JOHAN NE KERAU SAMLIAKEYI

Kering sam

1:1 Raitu gade sambe la na Sambe Tinggwang de ngngwa la, na Sambe

Tinggwang lie. 2 Pa ndade Tinggwang de ngngwa la. 3 Ma kela leune pa

ne teikap, na matei kelube pa ne tei kemak kette ga. 4 Keringriabe peda la,

na keringria cide mina kebabe delie. 5 Iciu eh kebabe kemuiga taumba laia

na kemuibe peswa ngkienglu tadi. 6 Tinggwang ne langgai kebeu Johan lie

kecu mige gwang. 7 Ipaude kegwang mina pekiene de peu pecu nlumlu

kera ziemne kebabe zierang tei zielie eh gwang. 8 Pa kebabe ma, dede peu

kebabe zierang teigai zielie eh pecu langgai beu. 9 Mina pelane de gi

mbalu kera keba kesangbe kideu ga gwang zielie eh la. 10 Pa gwang kideu

ga lung, na pane kideube teigai beu liede kideu ga kelurigmedung pecu

cilu tadi. 11 Pa pe katei pegumedung da gwang, dede pegumedung pecu

ngngwa meidi. 12 Dede pecu ngngwa keluleu, pezi gade nlum keluleu, pa

cipaume de peu Tinggwang name-dung teidi zielie kecu kengkieng kaibeu.

13 Ipaumedung, mitei mizai gade, mede mipumtei lungning gade, mede,

mina lungning gade mene Tinggwang lungning gade mnalu dilie. 14 Iciu eh

Sambe mina mmilu eh kesang na ngaukenggiale puipung eh anui kakka

lung: iciu eh pena pumlibe Peibe dade pe kemdungau kelu pe kemdu cide

anui pie gwang lie. 15 Johan pe zierang tei eh sabak eh, "A cai gwang

kelabe adwa dida kedane ma, pa adwa kelane. I peha rang kelabe aipaude

delie. 16 Na anui pekiene pa ngaukeng-gia reude ngaukenggia kepui

ngaulu de kecu ziemne. 17 Hezaibe au Mosa dade kaibeu, dede

ngaukenggia na kesangbe au Jisu Khrista dade gwang lie. 18 Migede

madau gede Tinggwang de ngauma, pena kepumlibe Peibe hekarakga

kebambe dene pwa mide liagai beu.

Baptaiz keteibe keledeu

19 Iciu eh Judamedung Jirusalem gade kecingmedung na Livimedung de

langpwa Johan dage kai eh pecu, "Nang cau no?" De eh keteu lo kebeu

dau, Johan pe zierang tei kegai aide. 20 Cidau pa pet mei mene pel kaibeu,

"I au Khrista melie," debeu. 21 Ge penui pe dade, "Iciucai cau no? Nang

Elia ni?" de eh keteu ge, pa, "I cipaude ma," dedi. "Nang cairasamkecibe

ni?" dege pa penui dade, "ma" de daidi. 22 Ge penui pe dade anuide peu

teugwang anuide langgai kebeume-dung dage lialu kera ziemne ranglia lo,

"Nang cau no? Nang n katei neu cau lie lano?" dedi. 23 Ge pa,

"Cairasamkecibe, Isaya nda, 'Nnui Rampaube mpui tei mzui lulo' de eh

renamkang gade mige rang sabak kela kwade I delie," debeu. 24 Na

cipaumedung de Fari-simedung ne langgai. 25 Ge penui pe dade keteu eh,

"Nang Khristabe ma, na Elia de ma, mede cairasamkecibe de me cai daitei

mide baptaiz tei lano?" de dailu. 26 Johan penui dade, "I au dui gade

baptaiz tei kela lie, nnui kakka mige sap. dede nnui pecu cima. 27 Pa au a

caine gwang de adwa la dida, na I au pe picum kangria de heulu kebuibe

dema," dedi. 28 Ma aidungde Johan mide baptaiz ketei Jordan reukung

Bethani gade teilie.

Tinggwang Meuriinna

29 Ipaucaibe nai Johan Jisu peda gwang kela ngau eh, "Ainie, kideu ga

kemau keuteu di kera Tinggwang Meuriinnabe! 30 Aipaude I peha

kerangbe dede lie, 'Mige a cai gwang kelabe pa adwa dida, kedane ma, pa

adwa kelane. 31 'Na I pecu cilu tadi, dede pecu pwa Israelme de lia kera

ziemne I dui gade mide baptaiz tei gwang lie," dedi. 32 Iciu eh Johan

zierang teidai eh, "Rabe tinggem gade tamhau nzwa eh hung pe reuga bam

kelu I ngau lie. 33 Na I pecu cilu tadi, dede dui gade mide baptaiz teilo eh

acu langgai kebeube pe katei a dade. 'Nang Rabe hung pereuga kebam

ngaukelube, ipaude Kemci Rabe gade mide baptaiz tei kerabe delie.' debeu

lie. 34 Na I de cide ngaulu eh aide Tinggwang Nabe delie, kecu pe zierang

tiegai delie," dedi.

Jisu caisui keraime

35 Ipaucaibe nai Johan pecai-suime hangna de ngngwa dai sapke, 36 Jisu

terwa kela ngau eh, "Lunie, Tinggwang Meuriinnabe, " debeu. 37 Iciuge

Ledeukelube kena pe samrang cilu eh, Jisu caisui di. 38 Cidau Jisu nreu

gwang penai pecaisui kela ngau eh penai dade, "Nnai daipai pei lano?"

dege penai pe dade, "Keledeubo, (pekie Rabi) nang daiga bam lano?" de

eh keteu. 39 Pa penai dade, "Gwang eh pielo," debeu ge penai gwang eh

pa kebam ga ngaulu eh ipaunai pecu ngngwa bamdi, na ipau tingdau bam

kerei tingdau gedi. 40 Johan samrang si eh Jisu caisui kedibe kena hangge

au Simon Pitor caihereibe Andria. 41 Pa kelwa gwang pecaihereibe Simon

de ngaulu ge pe dade, "Anui Messiah (pekie Khrista) bede ngaulu delie,"

debeu. 42 Iciu eh pa pecu ngngwa Jisu da gwang ge Jisu pecu pie eh,

"Nang Jona nabe Simon; n cu Kef a, (pekie Pitor, cide neu) lieku-zie,"

debeu.

Jisu Filip penai Nathanel de keku

43 Ipaucaibe nai Jisu Galil ga gwang kera mning lu. Pa Filip de ngau eh pe

dade, "A caisui lulo," debeu. 44 Na Filip de Andria penai Pitor nam

Bethsaidame ge. 45 Filip Nathanael de ngaulu eh pe dade, "Anui Mosa zai

gage na cairasam-kecimedung nda peha rauteu kela Nazareth Jisu, Josef

nabe de ngaulu delie," debeu. 46 Ge Nathanael pe dade, "Nazareth gade

ma keyi pet lubuini?" dedi, ge Filip pe dade, "Gwang eh pielo," debeu. 47

Jisu Nathanael peda gwang kela ngau eh, pe dade, "Lunie, hezaitei

mez-ing kecu Israelme ge!" debeu. 48 Nathanael pe dade, rangdai eh,

"Nang daiga de acu cilu dino?" dedi, ge Jisu pe dade, "Filip neu keku dwa

nang nziitci-bang kangga kebam dau I neu ngau lie," debeu. 49 Nathanael

pe dade, rangdai eh, "Keledeubo, nang Tinggwang Nabe kesang delie,

nang Israelme Gwangbe delie," debeu. 50 Jisu pe dade rangdai eh,

"Nziitci-bang kang gade I neu ngau lie eh kerang ziemne nang nlum di

deni? Nang aidung swa kedileu ngausi zie," debeu. 51 Gepape dade, "I

nnui dage rangsiakte liazie, aipau cai nnui ting ngkeibeu eh mina Nabe

reuga Tinggwang gwamedung nghung nghang kebam ngaulu zie," debeu.

Kana ga meunui

2:1 Iciu eh langcumnebe nai Galil Kana gade henauge tei najisu puide cika

bam. 2 Na nautak cika de Jisu dede na pecaisuimedung dede kugai. 3 Na

penui zau cam dige, Jisu pui pe dade, "Penui zau gade," debeu. 4 Ge Jisu

pe dade, "Wah mipui, I neu ngngwa daipai tei zie no? A ting cang gwang

mereu lie," dedi. 5 Pepui, kilamedung dade, "Pa nnui dade keheibe rang

liede cide teilu lo," debeu. 6 Na cika Judame penuide tei mei kera ziemne

dui mon kena kecum kailu kela neu duibung heruk bam. 7 Ge Jisu penui

dade, "Nnui duipwa gwang duibungdung kaipui kap lulo," debeu, ge penui

cidungde twakpui pwa pemung cang kaplu. 8 Iciuge pa penui dade, "Cu au

nnui cide twaklu eh nautak cika de kedibe de peu culo," debeu, ge penuide

pwa gwang di. 9 Ge nautak cika mpaube, duile zau tei kedi msi kelu dau

dai nzwa eh aiciu lu dibi decu cima, (dede kila dui-fwak pung

kegwangmedung au ci) cidau nautak cika mpaube lakciube de ku eh, 10

pe dade rang eh, "Mina keheibe de kerai dau zau keyi kaibeu bam eh, mi

sakkie kelu cai au ciswa kesiabe kaibeu dila, dede nang au cu kecangde

zau keyi kaibeu bamreu!" dedi. 11 Jisu Galil Kana nam gade misuikega

bata keraibe aide teigai eh pe kengkieng pwa mide liagai: ge

pecaisuimedung de pecu nlumlu. 12 Ipaucai pa pepui na pecaihereimedung

na pecaisuimedung de ngngwa Kafarnaum ga hung, dede penui cika

bamtie tadi.

Jisu kerecaki ga kegwang

13 Cidau Judamedung Kakeg-wang ngi mnadi, ge Jisu Jirusalem ga

hangdi. 14 Ge pa mi kerecaki gade hetum, meurunna, ruipuine-dung zwa

kebam na heki rangkang nghiak kebam ngaulu. 15 Iciuge pa heriale

cingrang teilu delwe, kerecaki gade meurtin na hetumdung de gwakap di

na rangkang nghiak kebam bamdung kwak ngkum pwa ruidi. 16 Iciu eh pa

ruipuine zwa kebammedung dade, "Aika de aidungde teu tet tilu lo, A pei

kile pwa heli ketei ki tei helo," dedi. 17 Cidau pecaisuimedung "I n ki

ziemne heri kegai lepwa acu tei ngga dizie," eh raupwa kelabe samde

nsunglu. 18 Iciuge Judamedung pe dade, "Nang ma aidungde ketei depai

rehige saupwa anuide lia lano?" dedi. 19 Ge Jisu, penui dade, "Nnui

kerecaki aide tei msia di lulo, iciude I Langcumne kak kage kwak dailu

zie," debeu. 20 Ge Judamedung, "Kerecaki aide mmi riakdai eh heruk

ngkeige tei, iciu eh nang aide langcumne kak kage kwak culu zielie ni?"

dedi. 21 Dede pa au pepum recakibe ha ranglie. 22 Iciu eh pa kecai gade

ring nii dai cu kelu dau pecaisuimedung pa penui dage kerangbe samde

nsungla eh penui kesang-laisiu sambe na Jisu penui dage kerangbe sam de

nlumlu.

Jisu mina zai keci

23 Iciu eh Kakegwang ngi dau Jirusalem gade hengi tingdau mis-uikega

bata tei kegaidung ngaulu eh mina kekie pezi gade nlumlu. 24 Dede Jisu

au penuide mning mmi ma, kedane ma pa au mina pekiene zai kecine. 25

Na migede de peu pe dade mina zierang tei mede yi, kedane ma pa au

mina Iungga depai labi cide cikap kecune.

