee ŋa lëu rëër në AkemaDu thok ? ku yee ŋa lëu ceŋ në kuurDuun Lajik

nhom ?

2- Ee ran yee cath ëcïth ke muk ye nhom nhial , ku yee luui në lajik , ku yee jamde yaa

yic në ye puöu.

3- Ee ran ciee kɔc ëkac kɔɔth në ye liep, ka yïn akeu nhom luöi rɛɛc , ka yïn mɛth-ë

luäŋ guöp kërac .

4-Ee ran nyin-ë ran rac maan , ku yee kɔc –ë Riööc në Yekoba riëu theek gup, ee ran

yee rɔt kuëëŋ ku ciee mɛɛlde yee bɛr waaric.

5- Ee ran ciee wëu ëdɛɛn wei në ajuëk , ka yïn akumthok lööm tɔŋ ran cïn këdɛ.

6- Ran yee luui në ka cït-e kääk acï bïï yaa lëu në dhöth-ë bei piiny.

DIT 16

Ŋäth de gäm adöt ku tiɛm de Mathiɛi

NHIALIC yee ɣa muk, ee Yïïn aka can puöu ëdak Yïtök.

2-Oi Tiëpdië yïn acï Yekoba yɔɔk “ Ee Yïïn-ë kee Bɛnydïïtdië , acïn piathdië të cïn Yïïn”.

3- Të nɔŋ kɔc cïïthieei tɔ në piny nhom, kek tɔɔ miɛt-ë puöudië ke thïn në piath

töŋdɛn.

4- Dhiëndɛn abï ye yic juak arëët kek man buɔth jak kɔk cök, riɛmdɛn de mɔc acï kaŋ

puök wei, ka kaŋ riɛnkɛn cɔɔl në ɣa thok ëtɛn.

5-Yekoba ee Yïïn-ë kee biäkde kë bɛr-ë ɣa ku abïnydië, Yïïn acï gɛkcië nyiɛc cuat

apath.

6- Jït acï lööny në ɣa nhom në kaam piɛɛth miɛt ɣɛn puöu, ee yic ɣɛɛn anɔŋ kapiɛth cïï

nyäŋ ɣa.

7-Yekoba aba thieei man cï ɣa yiëk ëka puɔɔthkä, piäändië ee ɣa yɔɔk wakɔu në bɛkke

ruönic.

8-Yekoba aca cäp në ɣa nhom aluööt, Nëŋu Yekoba atɔ në cin cuëëcdië ku ka cïn kë bï

ɣa kaŋ dhöth.

9-Ayeen piäändië ee miɛt ku la nhiaamdië lee yum, ku dɛldië abï lɔnip në ŋalth.

10-Yïïn acï bë tiëpdië nyääŋ pan-ë atïïpke kɔc , ka yiën-ë töŋDuun lajik päl dhiäth.

11- Yïïn abë ɣa nyuöth kuer-ë pïïr, në Yïyic ee miɛt-ë puöu cï thiäŋ , në cin cuëëcdu ee

layum-ë puöu ciee thök athɛɛr.

DIT 17

Lɔŋ cïndak-ë puöu de luäk

PIËŊ-ë, Yïïn Yekoba , tëdiën lajik de thiaan, piŋ dhiëndië . Wɛl-ë Yï yïïth lɔŋdië , lɔŋ de

thoŋ ciee kɔc-ë wet.

2-Cɔk wäi-ë cökcië ayee bɛn tënɔŋ Yïïn të tɔɔ yïïn thïn, ku cɔk nyiɛnKu aye daai në ka

lacïth .

3-Yïïn cï ɣa them puöu, ku nem ɣa wakɔu , Yïïn cï gɔɔkic ku cïn kërɛɛc yök thïn, aca

ŋuun bë thuɔɔŋdië rɛɛc cuök ëlooi.

4-Nëkë de luɔi de kɔc , në wɛt de Yïthok , ke ɣɛɛn cï rɔt muk wei të de kac-ë cin.

5-Akɛthcië aaca ruɔk në kuɛɛrDuic, ku bï akɛthke ɣa cök cuök rieth wei.

6-Yïïn aca cɔɔl, nëkë bïn ɣa piŋ , Oi, NHialic, wɛl-ë Yï yïc ɣa ku piŋ jamdië.

7-Nyuɔɔth-ë kagɛi-ëke në nhiëërDun dïït gɛi-ë në cin cuɛɛcDu, Eei! Yïïn , yïn man yee

kɔc-ë Yï gam adöt luök , në kɔc yee röt jɔtke cin.

8-Yïïn yee ɣa muk cï nyincolDuic, Yïïn thian ɣa në atiëm de Yï wuökic.

9-Të nɔŋ kɔc rɛɛc yɔŋ ɣa, të nɔŋ kɔc atɛɛrcië cï puööth lakurmuth, man cï ɣa gɔɔl piny.

10-Puööth cuɛɛiken aacïk thiöök thook, nëke thook aaye jam ëke dït puööth,

11-Keek ee mɛɛn aacï Ok gɔɔl piny në akɛthkuaiic, aacï ke nyïïn tiɛɛŋ piny aa daai, bïk

ɣa jäl cuat piny.

12-Aacït cuär cï cɔk gör kë ciɛm, aacït cuärdïït rɔc në ye yic.

13-Jat-ë rɔt , Yekoba , ku dïkke nyïïn, yuëëth-ëke piny ëriam, luäk piëërdië në kɔc rɛc

cin në thoŋ-ë thɛɛmDu.

14-Yekoba, Yïïn acï ɣa luök në kɔɔŋDu në yee kɔckä cin, në yee kɔc ke yee piny-ënhom

cin man yee baŋ de riöpden tɔ në yee pïïrëic,

15-Ku keek man nɛk cɔk Aaca thiööŋ në bänyDuun CA thiaan piiny, miëëthkɛn aacï

kuɛth, arɛk kaa cï miëëthkɛn tääu bäny.

16-Ku të nɔŋ ɣa Yïïn aba tiŋ nyin në Lajik, Tïŋ ban Yï tiŋ abë ɣa kueth të pääc ɣɛn.

DIT 18

NHialic anɔŋriɛl-ë nhom luäk

YIIN aba yaa nhiaar Yekoba Yïïn ee riɛldië.

2-Yekoba yen ee kuurdië ku athiandië ku Duwërdië, NHialinydië, riɛldië, man can gäm

adötdië tääu thïn ëbɛn.

Kɔɔndië, ku yee tuŋ de luäŋdië, ku yee agɔŋdië.

3- Yekoba aba yaa cɔɔl, man path në pɔny nëkë len jik, cï ɣa bïï luök në kɔc aterdië cin.

4-Yuëën ke thou aacï ɣa gɔɔl piny, ku aboor de kɔc cïn NHialic acï ɣa riääc.

5-Dhiën-ë raŋ acï ɣa gɔɔl piny, yuil ke thou aatïŋke nyïïn ke ɣa.

6-Në thucdiëic ke ayan Yekoba cɔɔl thïn, ku jäl kuöi yuöp të nɔŋ NHialic. Yekoba acï ɣa

piŋ röl në YekaluDeic, ku jɔl kuöndië ɣëët në Ye nhom, agut Ye yïïth.

7-Goo piny yääk ku lɛth piny, luek mëën ke kur röt ku tierke ayɛ,nëŋu Yekoba acï

ɣök.

8- Ku ɣëër tol bei në Ye ɣum, ku bɔ many bör piny bei në Ye thok, abï colke mac luut.

9-Aci dɔric thiäiic piny ku bïï piny , kek-ë pööl dït col në Ye cök.

10-ku yith cerubïm kɔu ku pɛɛr në ye, theer wuökke yomiic në pär.

11-Acï muööth looi ke yee të Deen cïïkum, AkumDe ee Malɔndïït-ë piëu ku pöldïït

cool ëcï Ye gɔɔl piny.

12- Kɔidït ku liem-ë mac , aaye bɛn bei në abëtbëët loi röt në Ye nhom tueŋ, yen-ë

pöldïït Deen-ë atueny në kɔi ku atiap de mac.

13-Yekoba acï rel nhiaal. Ku jɔl këdïït thiekic tɔ nhiaal Rölmär abïï piŋ. Agoo kɔɔi ku

atiam-ë mac.

14- Ku tooc YuɛthKe beec ku kɛɛr kɔc-ë ater wei, në la biriudïït arëët , Gooke riɛɛr

piny.

15-Goo Nyïïn –ë bar guɔɔ tïŋ , mëën ke piny aake këc-ë guɔɔ nyic , të cil Yïn kɔc ke

aterDu Yekoba , ku jɔl wëëi në Yïwum aba Yic jorëjor në ke gup.

16-Yekoba acï ɣëët piny pan nhiaal ku jɔl ɣa jook, ku jɔl ɣa miëët bei në kolic.

17- Yekoba acï ɣa kony në mëriil nɔŋ ater ke ɣa cin, ku të nɔŋ kɔc man ɣa, aake ril

arëët në ɣa .

18-Të tïŋ kek ɣa ke ɣa nɔŋ ariɛɛr ke kɔc kɔk, kaa bɛk ɣa, ku Yekoba ee ɣa gël.

19-Yekoba ee ɣa kuöny bei nëkë rilicic. Ee ɣa luök nëŋu amit puöu në ɣa guöp.

20-Yekoba ee ɣa riɔp në ŋu ɣɛɛn ee luui nëkë yee yic, Yeen ee ɣa thieei nëkë cïn en kë

ca wuööc.

21-Lööŋke Yekoba aaca riëu, ɣɛɛn akëc jääl në NHialinydië cin.

22-Lööŋke kedhiɛ aaca muk nhïïm, Lɔɔŋke aakɛcke dhoŋ kɔɔth.

23-Anyic Yekoba ke ɣa cïn guöp awäc, Ɣɛɛn acï rɔt nyiɛc muk ke ɣa cï loi kërac.

24-Ke Yekoba ee ɣa riɔp në ŋu anyic ke ɣa yee yic looi, nëŋu anyic ke ɣa cïn guöp

awäc.

25- Yekoba Yïïn naŋ adöt të nɔŋ kɔc yee naŋ gäm adöt të nɔŋ Yï, Yïïn piath arëët të nɔŋ

kɔc cïn të dak nëke.

26-Yïïn ala yuïc tënɔŋ kɔc layuic, ku yee Manyuany të nɔŋ acarɛɛc.

27- Yïïn yee kɔc kor puööth luök, ku yee kɔc dït puööth liiriic.

28- Yekoba yiëk-ë ɣa ɣɛɛr, ku Yïïn yee të yee muööth të nɔŋ ɣa meric.

29-Yïïn yee ɣa yiëk ariɛl ban kɔcciën ater bäk, ku riɛl ba ke tiaam.

30-NHialinyë – LuɔiDe cït ŋu! , Wëlke eekï agëël kadï!, Yekoba acït köt të nɔŋ keek

kɔc-ë Ye gëlde göör.

31- Yekoba yen ee NHialic ye tök, Nhialic ee tök Yeen ee gëlda.

32-Yeen ee NHialic yee ɣa cɔk aril, Man yee kuerdiëën-ë cäth ca lääuic.

33-Yekoba ee ɣa ca cït cök dier, ee ɣa muk ënip në kur nhïïm .

34-Yekoba ee ɣa pɔɔc në thɔr, ku ba daŋga ril arëët yaa kuen.

35-Yekoba , Yïïn acï ɣa gël ku kony ɣa, tïït-ë nyinDu acaa cɔk athiekic, ku riɛɛlDu acï

ɣa alanip.

36-Yïïn acï ɣa muk bïï ɣa cuök dɔm, ku ɣɛɛn akëc kaŋ yuïïk .

37-Kɔc ke aterdië aaya cop aba ke dɔm, ku ɣɛɛn aciee kaŋ kɔɔc agut të can ke nok

thook.

38-Aaya ke riak piny, abïk röt cuök ber lëu në jöt, abïk labäläl piiny aaca dar.

39-Yïïn yee ɣa yiëk riɛl de thɔr-ë tɔŋ, ku tiɛm në kɔcciën ke ater nhïïm.

40- Yïïn yee kɔcciën ke ater cɔk athuny të tïŋ kek ɣa, kɔc yee ɣa maan aaya ruöth piny.

41-Aaye jäl dhuöör görkï kuɔɔny , ku acïn ran konyke, aayee Yekoba cɔɔl ku ka ciee

Yekoba ke ëbɛɛr.

42-Aayaa ke riethiic abïk cït tur yee yom kuaath wei, Ɣɛɛn yee kɔɔc nëke kɔɔth cï dööt

në kuɛɛriic.

43-Yïïn acï ɣa luök të nɔŋ kɔc cï yɔɔt wei, ku cɔk ɣa ayee Duŋɔɔr në dɔl nhïïm, kɔc

kuöcke në yee mɛɛn aacï bɛn në ɣa cök.

44-Alɛɛi aayee ke nhiɔl tuk në ɣa nhom , ku naa piŋkï ɣa ke kaa riëu ɣa.

45-Aayee puööth ŋɛɛr, ku yee ke lath në kunydɛn cï määr.

46- Yekoba ee pïïr athɛɛr! dugëldië apiaany! Ku caal thiɛk-ë yic de NHialic man cï ɣa

kony.

47-Acï ɣa yiëk tiɛm në kɔcciën ke ater nhïïm, ku mɛc Dɔl nhïïm në riɛɛldiëic.

48-Ku luɛk ɣa bei tënɔŋ kɔcciën ke ater , Yekoba , yiëk-ë ɣa tiɛm në kɔcciën ater nhïïm

ku gël ɣa të nɔŋ mënɛɛk.

49-Ku Yïïn alɛɛc në dɔliic kedhiɛ, ba din de pɔny yaa kɛt Yï.

50-NHialic ee tiɛmdïït lawɛi yiëk MëlëŋDe, acï nhiëërDeen ciee dak nyuöth töŋden ci

lɔc, acï nyuöth Dabid ku kuanden alagut.

DIT19

Nyooth de Yekoba cïndak

Bɛɛi nhiaal aacï nhuɔɔm de NHialic caal, ku dɔric kek-ë aliiric aacï tëët de Cin de

NHialic nyuɔɔth.

2-Në Aköl köl aaye jam wäl piny, ku makɔn buɔth makɔn-ë ee nyïc nyuɔɔth.

3-Acïn jam ku acïn thok, të cien-ë rɔɔldɛn ëpiŋ thïn .

4-Rɔɔldɛn acï cath rɛk acï ɣet në piny nhom , ku wɛlkɛn aacï piny tuɔk thok, në keiic

Acien Akeema de ruɛl wɛc thïn.

5-Man cït nyan mëthiëk bɔ bei ɣɔɔnde, cï ciɛɛu puöl cï ran lɔ mëën në thuöny .

6-Jöt-ë rɔtde ee gɔɔc nhial alɔŋ-ë alagut , ku yuiin agut piny thar, ku ka cïn kë yee

määr në Ye nyin .

7-Löŋ de Yekoba alacïth acïn tëdak, ee tiëp wel bë pïir, lëk de Yekoba adïk ayic, ee nyïc

cɔk apuɔlic.

8-Lööŋke Yekoba aa yee yith, yïïn puöu ciɛɛu-ë, löŋ-ë Yekoba alɔ yuïc, ku ee nyïïn liep.

9-Riööc de Yekoba alɔyuic , ee gum alagut, ku luŋ de Yekoba ee yic ku lee jik atök.

10-Aakek aapath bë tuil kɔc aanɔk arëët në kë awɛr en thian thith, ee yic awɛr thian

cïï thaal, amit ëka wär mök-ëciëc ku awär athïn-ëciëc .

11-Në yee kän ke aluɛkku aacïï jäi thïn, ku në muöökden anɔŋic ariɔmdït .

12-Eeŋa lëu awäny-ë në dɛtë yic ? wak ɣaic akɛny thïn në awäny cï thiaan.

13-Muök-ë aluɛkku roor në karɛc yee röt thiääp thïn, duk-ë ke cɔk ayee ɣa duööt

nhom thïn, nëkë ban ciën agääk , ku cïn këdiëën tɔ në awääcdïtiic

14- Cɔk wël ke ɣa thok ku lɔŋbit de ɣa puöu, cɔkke aye röt gam në Yï nyin, Oi, Yekoba

, riɛldië ku dupuŋdië.

DIT 20

Nyic yen yic kony NHialic luɔi

MËLËK abë naŋ miɛt de puöu në riɛɛlDuic, Yïïn Yekoba , Ku në LuäŋDuic ee ciɛɛu

thiekic yïndï aköl-ë!.

2-Ku bë Yï tuöc kuɔɔny të lajik, ku yee yï yiëk riɛl në baŋ beec de dhiɔn.

3-Ee bë mɔcdu yaa tak ëbɛn , ku yee köcdu gam.

4-Në yee yï muɔɔc cï këde yïpuööu , ku yee ŋuunku kedhiɛ thiööŋic.

5- Ok aabï ciiu arëët në luäŋduic , ku në Rinke NHialinyda ke Ook aabï beerrakua jat

nhial ( ayääŋ ), ee yaa bï Yekoba tuɛldun yaa thiööŋic .

6-Anyiɛc ke Yekoba cï tɔcKe kony , abï kë thiëckï yaa dhuk nhom pan nhiaal të Lajik

keriɛɛl de kuny në cin cuëëcDe.

7-Kɔc kɔk aaye gäm adötden tääu në riëth ke thɔr kɔɔth ku tɛɛu kɔc kɔk gäm adötden

në ajɔŋköör kɔɔth , Ku Ok bë Rinke Yekoba NHialinyda yaa tak.

8-Aacï guŋ ëlɔŋ ku yuïïkkï piny, ku Ok aacï röt jɔt ku kɔɔcku ëcïth.

9- Yekoba , Kuöny-ë ! Ee yaa bï Mëlëk cɔtda dac yaa dhuk nhom të cɔɔl Ok-e

DIT 21

Miɛt-ë Puöu në Luäŋ de Yekobaic

YEKOBA, Mëlëk abi yee ciu në riɛɛlDuic, ku yee layumdïït-ë puöu yïndï në tiɛmDuun

yee gam!

2-Kë nɛk tuil-e Aca gäm-e, ku këdeen cï thiëëc në thuɔɔŋde akɛc-ë pɛn-e.

3-Aca loor në athiɛɛidït, ku cäp-ë nhom göldïït de thian cïï diäär në mac.

4-Acï pïïr athɛɛr thiëëc tënɔŋ Yï ku ka ca gäme- nïn bäriic agut yen alaɣɔn.

5-Tiɛmtiɛɛm CA ke gäm-e, aacien ke yic thiɛk arëët në kɔc nyïïn, nhiaam ku

maanhombɛny Aaca ke yiëk-e.

6-Aca cɔk ayee ran cïïthieei athɛɛr, ku CA cɔk aye ran mit puöu ku lee puöu yum në

Yïnhom.

7-Nëke yee Mëlëk naŋ gäm adöt në Yekobaic, në nhiëërdeen ciee wul Yeen man tɔ

Nhiaal arëët.

8-CiɛɛnDu abï kɔc ke aterDu göör abïke yök, ku cin cuëëcDu abï kɔc-ë Yï maan göör

abïke yök.

9-Aköl Lee Yïïn tuöl kaa bï ciët abeer, në ɣɔɔkdeic ke ka bïi Yekoba ke liek, ku jɔl

manyDe ke liith.

10-Kuanden Aaba riöök në piny nhom, ku miëth ke kuandɛn në kɛm ke wät ke piny

nhomiic.

11-Nëkë Cïï Kek Yï täk rɛɛc bïk luöi Yï, acir cïk ciir acïke dar në looi.

12-Ke kaa bake cɔk awël ke kɔɔth, ku jɔl yuɛthKu miɛɛt në dhaŋic muökëke nëke nyïin.

13-Në RiɛnKu yee miɛɛt nhial , Oi, Yekoba ,në riɛɛl de kökKu! Ok aabï RiɛɛlDu kɛɛt ku

puɔnyku.

DIT 22

Guöm, Pɔny, ku kuan de MathiɛI buɔth Ye cök.

NHIALINYDIË, NHialinydië, yee ŋu nyiɛɛŋ Yïïn ɣa wei ?

Yeeŋu cïn mɛc arëët ke lɔn bïn ɣa kony, wël ciën canke dhiaau aacï mɛc ke Yï arëët.

2-NHialinydië, ɣɛɛn acï dhiaau akɔl ciɛlic, ku Yïïn akëc ɣa piŋ, ku bɛr dhiaau wakɔu,

ɣɛn akëc thok kaŋ lɔŋ.

3-Yïïn-ë ka rɛɛr në thööcic ke Yï yee töŋ Lajik, töŋ man yee Yïthërɛl puɔɔny.

4-Wunkuan dït aake yee gäm adötdɛn tääu në Yïyic, aayee Yï gamadöt ku yeeke luök.

5-Aake yee dhiaau të nɔŋ Yï ku luɛkke bei në riääkic, aakee Yï gamadöt të cïn many-ë

guöp.

6-Kɛc yaa liök, bɛr yaa raan, të yee kɔc tiëŋ ɣa, aayee ɣa lɔnic.

7-Të tïŋ kek ɣa kaa bui ɣa guöp, jɔlkï ke thook thiööŋ në looc ku teŋkï ke nhïïm.

8-“Ee Yekoba gamadöt cɔk ajɔl-e luök ? të nhiɛɛr Yekoba Yï ëkɛɛ, eeŋu cï ber Yen Yï

luäk bei ?”.

9-Ku kee Yïïn, ee Yïïn ëYï bïï ɣa bei në adhiënhde Maaic në dɔɔr, ku Yïïn cï ɣa muk në

maa cin ɣɔn yan meth.

10-Ɣɛn naa gëi rɔt Yï töŋ-ë dhiëëth-ë ɣa, Ku Yïïn cï tɔ ke Yï yee NHialinydië në

nyindhiɛ.

11-Ke Yïïn duk-ë yee mɛc ke ɣa! Ariɛɛr athiök në ɣa lɔɔm , ku ka cïn ran lëu ɣa në

kuny.

12-Kɔc ke aterdië aacï ɣa gɔɔl piny cï thön ke ɣɔk, aatɔ në ɣa lɔɔm ëtɛɛn kedhiɛ, aacï

ciët thön ke ɣɔk-ë piny-ë Bacian cï nyiiny.

13-Aaye ke thook liep cï cuɛr, ku lek përëët në ciɛɛu në ɣa guöp.

14- Riɛldië acï jääl, jiɛl cï pïïu cï döu piny, Yomcië aacï puök, ɣɛɛn cï puöu lɛɛŋ cï athïn-

ë ciëc.

15- Aliëk acï kooth wei në ɣa röl acï ciët tur, ku liep aci lanuat në daaiic të nɔŋ ɣa, Yïïn

cï ɣa nyäŋ thuɔɔu në turic.

16-Rual-ë duriëëth cï rɔt määt atɔ në ɣa lɔɔm ëtɛɛn, aacï ciët dunë jɔk ëtë thiöök-ë në

ɣa lɔɔm. aatëër ɣa cök ku ɣa cin.

17- Yomcië kedhiɛ aacï kɔɔth tïc, kɔc aterdië aaye lïïth të tïŋ kek ɣa.

18-Kɔc aterdië aacuɛt gɛk në alɛthcië nhïïm! Bïkke tɛk röt!

19-Yekoba duk-ë ber gääu wei të nɔŋ ɣa! Dɔc bɛn ke kë kony Yïïn ɣa!

20-Dɔc ɣa kony në abättäu thok, kony piëërdië në jɔk thook.

21-Kony ɣa në yee cuɛrkä cin, Ɣɛɛn acïn të kuöny rɔt në yee thön cï wäthkä tuŋ.

Yïïn acï ɣa bɛɛr thok

22-Kë ca looi aba lɛk kaccië, ku jäl Yï puɔɔny në Amatnhom dïtic të cïï kɔc mat.

23- Wek aluɛk ke Yekoba yaakä puɔɔny! Ku yaakä nhoom wek kuan de Jakob!.

Ku wek kɔc ke Yïthërɛl yaakä door!

24-Yekoba akëc guöm de aŋääŋ tɔɔnic ka wɛɛn ciëënke në ye Kɔu, Yekoba akëc

dhukciëën të nɔŋ keek, aayee bɛɛr thook të cööt kek në kuny.”

25-Yïïn aba yaa puɔɔny në Akutnhom cï mat nhom në wɛt de kë puɔɔth ca luöi ɣa në

kɔc nhïïm kedhiɛ kɔc ëYï door, ku köc ëca lueel aba gäm Yï.

26-Aŋääŋ aabï yaa cam të cït të görkï , ku kɔc-ë Yekoba göör abïk yaa puɔɔny, nëke

yee cil lɔtueŋ athɛɛr.

27-Dɔl kedhiɛ aabï Yekoba yaa tak, në ŋɛp ke piny kedhiɛ aabï yaa dhuk tɔŋ Ye, ku

juöör ëbɛn abï Ye yaa door.

28-Yekoba ee Mëlëk, ku ka mɛc dɔl kedhiɛ.

29-Kɔc dït puööth kedhiɛ aabï kenhiɔl tuk në Ye nhom, ku tuk kɔc cï dhiäth në rɛŋiic

ke nhiɔl në Yekoba nhom, agut ran cï wɛike kuöc muk.

30- Ku rïny de akölciëën abï Yekoba luööi, rör aabï yaa jam ke rïny de akölciëën në

Yekoba .

31-Agut kɔc ŋoot ëke këc-ë dhiëëth aabïï lɛk “ Yekoba acï kacke luök “.

DIT 23

Yekoba ee Abök de KacKe

YEKOBA ayee Abökdië , aɣɛɛn cï bï bɛr yaa dak në käŋ .

2- Abï ɣa cɔk ayee täc të tɔɔc wal thïn, ku yee ɣa kuaath në wär thok tëde pïïu layuic.

3- Abï tiëpdië wel bë yaa pïïr, ku yee ɣa ŋäär në kuɛr lajikiic, në wɛt bïn-ë RiɛnKe yaa

riëu.

4- Ee yic , të cak ɣɛn yaa cath në thuööth de cuɔl de thouic , ke ɣɛɛn cï kɔŋ yaa riööc në

duriëëth , nëkë tɔɔ Yïïn ke ɣa, LäänyDu ku WanDu aayee ɣa duut puöu.

5-Agen de miëth Aba yaa juër ɣa në kɔc nyïïn, kɔcciën ke aterdië, Yïïn cï ɣa tɔc nhom

në mök, ku thiöŋ aduääŋdië abï nhom lajaac piny .

6-Pacɔk këpath ku käc de puöu aabï ɣa yaa buɔɔth cök aluööt të piëër ɣɛɛn, Ku ɣɛɛn bï

ceŋ ɣön de Yekoba alaɣɔn.

DIT 24

Mëlëŋ de nhuɔɔm ku ceŋDe

PINY nhom ke ka tɔ thïn kedhiɛ aayee kakke Yekoba, tiɔp nhom ëbɛn ku ran ciëŋ thïn

ëbɛn aaye Kakke Yekoba .

2-Acï yïk në piëu thar piiny, ku mɛc agɔɔk ke cök ke piny piny në adɛɛkdiɛtic piiny.

3-Ee ŋa nɔŋ yic bï lɔ nhial në thɔɔny-ë kuur de Yekoba nhom? ku yee ŋa lëu lɔ në

Yekalu LajikDeic ?

4-Keek man layuic në luɔi ku në täk, man këc ka yee thɔɔth door ( Idool ) ka lueel wɛt

ciee yök thïn.

5-Aabïï Yekoba ke thieei ku luɛkke , ku aabïï NHialic ke caal ke ke cïn awäc.

6-Kɔc cït-ë kääk kek aayee kɔc bï bɛn të nɔŋ NHialic, Kɔc bï bɛn në NHialiny de Jakob

nhom.

7-Thuɔk jatkä we nhïïm nhial bë rɔk thok lääu, wek thuɔk athɛɛr liɛpkä röt, ku bë

Mëlëŋdïït thiekic bɛn thïn.

8-Ee Mëlëŋŋo ëkë thiekic ? Ee Yekoba, nɔŋriɛɛlëbɛn ku ril, ee Yekoba, atiɛɛm de tɔŋ.

9-Wek thuɔk! jatkä we nhïïm nhial! ku wek thuɔk athɛɛr jatkä we nhïïm nhial.

10-Ee ŋa ëkë yee Mëlëŋ de nhuɔɔm-ë ? Ee Yekoba de Rɛm, Ee Yeen-ë kee Mëlëŋ de

Nhuɔɔm.

DIT 25

Riɛŋ-ë në bïi-ë bei ku päl de awäc

TIËPdië aca gäm Yï Yïïn Yekoba .

2-Oi NHialinydië, gämadötdië atɔ në Yïyic, duk-ë ɣa cɔk ayee guöp yär në dɛr cïn-ë ɣa

dar, duk-ë kɔc ke aterdië cɔk ayup duut-ë miɛt-ë puöu në ɣa nhom.

3- Dɛr aciee bɛn të nɔŋ kɔc-ë Yi gamadöt, cɔk dɛr aye lɔ të nɔŋ kɔc yee dac yɔɔt wei në

Yï cin.

4-Pɔɔc-ë ɣa në dhɔlku Yekoba, loike ba ke nyic .

5-Pɔɔc-ë ɣa ba pïïr të cath ke yiɛɛnyDu, nëkë Yïïn NHialinydië man cï ɣa kony. Nëkë

Yan Yï gamadöt në nyindhiɛ.

6-Yekoba tak piathdu ku nhiëër Duun ciee thök, man ca nyuɔɔth në thɛɛr cï lɔ.

7-Päl awäc ku ka këc röt tiiŋ wɛɛr yanke Apäräk, në nhiëër Duun ciee thök ku piathdu

yee ɣa tak Yekoba!

8-Nëkë lee Yekoba Jik ku puɔɔth, Ayen pɔɔc në kuer bïk yaa kuanyiic.

9-Yekoba ee kɔc kor puööth ŋäär në kuer yicic, ku pööcke në piäänDe .

10-Në gäm adöt ku nhiëër ayen kɔc yee mät muk ku riëukï lööŋke ŋɔɔr.

11-Yekoba yeekë ca lueel muk ku päl karɛccië , nëŋu aajuëc arëët.

12-Kɔc nɔŋ cïnpiɛɛth de Yekoba aabï pöc të nɔŋ Yekoba në kuer bïk yaa buɔɔthic.

13-Aabï yaa cillɔtueŋ aluööt ku piny abïï miëëthkem lööm.

14-Yekoba ee mɛth-ë de kɔc ëYe riëëu ku kee mände thany ke ke.

15-Yee yï nyin wɛl Yekoba në thääi ëbɛn të göör yïïn kuny, ku kee ɣa kony në ka

riliiciic.

16-Wɛl-ë rɔt ɣa Yekoba ku kɔc puöu të nɔŋ ɣa, nëŋu ɣɛɛn atɔ atök të cïn raan ku ɣɛɛn

kɔc.

17-Lony ɣa në adiɛɛric ku kony ɣa në ariɛɛrdiëic.

18-Thucdië ku guömdië tääu në yï nhom ku päl karɛccië kedhiɛ.

19-Tïŋda naŋ kɔc ater kee dï, ku tïŋ mankï ɣa kadï.

20-Gël ɣa ku kony ɣa , ku muk ɣa duk-ë ɣa ca dar , ɣɛɛn ee rïŋ të nɔŋ Yï gɔɔr kuny.

21-Në piathdië ku lacar-ë puöu yee ɣa muk, nëŋu gämadötdië ayaa tääu në Yïyic.

22-Në ariɛɛlkeniic kedhiɛ, NHialic, kony kɔckun ke Yïthërɛl1.

DIT 26

Lɔŋ de lajik ku apuk

CAAL-Ë ke ɣa cïn awäc, Yekoba , nëŋu ɣɛɛn eekë path yen ayaa looi ku yaa Yï

gamadöt cï thiäŋ.

2-Car ɣa puöu ku them ɣa puöu, Yekoba , luk tuɛɛldië ku täŋdië .

3-NhiëërDuun ciee thök ee ɣa tiit, ku gämadötDu aluööt ee ɣa ŋɔɔr.

4-Ɣɛɛn ciee kaŋ cath në tuŋ-ë kɔc rɛciic, ɣɛɛn acïn kë luɛɛl kek-ë acieec röt-ë kɔc.

5-Tuŋ-ë Mëdhuum-ë kɔc amaan ku acarɛɛc ayaa jäi thok.

6-Yekoba , Ɣɛɛn cï ɣa cïn lɔɔk ba nyic lɔn cïn ɣɛɛn rɛɛc ku tää në duööric në kän-ë

köcDu lɔɔm.

7-Din de mɔcalɛɛc yen ayaa ket ku luɛɛl kak kegäi ca ke looi thïn.

8- Yekoba, Ɣön yee cieŋ anhiar, ku të yee nhuɔɔmDu cieŋ.

9-Duk-ë ɣa riök ke acarɛɛc, guän ɣa në riäŋ de mëtiiriic.

10-Kɔc yee adhuɔɔm looi në thääi kedhiɛ, yee rëër ke ke tit akumthok bïk lööm.

11-Të nɔŋ ɣa , kë path yen ayaa looi, yee puöu käc në ɣa ku yee ɣa kony.

12-Riääk ëbɛn acïn-ë ɣa luök thïn, në Akutnhom de kackeic Yekoba aya puɔɔny.

DIT 27

Lɔŋ de pɔny

YEKOBA ee ɣɛɛrdië ku yee luäŋdië, acïn ran töŋ ban yaa riööc.

Yekoba ee ɣa gël në kariliic kedhiɛ, aɣɛn cï kɔŋ yaa riööc.

2-Të them acarɛɛc-e bë ɣa bäk yuïc bë ɣa nɔk, ke kaa kɔth ku yuïïkkï piny.

3-Naa cɔk aayeen Apuruk dïït-ë ŋu yen-ë gööl ɣa piny , ke ɣɛɛn acï kɔŋ riööc, naa cɔk

ran de aterdië ɣa bäk , ku ɣɛɛn aŋot-ë ɣa gam NHialic adöt .

4-Yekoba aca thiëc tök ëpath, tök ëpath yen agɔɔr, ba pïïr ɣön de Yekoba në akööl

ciën ke pïïr kedhiɛ, ba jäl nhiam thïn në piathDeic, ku jäl tiëtDe thiëëc.

5-Në köölke ariɛɛr ka gëŋ ɣa, Yeen ee ɣa muk ënip në YekaluDeic ku cɔk ɣa alaläŋ në

kuurDeic.

6-Ɣɛɛn abï cath ke ɣa muk anhom nhial në kɔc ke aterdië lɔɔm. Ke ciɛɛu dïït de miɛt-ë

puöu ku köc aba gam në Yekaluic, Ɣɛɛn abï Yekoba kɛɛt ku piaany.

7-Piŋ ɣa Yekoba të caal ɣɛɛn Yï!, käc-ë puöu ku bɛɛr-ë cɔtdië.

8-Të lueel Yïïn-e “ bär ku door ɣa “ ka bɛɛr “ Yekoba ɣɛɛn abɔ “

9-Duk-ë rɔt tɔu në ɣa, duk-ë puöu riääk në ɣa guöp, duk-ëaluaŋDu dhukciëën.

Yïïn-ë yee kunydië, duk-ë ɣa wan ku duk-ë ɣa nyiɛɛŋ wei NHialic , Duluäŋdië.

10-Maa ku Wää aalëu ɣa në nyiɛɛŋ-ë wei, ku Yekoba abï nyin lɔk tïït në ɣa.

11-Yekoba , pɔɔc-ë ɣa nëkë gör Yïïn ba yaa looi, ku ŋäär-ë ɣa në kuer laläŋic, nëŋu

kɔc aterdië aajuëc .

12-Duk-ë ɣa nyiɛŋ kɔc ke aterdië, man yee ɣa bäk në lueth ku riɛɛc.

13-Anyiɛc ke ɣa bï pïïr ba piath-ë Yekoba tïŋ në yee pïïr thiöök-ë yic.

14-Cɔk gämadötdu atɔ në Yekobaic , nɔŋ gäm , duk-ë puöu ŋɛɛr. tääu-ë gämdu në

Yekobaic.

Dit 28

Lɔŋ de kuny

YEKOBA, dugëldië, Yïïn ayaa cɔɔl. yee dhiëndië piŋ !

Naa cïï bëër ɣa thok, ke ɣɛɛn abï tɔ në kɛmke kɔc lɔ kajɔŋthith.

2-Yee ɣa piŋ të dhiɛɛu ɣɛɛn yuëc kuɔɔny të nɔŋ Yï, të jat ɣɛɛn ɣa cin nyuɔɔthke në

YekaluDuun lajik nhom.

3-Ke Yï duk-ë ɣa mɛt wei kek-ë acarɛɛc , kek-ë kɔc yee dhuum- kɔc yee wëlkɛnke ka

nɔŋiic määth, ku cïkiic thiäŋ në tiɛɛl ku män nëke puööth.

4-Lukke nëkë cïk looi, aacï adhuɔɔm looi arëët. Lukke në luɔidɛn cïk looi, yiëkke kë cït

kë thöŋ ke luɔidɛn!

5-Aaciee kë cïk looi ëliath, ka yee kë cë looi Yen-ë ran-ë, ke yeen aabïke yiëk awäc ku

riöökke agut alaɣɔn.

6-Yee Yekoba yiëk pɔny, acï dhiëndiën gɔɔr ɣɛɛn kuny piŋ.

7-Yekoba ee ya kony ku gël ɣa, ayaa gamadöt. Ee ɣa yiëk kuny ku cɔk ɣa amit puöu,

Ayaa puɔɔny në diɛt ke yum-ë puöu.

8-Yekoba ee kacke gël, ku kony Mëlëŋdeen cï lɔc kɔu.

9-Yekoba kony kacku,ku thieei kɔc yee kacku , yee abökdɛn ku tiëët-ënyin nëke

alaɣɔn.

DIT 29

Pɔny de NHialic në LajiŋDeic ku yee Maanhombäänyde

PIANYKÄ Yekoba wek ka pïïr tɔ nhiaal, pianykä nhiaamde ku riɛɛlDe.

2-Pianykä Rin-ë nhiaam ke Yekoba, guöŋkä në ye nhom të bïï Yeen yen töŋ Lajik.

3-Röl de Yekoba ayee piŋ në Baariic, nhiaam de NHialic ee rel, ku rɔɔlDe ayaa aloŋ looi

në adɛɛkdiɛtiic .

4-Röl de Yekoba acïï piŋ në ril kedhiɛ ku Maanhombääny.

5-Röl de Yekoba ee Cedaar dhuööŋ agut yen Cedaar ke Lubënän.

6-Yekoba ee kur Lubënän looi bïk tuk cï akääl-ë ɣɔk ku cɔk kur ke Ɣärmon ayöt cï

adɔŋ kor.

7-Röl de Yekoba ee labiriu cɔk alɔbiët.

8- RölDe ee pan yääk agut pan de Kadäc ayee yääk.

9-Röl de Yekoba ee Oak yääk ku yer yïïth ke tiim piny, ku raan ëbɛn tɔ në Yekalu ayup

ciɛɛu “ Ee bï nhuɔɔm yaa tɔ NHialic !“

10- Yekoba ee kuum në pïïu cök piiny në kolic , ee kuum ke yee Mëlëk athɛɛr.

11- Yekoba ee kacke yiëk riɛl ku thieeike në dɔɔr.

DIT 30

Lɔŋ de mɔcalɛc

Yïïn ayaa puɔɔny arëët Yekoba në kë cïn ɣa kony ku dut kɔcciën ke ater cin ke ke gɔr

ɣa.

2-Ɣɛɛn acï dhiaau të nɔŋ Yï ,Yïïn Yekoba NHialinydië, goo ɣa ca puɔl guöp.

3-Yïïn cï ɣa muk wei në raŋic. Ɣɛɛn aatɔ dhölic laar në tiɔp agɔɔu, goo ɣa lɔ

dhuökciëën në pïïric.

4-Yen puɔny Yekoba, kɔcken nɔŋ gämadöt! Takkä kë cïï töŋdeen lajik looi ku yiëkkä

lɛc!

5-ƔɔɔkDe aciee gääu thïn, ku piathDe ee ceŋ athɛɛr. pïïu-ë nyin aalëu wat makɔu, ku

bɔ miɛt-ë puöu nhiäkduur.

6-Ɣɛɛn ee rɔt yök ëläŋ ku yɔɔk rɔt, “ acïn ran bï ɣa kaŋ bɛr dar

7-Yïïn acï piath ke ɣa arëët Yekoba, Yïïn acï ɣa gël cï kuur piath, ku bɛr-ë rɛt bɛr thiaan

në ɣa guɔɔ riööc .

8-Ɣɛɛn acï Yï cɔɔl Yekoba, ku liɛm Yï në kuɔɔny .

9-Ee ŋu ba yök në thuɔɔndiëic ? lɔdië rɛɛŋ eeŋu piath yee yiëk Yï ? Naa rëk nɔŋ kɔc cï

thou ëYï puɔɔny ? Naa rëk piathduun ciee lööny wei yeekï cɔl kɔc kɔk ?.

10- Piŋ ɣa Yekoba, ku käc-ë puöu ! kony ɣa , Yekoba !”

11-Dhiëndië aca waar ke yee miɛt-ëpuöu de dier, ku arɛɛm-ë puöudië aca nyaai, ku

göl ɣa në yum-ë puöu.

12-Ke ɣɛɛn cï bï bɛr yaa biɛt, ɣɛɛn abï din de pɔny ket piaany Yï. Yekoba ,Yïïn yee

NHialinydië, Alɛɛc aba yaa gäm Yï athɛɛr.

DIT 31

Yekoba ee rɔk në guömic

NE Yï Yic Yekoba , gämadötdië aca tääu në Yï yic, duk-ë ɣa cɔk ayee guöp yär, luɛk ɣa

bei në lajiŋdu.

2-Guöŋ-ë ba yïïth thiök ke ɣa ku piŋ ɣa , dɔc ɣa luäk bei, cɔk rɔt ayee kuurdiëën de

thiaan, ku yee kɛl ciee ran aterdië ye lëu në dhuŋ abï ɣa dööt.

3-Yïïn ee kuurdië ku yee kɛldië. Në nhuom de Riɛnku, ŋäär-ë ɣa beec në yee raŋ-ë yic

4-Nyuɛn ɣa bei në abuɔiic abuɔn cïï kɔc-ë aterdië deep, ee Yïïn Yï tök ee Yïïn-ë riɛɛl

dië.

5-Tiëpdië aca tääu në Yïcin Yekoba, Yekoba kony ɣa në ŋu Yiïn ee NHialiny nɔŋ

gämadöt .

6-kɔc-ë duur në jak aaya maan , nëŋu gämadötdië atɔ në Yekobaic.

7-Ɣɛɛn abï puöu miɛt ku ciɛɛu në Käc-ë puöuDuic, nëŋu Yïïn acï ariɛɛrdië ŋuɛt piny, ku

Yïïn acï arɛɛmdië deetic.

8-Ku Yïïn këc ɣa päl në kɔc ater cin, Yïïn cï ɣa ruɔk të laläŋ.

9-Käc-ë puöu në ɣa Yekoba ɣɛɛn aduööt puöu, ɣɛɛn acï nyin lalany wei në dhiëëu, ee

yic tiëpdië ku guöpdië aacï la kɔɔrrɔr!.

10-Pïïrdië ëbɛn aca nɔk në dhiëëuic, arɛk ruöncië aacï lïk në Yen guöm, Keŋdië acï riɛɛl

thöl në ɣa guöp, ku yomcië aacïï atuɔɔp thöl.

11-Kɔc ke aterdië kedhiɛ aaye ɣa boi, ku jɔl kɔc thiök akeu nhom ɣa yol – agut mɛthcië

aacï kuec në bɛn në ɣa lɔɔm, të tïŋ kek ɣa kueric kälɛ, kaa wëlke nhïïm tëdɛ.

12-Ɣɛɛn ayee guaar cït ran cï thou, ku ciët töny cï thar dhiäm.

13-Kajuëc aaca piŋ piiny në yee mɛɛn në ɣa guöp, ku riööc acï ɣa kɛɛr piny , ayee kɔc

ke aterdië ciir piiny në ɣa, cirkï bïk piëërdië nyaai.

14-Ku gämadötdië atɔ në Yïyic Yekoba, ku luɛɛl “ Yïïn NHialiny ,Yïïn ee Nhialinydië!”

15-Nhiäkdië atɔ në Yï cin, kony ɣa në kɔc ke aterdië cin ku kɔc-ë ɣa yɔŋ.

16-Yee Nyin ɣɛr në awuöönDu kɔu, kony ɣa në akäcduun-ë puöu.

17- Duk-ë ɣa cɔk ayee many Yekoba, nëŋu Yïïn aca cɔɔl, ku cɔk acarɛɛc amany guöp,

të path bïï kek biɛt thïn ee raŋic.

18-Liem-ë tör-ë lueth yɔɔkkä bï biɛt, adït puööth ku jiɛɛm-ë kɔc lajik guöp.

19-Oi, piathdu të dïït en thïn, athiɛɛi dït aca täu kɔc-ë Yï nhoom. Kɔc yee bɛn të nɔŋ Yï

ba ke gël aaca ke luöi ka juëc arëët, thieeike në kɔc ke piny nhom nyïïn ëke daai.

20-Aaba ke thiaan të cïn ran nyic-e tëduun tɔɔ Yïïn thïn, thianke në acir-ë kɔc, aaba

ke muk në kuaakdun akɛnythïnic, të mec ke duɔɔt.

21-Pianykä Yekoba nëkë cien ɣa nyuöth nhiëërdeen ciee thök , acï ɣa nyiɛc muk wɛɛr

cïn-ë pendië yɔtic.

22-Riööc teem rɔt guɔɔ kuöi yup, “nëŋu ɣɛɛn acï tɛɛm wei të nɔŋ Yekoba! “ Ku

kundiën gɔɔr ɣɛɛn käc de puöu aca piŋ ku bɛɛr-ë cɔtdiëën gɔɔr ɣɛɛn kuny.

23-Week kɔcken Cïïthieei nhiarkä Yekoba! Nëŋu Yekoba ee kɔc-ë Ye gamadöt gël

kɔɔth, ku kuc adït puöu riɔm arac .

24-Ee riɛl ku duk-ë puöu-ë ŋɛɛr, wek kɔc cï ŋäthduun tääu në Yekobaic .

DIT32

Miɛt-ë puöu de päl de awäc

RAAN ayee thieei ran cien-ë karacke puöl, ku ran cien-ë awääcke kum kɔɔth.

2- Raan ayee thieei ran ciee Yekoba karɛcke ëkuɛn-e , ku yee pïïr në puön ɣer ëgɛi.

3- Naa biɛt ke ɣa cï gam rɛɛc ca looi, ke arɛɛmdië alɔ ke dït nyin ku guöm ke juak rɔt,

në arɔɔldïït yaa looi abï akɔl cuɔl.

4-Në wakɔu ku aköl cinkun-ë cïl aacï thiɛk në ɣa kɔu, ku jɔl riɛldië ɣeer wei cï piëu ruɛl.

5-Rɛɛcdië aca gam në Yï nhom ku ka cïn kë bɛr thiaan në Yï nyin. Aca lueel , “Awääccië

aa gämke Yekoba “ ku jɔl karɛccië puöl.

6-Në yee kän në raan ëbɛn yee Yï riëëu , në yee Yï lɔŋ, në thääi lëu-ë Yï në Yök, ee yic

në aboor dït thiekic yic, aacï lëu bɛn në Ye lɔɔm.

7-Yïïn yee tëdiëën-ë thiaan, Yïïn abï ɣa muk në ariɛɛric, ku Yïïn bï ɣa gɔɔl piny në diɛt

ke luɛk-ë bei.

8-Yïïn aba yɔɔk ku pɔɔc yï në të kuer path bïn cath thïn, yïïn aba tiit kɔu në Ɣa nyin.

9-Duk-ë bë ciët ajöŋköör ka ciët-ë akaja+ajöŋköör (muul) , cïn dɛɛt-ë käŋiic, yee muk

në lɛk ku yuïïn cïï ŋak në ye thok, të cïn ëkääk ka cï thiɛɛk rɔt ke yï.

10-Dhiën kuöt abï lööny acarɛɛc kɔu ku ran yee gämadötde tɔ në Yekobaic abïï käc-ë

puöu gɔɔl piny.

11-Wek kɔc lajik miɛtkä puööth në Yekobaic ku ciɛɛukä, ku luɔikä wuɔɔu dït , ciëthkä

we puööth nhial ëke layuic.

DIT 33

Bääny de Yekoba në Cäk ku kathɛɛr

WEEK kɔc lajik miɛtkä puööth ne Yekobaic, nëke yee pɔny lee puöu cïth rɔt tiiŋ ku

dhëëŋ.

2-Pianykä Yekoba në thom, Luöikä Yekoba thom cïï miëtic tïïlla keethiëër.

3-Kɛɛtkä Yekoba në din jöt, jälkä nyiɛc kɛɛt kadhëëŋ ke miɛt-ë puöu në röl kɔk.

4-Nëŋu wɛt-ë Yekoba ee yic, ku luɔide ëbɛn ayee looi në yicic.

5-Anhiar lajik ku lukawɛiic, ku piny nhom acï thiäŋ në piath de Yekoba .

6-Nhiël aake looike në wɛt de Yekoba , ku looi rɛm tɔ thïn kedhiɛ në wëëi de Ye thok.

7-Acï piëu de Bar mat nhom ke yee akut nhom, ku mɛt kol nhom ke yee ɣön-ë tɔɔu.

8- Në piny nhom ëbɛn yee Yekoba riëëu , ku në kɔc ceŋ tiɔp nhom kedhiɛ yee riööc

në Ye nhom.

9-Ee yee lueel, ku looi , ee löŋ cɔɔl ku kɛɛc .

10-Acir de dɔl aciee Yekoba ëtïŋ ke yee këdɛ, ku täŋ de kɔc ayee cɔk ayee lueth ëbɛn.

11-Acir de Yekoba ee kɔɔc athɛɛr , ku yee täŋ de Yekoba puöu yee ya këde rïc thok në

kuatic ëbɛn.

12-Dööl ayee thieei döl yee Yekoba yen yee NHialinyden , jur cïï lɔc bïk yaa adïïtke.

13-Yekoba ee daai nhiaal , ee wɛtke raan ɣoi.

14-Ee daai tëdeen ciëŋ Yen thïn, dɛɛi në kɔc ceŋ tiɔp nhom kedhiɛ.

15-Yeen man ëciɛkke puööthken, ŋɛk në këde, ku yee daai në luɔi de puööthkuön.

16-Acïn Mëlëŋ yee remdïït de Apuruk kony , ku mëril-ë kök aciee riɛl dïït ëkök luök.

17-Gël de ajöŋköör ee gääu-ë röt , ka lëu raan në luäk në yee riɛɛl dïtdeen-ë aliu.

18-Tiëŋkä daa Yekoba ee nyin tïït në kɔc yee Ye riëëu, ku tïït nyin në kɔc yee käcdeen

de puöu ŋɔɔth.

19-Abï tïïpken yaa luök në thouic , ku yeeke cɔk apïïr në pawɛɛric.

20-Tïïpkua aayee Yekoba tiit, Yekoba ee könda ku kunyda.

21-Ok aabï puööth aamiɛt në Yekobaic, nëŋu gämadötda atɔ në Rinken Lajikiic.

22-Cɔk käcduun de Yï puöu atɔ ke O, cï ŋäth yee Ok Yï ŋɔɔth.

DIT 34

Miɛt-ë puöu të nɔŋ kɔc ke gämadöt de NHialic

Yekoba aba ya leec, lɛɛc akölriëëc, ku pɔny acï kaŋ yaa jääl në ɣa thok.

2-Tiëpdië abï ye yaa nhoom aalɛc në Yekobaic, abïï kɔc kor puööth yaa piŋ ku mitkï

puööth.

3-Yaakä Yekoba leec ke ɣa, ku miitku Riɛnke nhial Odhiɛ.

4-Yekoba aca göör arëët , goo ɣa gam, ku luɛk ɣa në riööcdiëic ëbɛn.

5-Ee cïk ɣoi gookï gup pial, ku kaa këc nyïïn bɛn-ë many.

6-Aŋäŋ-ë ee cï dhiaau në Yekoba nhom, goo Yekoba piŋ ku bëër lɔŋde, ku luɛk nëka

dhaleiic kedhiɛ.

7-Malaikai de Yekoba ee kɔc yee Ye riëëu yuɛl piny, ku yeekïke luök.

8-Yaakä Yekoba thiëëp ku yaakä tïŋ ke path, raan ayee thieei ran yee rɔt gɛï në Yeen.

9-Yaakä Yekoba riëëu wek kɔcken cïïthieei, acïn kë yee kɔc-ë Ye riëëu dak.

10-Dɛɛu ke cuär aaye dak në cäm ku gumkï në cɔk, ku kɔc yee Yekoba göör këpath acï

bë ke yaa dak.

11-Bäkkä wek mïth , piɛŋkä ɣa, wek ba pɔɔc në riëëu de Yekoba.

12-Ee rano gör pïïr arëët, ku nhiɛɛr bë ceŋ arëët në nïn juëc , bï piath tïŋ?

13-Yee yï liep tiit në rɛɛc, ku yï thok në jam rac ku dhuöm .

14-Nyääŋ-ë rɛɛc wei ku loi piath, yee dɔɔr göör ku yee cop cök ba dööt.

15-Yekoba acï Yi nyin wɛl kɔc lajik adaai në ke, ku amoth në yïïth në pïŋ de lɔŋdɛn.

16-Yekoba ee nyin muöön të dɛɛi Yen në kɔc rɛc, täŋDe ke ke ee kɔu tɛɛm në piny

nhom.

17-Kɔc lajik aayee dhiaau, ku gor Yekoba ke piŋ röt, ku luɛk keek në kakkɛn dhalkeiic

kedhiɛ.

18-Yekoba ee thiök kek-ë kɔc cï puööth yuïïk, ku yee kɔc nɔŋ puööth bïk ke puööth

wel luök.

19-Ran lajik ee naŋ Kajuëc rem-e ku ka yee Yekoba kony nëkeiic kedhiɛ.

20-Yekoba ee Yomke muk kedhiɛ , acïn töŋ de kek cï puöl bïi dhoŋ.

21-Acarɛɛc abïï rɛɛcde yaa nɔk, ku kɔc man lajik aabïï yaa luökwei.

22-Yekoba ee tiëp de awunde waar, ku ka cïn ran töŋ de kɔc yee röt gɛi-e bïï luök wei.

DIT 35

Yekoba ee dugur të nɔŋ kacke

YEKOBA yee ɣëët kek-ë kɔc yee ɣëët ke ɣa , ku yee thɔr kek-ë kɔc yee thɔr ke ɣa.

2-Löm köt ku adeet ku kääc-ë në kɛɛrdië yic ba ɣa juööc.

3-Mïït tɔŋ bei në kötic ku gër kɔc nhïïm, kɔc cop ɣa dhël, ku yɔɔk-ë tiëpdië ɣɛɛn yee

duluäŋdu.\

4-Në kɔc yee piëërdië göör bïk nyaai many gup ku lek cuincuiin, ku kɔc yee nääkdië

ciir yee dhukciëën ëke cï nhïïm liääp.

5-Nëke yee ciët ayiɛl ke yom, ku yee Malaikai de Yekoba ke kuaath wei.

6-Në kuɛrkɛn yee yiic cuɔl ëcut ku lee riethërieth, ku yee malaikai de Yekoba ke cop

thïn.

7-Aa yee ɣa deep në dhuur të cïn awäc, aa yee ɣa wɛc kɔl të cïn kë ca wuööc.

8-Në ke yee riääk ke muöm piny, ku në wäi në yuïndeen cï deep, ku në dhuur wɛn cïk

deep lööny thïn bï riääk.

9- Ku tiëpdië abï puöu yaa layum të nɔŋ Yekoba, abï puöu yaa miɛt në luäŋ yen-e

luök.

10-Yuɔmcië kedhiɛ aabï yaa jam , Ye Yïïn , Yïïn Yekoba , yeeŋa ye ciët Yï, Yïïn man yee

aŋääŋ lony , ee yic , në aŋääŋ ku kɔc niɔp aayee kony ne kɔc tupke cin.

11-Dulëëk ke anyääk aayee röt jɔt ɣa ku thiëcki ɣa në ka kuöcke cök..

12-Aa yee ɣa dhuök rɛɛc të can ke luöi piath, bïk tiëpdië yaa gɔr dhiëëu.

13-ku naa yee ɣɛɛn, ke ɣɛɛn yee acuth ruök të tuɛɛny kek, ku näk rɔt piny në thiëël, ku

jɔl lɔŋdië riŋ në ɣa puöu.

14-Yaa rɔt cɔk acït kë tɔ ke mäth ka wäm määth, ku yaa ɣa nhiaal tuk aba duör ciët

ran dhiëu man.

15-ku naa yee ɣɛɛn nɔŋ kë näk ɣa, ke kaa la puööth yum, ku kuutkï röt, ku kut kɔc

yuïc bïk ɣa nɔk kutkï röt në ɣa lɔɔm, ku akuöc, aaye ɣa rɛt ku cïk kɔŋ muöl.

16-Remkï ɣa në ke lec cï kɔc rɛɛc cam miëth dïït në buööi.

17-Bɛnydït ba daai në ke aɣët nin ? Luäk tiëpdië në riäŋdenic, ku kɔccië në cuɛr thook.

18-Yïïn ba ya puɔɔny në dundïtic, ku yaa Yï lɛc nhom në kɔc juëciic.

19-Në kɔc nɔŋ Okke ater nëke ciee puööth-ë miɛt në yaaŋdië, ku cïk ɣa yee nyɔtic në

nyin yee ɣa maan të cïn kë yaa wuööc.

20-Aciee dɔɔr yen yeekï ciir, aayee kɔc yee ceŋ ëyum baai dhoom në aciir rac.

21-Ee yic aayee ke thook ŋuan arëët në ɣɛɛn, aayee jam , ku dɔlkï aa, aa acuk tïŋ në O

nyïïn.

22- Aca tïŋ, Yïïn, Yïïn Yekoba, yeen duk-ë bit, Yïïn Bɛnydït, duk-ë yee mɛc ke ɣa.

23- Yïr rɔt ku pääc-ë në lɔŋdië, në ɣɛɛn , NHialinydië ku yee Bɛnydïïtdië.

24-Yee ɣa luök Yekoba Nhialinydië, cï man de lajiŋdu, ku në ke cïï kek puööth yee kaŋ

yuum në ɣa.

25-Në cïk yee lueel nëke puööth, tëde akan! Të görku ye , në cïk yee lueel , yee ka cuk

dïk ëliëk.

26-Nëke yee many , ku riääkkï kedhiɛ kek kɔc yee puööth miɛt në näŋ bïn-ë ɣa nɔk,

në ke puööth yuurke ku many-ë guöp kek kɔc yee ke puööth diët ɣa..

27-Ku në kɔc yee lajiŋdië göör nëke yee cööt në miɛt-ë puööu, ku lekkï puööth yum,

ee yic, në yeekï luut në luɛl, yïï NHialic ëka bï yaa leec, yeen, yen man yee puöu miɛt

në lɔyum dïït-ë guöp de awunde.

28-Ku lajiŋdu abïï liɛmdië yaa ciir, ku lueel pɔnydu në akɔl ëbɛn.

DIT 36

Rɛɛc de raan ku ciën të dak në NHialic

Awäny de kɔc rac ee jam nëke puööth, aacïn riööc de NHialic nëke nyïïn.

2- Aacï puööth cɔr aaciee röt ëtïŋ cïk dïk-ë rɛɛc kadï .

3-Wël yeekï lueel nëke thook aacï thiäŋ në rɛɛc ku dhuöm, aacï jai në luɔi-ë nyïc ka kë

path .

4-Ee rɛɛc ciir agen nhom të cien täc, kë yee looi ëbɛn ee kë rac, aciee ye kaŋ them bë

rɔt wel në rɛɛcic.

5-Nhiëërduun de käc de Yï puööu amec nhiaal arëët Yïïn Yekoba, ku naŋ adöndu atɔ

në pöl kɔu lɔŋtuui.

6-LajiŋDu acït kuur dïït ril, ku luöŋ awɛiicDu acït kol tɔ adɛɛkdiɛtic piiny, ku Yïïn yee

amuök läi ku kɔc Yïïn Yekoba.