Jisu na Nikodema

3:1 Iciu eh Nikodema lie kecu Judame kedime ge Farisime kakka la. 2

Ipaude tingmuine Jisu da gwang eh pe dade, "Keledeubo, nang Tinggwang

dade kegwang keledeu ge kecu anui cibam dida, kedane ma Tinggwang

pecu ngngwa la kemak cai migede nang misuike-ga bata tei keladung aide

kette tei gailak lugu," dedi. 3 Ge Jisu pe dade, "I ndage rangsiakte liazie,

mna heci dai kemak cai migede Tinggwang hegwangbam ngau gailak,"

debeu. 4 Nikodema pe dade, "Mina cing kedi caine dai nzwa eh mna dailu

zieno? Pa pepui pukka nii nlwet dai eh mna dai zieni?" dedi. 5 Jisu pe

dade, "I ndage rangsiakte liazie, dui na Rabe gade mnalu kemak cai

migede Tinggwang hegwang ga lwet kailak. 6 Mitei mizai gade kemnabe

miteilie, na Rabe gade kemnabe rabe lie. 7 I n dade mna heci dai kemak

cai sialie, kegai ziemne nsuiga so. 8 Tingkai guipwa pe katei pesuile

gwang dila, na nang pekwa siula, dede pa dai gade gwangbi mede

dailambie gwang dibi, nang cide ci lama, mina keheibe de Rabe gade

kemna cide nzwa lie," dedi. 9 Nikodema pe dade, "Ma aidungde dai nzwa

eh teilu zie no?" de keteu. 10 Ge Jisu pe dade, "Nang Israelmedung de

keledeume ge de-lwe ma aidungde cime lienia?" 11 I n dade rangsiakte

liazie, anui au kecibe rangla, na kengaubedung zierang teila, dede nnui anui

zierang de mzai lama. 12 I nnui dage tinggem ga samdung rangcai nnui dai

nzwa eh nlumlu zieno? 13 Na tinggem kebam mina Nabe tinggem gade

kehung be kemak cai migede tinggem ga cuma. 14 Na nda Mosa

renamkang gade heneide pwacu kecu nzwa eh mina Nabe dede pwacu

kemak cai sia. 15 Cide mina keheibe dede pecu nlum kelube de peu kap

eh gadi melie ne kelungta kering ngaulu kera ziemne. 16 Iciu eh

Tinggwang au kideube de kuham eh pena kepumlibe de kaibeu, iciu eh

mina keheibe dede pecu nlum kelube de peu kap eh gadi melie ne kelungta

kering ngaulu kera ziemne. 17 Na kideube de peu maudi zielie eh

Tinggwang pena de langpwa kideu gage kai melie ne kideube de peu pe

dade kelikelu ngaulu kerane lie. 18 Pecu nlum kelube de mmaulak, nlum

kemakme pa Tinggwang na pumlibe zi gade nlummei kedi ziemne cude

mmau kera mtei pwa bam dida. 19 Na mmau kera aide, kebabe kideu ga

gwang na mina pe batadung sia kedi ziemne kebabe de swa kemuibe de

kuki di. 20 Mina keheibe de kesia keteime, kebabe de ngkaula, na pe

batadung maudi delie beu kera kehingne kebabe da gwang lama. 21 Dede

mina keheibe de kesang tei kelame kebabe da gwang la, iciu eh pe

batadung Tinggwang ziemne teilu lie kecu keulia kera ziemne. Jisu na

Johan 22 Ipaucai Jisu pecaisuimedung de ngngwa Judia deuga gwang, na

pa penuide ngngwa cika bam eh mide baptaiz tei. 23 Na Johan de Salim

kemna Inon ga dui bamsiit kecu ziemne mide baptaiz teibam; na mi gwang

eh baptaiz teilu. 24 Cidau Johan de nimpwa hebangki gage kaidi mereu.

25 Iciu eh Johan caisuimedung ge Judamedung de ngngwa penuide tei mei

kecu harang kesamliem di. 26 Ge mi Johan da gwang eh pe dade,

"Keledeubo, Jordan reukung lule giem aipau dwa neu ngngwa kelabe,

nang pe zierang tei kegaibe, ainie, ipaude mide baptaiz teila dida, na mina

pelane peda gwang di zeuda!" debeu. 27 Ge Johan penui dade, "Tinggem

gade kaipwa mina de kepeube ne kemak cai migede ma gede ngau gailak.

28 I Khristabe melie dede pedwa acu langgai beulie eh, I aipau dwa

kerang nnuide a zierang bam. 29 Lakciube puide ngau kelube lakciube

delie, dede lakciube zang-nabe sap eh pekwa kingnei kesappe lakciube

sam ziemne a suikeyi cu au canglu delie. 30 Pa au di reu reu di kemak cai

sia, dede I au ceu reu reu di kemak cai siada," dedi.

Tinggem gade kegwangbe

31 Pereule de kegwangbe au pekiene reube lie, kideu gade kepetpe au

kideube nalie, na pa kideube sam rangla, tinggem gade kegwangbe au

pekiene reulie. 32 Pa pe keci kengaubedung cidungde zierang teila, dede

migede pe zierang mzai lama. 33 Pe zierang mzai kelume, Tinggwang

kesangbe lie kecu pegiak cide giakpung dila. 34 Kedane ma Tinggwang

lang-kegaibe Tinggwang samdung rangla, na pa mdet mene Rabe kaibeu la

kecu ziemne. 35 Peibe Nabe de kula, na ma pelane kaipwa peba gage

kaibeu dida. 36 Mina keheibe de Nabe de nlum kelube kelungta kering

ngaulu bam dida; dede mina keheibe de Nabe de nlum kemakme kering

ngau gailak, dede Tinggwang lungka pereu ga bamdi la.

Jisu na Samariame pui

4:1 Iciu eh Jisu Johan swa mide ledeu kielu na baptaiz tei kie kelu

Farisimedung ci kedi Ram-paube cilu. 2 (Dede Jisu pe katei baptaiz tei

melie ne pecaisui mene tei) 3 Cidau pa Judia putti eh tet daipwa Galil ga

gwang di lai eh zeu. 4 Na pa Samaria ka gwang kemak cai siadi. 5 Iciu eh

pa tet pwa nda Jakob lupakke pwa pena Josef de kepeu kemna Sikar lie

kecu Samaria nam namdi gage gwanglu. 6 Na Jakob tekwa cika bam, ge

Jisu tet leu ladi kecu ziemne, tekwa kungga bamlu, cidau bamdak kak pe

herukpe dauge di. 7 Ge Samariame puige duitwak zielie eh gwang: Jisu pe

dade, "Dui peu acu saklo," eh kie. 8 (Cidau pa ledeukelumedung keteipuk

lui zielie eh namdibe ga gwang di.) 9 Iciuge Samaria mepui pe dade,

"Nang Judame gele daitei eh I Samaria mepui dade dui kie zieno?

"Kedane ma Judame Samariame de ngngwa mage de tei eh sak lama,"

dedi. 10 Jisu pe dade, "Nang Tinggwang mapeu, na n dade, 'Duipwa peu

acu saklo' de eh kelabe de cilie cai au nang pe dade makie cudi zie nage,

na pa keringdui pwa neu peuzie nage," debeu. 11 Mipuibe pe dade,

"Kedibo, nang magede pwa twak kelu ga, na tekwa de cuk: iciu eh nang

dai gade keringdui ngaulu zie ah? 12 Nang tekwa aide pwa anuide kepeu

anui pei Jakob swa dini? Pa pe katei de na penamedung de na pe

kauruine-dung de sak gwang," dedi. 13 Jisu pe dade, "Mina keheibe de

dui aide kesakme hereu daidi zie. 14 Dede mina keheibe de, I duipwa

pecu kepeube sak kelume madau gede hereu dailak, iciu melie ne, I

duipwa pecu peu kerabe au pelung gade lwa kepet kelungta kering

tekwage tei eh ladi zie," debeu. 15 Mipuibe pe dade, "Kedibo, acu peu

hereu tadi kera na aipau deige gade peu mie duitwak me kera ziemne dui

cide pwa acu peulo," dedi. 16 Jisu pe dade, "Gwang nnapei de kuteu aika

gwang lulo," debeu. 17 Mipuibe pe dade, "Anapei ga," de dailu, ge Jisu pe

dade, "Nang anapei ga," de kecu rangsiakte beuda. 18 Kedane ma nang

nnapei mengei dida; na cu neu ngngwa kebambe dede nnapei ma; nang sam

aide kesang rangda," debeu. 19 Mipuibe pe dade, "Kedibo, nang

cairasamkecime ge kecu I cibam dida. 20 Anui peimedung nda kideutu reu

aika de reca laia: dede nnui mina de peu gwang reca kera Jirusalem ga

heni bamlie la," dedi. 21 Jisu pe dade, "Mipoe, asam nlum lalo, nnui

kideutu aika de na Jirusalem gade Peibe de reca tadi kera tingge gwang di

zeu da. 22 Nnui au pecu reca kelabe de ci lama; anui au reca kelabe de ci

eh reca la: kedane mene Judame da kelikelu ge lung pet bamdi delu gu. 23

Dede kesang tei delwe reca kelamedung rabe na kesang gade Peibe de

reca kera ting gwang zeuda, na cude gwang bam dida: kedane ma Peibe

peu ci kenzwa mede pecu reca zielie pei kela ziemne. 24 Tinggwang au

Herabe lie, na pecu reca kelame au rabe na kesang gade reca kemak kai

sia," debeu. 25 Mipuibe pe dade, "Messiah Khrista lie kelabe, gwang

zielie kecu I cibam dida, pa gwang cangne mapekiene rangpwa anuide

liazie," dedi. 26 Jisu pe dade, "I neu ngngwa mpau kesappe ipaude pa

delie," debeu. 27 Iciu kebam dau pa ledeuke-lumedung gwang pa mipui

gede mpau kebam ngau eh penui suiga di; dede migede, "Nang depai ge

cineu eh aiciu zeuno?" mede, "Nang daitei eh pecu ngngwa mpau bamno?"

dema. 28 Cidau mipui de pe duibung gidi eh renam namdibe ga gwang

minadung dage, 29 "Nnui pet mige de pielo, pa I tei kedidung leune pwa a

dade rang, pa Khristabe mi mebi!" dedi. 30 Ge penui renam namdibe gade

tet peda pet zeu. 31 Cidau ledeukelumedung pe dade kie eh, "Keledeubo,

matei lulo," delu. 32 Dede pa penui dade, "I nnui ci kemak keteipuk tei

kera bam," dedi. 33 Cine ledeukelumedung hang-ge hangge dade,

"Kangge, keteipuk kesa teugwang pecu peuni?" dedi. 34 Jisu penui dade,

'A keteipuk au acu langkegaibe suibe tei zielie kecu na peta teicang beu

zielie kecu de delie. 35 Nnui lulwet ting gwang kera keimdai bamreu, de la

meni? Ainie, I nnui dage ranglia zie, nnui ngangcu ludung pie gai pielo,

cude cidungde hapwa rumlu bui bam dida. 36 Rum kelame pe ziehi ngaulu

la, na peci pei hekwa pwa kelungta kering gage kailu la, iciu eh heleugi

kela me penai rum kelame pe suiyi bam dizie. 37 Na, 'Mige heleugi

kedame ge rum,' de kerangbe sam de kesang lie. 38 I nnuide langpwa nnui

keherei kemak kage rumlo gaila, mi kedame keherei gaibeu na nnuide peu

ipaume bata ga kelwet lie," debeu. 39 Iciuge mipui ipau puide, "I tei

kedidung pa a dade rangkap beu delie," de eh zierang tei kegai ziemne

renam namdi cika Sama-riamedung kekie pecu nlumlu. 40 Iciu eh

Samariamedung peda gwang kelu dau pecu penuide ngngwa bamlo eh

kiebi di, na pa cika langnane bamdi. 41 Iciu eh pesam ziemne mina kekie

nlum silu. 42 Iciu eh penui mipui dade, "Anui cu au nsamrang ziemne

kenlumbe kame da, dede anui katei anui kwenle kingnei luda, na aide

kideu de Kelikelube kesang delie kecu cilu da," dedi.

Jisu hangkiame nage de tei ngkei kebeu

43 Iciu eh langnane cai pa cika de tet pwa Galil ga gwang di. 44 Jisu pe

katei peharang eh cairasamke-cime pe katei peram deu gade au hetwa

galie kecu rangbeu delu gu. 45 Iciu eh pa Galil ga gwang kelu dau

Galilmedung pecu ngngwa lu kedane ma penuide pecu ngngwa hengi cika

hang eh, pa Jirusalem gade hengi cika de pe bata tei kegaidung leune ngau

kelu ziemne. 46 Na Jisu duile pwa duizau tei kebeu Galil Kana ga nii

gwang dailu, cidau Kafarnaum ga hangkiame ge pena mipei nage matei

bam. 47 Pa Jisu Judiame deu gade tet pwa Galil ga gwang kedi cilu ge,

peda gwang eh pecu peu hung penade tei ngkeibeu lo eh kiebi di, kedane

ma pa caitiit ti lai eh bam kedi ziemne. 48 Cidau Jisu pe dade, "Nnui au

marehidung na ma mi-suikega batadung ngau kemak cai nlum neu lama,"

debeu. 49 Ge hangkiabe pe dade, "Kedibo, nang ana caikedidwa hung

bilo," dedi. 50 Jisu pe dade, "Nang tet gwanglu; nna ringlu zie," debeu. Ge

mina ipaude Jisu pe dade rangkebeube sam de nlum eh pe mpuile gwang

di. 51 Iciu eh pa nghung kezeu dau, pe kilamedung gwang pecu daulu eh

pena ringbam di delie kecu pe dade rangdi 52 Ge pa penui dade, "Pa

daipau tingdau ge ngkei lu dino?" de eh keteu, ge penui pe dade, "Nziene

bamdak kak pe henabe kedap dauge pa mra tadi da," debeu. 53 Ge pe

peibe, Jisu ipau ting siakdau, "Nna ringlu zie," de kebeube sam de cilu eh,

pade na pekilungme pekiene de nlumlu. 54 Ipaupia cide Jisu Judiame deu

Galil ga gwang eh misuikega bata tei kegai pe kenabe.

Rezai kung gade mide tei ngkei kebeu

5:1 Ipaucai Judame ngi dauge Jisu Jirusalem ga hang. 2 Ge Jirusalem ga

meurun rie kemna ga ki mengei tei pwa kebam Ibrime let kade Bethsaida

lie kecu rezai ge bam. 3 Ki cidung ga miakcietme, keswame, na kempame

kekie gwang dui kemlai kwa bamla. 4 Ciciu zeu eh Rampaube gwame ge

madau ge rezaibe ga hung delwe dui hwak mnau gai gaila na cipau cai

duiga paklwet raitu kelube matei keta keheibe de tei eh lade yilu lu la.) 5

Cidau mmi camrei eh heset ngkei matei la kedime ge cika zeu. 6 Jisu pa

kezeu ngau eh na pa iciu la tiesiit kedi cilu eh, pe dade, "Nang ngkeilu neu

lami?" de eh keteu. 7 Keteibe pe dade, "Kedibo, dui nswak cu kecu dau

mige de acu teulwet rezai gage kai kebeu ga, na I lwet kezeu dau mi

kedame adwa lwet titi lalie," debeu. 8 Ge Jisu pe dade, "Culu delwe nzeu

teupwa lu eh tet lulo," debeu. 9 Na iciu gai siakke, mina ipaude ngkei di,

na pezeu teupwa tet ladi, na ipau nai de kemtakpe nai. 10 Cine

Judamedung ngkei kelube dade, "Henai kemtakpe nai tingba, ci ziemne

zeu teupwa kela hezaima," dedi. 11 Dede pa, penui dade, "Acu tei ngkei

kebeube a dade, 'Nzeu teupwa eh tet lulo,' debeu lie," dedi. 12 Ge penui pe

dade, "Nzeu teupwa eh tet lulo, de kebeube de cauno?" de eh keteu di. 13

Dede ngkei kelube ipaude caubi de kecu ci tadi. Kedane ma mina mage

cika bam na Jisu pe katei nreu ma gage gwang kedi ziemne. 14 Ipaucai

Jisu kerecaki gade pecu ngaulu eh, pe dade, "Ainie, nang ngkeilu da, ma

kesia nda gwang di kera kehing ziemne kem-mauta tei siso!" debeu. 15

Mina ipaude tet gwang pecu tei mmi kebeube de Jisu delie kecu pa

Judamedung dage rangbeu. Cide ziemne Judamedung Jisu de ngkau di, na

pecu dapcet ti zielie eh peidi, kedane ma pa kemtapkpe nai ma aidungde

tei kedi ziemne. 17 Dede Jisu penui dade, "Apei au cude matei bamlie, na

I de mateila," debeu. 18 Ge pa kemtakpe nai tingba kegileu runne mene

Tinggwang de pepei lie kedi pe katei pecule Tinggwang nsam tei kedi

ziemne pecu dapcet ti zielie eh pei mtingdi.

Nabe kengkieng

19 Ge Jisu penui dade, "I nnui dage rangsiakte liazie, Nabe pe katei au

mage de tei kelu ga, dede Peibe daipai tei labi pa kengaube-dung teila,

kedane ma Peibe daipai tei labi Nabe de cide nzwa eh tei kela ziemne. 20

Kedane ma Peibe Nabe de kulu na pa tei keladung pekiene pwa pecu lia

kela ziemne: na nnuide peu nnui suiga lu kera ziemne pa cide swa bata

kedidung de saupwa pecu liazie. 21 Iciu eh kecaime de kwak culu eh

penuide tei mringlu kela nzwa eh Nabe de cide nzwa eh pe suime de tei

mringlu la. 22 Peibe mige dede keteu lama, keheteu pekiene pwa Nabe ba

gage kaibeu dida. 23 Kedane mene mina keheibe de Peibe de nit kela

nzwa eh penuide peu Nabe dede riitlu kera ziemne, mina keheibe de Nabe

de riitla kemakme pecu langkegai Peibe dede rutla ma. 24 "I nnui dage

rangsiakte liazie, mina keheibe de a sam ngkinglu eh acu langkegaibe de

nlum kelume kelungta kering ngaulu bam dida, na ipaume mide mmau

kera ga gwang melie ne kecai ka keringga mpet tida. "I nnui dage

rangsiakte liazie, kecaimedung Tinggwang Nabe kwa cilu kerating gwang

zie, na cude gwang bam dida. 26 Kedane ma Peibe kering peda kela nzwa

eh, Nabe dede pe kering peda lalu lo eh peu dida. 27 Na pa mina Nabe tei

kedi ziemne mide keteu kera kengkieng kaipwa pecu peu dida. 28 Nnui

sam aide ziemne nnui suiga helo, kedane ma heraudung ga kelamedung

pekiene pekwa cilu zie. 29 Iciu eh keyi keteimedung ringdai cu kering ga

gwang zie, na kesia keteimedung ringdai cu penuide mmau kera ga gwang

kerating gwang zeu delu gu.

Jisu zierangmedung

30 "I a katei au magede tei kelu ga, I a kwenle siu kelu nzwa eh teu mide

keteula, na I a suibedung teineu melie ne acu langkegaibe suibe teineu kela

ziemne, I mide keheteu petau lie. 31 "I a katei azie rangla lie cai, a zierang

kesang ma, 32 a zierang kela kedage bam, na pa a zierang kela sambe

kesang kecu I cibam. 33 Nnui mide langpwa Johan dage kai na pa

kesangbe zierang tei gaibeu dida. 34 Dede I a ha zierang ketei au mina

dade ngaulu ma, dede nnuide peu kelikelu ngaulu kera ziemne I sam

aidungde rangla. 35 Johan ipaude heu kebam na ba kebam mitaube lie, na

nnui tingkakke pe keba gade nnui suiyi eh bamneu di. 36 Dede a zierang

ngau kelube au Johan dade ngau kelube swa diki; kedane ma Peibe acu

teicang beulo eh kaipwa acu kepeu batadung tei siakte kelabe ne Peibe acu

langgaibeu liekecu zierang teila la. 37 Iciu eh acu langkegai Peibe pe katei

a zierang teibeu da, nnui au madau gede pe kwade cima na pe rehide

ngauma. 38 Na nnui pesam nnui lung gage kaiteu la lama. Kedane ma acu

langkegaibe nnui ipaude de nlum la kemak ziemne. 39 Kesanglaisiu gade

kelungta kering ngaulu lalie kecu de cette nnui cidungde pei eh pei laia, na

a zierang kela cidungde delie. 40 Dede nnui kering ngaulu kera pei ada

gwang lama. 41 I mina dade hetwa peineu ma. 42 Dede nnui nnui lungle

Tinggwang de kula kemak I cibam. 43 I a Pei ziteu eh gwang dede nnui

acu ngngwa lurna; kedame ge pe katei pezi teu eh gwang cai nnui pecu

ngngwa luzie. 44 Nnui Tinggwang dade kegwang hetwabe pei mene nnui

hangge hangge dade hetwa pei kelamadung nnui dai nzwa eh nlumlu

zieno? 45 Nnui acule Peibe dade nnuide mmau zielie mning helo, nnuide

mmau kera gebam, cide nnui pema regui kela Mosa lie. 46 Iciu eh nnui

Mosa de nlum cai acu de nlumlu kerabe nage, kedane ma pa ne aha raugai

beu kecune. 47 Dede nnui pa rauke-gaibedung nlum lame liecai dai nzwa

eh nnui a samdung nlumlu zieno?" dedi.

Jisu mina cang mengei puktei kebeu

6:1 Ipaucai Jisu Tiberia duikedi lie kela Galil duikedi kung lule bie gwang

di. 2 Na pa keteimedung dage misuikega batadung tei kegai penui

ngaukelu ziemne mina madige pecaisui di. 3 Na Jisu kideutu reuga bam eh

pa ledeukelumedung de ngngwa cika bamdi. 4 Cidau Judamedung

Kakegwang ngi hengi kera mna di. 5 Cidau Jisu ngangcu ge mina madige

peda gwang kela ngaulu eh, Filip dade, "Anui mina ludung de puk teilu

kera dai gade ngku luilu zieno?" de eh keteu. 6 Filip lung keyi kesia cilu

kera ziemne pa sam aide kerang lie; pa tei zielie kecube pe katei cikap

lugu. 7 Ge Filip pe dade, "Migede manage ge peu gwang zielie de ngku

kangpi haina mige de zigwang cang gailak!" dedi. 8 Ledeukelumedung

mige Simon Pitor caihereibe Andria pe dade, 9 "Hename ge aika ngku

kwak mengei na heka pum keceuna kena teu lalie: dede mina aipau kiege

kak kade ainade le teu daipai ge teizie ah?" dedi. 10 Ge Jisu, "Minadung

de peu bamlu lo," debeu; na cika cehei bamsut, iciuge mina cang mengei

ntum bamlu. 11 iciuge Jisu ngku keupwa lu, iciu eh pa Tinggwang de

twagai eh nzi pwa ntumbam kelume leune de peu kapbeu, cide nzwa eh

hekana kena de penui kekie tane kaibeu. 12 Iciu eh penui nggei kaplu ge,

pa ledeukelumedung dade, "Ket-te gidi mene tei kebangbedung hek-wa

kaplu lo," debeu. 13 Ge penui ngku kwak mengei de tei eh teibang kelu

pesuinadung pei hekwa gwang ge hebiena kerie kenangkei puilu. 14 Iciuge

minadung pa misuikega bata tei kegai ngaulu ge, "Mina aipaude ai kideu

ga gwang zielie eh kela cairasamkecibe kesang delie!" dedi. 15 Cine mi

gwang pe kemei tei eh pecu nimpwa pecu peu hegwang tei zielie eh bam

kedi Jisu cilu eh pe katei tet nreu kideutu reu ga gwang di.