7-Kandaa tïŋ! piath de nhiëër ayuɛɛuDuun ciee dak, ku manh-ë acuuk ee thiaan në

atiëm-ë Yï wuk.

8-Aaba yaa miëëth abïk lɔ ŋɛiyɛk në kuɛth-ë ɣönduic, ku dɛɛkëke në ciir de miɛt-ë

Yïpuööu .

9-Yïïn-ë ka nɔŋ awaŋgaak de pïïr, ku ɣɛɛrDu yen-ë ka bïï Ook ɣɛr yaa tïŋ thïn.

10-Yee dhiac ke Yï wɛl nhiëërduun ciee thök në kɔc nyic Yï nhïïm, ku lajiŋdu në kɔc

lajik në këpuööth nhïïm.

11-Duk-ë cök-ë ran dït puöu ayee ɣa käc cök, ku duk-ë cin ke mëdhum akuɛɛth ɣa

wei dhölic.

12-Kɔc rɛc aacï yuïïk ëkɛɛ, aayee dhuɔŋ piny ku kaa cï ber röt jɔt.

DIT 37

Thök de kɔc rɛc ku kɔc path

Duk-ë yee diɛɛr në luɔi de acarɛɛc, ku rɔt cɔk ayee tiɛɛl dɔm në wɛt-ëkɔc yee karɛc

looi.

2-Aabï guɔɔ la ɣönywei cï noon cï thiäŋ, aabï yom cï wɛl ke ror cï riɛl.

3-Yee naŋ gämadöt në NHialicic ku yee kë yee këpath looi, yee ceŋ ëpiny-ë ku lɔɔ nip

thïn.

4-Yee yum de puöudu göör në Yekobaic, ku ka bï yï yaa yiëk ke yee göör në yïpuööu.

5-Yee rɔt gäm Yekoba , ku nɔŋ gämadöt në Ye yic ku ka bï yï yaa kony pacɔk.

6-Abï lajiŋdu cɔk ayee ɣɛɛr cï ruɛl thɛi.

7-Yee tïit në të bïi NHialic luöi ye , ku duk-ë yee lëëth, ku duk-ë yee diɛɛr në kɔc yee

lɔtueŋ ke kakken path, ka kɔc rɛc lee kakkɛn cïkkeciir ëke path.

8- Duk-ë diɛɛr ku ɣök yee pät, aayee kɔc ŋäär në ariɛɛric.

9-keek kɔc yee Yekoba gamadöt aabï ëpiny yaa lööm, ku acarɛɛc aabïi ke kuaath wei

thïn.

10-Ee kaam thiin koor ku bïi acarɛɛr nyaai, aabak ke yaa göör tɔɔkï tëyo pacɔk, ku kaa

cï bï kaŋ tɔ thïn.

11-ku kɔc yee guöp liɛr aakek aabïi bär piny nhom, ku kaa bï puööth miɛt në dɔɔr cïn

ye thok tɔ thïn.

12-Acarɛɛr ee rɛɛc ciër ran puɔɔth-ë käŋ waiic, ku yee ye lec reem në ke.

13-Yeen abïiNHialic yaa bui , në kë cïi NHialic ye tïŋ ke köölde bɔ.

14-Kɔc rac aacï abätääuken miëët bei, ku kuenkï dhɛŋkɛn ëke cïk miëëtiic, bïk aŋäŋ

kek-ë ran kɔc piëŋ piny ku näkkï kɔc ɣer puööth.

15-Abättääuken aabï röt dhuökke bïkke gut puööth ëtiäp, ku duɔɔny dhɛŋken kɔɔth

në ke cin.

16-Kë thiin koor tɔ në ran lajik cin , awär bänydïit de rɛɛc.

17-Kök ke ran rac aabïi yaa dhoŋ kɔɔth, ku Yekoba abï ran Lajik yaa jɔɔk kɔu.

18-Yekoba anyic kööl ke kɔc path , ku panhomdɛn abï yaa kɔɔc athɛɛr wadɛ.

19- Aacï nyïïn bë ya many aköl-ë kërac, ku në akööl ke cɔk, aabï yaa kuɛth.

20-Ku kɔc rac aabï yaa thou , ku atiir ke Yekoba aabï yaa ciët piath de wäl de lɔk yee

ɣɔk nyuööth, aabï thök, aabïï ke yaa nyuɔp wei në tol.

21-Ran rac ee dëën ku ka ciee cuut, ku ran lajik ee käc-ëpuöu nyuɔɔth në luɔi path ku

mööc.

22-Të nɔŋ kɔc cïiYekoba ke thieei aabïi bär piny nhom, ku kɔc cïi Yekoba ke cieen aabïi

tɛɛm wei në piny nhom.

23-Akɛth ke ran path aacïi mac kɔɔth në Yekoba, ku kuer ciɛth yen thïn ee Yekoba

miit puöu.

24-Ku nɔŋ-ë cɔk yuïik , ka cï ruth rɔt piny, në ŋu ayee Yekoba jɔɔc kɔu në Ye cin.

25-Ɣɛɛn ëɣa yee Apäräk ku ɣɛɛn cï dhiɔp në yee mɛɛn, ku ran lajikakɛc tïŋ ke ca nyääŋ

wei, ka yïn kuanden ŋɔŋ abï lim në abïk.

26-Akɔc puöu ku kee gäk ke lui në dëën yen kɔc dɛɛn, ku kuandeacïi thieei.

27-Yaakä kɛt wei në rɛɛic ku yaakä nyiɛc luui, ku ba yaa naŋ ceŋ yee tɔ athɛɛr.

28-Në ŋu Yekoba anhiar luk awɛiic , ku ka ciee kɔc lajikke yee nyääŋ wei, aayee ke

muk apath athɛɛr, ku kuan de ran rac abïi yaa tɛɛm wei në kɔciic.

29-Ku kɔc lajik aabïi ke bär piny nhom, ku ciëŋkï thïn athɛɛr alagut.

30-Thoŋde ran lajik ee jamnë nyïc, ku liɛɛmde ee jam në luŋ awɛiic.

31-Në ŋu löŋ de NHialinyde atɔ në ye puöu, acïn akɛnhdeen töŋ bï kaŋ yaa riëth wei .

32-Ran rac ee daai në ran Lajik, ku ka yee göör në ye puöu be nɔk.

33-Ku ka cï bïi Yekoba päl në ye cin, ku ka cïi bë luök wei të luk-ë ye.

34-Tit Yekoba , ke yï muk rɔt në dhɔɔlDeic, ku ka bï yï miɛɛt nhial bë yï nyäŋ ëpiny-ë.

Ku naa cïi kɔc tɛɛm wei, kee ka ba tïŋ të nyiɛɛi-ë ke thïn.

35- Kɔc aaca ketïŋ në riɛɛl dïtic, ku cï kuar cï timdïït tɔc de baai.

36-ku ŋot-ë lɔ ɣöny wei, aciee bɛr tïŋ , aliu, pacɔk aca göör ku ka ciee yök thïn.

37-Det ran cïn guöp agääk apath, ku liath ran lacïth apath, akölciëën de yee ran-ë ee

dɔɔr.

38-Ku kɔc-ë käŋ nyoon aabïi riöök atök, ku akölciëën de kɔc rɛc , aabïitɛɛm wei në

kɔciic.

39-Ku luäŋ de kɔc lajik abɔ të nɔŋ Yekoba , Yekoba ee yaa riɛɛldɛn aköl-ë kërac.

40-Ku kaa bïi Yekoba ke yaa kony ku luɛkke bei, ku kaa bï ke luöny bei në kɔc ran cin,

ku luɛkke , në ŋu ayeekïgam në gämadöt.

DIT 38

Lɔŋ në aköölke guöm

Ee Yekoba duk-ë ɣa yee cil të ɣöök Yïïn, ku duk-ë ɣa yee cop ke Yï tuc puööu.

2- Yuɛthku aaye wäi në ɣa guöp arëët, cinku aacï ɣa nhiaac piny.

3-Acïn të ciee tök në ɣa guöp në kë ɣöök Yïïn ke ɣa , ayomcië aacï thiɛk ëdot në wɛt-ë

rɛɛcdië.

4-Rɛɛcdië acï guëër në ɣa nhom , aacït këthiek, athiɛkdɛn acanke lëu në ɣäc.

5-Ɣän töökcië aacï yiic nhiany ku bothkï në bëëldië.

6-Ɣɛɛn cï guöp la cuei, në kë tää ɣɛn në riɛɛric, ɣɛɛn yee cool në thuc akɔlic ëbɛn.

7-Ee ɣa toop kɔu, acïn ɣa guöp të puɔl,ɣɛɛn cï wëi muöön ku ɣa guöp ebɛn areem.

8-Ɣɛɛn rɔɔl wei në kë can puöu ŋɛɛr.

9-Yekoba , ka göör piäändië ëbɛn aatɔ në Yï nhom, ku dhiëndië aciee muɔɔny në Yï

nyin.

10-Piäändië ee dhur-ë dhur, ku riɛɛldië acï ɣa yuit, agut cï ɣɛɛr thiin de ɣa nyin acï jääl

.

11-Kɔc nhiaarke ku mɛthcië aakɔɔc ëke cï röt jɔŋ në tuaanydië, ku kääc kɔc ruääi ke ɣa

të mec.

12-Kɔc gör ɣa yeth aacï yuïïn dɛɛp piny, ku kɔc yuïc bïk ɣa yiëk tëtöök aaye jam ba

riääk, ku yee riäŋ bïï kek ɣa rac yen yeekï ciir lɔ tueŋ.

13- Ku ɣɛɛn cït miŋ aacaa ye piŋ, ku ciët ran cïn liep ciee ye thok ëkuek në jam.

14-Pacɔk ciët ran ciee piŋ, ran cïn thoŋ yen käŋ dhuk.

15-Ku në Yï yic Yïïn Yekoba , Ayan ŋɔth, ke Yï bë ɣa dhiil-ë piŋ-ë röl, NHialinydië.

16-Aca lueel , “piŋ ɣa, na ciee ye , ke kaa bï kepuööth juut në ɣa, naa ciee ye , ke kaa

tɔ nhïïm nhiaal në ɣa guöp të can riɛth.

17-Ɣɛn aatɔ ke ɣa yuëëk, ku dhiën-ë puöudië agäk thïn ke ɣa.

18-Rɛɛcdië aba lek, ku dhiaau në rɛɛcdiën ca looi.

19-Atiircië aa pel nyïïn ku rilkï, ku kɔc man ɣa të cïn awäc aa juëc.

20-Kɔc yee luɔi piɛɛthdië cool në rɛɛc aayee atiircië, aayee teer kek-ë ɣa nëkë yan kë

path tiiŋic në luɔi.

21-Duk-ë ɣa nyiɛɛŋ wei Yekoba , ku duk-ë rɔt yee cuɔt wei ba mɛc ke ɣa , Yïïn

NHialinydië.

22-Yee dac bɛn ba ɣa kony Yïïn Yekoba , Yïïn luäŋdië.

DIT 39

Lɔŋ de nyïc ku päl de awäc

ACA lueel ya ba luɔidië yaa tïŋ, lan ban ye yaa wuööc në ɣa liep.

2-Ɣɛɛn bï athok yaa muk cï kë cïï duut thok në lääk, të tɔɔ kɔc rɛc në ɣa nyin.

3- Liɛɛmdië aca muk, bï ciën kë luɛɛl, ɣɛɛn cï biɛt agut wël path, nɔŋ-ë ɣa cɔk reem ku

dhiaau puööu.

4-Ɣɛɛn ee cï puöu tuöc arëët akɛnythïn, ku naa tak ëkɛɛ ke mac tul, guɔɔ jam në ɣa

liep.

5-Yaa Bɛnydït cɔk ɣa anyic thökdië ku cin de niëncië, ba pïïr ban pïïr dïk-ë nyïc.

6-Tïŋ Yïïn cï aköölcië aacake thɛm cin, ruöncië aaciee käŋ të nɔŋ Yï, ku raan ëbɛn yee

pïïr ee luethic ëbɛn.

7-Ee mɛɛn Yekoba ee ŋu tiɛɛt ba looi ? ŋäthdië atɔ në Yï yic.

8- Ee mɛɛn , Bɛnydït ee këno yee ŋäthdië, ŋäthdië atɔ në Yï yic në yic.

9-Luäk ɣa në karɛcciëiic, ku duk-ë acïbëël adal në ɣa.

10-Ɣɛɛn abï jäl biɛt, acïn ke ba bɛr lueel , në ŋu ee Yïïn aloi ye ba gum ëkälɛ.

11-Nyaai-ë luöönydu të nɔŋ ɣa, ee yïr-ë cindu ëkë näk ɣa .

12-Naa raan waai në kërac, ke Yïïn cɔk dhëëŋde cɔk ajiɛl cï kɔm kek-ë alath, yen raan

ëbɛn ee lueth ceŋic.

13-Piŋ lɔŋdië Bɛnydït, ku yee cɔtdië döt në Yï yïïth, duk-ë ɣa bït në dhiëndiëën de

anyin.

14-Ɣɛɛn yee alei të nɔŋ Yïïn ɣɛɛn yee abakök, cï man de wunkuandït kedhiɛ.

15-päl ɣa ëmääth ba rëër atök në riɛldië, ke ɣa ŋoot ke ɣa këc guɔɔ la ɣöu dhël, laar të

cien-ë ɣa ber kaŋ tïŋ thïn.

DIT 40

Din-ë pɔny

YEKOBA aca tiit në liɛɛr de puöu, goo rɔt wɛl ɣa , ku piŋ cɔt de dhiëndië.

2-Ee ɣa bɛɛi bei në adhuöm racic, ku në tiökic, ku ciɛp ɣa cök në kuuric, ku dooi

akɛthcië.

3-Ku tɛɛu din jöt në ɣa thok- ku pɔny ee tɔ ke NHialinyda, abïï kɔc juëc tïŋ ku riöckï,

ku gamkï Yekoba në gäm adöt.

4-Raan ayee thieei , ran yee Yekoba gam në gämadöt, ku ciee kɔc dït puööth ëriëu, ka

yïn rɔt wɛl alueth yee ye piŋ thok.

5-Ee Yekoba, luɔiduun gɛi-ë akuöt arëët, luɔi ca looi , aciee lëu ne kuɛn. Ku tɛkdu tɔŋ

O , aciee rɔt ëkueen ke kuany ye cök, naa diëk ëcɔɔl ku jääm në ke. Keek aajuëc akaa

ciee röt ëlëu ne kuɛn.

6-Kakke köc ku mɔc aacï nɛk tuil ke yï, yiëëthcië aaca ke liep. Mɔc cïï nyop ku köc de

rɛɛc aacïï ke yee yuïc ee mɛn.

7-Guɔɔ jäl lueel, “ kɔŋ kɔɔc , ɣɛɛn bɔ , kë cïï gɔɔr në këtäp duɔlic ajam në ɣa.

8-Ɣɛɛn yee puöu miɛt të luɔɔi ɣɛn këde piäändu, ee NHialinydië, ku lɔɔŋdu ee tɔ në

ɣapuööu .

9-Thoŋ piɛɛth de Lajik acan wëët në duutic dundït, pacɔk ɣɛn këc athok duut, Yekoba,

Yïïn adïk-ë nyïc apath.

10-Lajiŋdu akɛc thiaan në ɣa puöu, Lajiŋdu aca luɛɛl beec kek-ë luäŋdu. Nhiëërduun

path akɛc kuöm piny kek-ë yiɛɛnydu në pandïït cï mat nhom.

11-Duk-ë piathduun de käc de Yï puöu yee pɛn ɣa, ee Yekoba , cɔk nhiëërduun piath

ku yiɛɛnydu ayee gäk në ɣa puööu.

12-Rɛɛc cï lëu në kuɛn acï ɣa gööl , ku awääccië aacï ɣa cooth, aɣɛn cï lëu nhial në liec,

aajuëc akaa wär nhïm ke ɣa nhom, aɣɛn cï puöu yuïïk.

13-Ee NHialic, miɛt-ë puöu ba ɣa luöny bei, dɔc ɣa wuöth bei në kuny Yekoba.

14-Cɔk ke ayee jäl many, ku bɛɛi-ë ke në liääk-ë nhomic, kɔc yuïc bïk pïïrde riöök,

kuaath-ëke ciëën ku cɔkke ajɔl yiic liɛɛr, kek man yee ɣa nhiër riääk.

15-Në yic liɛɛr yee ke kök nyïïn në pïïu ke dhiëëu, kek kɔc-ë ɣa bui, ɣä , ɣä.

16-Në raan ëbɛn ran yee Yï göör në yee puöu miɛt, ku yumkï ke puööth në Yï, Cɔk

anhiar luäŋdu ayeekï lueel aluööt , ee bïï Yekoba yaa nhoom.

17-Ɣɛɛn yee aŋäŋ ku ya agördɛ, Ku Yekoba aŋot-ë yee tak në ɣa, Ee , yïïn Yekoba , ee

Yïin-ë kee kunydië ku dëlunydië, duk-ë yee gääu, ee NHialinydië.

DIT 41

Thiëi ku guöm –ë NHialic gam

RAAN ayee thieei ran yee tak në aŋääŋ, abïï Yekoba yaa luök në aköl-ë kërac.

2-Abïï Yekoba yaa muk ku cɔk apïïr, ku ka bïï thieei në tiɔp nhom, ku ka cïï bï yaa päl

në atiirke cin.

3-Abïï Yekoba yaa yiëk riɛl të tuɛɛny yen agen nhom, ku yee muk tëdeen-ë bɛc ëbɛn.

4-Yekoba , ayaa lueel yee puöu käc në ɣa, ku cɔk tiëpdië apuɔl nëkë can Yï luöi rɛɛc.

5-Kɔc ke aterdië aaye ɣa wak, jamkï “ bë cak thou nin , ku bï riɛnke riääk “

6-Ku naa bë ɣa bɛn-ë neem ka luel lueth, ee rɛɛc kuöt në ye puöu, ku naa rëër etök

kaa loop beec..

7-Kɔc man ɣa kedhiɛ aayee ɣa wak, ayeekï ciir bïk ɣa nɔk.

8-Ayeekï lueel randaan wɛɛr acïï tuaany rac arëët dɔm, ee mɛn tuaanydeen-ë acï rɔt

bɛr jɔt në ye guöp.

9-Ee yic agut mäth nyiɛc, mäth yee cam kek-ë ɣa, aacï ke cök teem aciee bɛr bɛn.

10-Ku Yïïn , Yïïn Yekoba käc-ë puöu në ɣa , ku jat-ë ɣa nhial, ku ba ke cuööt.

11-Ayaa nyic në yee kän, ke Yïïn yee puöu layum në ɣa , nëkë ciee ran de aterdië ɣa ye

tiaam.

12-ku të nɔŋ ɣa , ke Yïïn yee ɣa jaac nhial në piathdiëic, ku cɔk ɣa ayee rëër piiny , rɛɛr

në Yï nhom athɛɛr.

13-Ee ya bï athiɛɛi yaa tɔ kek-ë Yekoba , Yeen man yee NHialiny de Yïthërɛl athɛɛr ku

agut yen athɛɛr.

DIT 42

Ŋɛŋ de NHialic aköl-ë kërac

Yɔɔp yee thɔn-ë lɛi pul-ë pïïu yɔɔp, yen ee tëde tiëpdië ke Yï.

2-Tiëpdië acïï rou nɔk arëët ron-ë Nhialic , të nɔŋ NHialiny yee pïïr, ee nin ban bɛn ba

kɔɔc në Yïnhom ku duöör.

3-Ɣɛɛn ee dhiaau në akɔl ku wɛɛr, pïïu ke ɣa nyin kek aaye miëthdië, ku kaa lɔk-ë kee

jam, “ tɔɔ tëyo yen-ë NHialinyduun-ë ?”

4-Të tak ɣɛɛn ëkääk , kë ɣɛn aŋɛɛr puöu, ku naa laar ɣön-ë NHialic ke duut, ku ŋäärke

të ciɛth kek kueric, kee dundïït-ë ajɔl ket në diɛt ke miɛt-ë puöu ku wuɔɔu dïït-ë pɔny

puɔɔny-ë NHialic.

5-Eeŋu yan thuc? Eeŋu yan riɛɛr ? Ŋäthdië aba tääu në NHialicic, ku bɛr puɔɔny pei,

Duluäŋdië ku yee NHialinydië.

6-Eeŋu yee yuët yï, yïïn tiëpdië? Yee NHialic ŋɔɔth, ku ɣɛɛn bï yaa dhiac ke piaany, yen-

ë kee lääu de piäändië ku yee NHialinydië.

7-Oi, NHialinydië, tiëpdië acï yuïïk piny në ɣa guöp, ëkän aban Yïïn tak piny de Jordan,

ku në ɣermon nhom nhiaal në thɔɔny-ë kuur de Mïdhaar nhom.

8-Thuth ee thuth-ë cɔɔl në aruööt dïït de pïïukun lööny piny në kuur nhom nhiaal,

atiɛktiak ku atubbuööu ëbɛn aacï ɣa manpiny.

9-Ku Yekoba abï nhiëërdeen de käc de puöu abï tuööc aköl, ku yee diɛɛnde tɔ në ɣa

thok wakɔu, agut lɔŋ läŋ ɣɛɛn NHialiny yee pïïr.

10-Ku NHialic Kuurdië aba yɔɔk, yee ŋu cïn nhom yaa määr në ɣa? eeŋu yan dhiëëu

looi në wɛt-ë kɔc ke aterdië? Yee ŋu yan lɔk-ë ɣa dhiaau në yɔŋ de ran nɔŋ ater ke ɣa.

11-Yɔŋ yee kɔc ke ater, ɣa yɔŋ, ee ciët theep në yomciëiic, ku kaa ye gäk ëke thiëc

“NHialinydu tɔɔ tëyo ?”

12-Ee ŋu yuït-ë yï, yïïn tiëpdië ? ku yee ŋu cieen yïïn ëlɔ dïu në ɣaic.

13-Yee NHialic ŋɔɔth nëkë ben yaa dhiac ke puɔny, yen-ëkee lääu de piäändië, ku yee

NHialinydië.

DIT 43

Ba NHialic lɔŋ në kööl ke ariɛɛr

NHialic löm aruŋdië ! ku gël ɣa në kɔc rɛc cin . Luäk ɣa të nɔŋ alueth-ë kɔc cïn awɛiic

thiöökkä .

2-Yïïn ee NHialic Yï tök, Yïïn yïtök ee Yïïn atɔɔ riɛɛldië thïn, ee ŋu dɛ Yïïn ɣa dhäŋ në

Yï lɔɔm ku bär-ë ? ba dhuööth në muööthic në wɛt-ë kɔcciën ater ?

3-Oi, tuɔɔc-ë ɣɛɛrDu beec ku yiɛɛnyDu, bïk ɣa gël, bïk ɣa ŋɔɔr, cɔkke aŋɛɛr ɣa në

kuurDuun Lajik nhom, bïk ɣa ŋäär të Yïïn rëër thïn.

4- Ku naa ca ɣet ëtënë ke ɣɛn bï lɔ në kän de Köc de NHialic nhom, laar të nɔŋ NHialic

man yee yen yee miɛt-ë puöu kuëër bei thïn, NHialic Yïïn aba yaa puɔɔny në thom,

NHialic. NHialinydië.

5-Eeŋu dɛ cïn ɣa bɛr ŋeer puöu ? eeŋu can puöu rɛc-ë rɛc ?

6-Ŋäthdië aba tääu në NHialicic, ku Yeen aba bɛr puɔɔny pei- Duluaŋdië ku Yee

NHialinydië.

DIT 44

Lɔŋ de gör Gël

NHialic , acuk piŋ në O yïïth yen luɔi ca looi , acïï wunkuandït lɛk O, Ka ca ke luöike

dhëlic ɣɔn, nïnke kɔcdït thɛɛr.

2-Dɔl aacake cuɔp wei tueŋ në ke nhïïm në köŋ riildu, ku comke , ku nhiaac-ë kɔc ku

ciɛɛc-ë ke wei pinyden bïk thiɛI pinydɛ.

3- Aake cï yök piny në riɛl de theep ( abät-täu) , ka cï riɛɛl de kökken ke kony, ee yee

cin cuëëcdu ku aŋoŋdu ku ɣɛɛr de guöpdu yen eekë kony në nhiɛɛr Yïnke.

4-NHialic yïn yee Mëlëŋdië, cɔk Jakob atiäm në löŋduun ca caal beec.

5-Në Yï ke kɔc ke aterda aabuk yaa thuöny piny, kɔc yee röt jɔt O, aabukke yaa dum

në Riɛnku.

6-Aciee dhaŋdië yen ban rɔt yaa geei, ka yee thɛɛmdië yen be ɣa luök.

7-Yïïn Yekoba, ee yïïn-ë ka cï O luäk bei në kɔc ke ater cin, ku cɔk man O amany

guöp.

8-Ee wɛtdu Yïin Yekoba ëka yee Ok onhïïm lɛc aköl riëëc, ku yeeku Riɛnku puɔɔny

alɣɔn.

9-Yekoba Yïin cïcuat wei , ku cɔk O amany guöp, ku Yïin ciee lɔ kek-ë rem-ë thɔrda

tɔɔŋ.

10-Yekoba , Yïin ye O ca dhuk ciëën kɛtku në kɔc ke aterda, ku jɔl kɔc man O kakkua

peec ëke yee kak-ë gupken.

11-Yekoba , Yïin cï O gam cï amääl cïi ŋuun ke yee miëth cam, ku jɔl O käär në dɔliic .

12-Yekoba , Yïïn cï Ok kɔckun nhiäk ɣaac në malïm, ku cïk cin ber naŋ bäny në kakkun

ca ɣɔcke.

13- Yekoba , Yïin cï O cɔk ayee yaaŋ të nɔŋ kɔc ke akɛɛth nhïim, ku cɔk O ayee buööi

ku dɔl të nɔŋ kɔc thiääk ke O yuil O piny .

14-Yekoba , Yïin cï O cɔk ayee athɛŋ në dɔliic, ku yee kɔc cɔk ayee kenhïim teŋ në

wɛtda në kɔciic.

15-Manydië agak ëkääc në ɣanhom tueŋ, ku riööc-ë nyindië acï ɣa maan nyin piny.

16-Röl de Mëyɔŋ ku mëlɛt, në wɛt de atiir ku mëguur.

17-Kääkkedhiɛ aacï yuïik në O yëth, ku Ok këc nhïim kaŋ määr në Yï Yïin Yekoba, ka

cuk kaŋ kuöc luui në löŋduun mätic.

18- Puööthkua aakëc kaŋ dhul ciëën, ka cï akɛthkua kaŋ yiec wei në kuɛrkuiic.

19-Yekoba , Yïin cï O dhuɔŋ ɣön de awan, ku kuöm-ë piny në atiëm de thuɔɔu.

20- Naa cuk nhïim määr në Rimke NHialinyda , ka yïnku o cin gäm nhiëliic ke alɛɛi kɔk.

21-Ke cï göör NHialic yen-ëkän ? Në ŋu NHialic anyic kë cïi thiaan në raan puöu.

22-Ku në wɛtdu anɛk-ë O në nïn kedhiɛ, Ok aayee kueen ke O cït amäl yee teem röl

ëpath.

23-Pääc-ë ! Yekoba , yee ŋu niin Yïin ? Jɔt rɔt ! ku duk-ë O cuɛt wei athɛɛr.

24-Yekoba yeŋu Yïin Yï nyin tɔɔ , ku yee nhom määr në yaaŋ yɔŋ-ë O ku nhiɛɛc ?

25-Tïipkua aacïi duɛny në tiapbuölic, ku mot-ë guöpkua në turic.

26- Jat rɔt ba O kony, ku wëër O bei në nhiëërde käcduun de Yï puöu.

DIT 45

Din-ë thiëëk de Bɛnynhiam

Ŋuun path acï ɣa thiööŋ puöu, kak-ë nyin kuaany aaya beric në luɛl ka thääny thok ke

Mëlëk .

2- Liemdie yen ee galam de dugär rɛɛr wɛnthɛɛr.

3-Yïin anɔŋ awɛiic , ayïin wär wɛt ke raan, athiɛɛi ee wɛl piny në Yï liep, ëkän eka cïi

NHialic yï thieei athɛɛr.

4-Në anhomnhiam de nyiɛc lɔtueŋduic yïin ran ril .Në wɛt-ë yiɛɛnydu , kur-ë puöu, ku

lajik, ku yee cin cuɛɛnydu ka path arëët pɔɔc.

5-Yuɛthku aawäi ëke moth në mëlëŋ de kɔc ke aterdië puöu, ku yuëëk kɔc në Yï cɔk.

6-Thönydu ee atɔ athɛɛr agut yen athɛɛr wadɛ, waai de Lajiŋ yen-ëkee waai de CeŋDu.

7-Yïin Yekoba , Yïin yee kɔc lajik nhiaar ku yee kɔc rac maan, Ke yeen NHialic,

NHialinydu, acï yï tɔc , në mökdeen de miɛt-ë puöu , ajɔl wäriëëcku wuör.

8-Alɛthku kedhiɛ aacïi nuaainë wäl nyïr ku aluuth ku kathia, ɣöötdït ke tuŋ aakön ayee

kek Yï luöi miɛt-ë puöu thïn.

9-Nyïïrke Mëlëëk aatɔ në kɛmke diärkuön thiekiic, Tiɛŋ bɛny ee kɔɔcnë cin cuëëcdu ke

ceŋ thian bïi-ë pan-ë Opiir.

10-Nya , piëŋ-ë, ku yee takic ku liep yï yïc, ku mär-ë nhom në kackuön ayɛ , ku mär-ë

nhom në pan-ë wuur .

11-Ke Mëlëk abïi tuil-ë dhɛɛŋdu jäl nɔk arëët, nëkë Yen Bɛnydïtdu yee door.

12-Ku jɔl nyan de Turo , jäl bɛn ke muk mɔc, ku acïbänydïit tɔ në kɔciic abï piathdu yaa

göör .

13-Ku Nyan-ë pan-ë mëlëk acï thiäŋ në nhuɔɔm ɣöndïit-ë pan-ë Mëlëk, alɛthke aacïi

cuëëc në thiaau.

14-Abïi bɛɛi yïn-ë Mëlëk ke ceŋ alɛth ke cït juëc, Biëm kakken-ë Ye ruac, aabïi bɛɛi

yïn-ë ke Yï.

15-Kek-ë miɛt-ë puöu ku ciɛɛu aabïi ke bɛɛI, ku luɛŋkï ɣöndïit-ë mëlëk.

16-Në nyin-ë wurkuönic ke kaa bï yaa wɛtkuön, man bakke looi ëke yee Bäny në piny

nhom ëbɛn.

17-Riɛnka aaba ke cɔk ayee tak në rïc thok ëbɛn, kän abïi kɔc rinku yaa puɔɔny në rïc

thok ëbɛn athɛɛr.

DIT 46

NHialic ee tëde thiaan de kacke ku yee Maadɔm dɔl.

NHialic ee tëde thiaan ku riɛl, ee kony në tää ëbɛn.

2-A Ok cï bï yaa riööc të cɔk piny nhom rɔt waar, ku nyiɛɛi-ë kur lee ke cuat baar.

3-Nɔŋ-ë pïïu ke bar cɔk atubbuööu yaa looi ku loikï ariɛɛr, ku met Kurdït röt.

4-Ciir atɔ kek-ë nyïïn, nyïïn yee gendïït de NHialic cɔk amit puööu, të Lajik de Akema

de NHialiny Dït arëët.

5-NHialic abï yaa tɔ në yee ciɛlic ëka cï bïï yaa rïït, abïï NHialic dac kony cï bɛn-ë

bääk-ë piny.

6-Dɔl aake cï ɣök, goo ciëŋ rïït, naa lee röl görɔk goo piny nhom lɛɛŋ.

7-NHialiny de rɛm atɔ kek-ë O, ku Nhialiny de Jakob ee tëdaan-ëthiaan.

8-Bäkkä –daa ! tiëŋkä luɔi de Yekoba ku lɔn cien piny nhom luöi aŋöl .

9-Ee tɔɔŋ cɔk kääc në piny thok ëbɛn, ku dhuuŋ daŋgaa kɔɔth ku tem tɔɔŋ kɔɔth ku

cuɛny riëth ke ajöŋköör në mac.

10-Yee tɔ ëdïu ku nyic ke ɣa yee NHialic, Ɣɛɛn ëka bïï miɛɛt nhom nhial në dɔliic

kedhiɛ ku miit-ë ɣa nhom nhial në piny nhom ëbɛn.

11- Nhialiny de rɛm atɔ ke O, ku Nhialiny de Jakob ee tëdan-ë thiaan.

DIT 47

Pɔny ke NHialic ku Dumɛɛcke piny nhom

Pamkä we cin wek juöör ëbɛn , ku calkä NHialic në röl de kɔc cï tiam.

2-Nëkë yee Yekoba Dït arëët , yen-ë ka yen-ë riööc , Yeen ee Mëlëŋ Dït në tiɔp nhom

ëbɛn.

3-Kɔc aabï tääu piny në O cök , ku tɛɛu dɔl kedhiɛ në riɛɛldaic.

4-Abï piɛny adönyda juër Ok, ku juiir piath Jakob man nhiɛɛr.

5-NHialic acï lɔ nhial kek-ë cɔt, ku Yekoba ke röl de kuöth de tuŋ.

6-Yaakä Yekoba puɔɔny në kët , yaakä Mëlëŋda puɔɔny në kët.

7-Nëkë Yen NHialiny Mëlëŋ de de tiɔp nhom ëbɛn , yaakä puɔɔny në adöt.

8-NHialic yen-ë kee dɔl mac , NHialic ee nyuc në thönydeen de Lajik nhom.

9-Wɛtke Bäny ke juöör aayee guëër bïk yaa juör cï NHialiny de Abëram gam, nëŋu kööt

ke tiɔp nhom ëbɛn aayee kakke NHialic., Nhialic acïï miɛɛt nhom nhial arëët.

DIT 48

Dhiɔn Pendït de NHialic

YEKOBA yen-ëka dït , ku yeen apath bïï ya puɔɔny arëët, në pendïït de NHialinyda, në

kuurdeen Lajik nhom.

2-Adhëŋ në jɔt-ë nhial, yen ee miɛt-ë puöu de piny nhom ëbɛn. kuur-ë dhiɔn në cuëëc

, pendïït de Mëlëŋdïït thiekic.

3-NHialic atɔ në ɣöötken dïït ke Mëlëk , acïï nyiëc-e , ke yee tëdeen-ë thiaan.

4-Tiëŋkä, Mëlëëk aacï ke nhïïm mat, ku bɛkkï atök

5-Acïk tïŋ ku gookï guɔɔ gäi, aa ke cï rɛɛr , agokï kɛt wei.

6-Ku jɔl riööcke guɔɔ dɔm ëtɛɛn, ku arɛɛm, arɛɛm cït rɔm-ë tiŋ dhiëth meth.

7-Cï man Yïn riëthke Taricïc dhoŋ kɔɔth në yom bɔ piny ciëën.

8-Cï man cïï Ok ye piŋ-ë , acïï Ok ye tïŋ ayɛ, në pendïït de Yekoba de rɛm, në pendïit

de NHialinydaic, abïï NHialic dooi athɛɛr.

9-Ok aacï tak arëët NHialic, në nhiëër piɛɛthduun-ë , në YekuluDu ciɛlic.

10-Cï mën de Riɛnku , NHialic, yen-ëkee të de pɔnydu akan alaɣɛn, Cin cuëëcdu acï

thiäŋ në Lajik.

11-Cakkä kuur de Dhiɔn aciu ku cakkä nyïir Judɛ ala puööth yum, në wɛt de Luŋdu.

12-Cath-ë ke Yï yuil Dhiɔn , ku jɔl cath ke yuil, kuen abɛɛr ke ɣön-ë atɔn bär .

13-Yee luɔi de mör deet apath, ku nyic ɣöötken ke Mëlëëk, ku bak yaa lɛk rïny bɔ ciëën

wadɛ.

14-Në kë Yee kän NHialic , man yee NHialiny athɛɛr agut yen athɛɛr, abï yaa dugëlda,

agut cï thou.

DIT 49

Bëël yen-ë Bäny-ë käŋ yiëk gämcïndak

Piɛŋkä wedhiɛ ëkän wek kɔc ceŋ piny nhom, wɛlkä we yïith bak piŋ wedhiɛ.

2-Yïïn ran kor ku randït wedhiɛ , acïbääny ku aŋäŋ wedhiɛ.

3-Thuɔɔŋdië, abï yaa jam në nyïc , ku lɔŋ puɔɔth de ɣa puöu, abï käŋ yaa döt apath.

4-Ɣɛɛn bï ɣa yïïth jäl päl piny ku yaa kääŋ thɔɔth, ku baŋ cool de jamdië aba luɛɛl beec

në thom.

5-Ku yee ŋu yan riööc akööl ke luɔi rac, të yee rɛɛc ɣa cop cök , gɔɔl ɣa piny.

6-Keek man yee röt geei në määl , ku yeekï ke nhïïm lɛc në bänydïït tɔ ke ke.

7-Acïn ran töŋ de kek cï mɛnh-ë kaŋ waar, ka muɔɔc NHialic bë yaa wɛrdeen de rɛt.

8-Cin wɛɛr-ë tïïpken ee cin dït arëët, ku ka bïï dhiil-ë päl ëkɛɛ athɛɛr.

9-Ku bë jäl lɔ tueŋ ke pïiï athɛɛr, ku cï kɔŋ kɔl tïŋic.

10-Ayee tïŋ ke kɔc nyic käŋ yee thou, ku yee acïbëël kek-ë ran yee kɔc kɔk yɔŋ aathou

atök, ku nyiɛŋkï kakkɛn kɔc kɔk.

11-Täŋdɛn de ke puööth akɛny thïn ee lɔn bïï ɣöötken ceŋ athɛwɛr, ku yee të dɛn-ë

ceŋ tɔ thïn në kuatic ëbɛn alɔ wɛn, aayee pinyken cäk në riɛnken.

12-ku nɔŋ-ë cɔk raan nhiam, kee ka cï lëu tää thïn alɔɣɔn, ee ciët län yee thou.

13-Ee yiën ëkɛɛ të nɔŋ kɔc cï bël , ku wëlken aayee kɔc ke cɔl yith.

14-Aa cït amääl , cïtkï böŋ cïï kan rɛɛŋ, aa bïï thou ke yaa cam, ku ran layuic abï

kuum në ke nhïïm nhiäkduur, ku dhëëŋden, abïï raŋ cam, të mec ke tëdɛɛɛn-ë ceŋ.

15-Ku NHialic abï tiëpdië waar në riɛɛl de raŋic, nëŋu yeen abï ɣa loor.

16- Duk-ë yee riööc të tïŋ yïn randɛ ke cï bäny, të lee nhiaam de ɣönde rɔt juak.

17-Ku naa thou ka cïn töŋ bë jääl ke ye, në ŋu nhiaamde acï bë dhuk piny të nɔŋ-e.

18-Ku naa cï cak ceŋ kee ka cï rɔt thieei, kɔc aabï yï yaa puɔɔny në puɔɔth ca luöi rɔt.

19-Ku yeen abï lɔ në rïny de wunkenic, keek aacï bë ɣɛɛr kaŋ tïŋ .

20-Raan ran tɔ në nhuɔɔmic , ku ka cïn kë yee deetic, abï yaa ciët lɛi, län yee thou.

DIT 50

Duör Yic

NHIALINY töŋ nɔŋ riɛɛl ëbɛn, NHialic Yekoba , acï jam ku cɔɔl piny thok ëbɛn gɔl të

yee ruɛl bak thïn agut të yen lööny piny thïn.

2-Abɔ bei dhiɔn , la cäp de dhëëŋ , në ŋu NHialic abï ruɛl thïn.

3-NHialinyda abï bɛn ku ka cï bë kaŋ biɛt , abïï many-ë ruööc ŋɔɔr ku ka bïï abiäär

gɔɔl piny.

4-Abï kanhiaal cɔɔl piny nhiaal, ku cɔɔl piny nhom ëbɛn bï kɔcke luk.

5-Kɔc ciën cïïthieei mätkä röt ɣa, week man cï mät looi ke ɣa në köc.

6-Cakkä pan nhiaal anyooth lajiŋ de ,në kë yee NHialic Yekoba mëluk ariɛlde .

7-Piɛŋkä apath wek kaccië , ɣɛɛn abï jam, ee Yïthërɛl , ku ɣɛɛn abï kuöc jam në yï, ee

ɣɛɛn akee NHialic , yaa NHialinydu.

8-Yïïn cï ba cil në wɛt-ë köcdu, ka mɔcduun cïï nyop , man yee gäk në ɣa nhom aluööt.

9-Muɔr-ë woŋ acaa kɔŋ lööm pandu, ka yiën thɔk lööm në thökiic.

10- Nëŋu läi tɔ roor ëbɛn aayee kacië, ku böŋ-ë woŋ dïït alïp, tɔ në kur nhïïm ee

këdië.

11-Diɛt tɔ në kur nhïïm ëbɛn aanyiɛc kedhiɛ, ku läi tɔ roor kedhiɛ aayee kacië.

12- Nɔŋ-ë ɣa nɛk cɔk, ka ciee yïn lar thiëëc , në ŋu tiɔp nhom ku ka cï ye thiööŋ nhom

aayee kacië kedhiɛ.

13-Ɣɛɛn lɛu rïŋke adɔŋ në cuët, ka lɛu rim ke thök në dëk.

14-Yaakä NHialic gäm mɔc de lɛc, ku yaakä kuëëŋduön gäm NHialiny dït de pan

nhiaal .

15-Yaakä ɣa cɔɔl akööl ke riɛɛr, ke wek aaba kuöny bei , ku wek aabï ɣa nhoom.

16-Ku ka cïï NHialic lɛk kɔc rac, “ee yiɛɛny ŋu tɔ ke yï aba ceŋdië caalic beec, ka yiën-ë

mändië lööm bïn jam thïn.

17-Naa tiëŋ yï , ke yïn aman yöök yen-ë yï yɔɔk, ku yee wëlcië yär-ë yï kɔu ?

18-Të tïŋ yïn cuär yee cuëër ke yïn amat yï cin ke ye, ku yïïn cï jäl luui arëët ke mëköör

–ë diär kɔk .

19-Yïïn ee yï thök gäm majɔk, ku yee liɛɛmdu karɛc kueer.

20-Yïïn yee nyuc piny ku jälkä wän muthduön cään kɔu, dhiënh-ë mor ayee guɛɛl kɔu.

21-Kek-ë kääk aaca ke looi ku biɛɛt-ë path, ee yee tak ke Ook odhiɛ cït yï, ku yïïn aba

jäl cil, ku jälke mac piny në yï nhom.

22- Yïïn ran yee nhom määr në NHialic, muk ëkän apath, naa ciee ye ke yïïn aba reetic

aba yaa ŋuëk, ku ka cïn kë bïï bɛr gam .

23-Raan ëbɛn yee lëëc ee ɣa nhoom, ku të nɔŋ yeen man yee rëërde cɔk ayee yic , ke

ɣɛɛn bë luäŋ-ë NHialic nyuɔɔth.

DIT 51

Lɔŋ de wël-ëpuöu

YEE puöu käc në ɣa NHialic. Të cït të de nhiëër piɛɛthdu , të cït të de amat nhomdïïtdu

yïn puöu käc wɛɛc-ë karɛccië wei.

2-Lɔk ɣa apath në awääcciëiic ku jɔl ɣa thooth aba layuic në karɛccië.

3-Në ŋu awääccië aaca ke nyic , ku rɛɛcdië ee dhiac në ɣa nhom aluööt.

4-Ɣɛɛn cï rɛɛc dïk-ë lui-ë Yï Yïïn yïtök, ku diëk ëkë rɛɛc-ë luöi në Yï nyinku Yïïn ëka

bii dhiil-ë yök ke yï nɔŋ yic të lan jam pei.ku naa lɔr kuum ka cïn agääk thïn.

5-Tïŋdaa ɣɛɛn ee cak në rɛɛcic, ku maa ee liac në ɣa në rɛɛcic.

6-Tïŋ , ee yic yen ayee göör në ɣa yic baŋ thïn , ku në ya yic akɛny thïn , Yïïn ee ɣa cɔk

anyic nyïc.

7-Jɔl ɣa waak në kithop ku ɣɛɛn bï lɔ yuïc , lɔk ɣa ku ɣɛɛn bï ɣɛɛr awär kɔi-ë deŋ.

8-Loi ɣa ba miɛt-ë puöu piŋ ku yum-ë puöu, kek aayee yom cïnke miɛt-ë puöudië

dhoŋ kɔu .

9-Tɔu Yï nyin në karɛccië , ku wɛɛc-ë rɛɛcdië wei ëbɛn.

10-NHialic , cäk-ë ɣa puön layuic në ɣa yic, ku tääu-ë pïïr wëëi lacök në ɣa yic.

11-Duk-ë ɣa cop wei në Yï lɔɔm, ku duk-ë wëëidïït Lajikdu yee nyaai të nɔŋ ɣa.

12-Yee miɛt-ë puöu de luäŋdu dhuök ɣa , ku yee ɣa geei kɔu në wëëiduun yee gam në

puöu ëbɛn.

13-Ku ɣɛɛn bë kɔc-ë rɛɛc luöi kɔc kɔk pɔɔc në kuɛrku , ku kɔc rɛc aabïï wɛl nhïïm në

wɛtduic.

14-Luny ɣa bei në awäc ke rim cï puk piny, NHialic , NHialiny de Luäŋdië, ku liemdië

abï ket në röldït në lajiŋdu.

15-NHialic , liep määndië ,ku pɔny path aba nyuɔɔth në ɣa thok.

16- Nëŋu tuil-ë kɔɔc acï näk Yï ka yïn yaa dɛ ba yiëk Yï, mɔc cïï nyop aciee Yi tiiŋ puöu

.

17-Köc de NHialic de röt , ee puön yee dhiaau, puön yee dhiaau ku yee rɔt wel acïï ye

tɔɔn Yïïn NHialic .

18- Yee piath luöi dhiɔn në piathduun mit yïn puöuic, Yïk pääny ke Jeruthalem .

19- Ku yïn bë puöu jäl miɛt kek-ë köc ëkɔɔc , ëke kɔc Lajik, kek-ë mɔc cïï nyop, cïï

nyop ëbɛn, ku kaa bï adɔŋ jäl yaa gam në känduun-ë köc nhom.

DIT 52

Thök de acarɛɛc ku dɔɔr de NHialic

EE ŋu yïn yï nhom lɛc në dhuriëëth , ran ril athɛɛr ? Piath-ë NHialic ee gum ke latueŋ .

2- Liɛɛmdu ee riääk-ë käŋ yen ayee ciir, acït rëët , rën cï muɔth , ee duwët alui .

3-Ku yïïn nhiar dhuöm arëët awɛr piath, lɔn tör yïn lueth anhiar rɛk awär luɛl de lajik.

4- Yïïn anhiar wël tök thook bake lueel, ku liɛm-ë awan në Yï thok.

5-Nhialic abï yï rac ëkɛɛ athɛɛr, NHialic abi yï nyaai ku lee yï yuëëth wei të duun-ë ceŋ

, ku dhöth yï bei pinyduun-ë pïïr yïïn thïn.

6-Abïï kɔc lajik tïŋ ayɛ ku riöckï , ku buikï guöp, luelkï.

7-Kän ee ran këc NHialic looi ke yee riɛlde , acï gämde ku kunyde tääu në bänydeic ,ku

cɔk rɔt ariɛl në rɛɛcic ke yee riɛlde.

8-Ɣɛɛn acït tim de Olip tiɔp ɣön-ë NHialic , käc-ë puöu de NHialic yen acan gäm

adötdië tääu thïn athɛɛr agut ,

9-Yïïn aba yaa puɔɔny athɛɛr , nëŋu aca nyiɛc looi, ku në kɔcKun cïïthieei nhïïm ,

RiɛnKu aaba ke tiit , Nëkë puɔɔth en.

DIT 53

Lukluk-ë NHialic ku Thiëi

Acïï acïbëël lueel në ye puöu “ NHialic aliu “ aacï riääk , ku aacï lɛtdïït rac looi, aacïn

ran yee këpath kaŋ looi acïn tök.

2-NHialic adaai në ke piiny pan nhiaal dɛɛi në mïthke raan, bë tïŋ lɔn nɔŋ yen ran tök

yee käŋ deetic ,ran yee NHialic göör .

3-Aacïï ŋɛk ke yaa yiec në kuerdeen cï takic , aacï riääk atök kedhiɛ , acïn ran töŋ yee

kë path looi, aliu acïn tök.

4-Mëluui ke karɛc cïnkï nyïc , kek man yee kaccië cam cï ka cam abïk cïï kuöt, ku kaa

ciee NHialic yee cɔɔl ?

5-Ëtë tuui aacï naŋ riööc dït , ëtënë , të cïn kë riɛɛcke, Nëŋu NHialic acï yom ke kɔc-ë

ɣa bäk wɛɛr roor, aaca ke yɔr kɔɔth, aacïï NHialic ke maany gup.

6-Oi, të bïï Luäŋ de Yïthërɛl bɛn thïn akan Dhiɔn! Të lee NHialic apëcKe, kacKe dhuök

ciëën , Cɔkkä Jakob amit puöu ku yup Yïthërɛl ciɛɛu.

DIT 54

Lɔŋ gör kuny-ë bei në kɔc ke ater cin

KONY ɣa NHialic ,në Riɛnku , luäk ɣa në riɛl në riɛɛldekɔɔŋDU.

2- Piŋ lɔŋdiëNHialic , päl-ë Yïyïith wël bɔ bei në ɣa thok.

3-Alɛi aacï röt jɔt ɣa , ku mëyɔɔŋ aagör wɛicië nhïim, aakëc NHialic cäp në ke nhïim .

4-NHialic ee Dugëldië abak tïŋ, Yekoba abï yaa kɔɔc ke wëicië.

5-Abï kɔc-ë aterdië cuöl rɛɛcdɛn. Tɛɛm-ë ke wei nëYiɛɛnyDuic.

6-Yïin aba yaa gäm köc në nhom lääu, Ku yaa Riɛnku puɔɔny , Yekoba nëke yeenkë

path.

7-Në ŋu acï ɣa luöny bei në ariɛɛric , ku acïi nyiɛncië t

Dit 55

Lɔŋ de ran cïi mɛth wäl yuïir

Liëp-ë Yï yïc lɔŋdië, NHialic. Ku duk-ë rɔt yee tɔɔu në wël ke lɔŋdië .

2-Bär të nɔŋ ɣa , ku piŋ ɣa , thiëcdië acïn akäc , ku ɣɛɛn cï thuc në röl dït.

3-Në kë de röl de ran de ater , në kë de nhiɛɛc de kɔc rɛc; aaye ariɛɛr bɛɛï piny

në ɣa nhom, ku mankï ɣa në ɣɔɔk.

4-Arɛɛm-ë puöu adït arëët kë ɣa, ku atiëm-ë thɔu acï ɣa buöör piny.

5-Riööc ku lɛth aacï ɣa nyuöc , ku jiɛth-ë puöu aacï ɣa tiaam guöp.

6-Kän ëka can-e lueel , “diet-ë ɣa nɔŋ wuök cï kuur! Ëya dï cï pɛɛr wei ku ba lɔ

yök ke të de lɔŋ.

7-Ee të de , ee ɣa dï cï köök wei të mec, ku laar rëër roor .

8-Ee ɣa dï cï ɣa cök dac laac wei ba lɔ thiaan në athiäpjiɛɛr dït ku yom.

9- Riökke ,Yekoba, ku wääc-ë ke thook, në ke can rɛɛc tïŋ ku puöt në Pendïtic.

10-Aaye pääny ke Pen yuil aköl ku wakɔu, rɛɛc ku ariɛɛr arɛɛr në ye yic.

11-Riääk atɔ në ye ciɛlic ; nhiɛɛc ku jɔl aciee rɔt ëkaŋ week në kuɛriic.

12-Aciee ran de ater ëkën-ë ɣa käk nhom-ë, aba guum. ka yïn yaa ran man ɣa

ëkë cï ye nhom wɛl ɣa ku miit rɔt nhial në ɣa; aɣɛɛn bï rɔt tɔɔu në ye.

13- ku yeen ee Yïïn, ee ran-ë riëënydië, mëmɛɛndië ku yee mäthdië.

14-Jiɛɛm-ë nhom diny acuk lööm atök, ku cath lɔ ɣön de NHialic në duut.

15-Cɔkke adɔm thuɔu, ku cɔk alɔ pan arɛɛm atïïp ëke pïir, në kë tɔɔ rɛɛc në

ɣööt ceŋkï yiic ku në kɛmkɛn.

16-Ku të nɔŋ ɣa, NHialic aba yaa cɔɔl , ku Yekoba abï ɣa kony.

17- Thëën ku nhiäkduur ku gääŋ ɣɛɛn abï yaa lɔŋ , ku jäl kuui në röldït, ku ka

bï rɔɔldië piŋ .

18-Yeen acï tiëpdië puk në dɔɔr në tɔŋic, tɔŋ-ë cïï juër ɣa, në ŋu anɔŋ kɔc juëc

ke aterdië.

19-Abïï NHialic piŋ, ku bëërke , agut yeen man yee ceŋ athɛɛr. Në ŋu keek

aaciee röt ëwaar. Ke në yee kän aaciee riööc në NHialic.

20-Acï cin ŋɔɔr tueŋ të nɔŋ kɔc ëke nɔŋ dɔɔr ke ye, acï mände acï teem kɔu .

21-Wël ke ye thok aake la nib awɛr mök-ë woŋ , tɔŋ yen ee gäk në ye puöu; ku

lɔ wɛlke mot cï mök, ku kaa ke ŋot-ë ke mïït abättääu bei.

22-Kan-ë ɣäcdu në Yekoba yeth, ku ka bï yï ca kääc , acï bï kɔc lajikke yaa päl

thël-ë wei.

23-Ku Yïïn NHialic aaba ke bɛɛi piny në adhuöm de riääkic ; kɔc nɛk ron-ë

riɛmke ku alueth aacï bë baŋ de akɔl kaŋ thöl ; ku ɣɛɛn bï gämadötdië tääu në

Yï yic.

Dit 56

Lɔŋ de gämcïndak në NHialicic

Käc-ë puöu në ɣa , NHialic , në kë liek raan ɣa, athär ke ɣa në akɔlic ëbɛn

anhiɛɛc ɣa .

2- kɔc ke aterdië aabut-ë cup ke ɣa, kɔc thär ke ɣa aajuëc , NHialinydït arëët.

3-Kaam yan riööc ëbɛn, Yïïn aba ya gamadöt.

4-Në NHialicic aban wɛtde yaa puɔɔny, në NHialicic acan gamadötdië tääu thïn,

aɣɛn cï bë yaa riööc , ee kuŋu lëu guöp bë luöi ɣa ?.

5-Aaye wëlcië yaliic aluööt, täŋ yeekï tak ëbɛn ee täŋ rac ke ɣa.

6-Aayee mat atök , aaye thiaan , ku jitkï akɛthcië yiic, të cïï kek thiaan tïtkï bïk

ɣa nyaai nyin.

7-Naa rëk lëukï poth në rɛɛcic, yee ke yuëëth piny ëriam NHialic në ɣɔɔk.

8-Ɣɔudië aca kueenic , ku tääu-ë pïïu ke ɣa nyin në guöönduic. Naa rëk cï ke tɔ

në buööŋduic ?

9-Të yaat ɣɛn ayic në kuöi caal Yï , ke kɔc ke aterdië aadhuk ciëën; kän anyic,

në ŋu NHialic atɔ ke ɣa.

10- Në NHialicic [ aban wɛtde yaa puɔɔny ] ku në Yekobaic [ Aban wɛtde yaa

puɔɔny ].

11-Në NHialicic acan gämadötdië tääu thïn, aɣɛn cï bë yaa riööc , ee ku ŋu bïï

raan ya lëu në lui-ë ɣa ?

12-Mël ca kuëëŋ në Yïïn NHialic , acï ɣa mac; alɛɛc-ë pɔny aba yaa gäm yï.

13-Yïïn cï tiëpdië luöny bei në thouic. Ku muk cɔkcië në yuïïkic, ku ba cath në

NHialic nhom në ɣɛɛr de pïïr ?

Dit 57

Lɔŋ gör-ë kuɔɔny

Yee Puöu käc në ɣa , Yïïn NHialic yee puöu käc në ɣa, tiëpdië ee thiaan në Yï

yic , ee yic ɣɛɛn bï yaa thiaan në atiëm de wuökkuiic , agut të cïï kek-ë karɛckä

jääl.

2-Ɣɛɛn bï NHialiny dït arëët yaa cɔɔl në dhiëëu, man bï acirde yaa dhiɛɛl thïn të

nɔŋ ɣa.

3-Abï yaa tuöl nhiaal ku luɛk ɣa , ku yee kɔc yee ɣa yɔŋ waai , ku yee nhiëërde

kek-ë gämadötde tuööc.

4-Ɣɛɛn tɔ në kɔmke cuɛr, ɣɛɛn cï tɛc në kɛmke wɛt ke raan, cïï-ke tääu mɛɛc,

wɛt moth lec cï tɔŋ ku yuɛth, ku liɛɛmdɛɛn amoth cï abättäu.

5-Në Yï yee miɛɛt nhom nhial Yïïn NHialic në pan nhiaal nhom ëbɛn , në

nhuɔɔmdu yee piny nhom ëbɛn wuör.

6-Aacï ɣa deep në abuɔi të yan cath thïn, tiëpdië ayuëëk piny në wɛt-ë diɛɛr,

aacï kɔl wec dhölic, dep kek ɣa ku kaa cï lööny thïn në gupken.

7-Ɣɛɛn acï puöu kɔɔc NHialic, ɣɛɛn acï puöu kɔɔc, dit aba ket ku luɔɔi leŋ.

8- Tiëpdië pääc-ë ! yee pääc në dit , thom ku diir, bääk-ë piny aba puööc .

9-Yïïn aba yaa leec NHialic në dɔliic ku ɣɛɛn bï yaa ket në riɛnku në kɔciic.

10 Në ŋu nhiëërdu adït rɛk acï ɣet nhial, ku gamadötdu acï ɣet në dɔric.

11-Në riɛnku yee jat nhial NHialic në nhiël nhïim kedhiɛ, në nhuɔɔmdu yee tɔ

në piny nhom ëbɛn.

Dit 58

Lɔŋ bë NHialic kɔc rɛc yiëk Awäc

Naa rëk yaakä dïk-ë jam awɛiic pacɔk wek duŋɔɔr ? yaakä nyiɛc kuum në kɛmke

kɔc ?

2- Aciee yic , wek yee rɛɛc looi në baŋ thïn ku yee ciɛnkuön dac wär në luɔi de

rɛɛc në piny nhom.

3-Kɔc rɛc aaye määr aŋootkï në adhiëthic , aaye tör në lueth aŋootkï në

adhiëthic ku loikï rɛɛc.

4-Yuïrdɛn acït yuïr de këroor ku cïtkï kuarakunïïn cï miŋ ciee piŋ në ye yïïth.

5-Man ciee röl de kɔc dhom yee piŋ, dhuöm ciee rɔt yee tiiŋ ayɛ.

6-NHialic dhuŋ lec bei në ke thook, yee lec ke ajɛl-ë cuär dhuöŋ bei Yïïn

Yekoba.

7-Cɔk ke ala ɣöny wei cï piëu-ë kuëër yee riŋ ëbiälbiäl lɔ tueŋ të cïn kɔɔc, të

toot yen dhaŋde, ku cɔk yuɛthke aye ciët kë cïï niɔi të muc yen.

8-Cɔkke aye ciët acɔɔm man yee rɔt ruth ku lee wei, cït manh këc man guɔɔ

dhiëëth, agookï ruɛl cuök tïŋ në ke nyïïn.

9-Ke tɔɔnydu këc atuöc de kon dɛp thiëëp, tiɔpkï ka cïk thiaaŋ , kɔc rɛc aabïï

NHialic ke kuaath wei në ɣɔɔkde.

10-Ku kɔc lajik aabï puööth layum të tïŋ kek guur, të lɔɔk kek ke cök wei në

riɛm de ran rac.

11-Ku kɔc aabï jam kälɛ, “kɔc path aaŋot-ë ke riɔpke ,NHialiny luk piny nhom

atɔ pacɔk “.