Jisu duireu ga tet kecu

16 Iciu eh tingmui radige pa ledeukelumedung duikedi ga hung-di. 17 Iciu

eh lim gega lwetlu eh tetpwa duikedikung Kafarnaum ga gwang di. 18 Ge

tingkai gui siitti na duikedi nswak cudi. 19 Iciu eh penui lim taup-wa mail

kecum mdai gwang di zeuge Jisu duikedi reu gade tet gwang kela ngaulu

eh penui ngngi siitti. 20 Dede pa penui dade, "I lie nnui ngngi helo," debeu.

21 Cine penui pecu ngngwa lim ga nlwetlu neu eh ladi; na cidau limbe

penui gwang zielie eh kelabe deuga gwang cangdi.

Mina Jisu de kepei

22 Ipaucaibe nai duikedi kung lule giem kebammedung ngau kecu limge

runne cai lim keda gede ipau niga ga, na Jisu ledeukelumedung de ngngwa

ipau lim reuga ngkei ma ledeukelumedung katei gwang di. 23 Dede

Tiberia gade limdung ge gwang eh ipau ni gade Rampaube Tinggwang de

twa kegai cai mina mabe de peu ngku ketei deu kemna ga gwang. 24 Cine

minadung, Jisu de na ledeukelumedung de cika bam kemak ngaulu eh

penui lim ga ngkeilu eh limtau Jisu de pei Kafarnaum ga gwang.

Jisu kering ngkube

25 Iciu eh penui duikedi lule gimde pecu ngaulu ge pecu, "Keledeubo,

nang daipau ting-dauge aika gwang di deno?" dedi. 26 Jisu penui dade, "I

nnui dage rangsiakte liazie, nnui misuikega batadung kengau ziemne melie

ne ngku tei eh nggei kelu ziemne acu pei kela lie," debeu. 27 Kap eh gadi

kerabe taktei ziemne keherei melie ne mina Nabe kaipwa nnuide peu kera

kelungta kering peu kera tak-teibe ziemne keherei lulo: kedane ma Peibe

Tinggwang ne pereu gage pegiak dapti de kecu ziemne. 28 Ge penui dade,

"Anui dai nzwa eh Tinggwang batadung teilu kemak cai siano?" dedi. 29

Jisu penui dade, "Nnui Tinggwang ne pecu langkegaibe de nlum kelude

Tinggwang bata delie," debeu. 30 Ge penui pe dade, "Anuide peu ngau eh

nlumlu kera nang daipai rehi ge anuide teilia lano? Nang daipai bata ge tei

lano? 31 Anui peimedung nda renam gade mana tei, rauteu kela de nzwa

eh; penuide peu tei kera ziemne pa tinggem gade ngku kaipwa penuide

peu." 32 Ge Jisu penui dade, "I nnui dage rangsiakte liazie, tinggem gade

ngku kaipwa nnuide kepeube Mosa ne melie ne a Pei ne tinggem gade

kesang ngkube kaipwa nnuide peula. 33 Kedane ma tinggem gade hung eh

kering kaipwa kideube de peu kelabe cide Tinggwang ngkube de kecu

ziemne." 34 Iciuge penui pe dade, "Ram-paubo, nang kelungta kering ngku

cide anuide peu mui lalo," dedi. 35 Jisu penuide, "I kering ngkube delie,

mina keheibe de ada kegwangme madau gede mzeu dilak na mina keheibe

de acu nlum kelume madau gede hereu dilak. 36 Dede I nnui dage ranglia

zie, nnui acu ngaulu de nlum lama. 37 Peibe ne kaipwa acu kepeu leune

ada gwang kapzie, na mina keheibe de ada kegwangme I cipaume de gidi

lak. 38 Kedane ma I a katei a suibedung tei zielie melie ne acu langkegaibe

suibe tei zielie eh tinggem Hgade hungbam kecu ziemne. 39 Iciu eh acu

langkegaibe suibe au pa kai W pwa acu peu kedimedung pekienedung acu

peu cidungde kette tei ngga di mene kamtube nai peu cide de kwaklu kera

delie. 40 Iciu melie ne Nabe de pie eh pecu nlum kelame kelungta kering

ngaulu zie, na kamtube nai I pecu kwaklu zie, cide a Pei sui delie," dedi.

41 Iciu eh, pa, "I tinggem gade kehung ngkube delie," de kegai ziemne

Judamedung pe ziemne samkie di. 42 Iciu eh penui, "Aide Josef na Jisu

anui pepui pepei de kecibe de meni? Iciucai daitei eh pa, 'I tinggem gade

hung lie de eh rangla no?" dedi. 43 Ge Jisu penui dade, "Nnui sam kie

selo. 44 Migede acu lang-kegai a Peibe ne pecu ngngwa gwang kemak cai

ada gwang gailak: na I kamtube nai pecu kwaklu zie. 45 Iciu eh,

'Tinggwang de peu penuide ledeu luzie; de kecu cairasamkecime

laisiudung gage rauteu lalie. Mina keheibe de Peibe sam ngkinglu eh ci

kelume ada gwangla. 46 Tinggwang dade kegwangbe kemak cai migede

Peibe de ngau ma, ipaude au Peibe de ngau lie. 47 I nnui dage rang siakte

liazie, acu nlum kelube kelungta kering bam dida. 48 I kering ngkube

delie. 49 Nnui peimedung nda renamkang gade mana tei dede penui caidi

da. 50 Aide au mide peutei eh caidi kelak tinggem gade kehung ngkube

delie. 51 I tinggem gade kehung kering ngkube delie, mina keheibe de

ngku aide keteime kelungta ringla dizie, kideube de tei mringlu kera

ziemne I kaibeu kera ngku cide a tei delie," debeu. 52 Cine Judamedung

kesamliem eh, "Mina aipaude dai nzwa eh petei pwa anuide peulu zieno?"

dedi. 53 Ge Jisu penui dade, "I nnui dage rangsiakte liazie, nnui mina Nabe

tei tei na pezai sak kemak cai kering nnui lungga galie. 54 Mina keheibe

de a tei tei na a zai sak kelame kelungta kering bam dida, na I kamtube nai

pecu kwaklu zie. 55 Kedane ma, a tei au mi taktei kesang na a zai mi

kesakpe kesangbe lie. 56 Mina keheibe de, a tei tei na a zai sak kelame a

lungga bamla, na I de pe lungga bamla. 57 Ringkela Peibe ne a cu langgai,

na I a Peibe ziemne ringkela nzwa eh mina keheibe de a tei tei kelame cide

ziemne ringla dizie. 58 Aide au tinggem gade kehung kering ngkube delie,

nnui peimedung nda mana tei eh cai kedi nzwa ma, mina keheibe de ngku

aide keteime kelungta ringla luzie," debeu. 59 Pa Kafarnaum gade mide

ledeu kecu dau penui ngkwaki gade sam aidungde ranggai.

Kelungta kering sam

60 Cide pa ledeukelumedung mina kekie sam cide cilu ge, "Sam aide sam

kehung ge; cau ne ngking lu zia?" dedi. 61 Dede ledeukelumedung kak

kade cide ziemne kebwak kedi Jisu cilu eh penui dade, "Sam aide ziemne

nnui kiemdi deni? 62 Iciu eh nnui mina Nabe nda pe bamga cu kedi

ngaucai dai nzwa zie ah? 63 Kering kaibeu kelabe au herabe lie, mitei au

mage de tei gailak, I nnui dage rang kelabe samdung au herabe na kering

sam lie. 64 Dede nnui kak kade nlum kemak kangge bam," debeu. Kedane

ma Jisu au nda gede nlum kemakmedung caudung ge bi, na pecu nimpwa

miba gage kaibeu kerabe caubi cide de cila kedi ziemne. 65 Iciu eh pa, I

aipau dwa nnui dade, "A Pei dade kengkieng kaipwa pecu peu kemak cai

migede ada gwang gailak lie beu dida," debeu. 66 Ipau sam de ziemne pa

ledeukelumedung kekie ge nii di na pecu ngngwa la sita di. 67 Ge Jisu

keriekenangkei bau dade, "Nnuide tet ti neu lani?" dedi. 68 Iciuge Simon

Pitor pe dade, "Rampaubo, anui cauda gwang zieno? Nang kelungta

kering sam teula. 69 Ci runne ma nang Tinggwang keringbe Na Khristabe

lie kecu anui nlum siakte la dida," dedi. 70 Ge Jisu penui dade, "I nnui

keriekenangkeidung de kedetlu meni, na nnui hangge au herake-siabe ge?"

71 Pa Simon na Judas Iskariot ha sam aide rang: kedane ma

keriekenangkeidung kak kade pa Jisu de nimpwa miba gage kaibeu kerabe

de kecu ziemne.

Jisu na peeaihereimedung

7:1 Ipaucai Jisu Galil deuga terwa ladi, judamedung pecu dapcet ti zielie

eh pei kedi ziemne pa Judiame deuga terwa tadi. 2 Cidau Judamedung

haga bam eh hengi kelabe ngi de mna di. 3 Cidau peeaihereimedung pe

dade, "N caisuimedung dede peu nang tei kela batadung ngaulu kera

ziemne nang aika de tet Judiame deuga gwang lulo. 4 Mige de pezi de peu

mdu neu cai mbai eh matei lama, nang ma aidungde teila lie cai n katei neu

pwa kideube de lialu lo," dedi. 5 Kedane ma peeaihereimedung de pecu

nlum ta kedi ziemne. 6 Iciuge Jisu penui dade, "A ting gwang cang mereu,

dede nnui ting au cangbam muila lie. 7 Kideube au nnuide ngkau lak, dede

I pe batadung de sialie kebeu ziemne acu ngkau lalie. 8 Nnui hengi aika

hang-lo, I au hengi aika hanglak, kedane ma a ting cang mereu lugu," dedi.

9 Iciueh pa penui dade sam cidungde ranggai eh pa Galil ga bamsi di.

Jisu hengi dau kerecaki ga kebam

10 Iciu eh peeaihereimedung hengi ga hang kedi cai pa mdu mene mbai eh

cika hang. 11 Ge Judamedun-ghengi gade pecu pei eh, "Pa daiga bamno?"

dedi. 12 Iciu eh mina mabe kak kade peha rang eh pupbak ti; kangge, "Pa

mina keyi lie," dedi. 13 Dede Judamedung de kehing ziemne migede peha

rang mdu tadi. 14 Iciu eh hengi sumge dau Jisu kerecaki ga hang mide

ledeu. 15 Ge Judamedung penui suiga eh, "Mina aipaude madau gede

laisiu pei mene dai nzwa eh laisiu cilu dino? dedi. 16 Ge Jisu penui dade,

"I mide ledeu kela aide a sam melie ne acu langkegaibe samlie; 17

minakeheibe de pesuibe teineu la lie cai sam aide Tinggwang dade mi a

katei a dade rangpet labi de kecu cilu zie. 18 Mina. keheibe de pe dade

marang kelame pe katei pezibe pei lalie, dede pecu langkegaibe zi pei

kelame ipaume au kesang lie, ma kesang kemak kette pe lungga bamma.