Dit 59

Lɔŋ bë naŋ lanip

NHialic, luäk ɣa në kɔc ke aterdië cin; yee ɣa gël të nɔŋ kɔc yee röt jɔt ɣa bïk ɣa

nɔk.

2-Luɛk ɣa bei në kɔc yee rɛɛc looi cin , ku kony ɣa në kɔc yee rim ke kɔc dac wäl

piny.

3-Tïŋke , aaye täc aatit wɛicië bïkke nɔk; aacï mat në riɛɛl ril në ɣa, ku ciee wɛt-

ë kë rɛɛc ca looi ka yïn yaa wɛt-ë awääccië, Yekoba yen nɛk-ë ɣa.

4-Aayee riŋ ku juirkï röt të cïn awääc të nɔŋ ɣa . jɔt rɔt ba ɣa kony , ku jɔc ɣa

kɔu.

5-Yïïn ayɛ , Yïïn Yekoba NHialiny de rɛm , Nhialiny de Yïthërɛl , pääc-ë ba kek-

ë dɔlkä waai; duk-ë puöu kɔŋ yaa käc të nɔŋ kɔc yee karɛc wuööc .

6-Aayee lɔ dhuk thëën, ëke ŋär cï jö , ku lek ëke yuil pendït piny kedhiɛ.

7-Në yic , aaye jär në ke thook ; abättäu atɔ në mään-ë thokic; në ŋu aaye jam

, “ Ee ŋa cï piŋ ?” .

8-Ku Yïïn Yekoba , aaba ke buui; dɔl kedhiɛ aatɔ në buööiduic ,

9-Yïïn aba tiit , Yïïn riɛɛlde ; në ŋu NHialic ee dugëldië .

10-NHialinydiëën de käc de puöu abï bɛn bë rɔmke ɣa; NHialic abï ɣa ca tïŋ të

nɛk tuil ɣa në kɔc ke aterdië gup.

11-Duk-ë ke yee nɔk , duök bë kaccië nhïïm määr ; yeeke käär piny në riɛɛldu,

ku miɛɛt-ë ke piny , Yekoba Yïïn man yee köt.

12-Në ŋu rɛɛc de liëpken ku wëlke ke thook, cɔk ke alömke ku tɛɛu-ë në dït-ë

puöudenic, ku në acieen ku lueth yeekï lueeliic .

13-Runyke në ɣökdu , runyke , ku cïk bë bɛɛr tɔ thïn ; ku bïk nyic ke NHialic

kuum në Jakobic agut yen piny thar ëbɛn.

14-Aayee la dhuk thëën , ëke ŋär cï jö , ku lek ëke yuil pendït piny.

15-Aaye ɣɔɔu, acïn të de nyuc, aagör miëth cam , aaciee nyuc të këc kek kuɛth.

16-Ku ɣɛɛn bï yaa ket në riɛɛldu; ëë, ɣɛɛn bï ket arëët në röldït nhiäkduur në

käc-ë puöudu ; në Yïïn rëër ke Yï yee dukunydië ku yee tëdiëën-ë thiaan në

kööl naŋ ɣɛnke ariɛɛr.

17-Ku të nɔŋ Yïïn, Yïïn riɛɛldië , ɣɛɛn bë din-ë pɔny ket; në kë yee NHialic

dukunydië , NHialinydiëën de käc-ë puöu.

Dit 60

Lɔŋ de bïiëbei

NHialic, Yïin cï O cuat wei; Yïin cï O dhuɔŋ piny ; ayïin kec puöu bɛɛr miɛt; Ee ,

dhuk O ciëën.

2-Yïin cï piny yääk; ku dhuööŋ-ë ; bot ɣärke , alɛth piny.

3-Kɔcku aaca ke nyuöth kariliic , Yïin cë O ca dek mäu de nhom liääp.

4- Yïin cï ayääŋ gäm kɔc-ë riööc në Yï, ku bïi riäŋ në wɛt-ë yic .

5-Ku bïi kɔckun nhiar luöny bei , kuöny-ë në cin cuëëcdu , ku piŋ ɣa.

6-NHialic acï jam në Lajiŋde : “ ɣɛɛn bï ciɛɛu looi ; ku cieekem aba tekic , ku

them thuööth de thukoth.

7-Gilad ee tëdië , ku Manathe ee këdië, ku Epiraam ee geŋ de alɛɛi de ɣa nhom;

ku yee Judɛ ee randiëën-ë löŋ gam.

8-Moob ee tönydiën yan lääk; ku Edom nhom aban warcië cuat thïn; ku yïin

Pilithiita , yaat-ë yï yic koth tuŋ në wɛtdië.”

9-Ee ŋa bï ɣa bɛɛi në yee pendïit riil-ë ? ku yee ŋa bï ɣa ŋäär Edom ?

10-Aciee Yï , NHialic , Ee ŋa cï O nyuän piny ? ku Yïin NHialic , Yïin man kec lɔ

beec ke kɔc aterda ?

11-Jɔl O yiëk kuɔɔny në yee riäŋ-ë yic , në ŋu kuɔɔny de raan acï ciën la tueŋ

thïn.

12-Në riɛɛl-ë NHialic abïi O karil looi, nëkë Yen NHialic yen bë kɔc ke aterda

yaa duɛny piny.

Dit 61

Lɔŋ gör-ë Gël

YEE dhiëndië piŋ , NHialic ; wɛl-ë Yï yïc lɔŋdiëën läŋ ɣɛn Yïïn.

2- Kuöi aba yup në piny thar ëtë tuui, të can puöu thiäŋ në dhiëëu ; ke Yï ŋäär-

ë ɣa në kuurdïit bɛɛr wär ɣa nhom.

3-Yïïn cï yaa tëdiëën-ë thiaan , Yïïn yee kändïït riil gël ɣa nhom nhiaal të nɔŋ

kɔc ke aterdië.

4-Ɣɛɛn bï yaa ceŋ në akeemaduic athɛɛr ; gël riil de wuökku aba gamadöt yen

athɛɛr.

5-Në ŋu Yïïn; NHialic , Yïïn cï kuëëŋdië piŋ; ceŋ de kɔc ëriööc në riɛnku aca gäm

ɣa.

6-Yïïn bï run ke mëlëŋ cɔk aajuëc arëetic, bë ruönken rïc yaa määtic .

7-Abï yaa kɔɔc në NHialic nhom athɛɛr . Ee, juir käc-ë puöu ku yic, man bë ye

tɔɔu apath !

8-Ëkän aban Riɛnku yaa puɔɔny athɛɛr agut yen athɛɛr, të ban kuëëŋdië yaa

lueel thïn aluööt.

Dit 62

Cuök dak-ëpuöu në Gël-ë NHialicic

TIEPDIE ee NHialic tiit në biɛt pacɔk ; luäŋdië ee bɛn në Ye Yic.

2-Yeen etök yen ee kuurdië ku yee luäŋdië. Yeen ee dugëldië; acïn kë bë ɣa

kaŋ yaa wëëŋ cök arëëtic.

3-Ba raan bäk agut cï nin ? week wedhiɛ wek bë ŋël, ciëtkä päny ku rɔk yuëëk.

4-Aaye ke thook mat bïk piëk piny në thöny de nhom nhiaal; aapuööth miɛt në

lueth; aaye röt thieei në ke thook, ku kaa cïï cieen akänythïn.

5-Tiëpdië ee NHialic tiit etök ke cï thok ladeeŋdeeŋ, në ŋu ŋäthdië atɔ në Ye

yic.

6-Yeen etök yen ee kuurdië ku yee luäŋdië; Yeen yen ee kunydië; aɣɛɛn cin

kën-ë ɣa kaŋ week cök.

7-Në NHialicic yen ee Luäŋdië ku nhiamdië; kuur de riɛɛldië, ku tëdiën-ë

thiaan atɔ në NHialicic .

8-Yaakä gämadötdun cɔk ayee tɔ në NHialicic alawän wek kɔc; thiäär-ë kë të tɔ

në yï puöu në NHialicic; NHialic yen ee tëdaan-ë thiaan.

9-Kɔc koor täkke aacït abuör, ku kɔc dïit täkke aayee alueth; ku naa themke në

meedhänic , ke kaa puɔl kedhiɛ arɛk abuör aŋuɛɛn në ke.

10-Duk-ë gämadötdu yee tääu në nhiɛɛc-ë kɔcic, ka yiën-ë ruööm cïn yic ŋɔɔth

kɔu; të juɛk bäny rɔt, ke yï duk-ë Yï puöu tɛɛu thïn në keiic.

11-NHialic acï jam në tök, ku kän aca piŋ anaa rou: lɔn tɔɔ riɛɛl ke NHialic .

12-Ku të nɔŋ Yïïn , NHialic, Käc-ë puöu atɔ ke Yï; ŋɛk ayee muɔɔc cï mën-ë

luɔide.

Dit 63

Bä NHialic ŋäŋ

EE NHialic , Yïïn yee NHialinydië ; Yïïn ba kaŋ göör ; tiëpdië acï tuil në Yï ; ku

dɛldië agör Yï piny cï puöu yaak ku piny nɛk rou të cïn pïïu .

2-Ɣɛɛn cï daai në Yï ke Yï rɛɛr të lajik, ba riɛɛldu tïŋ ku tiëŋ nhuɔɔmdu.

3-Në ŋu piathde nhiëërdu apath ëka wär pïïr, Mään de ɣa thok abï Yï yaa

puɔɔny.

4-NHialic Yïïn ba yaa thieei ke ɣa pïïr; ɣɛɛn bï ɣa cin yaa jat nhial në riɛnku.

5-Tiëpdië abï kuɛth cï kë cï kuɛth në yuiir ku piaat, ku thuɔɔŋdië abï Yï puɔɔny

në amiɛt de mään de ɣa thok.

6-Të tak ɣɛɛn Yï në agendië nhom, ke ɣɛɛn jɔl ruu ke ɣa yiën ke puöu tak Yï.

7-Në ŋu Yïïn acï yaa kunydië, ku në atiëm de wuökku aban ciɛɛu yup thïn.

8-Tiëpdië athiök arëët në Yï cök; në ŋu cin cuëëcdu amuk ɣa nhial.

9-Ku kɔc yee wëicië yuïc, bïk ke nɔk, aabï lɔk-ë ke lɔ në tiɔp agɔɔu.

10-Aabï yaa yuïïk në abättäu thok; aabïï awan ke cuet.

11-Ku Mëlëk abï ciu në NHialicic ; Ku kɔc yee kuëëŋ në Ye aabï nhiam; Ku liëp

ke kɔc-ë tör-ë lueth aabïï nhiaac thook.

Dit 64

Lɔŋ de göör-ë Gël

NHialic yee rɔɔldië , röldiën läŋ ɣɛɛn ; ku muk piëërdië në riööc riääc ɣɛn në kɔc

ke aterdië.

2-Thian ɣa në acir cïï thiaan kɔu looi kɔc ke aterdië, të nɔŋ areec wël kɔc rɛɛc cï

yɔɔt roor në luɔi rac.

3-Kɔc moth liëp cï abättäu, cï dhɛŋkɛn kuen bïk yuɛth muɔc , wël kec aayeekï

lueel.

4-Aayee kɔc cïn agääk moc në luɔɔŋ , ayeekï moc ëke cï riöc gup.

5-Luɔi de kërac yen ayee kek ke puööth cuɔth; ee dɛp në luɔɔŋ yen ayeekï jamic

; ku luelkï , “ yee ŋa bï daai në ke ?“

6-Aayee rɛɛc gɔɔk cök ,ku luelkï, “Ok cï göör arëët “ . ku täŋ de raanic ku puön

de raan athuthic.

7-Ku kaa bïi NHialic ke moc në yuɛth; ku gorke guɔɔ yiëk ɣän töök ëbïth.

8-Aabïï NHialic ke cɔk ayee kɔth në ke liëp; ku kɔc yeeke göör aabï kɛt wei thïn.

9- Ku raan ëbɛn abï riööc , ku kaa bï luɔi de NHialic caal beec; luɔi de NHialic

abïk tääu në ke nhïïm në nyïc.

10-Kɔc lajik aabï puööth la yum në Yekobaic , ku tɛɛukï gämadöt në ye yic. Ku

kɔc la puööth car aabï nhiam.

Dit 65

Pɔny ku mɔc de lɛc

Oo NHialic , ee rɔt tiiŋ ke O buk Yï puɔɔny in Dhiɔnic ku mukku kë ëcuk lueel

në Yï,

2-Nëŋu Yïïn yee lɔɔŋ dhuk nhïïm, kɔc kedhiɛ në piny thok aräm aabï bɛn në Yï

nhom.

3-Në kueen kueenke rɛɛcdɛnic , luɛthkua aayee O yuit, ku Yïïn yee O päl

awäckua.

4-Kɔc ca kelɔc aaye thieei, man ca ke bɛɛi bïk ceŋ tëduun lajik. Ok aabï kuɛth

në kapuɔth tɔ ɣɔɔnDu, në athiɛɛidïït de Yekalu lajik.

5-Yïïn yee thiëcda dhuk nhom në tiɛm ca yiëk O ku Yïïn yee kak-ë gäi looi

bïnke O luök. Raan ëbɛn në piny thok aräm ku baar tɔ tëmec aayee gämadöt

tääu në Yï yic.

6-Yïïn cï kur cäp në ɣänkɛn në riɛɛlDu, kän anyuooth riɛlëriɛɛlDu.

7-Yïïn yee atupbuööu-ë bar cɔk ala dïu ku cɔk ayiɛɛi de atiɛktiak alɔŋöu; ku Yïïn

yee ajɔk de kɔc diɛrpiny.

8-Pinynhom ëbɛn ee kɔɔc ëwui në wɛt-ë kadït ca looi. LuɔiDu ee kɔc ca yup

duɔɔt-ë miɛt-ë puöu gɔl në pinythar alagut pinythar ayɔl.

9-Lɔn Yïïn nyin tïït në piny ayee nyuɔɔth në tuuc Yïn deŋ tuööc; Ayee cɔk

abɛny ku nɔŋ biaal. Ku Yïïn yee ciɛr thiööŋ në piëu, ku muɔc tiɔpnhom në nyïïn-

ë luɔk. Kän yen ee të ye luöi ye:

10-Yïïn yee piny cïï puur puök deŋdït ba piɔɔk në piëu ; ku Yïïn yee tiɔp luur në

dɛɛŋ aduɛt ku cɔk wäl ku liëëm acïil bei piiny.

11-Ee tëm cï bäny yïndï yee piathdu bɛɛi! të yen lɔ thïn ëbɛn miëth acï lɔ ŋuan-

ëŋuan.

12-Të de nyuäth acï thiäŋ në böök, ɣän thöny aacïï miɛt-ë puöu thiööŋ.

13- Ɣariic aacï thiäŋ në amääl; ku thuööthic acï thiäŋ në rap. Ku jɔl keriëëc ëbɛn

ket ku yup wuɔɔu në miɛt-ë puöu.

Dit 66

Din de pɔny ku mɔc de alɛɛc

Week kɔc kedhiɛ pianykä NHialic në duɔɔtdïït de miɛt-ë puöu!

2-Kɛɛtkä bak Riɛnke nhoom; gamkä pɔny anhiam!

3-Lɛk-ë NHialic , “ Ka yee looi ëbɛn aaye O ca gɛi! riɛɛlDu adït arëët arɛk

kɔcken ke ater aaye kenhïim guöt piny në riööc.

4-Kë tɔ në piny nhom ëbɛn ee Yï Door ; aayee Yï kɛɛt në pɔny, aayee Riɛnku

kɛɛt puɔnykï-ke.”

5-Bär ba kë cïï NHialic looi tïŋ, kak-ë gäike kek aalui në kɛmkuön.

6-Yeen ee Baar waar ëke yee të cë gel ; awunkuandït aake cï nyin teem të cïn

pïïu thïn, gooku puööth miɛɛt ëtën-ë në ke cï looi.

7-Yeen ee kuum në aŋoŋDe ku jɔl nyin tïit në dɔl. Acïn ran jɛi cï yɔɔt wei bïï

puöl bë ye nhom wɛl yï.

8-Pianykä NHialinyda, wek dɔl kedhiɛ; cakkä pɔnyduön apiŋ.

9-Acï O muk ke O pïïr ku ka këc O puöl buk yuïïk piny.

10-Yïïn acï O tääu në thëmic , NHialic; cï më yen-ë thiau thooth në mac yen-ë

kee të cïn O thɛm thïn.

11-Yïïn cï O ca lööny në abuɔiic ku jat-ë këdïït thiëk në O kɔɔth.

12-Yïïn cï kɔc ke aterda cɔk ayith në O kɔɔth; Ok aacï rëët mɛɛc ku rëtku në

abooric, ku Yïïn cï O bɛɛi të ɣeer layuic de wëi.

13-Ɣɛɛn bï mɔc cïï nyop bɛɛi ɣönDu; Kë ëca lueel aba miaac.

14-Kë ëca lueel wɛɛr tää ɣɛn në ariɛɛric-ë, ke ba yiëk Yï, aba Yiëk Yi .

15- Amääl aba gam ke yee köc bïï nyop në kän-ë köc nhom; Kɔɔc-ë mörëadɔŋ

ku thök , ku atuɛɛi ku tol aabï ɣeer nhial në dɔric.

16-Bäk ku piëŋkä, wek kɔc yee NHialic nhoom wedhiɛ, ku kë cï luöi ɣa aba lɛk

we .

17-Kuöi ee ca yup ke ɣa gɔr kuny ; ku piaany në diɛt.

18-Nɔŋ-ë ɣa cï rɛɛcdië tɔɔnic ka guan në ɣa kɔu, YEKOBA eedï këc ɣa piŋ thok.

19-Pacɔk NHialic acï ɣa dïk-e pïŋ ;acï lɔŋdië piŋ.

20-NHialiny aca puɔɔny, nëŋu akëc lɔŋdië rɛɛc ka muk nhiëërDeen ciee thök

ciëën të nɔŋ ɣa.

Dit 67

DEUƐ MIƐEREATUR

EE yaa bï NHialic puöu yaa käc në O ku thieei O, ku ruël O në Ye nyin ku kɔɔc puöu në

O.

2- Bïï dhölDu nyic në pinynhom, ku bïï luäŋdu nyic në dɔl kedhiɛ.

3-Cɔk Rɔt aleec në kɔc NHialic , në yic cɔk Rɔt aleec në kɔc kedhiɛ.

4- Cɔk dɔl amit puöu ku këtkï në puön layum, Yïïn bï kɔc luk në lajik , ku mɛc dɔl tɔ në

pinynhom.

5- Cɔk Rɔt aleec në kɔc NHialic , në yic cɔk Rɔt aleec në kɔc kedhiɛ.

6- Piny abï kakke yaa juak në ciil , NHialic abï O yaa thieei NHialinyda në Yiic.

7-NHialic abï O yaa thieei, ku ka bïï piny thok ëbɛn yaa riëëu.

Dit 68

Din-ë Baai de kuöth-ë Tuŋic

Jɔt rɛt NHialic ku käär-ë kɔcke aterDu wei, keek kɔc kek man NHialic aayee riŋ wei

aacïï dar.

2-Cï më yee yom tol kuaath wei-ë , aayee kuaath ëkɛɛ; cï më yee athïn-ë ciëc lɛɛŋ në

mac , kɔc rɛc aabï thou ëkɛɛ në NHialic nhom.

3-Ku alajiik aamit puööth ku loikï ciɛɛu në NHialic nhom; aamit puööth ku duɔɔt-ë

yum-ë puöu thïn.

4-Kɛɛtkä NHialic ,Pianykä Riɛnke në kët; juɛrkä kuɛɛrde Yen man yee nyuc në pöliic.

Riɛnke aacɔl YEKOBA – miɛt-ë puöu në ye nhom!

5-NHIalic , yen man yee ceŋ YekaluDeen lajik, ke tiëët nyin në abɛɛr ku gël diärjɔɔk.

6-Ee ran nɛk nyin kök muɔɔc në baai bë ceŋ ku ŋɛɛr kɔc cïï mac beec në nhomlääu-ë

miɛt-ë puöuic. Ku cɔk areecwël aciëŋ në therthok.

7-OO , NHialic, të ŋɔɔr Yïïn kacku , ɣɔn tëëk Yïïn tem pan kɔu,

8-Goo tiɔpnhom luɛk ku wɛl wuliäänic piëu piny, nëkë bïï NHialic bïï yen Thainaai, ee

bɛn de NHialiny de Yïthërɛl.

9-Yïïn cï yiɛɛu-ë deŋ cɔk atueny ku cɔk pinyDuun cï naŋ tëtöök adem;

10-KacKu aacï bɛɛikɛn looi ëtëtuui; në piathdu acïn aŋäŋ muɔɔc.

11-Acïï YEKOBA Lueel, ku diär juëc aacï thoŋpath ɣäth beec:

12-“Mëlëëk kek-ë apuruukkɛn aa kɛt !” ku diär tɔ baai aatek ka cïï peec:

13-Nɔŋ-ë Yï cɔk tɛc në köm-ë amääl , ke yïïn acït wuŋ-ë kur cïï dal kɔu në thiau, ku

nɔɔkke në luŋ Maketh.

14-Të lee NHialiny nɔŋriɛɛlëbɛn mëlëëk ke Kuur Dhälmon thiäi wei, ka bë rur-ë piëu

cɔk aŋɛɛr piny.

15-EE kuur macän riil-ë ŋu ëkän, kuur nɔŋ nhom atuɔl juëc!

16-Ee ŋu yïïn piny tïŋ ke ca dhɔlic në atuɔlriilkuiic në yee kuur cïï NHialic lɔc ben ceŋ

thïn? YEKOBA abë ceŋ thïn athɛɛr!

17-Kek-ë ariil ke riëth thël ajɔŋköör ke tim cï kut arëët YEKOBA acï bɛn në kën-ë

Thainaai leer të lajik.

18-Yeen acï lɔ nhial të bär arëët , leer ke muk ka cïï peec ke Ye; goo mɔc lööm të nɔŋ

areecwël. NHialic YEKOBA abï ceŋ ëtëtuui.

19-Pianykä YEKOBA, man yee kathiekkua ɣääc në nyindhiɛ; Yeen ee NHialiny man yee

O kony.

20-NHialinyda ee NHialiny yee kony; Yeen ee YEKOBA, YEKOBAda, man cï O kony në

thuɔɔuic .

21-NHialic pacɔk abï kɔc ke aterde kuem nhïïm, të nɔŋ keek kɔc kuec në kuer-ë luɔi-ë

karɛciic.

22-Acïï YEKOBA lueel, “ Ɣɛɛn abï kɔc ke aterdu bɛɛi laake dhuök ciëën Bacän; aaba

dhuök ciëën bɛɛike bei në adɛɛkditic piiny,

23-Ku yïïn bë riɛmdɛn caathic , ku jɔl jɔkku riɛm lap të cït të görkï ye.”

24-OO NHialic , cäth de kuöthduun-ë tuŋ acïï tïŋ në ɣän kedhiɛ, Riiŋ-ë tuŋ-ë NHialic ,

Mëlëŋdië, lɔ në ɣöndeen lajik.

25-Dukëët aatɔ tueŋ në tuŋ nhom, ku mëguut-ë leeŋ aatɔ ciëën , ku biëm ciɛlic ëke

gut akuluum.

26-“ Pianykä NHialic në amatdïït de kackeic; Pianykä YEKOBA wek dhiënhde Jakob! “

27-Kɔŋ bɛn yïn Benjamin yïn ee kuat kor , ku duŋɔɔr ke Judɛ kek-ë tuöŋkɛn , ku

buɔɔth duŋɔɔr ke Dhebulun ke cök ku bɔ Napätaalï.

28-Nyuɔɔth-ë riɛlDu, OO NHialic , Riɛl yee luɔɔi në nyiɛɛnDuic .

29-Gɔɔc në YekaluDuic Jeruthalem , të yee mëlëëk mɔckɛn bɛɛi të nɔŋ Yïïn thïn.

30-Yee Yijip cil , bë läi ciëŋ roor aruöoric ; ku cil dɔl ayɛ, yee nhïïm ke mör ku dɛɛu ke

ɣɔk yiëk nhïïm thiaau agut të bïï kek röt wel ku tukkï ke nhiɔl në Yï nhom ku durkï ku

gɛmkï luŋ tɔɔcdɛn. ku thiɛi kɔc nhiar tuum-ë tɔŋ thok!

31- Manyin-ë bɛny-ë baai abï bɛn piny de Yijip ; ku kɔc ke Thudän aabï ke cin jat nhial

ku dorkï NHialic .

32-Kɛɛtkä NHialic, wek cieŋ ke piny nhom wedhiɛ, kɛtkä YEKOBA din-ë pɔny,

33-Të nɔŋ Yeen man yee nyuc në wuliäänic, wuliäänic thɛɛr. yee piŋ kë lueel në röldïït

rilic.

34-Caal-ë riɛɛl de NHialic ; anhombɛny atɔ në Yïthërɛl nhom, ku riɛɛlDe atɔ në

wuliäänic.

35-Dhëëŋ-ë NHialic të bïï Yen tëdeen Lajik- NHialiny de Yïthërɛl! Yeen ee riɛɛl ku

göökDe gäm kacke.

Pianyka; NHialic!

Dit 69

Kun göör-ë kuny

Luäk ɣa , Oo NHialic! Pïïu aacï ɣëët në ɣa yeth;

2-Ɣɛɛn ajɔl dïïr lɔ në tiökic, acïn të lɔ kök ; Ɣɛɛn acï bɛn bei në pïïuiic , ku atiɛktiak

ayuïc bë ɣa bɛr diëër piny.

3-Cɔt gɔɔr ɣɛn kuɔɔny acï ɣa yɔɔk röl , aɣɛɛn cï röl yäu, ɣɛɛn cï nyin lɔ gɔɔrgɔɔr ke

göör-ë kuny.

4-Kɔc yee ɣa maan të cïn këdɛ aajuëc akaa wär nhïm ke anhom . Kɔc ke aterdië aayee

ɣa lɛk guöp lueth; keek aaril ku kaa yuïc bïk ɣa nɔk. aayee ɣa yɔɔk ba ka kɛcke kual

dhuök ciëën .

5-Karɛccië, NHialic , aakɛc thiaan në Yï nyin; anyic të can bëël thïn daa.

6-Duk-ë ɣa cɔk ayɔr kɔc-ë Yï gamadöt kɔɔth , YEKOBA nɔŋriɛɛlëbɛn Bɛnyëriɛɛlic! Duk-ë

ɣa cɔk ayɔr kɔc-ë Yï door kɔɔth, Oo NHialiny de Yïthërɛl!

7-Ee wɛtdu ëke cïn-ë ɣa bɛn-ë läät-ë, aɣɛɛn cï guöp many arëët .

8-Ɣɛɛn cï ciët alei në pan-ë maaiic , ciët abakök në gɔldiëic.

9-Wel-ë puöudië në YekaluDuic ee dëp në ɣaic cï mac; lɛɛt ëke dï cï yaa lɔ në Yï guöp

aalööny në ɣa kɔu.

10-Ɣɛɛn yee thiëël ba puöu kur, ku ŋot-ë kɔc lɛɛt ɣa ;

11-Ɣɛɛn yee rɔt ruök në alɛthke dhiëëu, ke kaa ŋot-ë ke bui ɣa.

12-Keek aaye ɣa jääm guöp kueer, ku adɛkmäu aayee ɣa ket në diɛt.

13-Ku ɣɛɛn tɛɛn , Yïïn YEKOBA, Yïïn aba yaa lɔŋ; dhuk wɛtdië nhom, NHialic , në kaam

ca lɔc . dhuk wɛtdië nhom në ŋu në këde nhiëërduun thiekic, në ŋu Yïïn aciee kë ca

lueel ëwaaric Yïïn abë ɣa luök.

14-Kony ɣa në ŋu ɣɛɛn adïïr piny në tiökic; muk ɣa apath në kɔc ke aterdië cin, kony ɣa

në piëu dïït thiäŋic.

15-Duk-ë aboor cɔk aboor ɣa piny; duk-ë ɣa cɔk adïr në kolic ka luäŋ rɛɛŋ.

16-Dhuk wɛtdië nhom, YEKOBA , në piathduun de NHiëërDuun ciee thook bei; në

nyinkuaanyduun dïït thiekic liec ɣa!

17-Duk-ë rɛt yee tɔɔu në awundu; ɣɛɛn tɔ në ariɛɛr dïtic – dhuk wɛtdië nhom ee mɛɛn!

18-Bär të nɔŋ ɣa ku kony ɣa ; luɛk ɣa bei në kɔc ke aterdië cin.

19-Anyic cïï ɣa läät kadï , të cïn-ë ɣa yɔɔr thïn ku puɔl ɣa yic ; kɔc ke aterdië aaca tïŋ.

20-Lɛɛt aacï ɣa kuem puööu, aɣɛn cï yic ŋɛɛr. kuany-ë nyin ee ŋääth, ku acï liu ee

mɛɛn; ŋääth duöt-ë puöu ku acïn tök.

21-Të nɛk cɔk ɣa , kee yuïir yen ayïkkï ɣa; naa nɛk rou ɣa , kaa yïk ɣa binëgar.

22-Në mïethdɛn bïï riäŋden; në jiɛɛkden lajik bïï yuïïkden.

23-Yupke në tuaany-ë cöör ! ku cɔk rɛɛl-ë kɔudɛn ayee niɔp!

24-Wälëke kɔɔth ɣɔɔkDu; ku cɔkke acooth kɛc-ë puöuDu piny.

25-Në burdɛn däk ëkɔc kat; ku në cïn ran dɔŋ ke pïïr në akeemaakɛnic .

26-Aayee kɔc ca ke yiëk awääc bɛr ŋet; aayee jam në guöm-ë kɔc ca ke yiëk ɣäntöök.

27-Gät-ë karɛckɛn piny ; ku dukëke cɔk anɔŋ bak në luäkic .

28-Në riɛnkɛn dɔŋ wei në buŋ de pïïric ; ku në ke cï mɛt-ë rin në ciɛɛr-ë rinke

kackuiic.

29-Ɣɛɛn nɔŋ arɛɛm ku ŋɛɛr-ë puöu; piëk-ë ɣa nhial, Oo NHialic , ku kony ɣa!

30-NHialic aba puɔɔny në dit; thiɛk-ëyicDe aba caal në gɛm ban alɛɛc gam.

31-Kän abï YEKOBA miit puöu arëët rɛk awär köc-ë läi, arëët awär kɔɔc-ë möradɔŋ cï

dït.

32-Të tïŋ kɔc cïï nhiaac ëkän , ke kaa mit puööth; ku keek kɔc yee NHialic door abë ke

duut puööth.

33-YEKOBA ee kɔc nɔŋ ke ŋɔŋke piŋ ku ka ciee nhom ëmäär në kɔcken tɔ ɣön-ë döm.

34-Pianykä NHialic, OO, wek yïk nhiël ku piny nhom, Baar ku caak tɔ në ye yic kedhiɛ.

35-Yeen abï Jeruthalem kony ku ber pɛnke Judɛ piny në buööth . Kacke aabï ceŋ

ëtëtuui ku lömkï piny ke yee adönydɛn;

36-Ku mïth ke awuutke aabïï bär ëpiny-ë , ku kɔc nhiar-E aabï ceŋ ëtëtuui.

Dit 70

Lɔŋ de göör-ë kuɔɔny

Yee ɣa dac kony NHialic , Yïïn Yekoba yee ɣa dac kony.

2-Cɔk ke ayee many ku liirkï yiic kek kɔc yee wëicië göör bïkke nɔk, dhuök-ë ke ciëën

ku cɔkke aliääp nhïïm, kɔc yee ɣa yuïc bïk ɣa yiëk tëtöök.

3-Cɔkke adhuk ciëën në many cïï kek many , kek kɔc yee ɣa bui dɔlkï “ aa! aa! “

4- Ku cɔk kɔc ëyï buɔɔth cök kedhiɛ ayee puööth miɛt , ku yumkï puööth në Yï yic; ku

cɔk kɔc nhiaar luäŋdu ayeekï lueel aluööt, “ cɔk NHialic ayee nhoom “

5-Ku ɣɛɛn yee aŋäŋ ku nɔŋkë gɔɔr ; dɔc bɛn të nɔŋ ɣa NHialic ! Ee Yïïn ëkee kunydië ku

dëlunydië ; Yekoba duk-ë yee gääu.

Dit 71

Lɔŋ de ran cï dhiɔp

YEKOBA, Ɣɛɛn cï bɛn të nɔŋ Yïïn në wɛt-ë kuɔɔny; duk-ë ɣa cɔk akɔŋ dar!

2-Nëŋu Yïïn alajik, kony ɣa ku luäk ɣa, piŋ ɣa ku luäk ɣa!

3-Cɔk rɔt ayee kändië ku yee këŋ riɛl lëu ɣa në gël; Yïïn ee tëdiën-ë thiaan ku dugël.

4-NHialinydië , kony ɣa të nɔŋ kɔc rɛc, në riɛɛl de mëdhuumic kek-ë mëköl.

5-YEKOBA de Bɛny , ŋäthdië aca tääu në Yï yic ; gäm cïn dak-ë puöu atɔ ke Ɣa ku aca

tääu në Yï yic töŋ-ë yan Apäräk.

6-Ɣɛɛn pïïrde ëbɛn aca kan në Yï cin; töŋ-ë dhiëëth-ë ɣa Yïïn cë ɣa gël, ku Ɣɛɛn bë Yï

yaa leec aluööt.

7-Pïërdië acï bɛn ke yee kë yen-ë pïïr thɔɔŋ në kɔc juëc, në Yïïn ee dutïndiën ril,

8-Akööl kedhiɛ lɔ tueŋ Yïïn ba yaa leec ku caal Nhiaamdu.

9-Duk-ë Ɣa jiɛi në yee mɛn në wɛt can dhiɔp; duk-ë Ɣa nyiɛɛŋ wei në kë can kök dhuk

në ya yɔu.

10-Kɔcciën ke ater aayuïc bïk Ɣa nɔk; aaye jam ku ciirkï kë bïï kek anɔk.

11-Ayeekï lueel, “ Aacïï NHialic nyääŋ wei; buɔɔth-ëko cök ku dɔm-ëko; acïn ran kony

ye.”

12-Duk-ë yee ceŋ të mec, NHialic ; NHialinydië dɔc rïŋ në ɣa lɔɔm!

13-Në kɔc yee ɣa bäk darke ku riökke .në keek kɔc yee ye them bïk ɣa yiëk tëtöök ayee

many ku yärkï gup.

14-Ɣɛɛn abï ŋäthdië yaa tääu në Yï yic; Ɣɛɛn bë Yïïn yaa puɔɔny ëkɛɛ aluööt.

15-Ɣɛɛn bï Piathdu yaa luɛɛl; në akɔlic ëbɛn Ɣɛɛn bï yaa jam në Luäŋdu, naa cɔk aamë

dïït en-ë në dɛt ban ye deetic.

16-Ɣɛɛn bï cath kek-ë riɛl de YEKOBA NHialic; Ɣɛɛn bï Piathdu yaa call beec, Këdu ye

tök.

17-Yïïn cë ɣa pɔɔc töŋ-ë yan meth, ku Ɣɛɛn ŋot ke ɣa lueel luɔi-ë Gäidu.

18-Ee mɛɛn can dhiɔp-ë ku cï nhïm ɣeer në ɣa nhom, duk-ë ɣa nyiɛɛŋ wei, OO NHialic!

Yee tɔ ke ɣa të luɛɛl ɣɛɛn Riɛɛldu beec ku riɛɛlëril! Gɔl në rïc lɔ në rïny ëbɛn bë bɛn.

19-Lajiŋdu , NHialiny , acï ɣet në wuliäänic, Yïïn cï kadït thiekiic looi , acïn ran cït Yï tɔ.

20-Yïïn cï ariɛɛr tuööc ku guöm të nɔŋ ɣa, ku Yïïn bë riɛldië dhuök; Yïïn bë ɣa muök

wei tëde raŋ.

21-Yïïn bë ɣa cɔk athiekic alawɛn; Yïïn bë ɣa duutpuöu.

22-Ɣɛɛn yïïn aba yaa puɔɔny në thom arëët pacɔk; Ɣɛɛn bï Gämadötdu yaa puɔɔny ,

NHialinydië. Në thuɔɔmdië Ɣɛɛn bï diɛt kɛt Yï, Töŋ Lajik de Yïthërɛl.

23-Të jäl Ɣɛɛn riäŋ ke Yïïn ba jäl kɛɛt në miɛt-ë puöu; Yïïn ba kɛɛt në maraandië ëbɛn,

në ŋu Yïïn acï ɣa kony.

24-Ɣɛɛn bï yaa jam në Lajiŋdu në akɔlic ëbɛn, nëŋu kɔc-ë ye them bïk ɣa liam kɔu

aacïïke cop ku yɔrke kɔɔth.

Dit 72

Lɔŋ tënë Mëlëk

Yiëk-ë Mëlëëk Luŋduunde awäc, OO NHialic , ku Lajiŋdu të nɔŋ wën-ë Mëlëk.

2-Yeen abë Kacku luökluk në lajik, ku Aŋääŋku në awɛiic.

3-Kur aabï dɔɔr yiën kɔc, ku thɔɔny kor, në lajik.

4-Yeen abï luk awɛiic bɛɛi yïn aŋääŋ ke kɔc; Yeen abë mïthke kɔc göör kuɔny kony, ku

mënhiɛɛc aabë noŋiic.

5-Keek aabë riööc në Yï të ŋot-ë yee ruɛl ku pɛɛi tɔ thïn, në rïc ëbɛnic.

6-Yeen abë tueny cï deŋ në noon cïï ŋeer nhom, bïï cï nyieer dɔm piny nhom.

7-Në Aköölke ke alajiik aabï bäny, ku dɔɔr cïn ye thok, agut të cï ber-ë yaa göör në

pɛɛi.

8-Yeen abë naŋ amɛɛc ayɛ në bar lɔ në bar, ku në ciir agut thök de ciir.

9-Keek kɔc ciëŋ në ruɔriic aabï ke nhiɔl tuk dorkï Ye, ku kɔcken ater aabïï liɛɛt mok.

10-Mëlëëkke Täricïc ku de Ithilith aabï mɔc bɛɛi; Mëlëëk ke Cieeba ku Theeba aabï

mɔc gam.

11-Ëë, mëlëëk kedhiɛ aabï ke nhiɔl tuk në Ye nhom; dɔl kedhiɛ aabë Ye luööi.

12-Në ŋu Yeen abë mëgör luöny bei në dhiëëuic, ku aŋäŋ ayɛ, ku yeen man cïn Dukuny

abë kony.

13-Yeen abë aŋääŋ ku mëgor pät nhïïm, ku luɛk tïïpke mëgöör.

14-Yeen abë pïïrdɛn puk të nɔŋ mënhiɛɛc ku adɔccinkac; ku piathde riɛmkɛn në Ye

nyin.

15-Ku Yeen abë pïïr; ku thian tɔc de Cieeba abïï gäm-E; Lɔŋ ayɛ abïï yaa luöi Ye të cïn

akäc, ku Yeen abïï ya puɔɔny aluööt.

16- Rap cïn ye thok abë tɔ në piny nhom, ku në kur nhïïm ; dɛɛuke tiim aabï bɔɔr yaa

cuat piny-ë Lubënan; ku keek kɔc ke yee pendïït-ë aabë bäny cï noon de piny nhom.

17-Riɛnke aabï yaa tɔ athɛɛr; Riɛnke aabï lɔ tueŋ ke tää tɔɔ ruɛl. Ku röör aabïï thieei në

Ye; Dɔl kedhiɛ aabï Yeen aacɔɔl athiëi.

18-Ee bë thiëëi yaa tɔ ke YEKOBA , NHialiny de Yïthërɛl , Yeen man yee kagɛi-ëke looi

ye tök!

19-Ku yee bë athiɛɛi yaa tɔ në Rinken lɔ nhiamënhiam athɛɛr ! ku cɔkkä piny nhom

ëbɛn athiäŋ në Nhiaamde , Amen ku Amen.

20-Lɔɔŋke Dabid wën de jeethe aaye jäl thök ëtɛɛn.

Dit 73

Awɛɛiic de NHialic

Në yic NHialic apath ke Yïthërɛl, të nɔŋ ka cït ka la puööth yuïc.

2-Ku të nɔŋ ɣa , Ɣɛɛn cï cök kɔth; akɛthcië aayuïc bïk riɛth.

3-Ku Ɣɛɛn cï puöu naŋ tiɛɛl në wɛt-ë acïbëël, të tiëŋ Ɣɛɛn kɔc rɛc ëke tiŋ röt latueŋ

apath.

4-Në ŋu acïn arɛɛm në thuɔɔndɛnic, ku riɛɛlëriildɛn akääc ke ril.

5-Keek aacïn ariɛɛr ke randɛ, ku kaacï nɔŋ tuaany cï kɔc kɔk.

6-Ke yekënë ayee dïtpuöu acït guën yee ruök në kɔc yiëth; ku kum dackac-ë cïnke ke

cï alɛnhdïït-ë yuiir.

7-Aacï nyïïn lanukguk në cuëëidïït cï ke kueth; aanɔŋ këdïït wär kë görkï në ke puööth.

8-Aaye bui ku jamkï arac në wɛt-ë nhiɛɛc; aaye jam ëke mukke nhïïm nhial.

9-Aacï thook lɔ në nhial guöp, ku liɛɛmdɛn ee cath në piny nhom.

10-Kënë acïï kacke lɔ dhukciëën ëtɛɛn, Ku abïny thiäŋ në Piëu acïk rɔɔtic piny.

11-Ku luelkï, “ Bïï NHialic nyic kadï ? të nɔŋ Yeen yee tɔ nhiaal arëët nɔŋ të thiin nyic?”

12-Tiëŋkä , kääk aaye acïn-nhiëlic, keek man puɔl cök; aaye lɔ ëke juak bänyic.

13-Pacɔk Ɣɛɛn cï ɣa puöu waak në liauic, ku cau ya cin në liëëthic.

14-Në akɔl ëbɛn Ɣɛɛn cï tuaany, ku cuɔp nhialkduur cök ëbɛn.

15-Ku nɔŋ-ë ca lueel, “ Ɣɛɛn bë jam në kän,” tiëŋkä, ëya dï yee alueeth të nɔŋ rïny de

Miëëthku.

16-Ɣɔn täk Ɣɛɛn ba ëkän deetic kadï, ee yee kënë ci ɣa reem arëëtic-

17-Agut ɣɔn ban lɔ të lajik de NHialic; ëtɛɛn guɔɔ thökde jäl deetic.

18-Pacɔk aaca ke tääu ɣän yee riɛth, aaca ke cuat piny në riääkic .

19-OO, Cïïke bɛɛï kadï në löŋdöric, në yee kaam-ë! Keek ëbɛnëbɛn aacïï riööc ke nɔk.

20-Acït nyuöth të pɛɛc raan, ëkɛɛ ,YEKOBA, të pɛɛc Yïïn, ke Yïïn tɔn cïtken.

21-Naa cɔk aamë dhiɛɛu Ɣɛɛn puöu-ë, ku Ɣɛɛn ëɣa cï nhom lathith.

22-Ɣɛɛn acï dïk-ë bël ku kuöc käŋ; Ɣɛɛn cï ciët lɛi në Yï nhom.

23-Ëkälɛ Ɣɛɛn yee tɔ ke Yï; Yïïn cï ɣa dɔm në cin cuɛɛcdië.

24-Yïïn bë ɣa geei kɔu në jiɛɛm , ku jɔl ɣa luɔɔr në nhiaamic.

25-Ee ŋa yee randië pan nhiaal të cien-ë Yïïn? Ku ka cïn randɛ yaa ŋɔɔth në piny nhom

ëtɛɛn awɛr Yï.

26-Dɛldië ku piäändië aacï yuïïk; Ku NHialic ee riɛɛl de ɣa puöu ku bakdië alaɣɔn.

27-ku në yic, Keek kɔc yee mɛcke Yï aaye riääk; Yïïn cï kɔc ëYï nyääŋ wei në wɛtë acïbal

riöök.

28-Ku ka path ke Ɣa ba rɔt cuöt të thiök ke NHialic, ku ba Luɔidu caal ëbɛn.

Dit 74

Lɔŋ në luɛk-ë de baai ëbɛn

OO NHialic , yee ŋu nyiɛɛŋ Yïïn O wei papot? Ee ŋu cɔk Yïïn Ɣɔɔkdu aɣeer në amäl ke

Böŋduic gup?

2-Tak akut Nhomduun-ë lɔŋ , Man Ca ɣɔɔc në dït, kuat de Kɔckun ca lööm, man ca ke

puk- kuur-ë Dhiɔn eetë Yïïn ceŋ thïn.

3-Cath-ë në yee të cï dïk-ë riääk-ë nhom; Kɔckuan ke ater aacï këriëëc ëbɛn tɔ në

Yekaluic riöök.

4-Kɔcke Aterdu aacï kaŋ kooth në Yekaluduic në duɔɔt; aacï beeraakɛn wɛc piny ke

yee cïn de tiɛm.

5-Aaye tïŋ ëkee kɔc cït ayiɛptiim yep tiim piny në yëëpken,

6-Aacï ŋuëk ke tiim dhik në yëëpken ku caakuuc.

7-Aacï Yekaludu cuöny në mac; ku kaa cï të lajikduun-ë duör nyoon në acuɔl.

8-Keek ayuïckï bïk O ruöth piny papot; të lajik ëbɛn acïk cuöny baai ëtɛɛn.

9- Cïtkuan lajik kedhiɛ aacï jääl ; acïn nebï cë döŋ piny, ku ka cïn ran nyic-ë bë thök

nin.

10-Agut cï nin, OO NHialic , bïï kɔc ke aterda Yï jäl bui ? Bïk Riɛnku yaa läät ëkɛɛ

alaɣɔn?

11-Ee ŋu dɛ cïn kuec në kuny ke O? Ee ŋu dɛ cïn Yï cin kuak në Yï kɔu?

12-Ku cït-ë Yï yee Mëlëŋda töŋ-ë gɔɔc-ë käŋ, OO NHialic; Yïïn cë O kony anaa cï kut.

13-Kek-ë Arilriɛɛldun ril acïn pïïuke Bar tekiic ɣɔn, ku dhoŋ këroordïït-ë bar yeth në

pïïuiic.

14-Yïïn cï Maroŋgo de Lubënan dhoŋ yeth ku cuɛt-ë guöpde läike panic bïk cuet.

15-Yïïn yee kuëër ca kuër në adhuömic ku Ciir; ku Yïïn yee gɛldït ca döu.

16-Yïïn cï wɛɛr cak ku aköl; ku cäp-ë Ruɛl tëde ku pɛɛi tëde ;

17-Yïïn ci akɛɛth ke piny tek; ku cak ruël ke mɛi.

18-Ku duk-ë nhom mär , OO YEKOBA , lɔn yee kɔcke Aterdu Yï bui, lɔn yee kek kɔc cin

këdɛn ke NHialic ku yeekï Yi lɔnic.

19-Duk-ë Kɔckuun cïn ran konyke nyiɛɛŋ wei bïk döŋ ke kɔcke ater rɛc; duk-ë nhom

mär në Kɔckuun ŋetke.

20-Duk-ë nhom mär në män ca looi ke O, Guökke piny nhom ëbɛn aanɔŋiic adɔccin

kac.

21-Duk-ë ran cïï nhiaac abïï yɔr kɔu; Cɔk keek aŋääŋ ku mëgör ayee Yï puɔɔny.

22-Jat rɔt, NHialic, ku kony ke loi kɔu! duk-ë nhom mär kɔc cïn-NHialic aa Yï bui

akɔlic ëbɛn.

23-Duk-ë nhom mär në duɔɔt-ë ɣɔɔk de kɔc Aterdu, ayiɛɛi looi kɔc-ë Aterdu alɔ tueŋ

ke loikï.

Dit 75

NHialic ee Duluk

Ok aa Yï leec , NHialic , Ok aa Yï leec! Në Luɔiduun-ë gäi, ee ye caalke Riɛnku cï thiök.

2-“ Naa lac thäi tiŋrɛt , ke Ɣɛɛn aloi luŋ lacïth.

3-Piny nhom ke ka ceŋ-ë nhom aacïï däk piny; Ɣɛɛn cï mëënke wɛc ëdïl.

4-Ɣɛɛn cï acïbël yɔɔk , duk-ë yee luui kabëël, ku lɛk ran-ë rɛɛc looi, duk-ë tuŋ ëjat

nhial.

5-Duk-ë yï tuŋ ëjat nhial arëët; duk-ë yee jam ke yï nyöt.”

6-Në ŋu jɔt-ë nhom nhial aciee bɛn pinyciëën ka bïï pinytueŋ ka bïï piny ciɛɛm .

7-Ku NHialic Yeen ee Duluk; Yeen ee ŋɛk dhuök piny, ku jɔt ŋɛk nhom nhial.

8-Në ŋu YEKOBA anɔŋ cin abïny, ku mäu aluat nyin; acïï dueel nhom, ku Yeen ayee wäl

wei; pacɔk athuände abïï kɔc rɛɛc tɔ në piny nhom nhiac ku lilkï.

9-Ku Ɣɛɛn aba caal atëwɛn, Ɣɛɛn bï pɔny kɛt YEKOBA de Jakob.

10-Tuŋ kedhiɛ ke kɔc rɛc aaba tɔk wei, ku tuŋke alajiik aabïï jat nhial.”

Dit 76

NHialic ee Atiɛmdït

Në Judɛic NHialic anyic thïn; Riɛnke aathiekiic arëët në Yïthërɛlic.

2-Në Thaalem atɔɔ Akeemade thïn, ku tëdeen-ë ceŋ atɔ Dhiɔn.

3-Yuɛthke Dëu aacï dhoŋ kɔɔth ëtënë, köt ku abättäu yen-ë thɔr .

4-Yïïn anhiam arëët ku tɔ Piathdu nhom nhiaal awär kuur de peri.

5-Adïtpuööth aacïïke peec; jɔlkï niin abïk thou piny; ku ka cïn ran töŋ de mëriil cï kë

yee looi në ke cin yök.

6-Në Cïldu, NHialiny de Jakob , acïï riëth ee thël ku ajɔŋköör la noŋnooŋ piny në nïn ka

thuɔu.

7-Yïïn, Amëriɛɛldu, ee Yïïn-ë ka riööc-ë; ku yee ŋa lëu kɔɔc nëYï nhom të jɔl Yïïn ɣök?

8-Yïïn yee luk pan nhiaal abïï piŋ piiny ëtɛɛn; ku jɔl piny nhom riööc ku bit ëdïu.

9-Të jɔt NHialic rɔt bë luk luk , bë kɔc cïï pinyke nhiaac kedhiɛ lony yiëth.

10-Pacɔk ɣɔɔk de raan abë Yï puɔɔny; kek-ë lɔn tɛk-ë ɣɔɔk ka ba Ruök ke yee dhök.

11- Kuëŋ rɔt të nɔŋ YEKOBA NHialinydu, ku tääu-ëke piny; cɔk kɔc cï Ye gɔɔl piny abïï

mɔc man nɔŋ yic bïn-ë yaa riööc.

12-Yeen alëu wëëi de wɛt-ë Mëlëëk në kooth-ë beec në keiic; Yeen ee ariööc-ë dït në

mëlëëk ke piny nhom.

Dit 77

Duur-ë puöu piny në köölke ŋɛɛr-ë puöu

Ɣɛɛn yee kuöi yuöp NHialic në ɣa röl- yuöp të nɔŋ NHialic në ɣa röl; Goo Ye yïc wɛl ɣa.

2-Në akööl naŋ ɣɛɛnke ariɛɛr guɔɔ YEKOBA göör; Ciɛncië aaca jat nhial wakɔu të cïn

akäc; Tiëpdië acï jai bïï duöör piny.

3-Ɣɛɛn yee NHialic tak, ka yïk ɣa ariɛɛr; Ɣɛɛn yii, ku wëëidië ee niäär.

4-Yïïn cï nyinthardië liep bë daai; ku jäl riɛɛr aba cuök ber jam.

5-Ɣɛɛn cï nïn thɛɛr lööm ëke ŋuɛɛn, run ke nïn ɣɔn thɛɛr.

6-Ɣɛɛn cï dindiëën-ë makɔu dhuök në täk; ku jäl däu në ɣa puöu, ku jɔl wëëidië göör

adhilic.

7-Bë YEKOBA tɛɛm wei alaɣɔn? ka cï bë bɛr naŋ puöu aluööt?.

8-Cï käc-ë Puöude kɔɔc alaɣɔn? Cï kak-ëke cï lueel röt wuööc athɛɛr?

9-Cï NHialic nhom määr bë yaa athiëithiëi? Yeen në wɛt-ë ɣɔɔk cien Naŋpuöude puöl ?

10-Ku Ɣɛɛn aca lueel, “Kän ee käcdië; ku Ɣɛɛn bë runke cin cuëëc de Yeen tɔ nhiaal

arëët tak.”

11-Ɣɛɛn bï luɔi de YEKOBA aba tak; pacɔk ɣɛɛn abï kak-ë Gäikun thɛɛr tak.

12-Ɣɛɛn ayɛ , Ɣɛɛn bë däu në Luɔidun thɛɛric , ku jaam në Acalooidu.

13-Kuɛɛrdu, NHialic , atɔ në lajikic; Ee ŋa thiekic ëyee NHialiny cït NHialinyda?

14-Yïïn yee NHialiny yee luui në kak-ë gäi; Yïïn cï Riɛɛlriildu caal në kac nhïïm.

15-Yïïn nɔŋ puŋ de Kacku në Yï kök, Wɛtke Jakob ku Jothep.

16-Pïïu aa Yï tïŋ , NHialic; pïïu aa Yï tïŋ, aake riööc; ku lɛth kolic ayɛ.

17-Ku wɛl pöl piëu piny, ku tooc wuliäänic röl beec; Yuɛthku ayɛ aacï lɔ thiääi wei.

18-Ku mär-ë deŋ ee jiir looi; ku dëëp labiriu piny nhom; ku luek piny ku lɛth piny.

19-Kuɛɛrdu atɔ në Baric, ku Dhɔɔdlu atɔ në piëudïtic, ku akɛc de Cɔɔkdu aciee nyicic.

20-Yïïn yee Kacku ŋɔɔr cï kë ŋɔr böök në cin de Mothe kek-ëAaron .

Dit 78

NHialic ke Kacke

Piɛŋkä Pööcdië , wek kaccië, ku wɛlkä we yïïth kë ca lueel.

2-Ɣɛɛn alɔ jam në kɛŋ ke nyïc ku bɛɛi wɛtkɔu në wël thɛɛr .

3-Ka cuk piŋ ku kaa nyicku , käŋ kacïï wunkuandït ke lär O thɛɛr.

4-Aacï buk pëën ëke cï lëkku miëëthkua; Ok aabuk lɛk rïny bɔ ciëën yen Riɛɛl de

YEKOBA ku ka thiekiic cï looi ku kak-ëgäi.

5-Yeen acï lööŋ yiëk kɔc ke Yïthërɛl ku lööŋ keethiëër të nɔŋ kuan-ë Jakob, Yeen ee cï

wunkua yɔɔk bïk lööŋ yaa pɔc miëëthkɛn,

6-Ku bë rïny bɔ ciëën pöc nëke ku bë mïth miëëthken bɛr pɔɔc.

7-NëYee kuer-ë ke kaa bï gämcïndak tääu në NHialicic ku cï ke mär nhïïm në Luɔide,

bïk lööŋ keethiëër yaa riëëu aluööt.

8-Keek aacï bɛr ciët wunkɛndït, Kɔc-ë yɔɔtwei ku yeekï areecwël, man ëke ciee

gämcïndak ëkɔɔc në NHialicic keek man ciee gämadötdɛn ërëër thïn në Yeic.

9-Epërɛɛmait, cïï näp në dëëu ka daŋgaa, ee kat aköl-ë tɔŋ.

10-Keek aaciee mändɛn ke NHialic ëmuk nhom, aaye jaai në muöök de Lɔɔŋke .

11-Keek aacï nhïïm määr në luɔi cïï NHialic looi, cïtke gäi cïï NHialic looi ëke daai.

12-Në wunken nyïïn ëke daai goo NHialic cït ku kagɛi-ëke looi në lɛɛny de Dhoanic

piny de Yïlip.

13-Yeen acï pïïu ke Bar tekiic ku tëëkke thïn të lakök, ku cɔk NHialic pïïu akääc ëke cït

pääny.

14-Aayee ŋɔɔr aköl në pööl ku makɔu ke kaa ŋɔɔrke në mac.

15-Yeen acï kuur bɛn-ë banyic në liëëthic ëtënë ku bɔ pïïu bei thïn ku yïkke ke bïkke

dek.

16-Yeen acï kuur wel ke yee gel kuëër pïïu bei thïn abï kuëër riŋ cï gelic.

17-Ku ŋot-ë ke lui NHialic rɛɛc , ku në liëëthic ëtënë aacï bɛn-ë yɔɔtwei në Yeen Dïït tɔ

nhiaal arëët cin.

18-Keek aaye dïk-ë tɛɛu në thëmic ëkälɛ në thiëc yee kek miëth görkï në ke puööth

yen yee thiëëc.

19-Keek aayee NHialic jääm guöp ku luelkï, “ Lëu NHialic miëth në bïï tëyo në liëëthic

ëtɛɛn?

20-Ëë , ee yic bë kuur yupic , ku bɔ pïïu bei thïn ; Yeen lëu ayɛ bë miëth bɛɛi ku yïk kɔc

rïŋ?”

21-Goo YEKOBA ɣök ëtɛɛn ɣɔn cienë kääk piŋ; ku bɛk Kacke në mac, ku juak Ɣɔɔkde

rɔt nëke gup.

22-Në ŋu keek acï cïn gäm në Ye yic ku ka cïk yee gam ke lëu bë ke luök.

23-Goo jam kek-ë wuliäänic nhiaal ku yöök adherke bïk röt liep;

24-Yeen acï rap bɛɛi pan nhiaal, në tuuc cien abïk cï tuak cɔl mana tuöcke bïk cam,

25-Gookï miëth-ë Malakaai cam, ku yïk NHialicke kë görkï ëbɛn.

26-Yeen ayɛ acï yom de piny ciëën cɔk ayom, ku në Riɛɛlde goo yom-ë piny ciɛɛm pïïc;

27-Ku jɔl Kacke tuöc diɛt, amär-ë dit cït nyin-ë liɛɛt në gël yɔu;

28-Löönykï në kɛmke ɣööt kek diɛt të thiök yuil bur.

29-Goo kɔcke cuet abïk kuɛth në rïŋ; Aacïï NHialicke yiëk kë görkï.

30-Ku ŋot-ëke la puööth kuet në dɛ miit görkï bïk cam.

31-Ɣɔn cïï NHialic ɣök ke ke ku nɛk kɔc ril nëkeiic, Apäräk puɔɔth ke Yïthërɛl.

32-Në yee kääkiic ëkälɛ kɔc aalɔk-ë ke looi rɛɛc; naa cɔk aamë cien cït-ë gäi looi ke

kaa ŋot-ë ke cïn gämcïndak të nɔŋ-E.

33-Goo niënkɛn cɔk ayee thök cï wëëi ku yee piëërdɛn thök në riäŋ teem rɔt thïn.

34-Në yeen lɔn ben kɔk ke kek nɔk , ke kɔkkä kaa wël röt-E; wëlkï ke puööth ku yeekï

Luut në lɔŋ.

35-Keek ayeekï tak lɔn-ë yee NHialic dugëldɛn, anɔŋriɛɛlëbɛn ee bɛn ke kuɔɔnydɛn.

36-Këë tɔ , wɛlkɛn kedhiɛ aake ye lueth; kë cïk lueel ëbɛn acïn yiny thiin-ë puöu tɔ

thïn.

37-Keek aacï lɔ puööth cök në Ye guöp; keek aacïn gämadöt në mänden ke Ye yic.

38-Ku NHialic ee kɔc puöu të nɔŋ kacke, Yeen acï karɛckɛn puöl, ku pɛlke ëke cï riöök.

Ɣɔɔkde acï dhuökciëën anaa cïkut ku duut kɛc-ë Puöude.

39-Yeen acï tak lɔn yee kek guöp-ë rïŋ ëpath, aacït yom man yee yom ku gor jääl.

40- Cïk yɔɔtwei anaa dï në Ye cin ɣɔn ŋoot kek në liëëthic; Cïk rac puöu anaa dï bë

puöu dhiau!