19 Mosa ne hezai kaipwa nnuide peu meni? Iciu liede nnui migede hezai

cide tei eh mzai lama; nnui daitei eh acu dapcet ti zielie eh pei lano?" dedi.

20 Mina mabe pe dade, "Nang hera kesia gede ngngwa la! Cau neu dapcet

ti zielie eh lano ?" dedi. 21 Jisu penui dade, "I mage teilu ge nnui cide de

nnui suiga kapla. 22 Mosa ne hegeu kerum zai kaipwa nnuide peu (cide

Mosa dade melie ne nnui paumedung dade delie) na nnui kemtakpe nai de

migeu rumla. 23 Nnui Mosa zai gileu di kera keh-ing ziemne kemtakpe nai

migede tei mmi cang siakte kebeu ziemne nnui rata lani? 24 Hegwale

kengau gade keyi kesia cetme liene, makesangbe teu eh macet lulo,"

debeu.

Pa Messiah deni?

25 Iciuge Jirusalemme kangge, "Mi pecu dapcet ti zielie pei kelabe de

aipaude meni? 26 Na pa aika bam, marang mdu siit sap, iciude migede pe

dade rangma, pa Khris-tabe lie kecu kedimedung cilu kesangdi demi?

Kehei teide mina aipaude dai gade gwang bi de kecu anui cibam, 27 dede

Khristabe keg-wang dau au, pa dai gade gwang bi de kecu migede cilak,"

dedi. 28 Cine Jisu kerecaki gade mide ledeu sabake, "Nnui acu ci, na I dai

gade gwang bi de kecude cibam iciu eh a katei a suiteieh gwang ma, dede

nnui pecu ci kemak acu langgai kebeube ipaude au kesangbe delie. 29 I

pecu cibam, I pe dade kegwang ne, na pane acu langgai beu kecu ziemne."

30 Iciuge penui pecu nimlu zielie eh cet ti, dede peting gwang cang mereu

kecune migede peba hwap-wa pereu gage kaima. 31 Iciu eh mina kekie

pecu nlumlu eh cu, "Khristabe kegwang dau pa mina aipaude tei kegai

aidungde swa misuike-ga batadung tei kiesi zieni?" dedi.

Jisu de tuilu lo reketme de langkegai

32 Farisimedung mina mabe peha rang pupbak la kedi cilu, cide ziemne

kecingkedimedung na Farisimedung pecu nimlu lo eh heg-wamedung de

langgaibeu. 33 Cidau Jisu cu, "I tingkak nage runne nnuide ngngwa bam eh

acu langkegaibe da gwang dizie; 34 nnui acu pei zie dede ngau gailak; nnui

I kebam ga gwang gailak," dedi. 35 Cine Judamedung penui kak kade

mpau eh anui pecu ngaugai lak lie kecu mina aipaude dai gage gwang di

zielie zeubi? Pa Grikme lung zangra kelamedung kakka gwang eh penuide

ledeu ladi zieni? 36 Pa, 'Nnui acu pei zie, dede ngau gai lak, na nnui I

kebam ga gwang gailak,' de eh kerang aide dai sam geno?" dedi.

Keringdui reudung

37 Iciu eh hengi tingba kedi kamtube nai Jisu cusap eh marang sabakke,

"Mina keheibe de hereu cai pecu peu ada gwang eh saklu lo. 38 Mina

keheibe de acu nlum kelame kesanglaisiu ga kerang nzwa eh pelung gade

keringdui reu lwapet tizie, 39 "Dede pecu nlum kelume-dung herabe

ngaulu kera ha pa sam aide rang; kedane mene Jisu zierang teilu mereu

kecune.

Mina zina tei kedi

40 Cine njina mabe kangge sam cidungde cilu eh aide cairasamkecibe

kesangde lie," dedi. 41 Kedame kangge, "Aide Khristabe delie," dedi;

dede kangge, "Khrista Galil gade pet zieni. 42 Khrista David leu gade na,

David nda kebam nam Bethlehem gade pet zielie kecu kesanglaisiu

rangteu la meni?" dedi. 43 Iciu eh pe ziemne mina mabe de peu mana teidi.

44 Na kangge pecu nimlu neu di; dede migede pereu gage peba hwagai

ma.

Judamedung nlum kemak

45 Iciuge hegwamedung, cing-kumedung na Farisimedung da nii gwang

daige ipaumedung penuide, "Nnui daitei lugu pecu ngngwa meno?" dedi.

46 Hegwamedung penui dade, "Migede aipaude nzwa eh marang lu

melie," dedi. 47 Ge Farisimedung penui dade, "Mide peu nnuide de cwadi

deni? 48 Kedimedung na Farisimedung hangge de pecu nlum di deni? 49

Dede mina hezai ci kemak aipau mabe resiupung dida," dedi. 50 Penui

kak kade mige, nda Jisu da kegwangbe Nikodema penui dade, 51"Anui

zai gade misam cima na mi bata ci mswa mene mide mmau kecu hezaini?"

dedi. 52 Ge penui pe dade nang de Galil meni? Pei pie pielo, Galil gade

cairasamkeci gede cula kemak cilu zie," dedi. 53 Iciuge penui hangge ge

pe kilungga gwang kapdi.

Rehang kengngwa puige de tui kelu

8:1 Dede Jisu tetpwa Oliv kideutu reuga gwang di. 2 Iciu eh pa tingcang

nuge tet daipwa kerecaki ga gwang, ge mina pelane peda gwanglu, iciuge

pa bamlu eh penuide ledeu bamdi. 3 Cidau laisiucitumedung na

Farisimedung mipui ge rehang ngngwa la eh nim-teu eh peda gwang, iciu

eh penui pecu penui kak kage kailu eh, 4 penui Jisu dade, "Keledeubo,

mipui aipau puide rehang ngngwa la eh nimlu delie. 5 Na Mosa hezai kai

kebeu, iciu kecu mede ncule samlo eh pesam kaibeu, na nang au dai nzwa

lie zieno? 6 Penui pecu mmau keneu ziemne pecu, kedakke sam aide rang,

dede Jisu keukei mie pezurangle kideu rau bamdi, pa penui sam siu kemak

nzwa eh. 7 Dede penui pecu keteu eh bam kedi ziemne pa ngangcu penui

dade, "Nnui kak kade kemau tei mezing kecuge neu kelien raipwa aipau

puidesamrai gai pielo." 8 Iciu gai eh pa keukei mie pezurangle kideu

raubam daidi. 9 Ge penui pesam cide cilu ge cingtube gade gwang

kamtube kecang hangge ge mzau eh tet kapdi, iciu eh Jisu runne na sumga

kesap pepui runne bamdi. 10 Ge Jisu ngangcu ge mipui gwale migede

kega ngau eh pe dade, "Mipoe, neu mmau kesapme-dung daiga bamno?

Migede neu mmaume deni?" dedi. 11 Dege pa, "Mige de iciu mede lie,

Rampaubo," dedi. Ge Jisu pe dade, "I de neu mmaulak, tet gwanglu,

aipaucai makesia tei siso," debeu.

Jisu kideu kebabe

12 Ge Jisu penui dade, "I kideu kebabe lie; a caisui kelame kemui ga

terwa lame liene kering kebabe ngaulu zie," dedi. 13 Cine Farisimedung pe

dade, "Nang n katei n zierang la, n zierang kesangma," dedi. 14 Jisu penui

dade, "I a katei a zierang liede a zierang kesanglie, kedane ma, I dai gade

gwang na daiga gwang dai dizie bi de kecu ci kela ziemne, dede nnui au I

dai gade gwang na daiga gwang dai dizie bi kecu ci lama. 15Nnui au

mipum teibe gade keyi kesia cetla, I au mige dede keteu ma. 16Na I au

mide keteu liede, mide keheteu petau, kedane mene I au a katei lama,

dede acu langkegai a peibe de sila. 17Na hangna zierang au kesanglie

kecu nnui zai ga gede raupwa la. 18I a katei a zierang la, na acu langkegai

Peibe a zierang la," dedi. 19 Ge penui pe dade, "N pei daiga bamno?"

dedi. Jisu penui dade "Nnui acu de na a pei dede ci lama, nnui acu ci cai a

pei dede cilu zie nage," debeu. 20 Jisu kerecaki gade mide ledeu kecu dau

ma kengkwa bung gade sam aidungde rang, dede peting cang mereu

kecune migede peba hwapwa pereu gage kaima.

I kegwang ga nnui gwang gailak

21 Ge Jisu penui dade, rangdai eh, "I tet tizie; na nnui acu pei eh nnui mau

gade cai dizie; I kegwang ga nnui gwang gailak," dedi. 22 Ge

Judamedung, "I kegwang ga nnui gwang gailak de kecu ai pa pe katei

pecu dapcet ti zieni?" dedi. 23 Ge pa penui dade, "Nnui pe kangga delie, I

au pereu ga delie, nnui au kideu aika delie, I au kideu aika de melie. 24

Cine I nnui dade, 'Nnui kemau gade cai dizie,' debeu da, kedane mene nnui

I ipaude lie kecu nlum kemak cai nnui kemau gade cai dizie," dedi. 25 Ge

penui pe dade, "Nang cauno?" dedi. Jisu cu penui dade, "Kerai gade I nnui

dage kerangbe de delie. 26 I nnui ha ma kekie ge rang kera na keteu kera

bam: dede acu langkegaibe au kesang, na I pe dade a kwenle siu keludung

I cidungde pwa kideube dage rangla," dedi. 27 Penui pa penui dade Peibe

hapwa rang kegaide cet lu tadi. ^Ge Jisu penui dade, "Nnui mina Nabe de

pwacu kecu dau, cildau I ipaude lie kecu, na I a katei a dade magede tei

mene, Peibe ne acu ledeu kegai nzwa eh I cidungde rang kela nnui cilu zie.

29 Na acu langkegaibe acu ngngwa laia; pa acu mput pwa acu peu a katei

di lama: kedane ma, I pe suibe leune tei kela ziemne," debeu. 30 Pa sam

aide ranggai ge mina kekie ge pecu nlumlu.

Tinggwang na na Satan namedung

31 Cine Jisu Judame pecu nlum kedime dade, "Nnui a sam ga bam cai

nnui a caisuime kesang dida. 32 Na nnui kesangbe cilu zie, na kesang cide

ne nnuide lungmpet peu dizie," dedi. 33 Ge penui pe dade, "Anui Abraham

leume, na anui madau gede mibang teima, nang daitei eh, 'Nnuide

lungmpet peu zie de kecu rangzeu no?'" dedi. 34 Jisu penui dade, "I nnui

dage rangsiakte liazie, mina keheibe de maula kecume kemau bang delie.

35 Na mibangme kilungga bammui lama, dede pe name au bammui la. 36

Cine Nabe nnuide lungmpet kesang teibeu zie. 37 I nnuide Abraham leume

lie kecu cibam, dede a samdung nnui lungga pe bamga kecu ziemne nnui

acu dapcet ti zielie peila. 38 I a pei de ngngwa la eh ngau kelubedung teu

eh rangpwa laia, na nnuide nnui peibe dade ngau kelubedung teila," debeu.