41-Keek aayee NHialic but-ë tɛɛu në thëmic ku yïnkï NHialiny Lajik de Yïthërɛl arɛɛm-

ë puöu.

42-Keek aaye nhïïm määr në Riɛɛldïïtde ku akööl cienke luök në kɔckɛn ke ater cin.

43-Ku looi kagɛï-ëke në riɛɛlriil de lɔtueŋ në piny thöŋ nhom de Dhoanic piny de Yijip.

44-Yeen acï naam wel ëke yee riɛm, ago kɔc ke Yïjip ciën pïïu dekkïke.

45-Yeen aacï tuöc luaŋdït bë ke nhiaany, ku tucke aguek bë baai rac.

46-Yeen aacï tuöc kɔriɔm bë miëth cam ëkarap ku rɛc dumkɛn.

47-Yeen acï dom de abiëc dɛɛp në deŋ-ë kɔi, ku jueet ŋapken në yuiir.

48-Yeen acï ɣäkken yuit në deŋ-ë kɔi ku nɛk thääkken në rel-ë deŋ.

49-Yeen aacï cɔk athuc në Ɣɔɔkden cï wäl piny ku keec puöu në ke gup, ku puk rem de

malaikaai de thuɔu piny.

50-Yeen akëc ye yic muk në ɣök ka pɛlkeiic wëi, aacï nɔk në yup-ë gäi.

51-Yeen acï wën-ë kai nɔk të nɔŋ ran tɔ piny de Yïjip ëbɛn.

52-Ku jɔl kacke ŋäär beec cï abök ku yeeke thïïr në liëëthic.

53-Yeen aacï ŋɔɔr ënip ku cïk riöc; ku bɔ Bar kë boor kɔcke ater nhïïm piny.

54-Yeen aacï bɛɛi Pinyden Lajik , në kuur nhom Kuurdeen-ë dɔm Amëriɛlde.

55-Yeen ee kɔc ëke ciëŋ thïn kuaath wei të cïï kackë ɣëët; ku tëk ëpiny-ë kuɛt ke

Yïthërɛl ku gɛm ɣɔɔtkɛn kacke .

56-ku ŋot-ë ke yɔɔtwei në NHialiny nɔŋriɛɛlëbɛn cin ku tɛɛukï në thïmic. Keek aakëc

lööŋ keethiëër riëëu.

57-Yeekï ayɔɔtwei ku këckï röt gäm-E cï wunken dït thɛɛr, cïk ciët dhaŋ-ë adëëp.

58-Keek aacï NHialic rac puöu në ɣänthönyken ke duör, ku keeckï puöu në idoolkɛn cï

guaŋ.

59-NHialic acï puöu riääk arëët aniɛ tiŋ yen-e, goo jaai në Kacke papot.

60-Yeen acï Akeemadeen de Cilo nyääŋ wei , ɣön-ë Yeen ceŋ thïn në Oiic.

61-Yeen acï kɔckuanke ater puöl bïk bɛn ku dɔmkï Thäänduŋ de Mät , Cïndeen de riɛl

ku nhuɔɔm.

62-Yeen aci dïk-ë ɣök kek-ë kac adɔnyke ku pɛlke bïïke nɔk në kɔckɛn ke ater.

63-Apäräk aacïïke nɔk tɔɔŋ, ku dɔŋ biëm ëke cïn ran thiakke.

64-Thou abuun në dackac-ëcin ku pën-ë diärjɔɔkken dhiëëu.

65-Ku jɔl NHialic rɔt jɔt rɛk cït-ë pääc në nïniic; Yeen ee cït aril cï thiäi në mäu.

66-Yeen jɔl kɔckenke ater kuaath ciëën në cuir kor ku dɛr kamany.

67-Ku jiɛɛi në kuan-ë Jothep; Yeen akëc kuan-ë Epërɛɛm kuany.

68-Në nyin-ë yic acien guɔɔ kuan-ë Judɛ lɔc ku kuur-ë Dhiɔn, man dïk-ë nhiëër

arëëtic.

69-Yïk Yekalude thïn ëtënë cï Ɣöndeen-ë pan nhiaal; acï looi ke lɔtïltïl ke cït piny nhom

cï piath alawɛn.

70-Yeen acï Awunde Dabid lɔc; lööm në böökic ,

71-Të yeen böök në thök thïn, ku looi ke yee mëlëŋ de Yïthërɛl, abök de kɔcke NHialic.

72-Dabid acï nyin tïït në ke të cïn tuil-ë rɔt mɛt thïn ku ŋɔɔrke në tëët.

Dit 79

Lɔŋ de bïiëbei de Dööl

OO NHialic , dɔl kedhiɛ aacï bɛn në Yï nhom në Löömduic; Yekaluduun Lajik acïk cool ;

aacï Jeruthalem thuör piny.

2-Acï gup cï thou ke Awuutku cuɛt diɛt nhiaal ke yee miëth, ku cuët-ë dëëlke kɔc

cïïthieei kek-ë aŋuööth ke ror.

3-Riɛmdɛn cï puk piny acï ciët piëu në penic Jeruhtalem , ku acïn ran thiɛkke.

4-Ok cï bɛn ke O yee ayɔŋ të në kɔc rɔm akeu ke O , Ok cï yaa buööi ku yeeku adɔl të

nɔŋ kɔc rɛɛr ke O.

5-Agut cï nin, YEKOBA, ba ɣök agut cï athɛɛr? Naa rëk bë Tiɛɛldu dëp cï mac ?

6-Wäl-ë Ɣɔɔkdu në dɔl kuc Yï yiëth, ku wäl-ë Ɣɔɔkdu në cieeŋke Mëlëëk ciee Riɛnku

ëcɔɔl yiëth.

7-Nëŋu aacï Jakob liek, ku rɛckï pan-ë Jakob.

8-OO, duk-ë rɛɛc thɛɛrda ye tak! Ku cɔk piath-ë Käcduun de Yï puöu aye bɛn bë O

thiööŋ, Ok cï dhuk piny aok cï yiic pial ëyär.

9-NHialiny de Luäk , kony O, në nhuöm nhoom-ë Riɛnku; ku luny O bei, ku bɛɛi-ë

akum de karɛckua, në kë de Riɛnku!

10-Ee ŋu yee dɔl jam, “ NHialinydɛɛn-ë ayo?” Cɔk rɔt anyic në dɔliic ëtɛɛn ke dɛɛi Ok

mëguur ke rim ke awuutkun cï kuëër piny.

11-Cɔk arɔɔl de kɔc cïï mac ɣön-ë döm aɣet në Yï nhom; Të cït tëde dït de Riɛɛldu ku

muk kɔc cïïke lɔc thuɔu;

12-Ku guöör-ë yaaŋ cïn-ë Yï yɔŋ anaa Dhorou tënë keek , Yïïn, YEKOBA.

13-Ke Ok, Ok kacku ku yeeku amɛl ke Böŋduic, Yïïn buk gäm lɛc athɛɛr; Ok bë Pɔnydu

nyuɔɔth tueŋ të nɔŋ rïny bɔ ëbɛn.

Dit 80

Lɔŋ në dukciëën de Dööl

Wël yï yïc, Yïïn abök de Yïthërɛl, Yïïn man yee Jothep ŋɔɔr cï böŋ de amääl; Yïïn man

yee rëër në kɛmke ciërabïm ke Yï bir-ëbir!

2-Në Epiraam nhom kek-ë Benjamin ku Manathë, piɛr-ë Riɛl-ërildu nhial, ku bär luäk

O!

3-Dhuk O, NHialic; ku cɔk Nyiɛnku athiäŋ-ëthiaŋ, ku Ok aabïï luök!

4-Oo YEKOBA, NHialiny de rɛɛm, Ba ɣök agut cï nin në wɛt-ë lɔŋ de Kacku?

5-Yïïn aaca ke miëëth në pïïu-ë nyin ëke yaa abïk ku dɛɛk-ë ke në pïïu-ë nyin ëke yee

athëmdït.

6-Yïïn yee O kɛɛk kek-ë kɔcke akɛɛth nhïïm , ku jɔl kɔc ke aterda yaa dɔl në röt .

7-Dhuk O, NHialiny de rɛɛm; ku cɔk Nyiɛnku athiaŋ-ëthiaŋ, ku Ok aabïï luök!

8- Yïïn acï këër bɛɛi bei piny de Yïjip; ku cuat-ë dɔl wei, ku piith këër.

9-Yïïn cï ɣöt juër-e , ku jɔl cɔk agɔɔc meei piny, ku thiööŋ piny.

10-Atiäämde acï ɣän thöny buöör piny, ku cït kërke Cedar de riɛlriil-ë NHialic.

11-Yeen acï meike tuɔɔc ku cɔkke acil në Baric , ku cil kërke në Ciiric.

12-Ee ŋu Yïïn akɛɛthke teem kɔɔth, Ee bë ran rët ëbɛn dɛɛuke yaa nyueth?

13-Ee cïïl bei roor në rupic ku dhöth mei bei, ku jɔl läike roor yaa pïïr në ye.

14-Dhuk rɔt, Yïïn acuk thiëëc në lɔŋ , OO NHialiny de rɛɛm; liec piny nhiaal ëtënë ku tïŋ

, ku bär nem abiëny-ë.

15-Ku dom de abiëc man-ë acïi cin Cuɛɛcdu puur, ku jɔl yaa kërken Ca ke looi ëke yee

kakkun ril.

16-Acïï mac cuöny, acïi tɛm piny; Keek aacï cïl Cïnke cil riöök .

17-Yïïn cɔk Ciɛɛndu aye tɔ në ran de cin Cuɛɛdu kɔu, Bë tɔ në wën-ë Randuun ca cɔk

aril kɔu.

18-Ke Ok aacïbë bɛr dhuk ciëën në Yï cök; Puöc O, ku Riɛnku aabuk yaa cɔɔl.

19-Dhuk O, NHialiny de rɛɛm; ku cɔk Nyiɛnku athiäŋ-ëthiaŋ, ku Ok aabïï luök

Dit 81

Din-ë Jiɛɛk

Yaakä NHialic Riɛɛlda kɛɛt në röldït; luɔikä duɔɔtdïït de yum-ë puöu të nɔŋ NHialiny de

Jakob.

2-Ciɛɛtkä dit ku yuöpkä thom loocic, kek-ë diir ku lär nyic dhiaau yee miɛt në pïŋ.

3-Yaakä tuŋ kooth në pɛɛi thok ku pɛɛi ciɛɛlicc në miëth dïïtdɛɛn de köölë ladïu.

4-Në ŋu kän ee löŋ të nɔŋ Yïthërɛl, ee löŋ de NHialiny de Jakob.

5-Kuu Yeen NHiaaliny ee dooi ëkän të nɔŋ Jothep ke yee nyooth-ë lëk, ɣɔn tëëk Yeen

piny de Yïjip, të ɣɔn piɛŋ Ɣɛɛn thoŋ Kuöc caa ye deetic.

6-Guɔɔ ɣäc thiëk jɔt bei në ye jiɛr; Ciɛnke aake cï lääu në rual-ë diaany ëmuk.

7-Yïïn ee cööt në ariɛɛric, ku yïïn yaa luäk bei thïn; yïïn yan këdu dhuk nhom të

muɔɔny de määr-ë deŋ ; Ɣɛɛn aci yï them në pïïu ke Mariiba.

8-Kaccië, piëŋkä, ku week ba lɛk ! të piŋ wek Ɣa, wek kɔc ke Yïthërɛl !

9-Ke jak ke alɛi aabï liu në we yiic, ku cï we yee jak ke alɛi door.

10-Ɣɛɛn yee YEKOBA NHialinyduön , man cï we bɛɛi bei piny de Yïjip ; liɛpkä we thook

ku wek ba thiööŋ thook.

11-Goo kaccië Ɣa cuök piŋ röl, ku cï Yïthërɛl kɔŋ Ɣa bëër thok.

12-Guɔɔ ke päl kë görkï në ke puööth cï bäŋ, bïk yaa cath në aciɛɛrkeniic.

13-“OO, nɔŋ-ë kaccië cï Ɣa piŋ, Në Yïthërɛl cï cath në kuɛrciëiic !

14-Ɣɛɛn bï kɔckɛn ke ater guɔɔ dac that piny, ku dhuök acïn atiirken gup.

15-Nɔŋ-ë kɔc yee YEKOBA maan yee röt dhuök YEKOBA, ku mɛɛn aköölken aabï yaa tɔ

athɛɛr.

16-Yeen aake dï ca miëëth ayɛ në rap path , ku miëëthkë në ciëc, awek abï cɔk

akueth.

Dit 82

NHialic ee Dumɛc De këril

NHialic ee kɔɔc në Akutnhom de lɔŋ de riɛɛlrilic; Yeen anyic luk në kɛm ke nhiëiic

aluethiic.

2-Agut cï nin bïn luk në athɛnythar ëkɛ ; ku nyuɔɔth-ë biäkdun yïn kɔc rɛc kony?

3- Gël kɔc ŋɔŋ kɔɔth ku kɔc cïn wunken; ku yee nyiɛc luk të nɔŋ kɔc rääm nhïïm ku

göörkï.

4-Lony aŋääŋ ku mëgöör ; cɔkke alääu në kɔc rɛc cin.

5-Keek aacïn kë nyickï, ka nɔŋ kë yeekï deetic; aaye ɣɔu në muööthic ; mëën cïï wɛc

kɔɔc pinyke aakëc kɔɔc ëdïl.

6-Aca lueel, “ wek ye nhiëliic, ku week wedhiɛ wek aaye mïthke NHialinydït arëët

nhiaal.

7-Ku wek bë thou cï kɔc , ku yuëëkkä piny cï wɛtke Mëlëëk.”

8-Jat rɛt, NHialic, ku luk piny nhom ; në ŋu ee Yïïn abë dɔl kedhiɛ lööm.

Dit 83

Lɔŋ de dɛr cïnë Kɔc ke ater ke Yïthërɛl dar

Duk-ë bit , NHialic ! Duk-ë dɔɔrDu duut në Yï yɔu, ku duk-ë yïthok deŋ, NHialic!

2-Tïŋdaa, kɔc ke aterDu aayee duɔɔt yup; ku kɔc kek man Yï aacï ke nhïïm jäl muök

nhial.

3-Aapel nyïïn në dac luɔi de acir cïr-ë kacku, ku kaa yee mat atök cirkï kɔckun ca kum

kɔɔth.

4-Aacï jam , “ bäk, ku teemku-ke wei në nyin bïï kek yaa dööl. Ku bïï rinke Yïthërɛl

cuök ber yaa tak. “

5-Në ŋu aacï röt määt në thuɔɔŋ tök; aacï luui në kuëc në Yï:

6-Akeema de Edom ku Icimɛɛl ; Moob ku Ɣärïraat;

7-Gebal, Ammoon, ku Amalëk; pilithia kek-ë të cï ceŋ de Thaiyir;

8-Athiria acï rɔt mat ke ke ; aacï mïth ke Lot kony.

9-Jɔl tuööm ke ke cï mëde Midiaan , ku ayeen-ë tëde Thïthara , Cï mëde Jabin në

Buruuk Kïcon.

10-Ee ŋa cï yök ke kärääkde në Een Door , ee ŋa cï bɛn ke kuec në piny nhom.

11-Loi thiɛk-ë yicdɛn ke cït Oreb ku cït Dheeb, ëë, wɛtke mëlëëkkɛn ëke cït Dheeba ku

Dhalmunna ,

12-Ee ŋa cï jam, “ lööm-ëkoke röt panhïïm ke NHialic bïk yaa adöckua”

13-Oo NHialinydië, loike cï kɔɔr-ë tur, ku cïtkï yär buɔk yom!

14-Cïmë yee mac tiim dɛɛp, ku cï më yee liem-ë mc kur nyop.

15-Copke në ɣɔɔkDu, ku riääc-ëke në athiäpjiɛɛrDu.

16-Thiöŋke nyïïn në manyë guöp, ku bë yaa Riɛnku yen yeekï buɔɔth, YEKOBA.

17-Gutke nyïïn ku jɔnyke alaɣɔn , ëë, nëke tɛɛu-ë në yär-ë guöpic ku thoukï.

18-Ku yen abïï kek ye nyic ke Yïïn, Riɛnku ke pɛc kek aaye YEKOBA , kek aayee Rin tɔ

nhiaal në piny nhom.

Dit 84

Bä Ɣön-ë NHialic Göör në ɣa puöu

Tiëŋkä piath de Akeema de mät, OO YEKOBA de rɛɛm!.

2-Tiääi ke ɣööt ke YEKOBA aacïiïtiëpdië ke ŋäŋ arëët ; piäändië ku dɛldië aadhiëu

NHialiny pïïr.

3-Agut cï amuöör anɔŋ ɣönden thiin-ë nïn, ku Aoloc ee rɔt yiëk ɣöt , ben tuɔŋke yaa

dhiëëth thïn, agut cï känDuun-ë Köc YEKOBA de Rɛɛm, Mëlëŋdië ku yee NHialinydië.

4-Ran yee ceŋ ɣɔɔndu ayee thieei; ku kaa ŋot-ë ke bï Yï yaa puɔɔny

5-Ran yee riɛɛlde tɔ në Yï yic ayee thieei, man cï ye puöu cäp në dhɔlke NHialicic .

6-Të cït të ciɛth kek në thuööth de Bacaic, ku loikï ke yee nyin-ë pïïu; ku kum deŋic në

pul.

7-Aayee jääl në riɛɛl-ë kök-ë lɔ në riɛɛl-ëkök-ë ; ŋɛk në tökku tök abï kɔɔc në NHialic

nhom Dhiɔn.

8-OO YEKOBA NHialiny de Rɛɛm , piŋ lɔŋdië, wël Yï yïïth, Oo NHialiny de Jakob !

9-OO NHialic , kɔŋ könda tïŋdaa, ku lïïr awut ca lɔc nyïïndaa.

10-Akäl tök në tiäiDuic awär akööl tim, Aŋuɛɛn ba yaa dutïn de Ɣön-ë NHialinydië

thok. Në nyin ban ceŋ në ɣööt kɔc rɛc thook.

11-Nëkë yee YEKOBA NHialic Yen ruɛl ku yee köt; YEKOBA abï thiëi yaa gam ku

nhuɔɔm; Acïn ke puɔɔth yee pëën ke cï yïk kɔc-ë cath ëke la puööth cïth.

12-OO YEKOBA de Rɛɛm, Ayee thieei yen ran-ë gämadötde tääu në Yï yic!

Dit 85

Lɔŋ në piath de Dööl ëbɛn

YEKOBA, Yïïn cï naŋpuöu ke piɛɛnyDu arëët; Yïïn cï apec ke Jakob aaca ke dhuök ciëën.

2-Yïïn cï karɛcke kɔcku puöl; ku kum rɛɛcdɛn kɔu kedhiɛ.

3-ƔɔɔkDu aca nyaai ëbɛn; Yïïn cï rɔt wel në mänDundïït ëtɔ në Yï puöuic.

4-Dhuk O ciëën , OO NHialiny de luäŋda, ku loi ɣɔɔkDu ke O bë dhuk piny në Yï puöu.

5-Naa rëk ke Yï be bɛr ɣök ke O ëmënë alagut ? naa rëk ke Yï bë ɣɔɔkDu duaatic në rïc

ëbɛn?

6-Cïï Bë O bɛr puööc , ku bë kacku bɛr jak në wuɔɔu path në Yï yic.

7-Nyuöth-ë O käc-ë puöuDu YEKOBA, ku yiën-ë O luäŋDu .

8-Ɣɛɛn abï kë bïï NHialic YEKOBA lueel piŋ, në ŋu Yeen abï jam në Dɔɔr bë lɛk kacke ku

kɔcken cïïthieei; ku duk-ëke cɔk dhuk ciëën në luethic.

9-Pacɔk luäŋDe athiök ke kɔc yee riööc në Ye, ku bï nhiaam yaa ceŋ pinyda.

10-Käc-ë puöu ku yic aacï mat atök; Lajik ku dɔɔr aacï röt ciim.

11-Yic abë këër bei piny nhom, ku jɔl Lajik ke tiëŋ piny nhiaal.

12-Ëë , YEKOBA abë kë yee kë path gam; ku jɔl pinydaan-ë luɔk de kapath juakic.

13-Alajiik aabï ŋɔr në YEKOBA nhom, ku looi të yee cɔkke käc ke yee kuɛɛrda.

Dit 86

Lɔŋ de göör-ë kuny

Tiɛɛr-ë Yï Yïïth piny , OO YEKOBA , ku piŋ ɣa; Ɣɛɛn cï ŋɔŋ ku yaa agɔɔr.

2-Ku luäk tiëpdië , nëŋu Ɣɛɛn alajik, ku Yïïn yee NHialinydië; kony awundu man yee

gämadötde tääu në Yï yic!

3-Yee puöu naŋ akäc të nɔŋ Ɣa, OO YEKOBA , Ɣɛɛn gäk ke ɣa dhiau në Yï nhom.

4-Tiëpde awundu ciɛukä, ku në Yï , OO YEKOBA , acan tiëpdië jat nhial.

5-Të nɔŋ Yïïn, YEKOBA , ee piath ku ca rɔt juiir ke Yï päl awäc, ku käc-ë puöu cïn-ë

thok yee yiëk kɔc-ë Yï cɔɔl.

6-YEKOBA, Wɛl-ë Yïïth Lɔŋdië ; ku päl-ë Yï Yïïth në röl-ë ka läŋ Ɣɛɛn ke keiic .

7-Aköldiën naŋ Ɣɛɛn riɛɛr aban Yï yaa cɔɔl , nëŋu anyiɛc Yïïn bë ɣa bɛɛr thok.

8-Acïn NHialiny cït Yï në nhiëliic ee tɛniic, OO YEKOBA; ku ka cïn luɔi cït luɔiDu .

9-Dɔl ca ke cak kedhiɛ aabï bɛn bïk bɛn-ë duur në Yï nhom, OO YEKOBA, ku kaa bï

Riɛnku nhoom.

10-Nëŋu Yïïn adït arëët , ku yee kak ke gäi looi, Yïïn Yï tök ee Yïïn ee NHialic.

11-Pɔɔc-ë Ɣa në kuɛrku , OO YEKOBA; Ɣɛɛn bï cath në yiɛthkuiic; ku ruɔk ɣa puöu piny

ba yaa riööc në Riɛnku.

12-Yïïn aba Yaa puɔɔny , Oo YEKOBA NHialinydië, në ɣa puöu ëbɛn, ke Riɛnku aaba yaa

nhoom agutawadɛ .

13-Nëkë thieek käc-ë puöuDuic arëët të nɔŋ Ɣa, ku Yïïn cï tiëpdië luöny bei në käl ke

cieeliic.

14-OO NHialic , adïtpuööth aacï röt jɔt ɣa , ku rual-ë mëriök acï rɔt yɔk piëërdië, ku

kaa këc Yï tääu tueŋ në ke nhïïm.

15-Ku Yïïn, OO YEKOBA , Yïïn yee NHialiny cï thiäŋ në nyin kuaany ku thieithiei,

guömbär ku yee thiäŋ në käc-ë puöu ku Yic.

16-OO, dhuök-ë rɔt ɣa , ku nɔŋ käc-ë puöu të nɔŋ ɣa! yiëk-ë awunDu riɛl-ë kökDu, ku

luäk wën-ë nyanawundu.

17-Nyuöth-ë ɣa cïn de piath, ku bïï kɔc man ɣa yaa tïŋ ku manykï gup, nëŋu Yïïn,

YEKOBA , ee Yïïn acë ɣa kony ku dɛɛt-ë ɣa puöu.

Dit 87

Në pɔny de Jeruthalem

Mëën ke wecke aatɔ në Kur lajik nhïïm .

2-YEKOBA anhiar thoŋ de rɔkdïït de Dhiɔn rɛk awär ɣän kedhiɛ ke ceŋ ke Jakob.

3-Kak Anhiamnhiam aacïï lueel në Yï, yïïn pendïït de NHialic !

4-“Rakaab aba bɛr lueel ku Babulon të nɔŋ kɔc nyic ɣa, tiëŋkä , OO pilithia ku thaiyir,

kek-ë Ethopia; töŋ-ë ee dhiëth ëtë tuui.”

5-KU në Dhiɔn abïï yaa lueel, “töŋ-ë ku töŋ-ë aake dhiëth në tiŋ-ë yic; ku NHialinydït

nhiaal AmëriɛlDe abë yee tiŋ-ë dooi.”

6-Abïï YEKOBA ŋuɛt piny, të lee Yeen kackë gät piny; “ Töŋ-ë ee dhiëth ëtë tuui. “

7-keek Kedhiɛ dukëët ku mëriɛɛŋ në läriic aluel, “ keek tïïllaa-cië aatɔ në Yï yic.”

Dit 88

Dhiën bïi kony

OO YEKOBA , NHialiny de Luäŋdië, Ɣɛɛn yee gäk ke ɣa dhiau në Yï nhom aköl ku

wakɔu.

2-Cɔk lɔŋdië aɣet në Yï nhom; thiëëŋ-ë Yï yïïth në dhiëndië.

3-Në ŋu tiëpdië acï thiäŋ në aliääp , ku piëërdië acï thiök ke raŋ thok.

4-Ɣɛɛn ayee kueen ke kɔc cïï tääc në kɔlic; Ɣɛɛn athöŋ ke ran cïn riɛɛl-ëkök.

5-Aɣɔu tɔ në kɛmke kɔc cï thou, ku ciët kɔc cï nɔk nin në raŋic, man cïn ran yee ke bɛr

tak alaɣɔn , keek man cïï ke tɛɛm wei në Yï cin.

6-Yïïn cï ɣa tääc në kɔlic piiny, në muööthic , të thuth akɛnythïn.

7-ƔɔɔkDu acï thiɛk në ɣa kɔu, ku Yïïn cï ɣa nhiaac në atiɛktiakDu ëbɛn.

8-Ku Yïïn cï nyïny-ë nyaai rɛk acï mɛc ke ɣa ; ku Yïïn cï ɣa cɔk ayee acarɛɛc të nɔŋ

keek; Ɣɛɛn cïï guör akɛnythïn , acïn të lan beec;

9-Yaaŋ acï ɣa lɔɔny nyin. YEKOBA Ɣɛɛn yee but-ë cɔt ke Yï; Ɣɛɛn cï ɣa cin riny ba gäm

Yï.

10- Lëu ba kɔc cï thou Luöi kak-ë gäi ? Ku lëu kɔc cï thou röt në jöt bïk Yï puɔɔny ?

11- Ka lëu bïï piath-ë naŋ puöuDu caal në raŋic? Ka ciɛɛl-ë gämadötDu të cï riääk ?

12-Lëu bïï kakkuun-ë gäi nyic në muööthic ? ka lëu bïï LajiŋDu nyic piny-ë nhom

määr?

13-EE Yïïn ëka yaan dhiɛɛu thïn, OO YEKOBA ,Lɔŋdië ee bɛn në Yï nhom nhiäkduur.

14-YEKOBA, yee ŋu cop Yïïn tiëpdië wei? Ku yee ŋu tɔɔu Yïïn Yï nyin të nɔŋ ɣa?

15-Ɣɛɛn cïï nhiaac töŋ-ë yan Apärääk arɛk Ɣɛɛn cï thiök ke thou; Ɣɛɛn cï gum në ariɛɛc

ku Ɣɛɛn cï nhom diaŋ.

16-ƔɔɔkdïïtDu acï ɣa maan piny; ku ariɛɛcDu aacï ɣa tɛɛm wei.

17-Aacï bɛn ku göölkï ɣa piny cï piëu akɔlic ëbɛn, aayee röt yuiin në ɣa lɔɔm kedhiɛ.

18-Naa nɔŋ tök nhiar ɣa ku mäth aaca ke mɛɛc wei në ɣa lɔɔm, ku lɔ ran nyic O në

cuɔlic.

Dit 89

Din në thääi de Ariɛɛr dïit-ë baai

Ɣɛɛn bï käc-ë puöu de YEKOBA yaa ket athɛɛr; GämadötDu aba yaa nyuɔɔth në ɣa thok

abïï nyic në rïc ëbɛn.

2-Nëŋu aca lueel, “ käc-ë puöu abïï buöth nhial alaɣɔn; GämadötDu aba dooi në nhiël

tɔ në nhial kɔu.”

3-“ Ɣɛɛn acï mät looi kek-ë Këdiëën ca lɔc, Ɣɛɛn cï kuëëŋ në awundië Dabid :

4-Käudu aba dooi athɛɛr, ku yiëk thɔɔnydu në rïcic ëbɛn”

5-Ku nhiël aabï Luɔiduun gɛi-ë yaa puɔɔny , OO YEKOBA; ku Gämadötduun cïn ye thok

në akutnhom de kɔc Cïïthieeiic ayɛ.

6-Ku yee ŋa në bɛɛi nhiaaliic lëu bïï thɔɔŋ kek-ë YEKOBA ? Ee ŋa në wɛtke mëriiliic lëu

bë ciët YEKOBA?

7-NHialic athiekic arëët ëka lëu bë yaa Yeen yen-ë riööc në Akutnhom de kɔc

Cïïthieeiic, ku yee muk ke riëëu-ë në kɔc thiääk ke Ye në Ye lɔɔm.

8-OO YEKOBA de Rɛɛm , eeŋa yee aril-ëriɛl cït Yï , YEKOBA? Ku Gämadötdu acï Yï gɔɔl

piny.

9-Yïïn mɛc dït de Bar ; të jɔt atïtiaak röt ke kaa dirke.

10-Yïïn cï Rakaab ruth abï yaa ŋuëk, cï ke cïï nɔk ; ku Yïïn cï kɔc ke Aterdu käär piny

në aŋoŋ Riildu.

11-Nhiël kedhiɛ aaye kakku , ku piny nhom ayɛ ee këdu; Tiɔp nhom ku ka cï ye thiööŋ

nhom, ee Yïïn ëYi wecke piny.

12-Piny abaŋ cuëëc ku piny abaŋ ciɛɛm, ee Yïïn ëkee cakke ; Tabor ku Ɣermon aalɔ

puööth yum në Riɛnku.

13-Yïïn nɔŋ köŋ-ë riɛɛlril; ku riɛɛl ee Këdu ku köŋ Cuëëcdu yen atɔ nhiaal.

14-Lajiŋdu kek-ë awɛiic kek aaye cök cïn-ë ke Thɔɔnydu wɛc piny; Käc-ë puöu ku yic

kek aaye ŋɔr në Yï nhom .

15-Kɔc nyic röl-ë miɛt-ë puöu aaye thieei! Aaye cath në Ɣɛɛrduun-ë Yï guöp, OO

YEKOBA .

16-Në Riɛnku keek aaye puööth miɛt lɔ tueŋ, Ku në Lajiŋduic ayee kek nhïïm tɔ nhiaal.

17-Në ŋu ee Yïïn-ë kee riɛɛl de nhiaamdɛn, ku në naŋ Puöudu ayee tuöŋkua tɔ nhiaal.

18-Në ŋu könda atɔ në YEKOBAic , ku mëlëŋda të nɔŋ töŋ lajik de Yïthërɛl.

19-Ku Yïïn yee jam në nyuöthdaai të nɔŋ Töŋduun Lajik, ku luel, “Ɣɛɛn cï kuɔɔny yiëk

tök yeen man lajik; Ɣɛɛn cï töŋ cïï lɔc në kɔciic miɛɛt nhom nhial.

20-Ɣɛɛn cï Aluaŋdië Dabid yök ; ku në mökdiëën lajik acan ye tɔc.

21-Kek-ë ŋa ban Ciɛɛndië dooi; ayɛ Kɔɔŋdië abïï yen yaa riɛl.

22-Kɔc ke ater aacï bë ye yaa toom kɔu, ka yïn kɔc-ë luui në karɛc yɔŋ-e.

23-Ɣɛɛn bï atiirke ya guar piny në ye nyin , ku yiëk kɔc man-ë cït-ë gäi.

24-“Ku Gämadötdië kek-ë käc-ë Puöudië aabï yaa tɔ ke ye, ku në Riɛncië abïï tuöŋke

yaa tɔ nhiaal ,

25-Ku Ɣɛɛn ayɛ aba thiɛt cin në Bar nhom, Ku cin cuɛɛcde në ciɛriic.

26-Abë dhiënde yaa jɔt ɣa , Yïïn yee wää, NHialinydië, ku yee kuur de luäŋdië.

27-Ayɛ Ɣɛɛn abï yeen cɔk ayee Wëndiëën-ë kai, bï tɔ nhiaal në mëlëëk ke tiɔp nhom

nhïim.

28-Käc-ë Puöudië aba muök-e athɛɛr, ku Mändië abë kɔɔc ke ril ke Ye.

29-Ku käude aba cɔk aciëŋ athɛɛr, ku cït thɔɔnyde nïn ke pan nhiaal.

30-“Naa nyiɛɛŋ miëëthke Lɔɔŋdië wei ku cï ke cath në Luŋdiëic .

31-Naa dhuuŋkï yuïïn-ë Mɛccië kɔɔth ku cï ke muk Lɔɔŋcië kaathiäär ,

32-Ke karɛcken kaa yiëk awääc në lëny ril, ku dhuök rɛɛcden nhom në waat.

33-ku nɔŋ-ë cɔk lïdï NHiëërpiɛɛthdiëën-ë acï Ba kaŋ yaa nyaai të nɔŋ yeen, ka yiën

Gämadötdië puöl bë yuïïk.

34-Mändië acaa bë teem kɔu, ka waar Wɛtdiëën cï bɛn bei në Ɣa thok.

35-Të can kuëëŋ në Lajiŋdië; ke Ɣɛɛn acï kɔŋ Dabid tɔr lueth:

36-Käude abï yaa ceŋ athɛɛr, Ku thɔɔnyde ke cït ruɛl në Ɣa nhom tueŋ,

37-Abïï dooi athɛɛr cï pɛɛi, agut abï ciët cäät-ë gäm path në wuliäänic.”

38-Ku Yïïn cï cuɛt wei ku Yïïn cï reec, ku Yïïn thuuth ke ɣɔɔk kek-ë Këduun cïï tɔc.

39-Yïïn cë män de Awundu maan; ku Yïïn cï göl de ye nhom cool ku cuɔŋ-ë piny.

40-Yïïn cï akɛɛthke kedhiɛ dhoŋ kɔɔth; Ku Yïïn cï dïr-ëriɛɛl tiaar.

41-Aayee ciëth cath dhölic ke peec; ee yaa yaaŋ të në kɔc thiääk ke ye akeu nhom.

42-Yïïn cï cin cuëëc de atiirke jat nhial ; Yïïn cï kɔcken ater kedhiɛ cɔk amit puööth.

43-Yïïn cï abättäude wɛl thok wei , bë kök cuök-ë wäi në tɔŋic.

44-Yïïn acï nhiamde duöm piny, ku cɔk thɔɔnyde wuööl piny.

45- Yïïn cï nïnke pärääkde cuöötiic; ku jɔl kum në many-ë guöp.

46-Agut cï nin, YEKOBA ? Ba rɔt tɔɔu agut athɛɛr? Bë Ɣɔɔkdu deep cï mac ?

47-Duk-ë nhom mär nyic lan liik niëncië ; Ee ciɛɛk-o cïn mïthke raan cak?

48-Ee ran-o lëu pïïr acï bë thou tïŋ? Lëu pïëërde në kuny-ë bei në riɛɛl de raŋic?

49-YEKOBA, tɔ NHiëërpiathduun wɛɛr tëyo, man cïn mël kuëëŋ në Dabid në

Yiɛɛnyduic?

50-Duk-ë nhom mär, YEKOBA, në yaaŋ de Awuutku- lɛu guöm de yaaŋ-ë nhiɛɛc de

kɔc juëc kadï.

51-Kek-ë ŋa yee kɔc ke Aterdu yɔŋ, OO YEKOBA, kek-ë ŋa yee kek cök ëKëduun ca tɔc

yɔŋ .

52-Ee bï athiɛɛi yaa tɔ kek-ë YEKOBA athɛɛr agut yen athɛɛr wadɛ, Amen ku Amen.

Dit 90

De NHialic ku Araan

YEKOBA, Yïin cï yaa tëdɛɛn-ë thiaan , në kuat ( riic ) ëbɛn

2- Ɣɔn aŋoot kur ëke këc guɔɔ tuöl , ku ŋoot tiɔpnhom ke këc-ë guɔr cak, ke Yïin ,

yïn-ë yee NHialiny yee tɔ alɔ ɣɔn në rïc thok ëbɛn.

3-Yïin yee raan dhuök në riääkic , ku bɛr-ë dhuk yïtök luel, bäkkä mïthke raan.

4-Ruöön tim në Yïnyin, aacït wɛɛ-thëën cï jääl. Aayee lɔ cï tiët yïin tïit wakɔu.

5- Aayeeke guɔr nyaai cï kuëër de aboor , aacït nïn de nyin, naa yee nhiäkduur kaa cït

noon cï guɔɔ dït.

6- Naa nhiäkduur ka gor dït ku ɣeer, naa yee thëën ka gor-ë tɛm piny ku thiɛɛŋ wei.

7- Ɣökdu ee O thook, ku kɛcdïitdun de Yïpuöu ee O riääc arëët.

8- Karɛckua aaca-ke cäp në yïnhom, ku rɛɛcdan cïi thiaan adɛɛi yïin .

9- Ɣökdu acï niënkua tekiic bïk määr ëbɛn, ku niënkua aaye guɔɔ thök ëpath cï ciër

yen-ë cïïr.

10- Runkuan ke pïir aayee thiërdhorou ëpath , ku naa ca riɛl arëetic kaa yee run

thiërbɛt kek aacuööp-ë , këde lec-ë nhom ee luɔi ril ku dhiëëu, ku jɔlku guɔɔ tɛɛm wei

, ku pɛɛrku ɣörjö.

11-Ku yee ŋa nyic riɛɛl de ɣökdu, ka cɔk bɛɛr riööc në yï , ku kɛc-ëpuööudu ëkɛ.

12-Ke yeen pɔɔc-ë O buk niënkua yaa kueen, ku buk puön-ë nyïc lööm.

13-Agut cï nin Bɛnydït , Dhuk ciëën , ku cɔk käcduun de yïpuööu de athiɛɛi ca tɔ në

awuutku kɔɔth.

14-Cɔk O akueth në käc de puöudu wälɛ, bë dac bɛn, buk puööth layum ku mitku

puööth në nïn kedhiɛ.

15-Bɛɛr-ë O duut puööth në keek aakööl cïnke O waaikä ( cil ) ku run cïi Okke kadhal

O guum.

16- Nyuöth-ë luɔidu awuutku, ku nyuöth-ë nhiaamde mïthken bik yaa nyic.

17-Ku cɔk dhëëŋ de Bɛnydït NHialinyda ayee O kuöm piny, ku dooi luɔɔi de Ocin, bë

tɔ në Ocin. Ëë, dooi luɔɔide cinkua.



Dit 91

NHialic ee dugëlda

Raan ëbɛn yee lɔ në YEKOBA nhom ke gör lanip, ku raan ëbɛn yee lɔ rëër në kuɔɔny de

NHialiny nɔŋriɛɛlëbɛnic,

2-Alëu në yöök, “ Yïïn yee dutïndië ku yee dugëldië, Yïïn yee NHialinydië; Gämadötdië

atɔ në Yï yic. “

3-Yeen abë yï muk ëläŋ në riäŋ cïï thiaanic ku në tuɛny juëc kɔkiic.

4-Yeen abë yï kuöm piny në Ye wuök; ku yïn bë nyiɛc rëër në muöökDeic ; adönDe abï

yï gël ku tiit yï.

5-Acïn kë yïn bɛr riööc makɔu ka dɛ ber yï bäk akɔldɛɛric

6-ka anuɛɛndɛ yee rɔt tɛɛm makɔu në muööthic , ka duriënhdɛ yee kɔc nɔk akɔldɛɛric.

7-Raan tim abï yaa yuïïk ëcï thou në yï lɔɔm, ku tim thiäär laaŋ ku laaŋ , ku ka cïn kë

bë yï gɔɔt guöp.

8-Aba tïŋ në yi nyin ku jam , cïï kɔc rac jäl yiëk awäc kadï .

9-Yïïn acï YEKOBA looi ke yee dutïnDu , Yen man dïït arëët atɔ nhiaal aca looi ke yee

dugëlDu.

10-Ku ka cïn riäk bë yi yaa yup, acïn duɔɔt bë yaa rëët në pandu thok.

11-Në ŋu NHialic abï Malaikaaike yaa tääu në yï lɔɔm titkï yi bïk yï gël të yïn cath thïn

ëbɛn.

12-Aabï yï yaa muök nhial nëke cin duök ba yï cök cuök dëëny në aleel tɔ piiny,

13-Cuɛr ku Karuɔɔr aaba yaa käciic, kör cï wäth kek-ë kuarakunïïn aacï be yaa kɔɔc ëyï

nhom .

14-Acïï NHialic lueel, “ Ɣɛɛn abï kɔc yee ɣa nhiaar yaa kony ku gɛl kɔc yee ɣa nyic ke ɣa

yee YEKOBADÏT.

15-Të yee kek ɣa cɔɔl ke cɔtdɛn adhuök nhom; ku naa tɔɔkï në riɛɛric , ke ɣɛɛn abï tɔ

ke ke. Ɣɛɛn aaba ke kony ku nhiaamke .

16-ku kaa ba riɔp në pïïr bär; ku ka ba ke luök.”

Dit 92

Din de pɔny

Të puɔɔth yen thïn bïï Yï yaa gäm alɛɛc , Yïïn YEKOBA, ba ket në nhiam nhoom Ɣɛn Yï

NHialinydïït tɔ nhiaal arëët.

2-Ba nhiëërduun ciee thök yaa caal nhiäkduur ëbɛn ku gämadötDu në thëëi thok ëbɛn,

3-Në lär cïï kuen në tïïlla, diir ku thom gut ëmääth.

4-Luɔi riildu, YEKOBA , ee ɣa yiëk miɛt-ë puöu; në wɛt-ë kë ca looi ayan alayoom ket.

5-Thiɛk-ë yic de luɔiDu adït arëët, YEKOBA ! ku tɛɛkku aathuthiic arëët!

6-Kän eekë cë lëu acïbëël bë dac nyic; ku aciŋuath acïï ye deetic :

7-Kɔc rɛc aalëu cil cï nuöör, ku kɔc yee awäc looi aayee cil ëke lɔ tueŋ ; ku kaa ŋot-ë

ke riääk ëcooŋcooŋ,

8-Në ŋu Yïïn, YEKOBA , Yïïn ee manhom athɛɛr.

9-Anyicku ke kɔckun ke ater bë thou, ku kɔc rɛc kedhiɛ aabïï dar.

10-Yïïn cï ɣa cɔk aril aba ciët thɔn anyaar roor; Yïïn cï ɣa thieei në yum-ë puöu.

11-Dɛr de kɔcciën ke ater aca tïŋ ku piɛŋ dhiën de kɔc rɛc.

12-Alajiik aabë löök cï akan; aabï cil ëke dït cï thedar de Lubënän.

13-Aabï ciët tiim cïï com ɣönde YEKOBA, man yee löök në dït në Yekalu de

NHialinydaic,

14-Aaŋot-ë kee luɔk ëke cï yaa tiim cï dhiɔp, ku yïïthken aatɔc ku rilkï.

15-Kän ee ye nyuɔɔth ke YEKOBA nɔŋ awɛiic, Degëldië acïnic kuöc luɔi.

Dit 93

NHialic ee Mëlëk

YEKOBA ëkee dɔk , acïï pɔth në piath dït, ee rɔt ruök në riɛɛldït , pacɔk acï rɔt yuöp në

karil , piny nhom acï dooi bïï cuök ëweek cök.

2-ThɔɔnyDu acïï dooi ɣɔn thɛɛr , ku yee Yïïn tɔ ëɣɔn thɛɛr-ë.

3-Abor aayee röt jat nhial, abor aacï keröt jat nhial, abor aacï atïtiaakken jat nhial.

4-NHialic nhiaal ee ariil, ku aruööt de Piëu cïn-e thok, ku atïtiaŋ riil de bar.

5-Lëkduun yee lɛk kɔc adïk yaa yic pacɔk, ku Lajik yen ee ɣönduu-ë ceŋ athɛɛr agut

athɛɛr, Yekoba .

Dit 94

NHialic ee Duluk de Käŋ kedhiɛ

YEKOBA , Yïïn yee NHialiny yee kɔc waai; nyuɔɔth-ë ɣɔɔkDu!

2-Yïïn yee Duluŋ de kɔc kedhiɛ; jat rɛt ku yiëk-ë adïtpuööth awäny thöŋ ke ke !

3-Bë kɔc rɛc puööth miɛt agut cï nin ? agut cï nin , YEKOBA ëke mit puööth?

4-Mëriir bïk puööthdït agut cï nin ku leckï-ke nhïïm në ariɛɛrdɛn ?

5-Aaye kacku riëkiic YEKOBA ku näkkï mïth cïn wunken.

6-Aayee diärjɔɔk nɔk ku näkkï abɛɛr, ku näkkï alɛi ciëŋ në kɔciic ëpinydaan-ë.

7-Aaye jam , “YEKOBA acï daai në O; NHialiny de Yïthërɛl acïn kë yee liath.”

8-Kaccië, ee ŋu cïï wek jäl dhöl wei në bëldïït cït-ë kän? Ee nin bïï wek pöc?

9-NHialic acï O cäk yïïth- cïk yee piŋ ? NHialic acï cäk nyïïn – cïk yee daai ?

10-Yeen man yee dɔl lɛk wël- cïï ke yee waai ? Yeen ee Dupöny de kɔc kedhiɛ- Cïn

nyïny tɔ ke Ye ?

11-YEKOBA anyic kë yeekï tak; anyic lɔn cïn täŋdɛnic këthi.

12-YEKOBA , ee miɛt-ë puöu yiën dï yee tɔ ke ran ca lɛk, yen-ë ran töŋ ca pɔɔc në

lɔɔŋDu-ë !

13-Yee cɔk alɔŋ në akööl nɔŋ yenke ariɛɛr agut të cïn-ë kɔl thöl në wëc deep-ë ran

rac.

14-YEKOBA acï bë kacke nyääŋ wei; acï bë ɣööth wei në kɔc yee kacke lɔm.

15-Awɛiic abïï yök në tiääiKeiic, ku alajiik kedhiɛ aabï ye kuɔny thar.

16-Ee ŋa bï kɔɔc bë ɣa gëër nhom në kɔc rɛc gup ? Ee ŋa bë ɣa lëu në wëëŋ-ë wei të

nɔŋ mëluui de karac?

17-Nɔŋ-ë YEKOBA këc ɣa kony , ëɣa dï cï dac lɔ piny la dïu.

18-Ee ca lueel, “ Ɣɛɛn ayuëëk piny” ku nhiëërduun ciee thök, YEKOBA, acï ɣa bɛn-ë jɔt

kɔu.

19-Yen kaam yan diɛɛr ëbɛn ku muööm nhom, ayïn ɣa duut puöu ku mit ɣa puöu.

20-Acïn kë yee looi ke lukarac, ee ŋa nɔŋ aŋuɛɛn ku luk,

21- Ee ŋa yee kɔc path ciër acir rac ku kuum kɔc cïn kë nyickï thïn kumke thou.

22- ku YEKOBA ee ɣa kony; NHialinydië ee ɣa gël kɔu.

23- Aayeeke waai në në luɔi rɛɛcdɛn ku riöökke në rɛɛcdɛn; aabïï YEKOBA NHialinyda

aabï-ke riöök.

Dit 95

Din de pɔny

Bääkkä këëtku Yekoba , ku cɔkku Opuööth cɔk layum në riɛɛl de luäŋda.

2-Lokku ëye nhom ku buk Leec , ku nyuthku NHialic miɛtdaan de puöu në diɛtkua.

3-Yekoba ee NHialiny Dïit , ee Mëlëŋ wär jak kedhiɛ.

4-Pinythok ëbɛn atɔ në ye cin, ku riɛɛl de kuur ayɛɛ.

5-Bar dït eekë de yen-ë kee cak-e, ku ɣän ɣer ëkaake juiirke në Ye ciin.

6-Bäkkä ciimku piny ku buk door, ku tukku O nhiɔl në Yekoba nhom Duciëŋda .

7-Yeen-ë kee Yekoba NHialinyda , Ok aaye kɔc ke pinyde , Ok aaye thök tɔ në Ye ciin

8- Naa naŋkä puööth bak piŋ röl në yee kööl-e, ke we duökkä puööthkuön cɔk aril,

acït man ɣɔn akölë them teer rokic ( roor ) wënë ɣɛɛn.

9-Ɣɔn them wurkuön ɣɛɛn, ku tïŋkï luɔidïitdië.

10-Run thiërŋuan an acï puöu dhiau në yee rïny-ë ku jääm, yaa kɔckä aayeekï wuööc

nëke puööth ku kaa kën dhölcië nyic apath.

11-Ɣɛɛn cï ɣök ɣɔn ku kuɛɛŋ keek, yaa kɔckä aacï bï lɔ në lɔŋdieic

Dit 96

Nhialic ee Mëlëk maril

OO, kɛtkä YEKOBA din jöt! Kɛɛtkä YEKOBA , wek piny nhom ëbɛn.

2-Kɛɛtkä YEKOBA, ku thiɛikä Riɛnke; caalkä thoŋ puɔɔth de luäŋDe në yee köölkä.

3-Nyuɔɔthkä nhuɔɔm de Riɛnke në dɔliic kedhiɛ, ku kakken-ë gäi cï looi në kɔciic.

4-Nëkë thieek YEKOBAic ku ka thiekic bïï puɔɔny; Ayen-ë riööc atɔ në nhiëliic nhïïm

kedhiɛ.

5-Nëŋu nhiëliic kedhiɛ yee kɔc looi aayee Idool, Ku YEKOBA Yen ee cak nhiël kedhiɛ.

6-Nhiam ku anhombɛny aatɔ në Ye nhom; riɛl ku dhëëŋ aatɔ në LajiŋDEic.

7-Yiëkkä YEKOBA , wek gal ke kɔc ,Yaakä nhiaam ku riɛl yiëk YEKOBA .

8-Yiëkkä YEKOBA nhuɔɔm thöŋ ke Riɛnke; Bɛɛikä mɔc ku bäk në tiäideic.

9-Oo, Duɔrkä YEKOBA në dhëëŋ de LajiŋDe! Në lɛth piny të kɔɔc yen në YEKOBA nhom.

10-Luɛlkä në dɔliic , “ YEKOBA ee kuum; ku tiɔp nhom acïï dooi në kɔɔc ril, acï bïï kaŋ

rïït ; ku YEKOBA abï kɔc luk në awɛiic.”

11-Në nhiël yup ciɛɛu, ku mit piny nhom puööu; në Baar yup atupbuööu, kek-ë

thiäŋde ;

12-Në ɣar la puööth yum, kek-ë ka tɔ në yeic. Ku jɔl tiim ke rup ciɛɛu yup në YEKOBA

nhom.

13-Nëkë bïï Yen, nëkë bïï Yen bë piny bɛn-ë luk nhom. Yeen abï piny nhom luk në

LajiŋDe, ku luk kɔc në yiɛɛnyDe.

Dit 97

NHialic ee Amɛɛc maril

YEKOBA ee kuum; cakkä piny aciiu; ku cakkä dïr dïït de tur amit puöu!

2-Acïï pöl ku muööth yuɛl piny; Lajik ku awɛiic kek aayee cök cïn-ë ke thɔɔnyDe wɛc.

3-Ayee mac ŋɔɔr, ku nyop kɔc ke ater tɔ në Ye lɔɔm piny.

4-Athiallaaŋke aaye piny nhom mer; ayee piny nhom tïŋ ku lɛth.

5-Kur aaye lɛɛŋ cï athïn në YEKOBA nhom, në YEKOBA nhom Bɛnydït de piny nhom

ëbɛn.

6-Ke nhiël aayee LajiŋDe cäät , ku kɔc kedhiɛ aayee nhuɔɔmDe tïŋ.

7-Në kɔc yee ka cïï guaŋ luööi ye gup many, kɔc-ë jak në idool , Yaakä YEKOBA door

wek nhiëliic cïï guaŋ.

8-Piŋ Dhiɔn ku mit puöu, ku ciiu nyïïrke Judɛ në wɛt-ë të cïn luk luök thïn, Yïïn

YEKOBA.

9-Të nɔŋ Yï, Yïïn YEKOBA, Yïïn atɔ në këriëëc nhom nhiaal arëët; Yïïn ayee miɛɛt nhom

nhial ba tɔ në nhiëliic nhïïm.

10-Ku yïïn , yïïn man ye YEKOBA nhiaar, yïn aman duriëëth! Yeen ee atïïp ke kɔc

cïïthieeike muk; Ku Yeen aayee kuöny bei në kɔc rɛc cin.

11-Ɣɛɛr ayee nyuɔɔth në Lajik, ku yee miɛt-ë puöu lɔn cïï puöu rɔt cök apath nyuɔɔth.

12-Wek alajik ciɛukä në YEKOBAic. Ku gämkä alɛɛc ke yee tɛk de Rinken Lajik.

Dit 98

NHialic ee Amɛɛc de Piny nhom

Kɛɛtkä Yekoba në din jöt, nëkë cien kak-ë gäi looi

2- Cin cuëëcDe ku köŋDeen Lajik, aacï tiämDe bɛɛi

3-Yekoba acï luäŋDe ca nyic, ku ka cï Lajik nyuɔɔth në dɔl kuc-e nyïin kedhiɛ.

4-Acï käc de puöuDe ku gäm adötDe tak tɔŋ mïth ke Yïthërɛl , Ku piny thok ëbɛn acï

luäŋ de NHialinyda tïŋ.

5-Luɔikä wuɔɔu de miɛt de puöu tɔŋ NHialic wek pinynhom, lak rïïr në kët , lak

puööth yum ,ku lɛckä.

6-Yaakä Yekoba kɛɛt në thom , ku në thoom ku röl-ë diɛt pianykä Yekoba.

7-Në röl-ë kaaŋ ku röl-ë tuŋ, lakiic yoom në Bɛnydït nhom nëkë Yen Mëlëk.

8-Në bar ke thiäŋde loi atupbuööu , ku looi tiɔp nhom ku ka ciëŋ thïn kedhiɛ.

9-Cɔk Ciɛr ku gɛl apamke cin, ku cɔk thɔɔny kedhiɛ amit puööth në Bɛnydït nhom, në

ŋu yeen abɔ bë acuŋ rɛɛr (ɣap ) në pinynhom luk.

10-Yeen abɔ bë pinynhom bɛn-ë luk, ku në LajiŋDe abï pinynhom luk. Ku kɔc ceŋ

pinynhom në piath.

Dit 99

NHialic ee Mëlëk Maril

YEKOBA ee Mëlëk;

Ee kɔc lath, Yeen aciëŋ në kɛmke Ciërabïm ku piny ayee luɛk.

2-YEKOBA ee arildïït në Dhiɔnic; ee Bɛny nhiaal në dɔl nhïïm .

3-Raan ëbɛn abï dïtDe Riɛnke ku anhombɛnyDe puɔɔny .

Yeen alajik!

4-Mëlëŋ nɔŋriɛɛl ëbɛn , Yïïn yee kë yee yic nhiaar ; awɛiic aca dooi pinyde Yïthërɛl ;

Lajik aca bɛɛi ku thöŋ-ë nhom.

5-Pianykä YEKOBA NHialinyda; duörkä në thönyde nhom!

Yeen alajik!

6-Mothe kek-ë Aaron aake yee abuöönke , Ku Thamuel ee ran töŋ-ë yee Ye door;

aake yee YEKOBA cɔɔl ku yee cɔtdɛn dhuk nhom.

7-Ee ye jam ke ke në pöl cï luaacic piny; gookï lööŋ theek ku yöök cïï-ke lɛkke .

8-Oo YEKOBA , NHialinyda, yee cɔt-ë kɔcku dhuk nhom; aca nyuöthke lan Yïïn NHialiny

yee karɛc puöl, ana cɔk ëYïïnke yiëk awäc në karɛckɛn cïkke looi.

9-Pianykä YEKOBA NHialinyda, ku duɔrkä në thɔɔny-ë kurdeen lajik nhom!

YEKOBA NHialinyda alajik.

Dit 100

Din de Pɔny

YAAKÄ awuɔɔu de miɛt puöu looi Bɛnydït wek piiny kedhiɛ.

2-Luööikä Bɛnydït në miɛt-ë puööu, ku bäkkä në Yenhom ke we ket diɛt.

3- Ku nyiɛckä ke Bɛnydït yee NHialic , Ee Yeen ëkee cak O , aacie Ook opɛc. Ook aaye

kacKe ku yeeku amɛl ke böŋDe

4-Bäkkä thïn në thoŋ de rɔk kek-ë mɔc de lɛc në we cin , bɛn në tiääiKeiic ke pɔny.

Yee naŋ alɛɛcDe , ku yee RiɛnKe thieei.

5- Nëkë yee Bɛnydït Yeen NHialic , ku käc de PuööuDe ee tɔ athɛɛr, ku YicDe ee ceŋ në

rïc ëbɛn.

Dit 101

Kë cïi Mëlëk lueel bë looi nhiäk

Diɛndië ee din-ë käcde puööu ku lukawɛiic, aba yaa kɛt Yï, YEKOBA.

2-Ɣɛɛn bï nyiɛc rëër në kuer path, ku yee nin bïn bɛn të nɔŋ ɣa? ke ɣɛɛn bï cath ɣöndië

ke puön lacïth.

3-Luɔi de kërac acï ba kaŋ yaa pät abï lɔ në ɣa puööu, Ɣɛɛn man luɔi de kɔc yee röt

dhuök wei të nɔŋ NHialic; acïn kë ba kaŋ yaa mat ke ke.

4-Ɣɛɛn acï bï puöu kaŋ yaa naŋ diɛudiɛu, ku cïn kë yaa kaŋ mat ke duriëëth.

5-Ran yee la ŋunŋun në dhuöm ke randɛ aba yaa tuɛny wei ; ran dït puöu ku lee

dhännän acï ba kaŋ yaa pät.

6-Kɔc nɔŋ gämadöt ke NHialic kek aaba yaa gam ku cakke ayee ceŋ pandiën dïït-ë

bɛny. Kɔc dïk puööth layuic aaba ke puöl bïk ɣa yaa luööi.

7-Acïn aluenh ba kaŋ päl ceŋ ke ɣa pandïït-ë bɛny; acïn aleec röt kaŋ päl në ɣa nhom.

8-Aköl köl Ɣɛɛn abï kɔc rɛc yaa riöök pinydië; ciɛɛc mëdhuum wei në pendïït de

YEKOBAic.

Dit 102

Lɔŋ de Apäräk nɔŋ ariɛɛr

Piŋ lɔŋdië , YEKOBA, ku piŋ dhiëndië gɔr Ɣɛɛn kuɔɔny!

2-Të tää Ɣɛɛn në riɛɛric , ke Yï duk-ë dhukciëën të nɔŋ ɣa! piŋ ɣa , ku dɔc ɣa bɛɛr thok

të cɔɔt Ɣɛɛn!

3-Piëërdië acï lɔ ruar cï tol; ku guöpdië adɛp cï mac.

4-Ɣɛɛn acïï that piny cï noon; Ɣɛɛn acïï tuil-ë miëth muöör nhom.

5-Ɣɛɛn yee joor ëröldït; Ɣɛɛn acï guak arɛk ee dɛl ku yom ke pɛc.

6-Ɣɛɛn acï ciët din-ë panic, ku ciët agumut cï döŋ të cï riääk.

7-Ɣɛɛn aciee nin; Ɣɛɛn cï ciët din cï döŋ në ɣöt nhom etök.

8-Kɔcciën ke ater aayee ɣɛ läät në akɔlic ëbɛn; keek man yee ɣa boi guöp aaye riɛncië

lööm bïï kek aciɛɛn lɔ looi.

9-Ɣɛɛn cï ŋeth cam ke yee miëth në wɛt-ë Ɣɔɔkdu ku liääp pïïuke ɣa nyin ke pïïu-ë

dëk.

10-Ee kë cïn puöu kɛc ku ɣɔɔk-ë : yen acïn ɣa kuany ku cuat-ë ɣa wei.

11-Pïëërdië acï ciët atiëm thɛi, Ɣɛɛn cï ciët noon cï thiaaŋ.

12-Ku Yïïn, YEKOBA , Yïïn yee Mëlëk athɛɛr; ku rïc ëbɛn abï Yï yaa tak.