39 Ge penui pe dade, "Abraham anui peilie," dedi. Jisu penui dade, "Nnui

Abraham name liecai Abraham bata nzwa eh teilu zie nage. 40 Dede ci

kelu kesangbe pwa nnui dage rangkebeu acu de dapcet ti zielie eh peila

dida, Abraham au ai kenzwa teima.41 Nnui au nnui peime bata nzwa eh

teila," debeu; ge penui pe dade, "Anui hekakna ma, anui peige bam, ipaude

Tinggwang lie," dedi. 42 Jisu penui dade, "Nnui Tinggwang de nnui pei

liecai nnui acu kulu zie nage, kedane mene, I Tinggwang dade pet kecu

ziemne, na I a katei gwang melie ne pa ne acu langgai kebeu ziemne. 43

Nnui daitei eh a sam rang cila meno? Cide au nnui a sam ngking pai gailak

kecune lie. 44 Nnui au nnui pei hera kesiabe da delie, na nnui nnui peibe

suibe teineu la, pa kerai gade mide dapkecetme ge na pelungga makesang

ga kecu ziemne pa makesang ga bamla ma, pa kenret kerangdau pe katei

pe dade rangpet la, kedane mene pa ken-retme na kenretme puibe de kecu

ziemne. 45 Cine I kesangbe nnui dage rangde nnui acu nlum lama. ^Cauge

kemau acu ndam lu laino? Na I kesang rang liecai daitei eh nnui nlum lame

no? 47 Tinggwang dade kepetme Tinggwang sam ngkingla, nnui

Tinggwang dade pet kemak ne nnui cide ngking lama," debeu.

Jisu na Abraham

48 Judamedung pe dade, "Nang Samariame ge na herakesiabe de ngngwa

lalie kecu anui rangla melui ni?" dedi. 49 Jisu penui dade, "I herakesia

ngngwa lama, dede I a Peide rutla, dede nnui au acu rutla kemakta teila.

50 Iciu liede I a katei a suibe pei lama, pei kela na keteu kelame gebam.

51 I nnui dage rangsiakte liazie, mina keheibe de a sam mzaila liecai pa

madau gede kecai ngaulak," debeu. 52 Judamedung pe dade, "Nang

herakesia gede ngngwa lakecu anui cu au cilu da, Abraham de na

cairasamkecimedung de cai dida, delwe nang rangkecu mina keheibe de a

sam mzai lalie cai pa madau gede kecai ngaulak dezeu. 53 Nang anui pei

Abraham swa dini? Pade na cairasamkecimedung de cai dida. Nang n

katei ncule cauge lie lano?" dedi. 54 Jisu penui dade, "I a katei acu twala

liecai acu twa kela cide au kemta, dede nnui pecu nnui peilie kela a Pei acu

twala. 55 Iciude nnui au pecu cilu meda, dede I au pecu cibam, na I pecu

cime lie cai, nnui nzwa eh I de kenretme tei dizie, dede I au pecu cibam na

I pesam mzaila. 56 Nnui pei Abraham a ting-ba ngauneu siit cu eh pa cide

ngaulu eh pe suiyi luda," debeu. 57 Iciuge Judamedung pe dade, "N

teilung zie mmi riangei gede mene nang Abraham de ngau lienia?" dedi. 58

Jisu penui dade, "I nnui dage rang siakte liazie, Abraham dwade I lalie,"

debeu. 59 Iciuge penui neu keupwa pecu sam zielie di: dede Jisu penui kak

kade tet nreu mbai pwa kerecaki hegwale mpet ti.

Jisu miakcetme miakke tei mmi kebeu

9:1 Iciu eh Joisu tet gwang zeuge, mige mna kelu gade pemiak-cet ti eh

kelame gede ngaulu. 2 Ge pa ledeukelumedung pecu keteu eh,

"Keledeubo, mina aipaude pemiakcette mna kelu pa mi pepui pepei kemau

ziemne no?" dedi. 3 Ge Jisu penui, dade. "Mina aipaude dema na pepui

pepei kemau ziemne dema: dede pe dade Tinggwang bata pwa mide lia

kera ziemne aiciu kelu lie. 4 Tingba kebam dau I acu langkegaibe batadung

tei kemak kai sia: migede ma gede teigai kelak tingmui ziebe gwang

zeuda. 5 I kideu ga kebam dau I kideu kebabe delie," debeu. 6 Pa sam

cidungde rangkegai dau pa mcai msui pwa kideu gage kailu eh, pe mcaile

pwa ndei teilwe cide pwa miacetpe miak keniak kai. 7 Iciu eh pe dade,

"Mie Siloam zai gade huidi lulo," (cide pekie langkegai) ge pa tet mie eh

huidi ge mangaulu eh gwang di. 8 Cine pe kidamedung nda pa bam eh

maha tei eh kela kengaume-dung, "Mina aipaude nda bam eh maha tei

kelabe demeni ai?" dedi. 9 Ge kangge, "Ipau deda," dedi; kedame kangge,

"Ma, ipaude ma, pa kenzwa ge," dedi, dede pa, "I delie," dedi. 10 Iciuge

penui pe dade, "Iciucai dai nzwa eh nmiak mangaulu dino?" dedi. 11 Ge pa

penui dade, "Jisu lie kecube de ndei teilu eh pwa amiak kena gage kai eh a

dade, 'Nang tet Siloam Zai ga mie huidi lo,' debeu, cine I mie huidi ge

mangaulu da," debeu. 12 Iciuge penui pe dade, "Ipaude daiga bamno?"

dege pa penui dade, "I cima," dedi.

Farisime mangau kelube hade keteu keting kecu

13 Ge penui nda pemiakcet kelabe de ngngwa Farisimedung da gwang. 14

Na Jisu ndei teilu eh pemiak tei mmi kebeube nai kemtakpe nai. 15 Cine

Farisimedung pa dai nzwa eh mangaulu dibi de eh pecu keteu ge pa penui

dade, "Pa ndei pwa amiak gage kaibeu eh I mie huidi ge mangaulu dilie,"

debeu. 16 Iciuge Farisimedung kangge, "Mina aipaude Tinggwang dade

gwang ma; kedane mene pa kemtak tingba mzai la me lugu," dedi, ge

kedame kangge, "Mina kemaume dai nzwa eh misuikega bata ai kenzwa

teilu zieno?" dedi, iciu eh penui kak kade kesamcam di. 17 Ge penui

miakcetpe dade, "Pa nmiak tei mmi kebeu ziemne nang peha dai nzwa eh

cet lano?" dedi. Pa penui dade, "Pa cairasam-kecime gelie," debeu. 18

Dede Judamedung pa pemiakcetla eh mangau dai kelu ha pepui pepei de

kuteu gwang keteu kemakta nlum tadi. 19 Iciu eh penui penaide keteu eh,

"Aide nnai na pemiakcette mna kelube dede ni? Iciu eh pa cu dai nzwa eh

mangaulu dino?" dedi. 20 Pepui penai pepei, "Aide anai na kecu anai

cibam na pemiakcet eh mnalu. 21 Dede pa cu dai nzwa eh mangaulu dibi

anai cima, mede caune pemiak tei mrak beubi cide cima, pade hename ge

meda, pa pe katei ranglia lubui, pecu keteu lulo," debeu. 22 Pepui pepei

Judamedung de kehing ziemne sam cidungde rang, Judamedung kesam

zwa teu eh mina keheibe de pecu Khristabe lie kecu pet kecube de

ngkwaki gade gwadi zielie eh mtei teu eh bam kedi ziemne. 23 Cine pepui

pepei, "Pa de kecing-me ge dida pecu keteu lulo," debeu. 24 Iciu eh penui

miakcetbe de kuteu gwang dailu eh pe dade, "Nang Tinggwang de twa

lulo, mina ipaude kemaume ge kecu anui cibam di delu gu," dedi. 25 Ge

pa penui dade, "Pa kemaume mi mebi. I cima; dede I mage ci, cide I a

miakcet lage cu au mangaulu da," dedi. 26 Iciuge penui pe dade, "Pa n

dage daipai teigai no? Dai nzwa eh nmiak tei mrak beuno?" dedi. 27 Ge pa

penui dade, "I nu nnui dage rangkap beu dida, dede nnui kingnei lu meda

daitei eh cidai neu lano? Nnuide pecaisuime teineu lani?" dedi. 28 Ge

penui pecu kesiu eh, "Nang au pecaisuime da, dede anui au Mosa

caisuime. 29 Tinggwang nda Mosa dage marang kegai anui cibam, dede

mina aipaude au dai gade gwangbi anui cima," dedi. 30 Pa penui dade, "Pa

a miaktei mmi beude, nnui pa dai gade gwangbi de kecu ci kemak ma

misuikega ge. 31 Tinggwang au kemaume kwa ngking lama, dede mina

keheibe de Tinggwang de re:a, na pe suiyi tei kelame kwa ngkingla kecu

anui cibam. 32 Kideu tsi kelu gade cu kecang migede pemiakcette mna

kelume miak tei mmi kebeu ci mezing. 33 Mina aipaude Tinggwang dade

gwang kemak cai pa magede teigai lak," dedi. 34 Iciuge penui pe dade.

"Nang kemau gade mna siakte lu eh nang anuide ledeu zielie ni?" dedi,

iciu eh penui pecu gwadi.

Mirabe kilam mimiakcet kecu

35 Jisu penui pecu gwadi delie kecu cilu; iciu eh pa pecu ngaulu ge, pe

dade, "Nang Tinggwang Nabe de nlumlu demi?" de eh keteu. 36 Ge pa pe

dade, "Rampaubo, pa cauno? Acu peu pecu nlumlu kera," dedi. 37 Jisu pe

dade, "Nang pecu ngaude luda, neu mpau kesappe ipaude pa delie,"

debeu. 38 Iciuge pa de, "Rampaubo, I nlum di delie," de eh pecu reca di.

39 Ge Jisu, "Ngau mene kelame de peu ngaulu kera ziemne na ngau

kelame de peu pe miakcet ti kera ziemne, keyi kesia ci kera ziemne, I

kideu aika gwanglie," debeu. 40 Pecu ngngwa kela Farisimedung sam

cidungde cilu eh pe dade, "Anui miakcet ni?" de eh keteu di. 41 Jisu penui

dade, "Nnui miakcet liecai nnui mau gadi zie nage, dede cu au nnui, 'Anui

ngauzeu' deia, ci ziemne nnui kemau ga bamreu.

Meurun kekwabe samgwa

10:1 I nnui dage rang siakte liazie, mina keheibe de meurun rie kikam

gade lwet mene lampui kedale de mria kelwetme ipaume au migu

sutketeime lie. 2 Dede mina keheibe de kikam gade kelwetme ipaume

meurun kekwame lie. 3 Kimui kekwabe kikam ngkei pwa pecu peula; na

meuriindung pekwa ngkingla, na pa pe meuriindung zi ku eh penui mapie

laia. 4 Pa pe meuriindung de ngngwa pet luge, pa penui dwarai laia na

meuriindung pecaisui laia, kedane mene penui pekwa ci kelane. 5 Na penui

kedame caisui melie ne, penuide pak mria dila, penui kedame kwa cila

kemak ziemne," dedi. 6 Jisu sam regwa aide penui dage ranggai dede

penui pa penui dage rang kegaidung pekie cilu tadi.