13-Yïïn bë yaa jöt bei ku kuany-ë nyin në Dhiɔn, thäi acï bɛn bïn puöu käc në ye; kän

yen-ë kee thääi cï rɔt tiiŋ.

14-Yeen anhiɛɛr Aluaŋdu, anaa cɔk aamë cïn-ë ye riöök-ë; ke kek aanɔŋ käc de puöu

në ye, agut ëmë tɔɔ yeen në riääkic-ë.

15-Dɔl aabï yaa riööc në YEKOBA ; mëlëëk ke piny nhom kedhiɛ aabë yaa riööc në

Riɛɛlde.

16-Të ber YEKOBA Dhiɔn piny në buth, ke Yeen abï dït-ë Thiɛk-ë yicde nyuɔɔth.

17-Yeen abï kɔcken cï döŋ wei piŋ ku wël Ye yïc lɔŋdɛn.

18-Gät-ë ka cïï YEKOBA ke looi piny të nɔŋ rïny bɔ ciëën, ku bë kɔc këc-ëke guɔɔ

dhiëëth Yeen yaa puɔɔny wadɛ.

19-YEKOBA ee piny tïŋ nhiaal të deen lajik, Yeen ee tiɔm nhom tiëŋ piny pannhiaal.

20-Yeen ee jor-ë yic de kɔc cï mac piŋ ku keek kɔc cïïke luök thou aayee luöny nhom

lääu.

21-Ku bïï Riɛnke caal beec në Dhiɔnic, ku Yeen abïï yaa puɔɔny Jeruthalem.

22-Të bïï dɔl ku ceeŋ ke piny nhom atök ku Doorkï YEKOBA.

23-YEKOBA acï ɣa cɔk akɔc ɣɔn ŋuɔɔt Ɣɛɛn ke ɣa kor; Yeen acï piëërdië cɔk aciekic.

24-OO NHialic, duk-ë ɣa goor nyaai në piny nhom ke ɣa këc guɔɔ dhiɔp. YEKOBA, Yïïn

ceŋ athɛɛr.

25-Ɣɔn thɛɛr Yïïn cï piny nhom cak, ku looi pan nhiaal në ciɛɛn Adɔɔnyku .

26-Keek aabï lɔ ruar, ku Yïïn dhiac; keek aabï dhiap cï alath; Yïïn aaba ke yaa waar cï

alanh-ë kɔu ku thökkï.

27-Ku Yïïn thöŋ në nïn kedhiɛ, ku Piëërdu acïn thökde.

28-Miëëthkua aabï ceŋ në lanipic në Gëlduic ku galken aabïï looi bïk la nip.

Dit 103

Nhiëër de NHialic

Week yïk tiëpdië! Yaakä YEKOBA puɔny, Pianykä Rinken Lajik! Yïïn maraandië.

2-Puɔny YEKOBA , yïïn tiëpdië! Ku duk-ë nhom yee määr në naŋ Puöude.

3-Yeen acï karɛccië puöl kedhiɛ ku cɔk ɣa apuɔl guöp në tuɛnytuɛɛnycië.

4-Yeen ee ɣa muk wei në lɔ rɛɛŋ ku thieei ɣa në nhiëër ku käc-ë puöu.

5-Yeen acï pïëërde thiööŋ në kapath, ku ba rëër ke ɣa yee apäräk ku riɛɛl cï malaika.

6-YEKOBA ee luk ke kony anhiɛɛc-ë ku yïkke yiɛɛnydɛn.

7-Yeen acï Aciɛɛrde nyuöth Mothe ku cɔk kɔc ke Yïthërɛl atïŋ Riɛɛlriilde në ka looi.

8-YEKOBA akɔcpuööu ku anɔŋ nhiëër, aciee dac ɣök ku athiäŋ në nhiëër-ë gäk thïn.

9-Aciee gäk ke cil kɔc ; ku Ɣɔɔkde aciee but thïn alawɛn.

10-Yeen aciee O ëyiëk awäc cï kë cuk wuööc, ka thööŋ ariɔmda nyin kek-ë rɛɛc cuk

looi.

11-Cuïr baric tɔ në kaam-ë nhial ke piny, yen-ë kee tëde Nhiëërde ke kɔc-ë Ye nhoom

akan .

12-Të mec piny ciëënic thïn kek-ë piny tueeŋ, yen-ë kee të meec yen rɛɛcda nyaai

thïn akan ke O.

13-Të cït të yee wun mïth piath thïn ke miëëthke, yen-ë kee të yee YEKOBA piɛɛth thïn

kek-ë kɔc-ë ye nhoom.

14-Yeen anyic cïï O cuëëc në ŋu; Aciee nhom-ë määr në lɔn yee Ok tur.

15-ku të nɔŋ Ok, piëërda acït noon, Ok aaye dac dït ku dɔcku neiwei cï yɔk-ë liëëm;

16-Të yoom yom në ye kɔu, ka cï guɔɔ lööny wei- ku cïn rantöŋ ber-e tïŋ.

17-Ku të nɔŋ kɔc yee YEKOBA nhoom, Nhiëërde ee dhiac athɛɛr, ku ciëŋ Piathde në rïc

ëbɛn.

18-Të nɔŋ kɔc cathke Mände në yic ku keek man yee yöökde theek në adöt.

19-YEKOBA ee thɔɔnyde tääu pan nhiaal; Yeen ee Mëlëk në käŋ nhïïm kedhiɛ.

20-Pianykä YEKOBA, wek riil ku malaika riilëriɛl, man yee Yöökde riëëu, man yee kë

lueel piŋ.

21-Pianykä YEKOBA wek riil tɔ nhiaal kedhiɛ, ku Wek Awuutke , man yee Piäände looi!

22-Pianykä YEKOBA, wek caak kedhiɛ tɔ në ɣän mɛc YEKOBAke kedhiɛ tɔɔ wek thïn.

Puɔny YEKOBA yïin tiëpdië!

Dit 104

Atɔ në pɔny de Duciëëŋ

Puɔny YEKOBA, yïïn tiëpdië! OO YEKOBA , NHialinydië , thiɛk-ë Yicdu ee kë yiëndï ! Yïïn

cï pöth në anhombɛny ku nhuɔɔm;

2-Yïïn cï rɔt kum në ɣɛɛr ,Yïïn cï pan nhiaal thiɛth piny cï athïn.

3-Yïïn cï Pandu buth në pïïu nhïïm, Yïïn yee kat në pöl ëke yee riänë ajɔŋköör ku yee

yith në wuŋ-ë yom.

4-Yïïn yee yom tooc ëke yee atooc bïk Yï lɔ luöi luɔi, ku yee labiriu-ë deŋ Aluɛkku.

5-Yïïn cï piny nhom wɛc bë kɔɔc ëtïltïl , ku ka cï bïï yaa rïït.

6-Yïïn cï adɛɛkdit tääu në ye nhom cï yuën, ku kum pïïu kur piny.

7-Të cil Yïïn pïïu ke kaa kɛt wei; aayee dac riŋ wei të piŋ kek Rölduun yöök Yïïn ke.

8-Keek aaye kuëër në kur nhïïm ku lek bɛr në thuööthic, lek tën-ë ca cakke.

9-Yïïn cï akɛɛth tääu piny bïkke cuök-ë teem kɔɔth, tën-ë ke gɛl wei bïk piny cuök ber

thiöŋ nhom.

10-Yïïn cï nyïïn looi bik yaa kuëër në thuthiic, ku ciɛr ëke riŋ në kɛmke thɔny.

11-Keek aaye läi roor muɔɔc në pïïu; ëtënë ayee akacja roor jäl dek thïn.

12-Në tiim thiök në Ye lɔɔm, ayee diɛt ɣɔɔtkɛn yïk thïn ku yeekï ket.

13-Yïïn yee deŋ tuööc nhiaal në dɔric lɔ në thɔny nhïïm, ku jɔl piny nhom thiäŋ në

Athiɛɛidu.

14-Yïïn yee noon cɔk cil ke yee këde ɣɔk ku liëëm ke manth-ë raan bë yaa luɔɔi. ku

bïk dɛɛu-ë tiim yaa com.

15-Ku yeekï mäu thaal në ye bïï kek puööth yaa miɛt, mök de Olip bïk puööth layum,

ku abïk bë ke yiëk riɛl-ë guöp.

16-Ceedar ke Lebanon anɔŋ deŋdït arëët- YEKOBA acï tiim dööc ,man cï ke com.

17-Diɛt aaye ɣɔɔtkɛn yïk ëtën-ë, ku tiɛm anyuäät yen eetë de dheel.

18-Amuuk ee ceŋ në kur bär nhïïm, ku yee aruöm kɔc thiaan në atiɛlläŋic.

19-Yïïn cï pɛɛi cak bë yaa cïn-ë pɛɛi; ku anyic thääi të cïn-e cap piny thïn.

20- Yïïn cï makɔu looi , në muööthic, bë läi roor kedhiɛ jäl yaa wëtbei.

21-Ajɛl-ë cuar ee ciiu të yɛp kek, agöör-ë miëth cïï NHialic gäm-e.

22-Të cïï piny bak ke läi aadhuk buut ku lek tɛc në adhumkɛniic.

23-Ku lɔ kɔc beec bïk loilooikɛn lɔ looi abë piny cuɔl thëën,

24-YEKOBA, Yïïn cï Kajuëc arëët looi! Aaca nyiɛc cak kedhiɛ në nyïc! Piny nhom acï

thiäŋ në Caakku.

25-Adɛɛkdit akan, ke dït ku kë koor, ee tëyo ciëŋ caak ciee kuen thïn, ka dït ku ka

koor atök.

26-Riëthdït ke Bar aacath thïn ,ku në ye yic ayee Lebianthän riäŋ thïn, ku yee rɛcdït de

Bar tɛc thïn.

27-Keek kedhiɛ aaye röt geei në Yi ba ke muɔɔc në miëth të göör kek-e,

28-Yïïn ayee yiëkke ,ku camkï; Yïïn aaye muɔɔc në miëth ku kuethkï.

29-Të dhuk Yïïn ciëën , ke kaa dɔm riööc , ku naa nyaai-ë Aliirduun-ë wëëi, kaa thou.

Ku dhukkï tioop tën-ë bïï kek bei thïn.

30-Ku naa yiëk-ë ke aliir-ë wëëi, ke kaa ca cak; Yïïn cï pïïr jöt bɛɛi në piny nhom.

31-Në nhuɔɔm de YEKOBA yee tɔ athɛɛr! ku në YEKOBA yee puöu miɛt ke kë cï looi!

32-Yeen naa lieec piny, ka lath piny; Yeen ee kur gɔɔt, ke kur aaŋuɛny tol beec.

33-Ɣɛɛn bï YEKOBA yaa kɛɛt në piëërdiëic ëbɛn, naa yaa pïïr ke Ɣɛɛn yee NHialic

puɔɔny në kët.

34-Në yee puöu layum në diɛɛndië, nëkë yee miɛt-ë puöudië bɛn të nɔŋ-E .

35-Në acarɛɛc riök në piny nhom; në cïn kɔc rɛc ber tɔ thïn alagut.

Puɔny YEKOBA , yïïn tiëpdië!

Puɔny YEKOBA !

Dit 105

NHialic ke kacke

Yaakä YEKOBA leec, calkä thiëk-ë Yicde; lɛkkä Dɔl kedhiɛ kadït cï ke looi.

2-Pianykä YEKOBA në kët; luɛlkä kak-ë gäi cï ke looi.

3-Miɛt-ë puöu nëkë yee Ok kakke; Cɔkkä kɔc-ë Ye door aciiu.

4-Lɔɔr të nɔŋ YEKOBA në kuɔɔny ; ku gäk ke yee door.

5-Yaakä tak yen Luɔideen gɛi-ë ku luŋ yee gam.

6-Yïïn kuan de Abërɛɛm, Awunde; Yïïn kuan de Jakob, ran cïï lɔc:

7-YEKOBA ee NHialinyda; Yöökde ee kë de piny nhom ëbɛn.

8-Yeen abë Mände muk nhom athɛɛr, këdeen ëcï lueel ee këde riëny alïp.

9-Yeen abï amatdeen-ë cï looi kek-ë Abërɛɛm muk nhom, ku luɛldeen ëcï lɛk Yïthäk.

10-YEKOBA acï Mät looi kek-ë Jakob, töŋ bï rëër athɛɛr.

11-“Ɣɛɛn bë yï yiëk piny de Kanaan,” aluel YEKOBA, “ Abï yaa adönydu.”

12-Kɔcke NHialic aake lik në cin thok, alɛɛi ciëŋ piny de Kanaan.

13-Keek aake gäk ëke cath pan-ë lɔ pan-ë, jääl në ceŋ-ë yic lɔ në ceŋ-ë.

14-Ku kaa këc NHialic ke puöl bïï ke nhiaac; bë ke gël goo mëlëëk yɔɔk;

15-“Duökkä kɔc ciën ca lɔc bë yiëk ŋääk; duökkä Nebï tök gɔt guöp “

16-Goo YEKOBA cɔk tuööc piɛɛnydɛn, ku nyiɛɛi miëthdɛn ëbɛn.

17-ku goo raan tuɔɔc tueŋ nëke nhïïm, Jothep man ëcïï ɣaac wei bë lɔ yaa aluaak.

18-Jothep ee cïï rek cök në riak, ku rek yeth në luŋ de wëëth.

19-Agut të cïï kën-ë cïï meek rɔt dhiɛɛl thïn ke yee yic, wɛt de YEKOBA acï rɔt bɛn-ë

nyuɔɔth ke nɔŋ yic.

20-Goo mëlëŋ de Yïjip luöny bei ɣön-ë döm; acïï Bɛny mɛc dɔl luöny bei bë nhom

lääu.

21-Yeen acï tääu në Bäänyic në miiricdeic ku tɛɛu në baai nhom ëbɛn bë mac.

22-Yïk riɛɛl në mëluui ke mëlëk nhïïm ku bääny yenke yɔɔk kek dujiɛɛmke.

23-Ku bɔ Jakob piny de Yïjip ku nyuc ciëŋ thïn ëpiny-ë.

24-Ku cɔk YEKOBA mïth ke mïth ke Jakob aajuëc ku cɔk NHialic ke aril awärkï kɔckɛn

ater.

25-Yeen acï kɔc ke Yïjip aman kacke mïthke Yïthërɛl ku jɔlkï ke kuöc muk në yaaŋ.

26-Yeen acï Mothe Aluaŋde tuööc, ku Aaron keek man cï ke lɔc .

27-Keek aacï luɔi riil-ëriɛɛl de NHialic acïk looi ku loikï cït-ë gäi piny de Yïjip.

28-NHialic aci muööth tuööc baai, ku Yïjiip aakëc bɛn-ë gam në yee yöök-ë ka yïnkï

riëëu.

29-Yeen acï ciɛr bɛn-ë wel ëke yee riɛm ku nɛk rec tɔ në ciiric ëbɛn.

30-Aguek acï baai bɛn-ë kuɔt thok, agut ɣöndïït-ë mëlëk ee cï thiäŋ në aguek.

31-NHialic acï yöök, lëk anɔŋdïït-ë luaŋ ku thoor në baaiic ëbɛn bë bɛn.

32-Yeen acï deŋ cɔk atueny në kɔi ku abirbiir piny-ë Yïjip në nyin tueny yeen në deŋ.

33-Yeen acï dumken ke abiëc riöök ku rɛc dumke ŋɔp.

34-Yeen aci kɔriɔm yɔɔk bë bɛn baai, acath ëyee luät, ee ruɛl kum nyin, tim ciee lëu në

kuɛn.

35-Cam kɔriɔm tim tɔ baai ëbɛn; ku ciɛm nyin-ë miëth cïï com ëbɛn.

36-Yeen acï wänkai nɔk në gɔl thok ëbɛn të nɔŋ ran de Yïjip .

37-Ku Yeen jɔl mïth Yïthërɛl ŋäär beec; keek aake cï thian tɔc ku luŋ luat lööm ke ke

ku keek aake puɔl gup ku rilkï.

38-Ayïjiip aake riöc nëke ku cïk puööth miɛt në wɛt cïï kek jääl baai.

39-NHialic acï pöl bɛn-ë tääu nhial ke ye anïpnïp, ku mac makɔu bë piny yaa ɣɛɛr .

40-Gookï thiëc, goo aweec tuööc; ku tucke miëth pan nhiaal kë kuethke.

41-Yeen acï kuur liepic ku wɛt pïïu beec, abë pïïu riŋ në panic cït-ë yee gel.

42-Yeen acï Këdeen lajik acï lueel lëk Abërɛm awunde tak.

43-Yeen acï kɔcken cï lɔc jäl ŋäär beec, ku jɔlkï ket ku yupkï duɔɔt-ë miɛt-ë puöu.

44-Yeen aacïke yiëk pinyde kɔc kɔk, ku cɔkke alöm dum ee kɔckä.

45-Ku bë Kacke Lööŋke riëëu ku yeekï Yöökde muk .

Pianykä YEKOBA

Dit 106

Piath de YEKOBA ke kaɔke

Pianykä YEKOBA!

Yiëkka YEKOBA alɛɛc , në ŋu Yeen apath; Nhiëërde ee tɔ athɛɛr.

2-Ee ŋa lëu luɛl de ka thiekiic kedhiɛ cïï YEKOBA ke looi? Ee ŋa lëu-E në pɔny cï thök?

3-Aayee thieei kek kɔc yee yöökde riëëu, Ee ŋa aluööt yee kë tiŋ rɔt looi.

4-Yee ɣa tak, YEKOBA , të kony Yïïn Kacku; yee ɣa mat thïn të luɛk Yïïn ke.

5-Cɔk ɣa atïŋ cil de latueŋ de Kacku ku ram athiɛɛi de dööldu ke ke , në miɛtdïït-ë

puöu de kek yee kakku.

6-Ok cï rɛɛc cï luɔi de wunkuandït; Ok cï yaa acarɛɛc ku mëdhuum.

7-Wunkuandït ɣɔn tɔ në Yïjip aake këc luɔidïït thiekic de NHialic deetic; Aaye nhïïm

määr në thääi kuöt të cienke nyuöth nhiëërde, ku yɔɔtkï wei në riɛɛlriil cin në Bar

thith.

8-Ku kaa cï ke luök , cï kën-ë cï lueel, ku bë riɛɛldeen thiekic nyuɔɔth.

9-Yeen acï Bar thith yɔɔk bë döu , goo döu, Yeen acï kacke jäl tɛm Bar thith të la kök.

10-Yeen aacïke kony në kɔc yeeke maan cin, konyke në kɔcke atɛrkɛn cin.

11-Ku jɔl pïïu kɔcke aterdɛn dïëër piny ; acïn töŋ kooth mac.

12-Goo kacke kë ëcë lueel jäl gam ku ketkï dit puɔɔɔny kek-E.

13-Ku gorkï nhïïm guɔɔ määr nëkë puɔɔth cï luöike , ku loikï këdɛn cïk tak ëke këc

wɛɛt-ë NHialic tiit .

14-Keek aacï thiäŋ në ŋɔɔŋ-ë guöp në panic ëtënë ku tɛɛukï NHialic në thëmic;

15-Goo NHialic ke yiëk kë cïk thiëëc, gooke tuöc tuaany rac arëetic .

16-Ëtënë në panic aake cïï tiɛɛlke dɔm në wɛt-ë Mothe ku Aaron , awuut lajik ke

YEKOBA.

17-Goo piny rɔt liep ku wɛl Däthän piny ku thiäk piny Abiraam ku gɔlde ;

18-Ku bɔ mac nhiaal lööny në kɔc buɔthke kɔɔth ku nyop kek-ë kɔc rɛckä.

19-Keek aacï anhomthɔn dan-ë woŋ looi në thiau piny de Thinaai ku doorkï ë Idool-ë;

20-Keek aacï nhiaam de NHialic waar në län cïï käär kë yee nyuɛth në wal .

21-Keek aacï nhïïm määr në NHialiny cï ke luök në köŋ riil-ëriɛɛlde piny de Yïjip.

22-Ee kak gɛi-ëke yïndï Cïï Yeen ke looi ëtë tuui! Ku yee ka yïndï cï looi në Batr thith!

23-Të lueel NHialic-e ka bï kacke riöök, goo awundeen cï lɔc Mothe , ɣëët ke NHialic ,

ku jiɛi ɣɔɔk de NHialic ke cï riök ke.

24-Gookï piny piɛɛth wɛn rɛɛc , nëŋu acieekï ëgam lɔn cïï NHialic ye lueel.

25-Keek jɔlkï ceŋ në akeemakenicc ëke ŋuɛt, ku cï ke piŋ këde YEKOBA.

26-Yeen aacïke yiëk yɔɔk rilic bïk thou në panic ëtɛɛn.

27-Ku bë galken thiäi piny në kuandɛic ku bïk lɔ thou piny ke kɔc kɔk ëke cïn nhïïm

piny.

28-Naa ɣɔn në Pioor, kɔc-ë NHialic aacï bɛn mɛt në duör-ë jɔŋ cɔl Baalic, ku yeekï cam

nëkë cï näk nhiëliic cï thou.

29-Keek aacï NHialic kɛɛc puöu në ka loikïke, goo tuaany rilic dhuŋbei nëkeiic.

30-Goo Pïnïɣa kɔɔc nhial ku nɛk kɔc nɔŋ awäc, ku kääc yum-ë tuaany niɛ.

31-Ëkän acïï yaa tak në piathdeic ëɣɔn-ë ku ka bï yaa këde thäi bɔ ëbɛn.

32-Ɣɔn në gel de Mariiba goo kɔc YEKOBA rac puöu arëetic, ku jɔl Mothe tɔ ne ariɛɛric

në këdɛn.

33-Keek acïk kɛɛc puöu ago Mothe jam arëëtic abë ye nhom cuök ëbɛr tak nëkë lueel.

34-Keek aakëc majɔɔk tɔ në keiic nɔk cï luɛl cïï YEKOBA ye lueel bïï looi .

35-Cɔkkï lɔ thïn thiëkkï ke ke ku lömkï të yee kek cieeŋ thïn cinic NHialic.

36-Kɔcke NHialic kek aaye duur në idool, kuu kän yen acï riääŋdɛn bɛɛi.

37-Keek aayee wɛtkɛn ku nyiëërkɛn gam ëke yee köc të nɔŋ idool ke Kanaan.

38-Näkkï mïthkɛn cïn kë nyickï thïn, goo baai jäl yaa kë cïï dhiäi keth në yee nääk-ë

kɔc-ë.

39-Keek aaye röt ŋɔɔc lek lajik në yee luɔi-ë ku kaa cï ciën gämadöt tënë NHialic.

40-Goo NHialic ɣök arëët ke kɔcke ; Yeen acï puöu lɔ nyuil nëke gup.

41-Goo NHialic ke päl në riɛɛl de akëcgamic ku jɔl kɔckɛn ater ke dɔm ku mɛckïke.

42- Jɔl kɔc ater ke nhiaac aake cïk dïk-ë nyuc-ë nhïïm pacɔk.

43-Në thääi juëciic YEKOBA ee kacke kony, ku ka yeekï lɔc bïk yɔɔtwei në YEKOBA cin

ku lek ëke dïr në rɛɛcic.

44-Ku kaa ŋot-ë ke yee YEKOBA piŋ të dhiɛɛu kek wei, ku Yeen ee nyin ŋɔɔŋdɛn lieec.

45-Në wɛtdɛn ayee YEKOBA Mände ke ke tak , nëŋu Yeen anɔŋ nhiëërdït ka la yɛl.

46-Yeen ee kɔc nhiɛɛcke wel puööth bïk puööth käc në ke.

47-Luäk O, YEKOBA NHialinyda, ku dhuk O ciëën nyaai-ë O në dɔliic, ku buk thiäŋ në

alɛɛc ku puɔnyku Rinkun Lajik.

48-Pianykä YEKOBA , NHialiny de Yïthërɛl; pianykä në yee mɛɛn ku agut yen athɛɛr

wadɛ!

Ku cakkä aluel raan ëbɛn “Amen!”

Pianykä YEKOBA!

Dit 107

Në pɔny de piathde NHialic

“Lɛckä YEKOBA , nëŋu Yeen apath; Nhiëërde ee tɔ athɛɛr”

2-Yee wëlkä bɛɛriic të puɔɔny yïïn YEKOBA, week wedhiɛ wek kɔc cïke luök.

Yeen acï wek kony në kɔckuönke atɛr cin.

3-Ku lee we dhuök ciëën piny de alɛɛi, gɔl piny ciëën ku piny tueeŋ, jääl piny

cuëëc ku piny ciɛɛm.

4-Kɔk aa ɣɔu roor në liëëthic ku kaa ciee kuer ëyök thok bïk ɣet pendït bïk lɔ

ceŋ thïn.

5-Keek aake nɛk cɔk ku rou ku cïk ciën ŋäthdɛ nëkeiic

6-Të tɔɔ kek në ariɛɛrdɛnic ke kaa cɔl YEKOBA, ku luɛkke në nyin ŋɔɔŋdɛnic.

7-Yeen aacï ŋɔɔr në kuer ciëëthic la pendït të bïï kek lɔ rëër thïn.

8-Keek aabï YEKOBA dhiil-ë gɛm-ë lɛc në Nhiëërdeen ciee thök. Në kadït

thiekiic cï luöike .

9-Yeen acï kɔc nɛk rou kaai ku thiɛɛŋ acɔɔk në ka path.

10-Kɔk aake ciëŋ në gäiic ku cuɔlic, kɔc tɔ ɣön-ë döm aagum në rëk-ë riak,

11-nëŋu aacï yɔɔtwei në yöökde NHialiny nɔŋriɛɛlëbɛn cin, ku kaa cï jaai në

yökyöök.

12-Keek aacï dak në luɔi rilic; keek aalëu yuïïk piny, ku ka cïn ran kuny.

13-Të tɔɔ kek ariɛɛric ke kaa cɔl YEKOBA , ku Yeen aayee ke kony në nyin

ŋɔɔŋic.

14-Yeen aacï ke bɛɛi bei në gäidɛnic ku cuɔlic ku dhuuŋ riak kɔɔth abë yaa

ŋuëk.

15-Keek aabï YEKOBA dhiil-ë lɛc në Nhiëërdeen ciee thök. Në kadït thiekiic cï

luöike.

16-Yeen acï thoŋ-ë rɔk cïï looi në luuŋ acï dhoŋ kɔu, ku tem luöŋdil kɔu.

17-Kɔk aake cïbël, gumkï në wɛt-ë rɛɛcdɛn ku në wɛt-ë dhuömdɛn,

18-Keek aaciee kɔɔc ëlëu në miëth lɔɔm ku kaa thiök në thou lɔɔm.

19-Të tɔɔ kek në ariɛɛric ke ka cɔl YEKOBA, ku luɛkke bei në nyin ŋɔɔŋdɛnic .

20-Yeen aaye ke cɔk apuɔl në wɛtdeen lueel ku luɛkke në raŋic.

21-Keek aabï YEKOBA dhiil yïk alɛɛc në Nhiëërdeen ciee thök, në kadït thiekiic

cï luöike.

22-Keek abïk dhiil-ë lɛc në köc, ku diɛt ke miɛt-ë puöu man yee ka cï looi

kedhiɛ lueel.

23-kɔk aaye riëth gɛɛr në adɛɛkditic, bïk piëërdɛn lɔ looi në Baariic.

24-Keek aayee kë lëu YEKOBA në luɔi tïŋ, Luɔideen-ë në Baariic .

25-Yeen ee yom yɔɔk, ke athiäpjiɛɛr ril agɔc rɔt be yom ku moc atiaktiak nhial.

26-Ka jɔl Riëthdït ke Bar piɛr nhial aliiric ku deeny piny në piëu thar, në ye

atupbuööu-ë yic ke mëgëër aa jɔl ciën ŋäthdɛ;

27-Keek aaröt thiëët ku atuertueer cï ran cïï mäu muööl- ku tëëtdɛn-ë gëër acï

ciën kë kony nhom .

28-Në ariɛɛrdɛnic ke kaa cɔl YEKOBA, ku luɔɛkke bei në nyin ŋɔɔŋdɛnic .

29-Yeen ee athiäpjiɛɛrdïït diɛr piny, ku lɔ atiɛktiak dïu.

30-Keek aacï puööth miɛt në wɛt cïï atiɛktiak ladïu, ku bïï ke në agörthok të

yuïckï.

31-Keek aabï YEKOBA dhiil në lɛc në Nhiëërden ciee thök, në kadït thiekiic cï

luöike.

32-Keek aabï thiɛk-ë Yicde dhiil-ë ciɛɛl-ë beec në Akutnhom-ë kackeic ku

puɔnykï në amat de duŋɔɔric.

33-YEKOBA ee ciɛr ca döu papot ku cɔk nyïïn-ë gel akääc ëke cï riŋ.

34-Yeen ee tiɔm nɔŋ biaal wel ke yee liëëth de awai në wɛt-ë kɔc rɛɛc ciëŋ thïn

ëtë tuui.

35-Yeen ee panic wel ke yee pul-ë pïïu ku thɔɔny cï thiaaŋ ke yee nyin-ë pïïu

riŋ.

36-Yeen ayee acɔɔk cɔk nyuc ëtënë , ku yïkkï pendït thïn bïk cieŋ.

37-Keek aaye pok domic ku comkï abiëc ku temkï luɔk cï miir.

38-Yeen ee kacke thieei, abïk naŋ mïïth juëc; ku ɣäkkɛn ke ke ciee dhuk piny.

39-Të cïn-ë kɔc-ë NHialic dar ku yɔrke në mëyɔɔŋ ku në guömic, ,

40-Ke Yeen anyooth Ɣɔɔkde të në mëyɔɔŋken ku cɔkke ayee tac ëpath në

liëëthic.

41-Ku Yeen ee maŋɔɔŋ kony në guömdɛnic ku cɔk galken ajuak röt cï böök.

42-Alajiik aaye kän tïŋ ku mitkï puööth, ku kɔc rɛc kedhiɛ aaye tääu në dackac-

ë cinic.

43-Në kek man yee naŋ nyïc yee kääk takiic; nëke yee Nhiëër ciee thök de

YEKOBA ŋuɛt piny.

Dit 108

Lɔŋ de kuɔɔny tënë kɔcke atɛɛr

Oo NHIALIC, piäändië acï lɔ cök-ë cök! Ɣɛɛn bï ket ku gam pɔny , ëbɛn kek-ë

nhuɔɔmdië, pääc-ë yïn tiëpdië!

2-Pääckä, wek yïk dircië ku thomcië! Ruɛl aba puööc.

3-Yïïn aba leec , Oo YEKOBA, në kɛmke dɔl. ku Yïïn aba puɔɔny në kɛmke kɔc.

4-NhiëërDuun ciee thök acï ɣet në nhiël nhïïm nhiaal; ku gämadötDu aci ɣet në dɔric.

5-Nyuɔɔth-ë thiɛk-ë yic dïïtDu në dɔric, NHialic, ku nhiaamde në piny thok ëbɛn.

6-Kony O në aŋoŋDu ; ku dhuk lɔŋdië nhom, ku bïï kɔckun nhiaarke luök.

7-NHialic acï jam tëdeen lajik, “Ciekem aba tekic në kuöth-ë tuŋ ku tɛk thuööth de

Thukoth kaccië.

8-Gilliat eekëdië , ku Manääthe ayɛ; Epirɛɛm ee gɛɛŋdië ku yee Judɛ läänydië.

9-Ku Moob aba tïŋ ke yee atiëldiëën-ë cau ku cuat warcië në Edom nhom, ke yee cïn

can-e dööc. Ku wuɔɔu-ë tuŋ aba yup në Pëlothïin nhom”

10-Ee ŋa , NHialic , bë ɣa ɣäth pendïit riil-ë ? Ee ŋa bë ɣa ŋäär pan cɔ Edom ?

11- Naa rëk ca O dïk-ë jiɛi ? cïï Yï lɔ beec kek-ë remdaan-ë thɔr ?

12-Kony O në kɔc ke aterda cin; manh-ë raan acïn kë lëu në kuny në O gup .

13-Ke NHialic kääc në baŋda ke Ok aabï tiam; në ŋu Yeen abï kɔc ke aterda cop.

Dit 109

Ayiɛɛi de randɛ tɔ në riɛɛric

Duk-ë yee biɛt , NHialic; Yïïn aca puɔɔny!

2-Kɔc rɛc ku alueth aacï ɣa bäk. Aatör ɣa guöp lueth,

3-ku kaa lëk ɣa guöp kak-ë jak, aayee ɣa bäk të cïn kë ca looi.

4-Nɔŋ-ëke cak nhiaar ke kaa ŋot-ë ke man ɣa ku ŋot-ëɣa läŋ në ke.

5-Aaye piath ca luöike dhuk nhom në rɛɛc ku nhiëër në män.

6-Yiëk-ëke nhïïm maköör-ë raan bë ke mac, ku cɔk ran tök de kek kɔc ke aterdië

agueel-e.

7-Ku në luk ku yök ke nɔŋ awuöc; ku në lɔŋde yök ke yee lɔŋ nɔŋic awäc!

8-Ku në piëërde dɔc thok thök; ku në randɛ lök nyiɛndeic!

9- Ku në miëëthke bɔ ëke yee abɛɛr, ku yee tiɛɛŋde tiŋjɔɔk!

10-Ku në miëëthke loi röt ëke yee aɣɔɔu ku yeekï mïlïïm; ku në ke kuɛɛth-ë wei të cï

riääk ciëŋ kek thïn-ë!

11-Ku në dupëëc pec kakke kedhiɛ, ku löm ran loithok këdeen cï looi ëbɛn.

12-Ku në cïn ran yee kaŋ piath ke ye ku cïn ran yee nyin kaŋ tïït në abɛr cï nyääŋ

pinykä.

13-Ku në kuanden ëbɛn thou, ku mär kɔc nhïïm në riɛnke ke ke cï yee bɛr tak në rïcic

ëbɛn.

14-Ku në YEKOBA yee rɛɛc de wunkendït gäk ke tɛk, ku cï kɔŋ rɛɛc de man puöl alaɣɔn.

15-Ku në YEKOBA yee rɛɛcdɛn tak aluööt, ku në kɔc mär nhïïm në keek kedhiɛ .

16-Ran-ë akëc piath kaŋ tak në ye puööu; ee ŋet ku nääk de aŋääŋ. Mëgöör , ku

acïkääc yen ayee tak, agut ran cï puöu ŋɛɛr agöör bë nɔk

17-Yeen anhiar bë ciëën – ku në yee cieen ayɛɛ! Aman gɛm de athiɛɛi- ku në athiɛɛi

yee mɛc ke ye!

18- Cakga de rukde ee yaa aciɛɛn ëcɔt; ku në ciënde yee dhuk në ye yeth cï pïïu tial ku

wɛɛi lɔ në yomiic cï mök-ë wut!

19-Ku në yee ye kuöm piny cï alath ku derkï ye piny cï lääk mac yee ceŋ aluööt!

20-YEKOBA yiëk-ë kɔc ëɣa gaanykä awäc cït ëkän- kek kɔc yee rɛɛc cït-ë kän luöi ɣa!

21-Ku Yïïn, NHialic ee Yïïn-ë akee Yekoba , lui ke ɣa në kë de Riɛnku; në ŋu käc-ë

puöuDu apath , luny ɣa bei.

22-Ɣɛɛn ŋɔŋ ku gɔɔr Kajuëc , ku piäändië acï naŋ tëtöök akɛnythïn.

23- Kɛc jääl acï atiëp ; ku Ɣɛɛn cïï tɛŋ wei cï kɔriɔm,

24-Thiëël acï ɣa duäny nhiɔl , ku dɛldië acï nyuan në guëëk.

25-Ɣɛɛn cï yaa yaaŋ të nɔŋ keek; aayee ke nhïïm teŋ të tïŋ kek ɣa.

26-Kony ɣa , YEKOBA NHialinydië ! OO , luäk ɣa cï mëde käc-ë puöuDu.

27-Ku bïk nyic kän kee ciɛɛnDu- Kän YEKOBA , aca looi Yïïn!

28- Cɔkke ayee ciëën, ku Yïïn yee thiëëi; të jɔt kek röt , ke yï cɔkke amany gup, ku jɔl

AwutDu puöu layum.

29-Cɔk mëgueelcië ayee many-ë guöp thiööŋ, ku në ke kum röt në luŋ de yär-ë guöp.

30-YEKOBA aba yaa puɔɔny arëetic në ɣa thok; ëë, YEKOBA Aba puɔɔny në dïric.

31-Nëkë ben kɔɔc në cin cuëëc de aŋäŋ , bë kony në kɔc näk-e cin

Dit 110

YEKOBA ke Mëlëŋdeen cïi Lɔc

Acïï YEKOBA lɛk Bɛnydië, Mëlëk, “ nyuöc-ë ëtɛɛn në cin cuëëcdië agut të can kɔc ke

aterdu tääu në yï cök.”

2-YEKOBA abë riɛɛl-ë bäänydu tuööc nëkë de Dhiɔn. “ jɔl kɔc ke aterdu kuum “ acï

lueel.

3-Në akööl bïn thɔr ke kɔc ke aterdu , ke kacku aabï röt gam të cïn ariɔp. Cï thɛny-ë

nhiäkduur abïï riëënythidu bɛnbei në kur lajik nhïïm.

4-YEKOBA acï kuëëŋ nëkë cï lueel ku ka cï bë dhuökciëën: “ Yïïn abï yaa abun athɛɛr në

nyin-ë buun de Mëlëkedhedekic.”

5-Nëkë kɔɔc YEKOBA ke yï; naa ɣöök , ka dar Mëlëëk.

6-Yeen abë Luök caal në dɔl kɔɔth ku tiääi ëke thɛr kɔcke thïn aabï thiäŋ në gup cï

thou; ku Yeen abë Mëlëëk dar kedhiɛ në piny nhom.

7-Ku Mëlëk abï dek në pïïu tɔ në kuer gëm, ku jɔl riɛl, ku ka bï kɔɔc në tiɛmic.

Dit 111

Pɔny de YEKOBA

Pianykä YEKOBA !

YEKOBA aba yaa leec në piäändië ëbɛn në Amatnhom de kɔciic.

2-Ka cïï YEKOBAke looi aathiekiic kadï! Ku Kɔc mit puööth ke ke ayeekï yuïc bïkke

deetic.

3-Ka yeeke looi kedhiɛ aathiäŋ në nhiaam ku anhombɛny; ku lajiŋDe ee tɔ athɛɛr.

4-YEKOBA aciee O cɔk ayee nhïïm määr në kakken-ë gäi cï looi; Yeen anɔŋ puöu ku

akɔc puöu.

5-Yeen ee kɔc-ë Ye nhoom muɔɔc në miëth; Aciee nhom-ë kaŋ määr në mände ke

raan.

6-Yeen acï riɛɛlDe nyuöth kacke nëkë cienke yiëk piny lei bë yaa adönyden.

7-Nëkë yee looi yic ëbɛn anɔŋ gämadöt ku awɛiic; wëlke kedhiɛ aacïn të dak.

8-Aaye rëër në kaam ëbɛn ; aake gɛm-ëke në yic ku lajik.

9-Yeen acï kacke lony në nhom lääu ku looi mät athɛɛr ke ke .Yeen Arilarëët ku leejik!

10- Kuer de nyïc ee ba YEKOBA riëu; Yeen ee kɔc yee Ye theek nyiɛc luk apath.

Yeen abïï dhiil-ë yaa pɔny athɛɛr.

Dit 112

Layum-ë puöu de Ran Path

Pianykä YEKOBA !

Ran yee riööc në YEKOBA ayee thieei, ran yee puöu miɛt arëët në lööŋkeiic.

2-Mïthke ran path aabï yaa riɛl ëtör pinyden; ku mïth-ë miëëthke aabïï yaa thieei.

3-Ɣööt-ë gɔlden aabï yic aanaŋ käŋ ku bäny, ku kabï yaa cil apath ke lɔ tueŋ në käŋ

kedhiɛ alaɣɔn.

4-Ɣɛɛr ee të col mer tën-ë kɔc path, ku kɔc kɔc puööth ku nɔŋkï puööth ku awɛiic.

5-Ran yee nyiɛc deen wei ayee thieei, yeen man yee ɣɔɔcde looi në puön ɣeric.

6-Ran path acï bë kaŋ yaa löny; yeen abïï yaa tak aluööt .

7-Aciee diɛɛr në pïŋ de thok rac; gämde aril, ku gämadöyde atɔ në YEKOBAic.

8-Yeen aciee diɛɛr ku aciee riööc; ala puöu tïŋ në tïŋ ben kɔc ke aterde tïŋ ëke cïi dar.

9-Yeen ee kɔc ŋɔŋ muɔɔc të cïn aduɔɔl , ku naŋ puöude aciee kaŋ thöök bei; yeen abï

riɛl ku riëu-ë.

10-Kɔc rɛc aaye kääk tïŋ ku ɣökkï; ku jɔlkï liaal në ɣɔɔk ku lek ruar; ŋäthdɛn acï jääl

alagut.

Dit 113

Pɔny de Piath de YEKOBA

Pianykä YEKOBA

Wek awuutke YEKOBA, pianykä Riɛnke!

2-Në Riɛnke yee puɔɔny , ee mɛɛn ku agut yen athɛɛr.

3-Gɔɔc piny ciëën agut yen piny tueeŋ të yee ruɛl lɔ lööny thïn pianykä rinke YEKOBA!

4-YEKOBA akuum në dɔl nhïïm kedhiɛ ; nhiaamde atɔ nhiaal në nhiël nhïïm.

5-Acïn tök cït YEKOBA NHialinyda. PïïrDe atɔ nhiaal arëët,

6-ku kee guŋ bë nhial tïŋ ku tïŋ piny nhom.

7-Yeen ee aŋääŋ jɔt bei në tiökic; ku Yeen ee kɔc nɔŋ kë görkï miëët bei në

guömdenic

8-Ku cɔkke ayee wɛtke mëlëëk kɔk, wɛtke Mëlëëk de kacke .

9-Yeen ee tiŋ cïn meth nhoom pande ; ayee cɔk amit puöu në yïk yen-ë yiëk meth.

Pianykä YEKOBA !

Dit 114

Din de Rɛt

Ɣɔn jiɛl kɔc ke Yïthërɛl piny de Yïjip, ɣɔn nyiɛɛŋ dhiënh-ë Jakob piny de alɛi wei,

2-Goo Judɛ bɛn ke yee kɔc lajik ke YEKOBA, ku Yïthërɛl ke ke yee adönyDe YEKOBA.

3-Goo Bar thith ke tïŋ ku kɛt wei; ku kääc kuëër në Cir de Jordaanic ke cï riŋ.

4-Ku yöt kur cï thök-ë bëbee; ku tuuk ɣän thöny wei cï nyök-ë amääl.

5-Ee ku ŋu cï tuöl , Bar, yïn ba kɛt wei ? ku yïïn, Jordaan, ee ŋu yee kuëërdu kɔɔc ke cï

riŋ?

6-Ku week kur, yee ŋu yee wek yööt cï bëbee? Ku week ɣän thöny, yee ŋu yee wek

tuuk wei cï nyökke amɛl ?

7-Alɛth, yen piny, në bɛn de YEKOBA , në NHialiny de Jakob nhom,

8-Ee ŋa war kur ëke yee pul-ë pïïu ku kur latiɛlläŋ ke yee wär-ë kuëër.

Dit 115

NHialiny Töŋ Yic

Të nɔŋ Yïïn Yï tök, Yïïn YEKOBA, të nɔŋ Yïïn Yï tök,

Ku ka ciee o , bïï yaa yiëk nhiaam , nhiaam abïï yaa dhiil-ë yiëk-ë Yï në wɛt-ë

nhiëërduun ciee thök kek-ë gämadötDu.

2-Ee ŋu yee dɔl O thiëëc, “ NHialinyduön tɔɔ tëyo ? “

3- NHialinyda atɔ nhiaal; Yeen eekë cït kë nɛk tuil-E looi.

4-Nhiëliicken aacïï thɔɔth në thiaau ku tiil tɔc, aake totke në kɔc cin.

5-Aa nɔŋ thuɔk, ku kaa ciee jam , aanɔŋ nyïïn , ku ka ciee daai,

6-Aanɔŋ yïïth , ku kaa ciee piŋ , aanɔŋ ɣuum, ku kaa ciee ŋör.

7-Aanɔŋ cin , ku kaa ciee gɔt, aanɔŋ cök, ku kaa ciee cath; acïn röl yeekï looi.

8-Në kɔc yeeke looi ku kɔc yeeke gamadöt yee ciët keek ka cïkke looikä.

9-Week kɔc ke Yïthërɛl yaakä YEKOBA gamadöt. Yeen ee we kony ku gël we .

10-Gamkä YEKOBA adöt , wek abuun ke NHialic . Yeen ee we kony ku gël we .

11-Wek kɔc –ë YEKOBA door wedhiɛ, yaakä YEKOBA gamadöt. Yeen ee we kony ku gël

we.

12-YEKOBA aciee nhom-ëmäär në O ku ka bï O thieei; Yeen abï kɔc ke Yïthërɛl thieei

ku abuun ke NHialic kedhiɛ.

13-Yeen abï ran-ë Ye nhoom yaa thieei ëbɛn, randït thiekic ku ran koor puɔlic atök.

14-Në YEKOBA muɔc yï në mïth- yïïn ku kuandu!

15-Në YEKOBA thieei yï, Yeen man ëcak nhiaal ku piny!

16-Nhial ee tëde YEKOBA ye tök, ku piny acï yiëk raan .

17-Kɔc cï thou aaciee YEKOBA ëpuɔɔny, yen kë cï lɔ kajɔŋthith ëbɛn aciee YEKOBA ë

puɔɔny.

18-Ku Ook , Ok kɔc pïïr , ayeeku yiëk alɛɛc ee mɛɛn ku agut yen athɛɛr wadɛ.

Pianykä YEKOBA!

Dit 116

Randɛ cïi luök në thouic ee NHialic Puɔɔny

Xan cï puöu miɛt arëët arëetic , nëkë cïi NHialic röldië piŋ.

2- Acï ɣa liep ye yïc , yeen aba yaa cɔɔl në akööl yan-ke pïir kedhiɛ .

3-Ɣɛɛn ee cï gɔɔl piny në adëp ke thuɔu , ku tɔɔk de giɛɛna ( arɛɛm de pan-ëarɛɛm

atïïp ) ee cï ɣa buöör piny.

4- Ɣɛɛn ee cï anuɛɛn ku thiɛk yök yeth, guɔɔ rinke Yekoba cɔɔl , Yekoba !! yïin ca lɔŋ

arëët ! luäk Tiëpdië !!

5-NHialic ee nyin kuany, ku leejik. Ee yic NHialinyda ee naŋ käc de puööu

6- NHialic ee ran thiin puɔlic kony, ɣɛɛn ee tɔ në dhiëëuic , goo ɣa kony.

7- Yeen dhuök-ë rɔt tiëpde, lɔŋ . Yïin cïï Yekoba riɔp.

8- Ku yee ŋu , yïïn cï tiëpdië luök në thouic , ku nyincië në pïïu , ku cökcië në yuïïk .

9-Ɣɛɛn bï yaa cath në Yekoba nhom, piny de kɔc yee pïïr .

10- Ayaa gam, yen ɣɛɛn bï yaa jam , ku ɣɛɛn cïi yɔŋ arëët . guɔɔ jam në rɔtdië , yaa

raan ëbɛn aye alueeth.

11-Yee riöp cït ŋu ba yiën Yekoba, ne keriëëc puɔɔth cï luöi ɣɛɛn ?

12- Ɣɛɛn bï abïny de luäk lööm, ku yaa rinke Yekoba cɔɔl.

13- Ɣɛɛn bï kë can rɔt mëël gam në kɔc nhïïm kedhiɛ, thonde awuutken cïïthieei ee

miɛt ne ye nyin, Yeen Yekoba .

14-Tïŋ Yïïn Yekoba , ɣɛɛn yee awundu, ɣɛɛn yee awundu ku wën de nyanawundu , yïin

cï ka cane ke ɣa rek thoor në dhuŋ-ë kɔɔth.

15-Yïïn ba yaa gäm köc de lɛc , ku ɣɛɛn bï rinke Yekoba ya cɔɔl.

16-Ɣɛɛn bï kak ëke can ke rɔt mëël gam në raan nhom ëbɛn, në akuänh de ɣön de

Yekobaic, agut yï yic , yïïn Jeruthalem ( Diocese looi-ë ye thïn ). Yaakä Yekoba puɔɔny.

Dit 117

Në Pɔny de YEKOBA

Pianykä YEKOBA , wek dɔl kedhiɛ ! pianykä, wek raan ëbɛn!

2-NhiëërDe ke O aril arëët ku gämadötDe ee tɔ athɛɛr.

Yaakä YEKOBA puɔɔny!

Dit 118

Lɔŋ de Lɔc në tiäm

Yaakä YEKOBA leec në piathDe! Në ŋu käc-ë puöuDe ee dhiac athɛɛr.

2-Cakkä Yïthërɛl ajam në yee mɛɛn , “nhiëërde YEKOBA ee tɔ athɛɛr” .

3-Ku cakkä aluel pan-ë Aaron në yee mɛɛn, “ nhiëërDe ee tɔ athɛɛr”.

4-ku cakkä aluel kɔc ëYe door kedhiɛ,” nhiëërDe ee tɔ athɛɛr”.

5-YEKOBA ayaa cɔɔl të can niäär; Ku Yeen ee cɔtdië dhuk nhom ku lony ɣa.

6-YEKOBA ee kɔɔc ke ɣa; aɣɛn cï bï yaa riööc. Ee ku ŋu lëu raan në lui-ë ɣa?

7-YEKOBA atɔ në kɛmke kɔc ëɣa konykä; ke kë nɛk tuil ɣa aba jäl yaa tiëŋ bei në

kɔcciën man ɣa gup.

8-Ee yaa kë path ba gämadöt tääu në YEKOBAic awɛr ba rɔt geei në raan.

9-Ee piath ba gämadötdu tääu në YEKOBAic në nyin bïn rɔt geei në duŋɔɔr ke kɔc.

10-Kɔc juëc ke aterdië aake cï ɣa gɔɔl piny; ku kaa ca ke thoor në riɛɛl de YEKOBA!

11-Aake cï ɣa gɔɔl piny në ɣän kedhiɛ; ku kaa ca ke thoor në riɛɛl de YEKOBA!

12-Aake cï lɔnukguk ca anɔŋ-ë ciëc në ɣa kɔu, ku gorkï laruny cï koou në macic; aaca

ke thoor në riɛɛl de YEKOBA.

13-Ëɣa cïï bäk në guööt aba yaa kë cïï cop, ku YEKOBA acï ɣa bɛn-ë kony.

14-YEKOBA acï ɣa ca ril ëtör ku naŋ aŋok ; Yeen acï ɣa luök.

15-Piŋ ciɛɛu de miɛt-ë puöu can tiam në akema de kɔc-ë NHialicic: “ Acïï riɛlëriɛl de

YEKOBA looi!

16-RiɛɛlDE acï O yiën tiɛm- riɛlëriɛlDe në thɔric “.

17-Ɣɛɛn acï bï thou; në yee kän, Ɣɛɛn bï pïïr ku caal kë cïï YEKOBA looi beec.

18-Acï Ɣa kuöm awɛnydië ke rilic, ku ka këc ɣa päl thou.

19-Liëp-ë ɣa thook ke Yekalu; ku Ɣɛɛn bï lɔ thïn ku gäm YEKOBA lɛc thïn!

20-Kän yen-ë kee thoŋ de YEKOBA ; alajiik ke pɛc kek aaye bɛn thïn.

21-Yïïn aca puɔɔny , YEKOBA , në ŋu Yïïn acï ɣa piŋ röl, në ŋu Yïïn acï Ɣa cɔk atiäm.

22-Kuur cïï mëbuuth rɛɛc ke cïn koony në buööthic , acï rɔt wel kee yen thiekic arëët

në keek kedhiɛ.

23-Kän acïï looi në YEKOBA; ee ŋu yee këdɛ yic thiɛk ëkɛɛ në O nyïïn!

24-Kän yen-ë kee kööl de tiɛm de YEKOBA; mit-ëko puööth ku looi-ëko jiɛɛk!

25-Kony O, YEKOBA, Kony O! yiëk-ë O nyiɛc lɔ tueŋ, YEKOBA!

26-Në NHialiny yee ran yee bɛn në rinke YEKOBA thieei! Në Yekalu de YEKOBA Yïïn

ayeeku thieei.

27-YEKOBA ee NHialic ; acï piath ke O. ke këër ke tiim në we cin , gackä yai në luɔi ku

lak ke we yuil kän-ëköc.

28-Yïïn yee NHialinydië, ku Yïïn ayaa yiëk alɛɛc; thiɛk-ëyicDu aba caal beec.

29-Lec YEKOBA në ŋu Yeen apath, ku nhiëërDe ee dhiac athɛɛr.

Dit 119

Lööŋ ke YEKOBA

Aayee thieei kek man cïn pïirdɛn keic lueth, yen man yee ceŋ cï löŋ de YEKOBA.

2-Aayee thieei kek man yee Yöökke buɔɔth cök, kek man yeeke theek nëke puööth

ëbɛn.

3-Keek aaciee kaŋ wuöc: keek aaye cath në kuɛrke YEKOBAiic.

4-YEKOBA , Yïïn cï O yiën Lɔɔŋku ku lɛk-ë O bukke yaa theek në gämadöt.

5-Ɣɛɛn aŋääth ke ɣa bë naŋ gämadöt në muöök de Ayökyöökku.

6-Naa tääu ɣa nhom në Yöökkuiic, ke Ɣɛɛn acï bë guöp yaa many.

7-Cï më Can pöc në luŋ Lajikdu, ke Ɣɛɛn bë Yïïn jäl puɔɔny në puön ɣer.

8-Ɣɛɛn bë Lɔɔŋku theek; duk-ë ɣa kɔŋ nyääŋ wei.

Athɛɛk ke Löŋde YEKOBA

9-Ee kadï yee Apäräk piëërde muk ke lɔyuic? Ee bë Yöökku yaa theek.

10-Në piäändië ëbɛn aca them ba Yï luööi; muk ɣa në cuök thɛɛk de lööŋ keethiëërku.

11-Ɣɛɛn yee Lɔɔŋku muk në ɣa puööu, ku ba Yï cuök ber luöi rɛɛc.

12-Ɣɛɛn yee Yï puɔɔny, Oo YEKOBA; pɔɔc-ë ɣa në Kuɛrku.

13-Ɣɛɛn aaba bɛr beriic në röldït kek lööŋ kedhiɛ ca ke gam .

14-Ɣɛɛn yee puöu miɛt në bɔth de Yöökku cök arëët awɛr naŋ bänydït arëët.

15-Ɣɛɛn yee ayökyöökku catiic ba pöc; Ɣɛɛn yee pööcdu caaric.

16-Ɣɛɛn yee alayum lööm në Lɔɔŋkuic; yöökku aacï bë Ɣa kaŋ yaa muöör nhom.

Amiɛt-ë puöu në Löŋ-ë YEKOBAic

17-Yee piath ke ɣa Ɣɛɛn Awundu, ku ba yaa pïïr ku thɛɛk Pɔɔcdu.

18-Liep ɣɛ nyin, ku ba daai de yithkun-ë gäi në Lɔɔŋduic lëu në tïŋ.

19-Ɣɛɛn niëncië aalik në piny nhom ëtɛɛn; ke yeen duk-ë Yöökku yee tɔɔu të nɔŋ ɣa .

20-Piäändië acï ŋɛɛr aŋɛŋ Yï; Ɣɛɛn yuïc ba lukdu nyic në thääi thok ëbɛn.

21-Yïïn yee adïtpuöu cil; ku kɔc ciee Yöökku ëtheek aaye cieen .

22-Cɔk ɣa alääu në yee lɛɛtkɛniic ku buööi, nëŋu Ɣɛɛn acï Lɔɔŋku muk.

23-Dumɛɛc aaye nyuc ku mɛtkï në ɣa në të bïk näk ɣa, ku Ɣɛɛn bï pööcdu yen aba

catic.

24-Ayökyöökku aaye ɣa yiëk amiɛt-ëpuöu; akek-ë aayee ɣa wɛɛt nhom.

Tiiŋ-ëpuöu thïn ba Löŋ de YEKOBA Theek

25-Ɣɛɛn cïï dar aɣɛɛn cï tɛc në turic; lor ɣa cï mën-ë cïn ye lueel.

26-Ɣɛɛn cï ka ca ke looi ëbɛn lek, ku bɛɛr-ë ɣa thok; pɔɔc-ë ɣa në Kuɛrku .

27-Kony ɣa ba Lɔɔŋku deetic, ku ba däu në pööcduun-ëgäiic.

28-Ɣɛɛn cïï dhiën-ë puöu tiaam guöp; cɔk ɣa aril cï luɛl ëcïn ye lueel.

29-Muk ɣa në lɔ në kuer racic, ku në Piathduic pɔɔc-ë ɣa në Lɔɔŋdu.

30-Ɣɛɛn aca lɔc ba naŋ athɛɛk; Ɣɛɛn acï ɣa puöu tääupiny në luökkuiic.

31-Ɣɛɛn cï ayökyöökku buɔɔthiic , YEKOBA; duk-ë ɣa ca tɛɛu-ë në many-ë guöpic.

32-Ɣɛɛn abï Yöökku yaa theek në tuil, nëŋu Yïïn abë ɣa yiëk dɛt-ëyic de käŋ dït.

Lɔŋ de dɛt-ë käŋiic

33-Pɔɔc-ë ɣa , YEKOBA , ee ŋu yee luɛl de Lɔɔŋku, ku Ɣɛɛn aaba yaa theek në thäi thok

ëbɛn.

34-Wɛr-ë ɣa lɔɔŋduic , ku Ɣɛɛn abï löŋ theek; Ɣɛɛn aba muk në ɣa puööu.

35-Muök-ë ɣa në lööŋ keethiëërkuiic ke ɣa nɔŋ puöu athɛɛk , nëŋu në Ye yic anɔŋic

amiɛt-ë puöu.

36-Yiëk-ë ɣa puöu tuil ba lööŋku yaa theek në nyin lɔɔm Ɣɛɛn bäny-ë käŋ.

37-Yee ɣa muök puöu wei në ka cïn koonyiic ke ɣa ciee ɣa puöu ëtiɛɛŋ thïn; Yee piath

ke ɣa cï mën-ë cïn-ë lueel.

38-Muk kënë ca lueel në ɣa muk nhom, Ɣɛɛn Awundu- kënë ca lueel tënë kɔc-ë Yï

theek.

39-Luäk ɣa në lɛɛtiic Ɣɛɛn riöc; Luööŋdu ee luŋ-ë gäi kadï!

40- Ɣɛɛn ayuëc ba Yöökku theek ; yiëk-ë ɣa pïïr jöt , nëkë lee Yïïn Jik.

Ba Gämcïndak tääu në Löŋ-ë YEKOBAic

41-Nyuöth ɣa Nhiëërdu cït ŋu ke ɣa, YEKOBA, ku luäk ɣa cï kënë ca lueel.

42-Ku Ɣɛɛn bë lɛɛt cïn-ëke ɣa läät dhuk nhïïm nëŋu Ɣɛɛn nɔŋ gämcïndak në Wɛtduic.

43-Cɔk thuɔɔŋdië aye jam në yic në thäi thok ëbɛn, nëŋu ŋäthdië atɔ në Luööŋduic.

44-Ɣɛɛn bï Löŋdu ya theek aluööt, athɛɛr agut yen athɛɛr.

45-Ɣɛɛn bï pïïr në nhom lääu ciëëthapath, në ŋu aaye them ba Pɔɔcdu yaa theek.

46-Ɣɛɛn abï Yöökdu caal ba lɛk mëlëëk ku Ɣɛɛn cï bë nyin kaŋ nyop.

47-Ɣɛɛn cï miɛt-ë puöu yök në athɛɛk de Yöökkuiic, në ŋu aa nhiaarke.

48-Ɣɛɛn riëëu lööŋ Keethiëërku ku nhiaarke; Ɣɛɛn bï däu në Ayökyöökuiic.

Lanip-ë puöu në Löŋ-ë YEKOBAic

49-Duk-ë nhom mär nëkëduun-ë ca lɛk ɣa, Awundu; acï ɣa yiëk ŋäth .

50-Agut cï guömdiëic Ɣɛɛn ëɣa laläŋ nëŋu këduun-ë ca lueel acï ɣa yiëk pïïr .

51-Adïtpuööth aaye ɣa bui aluööt, ku Ɣɛɛn këc jääl në Lɔɔŋduic.

52-Ɣɛɛn këc nhom määr në luökkun ɣɔn, ku keek aacï ɣa yiëk laläŋ , OO YEKOBA.

53-Të tiëŋ Ɣɛɛn ran rac ke dhoŋ Lɔɔŋdu, Ke Ɣɛɛn thiäŋ puöu në ɣɔɔk.

54-Kaam dee nïn ciën reenkä në piny nhom Ɣɛɛn cï diɛt gɔl diɛt-ë jam në Yöökku.

55-Yïïn yaa tak wakɔu, YEKOBA, ku tak lɔɔŋdu.

56-Ɣɛɛn cï amiɛtëpuöu yök në thɛk de Yöökkuiic.

Lɔŋarokic në Löŋ de YEKOBAic

57- Ɣɛɛn ee Yïïn göör ëbɛn, OO YEKOBA; Ɣɛɛn aca lueel ba Lööŋku yaa theek.

58-Ɣɛɛn cï Yïïn thiëëc në piäändië ëbɛn ba naŋ käc de puöu të nɔŋ ɣa , cï mën-ë cïn-ë

lueel!

59-Ɣɛɛn rëërdië aca ŋuɛtpiny, ku Ɣɛɛn aca lueel ba Ayökyöökku yaa buɔɔth cök.

60-Të cïn gääu Ɣɛɛn bï dac riŋ ba Ayökyöökku theek.

61-Kɔc rɛc aacï ɣa deep , ku Ɣɛɛn këc nhom määr në Lɔɔŋdu.

62-Ɣɛɛn yee pääc në wɛɛric ba Yï puɔɔny në luökkun lajik.

63-Ɣɛɛn yee mɛth-ë kɔc ëYï luööi kedhiɛ, ku yaa mɛth-ë kɔc ëLɔɔkku theek kedhiɛ.

64-YEKOBA, piny nhom acï thiäŋ në Nhiëërduun ciee thök.

Mïr-ë de Löŋ de YEKOBA

65-Yïïn cï kë ëca lueel muk nhom, YEKOBA, ku Yïïn cï piath ke ɣa , Awundu.

66-Yiëk-ë ɣa nyïc ku nyïnyëkäŋ, në ŋu Ɣɛɛn nɔŋ gämcïndak në Yöökduic.

67-Ɣɔn aŋoot ke Yï këc ɣa guɔɔ yiëk awääc, ke Ɣɛɛn ee yee awääc looi, kuu mɛn Ɣɛɛn

thek Wɛtdu.

68-Ee piath yïndï ëpiathdu- ku ee naŋpuöu yïndï ëkëdu! Pɔɔc-ë ɣa në yöökku.

69-Adïtpuööth aaci ɣa lɛk guöp lueth, ku në piäändië ëbɛn Ɣɛɛn cï Ayökyöökku theek.

70-Keek aacïn nyïnyëkäŋ, ku Ɣɛɛn cï miɛtpuöu yök në Lɔɔŋduic.

71-Wɛi de awɛnydië ee path ke ɣa, në ŋu ee ɣa ca pɔc në Yöökku.

72-Löŋ ca gam aluelkë dït të nɔŋ ɣa rɛk awär wëu juëc ke piny nhom kedhiɛ.

Awɛiic de Löŋ de YEKOBA

73-Yïïn cï ɣa cak , ku muk ɣa ëläŋ; yiëk-ë ɣa nyïnyëkäŋ , ku Ɣɛɛn ba pöc në Lɔɔŋku.

74-Keek kɔc ëYï nhoom aabë puööth yaa lɔ yum të tïŋ kek ɣa, nëŋu Ɣɛɛn nɔŋ

gämcïndak në këduun ëca lueelic.

75-Ɣɛɛn anyiɛc lɔn lee luŋdu lenjik, YEKOBA, kuu kënë yen-ë ka cïn ɣa yiëk awäc nëŋu

Yïïn anɔŋ gämadöt.

76-Cɔk Nhiëërduun ciee thök aduur ɣa puöu piny, cï mënë cïn ye lueel, Awundu.

77-Käc-ë puöu në ɣa , ku Ɣɛɛn bë pïïr në ŋu Ɣɛɛn cï miɛt lööm në Lɔɔŋduic.

78-Në adïtpuööth many gup nëkë cïï kek ɣa paan në lueth; të nɔŋ ɣa ,Ɣɛɛn bï däu në

Ayökyöökkuiic.

79-Në kɔc ëYï nhom yee bɛn të nɔŋ ɣa- keek kedhiɛ nyic Yöökku.

80-Në Ɣɛɛn yee Lööŋ keethiëërku theek ëtit ku bïï many-ë dɛr pät.

Lɔŋ në luny-ë bei

81-Ɣɛɛn acï ŋɛɛr, YEKOBA , Yïïn tiɛɛt ba ɣa luök; Ɣɛɛn cï gämcïndakdië tääu në wɛtduic.

82-Ɣɛɛn kuɛɛk nyin kueer në kënë ca lueel, të lɔk-ë thiëëc Ɣɛɛn , “ ee nin bïn ɣa kony ?”

83-Ɣɛɛn cï ciën këdɛ Ɣɛɛn cï riääk në riääk-ë dhïïm; ku Ɣɛɛn ŋuɔt-ë ɣa këc nhom määr

në Yöökku.

84-Ba tïït agut nin ? ku yee nin bïn kek-ë kɔc yɔŋ ɣa yiëk awäc ?

85-Adïtpuöu , man ciee lɔɔŋdu ëtheek, acï kɔl wec ben ɣa deep.

86-Lööŋku keethiëër aayee piathë gämadöt; kɔc aa jɔl ɣa yɔŋ në lueth- kony ɣa.

87-Keek aake cï dïk-ë tiam bïk ɣa nɔk, ku Ɣɛɛn këc Yöökku tɔɔniic.

88-Në wɛt-ë Nhiëërduun ciee thök piath-ë ke ɣa, ku ba lɔɔŋku theek.

Gäm në Löŋ-ë YEKOBAic

89-Wɛtdu, YEKOBA, abï ceŋ athɛɛr; ee kënë athɛɛr pan nhiaal.

90-Gämadötdu ee tɔ në rïc ëbɛn; Yïïn cï piny nhom wɛc ,ku ka rɛɛr cï mëde.

91-Ku tɔ käŋ kedhiɛ agut cï ye akäl në wɛt-ë Yöökdu, nëŋu keek kedhiɛ aayee

Awuutku.

92-Nɔŋ-ë Lɔɔŋdu këc bɛn-ë yaa të yee miɛt-ë puöudië kuëër bei thïn, Ɣɛɛn ëɣa dï cï

thou në guömdiëic.

93-Ɣɛɛn acï Ayökyöökku kaŋ tɔɔniic, nëŋu ee wɛtdɛn yen-ë acïn ɣa ca pïïr.

94-Ɣɛɛn yee këdu- kony ɣa! Ɣɛɛn aca them ba yöökku ya theek.

95-Kɔc rɛc aatit ɣa bïk ɣa nɔk, ku Ɣɛɛn bï däu në Lööŋkuiic.

96-Ɣɛɛn cï pöc në lɔn nɔŋ këriëëc ëbɛn thök; ku lööŋ keethiëërku aacïn të dak.

Nhiëër de Löŋ de YEKOBA

97-Ɣɛɛn nhiar Löŋdu kadï! Ɣɛɛn ayaa takic në akɔl ëbɛn.

98-Lööŋ keethiëërku aatɔ ke ɣa në thääi thok ëbɛn ku kaa yee ɣa cɔk anɔŋ nyïc awär

kɔcke aterdië .

99-Ɣɛɛn yee käŋ deetic arëët në dupööccië kedhiɛ, nëŋu Ɣɛɛn yee däu në

Ayökyöökkuiic .

100-Ɣɛɛn nɔŋ nyïny dït aɣɛɛn wɛr kɔc dït cï dhiɔmkä, nëŋu Ɣɛɛn yee yöökku theek.

101-Ɣɛɛn cï rëër de adhuɔɔm jäi, në ŋu Ɣɛɛn ayuïc ba wɛtdu theek.

102-Ɣɛɛn këc Ayökyöökku tɔɔniic nëkë yen Yïïn yïïn yee Dupɔɔnydië.

103-Ayökyöökku të mit kek thïn në bil- aadiny ëkaa wär ciëc!

104-Ɣɛɛn cï nyïc yök në Lɔɔŋkuiic, ku Ɣɛɛn ayɛ Ɣɛɛn man kuöc rëër rac.

Ɣɛɛr në löŋ de YEKOBAic

105-Wɛtdu ee ɣɛɛr yee ɣa tiit ku ɣɛɛr de ɣa cök në kuɛɛrdiëic.

106-Ɣɛɛn bï kë ëca lueel muk nhom ba Ayökyöökku yaa theek.

107-Guömdië, YEKOBA , adïkic ëriɛl arëët; muk ɣa ke ɣa pïïr , cï mënë cïn ye lueel.

108-Gam lɔŋdiëën de lɛc , OO YEKOBA, ku pɔɔc-ë ɣa në Yöökku.

109-Ɣɛɛn aluööt ɣɛɛn yee tɔ ke ɣa cï piëërdië gam; Ɣɛɛn akëc nhom määr në Lɔɔŋdu.

110-Kɔc rɛc aacï ɣa deep, ku Ɣɛɛn këc yöökku teem kɔɔth.

111-Lööŋku keethiëër aaye adöc ciën ke athɛɛr; Keek kek aaye yum de puöu tɔ në ɣa

puöu.

112-Ɣɛɛn aca dïk-ë täk ba Lɔɔŋku theek agut thuɔɔndië wadɛ.

Lanip në Löŋ de YEKOBAic

113-Ɣɛɛn man kɔc këc röt dïk-ë dhul-ë Yï në piääthken ëbɛn, ku Ɣɛɛn nhiar Lɔɔŋdu.

114-Yïïn yee dutïndië ku yee dugëldië; Ɣɛɛn cï ŋäthdië tääu nëkë ëca lueelic.

115-Jälkä të nɔŋ Ɣɛɛn wek kɔc cï thiäŋ në rɛɛc, Ɣɛɛn bï yöök de NHialic theek.

116-Yiëk-ë ɣa riɛl,cï mënë cïn-e lueel, ku Ɣɛɛn bë pïïr; duk-ë ɣa cɔk abï puöudhiau në

ŋäthdiëic!

117-Jɔt ɣa , ku ɣɛɛn bë lɔ nip, ku Ɣɛɛn bï ɣa nhom yaa ruɔk në yöökkuiic.

118-Yïïn yee kɔc ciee lööŋku ëtheek jäi; adhuɔɔmdɛn ee lueth.

119-Yïïn yee kɔc rɛc muk cï anyuɔɔn, ku kän ayan Ayökyöökku nhiaar .

120-Në Wɛtdu Ɣɛɛn Ariöc; Ɣɛɛn cï thiäŋ në riööc në wɛt-ë Luklukdu.

Athɛɛk de Löŋ de YEKOBA

121-Ɣɛɛn cï kë yee kë path loi ku tiiŋ rɔt; duk-ë ɣa nyiɛɛŋ në kɔc ater cin!

122-Luɛl ëca lueel Yïïn bë Awundu kony; duk-ë kɔc bäŋ cɔk anhiɛɛc ɣa !

123-Ɣɛɛn cï nyin dak në daai në kuɔɔny-ë kunydu, nëkë cïn bïïëbei lueel.

124-Muk ɣa të cït de nhiëërduun ciee thök, ku pɔɔc-ë ɣa në yöökku.

125-Ɣɛɛn yee Awundu , yiëk-ë ɣa nyïnyëkäŋ, ku ba pɔɔcdu nyic.

126-YEKOBA, ee kaamdu ëkän ba luɔi looi, nëŋu kɔc aajɛi në thɛk-ë lɔɔŋdu.

127-Ɣɛɛn nhiar yöökku ëkaa wär thian thith, arëët awärkï thianthiith cïï diaar.

128-Ku në yee kɛɛ Ke Ɣɛɛn yee Ayökyöökku buɔɔthiic; Ɣɛɛn man kuɛr rɛc kedhiɛ.

Tuil ba Löŋ de YEKOBA theek

129-Pööcdu agɔi kɔc; Ɣɛɛn aaya theek në piäändië ëbɛn.

130-Lärë yic de Pööcdu ee ɣɛɛr bɛɛi ku bïï nyïc të nɔŋ ran kuc käŋ.

131-Kë nɛk tuil ɣa në yöökkuiic Ɣɛɛn cï ɣa thok ŋaam ku gam.

132-Wɛl-ë rɔt ɣa ku käc-ë puöu në ɣa cï man cïn-ë luöi keek kɔc-ë Yï nhiaar.

133-Cï mënë cïn-ë lueel , muk ɣa në yuïïkic ; duk-ë ɣa ca bïï kɔc ke ater tiaam.

134-Kony ɣa në kɔc yee ɣa nhiaac cin, ku ba Yöökku theek.

135-Thieei ɣa në täädu thïn ku pɔɔc-ë ɣa në Lɔɔŋku,

136-Pïïu ke ɣa nyin aaye wɛl piny cï piëu-ë ciir, nëŋu kɔc aaciee löŋdu yee theek.

Awɛɛiic de Löŋ de YEKOBA

137-Yïïn Lajik, YEKOBA, ku Lɔɔŋku aanɔŋ awɛɛiic

138-Kuum yeeke gam aayee ka cï dïk-ë cökëcök ku yeekï yic.

139-Ɣɔɔkdië adɛp në ɣaic cï mac , nëŋu kɔc ke aterdië aacï Yöökdu yär nëke kɔɔth.

140-Dïk këduun ëca lueel yaa të de kadï! Ɣɛɛn anhiaar kadï !

141-Ɣɛɛn acï thiekic ku yaa dɛ ëpath, ku Pɔɔcdu akɛc tɔɔnic.

142-Lajiŋdu abë yaa ceŋ athɛɛr, ku yee Lɔɔŋku aluööt yaa yith.

143-Ɣɛɛn cïï ariɛɛr thiööŋ ku dhiëëu, ku Lööŋ kethiëërku aacï ɣa cɔk amitpuöu.

144-Ayökyöökku aluööt aaye la cökëcök, Yiëk-ë ɣa nyïnyëkäŋ ku Ɣɛɛn abë pïïr.

Lɔŋ de bïiëbei

145-Yïïn ca cɔɔl në piäändië ëbɛn; dhuk lɔŋdië nhom, YEKOBA , ku Ɣɛɛn bë Yöökku

theek!

146-Të caal Ɣɛɛn Yï; ke Yï kony ɣa, ku Ɣɛɛn bë Lɔɔŋku muk nhïïm apath.

147-Aŋoot ruɛl ëkëc thok bɛn Yïïn aca cɔɔl ba ɣa kony; Ɣɛɛn cï ŋäthdië tääu në këduun

ëca lueelic.

148-Ɣɛɛn ciee niin në wɛɛric ëbɛn, ba däu në Ayökyöökkuic.

149- Nëŋu Nhiëërdu aciee thök, piŋ ɣa, YEKOBA ; Nyuɔɔth-ë käcëpuöudu, ku guän

piëërdië!

150-Mëyɔɔŋciën rac aabɔ aacï thiök, kɔc këc lɔɔŋdu kaŋ muk nhom.

151-Ku Yïïn thiök ke ɣa,YEKOBA, ku kek yöökku kedhiɛ aaciee rïït.

152-Ɣɔn thɛɛr Ɣɛɛn cï pöc në Ayöyöökku; aaca ke looi bïk rëër thïn athɛɛr.

Ariŋ të de Kuny

153-Tïŋ guömdië , ku luäk ɣa , nëŋu Ɣɛɛn akëc lɔɔŋdu tɛɛnic.

154-Gël këdiëën bɔ, ku luöny-ë ɣa nhomlääu, luäk ɣa cï mënë cïn-e lueel.

155-Kɔc rɛc aacï bïï kony, nëkë këc kek Lɔɔŋdu theek.

156-Ku kuanyënyindu , YEKOBA, adït arëët; nyuɔɔth-ë käcëpuöudu ku kony ɣa!

157-Ɣɛɛn nɔŋ mënhiɛɛc ëke juëc ku kɔc ater juëc, ku kaa këc ɣa dar aba Lɔɔŋku cuök

theek.

158-Të tiëŋ Ɣɛɛn ëmëgɛɛnykä , ke Ɣɛɛn luelwei, nëŋu keek aaciee Yöökku ëmuk

nhïïm.

159-Tïŋdaa të nhiaar Ɣɛɛn Ayökyöökku thïn, YEKOBA, Nhiëërdu aciee rɔt ëwaar! Luäk

ɣa.

160-Puöuciɛlic de Lɔɔŋdu ee yic, ku lukluukkun lajik kedhiɛ aaye tɔ athɛɛr.

Piɛɛt-ë piny de Löŋ de YEKOBA

161-Kɔc rilarëët aacï ɣa bäk të cïn yic thïn, ku Ɣɛɛn cï Lɔɔŋdu theek.

162-Të can puöu miɛt thïn ëtɛɛn nëkëduun ëca lueel- arɛk Ɣɛɛn cï ciët ran cï wɛɛth-ë

bäny kuany.

163-Ɣɛɛn dïk alueth në män ku nyiɛɛrke, ku Ɣɛɛn nhiar Lɔɔŋdu.

164-Yïïn yaa leec anaa Dhorou akäl tök në lukluukkun lajik.

165-Keek man yee Lɔɔŋdu nhiaar aaye naŋ lanip ciee dak, ku ka cïn kë yeeke bɛr cɔk

ayuëëk.

166-Ɣɛɛn yee Yï tiit ba ɣa luök, YEKOBA , ku Ɣɛɛn yee yöök ca lueel yen ayaa looi.

167-Ɣɛɛn yee Pööcdu theek; ku kaa nhiaar në ɣa puöu ëbɛn.

168-Ɣɛɛn thek Yöökku ku Ayökyöökku; Kë yaa looi ëbɛn ayee tïŋ.

Lɔŋ gör-ë kuny

169-Cɔk lɔŋdiëën gɔɔr Ɣɛɛn kuɔɔny aɣet në Yï nhom, YEKOBA! Yiëk-ë ɣa nyïnyëkäŋ cï

mënë cïn-e lueel.

170-Piŋ lɔŋdië, ku luäk ɣa të cït tënë ca luɛl-e!

171-Ɣɛɛn abï Yï yaa puɔɔny aluööt, nëŋu Yïïn acï ɣa pɔɔc në Lɔɔŋku.

172-Ɣɛɛn bë dit yaa ket nëkë de Lɔɔŋku, në ŋu Yöökku aalacïth.

173-Yee tɔ ke Yï cï rɔt juiir aluööt ba ɣa kony, nëŋu Ɣɛɛn yee Yöökku buɔɔth cök!

174-Luɛkkuɔɔnydu aca göör arëët, YEKOBA! Ɣɛɛn cï miɛtëpuöu yök në Lɔɔŋduic.

175-Yiëk-ë ɣa pïïr , ku ba Yï yaa puɔɔny, ku në Ayökyöökku yee ɣa kony.

176-Ɣɛɛn yee ɣɔu cï amäl cï määr; bär ku gör ɣa , Awundu, nëŋu Ɣɛɛn akëc Lɔɔŋku

tɔɔniic.

DIT 120

Kat riŋ të lääu në wɛt-ë mëtir

ƔƐƐN acï kuui caal Yekoba në guömdiëic, ku Yeen acï ɣa piŋ röl.

2-Yekoba luäk tiëpdië , të nɔŋ thoŋ nhiar lueth, ku të nɔŋ liëp awet.

3-Ee kuŋu bïï yiën yï, ka yee ŋu bïï luöi yï, yïïn liɛm alueeth ?

4-Aayee yuɛth moth thook ke mëthɔr, cïï dɛɛp thook në many-ë tim cɔl juniper.

5-Aagäi ɣɛɛn mɛn, ɣɛɛn mɛɛn yee rëër në Meceekic, ɣɛɛn mɛɛn yee ceŋ në Akemaa ke

Kedariic!

6-Tiëpdië acï ceŋ arëët kek-ë ran man dɔɔr.

7-Ku Ɣɛɛn , ɣɛn ee ran-ë dɔɔr, ku naa jääm ke ke, kee tɔŋ yen ee këdɛn.

DIT 121

NHialic ee kuny tënɔŋ kɔc-ë Ye göör

Ɣɛɛn abï ya nyin jat nhial tiëŋ kur thöny nhïïm, yen ee të bïï kunydië yaa bɛn thïn ?

2-Kunydië ee bɛn të nɔŋ Yekoba , man-ë loi nhial ku piny.

3-Yeen acï bë kaŋ gam bïï yï rïït cök, Yeen, Yen man yee yï muk acï bï kaŋ yaa niin

nhial.

4-Tiëŋkä Yeen, Yen man yee Yïthërɛl muk , acï bï kaŋ yaa niin nhial ka tɛc bë niin.

5-KU Yekoba ee Mëmuŋdu, Ku Yeen Yekoba yen ee atiëm de cïn cuëëcdu.

6-KU Ruɛl acï bï yï yaa ruɛl aköl nyop yï, ka yïn pɛi ciën ɣɛɛr makɔu të nɔŋ yi.

7-Yekoba abï yï yaa wɛɛŋ wei të de duriëëth ëbɛn, ku yee tiëpdu tiit.

8-Yekoba abï lɔ beecdu ku bɛn thïndu yaa gël, gɔl thok ëtɛɛn , ku agut yen athɛɛr.

DIT 122

Miɛt-ë puöu de lɔ ɣön-ë Yekoba

Ɣɛɛn, ɣɛn-e ɣa cï puöu miɛt wɛn yöök kek ɣa ,” Lenëko ɣön de Yekoba “.

2-O cök aacï kɔɔc bɛn-ë lëu, në Thoŋduic , Oi, Jeruthalem !

3-Jeruthalem acïï buth , ke yee pendïït cïn-ë ɣööt thiääkiic të tök .

4-Të yee kuɛt lɔ nhial thïn , kuɛt ke Yekoba ,në lëk de Yïthërɛl , ku gɛmkï lɛc në Rinke

Yekoba.

5-Nëkë cïn-ë thöc ke luk mac piny thïn, thöc ke ɣön-ë Dabid.

6-Läŋ-ë në dɔɔr de Jeruthalem, “ në kɔc nhiar yï yee cil lɔ tueŋ ,

7-Dɔɔr abï yaa rëër në päänykuiic , ku cil lɔtueŋ në atɔɔnkuiic “.

8-Në wɛt-ë pan-ë maa kɔk ku kɔc-ë rɔmke ɣa , aban ye lueel ee mɛɛn “ dɔɔr ke yï në

yï yic“.

9-Në këde ɣön-ë Yekoba Nhialinyda aban piathdu yɔɔp.

DIT 123

Lɔŋ bï arɛɛm-ënhom jääl

ƔƐƐN acï ɣa nyin wɛl Yï, oi, Yïïn kë yee ceŋ pan nhiaal.

2-Tiëŋkä, të cït të yee aluɛk tuɛnykɛn lïïr cin thïn, ku nyïïn ke tiɛŋ kuany kek-ë cin ke

nyïbɛny. Ke nyïïnkua aayee Yekoba NHialinyda lïïr ëkɛɛ, agut të cien puöu käc në O.

3-Käc-ë puöu në Ook , Yekoba , käc-ë puöu në O!

4-Ok aacï gum arëët në buööi të nɔŋ kɔc dït puööth, ku acïbääŋ aaman tïipkua.

DIT 124

Yekoba ee Degël de KacKe

“NCŊ_Ë ciee Yekoba yen yee kɔɔc në O lɔm” ke we cakkä Yïthërɛl ajam_

2- “Nɔŋ-ë ciee Yekoba yen-ë yee kɔɔc në O lɔm, të cïï kɔc röt jɔt O,

3-Aake dï cï O liek ke O pïr, ɣɔn cïï kek puööth dëp në ɣɔɔk në Ogup.

4-Piëu eedï cï O maan piny, ku nyin eedï tïïpkua biath wei në mou.

5-ku jɔl piëudïït riŋ , piny maan, ku jɔl aboor tïïpkua kuaath wei, “

6-Ee bïï Yekoba yaa thieei, man këc O puöl bïk O tɛm nëke lec.

7-Ok aacï kat cï din poth në yuɛɛl cïï deepic, yuɛɛl acï kɔu tuɛny ku jɔlku thuöny.

8-Kunyda atɛ në Rinke Yekobaic , man-ë cak nhial ku piny.

DIT 125

Yekoba ee riɛl të nɔŋ KacKe

KƆC yee gäm adötdɛn ke tɔ në Yekobaic , aacït kuur-ë dhiɔn, man ciee lëu në riët

athɛɛr .

2-Cï më cïï kur Jeruthalem gööl-ë, Yekoba acï kacKe gɔɔl piny ëkɛɛ, gɔl ëmɛn agut yen

athɛɛr.

3-Puööt, puön-ë marac acï bë yaa dhiac në piny cïï gäm ran lajik nhom , ke në yee

kɛɛ ke ran lajik ayɛl ciɛnke benke duriëëth luööi .

4-Yee kɔc yee piath looi, luöi piath Yekoba, ku të nɔŋ kɔc lacïth nëke puööth.

5-Ku të nɔŋ kɔc yee dhuk në dhɔl ŋɔliic, aabïï Yekoba ruaar piny kek-ë luɔi rɛɛcden.

Ee bï dɔɔr tɔ ke Yïthërɛl.

DIT 126

Ciɛɛu len-ë Dhiɔn dhukciëën.

TË lee Yekoba apec ke Dhiɔn dhuökciëën , Gooku ciët kɔc nyuöth në nïnic.

2-Gooku ŋɛp rɛɛt në Dɔl , ku jɔl liëpkua ket arëët, ku jɔlkï jam në dɔliic , “Yekoba acï

këdïït-ë gäi luöike “.

3-Yekoba acï O luöi këdïït-ë gäi, ku Ook cï puööth miɛt arëët.

4-Bɛɛi-ë apëckua ciëën , Yekoba , Cï më tɔɔ ciɛr piny ciɛɛm.

5-Keek kɔc yee com në pïïu-ë nyin , aabï bɛr yaa tem në yum-ë puöu.

6-Ran yee lɔ beec ke dhiau ku aɣɛɛc kɔth lee pur, abï bɛr lɔ dhuk ke ket diɛt miit en ke

puöu ku aɣɛɛc rɛp cï tem.

DIT 127

Luɔi ku cillɔtueŋ kek-ë Yekoba

NAA ciee Yekoba yenë yee ɣöt yïk , ke luɔiden ee yaa luethic ëpath kek kɔc yee yïk.

2-Naa cie Yekoba yenë yee baai tiit , ke puööc de dutïït ee yaa luethic.

3- Ee yaa luɔi de luethic yeekë yee wek dac pääc-ë ku yaakä cuïn de nyiɛc tïŋ-ë röt

cam, ee kɔc nhiɛɛrke muɔɔc të cɔk kek niin.

4- Tiëŋkä , mïth ku ka cïï luɔk ke adhiëth , aaye yaa adïït ku mɔc yee bɛn të nɔŋ NHialic

5-Acït tää yee yuɛth tɔ në ran göök cin, yenëkee yaa tëde mïththii

6-Raan ee puöu la yum , ran yee göŋde thiööŋic ne keek, aciee yic bë yaa liɛr në jam

ke kɔc nɔŋ ater ke ye , në baai thok.

DIT 128

Kɔc ye Riööc në Yekoba aaye thieei

KƆC aayee thieei, kɔc kedhiɛ yee Yekoba riëëu , ku yeekï cath në dhölduic .

2- Ku naa cam këduun ca looi në ciɛnku, ke yïïn bë puööu miɛt ku puɔɔth ke yï.

3- Tiɛɛŋdu abï yaa ciët Abiëny yee nyiɛc luɔk, në päny tɔ në baai ciɛɛlic nhom.

4- Ku cït miëëthku këër ke Olip, ëke cï Ageenduun-ë täc kɛɛr piny.

5- ku ran bë yaa riööc në Yekoba , Yen ayee thieei .

6-Yekoba abï yï yaa thieei të bïï yen bei Dhiɔn, ku piath de Jeruthalem aba yaa

tïŋ në akööl pïïr yïn ke ke kedhiɛ.

7- Ëë, ee yic yïn abï mïth-ë miëëthku, aabake tïŋ . Ee bï dɔɔr yaa tɔ ke Yïthërɛl .

DIT 129

Din de tiɛm ket-ë kɔc ke ater në Dhiɔn

“AACI ɣa rɛkarac töŋ-ë yan Apäräk,” cɔkkä Yïthërɛl ajamdaa—

2-“ Aacï ɣa rɛkarac arëët töŋ-ë yan Apäräk, ku aŋot-ë cïn kë cïk yök në ɣa guöp.

3-Dupuur aacï pur në ɣa kɔu , ku loikï dum ëkee bɛk bäriic “

4-Yekoba adik lajik , acï yuïn-ë kɔc rɛc muk acï teem kɔu.

5-Cɔkkä kɔc man Dhiɔn ,cɔkkä ke amany gup ku dhukkï ciëën.

6- Cakkä ke acït noon cï cil në ɣöt nhom, man yee dac buɛŋ ke këc guɔ dït në cil.

7-Man ciee mëtëm ke ye cin guɔ thiööŋ , ka yeen man ëke duut në thiäŋ-ë cin.

8- Ku cï kɔc rët në ke lɔm yee jam, Athiɛɛi d Yekoba abï yaa tɔkek-ë yïïn, yïn acuk

thieei në Rinke Yekoba “.

DIT 130

Bïï wɛr-ë Yekoba tiit

ƔƐƐN cï ɣaic yaat në cɔt në thuööthic Yekoba

2-Yekoba piŋ ɣa röl! , päl-ë Yïïth piny, ba dhiën de Lɔŋdië piŋ.

3-Yekoba të yee Yïïn jɔl awaac ke raan yaa gät piny, kee ŋa bë kɔɔc lëu?

4- Ku kë path , käc-ë puöu adït ke Yï, ku yekën-ë ayen-ë riööc në Yï.

5-Ɣɛɛn yee Yekoba tiit, ku tïït tiëpdië, Ku në wɛt de Yekoba ee ya yiëk ŋäth.

6-Tiëpdië tiit Yekoba arëët awɛr keek man yee bääk-ë piny tiit-

Ee yic , arëët awɛr kɔc yee bakic tiit.

7-Oi, Yïthërɛl tääu-ë ŋäthdu në Yekobaic , nëŋu käc-ëpuöu atɔ ke Yekoba,

Ku në Yeyic atɔɔ wɛr cïn-e thok thïn.

8-Ku ka bï Yïthërɛl waar në kek-ë rɛcrɛɛckäiic kedhiɛ.

DIT131

Gäm adöt thiin puɔlic de Yekoba

YEKOBA piäändië akëc dït, ku nyiɛncië aaciee daai kabäŋ, ka yaa rɔt yiën yök në kadït

kɔɔthiic.

2-Pacɔk tiëpdië aca roŋ ku diɛr piny , cï manh nyueth ke man ,të de manh nyueth-ë

tëde tiëpdië akan.

3- Oi, Yïthërɛl ŋäth atɔ në Yekobaic, në yee thääi-ë agut athɛɛr.

DIT 132

Ceŋ athɛɛr de NHialic në Dhiɔn

YEKOBA yee kuan-ë Dabid tak , kek-ë guömdïït cien gum.

2-Ɣɔn kuëëŋ en në Yïïn Yekoba , dɔm mël të nɔŋ riɛlathɛɛr töŋ de Jakob.

3- “Pacɔk Ɣɛɛn acï bï lɔ ɣöndië ka yiën lɔ agen lanipdië nhom.

4-Nïn aacï kɔŋ lɔ në ɣa nyin, ka yiën niin nhial në nyin thar.

5- Agut të can Yekoba yɔk tëde, Të de ceŋ de töŋ rilathɛɛr de Jakob”

6-Tiëŋkä , acuk piŋ në Epäräthä, acuk yök në ɣar ke ruöpiic

7-Lenëko në AkeemaDeic, Lenëko doorëko në Ye cöknhïim.

8-Jatë rɛt nhial , Yekoba ba lɔŋ TëDuun puɔɔth-ëlɔŋ, Yïïn ku riänDun-ë riɛl.

9-Cɔk abuöönKu apöth lajik nëke kɔɔth , ku cɔk kɔc cïïthieeiKu aciu në miɛt-ë puöu.

10-Nëkë de AluaŋDu Dabid, duk-ë Yï nyin yee wɛl wei në acatɔcDu guöp.

11-Yekoba acï mël kuëëŋ në yic të nɔŋ Dabid, lɔn cï ben bɛr yaa dhukciëën, “Ɣɛɛn abï

nyuc në thönydu nhom luɔk de guöpdu

12- Naa muk miëëthku mänDië apath, ku lëkDiëën banke pɔɔc, ku miëëthkɛn aabï

nyuc në thɔɔnydu nhom alaɣɔn “

13-Nëŋu Yekoba acï Dhiɔn lɔc, ee nɛk tuil-E bë yaa Pannhomdeen de ceŋ.

14- “Kän ee tëdiëën de ceŋ alagut, ëtɛɛn , aban ceŋ thïn, nëŋu Aca göör në Ɣapuööu

arëët.

15-Ɣɛɛn aba thiäŋ athiɛɛi cïn thök, ku aŋääŋke Aaba muɔɔc në cäm bïk kuɛth.

16-Ku abuunke Aaba pɔth në luäk, ku kɔc cïïthieeike aabï ciɛɛu dït de miɛt-ë puöu

looi.

17-Kuu tënë, Aban tuŋke Dabid guaŋ thook bïk cil ëke moth, ku Ɣɛɛn bï many de

Wuliään bɛɛi të nɔŋ töŋDiëën CA tɔc.

18-Kɔc ke aterde Aaba yɔrkɔɔth, ku yeen në rɔt, JɔɔŋDe abï thiäŋëthiaŋ”.

DIT 133

Män de athiɛɛi de kɔc-ë NHialic

Tiëŋkä, piɛɛth kadï ku miɛt kadï të yee ŋɛk ke mɛth-ë ceŋ atök në mät!

2-Acït mök layuic piɛɛth cïï wäl në Aaron nhom, jɔl kuëër piny ëtïŋ ke kuany nhiëm de

yualic ëtïŋ, ciëëth në köc de alanhde thok .

3-Acït thɛny de Hïrmoon piny de Lobïnän looc piny në kuur-ë Dhiɔn nhom,

Ëtënë yen ayee Yekoba athiɛɛiDe cɔɔl bei thïn _

Pïïr athɛɛr alagut .

DIT134

Bïï Yekoba puɔɔny ɣɔɔnDe wakɔu

Tiëŋkä, athiɛɛi de Yekoba , Week aluɛk ke Yekoba wedhiɛ, eeŋa wakɔu cï kɔɔc ɣön de

Yekoba !

2-Jat-ë yï cin nhial të lajik, ku puɔny Yekoba .

3- Yekoba ëcak nhial ku piny , Athiɛɛidu në Dhiɔnic.

Dit 135

Din de pɔny

Yaakä YEKOBA puɔɔny !

Yaakä rinke YEKOBA puɔɔny; pianykä wek awuut ke YEKOBA!

2-Week kɔc yee kɔɔc në ɣön de YEKOBA thok , në tiääi ke ɣöötke NHialinydaiic,

3-Pianyka YEKOBA , në ŋu YEKOBA apath; kɛɛtkä riɛnke në din-ë pɔny, në ŋu yeen ee

din amit .

4-Nëkë cïï YEKOBA rɔt lɔc Jakob në rɔt, Yïthërɛl ke yee makenydeen loithok.

5-Nëŋu anyiɛc ke YEKOBA dït arëët në thiɛk-ë yic, Bɛnydïtda atɔ nhiaal në jak nhïïm

kedhiɛ.

6-Kën-ë YEKOBA tiiŋ puöu ëbɛn ayee looi, pan-nhiaal ku piny nhom , në baariic ku në

kuɔliic.

7-Ee abuör cɔk aɣëër bei në piny thar; ku looi labiriu në deŋic; ku cɔk kɔɔr-ë yom cɔk

abɔ bei në guökkeiic.

8-Acï manhkai de Yijip ruth, kai de raan ku lɛï ëbɛn.

9-Acï cït ku kagɛi-ëke tuööc në we ciɛliic , eei kɔcke Yïjip, tuucke në kaam de Pauro ku

aluɛkke kedkiɛ.

10-YeKOBA acï dɔl juëc cop, ku nɛk mëlëëk rir.

11-Gɔɔc në Thiɣɔn mëlëŋ de Amoraait, Ok mëlëŋ de Bacän, ku ciëŋ kek tɔ Kanaan

kedhiɛ .

12-Ku gɛm piɛɛnydɛn ke cïï bärke, bɛr-ë mïth ke Yïthërɛl käcke.

13-Riɛnku Yïïn YEKOBA aaye ceŋ athɛɛr, cuök wɛr-ë wɛt, YEKOBA ee tɔ në rïny ëbɛn.

14-Nëŋu YEKOBA abï kɔcke luk , ku ka bï naŋ kɔc de puöu të nɔŋ kacke.

15-Ka cïï thɔɔth në kɔc cin tɔ në dɔliic aaye thiaau ku yee kɔk luŋ col , aayee luɔi de

kɔc në ke cin.

16-Aanɔŋ thuɔk ku kaa ciee jam; ku kaa nɔŋ nyïïn , ku kaa ciee daai.

17-Aa nɔŋ yïïth , ku kaa ciee piŋ; ka yïn naŋ të yee wëëi në kethook.

18- Kɔc yee ke thɔɔth aacït ke , ku yen-ë akee tëde kɔc yee ke gamadöt .

19-Thiɛɛikä YEKOBA , Eei ɣön de Yïthërɛl, Thiɛɛikä YEKOBA , eei ɣönde Aron.

20-Thiɛɛikä YEKOBA , eei , yïïn ɣön de Lebi, ku Yïïn ran yee riööc në YEKOBA, yee

YEKOBA thieei!.

21-Athiɛɛi abï yaa tɔ ke YEKOBA bɔ bei Dhiɔn, man yee ceŋ Jetuthalem!


Dit 136

Din de Lɛcëmɔc

Oo, yaakä; YEKOBA yiëk lɛc , në ŋu yeen apath! Käcdeen de puöu ee dhiac athɛɛr.

2-Oo,yaakä NHialiny de jak yiëk alɛɛc! nëkë yee käc de puöuDe dhiac athɛɛr .

3-Oo, Yaakä Yekoba Bɛny de bäny yiëk alɛɛc! nëkë yee käc de puöuDe dhiac athɛɛr.;

4-Të nɔŋ yeen etök ee kadït gɛi-ëke looi, nëkë yee käc-ë puöuDe dhiac athɛɛr;

5-Të nɔŋ Yeen man në nyïc acien nhiël cak, nëkë yee käc-ë puöuDe dhiac athɛɛr;

6-Të nɔŋ Yeen man ëwec piny në pïïu nhïïm nhiaal, nëkë yee käc-ë puöuDe dhiac

athɛɛr;

7-Të nɔŋ Yeen man cï ɣeerdït cak, nëkë yee käc-ë puöuDe dhiac athɛɛr;

8-Bë ruɛl yaa kuum aköl, nëkë yee käc-ë puöuDe dhiac athɛɛ;

9-Bë pɛɛi ku kuɛl yaa kuum wakɔu, nëkë yee käc-ë puöuDe dhiac athɛɛr;

10-Të nɔŋ Yeen acien manh kai de Yïjip yup, nëkë yee käc-ë puöuDe dhiac athɛɛr;

11-Ku bïï mïthke Yïthërɛl bei në kamkɛn, nëkë yee käc-ë puöuDe dhiac athɛɛr;

12-Në cin ril ku köŋ cïï riny, nëkë yee käc-ë puöuDe dhiac athɛɛr;

13-Të nɔŋ Yeen man ɣɔn tek barthithic në rou, nëkë yee käc-ë puöuDe dhiac athɛɛr;

14-Ku cɔk mïth ke Yïthërɛl atëk në wäric të lakök, nëkë yee käc-ë puöuDe dhiac athɛɛr.

15-Ku dïïr rem-ë tɔŋ de Yïlip kek-ë Pauro në Bar thithic, nëkë yee käc-ë puöuDe

dhiac athɛɛr.

16-Të nɔŋ Yeen man cï kɔc ke Yïtherɛl ŋɔɔr në papic, nëkë yee käc-ë puöuDe dhiac

athɛɛr;

17-Të nɔŋ Yeen man yee Mëlëëk ril yuöp piny, nëkë yee käc-ë puöuDe dhiac athɛɛr;

18-Ku nɛk mëlëëk kɔk arëët , nëkë yee käc-ë puöuDe dhiac athɛɛr;

19-Thiɣon Mëlëŋ de Amoraait, nëkë yee käc-ë puöuDe dhiac athɛɛr;

20-Ku Oak mëlëŋ de Bacän , nëkë yee käc-ë puöuDe dhiac athɛɛr;

21-Ku gɛm piɛɛnydɛn ke yee abɛr-ë ke, nëkë yee käc-ë puöuDe dhiac athɛɛr;

22-Ceŋ de Yïthërɛl awutDe, nëke yee käc-ë puöuDe dhiac athɛɛr;

23-Yeen man yee O tak të cïï Ok nyïïn lɔ piny, nëkë yee käc-ë puöuDe dhiac athɛɛr;

24-Ku luɛk O në kɔckuan ater cin, nëkë yee käc-ë puöuDe dhiac athɛɛr;

25-Yeen man yee guöp ëbɛn yiën miëth, nëke yee käc-ë puöuDe dhiac athɛɛr;

26-Oo, yiëk-ë NHiäiny de pan nhiaal alɛɛc! nëkë yee käc-ë puöuDe dhiac athɛɛr .

Dit 137

Thök de Pɛc de Yïthërɛl

Gooku nyuc në ciɛr kɔɔth , ciɛrke Babulon, eei , ku dhiauku ɣɔn tɛk Ok Dhiɔn.

2-Ku nökku thoomkua në tim cɔl Willo nhom tɔ në ye ciɛlic .

3-Nëŋu kɔc ëke pec O ku nyiɛɛikï O aacï O thiëc dit, ku kɔc ëke rɛc O aagör buk puööth

miɛt , luelkï, “ kɛtkä O din töŋ de diɛt ke dhiɔn !”

4-Buk din de Yekoba jäl yaa ket Kadï ke O tɔ piny de alɛi ?

5-Naa mär nhom, në Yïïn Jeruthalem ke Yï cɔk cin cuëëcdië amär nhom në tëët yee

looi!

6-Ku naa caa Yï yee tak, ke Yï cɔk ɣa alɔ liep nuat në daaiic - naa caa jiɛt Jerathelem

nhial në jöŋ de miɛt-ë puöudië nhom.

7-Duk-ë nhom mär, Yekoba , në wɛtke Edom yee Yï nyin tuökke aköölke Jeruthalem,

man yee jam, “Thuörkä piny , thuörkä piny, agut cï wec de ye cök!”

8- Eei nyan de Babulon , Yïïn man bïï riöök, raan ayee thieei ran bï yï cuööt në wɛt cïn

O luööi!

9-Raan ayee thieei ran yee mïth-thiiku lööm ku yeeke dɛɛny në kuur!

Dit 138

Lɔŋ de Lɛcëmɔc

Yïïn aba yaa puɔɔny në piäändië ëbɛn; në jak nhïïm ke Yïïn aba yaa puɔɔny në kët.

2-Ɣɛɛn bï yaa duur ke ɣa cï ɣa nhom wɛl Yekaluduun Lajik, ku piaany Riɛnku në nhiëër

piɛɛthdu ku yiɛɛnydu; nëkë cïn wɛtdu guaŋ nhom arëët në Riɛnku nhïïm nhiaal.

3-Në kööl yanke dhiɛɛu wei, yïïn yee dhiëndië dhuk nhom, ku cɔk ɣa alɔ buɔllɔl ba riɛl

në tiëpdië.

4-Mëlëëk ke tiɔp nhom kedhiɛ aabï Yï yaa puɔɔny, Yekoba , të piŋ kek wëlke Yï thok.

5-Ëëi, aabï ket në kuɛrke Yekobaiic, në ŋu kë thiekic ee nhiaam de YEKOBA.

6-Anaa cɔk aamë tɔɔ YEKOBA nhiaal, ka ŋot-ë yee akorpuöu geei; ku nyic adïtpuöu të

mec .

7-Nɔŋ-ë ɣa cɔk cath në ariɛɛr ciɛlic , ke Yïïn yee ɣa cɔk pïïr; Yïïn yee Yï cin riny në ɣök

të nɔŋ kɔc ke aterdië, ku cin cuëëcdu ee ɣa kony.

8-YEKOBA abï lɔcïth në kë cï ɣa yökic , Käc-ë puöudu YEKOBA ee ceŋ athɛɛr agut yen

athɛɛr; Duk-ë kë loi në Yï cin nyiɛɛŋ wei.

Dit 139

NHialic acï Nyïnyëkäŋ Thöl ku Tïit-ë nyin

OO YEKOBA yïïn cï ɣa gööriic , arɛk Yïïn cï ɣa yökic.

2-Yïïn nyic të can nyuuc thïn ku Yïïn nyic të can rɛt jat thïn; ku täŋdië ayee deet të mec.

3-Yïïn yee kuɛɛrdië weecic ku wec tëdieen-ë täcic, ku Yïïn cï rɔt nyic kek-ë rɛɛrdië

ëbɛn.

4-Agut cï wɛt de ɣa liep acïï kuc, jɔl tïŋdaa , YEKOBA , cït-ë nyic ëbɛn.

5-Yïïn cï ɣa yuil tueŋ ku ciëën, ku kan-ë Yïcin në ɣa kɔu.

6-Nyïny cït-ë kän eekë de gäi të nɔŋ ɣa; atɔ nhiaal aca lëu në cuup.

7-Lɛu lɔ të yo aban wɛɛiDu wär thïn? Ka yee tëyo ban pɛɛr thïn të liiu Yïïn thïn?

8-Naa laar në nhialic ke Yïïn tɔ thïn; ye luöi rɔt agen piny de kɔc cï thou, tïŋdaa , ke

Yïïn tɔ ëtë tuui.

9- Naa lɔɔm wuökke nhiäkduur, banke lɔ ceŋ në bar thar piiny,

10-Agut cïï tënë ciɛɛndu aŋot-ë ŋɔɔr ɣa thïn, cin cuɛɛcDu amuk ɣa nhial.

11-Nɔŋ-ë cak dïk-ë luɛl, |” pacɔk muööth abï ɣa kuöm piny ,” ke makɔu awel rɔt ke

yee ɣɛɛr në ɣa kɔu;

12-Agut cï muööth acïn kën-ë ɣa thiaan kɔu thïn në Yï nyin, nëŋu makɔu ee ɣɛɛr cï

aköl; muööth ku makɔu aathöŋ në Yï nyin .

13-Të nɔŋ Yï baŋthïndië aca cak; ku kum ɣa në adhiënh de maaic.

14-Yïïn ba yaa puɔɔny , në ŋu ciëëkdië eekë riööc-ë ku gɛi-ë; LuɔiDu eekë gɛi-ë, kuu

kän anyic tiëpdië apath.

15-Kɛɛr de ciëëkdië akëc muɔɔny në Yï nyin , nyicke tääu në adhiënh de Maaic, ɣɔn jɔl

ɣɛn dït thïn në luɔɔŋ , ee nyic Yïïn lɔn tää ɣɛn thïn.

16-Goo ɣa tïŋ ke ɣa këc-ë guɔɔ dhiëëth, ku nyic nïn ciën ba ke nɔk në maaic, aake cïï

gät piny në buööŋDuic, aŋoot ke ke këc guɔɔ gɔl në kuɛn.

17-NHialic , täŋDu aca yök ke rilic arëët të nɔŋ ɣa; eekï dï të mat-ë ke , eekë thiekic!

18-Naa laar thïn ba ke kueen kaa juëc akaa wär liɛɛt tɔ në wär yɔu ; naa pääc në nïniic ,

ke ɣɛn ŋoot në Yïnhom.

19-NHialic ee yaa ŋɔɔth kadï ba kɔcrɛc nɔk! Ku kee yaa ŋɔɔth ke mëriöök bë ɣa nyääŋ

piny atök!

20-Aayee karɛc luɛɛl në ɣa guöp; aayee riɛncië lɛk guöp karɛc.

21-Oo NHialic të ca män kɔc-ë Yï maan! Ee ya rɛɛm yen wɛt-ë kɔc ëröt jɔt Yï !

22-Aaca maan ëkaa cït ɣa kɔu të caa ye tïŋ-ë; aadïk yaa kɔc ciën ke ater.

23-Car ɣa , NHialic ba nyinhdië nyicic; them ɣa , ku ba atɛkcië deetic.

24-Gör lɔn nɔŋ yen adhuɔɔm tɔ në ɣaic ku ba ɣa geei kɔu në kuer athɛɛric.

Dit 140

Lɔŋ në Gël

Luɛk ɣa bei YEKOBA në kɔc rɛc cin; yee ɣa muk apath në kɔc mërïöök cin.

2-Kërac yen ayeekï ciir aluööt në kepuööth; ee tɔŋ yen ayee kek mat aluööt.

3-Aa cït liëp këroor; wɛt yeekï lueel acït yuïïr de kuarakunïïn .

4-OO YEKOBA , gël ɣa në yee kɔc rɛɛckä cin; yee ɣa muk në mërïöök cin, kek man yee

kɔth ban yaa kɔth juiir në akɛthciëiic ëbɛn.

5-Adïtpuööth aacï ɣa deep, aacï abiaathken dɛɛp dhölic kek-ë yuïïn nɔŋ cök dhuur

ku bïï kek ɣa dɔm.

6-Guɔɔ lɛk YEKOBA, “ Yïïn yee NHialinydië.” Piŋ röl de kaciën thiëëc në lɔŋdiëic.

, Oo YEKOBA.

7-OO YEKOBA NHialic , Yïïn yee riɛl de Luäŋdië, Yïïn cï ɣa kum nhom në kööldiëën-ë

tɔŋ.

8-YEKOBA, duk-ë kë göor kɔc rɛc yee pälke; duk-ë acirdɛn yee puöl bë tiam.

9-Duk-ë kɔc ciën ke aterdië yee cɔk ayee mëtiɛɛm, cɔk kë yee kek ɣa riääc aye dhuk në

ke yiëth.

10-Cɔk atiapdïït-ë mac ayee lööny nëke yiëth; ku cɔk ke ayee lööny në kɔl bäricic ku

cïk ber dhuk bei thïn.

11-Në kɔc yee kɔc kɔk luöi rɛɛc cie tiam në kakkɛniic ayɛ; në duriëëth yee kɔc-ë riääk

looi lööm ku riöökke.

12-YEKOBA, anyiɛc ke Yï yee aŋäŋ kony kɔu ku kony yiny de ran gör luk awɛiic kɔu.

13-Kɔc lajik aabï Yï dïk-ë pɔny pacɔk; ku kaa bï pïïr në Yï nhom .

Dit 141

Lɔŋ thɛi

YEKOBA , ɣɛɛn acï dhiaau në Yï nhom; dɔc yï cök lɔɔc bär! Yee Yï yïc wɛl dhiëndië të

dhiaau ɣɛn në Yï nhom.

2-Cɔk lɔŋdië ayee cɔp në Yï nhom cï manyiëër , jɔt-ë ciɛncië nhial acït köc thɛi.

3-Tit ɣa thok, YEKOBA, yee mään de athok muk apath .

4-Duk-ë ɣa cɔk ayee puöu dhuk tën-ë karɛc, bë yaa wël rɛc kek yaa cothiic në luɛl kek

kɔc yee karɛc looi; ku duk-ëɣa cɔk ayee cam në miëth miitdɛn.

5-Cɔk ayee lajik yen yee ɣa deeny; ka bï yaa piath. Ku cɔk ayee ɣa cil; kee kë path cï

mök mit; duk-ë nhiaamdië cɔk aye jai në ye. Në ŋu lɔŋdië aŋot-ë tɛɛr ke luɔi rac.

6-Duluukkɛn aacïï cuat në atiɛlläŋ de kuuric , ku kaa yee wɛlcië piŋ , nëkë mit kek.

7-Yomkua aacïï kär në raŋ thok, cï man cïï raan tiɔm puur.

8- Ku nyiɛncië aagäk në Yï kɔu , Eei, NHialiny Yekoba ; në Yï yic ayan thiaan thïn; duk-ë

tiëpdië ca dɔŋ në riääkic .

9-Yee ɣa muk në yuïïn-ë luɔɔŋ cïï kek ɣa deep, ku në abuɔn-

2-Ka gɔɔr aaba ciɛɛr në Ye nhom në luɛl; ka rir ɣa aaya caal në Ye nhom.

3-Të cïï wëëicië niäär në ɣaic, ke Yïïn anyic kuɛɛrdië. Në kuer yan cath thïnic acïï kek

ɣa deep thïn në luɔɔŋ .

4-Liec cin cuɛɛcdiëda ku tïŋ , acïn ran töŋ yee ɣa kaŋ tääu në täŋdeic, athian acï ɣa

yuit ; acïn ran yee nyin tïït në tiëpdië. ë kɔc-ë karɛc looiic.

10-Cɔk kɔc rɛc ayee wäi në abiaathkɛn cïk deepiic, ku cɔk ɣa aye poth thïn.

Dit 142

Lɔŋ göör-ë kuny

Ɣɛɛn bï ɣa yic yaat yuöp kuöi në röldït të nɔŋ YEKOBA; në ɣa röl ke ɣɛɛn bï wël ke

lɔŋdië lɛk YEKOBA.

5-Ɣɛɛn ajɔl dhiaau në Yï nhom , YEKOBA: ku luɛɛl, “ eeYïn-ë kee tëdiëën-ë thiaan, ee

Yïn-ë kee baŋ de lɔkdiëën de pïïr.

6-Ɣëët tëde dhiëndië , ɣɛɛn aci thar jool arëët ; luɛk ɣa bei në mëyɔɔŋcië cin , aacï riɛl

në ɣa.

7-Luny tiëpdië bei ɣön-ë döm , ku ba Riɛnku puɔɔny ; ku lajik abï ɣa gɔɔl piny, në kë

bïn kɔɔc ke ɣa arilkutör”

Dit 143

Lɔŋgöör-ë Kuny

OO YEKOBA , piŋ lɔŋdië, yee Yï yïc wɛl kaciën thiëcke në lɔŋdiëic! Ku dhuk lɔŋdië

nhom në gämadötDu!

2-Duk-ë ɣa tɛɛu në dëwanic , ɣɛɛn aluaŋDu; nëkë cïn yen ran puɔl guöp në Yï nhom.

3-Kɔc ke aterdië aacï ɣa yɔŋ ku kaa cï ɣa dïk-ë ccup. Yeen acï ɣa tääu në thïjïn colicic,

arɛk ɣɛɛn cï ciët kɔc-ë ke thou në run-ë der nhom.

4-Ee thɛn-ë rɔt yen acï döŋ ba looi; ɣɛɛn cï puöu dïk-ë ŋɛɛr.

5-Ɣɛɛn këc nhom määr në nïn cï lɔ; ka ca ke looi kedhiɛ ayaa täkiic, ku loilooiku kedhiɛ

aayaa dhuök në ɣa nhom.

6-Ɣɛɛn yee acin jɔt Yï në lɔŋdiëic; ɣɛɛn cï ciët piny cï yaak cïn pïïu thïn, tiëpdië anɛk rou

në wɛtDu.

7-YEKOBA, dhuk lɔŋdië nhom ee mɛɛn ! ɣɛɛn cï ciën ŋäthdɛ. Duk-ë rɔt yee tɔɔu në ɣa ,

duök ba lɔ piny de kɔc cï thou laa rëër nëke kɛm.

8-Yee ɣa täk nhom nhiäkduur në nhiëërduun ciee kaŋ jääl, nëkë can gämadötdië tääu

në Yïyic. Lɔŋdië ee lɔ nhial në Yï nhom; nyuöth-ë ɣa kuer ban lɔ thïn.

9-Ɣɛɛn yee lɔ në Yï nhom në kuny bïn ɣa kony; luäk ɣa në kɔc ke aterdië cin.

10-Yïïn yee NHialinydië; pɔɔc-ë ɣa ba kën-ë Yï puöu yaa looi. Piath-ë ke ɣa, ku gei ɣa

kɔu në kuer cïnic riööc .

11-Kony ɣa , YEKOBA, cï mën-ë cïn-e lueel; në piathDuic luɛk Yïïn ɣa në ariɛɛriic!

12-Në ŋu wɛt-ë nhiëërdu ke ɣa, acï kɔc ke aterdië nɔk ku riöök kɔc-ë ɣa nhiaac kedhiɛ,

nëkë yee ɣɛɛn aluaŋDu.

Dit 144

Mëlëk acï NHialic Leec nëke cien tiam

YEKOBA abïï yaa puɔɔny , dugëldië! Acï ɣa pɔɔc në tɔŋ ku juiir ɣa ba thɔr .

2-Yeen ee dugëldië ku yee dutïndië, ku yee athiandië ku yee duluɛɛk. në Ye yic man

yan gämadötdië tääu thïn. Ee dɔl kedhiɛ tääu në ɣa cök.

3-YEKOBA , raan ee ŋa , yeen man ca liath; manh-ë raan , acïn Yï puöu tääu thïn në

nyïc?

4-Raan acït yom rët ; niënke aacït atiëp ciee gääu në jääl.

5-OO YEKOBA , ret dɔric në bak ku bär piny; thɛny kur nhïïm ku kaa bï yïïr në tol.

6-Lɔr biriu ku thiäi-ë kɔckun ater piny; muɔc-ë yuɛthku ku cɔkke akɛt.

7-Rïc Yï kök ba piny dööt në Yï cin , ku mïït ɣa bei në piëuic, ku kony ɣa; luäk ɣa në

riɛɛl de alɛiic.

8- Ee ŋa këc yic kaŋ lueel ku tör lueth agut cï kuëëŋic .

9-Din jöt aba yaa kɛt Yï , NHialic; thom aba yaa riäŋ ku kɛɛt Yï nhom.

10-Yïïn yee tiɛm yiëk mëlëëk ku luäk awundu Dabid.

11-Kony ɣa në kɔc rɛɛc ke aterdië cin; luäk ɣa në riɛɛl de alɛiic , man këc yith kaŋ lueel

në ke thook ku yee lueth yen yeekï tör agut kuëëŋic.

12-Në wɛtkua në päräkpuööldɛnic yee ciët tiim yee dït nhial ëke ril. Ku cït nyiëërkua

mëën cïï wɛc në guökiic yee pandïit-ë Mëlëk muök nhial.

13-Në gukkuan ke tɔɔu yee thiäŋ në nyin-ë miëth ëbɛn, ku yee amɛlkua në domiic

dhiëth në bot ke tiim-ë dɛɛu.

14-Në ɣäkkua yee dhiëth amat të cïn kë yee lööny wei thïn. Në yee ciën riääk ku ariɛɛr

në kuɛr ke bɛɛikuaiic.

15-Dɔl yee kääk ke yaa yith thïn aaye thieei; ku kɔc yee YEKOBA ke yaa NHialinydɛn

aaye thieei!

Dit 145

Din-ë Pɔny

ƔƐƐN abï dït de thiɛk-ë yicdu yaa caal NHialinydië Ku yee Mëlëŋdië; ku ba yaa leec

athɛɛr agut yen athɛɛr wadɛ.

2-Akälriëëc Yïïn aba yaa leec; ku yaa Yï puɔɔny athɛɛr agut yen athɛɛr wadɛ.

3-YEKOBA adït ku ka path bïï piaany nhial arëetic ; dïtDe awär nyïny de raan.

4-Kë ca looi abïn-ë Yï yaa puɔɔny në rïc ëbɛn lɔ në rïny-ë; keek aabï luɔi riilduun cïn-ë

thok yaa caal beec.

5-Aabï yaa jam në nhiaamde ku anhombɛnydu, ku ɣɛɛn bï ɣa thok yaa dääu në

luɔiduun-ë gäi.

6-Kɔc aabï yaa jam në riɛlde loilooiku, ku ɣɛɛn bï dït-ë thiɛk-ë yicdu aba yaa caal

beec.