Jisu meurun kekwa keyibe

7 Iciu eh Jisu penui dade rangdai eh, "I nnui dage rang siakte liazie, I

meurun kikambe lie. 8 A dingtei eh adwa kegwang pelane keregame na

migu siit keteime kaplie, dede meurundung penui kwa ngking meda. 9 I

kikambe lie, mina keheibe de a dade kelwetme pecu kelilu zie, ipaume

kekwabe de ngngwa pet na nlwet eh petaktei ngaulu zie. 10 Keregame

rega zielie eh na dapcet zielie eh na ma nkap zielie kecube cai ma keda

mning eh gwang lama: I au mide peu kering ngaulu zielie eh na cide peu

ngau kielu kera ziemne gwanglie. 11 "I meurun kekwa keyibe lie; meurun

kekwa keyibe au meuriindung ziemne pepum kaibeu la. 12 Meuriindung

de pegu kemakpe meurun kekwabe mine pezie li teu eh kelabe au heneu

kegwang ngaulu ge meurundung de gidi eh pak tila, iciu eh heneude peu

penuide tui, na pak zangra dila. 13 Pezie liteu eh kelabe pak kedi, pa pezie

liteu eh kela peziebe gwale pe meurundung zai mningla kemak ziemne. 14

I au meurun kekwa keyibe delie. I a meurundung de cibam; na agudung de

acu cibam. 15 A pei acu ci kela nzwa eh I de a Pei de cibam, na I

meurundung ziemne apum kaibeu lai eh zeulie. 16 Na aipau hauga bam

kemak a meurun kedabe de bamreu, I cidungde de ngngwa gwang kemak

cai sia; na cidungde au a kwa cilu zie, iciu eh penui pelane ngngwa hauge

tei eh penuide kekwade ket tizie. 17 Na a Pei acu ku kela, I a pum kaibeu

eh cide lu dailu zielie eh kezeu ziemne. 18 Migede a dade ride siit teu di

melie ne I a katei cide kaibeu zeu, I cide kaibeu zielie de a kengkieng bam

na I cide lu dailu zielie de a kengkieng bam, sam kai kebeu aide I a Pei

dade ngaulu delie," debeu. 19 Pesam cidungde ziemne Judamedung kak

kade kesamcam di. 20 Penui mina kekie, "Pa herakesia ngngwa la dida, pa

mie dida, nnui daitei eh pesam ngking lano?" dedi. 21 Ge kedame kangge,

"Sam aidungde herakesia pecu ngngwa kelame sam ma; herakesiabe ge

miakcetme miak tei mmi beulu buini?" dedi.

Jisu de mlai kedi

22 Cidau Jirusalem ga kerecaki telei kecu ngibe cangdi na cide tingtik

dauge. 23 Na Jisu Solomon kerecaki kigu ga tet nlwet mpet bam. 24

Cidau Judamedung gwang pecu twagwa lu eh, pe dade, "Daitie ge nang

peu anuide ci mcilu mene bam zieno? Nang Khristabe de liecai anui dage

rang mei siakte beulo," dedi. 25 Ge Jisu penui dade, "I nnui dage ranglia

de nnui nlum lama: I a Pei ziteu eh matei kelabe-dung cidungde ne a

zierang tei laia. 26 Dede nnui a meurundung kemak ziemne I nnui dage

kerangdung nlum lama. 27 A meurundung a kwa ngkingla, na penuide ci,

iciu eh penui acaisui la. 28 Na I kelungta keringpwa peula, na cidungde

madau gede kap tilak, na migede a ba gade penuide siitteu di gailak. 29

Cidungde kaipwa acu kepeu a Pei ma p'elane dwade di na migede a Pei ba

gade penuide siitteu di gailak. 30 I penai a Pei au ket lie," debeu. 31 Iciuge

Judamedung neu keu-pwa pecu sam zielie daidi. 32 Ge Jisu penui dade,

"A Pei dade bata keyi kekie I nnuide keulia, bata cidung daipaube ziemne

nnui neu pwa acu sam zielie zeuno?" dedi. 33 Ge Judamedung pe dade,

"Bata keyi ketei ziemne anui neu-pwa neu sam zielie eh bamma: dede

Tinggwang de rang kemsia ziemne, na nang mina delwe n katei ncule

Tinggwang lie kela ziemne," dedi. 34 Jisu penui dade, "I rangkecu, nnuide

herabedung lie," de eh nnui zai gage rauzeu meni? 35 Iciu eh kesanglaisiu

sam au gika di gailak lu, pa Tinggwang sam peda kegwang medung de

herabedung lie kecu kucai, 36 I Tinggwang Nabe lie de eh I kerang ziemne

Peibe pecule mei lie eh kideu gage langgai kebeube de 'Nang Tinggwang

de ki zeu,' de ziemi? 37 I a pei batadung teila melie cai acu nlum so, 38

dede I cidungde teila liecai nnui katei acu nhimme liede batadung au nlum

lulo, iciulu liecai nnui Peine ada bam kecu na I Peibe da bam kecu ci na

nlum delu zie," dedi. 39 Cine penui pecu nimlu zielie pei dai ladi dede pa

penui dwa gade nbai eh tet ti. 40 Iciu eh pa tet daipwa Jordan reu lule gim

Johan kerai dau mide baptaiz keteibe bamga gwang eh cika bamdi. 41

Iciuge mina kekie peda gwanglu eh, "Johan au misuikega bata gede teima:

dede Johan mina aipaude ha kerangdung pelane kesang kaplie," dedi. 42

Iciu eh cika de mina kekie ge pecu nlumlu.

Lazar cai kedi

11:1 Iciu eh Maria penai peswa A kecingbe pui Martha nam Bethani ga

Lazar lie kecu mige matei bam. 2 (Na Maria ipau puide nda maca pwa

Rampaube de keniak kai eh petamle pwa Rampaube pi keneube puide: na

matei kebambe Lazar peheibe pei.) 3 Cine caiherei swakecingbe pui kena

mide lang-pwa pe dage kai eh, "Ainie, Rampaubo, nang pecu ku kelabe

matei bam dida," debeu. 4 Dede Jisu sam cide cilu ge, "Matei aide kecai

matei ma, dede Tinggwang Nabe de peu aide ziemne zierang teilu eh

Tinggwang zide peu hecilu kera ziemne lie," debeu. 5 Iciu eh Jisu Martha

penai pecaihereibe pui na Lazar dede hung eh gwang. 6 Dede pa ipaude

matei bamlie ci kelu caide cika langnane bamsi di. 7 Iciu eh ipau caine pa

ledeukelumedung dade, "Anui Judia ga nii gwang dai cugo!" dedi. 8 Ge

ledeukelumedung pe dade. "Keledeubo, Judamedung cune ncupwa neu

sam zielie bamde nang cika nii gwang daizie reuni?" dedi. 9 Jisu penui

dade, "Langnaige bamdak kak kerei eh kenangkei meni? Mina keheibe de

tingna terwa kelame, pa kideu aika kebabe ngau kela ziemne pepi nsui

lama. 10 Dede mina keheibe de tingmui terwa kelame pa keba kega

ziemne pepi msui la," debeu. uPa pesam aidungde ranggai eh ipaucai

penui dade, "Anui zangbe Lazar zip tida, dede pa zip kebam ngkialu kera

ziemne I gwangzie," debeu. 12 Ge ledeukelumedung pe dade,

"Rampaubo, pa zipzeu cai yi dailu zie," debeu. 13 Jisu au pa cai kedi ha

rang dede penui au pecu zip mtak zeulie eh pa ranglie kecu mning di. 14

Cine Jisu penui dage ranglia mei siakte beu eh, "Lazar cai dida! 15 Na

nnui ziemne I cika bam kemakpe a suiyi, kedane mene nnuide peu acu

nlumlu kera ziemne: dede anui peda gwang go," dedi. 16 Iciuge Thomas

mi pecu Didu-ma lie kelabe, ledeukelu pezang-medung dade, "Anuide

pecu ngngwa caidi kera ziemne gwang go! dedi.

Jisu ring nii cu dai kecube

17 Iciuge Jisu gwang keladau mi pecu pwa herau gage kai kedi

lang-mdaine kedi cilu. 18 Na Bethani Jirusalem kemna mail kena nsam

gage bam. 19 Na Judame kekie Martha penai Maria heibe pei ziemne

penai lung tei mla zielie eh penai kiga gwang bam. 20 Iciuge Martha Jisu

gwang zeulie kecu cilu ge tet gwang redau dede Maria au kilung ga bam.

21 Iciu eh Martha Jisu dade, "Rampaubo, nang aika bamcai a heibe pei

caidi lak nage. 22 Dede cude nang Tinggwang dade makeheibe kiede

Tinggwang dade cide pwa neu peu kera I cibam," dedi. 23 Jisu pe dade,

"N heibe pei ringdai luzie," debeu. 24 Martha pe dade, "Pa kekam-be nai

ringdai cu dailu kera I cibam," dedi. 25 Ge Jisu pe dade, "I ringdai cu

kecube da, na keringriabe da, mina keheibe de acu nlum kelame au caidi

de ringdai luzie. 26 Na ring kebam gade acu nlum kelume madau gede

caidi lak: nang aide nlum di demi?" de eh keteu. 27 Ge pade, "Yeo,

Rampaubo, nang kideu ga mie zielie kela Tinggwang Nabe Khristabe kecu

I nlum dida," dedi.

Jisu kehap

28 Pa sam cidung rang kegai cai pa tet gwang ngkim pecaihereibe pui

Maria de kulu eh, "Keledeube aika gwang eh neu kuzeu lie." debeu. 29 Ge

pa pesam siulu siakke zette culu eh peda gwang di. 30 Cidau Jisu renam

ga lwet mereu, dede Martha pecu ngwa keredau kecu niga sap. 31 Iciu eh

Judamedung pekilungga gwang pelung tau mla kebam me Maria kelwa siit

pet kedi ngau lu ge pecu herau gade gwang hap zie lie tet pet ti lie

kecumning eh tet pecaisui pet ti. 32 Iciu eh Maria gwang Jisu kesap niga

canglu ge keumie pepi ga zeulu eh pe dade, "Rampaubo, nang aika bam

liecai a heibe pei caidi lak nage," dedi. 33 Cine Jisu pa kehap na pecu

ngngwa kegwang Judamedung kehap ngau eh pelung sia pwa mbeu di eh,

34 Penui dade, "Nnui pecu dai gage kaipwa bamno?" dedi. Penui pe dade,

"Rampaubo, gwang eh pielo," debeu. 35 Jisu hapti. 36 Ge Judamedung,

"Pie pielo, pa pecu dai hungge hungbi!" dedi. 37 Dede penui kangge,

"Nda miakcetme miak tei mmi kelube pa mina aipaude de peu cai melu

kera tei gailak zieni?" dedi.

Lazarus de tei mring kebeu

38 Cine Jisu pelung keherei dai eh herau ga gwang na cide ketiet kige, na

neu gele ngket pwabam. 39 Jisu penui dade, "Neu de kwak tilo," debeu ge

kecaibe tipui Martha pe dade, "Rampaubo, cu au pepau tim nnam di eh da;

pa cai kedi langmdaine di delu," dedi. 40 Jisu pe dade, "I nu n dade nang

nlum lacai Tinggwang kengkieng ngau zielie beu meni?" debeu. 41Iciuge

penui herau gade ncube kwakti ge Jisu ngangcu lu eh, "A pie, nang a kekie

ngking kela ziemne I neu twala. 42Na nang a kwa ngking mui kela I ci, na

mina mabe acu twagwapung kesapme ziemne na nang acu langgai beulie

kecu penuide peu nlumlu kera ziemne I sam aidungde ranggai lie," debeu.

43 Iciu eh pa sam cidungde rang kegai cai marang sabakke, "Lazarus tet

mpet lulo," dedi. 44Iciuge cai kedibe pepi peba kang-pung eh na pai riele

pezu dumpung eh mpet sapti, iciuge Jisu penui dade, cide heudi eh pecu

peu gwang lulo," debeu.