7-ku keek aabï piath cïn thokdu yaa lueel ku këtkï në naŋ puöuduun cïn thok.

8-YEKOBA anhiër ku akɔc puööu, acie dac ɣök ku athiäŋ në nhiëër ciee thök.

9-Yeen apath ke raan ëbɛn ku kee nyin kuany nëkë cï cak ëbɛn .

10-Caak ca cak ëbɛn abï Yï puɔɔny , YEKOBA, ku kacku kedhiɛ aabï Yï gäm lɛc.

11-Aabï yaa jam në nhiaam de riɛɛl-ë ceŋdu, ku lueelkï riɛlathɛɛrDu,

12-Ku bï raan ëbɛn luɔi piɛɛth riilDu yaa nyic ku nhiaam de anhombɛny de ceŋduic.

13-KuumDu ee tɔ athɛɛr, ku Yïïn yee Mëlëk agut athɛɛr. YEKOBA aciee kë cï lueel

ëwaaric , ku ka kɔc puöu nëkë yee looi yic ëbɛn.

14-Yeen ee kɔc tɔ në ariɛɛric kony; ku jɔt kɔc cï yuïïk piny kɔɔth.

15-Kë pïïr cï cak ëbɛn ee Yï ŋɔɔth guöp të tïŋ kek Yï, ku kaa yee yiëk miëth të göör

kek-e .

16-Aayee yiëk kë kuethke ku lëu kë ŋɔŋ ŋɛk në yiëk-ë ye.

17-YEKOBA alajik në luɔideen yee looiic ëbɛn, ku kɔɔc puöu në kë looiic.

18-Athiök ke kɔc yee Ye cɔɔl kedhiɛ, kɔc yee Ye cɔɔl në puön cïn aŋuɛɛn.

19-Kɔc yee Ye thieekic aayee nɛm cin; ku piŋ dhiëndɛn ku luɛkke.

20-Ran nhiar-E ëbɛn ayee gël kɔu, ku Yeen ee kɔc rɛc riöök.

21-YEKOBA aba yaa puɔɔny aluööt; ku cɔk caakke kedhiɛ aye Rinken Lajik puɔɔny

athɛɛr.

Dit 146

Në Pɔny de NHialic Duluɛɛk


Yïïn tiëpdië yee YEKOBA puɔɔny1.

2-Naa piëër ke ɣɛɛn bë YEKOBA yaa puɔɔny; din-ë pɔny aba yaa kɛt NHialinydië të

ŋot-ë naŋ ɣɛn maraan.

3-Duk-ë gämadötdu yee tääu në wɛtke Mëlëëk cin, ka yïn aa wɛtke raan , man cïn

kuɔɔny tɔ nëke cin.

4-Wëëide acï jääl acï dhuk në piny nhom; ku në yee kööl töŋ-ë goo acirde riääk.

5-Ayee thieei yen man tɔɔ NHialiny de Jakob ke yee kunyde , yeen man yee ŋäthde tɔ

në YEKOBAIC NHialinyde.

6-Man ëcak nhiaal ku piny , baar ku käŋ kedhiɛ ka yee tɔ në keiic ; man yee yic muk

alaɣɔn.

7-Man yee awɛiic luɔɔi të nɔŋ mënhiɛɛc, man yee aŋäŋ nɛk cɔk muɔɔc në miëth,

YEKOBA ee kɔc cïï mac yiëk nhom lääu.

8-YEKOBA ee cör liep nyïïn; YEKOBA ee kɔc cïï riëëk piny jɔt kɔɔth ; YEKOBA anhiar kɔc

lajik.

9-YEKOBA ee daai në alɛi; ee mïth cïn wunken ku diärjɔɔk lony; ku puk kuer-ë kɔc rɛc

nhïïm piny .

10-YEKOBA abï yaa ceŋ athɛɛr – Nhialinydu, yïïn dhiɔn, në rïc ëbɛn .


Dit 147

Në pɔny de NHialiny Nɔŋriɛɛlëbɛn

Yaakä YEKOBA puɔɔny !

Ee yaa kë path të yee din-ë pɔny kɛt NHilaic ; ee yaa kën-ë miɛt-ë puöu , ku pɔny ee kë

dhëŋ.

2-YEKOBA ee Jeruthalem yïk ; acïthiääi ke Yïthërɛl aayee kutiic ku mɛɛtkeiic .

3-Yeen ee kɔc dhiau puööth cɔk puɔl ku deem ɣäntöökken.

4- Yeen ee cin de kuɛl tɔ nhiaal kueen; ku cɔɔlke në riɛnken.

5-NHialinyda yen-ë ka dït, ku kee mëril göök; adönde aciee lëu në tɛt-ë thok.

6-YEKOBA ee akorpuööth jat nhial; ku duiny kɔc rɛc në tiökic .

7-Kɛɛt-ë YEKOBA në lɛcde mɔc; ket pɔny de NHialinyda në thom.

8-Man yee nhial kum në pöl, Yeen man yee piny nhom juër deŋ, Yeen man yee noon

cɔk acil në kur nhïïm.

9-Yeen man yee läidït yiën miëthdɛn, ku muɔɔc ajiɛl ke gak dhiau në miëth.

10-Riɛl de ajɔŋkör aciee ye ëmiit puöu; kuölke raan aciee tuilke ye nɔk.

11- Kɔc yee riööc në YEKOBA kek aayee tuilke Ye nɔk, ku kɔc yee käc-ë Puöude ŋɔɔth .

12-Jeruthalem ! yee YEKOBA puɔɔny, Dhiɔn ! puɔny NHialinydu.

13-Në ŋu ee Yen yee luöŋke thookku cɔk aril; acï mïthkun tɔ në yi yic thieei.

14-Acï dɔɔr looi në akɛɛthku nyïïn, ku thiööŋ yï në nyin-ë rap ba kuɛth.

15-Acï löŋ de thoŋde tuɔɔc beec në piny nhom; Wëlke aaye riŋ ëcaŋcaŋ.

16-Yeen ee kɔi wel ke ke cït alanh-ë nhiëm, ku thiɛi ror piny cï ŋeth;

17- Yeen ee kɔide wɛɛr cï cuïn; ee ŋa lëu kɔɔc në yuɛɛrde nhom?

18-Yeen ee wɛtde tuɔɔc beec ku lëëŋke ; Yeen ee yom cɔk ayom, ku cɔk piëu ariiŋ

kuëër.

19-Yeen acï wɛtde dïk-ë cöl –ë Jakob , kɔɔcde ku lukdeen luk Yen Yïthërɛl .

20-Yeen akëc ɣëët kek-ë dööldɛ ëkɛɛ; ku të cït tëde luööŋde , akëckï nyic .


Dit 148

Cɔt de Kakke Piny nhom ëbɛn bïk NHialic Puɔɔny

Pianykä Yekoba !

Pianykä Yekoba nhiaal; pianykä Yekoba në alɔŋ tɔ nhiaal arëët!

2-Yaakä puɔɔny wek Malaaikaaike; yaakä puɔɔny wek kakken ke rɛm!

3-Yaakä puɔɔny wek Yïk ruɛl ku pɛɛi; Yaakä puɔɔny wek yïk kuɛl ɣɛr wedhiɛ!

4-Yaakä puɔɔny wek nhiël ke nhiël, ku wek pïïu cäp në nhiël nhïïm!

5-Cakkä ke ayee Rinke Yekoba puɔɔny, në ŋu ee cï këriëëc ëbɛn yaa yɔɔk ku ciɛk.

6-Ku doi Yekobake alaɣɔn; ku tɛɛu Yekoba löŋ ciee lëu në nyiɛɛi.

7-Pianykä Yekoba në piny nhom, week kadït ke baric cïï cak ku ka tɔ në kolic;

8-Wek yï mac ku kɔi , rur ku pöl; athiäpjiɛɛr , dhiɛɛlkä wɛtde thïn.

9-Kurdït ku thɔɔny; tiim nɔŋ dɛɛu ku thedaar ëbɛn;

10-Dïëët ku woŋ ëbɛn; ka yee mol piiny ku ka yee pär nhiaal nëke wuök;

11-Mëlëëk ke tiɔp nhom ku raan ëbɛn; wɛtke mëlëëk ku duluuk ke piny nhom ëbɛn;

12-Riëënythi ku Biëm ; rördït ku mïth-thii .

13-Cakkäke apuɔny Rinke Yekoba , në ŋu RiɛnKe Ye tök kek aatɔ nhiaal; nhiaamde atɔ

nhiaal në tiɔp nhom ku nhial nhom nhiaal.

14-Ku ka cï tuŋke kɔcke jat nhial, pɔny de kɔcken cïïthieei kedhiɛ- de mïthke Yïthërɛl,

kɔc thiääk ke Ye.

Yaakä Yekoba puɔɔny!

Dit 149

Din de Pɔny

Pianykä Yekoba!

Kɛɛtkä Yekoba në din jöt , ku në pɔnyde yee tɔ dundïït de kɔc cïïthieei thook.

2-Cakkä kɔc ke Yïthërɛɛl aciu në Duciëŋdenic; Cakkä mïth ke Dhiɔn aloi wuɔɔu de

miɛt-ë puöu në Mëlëŋdɛnic.

3-Cakkä ke apuɔny Riɛnke në diër; cakkä ke akëët Yekoba nhom në diɛtke pɔny në

thom ku kaŋ.

4-Në ŋu Yekoba ee puöu layum në kacke ; ee kur-ë puöu dhëëŋ në luäk.

5-Cakkä kɔc cïïthieei ayumke puööth në nhiaam; cakkä ke akët arëët në röldït në

ageenken nhïïm.

6-Cakkä pɔnydïït lɔnhial de NHialic atɔ në ke thook, ku abättääu yee thuɔk rou atɔ në

ke cin.

7-Ba guur jat në dɔl yiëth , ku wɛi në kɔc yiëth .

8-Ku bïï Mëlëëŋken rek në riɛk, ku rek bänyken-ë baai në luöŋ.

9-ba luŋ cïï gɔɔr dhiɛɛl në ke yiëth- yen-ë nhiam-ë atɔ në kɔcken cïïthieei yiëth kedhiɛ.

Pianykä Yekoba !

Dit 150

Pɔny-ë YEKOBA

Yaakä Yekoba puɔɔny ! Yaakä Yekoba tëdeen Lajik; Pianykä Yekoba në riɛɛldeen

nhiaalic!

2-Pianykä Yekoba në kakken ril looi; Pianykä Yekoba të cït piath de dïtde arëetic!

3-Yaakä puɔɔny në kuöth de tuŋ; yaakä puɔɔny në thom ku kaŋ!

4-Yaakä puɔɔny në lär ku diëër; yaakä puɔɔny në thom cïi kuen në yuïïn ku diir!

5-Yaakä puɔɔny në thom kɔk röl arëetic, ku yaakä puɔɔny në atilliiŋ !

6-Nëkë yee wëëi tɔ në piny nhom yee Yekoba puɔɔny, pianykä Yekoba!


CÖKKE

Tɛɛu DE DÏKOON

Naa cï akööl cïï Bïcïp nyooth bɛn , të cïï lɔŋ de nhiäkduur thök, ke kabï yaa naŋ wëët ka

yöök de kɔc , ka cɔɔl-ë käŋ, lueel-ë luɔi ku ceŋ de kɔc yee cɔk ayee Dïkoon, ku göör

göör-ë yenë luɔi-ë në Kaniitha de Kërïthoic , ku riëu bïï kɔcke ye yaa riëëu në luɔidenic.

Këtueeŋ , Dïkondït ku ran buɔth ye cök ( kuany ) ( ran tɔ në ye cök ) abï kɔc nɔŋ puööth

bïk yaa Dïkoon bɛɛi në Bïcïp nhom , ku Bïcïp acï nyuc në thööcic të thiääk ke agendït

Lajik , ke ke cïï ruök kɔɔth alɛth ɣer ku koola në ke yëth ku alääma aliu thïn, ku Dïkondït

abë kääk ciir-

Yïïn wun kɔc riëu-ë në NHialicic, yïïn yiën kek-ë kɔckä kääc-ë tɛɛnkä , bïï ke cɔk (looi

) ëke yee Dïkoon .

Ku bit ku tïit

Bïcïp

Cakkä ke cɔk ( dïk-ë ) nyïc ke keek-ë kɔckä , kɔc yiënkäke O ( bɛɛikäke ) , ke ke path

ku cïk röt nyiɛc tiɛɛŋ në nyïnydenic ku jamdenic lɔn lee kek jik , bïk luɔiden yaa looi

ëcäp në nhuɔɔm de NHialic ku në yïŋ de Kaniithade.

Ku dhuk Dïkondït ëkälɛ-

Kaa ca-ke thiëëc ku caarke, ku kaa ca-ke yök ke ke path ke luɔi-ë NHialic .

Naa rëk ke Bïcïp abï kɔc cï guëër luɛɛk thiëëc ëkälɛ -

Wɛt-ë amäthcië ( pan-ë maa ) , naa nɔŋ ran töŋ de wek nɔŋ kë nyic në raan tök guöp

në yee kɔc kääc ëtɛɛnkä, pen-e ka awäny nyic cï lëu bïn-ë ye ruök , ka pëënke kedhiɛ

ke ke cï ruk-ë , bïi ke cɔk ayee Dïkoon, kë cïn-ë ye bë päl në yee luɔiëic , ke bɔ tueŋ

tɛɛn në Rinke NHialic , bë awäny de yee ran-ë ka kë pën-e bë nyuɔɔth .

Bïcïp acï thiëc ke kääc , ku jɔl piny mëk në pïŋ në ran bë yɔɔt nhial në kɔciic

Ku naa nɔŋ ran nɔŋ guöp awäc ka kë pen-e cïi yök , ke Bïcïp abë muöl në tɛɛu de yee

ran-ë ke yee Dïkon, agut të cïï akuut-ë Kaniitha cïï kuany yee daai në kak-ë wëi ye yök

ke cï ciën awäc në ye guöp, ka jɔl ruök aköldɛ.

Naa rëk ke Bïcïp abë kɔc cïi ke yök ke ke path aabë ke ciën kɔc cï guëër bïk lɔŋ në ke ,

ku yeen Bïcïp ku Awut/ abun ku kɔc cï guëër aabï Litanï jäl ket ka kueen Bïcïp ku yee jäl

gam në yecök ku jɔl lɔtueŋ ke lɔɔŋ kɔkkä

( Tïŋ Litanï në lɔŋ thɛɛi cök , apääm 24 )

Ba puöu yaa naŋ thiëëi de kek aawuutkuunkä, kɔc bïi ke cɔk ayee Dïkoon . Ku ba ke wäl

athiɛɛidu , bïk luɔidu yaa looi ëcäp në yïŋ de Kaniithadu, ku në nhuɔɔm de Riɛnkuun

Lajik.

Piŋ Ook Yïin läŋku Bɛnydïit path

Naa rëk ke duöör de Mät abïi ket, të nyic-ë ye , naa kuc ka yee ciit ku gam , ku buɔɔth

lɔɔŋ cök ku Thön ku ciër de Wëlpath ëke kuany ke cök.

Lɔŋ

NHIALINY Nɔŋ riɛɛl ëbɛn , Yïïn, yïn man cï cök ke luɔi de Awuut tääu në Kaniithaduic

në ajuirduun nhiaal ,ku ca Dutuucku yiën piath bïk Märtïïr tueeŋ Thäpäno cïïthieei bïk

lac në luɔi de Dïkonic, Tïŋ kek-ë kɔckä në käc de yïpuööu , kɔc cïï cɔɔl në yee mɛɛn në

yee luɔɔi töŋëic , yee ke cɔk yee kuɛth në yic de pööcdu , ku yuöpëke në ciën awäc de

pïïr, bïk yï yaa luööi në adöt në wɛt ku në kɛɛr path , në nhuɔɔm de Rinku , ku në yïŋ de

Kaniithadu, në piathde Duluɛŋda Yecu Kërïtho, man yee pïïr ku yee dɔk kek-ë Yïïn ku

Wëëidïït Lajik, në yee mɛɛn ku athɛɛr wadɛ. Amen

Thön 1Tim3.8

Yenë ka bï yaa cɔɔk de Dïkoon ëya, aabï rëër ëduk yaa dhiil , ku yeekï ciën thoŋ yee

yic yaa rou , aacï bï yaa dek arëët në pïiu ke abiëc ( Mäu ) , ku cïk bï yaa lɔ gɔkgɔk në

juëŋ-ë wëu, aabï kecïïkum de gäm yaa muk në nyïny lacar de puöu, Në kek-ë kɔckä

yee kaŋ caar , ku bïk jäl luui ëke yee Dïkoon, të yee kek ciën awäc. Yenë ka bï yaa cɔɔk

de diär ëya aabï rëër ëduk yaa dhiil , ku cïk yee naŋ alop, yeekï lacäp , ku yeekï naŋ

adöt në keriëëc ëbɛn. Në Dïkoon yee yaa röör ke diär töök ( diɛɛr ) ( tiɛɛŋ tök ) , ku

nëke yee mïthken nyiɛc muk kek-ë dhiënden ( kuanden ) ku yeekï ke dɔk apath. Kɔc cï

luui apath ëke yee Dïkoon aayee ɣän path yök, ku ŋeenydïït de gäm yee tɔ në Yecu

Kërïthoic.

Ka yee kän yen bïi kueen , kë cïi kuɛny bei në luɔi de Dutuucic.

Dutuuc 6.2

Go thiëër ku rou gokï dundïït de kɔcpööc-ëke cɔɔl ku jamkï, yee ka cë path buk wɛt

de NHialic puöl ku loiku ke de agen. Gɔrkä wëiic , wɛt ke awa ( pan-ëmaa ) në kɔc kee

Dhorou , kɔc riëu-ëke , cïïke thiööŋ në Wëëidïït Lajik ku nyickï käŋ , bukke tääu në yee

luɔi-ë nhom. Ku Ookkä Ok bï yaa cool (but ) në lɔŋ ku në pööc de wɛt . Go kɔc kedhiɛ

puööth miɛt në kek-ë wëlkä , gokï Thäpäno lɔc , yee ran gäm arëët ku cï thiäŋ në

wëëidïit Lajik, ku Pilip , ku Porokoro, ku Nïkanor , ku Thimon, ku Pärmena, ku Nikalau

Perɔthïluto de Antiökia . Gokï ke tääu në Dutuuc nhïim . Ɣɔn yee cïk lɔŋ , ëke kɛn kecin

në kenhïim. Go wɛt de NHialic go dït , ku dun de kɔcpööc-ë ee juakic arëët në

Jeruthalem , ku remdïït de bäny ke kakke NHialic ee gam.

Bïcïp abï nyuc në thööcic aŋoot Wëlpath , ku ciɛɛr raan ëbɛn në ŋɛk në kek-ë kɔc bïi ke

looi ëke yee Dïkoon, ciɛɛrke në kɔc nhïim cï luɛl niɛ lueel-ë yeen , në thiëc ben-e kääk

thiëëc -

Cök ( dïk-ë ) nyïc pacɔk ke yï cïi Wëëidïit Lajik dɔk puöu , ba yee luɔi-ë lööm , ba

NHialic yaa luööi në juɛk-ë tueŋ de nhuɔɔmDe , ku ne yïŋ de KaacKe ?

Dhuk Dïkon – Aca cak dïk-ë nyïc ëkɛɛ.

Bïcïp

Yee tak pacɔk ke yï cïï dïk-ë cɔt ne yic, cï man de puönde Bɛnydïïtda Yecu Kërïtho ,

ku në luɔi de Kaniitha ?

Dhuk Dïkon = Ayaa dïk-ë täk ëkɛɛ.

Bïcïp

Yee kïtääp ( Buök ) ke Kanonic ke Lëk Thɛɛr ku Lëk Jöt , yeeke gam në yic pacɔk ?

Dhuk Dïkon = Aayaa ke gam në yic pacɔk

Bïcïp

Ba ke yaa ciër kɔc tɔ në Kaniithaic të bïn-ë yï yaa cɔk ayee luui thïn ?

Dhuk Dïkon = Aaba yaa looi.

Bïcïp

Ee yaa luɔi de Dïkon , në Kaniitha bïn-ë ye yaa tääu thïn , bï Randït ( Abundït ) yaa

kony në luɔi de kak-ke Duör de NHialic , ku kee të looi-ë Män Lajik , ka kony Abun në

tëŋde , ku yee kacïïgɔɔr Lajik ciir luɛɛk ku yöök de ka cɔɔl-ëke. Ku yee mïth pɔɔc në

Kätëkïdhïm . Ku yee mith baptïth të liiu Abundït , ku yee wëët , të cïn-ë ye päl-e në

Bïcïp. Ku dɛ akïn, ee yaa luɔi de Dïkon të tɔɔ yeen , bï kɔc bec yaa göör , ku göör aŋääŋ

ke luak , ku ŋöt ke luak ( Kaniitha ) ku yee ɣänkɛn ke ceŋ nyic , ku riɛnken , ku nyuthke

Abundït bë-ke nyic ayɛɛ , bïi-ke yaa kony në wëu yee kɔc ke miaac në cuɛtic ( köc )

luɛɛk . Ba ëkän yaa looi në puön mit ku në göör yïn-e ?

Dhuk Dïkon = Aaba yaa looi ëkɛɛ në koony de NHialic

Bïcïp

Ba rɔt yaa gäm juër pïïrdu arëët ku de pïïr de tiɛɛŋdu ku mïthku , cï man de pööc de

Kërïtho , ku ba rɔt cɔk aye kɛɛr ( thööŋ-ë ) ke ke atök, cï lëu bïn-e lëu , yee kɛɛr (

thööŋ ) puɔɔth de amɛl ke Kërïtho

Dhuk Dïkon = Aba yaa looi ëkɛɛ , në koony de NHialic

Bïcïp

Ba Bïcïëmdu yaa gäm thok wël në riëu, ku Awuut dït kɔk ( Abuun dït ne yï ) ke Kaniitha

, kek-ë kɔc cïi-ke yiën riɛɛl de ŋɔɔr ku dök ( maac ) ne yïnhom, ku yee wëët puɔɔthdɛn

buɔɔthic në puön mit ?

Dhuk Dïkon = aba yaa them në luɔi në koony de NHialic.

Ku naa yee Bïcïp ye cin kan në ŋɛk ( Dïkon ) nhom në keek kedhiɛ , ke ŋɛk abï yenhiɔl

yaa tuk etök në puön koor, naa cï thök ka jɔt rɔt ku bɔ ran-ë në Bïcïp nhom ke Bïcïp cï

nyuc në thööcic , abïk thök , të cien ye cin kan në Dïkon nhom, ka luel ëkän , …..

Löm riɛl bïn luɔi-ë Dïkon yaa looi në Kaniithaic ,Kaniitha de NHialic cïï gäm yïïn, në Kɛn

de O cin ,në Rin ke Wun ku Wä ku Wëëidïït Lajik. Amen

Të cien thök në kɛn-ë cin , në ŋɛk nhom , ka yïk kɔu alääma , ku lööm buŋ de Lëk Jöt

ku tɛɛu në ye cin ke ciee nhiɔl tuk ëtëdeen-ë , ku luel Bïcïp ëkän ….

Löm riɛɛl bïn Wëlpath yaa ciir në Kaniitha de NHialicic, ku yïïnke wëët , të cien-ë ye

päl yïin në Bïcïp në guöpde ( thuɔɔŋde )

Naa rëk ke ran tök ( Dïkon tök ) cïi Bïcïp nyooth bë yee kän ciir ke kääc.

Wëlpath Luk 12.35

Duötkä weyiic , ku cakkä mɛckuön adɛp, ku yaakä ciët kɔc yee bɛn-ë bɛnyden tiit , të

ben lɔ dhuk të de miëth de thiëëk , të bïï yen ku tɔɔŋ ɣöt thok, ke bïk dac ( dai ) liep-e .

Aayee thieei keek aaluɛkkä , naa bɔ bɛnyden ke ke yökke, ke ke tït , wek yaa yɔɔk në

yic pacɔk , ya kaa bï röt jɔt, cɔk ke anyuc bïk cam, ku bï bɛn ku luuike, ku naa bïï në

tiët de rou ka në tiët de diäk, ku yökke ëkɛɛ, ëkaa cïï thieei kek-ë aluɛkkä.

Naa rëk ke Bïcïp abï mɛt gɔl, ku kɔc cïï-ke looi ëke yee Dïkoon aabë döŋ piny, bë ke luöi

män Lajik ëtë töŋ-ë , naa cie yee ka kɔŋ la lɔŋ ku jɔl bɛn-ë looi ke ke , ee kööl töŋ-ë.

Naa cï mɛt thääp ne thöl, eemë töŋ-ë aŋoot Athiɛɛi këc guɔɔ gam, ka kɔŋ ëlɔɔŋka lueel.

NHIALINY Nɔŋ riɛɛl ëbɛn , ku yee dumöny de keriëëc piath ëbɛn , Yïïn , yïn man cï

puöu naŋ lööm de kek aawuutkuunkä ( Dïkoonkunkä ) në piathdu , bïk yaa luui në

luɔi de Dïkoon në Kaniithaduic , cɔkke aye piath, Yïïn läŋku, Bɛnydït , ku yeekï puööth

kuur , ku yeekï luɔidɛn nyiɛc looi në käc de Yïpuööu , bïk puön cïï juiir de nyiɛc tïŋ-ë

röt de kakke wëi bïk yaa looi, ku bïk yaa naŋ lëk de nyïny piɛɛth de puööu akölriëëc ,

ku yeekï kɔɔc , ku yeekï riɛl athɛɛr në Wëndu Kërïthoic , bïk röt yaa nyiɛc muk në yee

luɔi thiinëic , bïïke caal në luɔi ŋuɛɛnic në Kaniithaduic , në yeen yen töŋ-ë Wëndu

Duluɛŋda Yecu Kërïtho, yeen man bï yaa naŋ nhuɔɔm ku riëëu athɛɛr wadɛ . Amen

Yee O ŋɔɔr në puön mit, Bɛnydït , në luɔidɛɛn yeeku looi ëbɛn , ku yee O kony në

kunyduun yee dhiac ( tɔ ) ke O , buk Rinkuun Lajik yaa nhuɔɔm në luɔida ëbɛn, luɔi

yeeku gɔl në Yïïn , ku yeeku dhiac ( rëër ) ke loiku në Yïïn , ku yeeku thöl në Yïïn , ku

buk pïïr athɛɛr lööm në käcduun de Yïpuöu , ne Yecu Kërïtho Bɛnydïïtda. Amen

Dɔɔr de NHialic, wär raan ëbɛn në nyïc ,ee bë we yaa muk puööth ku muk we nhïïm në

nyïny de NHialicic ku në nhiëërdeic , ku nyïny de Wënde Yecu Kërïtho , Bɛnydïïtda , ku

nhiëërde ayɛ, ku athiɛɛi de NHialiny Nɔŋ riɛɛl ëbɛn , Wun ku Wä , ku Wëëidïït Lajik, abï

yaa tɔ në weiic ku ka bï yaa ceŋ kek-ë week aluööt. Amen

Abïi yaa lɛk Dïkoon ëtɛɛn, lan ben rëër ke yee Dïkon në ruöön tök ( Cï luɛl bïi Bïcïp ye

lueel ) agut të cien rɔt cɔk piny në luɔi de Kaniitha ku pïïrde abïï nyic në kɔc muk luak.

Të yen luui , ku yök ke nɔŋ adöt ku nyic luui, kee ka bïï cɔk ayee randït / Abundït në

Bïciëmde , cï kööl cïï në nyooth në Kanonic , ka naa goor-ë göör në kɔc , kee ka gor-ë

looi në Thändeei, ka kööl Lajik në Kaniitha nhom, cï gär cien-ë ye gɔɔr ëtɛɛn në duööric.


CÖK KE

TƐƐU DE RÖÖRDÏT

Naa cï akööl cïï Bïcïp nyooth bɛn , të cïï lɔŋ de nhiäkduur thök, ke kabï yaa naŋ wëët ka

yöök de kɔc , ka cɔɔl-ë käŋ, lueel-ë luɔi ku ceŋ de kɔc yee cɔk ayee Röördït, ku göör

göör-ë yenë luɔi-ë në Kaniitha de Kërïthoic , ku riëu bïï kɔcke ye yaa riëëu në luɔidenic.

Këtueeŋ , Dïkondït ka ran tääu në nyiɛndeic buɔth ye cök të liiu yen ( kuany ) ( ran tɔ në

ye cök ) abï kɔc nɔŋ puööth bïk yaa röördït bɛɛi në Bïcïp nhom , ku Bïcïp acï nyuc në

thööcic të thiääk ke agendït Lajik , ke ke cïï ruök kɔɔth alɛth ɣerken ke dïkon wɛnthɛɛr cï

mëde ku koola në ke yëth ku aläämade në ye kɔu ke cïi rïïu thïn, ku Dïkondït abë kääk

ciir-

YIIN wun kɔc riëu-ë në NHialicic, yïïn yiën kek-ë kɔckä, kääc-ë tɛɛnkä , bïï ke

cɔk (looi ) ëke yee Röördït.

Ku bit ku tïit

Bïcïp

CAKKÄ ke cɔk ( dïk-ë ) nyïc ke keek-ë kɔckä , kɔc yiënkäke O ( bɛɛikäke ) , ke ke

path ku cïk röt nyiɛc tiɛɛŋ në nyïnydenic ku jamdenic lɔn lee kek jik , bïk luɔiden yaa

looi ëcäp në nhuɔɔm de NHialic ku në yïŋ de Kaniithade.

Ku dhuk Dïkondït ëkälɛ-

KAA ca-ke thiëëc ku caarke, ku kaa ca-ke yök ke ke path ke luɔi-ë NHialic .

Naa rëk ke Bïcïp abï kɔc cï guëër luɛɛk thiëëc ëkälɛ -

KƆCKÄ piɛthkï , kek-ë kɔc mɛt Ook në keek-ë, të yeen puön de NHialic , bukke bɛɛi

në luɔi de Röördïtiic në yee akäl. Aacukke caar ku acïn kë pënke cuk yök nëke gup ka

ran töŋ de kek, ku cïi-ke cɔɔl në löŋ në luɔiden , ku kaa röt tiiŋ kek-ee luɔi-ë . Ku naa

nɔŋ ran töŋ de week kɔc cï guëërkä , nɔŋ kë nyic në Dïkon tök guöp ka keek kedhiɛ

gup, awäny pën ŋɛk, ka pëën keek ëbɛn nyic-ë ranë cïn-ëke bï bɛɛi në luɔi Lajiŋëic,

ke bɔ tueŋ tɛɛn ku lueel në Rinke NHialic , bï awäny-ë bë nyuɔɔth ka kë pën ŋɛk.

Bïcïp acï thiëc ke kääc , ku jɔl piny mëk në pïŋ në ran bë yɔɔt nhial në kɔciic ku bïi bei

bë jam.

Ku naa nɔŋ ran nɔŋ guöp awäc ka kë pën-e cïi yök , ke Bïcïp abë muöl në tɛɛu de yee

ran-ë ke yee Randït, agut të cïï akuut-ë Kaniitha cïï kuany yee daai në kak-ë wëi ye yök

ke cï ciën awäc në ye guöp, ka jɔl ruök aköldɛ.

Naa rëk ke Bïcïp abë kɔc cïi ke yök ke ke path aabë ke ciën kɔc cï guëër bïk lɔŋ në ke ,

ku yeen Bïcïp ku Awut/ abun ku kɔc cï guëër aabï Litanï jäl ket ka kueen Bïcïp ku yee jäl

gam në yecök ku jɔl lɔtueŋ ke lɔɔŋ kɔkkä

( Tïŋ Litanï në lɔŋ thɛɛi cök , apääm 24 )

Ba puöu yaa naŋ thiëëi de kek aawuutkuunkä, kɔc bïi ke cɔk ayee Dïkoon . Ku ba ke wäl

athiɛɛidu , bïk luɔidu yaa looi ëcäp në yïŋ de Kaniithadu, ku në nhuɔɔm de Riɛnkuun

Lajik.

Piŋ Ook Yïin läŋku Bɛnydïit path

Naa rëk ke duöör de Mät abïi ket, të nyic-ë ye , naa kuc ka yee ciit ku gam , ku buɔɔth

lɔɔŋ cök ku Thön ku ciër de Wëlpath ëke kuany ke cök.

Lɔŋ

NHIALINY Nɔŋ riɛɛl ëbɛn ku yee Dumöny de keriëëc path ëbɛn , Yïin yïn man cï cök ke

luɔi de Awuut tääu në Kaniithaduic në Wëëidïïtduun Lajik, tïŋ kek-ë aawuutkuunkä në

käc de Yïpuööu , kɔc cïï cɔɔl në yee mɛɛn në Luŋŋï ( Löŋ ) de Röördïtë yic , ku yeeke cɔk

yee kuɛth në yic de pööcdu , ku yuöp-ëke në ciën awäc në pïïr, bïk yï yaa luööi në adöt

në wɛt ku në kɛɛr ( thööŋ ) path , në nhuɔɔm de Rinku ku në yïŋ de Kaniithadu, në piath

de Duluɛŋda Yecu Kërïtho, man yee pïïr ku yee dɔk kek-ë Yïïn ku Wëëidïit Lajik në yee

mɛɛn ku athɛɛr wadɛ . Amen

Thön . Epethooi 4.7

OOK Odhiɛ Ok cïï yiën athiɛɛi cï cɔɔk de mɔc de Kërïtho. Yenëkee jiɛɛm Yen , Ye ɣɔn

leer yen dhuk yen nhial, kee cï kak ëke pecke peec, ku mɔɔc kɔc ( Yee wɛt-ë , yenë kee

leer yen dhuk yen nhial, nëkë ëcien kaŋ lɔ në baŋ piiny de piny thar ayɛ ? Ee yeen man

cï lɔ pinyë yenëkee ber dhuk nhial ayɛ të wär nhiël ëbɛn bï keriëëc ëbɛn tuööm “ jäl thöl

“ . ) Go kɔk cɔk ayee Dutuuc ,ku cɔk kɔk ayee Nebïi , ku yee kɔk aduböök, ku yee kɔk

dupööc, nëke bïï kɔc cïïthieei lajik , në luɔi de awuutic , në buth de guöp de Kërïtho ,

agut të ɣeet Ok në män de gämic Odhiɛ , ku män de nyïny de Wën de NHialic , yeeku

ɣet në dït de randïltic ( buk nhïïm bak ) , agut të lëu Ok pëk në dït de Kërïtho.

Wëlpath aaben-ë baŋdɛ ciir ku päl baŋdɛ , Mathäyo cïïthieei

Math. 9.36

NAA yee Yecu tïŋ duut , goo puöu käc në keek , në ke cïï kek naal ku cïk lɔ weerer, cï

amɛl cïn abök. Goo kɔcpööcëke yɔɔk, ye kacï luɔk aajuëc në yic pacɔk , ku kɔc ke luɔi

aalik. Yen yaakä Bɛnydïït de ka yee luɔk lɔŋ, bï kɔc ke luɔi yaa tuɔɔc në kakken cï

luɔkiic.

Ka yee kän kë cïi kuɛny bei në Jɔn Cïithieeiic cäpta thäär

Jɔn 10.1-

WEEK yaa yɔɔk ne yic pacɔk , ya ran cie lɔ në rɔŋ-ë thökic në rɔk thok ku yee yith thïn

në dhöl dɛ peei, akee ruëëny ku yee dupëc. Ku ran yee lɔ në rɔkic në rɔk thök, yen-ë

kee ya abök nɔŋ nhom thök. Aayee dutïït liëp thoŋ-e rɔk, ku kayee thök piŋ röl, ku cɔɔl

thokke në riɛnken, ku leerke beec. Naa cï thokke kedhiɛ laar beec në rɔkic , ëkaa yee

ŋɔɔr, ku yee thök kuany cök , ayeekï nyic röl , ku kaacië alei yee kuany cök aaye kat

në ye , aayee rölde alei kuc . Ye paräbolë acïi Yecu lɛkke , gokï kacïi lɛkke cuök muk.

Go Yecu ke bɛɛr yɔɔk . Ye week yaa yɔɔk nëyic pacɔk , Yaa ɣan yee thoŋ-ë thök. Keek

kedhiɛ cï ŋɔɔr në ɣanhom tueŋ aayee ruëny ku yeekï dupëëc . Ku kaa cïi thök ke yee piŋ

. Ɣan yee thok, naa yee raan lɔ thïn në ɣɛɛn , eka bïi luök, ku ka bï yaa lɔ thïn , ku bïi

bei , ku ka bï tëde nyuäth yaa yök. Ruëëny ee bɛn , bï kual ku bï yaa näk , ku bï yaa

riöök (rɛc ) , ɣan ee bɔ bïk naŋ pïir , ku bïk yaa kuɛth në yeen . Ɣan yee abök path , ku

abök path ee wëike gam në thök. Ku ran kuei-ë , ku acie abök nɔŋ thök , ku kaa ciee

thääkke , naa tïŋ baŋbaar ke bɔ , ëka nyiɛɛŋ thök wei ku kɛt, ekaa dɔm baŋbaarke , ku

yeeke thiäi wei ( piny ), nëkë yeen ran cïi kuɛi thök ëpath, ku ciee thök yee tïŋ apath.

Ɣan yee abök path, ku ɣan yee kacië nyic , ku kacië aanyic ɣa , cï man yee Awa ɣa nyic

, ku an nyic Awa , ku an yee wëicië gam në thök. Kuan nɔŋ thök kɔk ciee thök ke yee

rɔŋ-ë. Aabake dhiil-ë bïi ayɛ , ku kaa bï a yaa piŋ röl, ku kaa bï yaa böŋ tök, ku abök

tök.

Bïcïp abï nyuc në thööcic ku jɔl ëwëlka ciir , yöök yenke kɔc

ACAK piŋ , wät amäthcië , në Cärduönic , ku ne yöökduön de yee mänë yic , ku në

pööc Lajik cïi kuɛny bei në Wëlpathiic , ku ka cïi-ke gɔɔr në Dutuuc , yee dït ku piath

de yee luɔɔi cɔɔl-ë we thïn-ë . Ku we beerkuke yɔɔk në yee mɛɛn , në Rinke Bɛnydïitda

Yecu Kërïtho , bak dït , ku thiɛk de yee luɔɔi-ë yaa ciëët , luɔɔi cien-ë we cɔɔl. Ee bak

yaa atooc , ku yaakä dutïït ku mëdaai ( mëŋëëm ) ke Bɛnydït , bak kɔc ke Bɛnydït yaa

pɔɔc ku yaakäke nyiëën , bakke yaa miëëth ku yaakäke muɔɔc, ku bak amɛl cï määr ke

Kërïtho bakke yaa göör, kek-ë mïth kek tɔ në yee piny rɛɛcë nhom , bïike luök në

Kërïtho athɛɛr.

Yeen yaakä cuɔm ne wenhïim akölriëëc yen dït de wënh cïi tääu week. Aayee amɛl ke

Kërïtho, cïke ɣɔɔc në thonde ,ku cïike weer në riɛmde . Kaniitha ku kɔc bakke yaa dhiil

në luui , aayee yaa dhuenyde ( Bïm ) në guöpde. Ku naa yïn naŋ kë näk Kaniitha , ka ran

töŋ de kacke , nëkë yee wek ke gël në kuöc luɔiduön, ke we nyic dït de yee kërɛɛc-ë,

ku dït de wɛi bë bɛn ( cïl/ Luk ) . Yeen yaakä luɔiduön tïŋ në röt , luɔi yaakä luöi mïth

ke NHialic , ku dhuenyde ( Bïmde ) kek-ë guöp de Kërïtho, ku tiëŋkä bak luɔiduön

cuök yee puöl , ku tïit yee wek nyïin tïit në keek ku nyiɛc luɔɔi , agut të cïi wek kë tɔ ne

wepuööth ëbɛn looi, cï man de luɔiduön , bak kɔc cïi yiën we , ku kɔc bïi-ke yaa yiën

we, bakke yaa cɔk mɛt në gäm ku në nyïny de NHialic , ku luɔk piɛth kek-ë lacäp në dït

de Kërïthoic , bï yaa ciën të yee ɣɔr në weiic , të bïi awäny de täŋ de kakke duör de

NHialic kek-ë rɛɛc de pïir yaa nyuc thïn.

Naa cïi luɔiduön jäl piath arëët ku riil arëët cï mëde yee mɛɛn ,ke ka bak yaa dhiil në

luɔi në diɛɛr dït ku në pööc yee wek röt pɔɔc , bak röt yaa nyuɔɔth ke we nyic luui ku

yaakä naŋ lɛc të nɔŋ Bɛnydït ,man cï we tääu në yee luɔi dïïtë yic , ku bak röt yaa tïŋ

duökkä week bï yaa kɔth , ku cak bï yaa yaa gël-ë wei de kɔc kɔk. Ku ka yïn kälɛ , acie

yaa këde puööthkuön ku acie yaa kë yaakä tak, tɛk ku riɛɛl aaye miaac në NHialic ye

tök . Yeen wek bï yaa dhiil-ë lɔŋ arëët , cï man göör wek-e. bak Wëëidïit Lajik lööm .

ku tïŋ cïi wek ye tïŋ ke cïn dhöldɛ de luɔi de yee luɔɔi thiekic –ë , dhöl de luaŋ de raan ,

ee yaa pööc ku yöök cïike kuɛny bei në kacïigɔɔr lajikiic ,ku pïir cïi rɔt tiiŋ kek-ë keek

, ke cakkä tïŋ bak yaa pïir ku yaakä pööc arëët në kacïigɔɔr , ku bak ceeŋkuön ku

ceeŋ ke kɔc cïike yiën we, bakke yaa juiir , cï löŋ de kek-ë kacïigɔɔr töökkä, ku në yee

luɔi töŋ-ë, në nyiɛɛi ku në pɛl de kak ke pinynhom ku nyïnyden , cï lëu lëu we yeen.

Ayeeku ŋɔɔth arëët ke we cï keek ëkakkä them ku cakke gööriic athɛɛr , ku cak dïkë täk

, në athiɛɛi de NHialic , bak röt dhiil gɛm ëluɔi-ë, luɔi cïï NHialic puöu miɛt cɔɔl yen we

thïn, awek bï röth dhiil-ë yaa gam ëkän , cï lëu yee wek ye lëu, ku yaakä luɔiduön kek-

ë nyïnyduön guɛɛr ëdhöl-ë , ku bak NHialic Wun yaa lɔŋ akölriëëc, në dɔɔr de

Duluɛŋdɛn tök Yecu Kërïtho, ku në kony-ë nhial de Wëëidïït Lajik, bak yaa luɔk ku

yaakä riɛl në luɔiduönic në nyindhiɛ ( aluööt ) , në ciër ku thëm de kacïïgɔɔr , ku bak

yaa them akölriëëc bak röt yaa cɔk ayee lajik wek-ë kɔckuön ku yaakä looi cï löŋ ku

pööc de Kërïtho, bak yaa lacäp ku yaakä yaa kɛɛr ( thööŋ ) path bïï kɔc yaa käär . Ku

yee mɛɛn , nyïny bïi kek-ë kɔc cï guëërkä kë tɔ në wepuööth nyic , keeka bïï luɛl bïi

wek ye lueel ben bɛn bei , të ben-ë we yaa cɔk loi luɔiduön, abïi wek kek-ë kak-ë

thiëckä, thiëc-ëke week dhuk nhïïm, ka ba ke thiëëc në Rinke NHialic , ku de Kaniitha

de, ku yeekï kakke ye luɔi-ë

YEE tak në yïpuööu ke yï cïi cɔɔl nëyic pacɔk, cï man de puön de Bɛnydïitda Yecu

Kërïtho , ku në luɔi de Kaniitha ba luɔi de Randït yaa looi ?

Ku dhuk Randït = Ayaa tak ëkɛɛ

Bïcïp

CA cak dïk-ë nyïc ke kacïïgɔɔr lajik nɔŋiic pööc cinic kë dak në luäk athɛɛr në gäm në

Yecu Kërïthoic ? Ku cök ( dïk-ë ) kɔɔr ( göör ) në yïpuöou ba kɔcku yaa wɛɛt në kek-ë

kacïïgɔɔrkä , ku cïn dɛ yïn pööc ( në kɔɔr de Luäk athɛɛr ) göör , yenë ka ba jäl nyic në

yïpuöu , ke cïï kacïïgɔɔr cɔk ( dïk-ë ) lëu në nyïc aba-ke guöt.

Ku dhuk Randït

Aca dïk-ë nyïc , pacɔk ,ku yenëka tɔ në ɣapuööu në athiɛɛi de NHialic

Bïcïp

BA yaa naŋ adön de nyiɛc luɔi de luɔi de pööc ku Thäkärämant , ku nyiɛc tïŋ ( ŋëm ) de

röt de Kërïtho , cï löŋ cïi Bɛnydït cɔl yïin në yee Kaniitha-ë, cï lɔm cien ye lööm cï löŋ de

NHialic , ba kɔc cï gäm yïin yaa pɔɔc , bïk yaa muk ?

Ku dhuk Randït = Aba yaa looi në koony de NHialic .

Bïcïp

BA rɔt juiir , në naŋ adön de nyiɛc luɔi , ba awäc ëbɛn ku pööc peei wääc kek-ë wɛt-ë

NHialic , ba ke yaa nyaai ,ku ba kɔc kedhiɛ yaa wɛɛt të yee guɛɛr ku tëdu yïtök, ku

yeeke yɔɔk , ku jɔl yaa kɔc bec kek-ë kɔc puɔl gup ayɛ , kɔc thiääk kek-ë yï, të göör-ë

ye, ku të yïn-ë lëu ?

Ku dhuk Randït = Aba yaa them në luɔi ëkɛɛ , në koony de NHialic .

Bïcïp

BA rɔt yaa gäm lɔŋ arëët , ku ciër de kacïigɔɔr , ku nyïny de kek, ku wan nyïny de

pinynhom ku guöp ?

Ku dhuk Randït = Aba yaa them në luɔi ëkɛɛ , në koony de NHialic

Bïcïp

BA rɔt yaa gäm juër arëët , juër de pïirdu ku pïir-ë tiɛɛŋdu ku pïir-ë miëëthku, cï man

de pööc de Kërïtho , ku ba rɔt yaa cɔk aye kɛɛr we keek në tök cï lëu lëu yïn-e, yee

kɛɛr de amɛl ke Kërïtho ?

Ku dhuk randït =Ɣɛɛn bï rɔt yaa gämke në koony de NHialic .

Bïcïp

BA Kääk yaa muk ku yeeke nyuɔɔth cï lëu bïn-e lëu ,në Kërïthäänoo yiic kedhiɛ , go yaa

lɔdïu , ku nhiëër , ku yee nyindït tënɔŋ kɔc cïïke yiën yï , ku kɔc bïïke yaa yiën yï ?

Ku dhuk Randït = Aabake yaa looi, në koony de NHialic.

Bïcïp

BA Bïcïëmdu yaa gäm wël në riëëu , ku awuutdït kɔk ke Kaniitha , kek-ë kɔc cïike yiën

riɛɛl de ŋɔɔr ku dök ( mɛc ) në yïnhom, ku yee wëët piɛɛthdɛn buɔɔth cök apath në miɛt

de puööu ?

Ku dhuk Randït = Aba yaa looi , në koony de NHialic.

Naa rëk ke Bïcïp abï kɔɔc , ku lueel ëkän jiɛɛm –

NHIALINY Nɔŋ riɛɛl ëbɛn , yeen yen man cï yïïn yiën puööu luɔi de kakke kedhiɛ , abï

yï yaa yiën riɛɛl ëyɛ , bïnke yaa looi , bï luɔide thöl , luɔi cï gɔl në yïyic bï yaa looi në

yïin , në Yecu Kërïtho Bɛnydïïtda . Amen

Naa cï ëkän thöl në luɛl, ke kɔc cï guëër aabïïke thiëëc bïk lɔŋ në ke puööth në kek-e

kakkä kedhiɛ, läŋkï NHialic në puööth koor , ku kɔc aabï tɔ ëdïu ku rëërkï ëmääth.

Naa rëk ke kɔc bïi cɔk ayee Röördït aabï kenhiɔl yaa tuk në Bïcïp nhom , ku Veni creator

spiritus abïi ket , abïi Bïcïp ciit ku gɛm kɔc kedhiɛ agut awuut tɔ luɛɛk ëtɛɛn ku kɔc ruk-ë

ayɛ .

BÄR Jɔŋdïït Lajik , bär ba tïipkua yaa wɛɛi

Ku yeeke meer yiic në many bɔ pan nhiaal.

Yïïn yïn yee yaa Jɔŋdït , Dutuny de kɔc nhïïm

Yïïn man yee mɔɔc yee yiic Dhorou yee gaam

Tönyduun nhiaal yïïn kɔc tɔc ee yaa duöt de puööu,

Ku pïïr yee Ok pïïr ku yee lɛth de nhiëër

Yee cöörda, cöör cïï Ok yee yïïn ne Opuööth.

Yee meer në ɣɛɛr ye O riaal puööth athɛɛr

Yee nyiin coolda tɔc, cɔk O yee puööth layum

Nëkë yïïn athiɛɛidu mɔc Ook arëët.

Yee kɔc man Ok tiɛɛt wei , yee panda yiën dɔɔr

Të Yïïn Duŋɔɔr, ekee ciën rɛɛc ye bɛn

Yee O pɔɔc buk wun, ku wä buk ke yaa nyic

Ku Yïin , we keek , bak yaa tök riil wedhiɛ

Bï yekënë bï yaa dindɛɛn yukku ket

Në run cï kuen agut athɛɛr wadɛ

Wuu piathduun Lajik ye ciën thok yeeku leec.

Yïin Wun ku Wä kenë Jɔŋdïït Lajik . Amen

Naa cï yee din-ë thök në kët , ke Bïcïp abï lɔŋ-ë lueel ke kääc , ye

Lɔŋku

NHIALINY Nɔŋ riɛɛl ëbɛn ku yee awadɛn nhiaal, nhiëërduun cïn-e thok ku piathdu në

Ok aacïnke O yiën Wën töŋduun nhiaar arëët Yecu Kërïtho, bï yaa Duwërda ku yee

mëgöny de pïïr athɛɛr , yen, yeen man ɣɔn yee cï wɛɛrda cɔk alacäp në thonde , ku cï

lɔ nhial, ke tuuc Dutuuc në pinynhom , ku Nebïi , ku Dupööc ke Wëlpath , ku akïm , ku

Awuut , kɔc cienke buɔndïït de amääl kuöötic në pinynhom ëbɛn në luɔiden, bïk pɔny

athɛɛr de Rinkuun Lajik bïk yaa nyuɔɔth, këde kek-ë kapuɔɔth dïtkä ke piath athɛɛrdu ,

ku ca puöu naŋ cööl de kek awuutkun tɔ ëtɛɛnkä në yee luɔi töŋëic , luɔi cïï tääu në

luäŋ de raan , aaleec Ook ke yïïn arëët , yïin yeeku puɔɔny ku yeeku yï door , ku läŋku

yï në puööth koor , në yee Wënduun töŋ Cïithieei-ë , ba Ok Odhiɛ , ran tɔ ëtɛɛn ,ku ran

yee Rinkuun Lajik cɔɔl , ba O yaa cɔk ayee dhiac ( rëër ) ke O yee yï leec në kek-ë kakkä

ku kapiɛɛthkuun kɔk, buk yaa cil në nyindhiɛ ( aluööt ) lokku në nyicic ku gäm de yïïn

ku Wëndu , në ( Wëëidïït ) Jɔŋdïit Lajik. Bï kek-ë aawuutkuunkä , ku kɔc bïnë ke ke yaa

cɔk aye awuut thïn, bïk Rinkuun Lajik yaa nhom ku cɔkkï ceŋduun Cïïthieei yee lɔ ke

dït , në yee Wën töŋduun-ë Yecu Kërïtho Bɛnydïïtda , man yee pïïr ku yee dɔk kek-ë

Yïïn ku yee Wëëidïït Lajik töŋ-ë athɛɛr wadɛ . Amen

Naa cï yee lɔŋ-ë thök , ke Bïcïp abï jäl nyuc në thööcic , ku jɔl abuundït ( Dïkondït kek-ë

abuundït kɔk ) aabï kecin jäl yaa kan në abun tök nhom ke cï ye nhiɔl tuk, ku luel Bïcïp

ëkääk ye

LÖM Wëëidïit Lajik ( Jɔŋdïit ) në luɔi de Randït në Kaniitha de NHialicic , luɔi yïn-ë yïin

në kɛn de Ocin. Ran yïn karɛcke puöl ëkaa yeeke puöl , ku yïn karɛcke jäi ëkaa yeeke jäi

Yee yaa mëtëŋ nɔŋ adöt de wɛt de NHialic , ku de Thäkärämantken lajik, Në Rin Wun

,ku Wä ku Wëëidïit Lajik

Ku dɔm alääma ku däk thok ku cuɛt-ë ne ye yɔu.

Naa rëk ke Bïcïp abï Baibol lööm ku tɛɛu në ye cïn ke muk thar ku lueel ëkän ku abun

aŋot-ë cï ye nhiɔl tuk në Bïcïp nhom-

LÖM riɛl bïn yaa wëët në wɛt de NHialic ,ku bïn Thäkärämant yaa luɔɔi të nɔŋ kɔc yee

guëër , të bïnë yï yaa cɔk yee luui thïn

Naa cï yee kän thök , ke gäm de Naithiin ( Nicene ) abïi lueel , naa yee ket ka ket , ku jɔl

Bïcïp Män Lajik gɔl në luɔi, ku bï kɔc kedhiɛ kɔc cïi cɔk aye Röördït bïk mät në cam , ke

ke dhiac ( rɛɛr ) të wɛn kɛn Bïcïp ye cin në kenhïim-ë, agut të cïi mɛt thök kaa jɔl jääl.

Naa cïï mät looi , në lɔŋ ciëën cök , aŋoot athiɛɛi ke këc guɔɔ gam, kee lɔɔŋkä aabïïke

kaŋ lueel në \Bïcïp .

AWADƐN kɔc puöu arëët , yïïn läŋku ba kee aawuutkuunkä tuöc athiɛɛiduun nhiaal, bïï

ke pɔth në Lajik , ku bï wɛtduun bïk yaa lueel bï yaa tiam , ku cïi yee yaa jam de ciɛɛliic

( luethic ) Yiën-ë Ook athiɛɛi bïi Ok kë bïk ya lueel në wɛtduun lajik arëetic bïi O ye yaa

piŋ ku yeeku lööm , ku yeeku mat në yeen , ne yeeke de luäŋda , buk nhuɔɔmdu yaa

göör ( kɔɔr ) në wëlkua yiic ku në luɔida, ku buk juɛk-ë tueŋ de ceŋdu yaa göör, në

Yecu Kërïtho Bɛnydïitda . Amen

YE O ŋɔɔr në puön mit Bɛnydït , në luɔidɛn yeeku looi ëbɛn , ku yee O kony në

kunydun yee dhiac ( tɔ ) ke O, buk Rinkuun Lajik yaa nhoom në luɔida ëbɛn , luɔi yeeku

gɔl në yïïn , ku yeeku dhiac ( rëër ) ke loiku në yïïn , ku yeeku thöl në yïïn , ku buk pïïr

athɛɛr lööm në käcdun de yïpuöu, në Yecu Kërïtho Bɛnydïïtda . Amen

Dɔɔr de NHialic , wär raan ëbɛn në nyïc , ee yaa bï we yaa muk puööth ku muk

wenhïïm në nyïny de NHialic ku në nhiëërdeic , ku nyïny de Wënde Yecu Kërïtho

Bɛnydïïtda , ku nhiëërde ayɛ , ku athiɛɛi de NHialiny Nɔŋ riɛɛl ëbɛn Wun ku Wä , ku

Wëëidïït Lajik, abï yaa tɔ në weyiic ku kabï yaa ceŋ kek-ë week aluööt. Amen.

Naa nɔŋ kɔc cïï cɔk aye Dïkoon në yee kööl-ë, ku cɔk kɔk aaye Röördït , ke Dïkoon kaa

kek aakɔŋke ruök, ku jɔl ruk de Rördït bɛn ciëën. Ku kapath bïï Litani yaa lueel në kek-

ë kääkiic kedhiɛ , lɔɔŋ aabïïke yaa lueel , këtueeŋ ee këde Dïkoon ku jɔl këde rou yaa

röördït . Ku Thön abïï ya yaa Epethooi 4.7-13, cï man thɛɛr de yee luɔi-ë. Naa cïï ye kän

thök, ke kɔc göör Dïkoon aabïïke cɔk ayee Dïkoon ee mëtöŋ-ë, cï gär cien-ë ye gɔɔr.

Naa cï ran töŋ de kek cï Wëlpath ciir ( kë bïï yiën kuɛny bei në Mathäyo Cïïthieei 9.36-38,

Cï man thɛɛr në yee luɔi-ë, ka Luk Cïïthieei 12.35-38, cï man thɛɛr në tɛɛu-ë Dïkoonic )

ke kɔc bïïke cɔk ayee Röördït aye aabïïke kaŋ caar ku cɔkke ajɔl yaa röördït , cï nyuöth

cien-ë ye nyuɔɔth në yee luɔië.


Pööc De Duköör

1- Thiëc. Yee NHialic yee ŋa ?.

Dhuk nhom = NHialic ee wëëidïït nɔŋ riɛɛl ëbɛn ku ciëŋ athɛɛr ku Lee Jik

Who is God ?

God is a spirit , Almighty, Eternal , and Holy

2- Thiëc . Ee ŋa ëcak yï ?

Dhuk Nhom = NHialic yen ee cak ɣa ku raan ëbɛn

3- Thiëc . Yee ŋu yee NHialic luöi yï ?

Dhuk-ë nhom = NHialic ayïn ɣa wëi , ku pial de guöp , ku miëth , ku käŋ kedhiɛ

Ka tɔ ke ɣa.

4- Thiëc . Yee ŋu göör NHialic buk yaa looi ?

Dhuk-ë nhom = NHialic agör buk yaa gam , ku buk yaa nhiaar , ku buk yaa door

Ku buk këde yaa looi Aluööt të pïir Ok.

5- Thiëc . Lëuku NHialic në Tiŋ ?

Dhuk-ë nhom. = NHialic acuk ye lëu në tïŋ ku kee O tïŋ ku ka nyic käŋ kedhiɛ ka

Yeeku ke looi.

6- Thiëc . Yeeku NHialic nyic puöu kadï ?

Dhuk-ë nhom = NHialic ayeeku nyic puöu në bɛk kaarou, nyïny de puööthkua

Ku jɔl yaa Baibol.

7- Thiëc . Yïn nyïny de Puöu dï ?

Dhuk-ë nhom . = Nyiny de puöu ee yaa röl në O puööth , röl yee NHialic O

Lɛk täŋ de piath ku rɛɛc.

8-Thiëc . Yee Baibol yee ŋu ?

Dhuk-ë nhom= Baibol ee wɛt-ë NHialic cïï gɔɔr, në kɔc cïï ke pɔɔc në wëëidïït

Lajik ( Jɔŋdïït )

9 - Thiëc . Buk Baibol yaa looi kadï ?

Dhuk-ë nhom = Baibol apath buk yaa ciiric Aluööt ku thiëcku NHialic buk

nyicic , ku buk wëlke yaa looi.

10- Thiëc . Cïï Baibol tekic në dï ?

Dhuk-ë nhom = Baibol acïï tekic në rou , Lëk Thɛɛr ku Lëk Jöt.

11- Thiëc . Ye Lëk Thɛɛr O pɔɔc në ŋu ?

Dhuk-ë nhom = Lëk Thɛɛr ee O pɔɔc në ceŋ nhiaal ku piny ëbɛn , ku

nyuuth ëyee NHialic rɔt nyuöth kɔc në Nebïi ku juiir

Kɔc nhïïn në nyuuth ben rɔt jäl nyuööth ëbɛn në Kërïthoic.

12- Thiëc . Yee luɔi de kɔc-ko yeeku yök arëët në Lëk Thɛɛric ?

Dhuk-ë nhom = Ok yee wël juëc ke luɔi de Judaai yök në Lëk thɛɛric.

13- Thiëc . Judaai yeekï kuan-no ?

Dhuk-ënhom = Judaai aaye mïth ke Yïthërɛl , ke kuan de ( Dhiën) Abërɛm cïï

NHialic ke lɔc ëke yee Jurdeen ( Kuandeen ) loithok .

14- Thiëc . Cɔl rinke pendïtdɛn dï ?

Dhuk-ë nhom = Pendïtdɛn ee yee cɔɔl Jeruthalem , pen-ë tɔɔ Yekulu

thïn luaŋ-ë looi Tholomon Mëlëk

15- Thiëc . Në Judaai nyic NHialic thɛɛr ?

Dhuk-ë nhom = Judaai aake yee NHialic Tök door, NHialiny yic Yekoba

16- Thiëc . Në Judaai yee NHialic door në ŋu / Kadï ?

Dhuk-ë nhom = Judaai aake yee NHialic door në köc de röt ku mɔc , të cït

të cïï NHialic Mothe pɔɔc thïn , agut të bïï Duluɛɛŋ ëcïï lueel

ben bɛn.

17- Thiëc - Ɣɔn bïï Yecu Kërïtho , goo Judaai ŋu looi ?

Dhuk-ë nhom = Judaai aake jɛi në Duluɛɛŋ ku piɛɛtkï në tiɛmageer kɔu.

18- Thiëc . Nɔŋ Judaai ŋot-ë ke tɔ në yee mɛɛn ?

Dhuk-ë nhom = Judaai aaŋot-ë ke tɔ, ku kaa cïi NHialic ke thiäi wei pinyden

thiɛike në pinythok ëbɛn bë yaa cïl cienke cil

19- Thiëc - Ee tëyo cïï NHialic jäl lɔc në yee mɛɛn ?

Dhuk-ë nhom = Aayee kɔc kedhiɛ, kɔc-ë Yecu Kërïtho gam, ku yeekï kë cïï

Lɛkke në NHialic looi, kek aayee kɔc cïï NHialic ke lɔc.

20- Thiëc Yee kuŋu yeeku yök arëët në Lëk Jötic ?

Dhuk-ë nhom = Ok aayee Wëlpiɛɛth ke Yecu Kërïtho Bɛnydïitda , dhël de Luäk,

Kek aayeeku yök në Lëk Jötic ku tɛɛu ëtɛɛu Yen Kaniithade në

Pinynhom.

21- Thiëc . Dugɛɛr ku Pärïthaai ëke yee kɔc ke tëyoo ?

Dhuk-ë nhom = Dugɛɛr ku pärïthaai aake yee dupööc ke kak-ke NHialic ke

Kak-ke NHialic ke Judaai. Aake cï teer kek-ë Yecu Kërïtho, ku

Yïkï kɔc pɔɔc në wël thɛɛr ke kuɛr-ke kɔc , ku acie lööŋke

NHialic .

22- Thiëc - Ku naa Yecu Kërïtho Yee ŋa ?

Dhuk-ë nhom = Yecu Kërïtho ee Wä Athɛɛr, wën de NHialic , ku kee cï bɛn

Bë bɛnë ceŋ në tiɔpnhom ke yee manh ( wën ) de raan.

23- Thiëc . Ku Yecu Kërïtho dhiëth tëyo ?

Dhuk-ë nhom = Yecu Kërïtho ee dhiëth në Bethelekem, Pan de Judaai

24-Thiëc . Kuu yee ŋu ënyiɛɛŋ Yecu Kërïtho Pan de NHialic wei, ku bï

Bɛnë ceŋ në tiɔpnhom ?

Dhuk-ë nhom = Yecu e bɔ në pinynhom bï kɔc bɛnë nyuöth NHialic në

piëërde , ku në pööcde ku bï O luök në rɛɛcda .

25- Thiëc . Ee kuŋu ëyee Yecu looi ɣɔn tɔɔ yen në pinynhom ?

Dhuk-ë nhom = Yecu ee yee cath në luɔi path, ku cɔk bec adem ku pööc kɔc

Në ceŋ de NHialic .

26- Thiëc Ee kuŋu cï tuöl tɔŋ Yecu ɣɔn në yee kääk cök ?

Dhuk-ë nhom = Yecu acïï Judaai bɛnë jai ku yïk-kï bäny ke kak-ke NHialic bïk

nɔk bë thou.

27- Thiëc - Nɔŋ rɛɛc ëcïï Yecu looi ëcɔk-e ca thou ?

Dhuk-ë nhom = Acïn rɛɛc cïï Yecu kaŋ looi, ee gum në rɛɛcda.

28- Thiëc - Kuu Yecu cïï rɔt lëu në Luäk në tiɛmageer cïnë Ye piäät Kɔu ?

Dhuk-ë nhom = Yecu ee nɔŋ riɛɛl-ë luɛk yen rɔt ku gɛm wëike bë O luök në

rɛɛcic.

29- Thiëc . Tɔ Yecu tëyo ee mɛɛn ?

Dhuk-ë nhom = Yecu atɔ pan-nhiaal të ciën ɣänkua lɔ juiir .

30- Thiëc . Bë Yecu bɛɛr dhuk në yee piny-ë nhom ?

Dhuk-ë nhom = Yecu abë bɛɛr dhuk në riɛl kek-ë malaikai bë kɔc ke

Pinynhom kedhiɛ bɛnë luök.

31- Thiëc - Nyicku akööl bïï Yecu Bɛɛr dhuk në yee piny-ë nhom ?

Dhuk-ë nhom = Acïn ran nyic aköl bïï Yecu bɛɛr , Ok aabï rëër ke O cï röt juiir

Ku titku

32- Thiëc -Yeeku lööŋke NHialic kedhiɛ lëu në luɔi apath ?

Dhuk-ë nhom =Acïn ran yee lööŋke NHialic kedhiɛ lëu në luɔi apath, Ok yee

Rɛɛc looi Odhiɛ ku dɛɛkku nhuɔɔm de NHialic.

33- Thiëc - Yee rɛɛc kuŋu ?

Dhuk-ë nhom = Rɛɛc ee dhuŋ de löŋ thɛɛr de NHialic lajik, ku lɔn cienë löŋ yee

nyiɛc looi

34- Thiëc - Ee ŋu cie Ok lööŋke NHialic kedhiɛ yee lëu në luɔi apath ?

Dhuk-ë nhom = Ook Cie lööŋke NHialic kedhiɛ yee lëu në luɔi apath në rɛɛc

de puööthkua , ku thëm yee Catän O them buk rɛɛc looi.

35- Thiëc - Puön rac ëyökku tëyo ?

Dhuk-ë nhom = Puön rac ayee dhiëëth ke O , në Yuïïk cïï Adam yuïïk

Ke wunkuandït thɛɛr .

36-Thiëc - Në yïk Adam kek-ë Käwä lui NHialic rɛɛc kadï ?

Dhuk-ë nhom = Aake cïï NHialic ke kaŋ cak ke ke cïn rɛɛc , gokï wël ke catän

piŋ ku jiɛikï në NHialic .

37- Thiëc . Cïï ŋu bɛnë buɔɔth cök wɛn cïï Adam kek-ë Käwä NHialic Jäi ?

Dhuk-ë nhom = Goo rɛɛc bɛn në pinynhom kuɛny dhiëëu cök ku tuaany

ku thou.

38- Thiëc - Yee catän ŋa ?

Dhuk-ë nhom = catän ayee cɔl duriëëth , ee jɔŋrac, ee cï teer kek-ë NHialic

pan-nhiaal goo cuɔp wei ( ciɛɛc wei )

39- Thiëc. Yee ŋu yee catän looi në yee mɛɛn ?

Dhuk-ë nhom = catän ee kɔc dhoom ku yeeke them bïk rɛɛc looi.

40- Thiëc . –Nɔŋ catän riɛɛl cɔk yen O aloi rɛɛc ?

Dhuk-ënhom = Eei. Ayee Catän them bë kɔc them, ku yee thëmde lëu në

wär në kuny de NHialic .

41-Thiëc . Naa malaikai yeekï kaŋu ?

Dhuk-ë nhom = Malaikai aayee atïïp (Abiɛɛl ke NHialic ) yee NHialic luööi

Nhiaal ,ku kaayeeke tuöc O në NHialic, bïk O yaa kony ku

gëlkï O.

( abiɛl ayee muɔnyjäŋ lueel kee laaŋ yee Böök-ë NHialic ɣääc ku ka yee dac tooc )

42- Thiëc - Yee biäk kaarou tɔ kek-ë raan ëbɛn yeekï kaŋu ?

Dhuk-ë nhom = Raan anɔŋ biäk kaarou, goo ya guöp thiöök yeeku lëu në tïŋ

ku jɔl yaa tiëp, cïï tɔɔu cuk ye lëu në tïŋ.

43- Thiëc . Ee ŋu yee tuöl të cïï raan thou ?

Dhuk-ë nhom = Guöp de raan ee dhuk në tiɔpic ku dhuk tiëpde tɔŋ NHialic

44- Thiëc - Ee ŋu bë tuöl të thook pinynhom në ciëŋ në köölciëën ?

Dhuk-ë nhom =NHialic abë kɔc luök luk kedhiɛ në Yecu Kërïtho akölciëën.

45- Thiëc - Yee ŋu dɛ bë tuöl të cïï LuŋDït thök ?

Dhuk-ë nhom =Kɔc ke Kërïtho aabïï tɛk bei në kɔc ciee kɔc ke Kërïthoiic.

46- Thiëc . Bï kɔcke Yecu naŋ ŋu ?

Dhuk-e nhom = Aabï naŋ pïïr athɛɛr kek-ë NHialic pan-nhiaal , të cïn rɛɛc

ku cïn dhiën de puöu , ku cïn arɛɛm ( tɔɔk ) ku thou acï lëu lɔ thïn.

47. Thiëc . Ku bï kɔc jɛi në Kërïtho naŋ ŋu ?

Dhuk-ë nhom = Kɔc jɛi në Kërïtho, aabï naŋ tek-ë wei athɛɛr ( Cop-ë wei ) tëde

NHialic ku rëërkï tëde luk-ë wei de arɛɛm-ë guöp , cïi juër

Duriëëth kek-ë malaikaai-ke.

48- Thiëc -Yee lɔŋ yee ŋu ?

Dhuk-ë nhom = Lɔŋ ee yaa mända kek-ë NHialic ku yeeku ka ŋɔŋ O thiëc Ye.

49- Thiëc . Yee NHialic O lëu në pïŋ të jiɛɛm Ok kek-ë Ye ?

Dhuk-ë nhom = NHialic ee O luut në pïŋ , ku ka cie lɔŋ de raan yee jäiic, ran cï

Ye lɔŋ në puön yic ɣeric

50- Thiëc . Yee NHialic gäk ëke yïn O , kek ka yeeku gäk ëke thiëcku Ye, në lɔŋ ?

Dhuk-ë nhom = NHialic ee O yiën ka yeeku ke thiëëc në lɔŋ , të thööŋ kek kek-ë Ye

Puöu, anyic lan puɔɔth kek ke O.

51-Thiëc - Ne NHialic nyuth O nhiëër-ë nhiɛɛr Yen Ook në ŋu ?

Dhuk-ë nhom = NHialic ee nyuth O nhiëër-ë nhiɛɛr Yen Ok, në tuuc cien

WäntöŋDe tuööc , Yecu Kërïtho , bï O waar në rɛɛcda.

52- Thiëc . Cï Yecu O waar kadï ?

Dhuk-ë nhom =Yecu acï O waar në gɛm cien rɔt gam ke yee köc, në rɛɛc de raan

ëbɛn tɔ në pinynhom..

53- Thiëc = Ee ŋu cï döŋ buk looi ku bïï O Luök ?

Dhuk-ë nhom =Ee buk Opuööth dhiil në wël në rɛɛcdaic, ku gamku Yecu Kërïtho

Bɛnydït ke yee Duluäŋda

54- Thiëc . Ee ŋu yee luɛl de wël de Puöu ?

Dhuk-ë nhom = Wël de puöu ,ee wɛɛr de täk , buk rɛɛc yaa maan ku nhiaarku

Piath.

55- Thiëc . Ee ŋu yee luɛlde , ba Yecu Kërïtho gam ?

Dhuk-ë nhom = Gäm de Yecu Kërïtho Bɛnydït , ee gëi bïï Ok röt yaa gɛɛi në Yeen

Ke yee Duluäŋda yeen etök, ku bïï Ok wëlke yaa looi në Yeen

Bɛnydïïtda.

56- Thiëc . Ee kuŋu yee NHialic luöi O të yee Ok Yecu Kërïtho gam ?

Dhuk-ë nhom = Të yee Ok Yecu Kërïtho gam , ke NHialic apäl rɛɛcda, ku wɛɛk O në

Acuɔl ëbɛn , ku cɔk O aye Miëëthke.

57- Thiëc . Ee kuŋu yee mïthke NHialic nyuɔɔth ?

Dhuk-ë nhom = Mïthke NHialic aayee nhiëër-ë nhiɛɛr kek NHialic ke nyuɔɔth

Ku nhiëër-ë nhiɛɛr kek röt.

58- Thiëc . Ee kuŋu buk yaa dhiil në päl, të nɔŋ Ok puööth luuiku NHialic ?

Dhuk-ë nhom = Ok bë duör de kɔk puöl , ku käŋ kedhiɛ ka yee O pëën në riëu

riëëu Ok NHialic.

59- Thiëc . Yee thon cïï Kërïtho thou në tiɛmageer kɔu, Yee O pɔɔc në ŋu ?

Dhuk-ë nhom = Thon cïï Kërïtho thou , ee O pɔɔc në dït cïï rɛɛcda dïït, ku thiɛk

thieek wɛr cien O waar në riɛɛl de rɛɛcic .

60- Thiëc . Ku yee jön cïï Kërïtho rɔt jɔt në thouic O pɔɔc në ŋu ?

Dhuk-ë nhom = Jön cïï Kërïtho rɔt jɔt në thouic , ee O pɔɔc në riɛɛl bïï NHialic

O cɔk a aye ril, ku pïïr Lajik jöt , cï mënë cien Kërïtho cɔk jɔt rɔt në

thouic.

61- Thiëc = Yee ŋu yee Ok Thändeei week peei në yee kööl lajik ku cie kööl de

Dhorou ?

Dhuk-ë nhom = Ee kööl-ë jɔt Yecu rɔt në thouic.

62- Thiëc - Ɣɔn cïi Yecu rɔt në thouic , cï bɛnë lɔ tëyo ?

Dhuk-ë nhom = Yecu acï rɔt jɔt në thouic ku dhukciëën, leer pan-nhiaal.

63- Thiëc . Ee kuŋu ëcïi Yecu lɛk kɔc pööc-ëke, ke bë yiënke ɣɔn ŋoot En ke këc

Guɔɔ dhuk pan-nhiaal ?

Dhuk-ë nhom = Ee cïi Yecu lɛk-ke , ke ke bë tuöc wëëidïit ( Jɔŋdïit ) Lajik bë yaa

Mëdun de Puöu.

64- Thiëc - Ee nin cïï kek röt bɛnë dhiɛɛl thïn kek-ë wëlkä ?

Dhuk-ë nhom = Wëëidïït ( Jɔŋdïït ) Lajik acë kɔcpööc-ëke kedhiɛ bɛnë nyuöc

Në kööl de Thiërdhiëc ɣɔn Jeruthalem

65- Thiëc =Wëëidïït Lajik ( Jɔŋdïït ) lëu tää ke O në yee mɛɛn ?

Dhuk-ë nhom =NHialic ee wëëidïït Lajik ( Jɔŋdïït ) yiën kɔc kedhiɛ , kɔc Yecu

Kërïtho gam, ku yeekï wëlke Yecu looi.

66- Thiëc =Ee Kuŋu yee luɔi de Wëëidïït Lajik ( Jɔŋdïït ) në O puööth ?

Dhuk-ë nhom =Luɔi de wëëidïït Lajik akïn , ee O cɔk alajik, ku dɔk O në yithiic

Kedhiɛ.

67- Thiëc = Ee kuŋu yee luɛl de Diäŋdït ?

Dhuk-ë nhom = Diäŋdït , ee NHialic wun ku NHialic wä ku NHialic wëëidïit Lajik

Aaye Diäk ku kaa yee NHialic Tök.

68- Thiëc =Ee kuŋu yee luɛl de Kaniitha Katholik Lajik ?

Dhuk-ë nhom = Kaniitha Katholik Lajik ee dun-ë kɔc-ë Yecu Kërïtho gam tɔ në

Pinynhom ëbɛn.

69- Thiëc =Ku yee ŋa yee nhom de Kaniitha ?

Dhuk-ë nhom = Yecu Kërïtho yen ee nhom de Kaniitha , ee nyin tïit në ye

Ku dɛɛi në ye. ku kee cï lueel ka cï bë Kaniitha kaŋ yaa nyääŋ

Wei.

70- Thiëc = Ee luɔi ŋu cïï NHialic yiëk Kaniitha bë yaa looi ?

Dhuk-ë nhom = NHialic acï Kaniitha yiën thiɛi-ë piny de Wëlpiɛɛth ke Yecu Kërïtho,

në pinynhom ëbɛn, bïi piny juiir në dhuŋ bïï Yecu bɛɛr dhuk.

71- Thiëc = Baptïth ee kuŋu ?

Dhuk-ë nhom = Baptïth ee cïn de dhiënh cïn-ë raan bɛɛr dhiëëth në gäm cien

Yecu Kërïtho gam .

72- Thiëc = Ee ŋu yee Ok nɔŋ puööth bïk yaa Kërïthäänoo Baptïth ?

Dhuk-ë nhom = Ee löŋ-ë cïï Yecu Kërïtho lɛk O ,ye buk kɔc yaa baptïth në pïïu

në rin ke Diäŋdït , kɔc-ë ye gam.

73- Thiëc =Ee Kuŋu buk kaŋ yaa dhiil në luɔi ku bïi O jäl baptïth ?

Dhuk-ë nhom = Ook cï bïi guɔɔ yaa baptïth aŋootku, ke O këc Opuööth

guɔɔ wel në rɛɛcdaic ëbɛn ku gamku Yecu Kërïtho në yic .

74- Thiëc = Ee ku ŋu yee athiɛɛi yeeku yök në Baptïthic ?

Dhuk-ë nhom = Baptïth ee O nyuöth pɛl cïï NHialic rɛɛcda puöl, ku dhiënh

Cïn-ë O bɛɛr dhiëëth në pïïr lajik, ku muöök yee NHialic

O muk yeeku miëëthKe.

75- Thiëc = Baptïth ee O luök ?

Dhuk-ë nhom = Baptïth në rɔt aciee kɔc-ë luök , ee gäm yïn Yecu Kërïtho gam, yen

ee kɔc luök .

76- Thiëc . Ee Kuŋu yee Luɔi de Kërïthäänoo ?

Dhuk-ë nhom = Luɔi de Kërïthäänoo akïn, ee bë Yecu Kërïtho yaa kaar ku yee rɔt

nyɔŋ ku yee thiɛi de Wëlpath në pinynhom kony.

77- Thiëc = Buk Yecu Kërïtho yaa lëu në kɛɛr në kadï ?

Dhuk-ë nhom = Abuk yaa kaar në cär bïi Ok wëlke yaa caar në Baibolic

Yenë ka puɔɔth en buk yaa pöc në de Wëlpath në thoŋ-ë moor.

78- Thiëc. =Ee kuŋu yee luɛl de nyiɛŋ-ë rɔt ?

Dhuk-ë nhom =Nyiɛŋ de rɔt ,ee tɛɛu bïi Ok NHialic yaa tääu tueŋ, ku luɔi Lajik

de puönDe , ku cie kë de puööthkua yen görku

79- Thiëc = Buk thiɛi-ë piny de Wëlpath yaa lëu në kuny kadï ?

Dhuk-ë nhom = Ok bë thiɛi-ë piny de Wëlpath në pinynhom yaa lëu në kuny

në lɔŋ yee Ok NHialic lɔŋ në luɔide , ku mɔc yee Ok NHialic muɔɔc

në wëu , ku në pööc yee Ok kɔc kɔk pɔɔc.

80- Thiëc . Ee kaŋu yee lööŋdït keerou ?

Dhuk-ë nhom = Lööŋdït keerou( kee-reeu ) ee buk NHialic yaa nhiaar në puönda

ëbɛn , ku nhiaarku kɔc kɔk cïmë nhiɛɛr Ok röt .

81- Thiëc = Ee ku nyic kadï ke yanh cɔl Kërïthianatï kee yeen-ë yanh töŋ yic

pacɔk në yɛth kɔkkä ?

Dhuk-ë nhom = Yeen acïï Yecu Kërïtho lɛk O , ye ɣɛɛn yee dhöl ku ɣɛɛn yee pïïr

ku ɣɛɛn yee yic , acïn ran lëu lɔ të nɔŋ Awa ke këc tëëk në ɣa nhom.

82- Thiëc = Ee kaŋu yee cït tɔ në yanh yicic pacɔk yee raan lëu në kuny ?

Dhuk-ë nhom = Ee Duluɛɛk man yee rɔt tääu në kaamda ke NHialic bë lɔŋ në O,

ku riɛɛl tɔ ke Duluɛɛk ben O cɔk apïïr në jik , ku Kïtäm de wël ke

NHialic cïi yiën O.

83-Thiëc =Ee kuŋu rac të dɔm-ë raan ku ɣɛɛc-ë wei ke yee kuany ?

Dhuk-ë nhom = Apath buk kɔc kɔk O yaa luöi kë nɔŋ Ok puööth bïï yaa luöi O,

Ku cäŋ-ë ëcïï NHialic kɔc cak kedhiɛ ëke ciee kuaany.

84-Thiëc = Ee kuŋu yen rɛɛc ba naŋ diär juëc në nyin-ë tiɛɛk tök ?

Dhuk-ë nhom =Ɣɔn gɔɔc-ë käŋ ke NHialic ee ciɛk moc tiɛɛk tök, ku lëk Yecu

O ayɛɛ , moc ku tiik kaaye tök.

85-Thiëc = Naa rëk ee yic bë ŋɛk tiɛɛŋde yaa puöl ëpath të cien ye tak ?

Dhuk-ë nhom = Aciee Yic ! arac të pɛl ŋɛk tiɛɛŋde ke këc-ë kɔɔr në monydɛ


Gäm Tueeŋ

Thiëc = Ee ŋu göör yïn bɛn luɛɛk ?

Dhuk-ë nhom = Ɣɛn göör ba Yecu Kërïtho yaa buɔɔth cök aluööth

GÄM DE KATËKUMEN

Gäm de rou

1- Thiëc = Ba ya wëët në kakke Yecu ku ba këde yaa looi ?

Dhuk-ënhom = Aca gam

2- Thiëc = Ba NHialic yaa lɔŋ Aluööt , yïin yïtök, ku kek-ë kɔc kɔk ?

Dhuk-ë nhom = Aca gam

3-Thiëc = Ba käŋ kedhiɛ puöl , ka ciee kakke puönde NHialic , ka cït

Pɛc de tiŋ-ë randɛ, ku wɛt rac , ku köc de rɔt , ku dier rac,

Ku kuëëŋ de rɔt , ku ruëëny , ku wɛt kɔu , ku buööth , ku

Baŋge ?

Dhuk-ë nhom = Aaca gam kedhiɛ

4-Thiëc - Ba rëër ke tiɛɛŋ tök në piëërduic ku muɔɔny tök në piëërduic ?


5- Thiëc . = Ba NHialic yaa muɔɔc në wëu bïi wël ke NHialic yaa thiäi në pinynhom ?


6- Thiëc . = Kɔc ruääi kek-ë yï yaa wɛɛt në wël ke NHialic ?


Lɔŋku

NHIALINY Nɔŋ riɛɛl ëbɛn. Yïïn lecku në manhduun ( mïthkuun ) cï gämde (n ) tueeŋ /

de rou lueel në kɔc nhïïm ëtɛɛn në yee mɛɛn. Yïïn nɔŋ puöu bï kɔc röt yaa wel në

karɛckeniic bïï ke waak puööth në riɛm de Yecu. Yee Manh-ë ( mïthkä ) kony NHialic ,

ku bï gämde (n) yaa riɛl në Yïnyin , ku bï ( bïk ) yï yaa door , ku yee yï ( yeekï ) nhiaar,

ku yee yï ( yeekï ) luööi aluööt në köölken ( aköölkɛn ) ke pïïr . Cɔkke ( ayee ) ayeeke

dɔk në wëëidïïtduun Lajik ( Jɔŋdïïtduun ) , ku yeeke ( yee ) Kony në kak riliic yen ( yee

kek ) pöc , bï ( bïk ) ke yaa nyic ku yee ( yeekï ) ke döt , ku yee ( yeekï ) cath në

dhölduic athɛɛr, në Yecu Kërïtho Bɛnydïïtda. Amen

Akolloŋ de Wël ( AGAAC )

Agaar Gɔk Aliap atuöt ciëc Bor Jiëëŋdɛ

Jiɛɛl

Gääu Yul

Jom- jöm

Rɔɔr / rɔɔr

Kulor

Puöt ( Puööt ) ke Yath

i- De gäm në Diäŋdït Lajikic

Töŋ yee pïir atɔ NHialiny yic, ee ceŋ athɛɛr, cïn guöp, ku cin bɛkke guöp, ka

ŋɛɛr , de riɛɛl cie Teetic, nyïc , ku piath ciee thiööŋ-ë , Mëciëk, ku yee käŋ

kenhïim kan thïn ëbɛn ,ka yee tïŋ ku ka ciee tïŋ , Cï mat në NHialiny tök

nhom ke yee yic diäk , cï mat në tök , riɛɛl ku athɛɛr, Wun ku Wä ku Wëëidïit

Lajik.

ii- De wɛt ka Wën de NHialic , Man cïï cak ke yee raan

Wä ,an yee Wɛt de Wun , yee tɔ athɛɛr ke Wun , NHialiny athɛɛr, tɔɔkee këdɛ

ke Wun , cï cakga de raan lööm në adhiënh de dhueny ( Bïm ) Cïithieeiic , në

tää de , reen mat cïn tëdak në cakga , të lueel-ë ye . NHialic nhom ku maraan

, cïi ke mat atök në raan tökic , ciee keiic yee tek , kek yee Kërïtho tök , dïk

yaa NHialic , ku dïk yaa raan, cï dïk-ë gum, cïi piäät , thou ku thiɛk, bï O bɛɛr

dhuök Wun, ku bï yaa köc , ke ciee köc de awäny-ë dhiëth, yee köc de rɛɛc

de kɔc.

iii- De Lɔ De Yecu pan-ë Atïipke Kɔc.

Cï më cïi Kërïtho thou në Ok, ku ka cïi thiök , ke yeen abïi yaa gam ëkɛɛ, ke

cï lɔ pan atïïp ke kɔc.

iv- De Jönde Rɔt de Kërïtho

Kërïtho acïrɔt bɛɛr jɔt në thouic , ku beer guöpde lööm, ke dɛl , yom ku käŋ

kedhiɛ dïk yeenke yaa cakga de raan cï thääp , ku cï lɔ pan nhiaal , ku yee

nyuc në cuëc de Wun agut të ben bɛɛr dhuk bë lukde kɔc bɛn-ë luk në

akölciëën.

v- De Wëëidïit Lajik ( Jɔŋdïit )

Wëëidïit Lajik abɔ të nɔŋ Wun ku Wä , aaye tök, mëriil ku nhiɛm , kek-ë wun

ku Wä, Nhialiny yee tɔ athɛɛr.

vi- De ciën të dak në kacïigɔɔr Lajikiic në luäk

KËLAJIK cïigɔɔr anɔŋic kathiekiic ke luäk, acïndɛ ber-ëkueen ëtɛɛn ka dɛ

ber-ë gämke yee yic tëdɛ , acïn kë gör tɔŋ raan ,abïi dhiil-ë yaa gäm ke yee

cök-ë gäm , ku yee tak ke thiekic bïn-ëgam. Në Rinke këlajik cïigɔɔr , ayee

Ok Kanon de buök ke Lëk thɛɛr ku Lëk Jöt , yee riɛɛlden acïnic të dak tɔŋ

Kaniitha.

Në Rinke kek Buök ke Kanonïkal ku ciɛɛndɛn thok kek buök

cin Rinke buk cin Rinke buk

1 Gɔc 13 Buŋ Tueeŋ de Koronïkaal

2 Bɛnbei 14 Buŋ de Rou de Koronïkaal

3 Lebïtïkoth 15 Buŋ Tueeŋ de Ethïdhäräth

4 Cin 16 Buŋ de Rou de Ethïdhärath

5 Dïtönumï 17 Buŋ de Etha

6 Jocuɔ 18 Buŋ de Job

7 Duluuk (Gaadiic ) 19 Buŋ de Diɛt ke Dabid

8 Ruth 20 Buŋ de Kɛŋ

9 Buŋ de Thamuel Tueeŋ 21 Buŋ de Ekïlïdhiethik ka wëët

10 Buŋ de Thamuel de Rou 22 Diɛt ke Tholomon

11 Buŋ de Mëlëëk Tueeŋ 23 Nebïidït kaaŋuan

12 Buŋ de Mëlëëŋ de Rou 24 Nebïi kor kee thiäär ku Rou

Ku buök kɔk aaye ( Ɣäirome ) aacïi Kaniitha ke kueen cï mënë pïir ku rëër ,

ku kaaciiee pööc de wɛt-ë NHialic bɛɛi , buök cït ëkääk …

cin Rinke buk Cin Rinke buk

1 Buŋ de Diäk de Ethidhäräth 8 Nebï Burruuc

2 Buŋ de Ŋuan de Ethïdhäräth 9 Diɛt ke Mïththii Keediäk

3 Buŋ de Tobaai 10 Akököl de Thudhäna

4 Buŋ de Judïth 11 De Löth ke Daragoon

5 Ku baŋ de Buŋ de Etha 12 Lɔŋ de Manäthë

6 Buŋ de Nyïc 13 Buŋ Tueeŋ de Makaabïth

7 Yecu wën de Thiräc 14 Buŋ de Rou de Makaabïth

Buök ke Lëk Jöt kedhiɛ , të cïi lɔmke , aacukke lööm, ku kuenke ke ke yee

Kanonïkal.

vii- De Lëk Thɛɛr

Lëk Thɛɛr aci wääc kek-ë Lëk Jöt , ne keiic kaarou ,Lëk Thɛɛr ku Lëk Jot ,

aacien-ë ke pïir Athɛɛr gäm manh-ë raan thïn në Kërïtho, Man yee Mëdör tök rïr

në kaam-ë NHialic ke Raan , nëkë yee Kërïtho NHialic ku Raan.

viii- De Cök ke gäm keediäk

Cök ke gäm kaadiäk , Gäm de Naithiin, Gäm de Athänäthio ku gäm nyic

arëët yee cɔl Gäm de Dutuuc, aacïi dɛɛtnë kɔc nhïim bïike yaa lööm ku

gämke, nëke yee kacïigɔɔr lajik juëc ke thany cök ke ke yee yith.

ix- De rɛɛc thɛɛr ka rɛɛc dhiëth

Rɛɛc-ë dhiëth acï kääc në canh de Adam ( cï më yee kɔc cïn nhïim jam ) ee

cakga ran ëbɛn yen-ë acïi OOKic , ee ciëëkic në kuanden Adam. Raan acï

ɣet arëët nëlajik de dhiëth kɔu lɔŋ tuui, ku ka kääc në cakgade ye tök , man

cï ye cäp adhuɔɔmic , goo rïŋ kɔɔr rɛc yee göör aluööt , rɛk awaac kek-ë

Wëëi-ë NHialic , në raan ëbɛn yee dhiëëth në yee piny-ë nhom , atɔɔ ɣök-ë

NHialic në ye kɔu, ku lukwei. Kuu awuɔɔk –ë de cakga atɔ thïn akëc-ë

nyaai,, acïi ca cil në keiic ,ku jɔl kɛɛr rɛɛc de guöp , yee Gïrïk cɔɔl në yee rinkä

( phronema ɛarkoɛ ) man cï nyïcbɛn-ë miɛɛtic ciëën, kɛk aayee të yee guöp

yɔk-ë , ku yee kɔk të yee gɔtdï , ku yee kɔk tuil, ke rïŋ , aacï cath ke löŋ-ë

NHialic .ku naa cɔkaamëcïn en luk-ë wei tɔŋke kekkɔc gɛm ku yorke nhïim ,

ku aŋot-ë cïi Dutuuc lek, lɔn yee anhiarkap ku bal-ënyin nɔŋ kek cakga de

rɛɛc në keiic.

x- De puön-ë NHialic lääu

Tää de Raan ɣɔn cïi Adam yuïik acït ëkän , aciee dhuk ku juiir rɔt , në riɛɛlden

de cakga ku luɔi path de gäm ku cɔɔl NHialic , në yee kän acïn Ok yee Ok

këpuɔɔth-ë Miit puöu ku tiiŋ yepuöu looi. Të cïn athiɛɛi de NHialic në Rinke

Yecu yen O gël, buk naŋ puön-ë Nhialic path , ku luui ke O, të tɔɔ ëpuön puɔɔth

de NHialic-ë ke O

xi- De lacök de raan

Ok aayee ke kueen ke O lajik në NHialic nhom , në wɛr de Bɛnydïida

Duluäŋda Yecu Kërïtho në gäm, ku ciee nyiɛc luɔida yen yee Ok ye Yök, ëtɛɛn

Ok cïi cɔk lacäp në gäm etök yen ee piathdïit Amatnhom de kë pööc wɛt-ë

NHialic , ku cï thiäk në lanip , ku cïi ayee juakic arëët ayee kɔɔl bei në alacäp

de bɛɛi.

xii- De luɔɔi path

Këde luɔi puɔɔth de NHialic , man yee luɔk de gäm , ku buɔɔth alacäp cök ,

aciee rɛɛɛcde yee nyaai, ku cɔk lukgöök de NHialic athok, ku ŋoot cï mit ku

cïi gam në NHialic në Kërïthoic , ku luɔi de liël-ëyic de yiny yee piath ku gäm

pïir , ku të nɔŋ keek arëët ke gäm pïir abïi dhiil-ë nyïc pacɔk ke yee tim cï ciil

bei në dandeen cï lööny piny.

xiii- De luɔɔi ke lacök ŋoot wei

Luɔi cïi looi ke athiɛɛi de Kërïtho ŋoot wei, ku ɣër de WëëiDe aaciee la yumnë

NHialic puööu, arët awärkï gäm në Yecu Kërïthoic , ke yeekï raan puöl abï

athiɛɛi yök ( cït më yee Riɛɛl-ë thukul ye lueel ) nɔŋ athiɛɛi cït këdu , naa cɔk

aamë , kee ka këckï looi cï më tɔɔ en në puön-ë NHialic ,ku yee lɛkke bïk dhil-

ë luɔi, Ok aacï dak puööth kukaa nɔŋ cakga de rɛɛc.

xiv- De luɔɔi wär –riɛlde raan ( Supererogation )

Luɔi cïn riöp ëye lɔɔm , nhiaal ku në ye nhom në lööŋ keethiëër, man yeeke

cɔl luɔi wär-riɛl de raan , acï lëu bïi pɔɔc të cïn nhiɛɛc ku liu miitth de NHialic

thïn, të nɔŋ keek ayee rör lueel kaa cï lëu bïkkeiic ɣɛk luɔi abï kë göör

NHialic tɔŋke waan, ku ne yee kän ayee kek këdït looi në këde , awɛr kë yee

löŋ-ë gäm göör , të më cïi Yecu Kërïtho ye dïk ëluɛl, naa ca kë cïi löŋ lueel

looi tɔŋ yï , ke Ok yee awuut cïn durïop.

xv- De Kërïtho etök cïn En rɛɛc

Kërïtho në yic ee cakgada cïi cak ke cït O në këriëëc ëbɛn, ee rɛɛc etök yen

aliu ke Yecu, man cïn-ëye nyaai thïn , në riëëŋdeic ku tiëpde. Acï bɛn ke yee

nyɔŋ cïn guöp ŋääk ,Yeen man cï kɔɔc gamnë guöpde anaa tök, nyɛɛi yen karɛc

ke piny nhom ëbɛn , të më cïi’ Jɔn Cïithieei ye lueel , ku rɛɛc aliu ke YE. Ku lɔŋ ee

këde odhiɛ , naa cɔk aamë cïn-ë ye Baptaith-ë, ku cïi bɛr dhiëëth në Kërïthoic,

Ayen tɔ në käŋ nhïim kedhiɛ, ku naa luelku Ok aacïn gup rɛɛc , ke Ook wet O

nyïin , ku Yïc aliu në Oiic.

xvi- De Rɛɛc në Baptïthdhïm cök

Aciee rɛɛc cï thou ëbɛn yee raan looi në ŋuun ke cïi thääp-ë Yor-ë nhom yen

yee rɛɛc cïi luöi Wëëidïit Lajik, ku yee ciën päl. Ke yeen gɛm de wël-ë puööu

aciee lëu në jai , cïmëde yuïik në rɛɛcic ke yï cïi thääp-ë yor-ë nhom. Të cïi

Ok Wëëidïit Lajik lööm ke Ok aalëu jääl në athiɛɛi cïi gämic. Ku yuïikku në

rɛɛc , ku në athiɛɛi de NHialic ,ayee Ok röt bɛr jɔt në rɛɛcic, ku beerku piëërda

piny, kee kän ayee kek naŋ lukwei,cïmë cien ye lueel , aacïn rɛɛcdɛ të ciëŋ

kek ëtɛɛn, ka reeckï tëde päl de awäc cït yee wël-ë puöu yic-ë.

xvii- De Löc ku ( predeɛtination )

Akölë NHialic lɔ në pïïr athɛɛric ayaa cir cïi ŋuun athɛɛr de NHialic ɣɔn ( akëc-ë

jiër ku mëël muk piny nhom wɛc ) anɔŋ löŋmac kuömnhom de tuööŋDE cï juër

O, Ben kɔcken cï lɔc në Yecu Kërïtho bɛɛibei në aciɛɛnic ku luk aköl-ë luŋ de

raan, ku bïke bɛɛi në liäk athɛɛric në Yecu Kërïtho, të më yen-ë töny looi bïn-

ënhuum. Në yee tɛɛn , ayeekï ŋɔɔth bïk nyiɛc thök në piath nɔŋ kë bërke të nɔŋ

NHialic të cït cɔt yee NHialic ye lueel në ŋuundeic në luɔi de WëëidïitDe ku nnë

thääide, në athiɛɛi aaye cɔt theek, ku kaa bïike cɔk alacäp në në lääu-ë nhom ,

aabïïke cɔk ayee mïth ke NHialic në muöök , aabïïke cɔk acït Wëndeen-ë bɔbei

Yecu Kërïtho, aabï yaa cath në luɔi de yath pathic , në cuïric, në käc-ë puöu de

NHialic , aacïï kek miɛt-ë puöu athɛɛr yök.

Cï me yee aköl-ë NHialic lɔ në pïir athɛɛric eekë tɔ në nhialic agɛmic, ku löcda

në Kërïthoic , acï thiäŋ në adiɛny, miɛt, ku lanip ciee lëu në lär tɔŋ maagam

nhialic, cï më yeekï täk-e ke yee luɔi de Wëëi de Kërïtho , nëŋu acï looi ke cï

nhiëërden ke NHialic tuööc , ëkɛɛ ke kë nɔŋ puöu pöc ku mëkaap, ŋɔɔŋ wëëi de

Kërïthoke , bë tɔ në ke nyïin ëkë daai në kuum de aköl de NHialic löc Yen. Eetɔ

ke rac arëët ee thök në yuïik piny, ku jɔk tɛɛn ke yeeke piëk thäär thïn agokï ke

thäär jiɛɛl wei, ku cïn thiin-ë many-ë lakolok në pïiric tɔ, ee lɔ në rääkic yen cï

rɔt gɛɛŋ në ke nyïin.

Ku lëk de NHialic aŋot-ëbuk lööm në yee nyïny cït-ë kan-ë yic, të më cïi

këcïigɔɔr lajik ye cäp në Onhïim , ku në luɔidaic , bïi puön-ë NHialic yaa

buɔɔthic, man cïi wɛt-ë NHialic caan në Onhïim abï lakop.

xviii- De yök de luäk athɛɛr në Rinke Kërïtho ke pɛc

Keek ayɛ aanɔŋ lan yee kek lueth könic në luɛɛl , kɔc aabïïke luök në löŋ ka

në guöp de duör peei yen rɔt caal thïn, ku bïi yeen nyin cuök-ë riɛɛc në luɔi

de yee löŋ-ë bï cath ke piëërde, ku ɣɛɛr de cakga . Këcïigɔɔr Lajik ayee lɛk O

lɔn bïn-ë manh-ë raan luök në Rinke Yecu Kërïtho kepɛc

xix- De Luak ( Kaniitha )

Luaŋ dɛɛi-ë de Kërïtho ayaa akutnhom de kɔc cë gam , man yen-ë wɛt-ë

NHialic wɛɛt thïn, ku yee Thäkärämant ke luɔɔi thïn cï luɛl de Kërïtho cien ye

tɔc në käŋ kedhiɛ piɛth layuic görke ke ke thöŋ ke ye . Tëcït tëde Luaŋ de

Jeruthalem, ku luaŋ de Alakdhänderiya, ku lyaŋ de Antiök, ye looi ,ku looi

luaŋ de Roma ëkɛɛ, aciee pïirden ku rëërden de jiɛɛk, agut kakke gäm ayɛ.

xx- De Bääny de Luak ( Riɛɛl ) ( Kaniitha )

Luak anɔŋ riɛɛl bë kuɛr de duör ka të yee jiɛk-ë yiëk löŋ, ku anɔŋ riɛɛl në gäm

wääcic, ku aŋuɔt-ë ciee löŋ bë luak kë ciee rɔt ëtiiŋ ke wɛt-ë NHialic cïigɔɔr ruök

kɔu , ku ka cïn këthiin juɛk-ë në këcïigɔɔric .ka bï röt til ke dɛ-ë ,ku në yee tɛɛn ,

naa cɔk aamëyee luak Cäät ( Dulëk ) ku yee dumuk de kë Lajik cïi gɔt, ke yeen aŋot-

ë ciee yic bë kë rac yiëk löŋ, ku në yee löŋ töŋ-ë aciee luak kɔc ëthany në gämic

në wɛt-ë luäk.

xxi- De Bääny ( Riɛɛl ) de Amatnhom de Kanthil

Akutnhom dïit de luak acï lëu bë ye nhom kut bë mat të cïn lööŋdït ku riɛl të nɔŋ

wɛt ke Mëlëk . Ku naa mɛtkï atök ,( naa yeekï tïŋ ke yee akutnhom-ë kɔc-ë path,ku

keek kedhiɛ aci mɛc wëëi ku wɛt-ë NHialicke ) aalëu wuöc , ku në kööl kɔk aacï

wuöc, agut cï ka wɛn yee tïŋ ëke thɛny rot NHialic . Agut cï kɔk cïkke ruök ëke

thiekiic ke luäk , aacï ciën riɛɛl ka bääny , agut të cïn-ë ke caal kaa cïi nyaai në

këcïigɔɔric.

xxii- De Awuny ( purgatory )

Në pööc de wɛt-ë NHialic tɔŋ Romaai në wɛt-ë wuöny-ë guöp,ku päl de awäc ke

randɛ, kë cït këde yom thɛɛr cï dhiap , ku cɔt de kɔc cïi thieei në Rinke Wun, ee

luethdɛcïi jil ëpath ku wec-ë në riɛɛl de Bäänyic , ee wuööc ke wɛt-ë NHialic

xxiii- De luui në akutnhom de Lɔŋic luɛɛk

Aciee löŋ bë raan rɔt dɔm mäktäm de wëët etök ke kec-ë yiëk-e , ka looi Thäkärämant

në täŋde në kɔc-ë lɔŋiic, ku akëc löŋ guɔɔ cɔɔl ku tooc të thöŋ ke luɔi. ku kɔc yeeku

kuum në löŋ , aacïi cɔɔl ku tocke , man bïike lɔc ku cööl-ë ke në yee luɔi-ë yic në kɔc tɔ

në riɛɛl de Bäänyic , bääny cïi Akutnhom-ë lɔŋ yiëkke , cɔt ku tooc-ë mëluui dom de

abiëc de Bɛnydït.

xxiv- De Jam luɛɛk në Akutnhom nhom në liem wɛn yee deet në kɔc.

Eekë ciee rɔt ëtiiŋ ke wɛt-ë NHialic , ku ciɛɛŋ de yee tën-ë ,de kɔc ke luaŋ këc pöc

, bïi duördïit-ë lɔŋ looi luɛɛk, ku loi Thäkärämant ( Män Lajik ) në thoŋ ciee piŋ në

kɔc tɔ luɛɛk.

xxv- De Thäkärämaant

Thäkärämaant aacïi Kërïtho ke ruök kuaciee cït ka riŋ loi në tëët-ë cin ke

Kïrïthäänooi, keek aatɔ ëke yee dulëëk cïndak, ku yeekï cït ke athiɛɛi, ku puön-ë

NHialic path tɔŋ O, nëke cien luui në Oiic kë cïdɛɛi-ë , ku kee këc lɔɔc, acï gämda

cɔk arilnë Ye yic ku Thɛny gämdaic .

Thäkärämaant cïi Kërïtho Bɛnydïtda ke ruök aaye rou ëpath në Wëlpathiic , të lueel-

ë ye, Baptïthdhïm ku MiëththɛI de Bɛnydït . Ku Thäkärämaant keedhiëc kɔk nyic

arëët yee lueelkä , të ciɛk-ëke në luɛl , Thɛny-ë nhom , Lëk , ajuɛɛr de wɛt, thiëŋ

lajik, ku gɛth në mök,aaciee ke yee kueen ke ke yee Thäkärämaant ke Wëlpathiic ,

Cï më cien cil,ke baŋdɛ acï wany nëböth de Dutuuc cök, ku baŋdɛ cï rɔt päl pïir ku

tää de këcïigɔɔr, ku kaa ŋuɔt-ë ke cï cït cakga de Thäkärämaant kek-ë Baptïthdhïm,

ku Miëththɛi de Bɛnydït , në yee wɛt-ëke kaa cïn cïntiëc de jiɛɛk cïi ruök në NHialic .

Thäkärämaant aakëc Kërïtho ke ruök bïi kɔc ke yaa lïir, ke yeeke caath, aabukke

yaa luɔɔi . Kë thiekic cït-ëkän yee lööm ke thöŋ ku kaa nɔŋ kë yeekï looi thöŋ ayɛ

në cäthdɛnic, ku naa ran-ë ye kuöc lööm ke cïn thiɛk-ë yic , ee rɔt lɔm riääk , cï më

cïi Paulo Cïithieei ye lueel.

xxvi- De cuök lajik de Randït , man yee gëŋ-ë wei ku cie Thäkärämaant kepɛc.

Naa cɔk yaa Kaniitha dɛɛi-ë nhom ëkälɛ, ke duriëëth ee rɔt liääk në piathic, akööl

kɔk ke duriëëth ee yaa mabɛny në gɛm de Wɛt ku Thäkärämaant , ku aŋot-ë cieekï

ëluɔi ne riɛnken , ku në Kërïtho , ayee mëluui luui në gɛm-ëriɛɛl ku luɔi cïi gäm-ë,

OK aalëuRiɛnke ku Riɛɛlde bïi luui në pïŋ de Wɛt-ë NHialic ku lööm de

Thäkärämaant, Ruk cïi Kërïtho ke ruök acïn këcïye nyaai thïn në wɛt-ë rɛɛcde yen

abun ka nɔŋ kë cï mɔc de athiɛɛi de NHialic tekic thïn në gämke nyiny lööm Ok

Thäkärämaant cïi tääu në ke kɔɔth kek abuun, man bë nɔŋkë looi, nëkë cïiKërïtho

ye luɔɔi ku lueel bïiyaa looi,naa cɔk abun rac ye bɛɛr looi ke rɛɛc de abun aliu thïn.

Eetɔke yee yic bïi Kaniitha cil ( waai ) në göör bïn-ë abuun ëmëdhuum göör në

abuuniic, ku naa cïike yök kɔɔth në kɔc nyic kuɔi majɔkden , ku tïŋic ku yee yic, ke

luk yic aloi ku cieec-ë ke wei luɛɛk.

xxvii- De baptïthdhïm ( yuɔɔr-ë Nhom )

Baptïthdhïm aciee cïn de tëët ëpath , ku cïn de loi-ë thok, ke yeen Kïrïthäänooi

aayee tic thook në Baptïthdhïm, ku yeen ayɛ ee cïn de Merïc ka dhiënh Jöt , ke

yeen ee wënh-ë yen-ë Baptïthdhïm yök ba rɔt nyiɛc tiɛɛŋ ke ke Luak ( Kaniitha )

, ku jɔl yaa luɛɛl de Päl de karɛc , ku kuëny cïi NHialic o Kuany yeeku miëëthke

në Wëëïdïit Lajik , aayee cït dɛɛi-ëke ku cïike nueet thok në adök. Gäm cïi gam

, ku dït de athiɛɛi në lɔŋ yen-ë NHialic luut në lɔŋ . ku Baptïnh-ë mïth abïi yaa

luɔɔi luɔɔk , cïmë cïi tëdït ye gam ke yee löŋ cïi Kërïtho ooi.

xxviii- De Miëth thɛi de Bɛnydït

Ku Miëth thɛI de Bɛnydït aciee cïn de Nhiëër-ë röt etök bïi Kïrïthäänooi yaa

looi në kɛmken , yeen ee Thäkärämant de puŋ cïi Kërïtho Ok waar në thonde

, arëetic adik yaa yic , kë lajik, ku në gäm , lömke thöŋ , Mono yee banyic ee

kɛɛr de Guöp de Kërïtho , ëkɛɛ ke Abïny de thiëi ee kɛɛr de Riɛm de Kërïtho

.Wɛɛr de käŋ Mono ku pïiu ke abiëc në miëth thɛI de Bɛnydïtic

xxix- De kuöc cääm de guöp de Kërïtho tɔŋ kɔc rɛc të looi-ë miëth thɛi de Bɛnydït .

Këde rɛɛc , abïi yaa kɛŋ wei nëkë de gäm pïir, naa cɔkaamë yee kek-e looi në guöp

ku nyiikï nëke lec ke dɛɛi-ë ( cï luɛl de Aguthïino Cïithieei ) Thäkärämant de guöp

ku Riɛm de Kërïtho, të cïn nyic aayee baŋ de Kërïtho, ku awär , luk-ë weiden , Yee

cam ku dek cit ka yee Thäkärämant de kë thiekic arëët

xxx- De Biäk kee rou ( oɣ Both Kindɛ )

Abïny de Bɛnydït acï bïi yaa pɛn ran ciee abun bë lööm, keek biäk keerou ke

Thäkärämant de Bɛnydït , acïi Kërïtho ruök ku tɛɛu löŋ thïn, bïi yaa gäm

Kïrïthäänooi ëbɛn të cïn atëk thok

xxxi- De töŋ de Kërïtho cï thök në Tiɛmageer kɔu

Gɛm de Kërïtho anaa tök ee puŋ cïn dak , thiɛn, ku akuethic , de Rɛɛc ëbɛn de

Pinynhom, kedhiɛ rɛɛc-adhiëth ku rɛɛc-ajil, ku kacïn akueth rɛɛc dɛ tɔ tëdɛ , ee yen

ëkën-ë ye tök . ke yen nääk de kɔɔc cï kuen , cï man ëyen-ë ye lueel , abun ee dïk

köc-ë gɛm në pïir ku thuɔu, bë yaa päl de arɛɛm ku awäc, ku yee agääk akököl

cïnnhom wun, ku yee wët de diɛɛr

xxxii- De thiëŋ de Abuun

BÏCÏIP , Abuun ,ku Dïkoon aakëc löŋ-ë NHialic ke lueel bïk rëër në tää-ë dhiëëth-ë ke

, ka pënkï röt thiëŋ-ë tiik, ke yeen ee löŋ tɔŋ keek cï më de Kïrïthäänooi kɔk yee rör ,

bïk yaa thiëëk cï më bïn-ëke luk ayɛ cï kɔc bïk nyiɛc looi në kuer-ë NHialicic.

xxxiii- De cop-ë ran cï wuöc wei në kɔciic, bïi yaa naak thok kadï

Ran-ë në lan nyooth Luak këden nhiäk kee ka cïi guör wei në Akutnhom de gämic

ku mätic, ku cïi jäl tɛɛm wei në kɔciic , kee ka bïi bɛn bei në duut de mëgɛɛm cï

gämic, Cïn nhom yath ku cït ajuarbaaiic, agut të bïn-ë ye dhuök në Thäkärämant ,

ku jɔl luöör luɛɛk në Gaadic de Luak nɔŋ riɛl de luök luɛɛk ëtɛɛn.

xxxiv- De Ciɛɛŋ de Luak

Aciee lan yen yic bïi ciɛɛŋ ku jiɛkke luak mat nhïim të tök, ka thööŋ-ë ke, aacï tɔ

aluööt ke ke ciee tök, aabïi yaa waar në të cït të dïit dɔl thïn, ku thääi, ku pïir de rör tɔ

thïn, ku bï ciën kë ruk-ë wääc ke wɛt-ë NHialic . Cɔk bɛr yaa ŋa , tëde ye tök bee luk

në puöndeen cï tak ka cï ŋuun,ku looi bë ciɛɛŋ ku ajiɛk ke luak dhoŋ kɔɔth , man cï bï

rɔt til ke wɛt-ë NHialic , ku bïi ruök ku gam në riɛɛl tɔ në bäänyic ëtën-ë , kee ka bïi

nyooth nyin në wɛt në raan nhom ëbɛn. ( ku bï kɔc kɔk riööc bïk cuök ber dhuök thïn )

në ŋu ee kɔth de pööc puɔɔth cïi kueer kɔu de gäm luɛɛk , ku kee riɛɛl de Gaadic riethic

, ku yiëk pän-ë man kɔk puööth tëtöök kek-ë täŋden.

Luaŋ töŋ tɔ ka luaŋ amath nhomdït tɔ anɔŋ riɛɛl bë ye kän ruök ,ka wɛɛric , ka dïk-ëpäl,

jiɛk ka lɔɔŋ yee luak ke luui aacïi ruök kɔɔth në riɛɛl de raan ku bïn-ëke yïk nhial.

xxxv- De bɛɛi ( Homilieɛ )

Në buŋ de rou de buökke wëëtic , dul juëc Aacukke dɔɔr në yee puön-ë cök , nɔŋiic

kë de NHialic ku pööcDe thïn , ku ka tiŋ rɔt kee nïnkä , cï mëde buŋ tueeŋ wɛɛr de

wëët, ɣɔn cïi kaŋ tääu në wëëtic në aköölke Edwad de dhetem, ku ka cuk luk bïike

yaa ciir luɛɛk në abuun ku kɔc loi wɛt-ë NHialic , në tïit-ë nyin ku lël-ë thok apath,

ku bïi kɔc deetic apath.

De Rinke Buökke wëët

cin Rin ke buk cin Rin ke buk

1 De nyiɛc luui de Luak 11 De luɔi de mɔc

2 Kë de rɛɛc mëduur ke jak 12 Kë de Dhiënh de Kërïtho

3 De ber-ë piny de luëk ku mukke

ëyuic

13 Kë de guöm de Kërïtho në Tiɛmageer

kɔu

4 De luɔi path, tueeŋ ee thiëël 14 De Jön-ë rɔt De Kërïtho

5 Acï tiŋ rɔt ke kook ku muöl-ë

mäu

15 Lajiŋ de lööm-ë Thäkärämaant de

Guöp de Kërïtho ku Riɛmde

6 Acï tiŋ rɔt kek-ë ciɛɛŋ de alɛth 16 De mɔc de Wëëidïit Lajik

7 De lɔŋ 17 Kë de akööl kee diäk ke lɔ nhial ŋoot

8 De tëde duör ku thääi de löŋ 18 De tää de thiëŋ-lajik

9 De buŋ-ë duöör ku

Thäkärämaant bïike yaa looi ne

thoŋ nyic

19 De wël de puööu

10 Kë de Rin cɔl Rev cïi themkɔu në

Wɛt-ëNHialicic

20 Kë de dɛɛk-ë rɔt

21 Acï tiŋ rɔt ke kɛɛc-ë wei

xxxvi- De tɛɛu de Bïcïip ku Abuun

Buŋ de Tɛɛu de Acibïcïip , ku Bïcïip , ku ajuɛɛr de ruk de Abuun ku Dïkoon, acïi jälbɛn-ë

juiir ku bïi-ë në akööl ke Edward de Dhetem, ku thɛny riɛɛl de Palamanic ëtë töŋ-ë ,ku

ak nɔŋic këriëëc ëbɛn de tɛɛu ku ajuɛɛr de Ruk , acïn këthiin tɔ thïn në rɔtde riɛɛc kɔc

ka leel kɔc wei thïn , ciën-ë këde NHialic . Ke në yee kän ,ke ran bïi yaa tääu ka ruk-ë

ne ye ajuɛɛr-ë jiɛɛk-ë de yee buŋ-ë , cï më yen run de rou de Edward Mëlëk agut cï

yee mɛn , ka në ye cök ka bïn-ë yaa tɛɛu ku yen-ë ruk të cït tëde ajuɛɛr de lɔŋ-ë.

Aacuk lööŋ ke yee löŋ yith kedhiɛ , mackɔɔth ku tɛɛu thiɛŋ ku ruk thiäŋ cïn të dak

xxxvii- De Duluuk ke mɛc-ë Baai ( Civil Magiɛtrate )

Majäthï de Mëlëk anɔŋ riɛɛldït në Ceŋ de England nhom , ku amɛcken kɔk , man ye

manhom de Miiric ke pɛn tɔ në ceŋic ëtɛɛn , Yeekï kak ke Ekïlïdhiethïkal ke yeekï

kak-ë baai , në kuɛr kedhiɛ ayen naŋ-e, ku ka ciee ye, ku ka cï bë yaa tëde , të yen

kë de aken de alɛi. .

Të yee Ok athiɛɛkda gäm Majäthï de Mëlëk Manhomde Miiric, Ee duölko yee Ok ke

täŋ tɔ nëke nhïim kek arɛc guöp-ë kɔc deetic , acieeku ëgam wɛtke Mëlëëk yen

luɔi-ë wɛt-ë NHialic ka wɛt-ë NHialic, ka Thäkärämaant , man yee mëmɛc riɛl kök

cïi Tiɛŋ Bɛny Elithabeth gam bë luui arëët në nyooth, ëkän etök ayee amatriɛɛlic ,

man ëyeeku tïŋ ke cïi gam wei të nɔŋ wɛtke Mëlëëk në kacïigɔɔr Lajik në NHialic

amëriɛlde , ku pɛn ke baai kuum kedhiɛ ku alööŋ cïi tääu në ke cin në NHialic ,

yeekï Ekïlïdhiethïkal ka yeekï kakke yee pïir thiöök-ë , ku muk.kï röt kek-ë them de

baai bäŋ ku mëluui ke baai . Ku Bïcïp de Romaai acïn riɛl de bääny nëaken ceŋ de

England thok ëbɛn.

Löŋ de ceŋ alëu Kïrïthäänooi në luk ku yïkke awäc agut thou, në ariɛɛl ku aliämdït

thɛny kɔc nhïim piny. Ee löŋ ayɛ tɔŋ rör ku yeekï Kïrïthäänooi në löŋic , löŋ de

Majäthi bïk dhaŋ gäk nëke kɔɔth ku lek tɔɔŋ .

xxxviii- De piath de Rör-ë Kïrïthäänooi man cie tëdhiɛ

Acïbääny ku piath de Kïrïthäänooi aciee tɔ nyiin alawɛn, cï më de thap de yic , dul ,

ku naŋ ëka töökkä , cïmë yee abernhomëyor ye looi në miit-ë röt nhial në lueth tɔŋ kɔc

kɔkkä , naa cɔk aamë yee ŋɛk rɔt yök ke kakken tɔ ke ye , të cïn atekthok kee aŋääŋ

muɔɔc, nëkë cït këtɔ në ye cin

xxxix- De Kuëëŋ de raan

Cï më yee Ok-e lek ke dac riŋ de Kïrïthäänooi në kuëëŋ-ë ɣömic cïi Yecu Kërïtho

jai, ku Dutucde Jakob të yee Ok luk, Kërïthäänooi ke yath ciee mɛt thïn , ku ran-ë

abï yaa kuëëŋ të cïi Gaadic ye thany nhom thïn,nëkë de gäm ku akuut-ë kuny, ke

yeen abïi yaa looi cïpööc de Nebï , në awɛiic , ku kuum , ku yic.

kËtÄp de duÖÖr - cueibet.anglican.orgcueibet.anglican.org/docstore/dinkabcp.pdf · 2022 c nyith...

Documents