Jisu mau kepei

45 Cine Judamedung Maria da gwang eh pe bata cide kengaume-dung

mina kekie pecu nlum di. 46 Dede penui kangge Farisimedung da gwang

eh Jisu matei kegaidung pwa penui dage rangbeu. 47 Cine cingkume na

Farisimedung gwang mpau eh, "Anui daipai teide yi ziebi? Mina aipaude

ma misuikega bata kekie teila dida. 48 Anui pecu peu aiciu eh bam zielie

cai mina pelane pecu nlum di zieda, na Romme gwang eh anui nam na anui

leume dede ngkap ti zieda," dedi. 49 Iciuge penui kak kade Kaifa lie kecu

mige, ipau kumne kecing kedi tei kebambe cu penui dade, "Nnui mage de

cet lama. 50 Mina pelane de peu kapti kera swa au mige de peu cai dide

anui ziu yiki zie," dedi. 51 Pa sam aide kerang pe katei pe dade rang

petma, dede ipau kumne pa kecing kedi teibam eh Jisu anui minadung

ziemne caibeu kemak cai kesia cairasamke-ci samrang gai. 52 Mina leuge

runne melie ne Tinggwang namedung za-ngra kelaleu nede pei hekwa teu

gwang peu ket teilu kera ziemne delie. 53 Iciu eh ipaunai tingba gade

penui ngngwa ngkwa eh pecu dapcet ti kera mning cudi. 54 Cine Jisu

Judame kakka mdu tetpet ham tadi, iciu eh cika de tetpwa hegung kem-na

Efraim he kecu nam gage gwanglu eh ledeukelumedung de ngngwa cika

bamdi. 55 Iciuge Judamedung Kake-gwangngibe mna di cine renam leune

gade mina kekie Kakegwangngi dwa pe katei pecu tei mcilu zielie eh tet

Jirusalem ga hangdi. 56 Iciu eh penui gwang kerecaki ga sap kelu-dau,

Jisu de pei eh, "Nnui lung kemning pa hengi aika gwang kera nlum mi

meno?" dedi. 57 Iciu eh kecing kedimedung na Farisimedung pecu nimlu

kera ziemne, mina keheibe de pa kela ga kecime paulia kemak cai sialie

eh penui sam kaibeu di.

Bethani gade Jisu de keheniak

12:1 Iciu eh Jisu Kakegwangngi hengi di kera dwa lang herukne dau aipau

dwa pa Lazarus cai kedi gade kwak mring kelu Bethani ga gwanglu. 2

Cidau penui pe ziemne mide ngngwa matei, ge Martha ne ma telei dede

Lazarus au pecu ngngwa ma ketei bamga kebamme hangge. 3 Cidau

Maria Spinard le ketei maca pemi hung-siit kecu seer piege pwa gwang

Jisu pi mnuk iciu eh petamle pepi neu bamdi, ge maca rimle kilung puidi. 4

Iciuge ledeukelume hangge, Judas Iskariot ipaucai pecu tuigai kerabe, 5

"Daitei eh maca aide kangpi haicum gage zwapwa kegame de peu meno?"

dedi. 6 Pa kegame zai mning eh sam aide rang melie ne pa keregame ge,

na pa rangkangbung teu eh makai kebeu gade keulu kela ziemne lie. 7

Iciuge Jisu marang eh, "Pecu peu acu kekungbe nai ketelei teidi lulo. 8

Kedane mene kegame au nnuide ngngwa bam muila dede I au nnuide

ngngwa bam muilak lugu," debeu.

Lazarus de teicet ti kera kemning

9 Iciuge Judame mina kekie ge Jisu cika bamlie kecu cilu eh penui Jisu de

riinne melie ne pa kecai gade kwak kelu Lazarus dede piesi zielie eh

gwang. 10 Dede kecing kedimedung Lazarus dede dapcet ti zielie eh

mning di. nPe ziemne Judame kekie ge gwang Jisu de nlum kedine.

Jirusalem ga hecili eh kelwet

12 Ipaucaibe nai hengi ga gwang kebam mina mabe Jisu Jirusalem ga

gwang zeulie kecu cilu ge, 13 penui palm kiakdung teu pecu redau zielie

eh pet sabak eh, "Hosana, Israelme kedibe, Rampaube ziteu kegwangbe

samlam pungtu," dedi. 14 Cidau Jisu gada nage de ngaulu eh pereuga

bamlu. 15 Ipau hade nda, "Zion napui, nang ngngi helo, ainie, n Gwangpei

gada nage reuga bam eh gwang zeulie," de eh rauteu la. 16 Pa

ledeukelumedung kerai-dau au cide cetlu tadi, dede Jisu zierang tei kelu

caine peha cidungde rauteu kela na mi pe dage ma cidungde tei kegai

nsunglu. 17 Na pa kecai gade Lazarus de kwak mring dai keludau pecu

ngngwa kelamedung ne pezierang tei gailie. 18 Cine mina mabe de gwang

pecu redau, kedane mene pa misuikega bata aide tei kegai penuide ci kelu

ziemne. 19 Iciuge Farisimedung penui kak kade mpau eh, "Ainie, nnui

mage de teigai lakta, pielo, kideube pecaisui la dida," dedi.

Grikmedung Jisu de kepei

20 Iciu eh reca zielie eh hengi ga kehangme kakka Grikme kangge deia.

21 Na mina ipaumedung Galil ga kebam Bethsaidame Filip da gwang pecu

keteu eh, "Kedibo, anui Jisu de ngauneu lalie," dedi. 22 Filip gwang

Andria dage rangbeu, iciu eh Andria penai Filip gwang Jisu dage ranggai.

23 Iciuge Jisu penai dade, "Mina Nabe zierang teilu kera bamdakkak pe

gwang dida. 24I nnui dage rang siakte liazie, ciu pumge kideu ga cakmie

kemak cai pe katei bamla, dede cak gaibeu cai peci buisiit lula. 25 Mina

keheibe de pepum kupwa pegu teilu zielie kelame cide tei ngga dizie dede

mina keheibe de kideu aika de pepum ku kemakme cide kupwa kelungta

kering gage kailu zie. 26 Mina keheibe de a gwatei keneume ipaume de

peu a caisui lulo, iciu lucai a gwame de I kebamga bamlu zie, mina

keheibe de a gwatei kelabe a Peide ipaume de twazie.

Jisu pecit ha kerang

27 Cu au I a lung nlwet mpet tida, na I daipai rangzie ah? 'A pie,

bamdakkak aika de acu keli beulo? Dede aide ziemne I bamdakkak aika

gwang delie. 28 "A pie, nzi de peu kehecibe teilu lo," degai. Tinggem

gade iciuge makwa ge, "Aipau dwade I n zi tei mdu beuda, na tei mdu beu

daizie," de eh rang gwang. 29 Iciuge cika kesap mabe sam cide cilu ge,

'Tingceu zeuda' dedi, na kedame kangge, "Tinggem gwame ge pecu mpau

da," dedi. 30 Iciuge Jisu penui dade, "Makwa aide a ziemne gwang ma,

dede nnui ziemne gwanglie. 31 Cu au kideu aide de keteu bam dida, cu au

kideu aika kedibe de gwadi zieda. 32 Iciude I au kideu aika de acu pwacu

lucai mina pelane de teu teu eh ada gwang dizie," dedi. 33 Pa daipai citke

tei eh cai ziebi de kecu ranglia kera ziemne pa sam aide ranglie. 34 Iciuge

mina mabe pe dade, "Anui hezai gade keci Khristabe kelungta bam lalie

iciu, delwe nang daitei eh mina Nabe de pwacu kemak cai sia de zeuno?

Mina Nabe ipaude cauno?" dedi. 35 Iciuge Jisu penui dade, "Kebabe

tingkakke swa nnuide ngngwa bamsi lakta. Kemuibe de peu gwang nnuide

cang melu kera ziemne, kebabe kebamdau cika la lulo; iciu eh mina

keheibe de kemui ga kelame pa daiga gwang zeubi cide ci lama. 36 Nnui

kebabe name teilu kera ziemne kebabe kebam dauge kebabe de nlum lulo,

"Jisu sam aidungde ranggai eh penuide mbai di eh pe katei nreu tet ti.

Mina pecu nlum mei kedi

37 Iciu eh pa aipau dwa penui dwa gade misuikega bata kekie ge teigai de

penui pecu nlumlu tadi. 38 Cide Isaya cairasamkecibe nda kerang,

"Rampaubo, caune anui kerang samde nlumlu no? Na Rampaube peba

kengkieng pwa caudung de liano?" 39 De eh kerangbe samde canglu da.

Cine penui nlum gailak ti, iciu eh Isaya rangdai kecu, 40 "Pa penui miak

tei cepti, penui lung tei nghung di, cine penui miak mangaulu tadi, na penui

lungle cet lu tadi, iciu eh I penuide tei mmi beu kera ada nreu gwang

meda," de eh rausi pwabam. 41 Isaya Jisu zi keheci kengau ziemne, peha

rang eh nda sam aidungde ranggai he. 42 Dede kedimedug kak kade de

mina kekie ge pecu nlum lu, iciude Farisimedung ziemne, ngkwaki gade

penui zi gwadi kera kehing ziemne, rangmeidi. 43 Cide kedane mene

penui Tinggwang de peu penuide ketwabe swa mina de peu penuide

ketwabe penui suiyi ki kedi ziemne.

Jisu mide peu pecu nlum neu kecu

44 Iciu eh Jisu marang sabak eh, "Mina keheibe de acu nlum kelame, acu

langkegaibe de nlum lalie. 45 Na mina keheibe de acu ngau kelame

aculangkegaibe dede ngaula. 46 Mina keheibe de acu nlum kelame de peu

kemui ga bam tadi kera ziemne I kebabe tei eh kideu aika gwanglie. 47 Na

mina keheibe de a samdung cilu eh nlum mede I ne pecu mmau lama. I

kideube de mmau zielie eh gwang melie ne kelilu zielie eh gwang kecu

ziemne. 48 Mina keheibe de acu nlum na a samrangdung mzaila kemakme

de mmau kelage bam, I rangkegai sambe ne penlibe nai pecu mmau zie. 49

Kedane mene I a katei a dade rang petma, dede a Pei acu langkegaibe ne

daipai rang kemak cai siabi, daipai rangpwa mide lia ziebi, pa pesam

kaibeu de kecu ziemne. 50 Na pa pesam kai kebeu cide au kelungta kering

samlie kecu I cila; cine I marang kela cidungde Peibe ne a dage rangkebeu

nzwa eh I de rang lalie," dedi.

Jisu ledeukelumedung pi kehui

13:1 Iciu eh Kakegwangngi dwa Jisu kideu aika de tetpwa Peibe da

gwang di kera pe bamdak-kakpe gwang kedi cilu; pa kideu ga kebam dau

pegumedung de hung gwang na pa penuide hung gwang penli cang. 2 Iciu

eh tingmui matei kebam dau Satan Jisu de tuipwa miba gage kai kera

cimpwa Simon na be Iskar-iot lung gage kaibeu. 3 Na Jisu Peibe ne ma

pekiene pwa peba gage kaibeu kedi na pa Tinggwang da nii gwang daidi

kera cilu. 4 Cine matei kebam gade pa cu pepai radi eh pai nage le pekia

kanglu. 5 Iciu eh duirui pwa cingkwak ge gage kailu eh ledeukelumedung

pi huidi, delwe pekiakang teu kelabe pai nade le neu gwang di. 6 Iciu

ziitza Pitor da gwang ge Pitor pe dade, "Rampaubo, nang a pi hui zielie

ni?" dedi. 7 Ge Jisu pe dade, "I tei kebam aide nang cu cima, dede aipau

caine cilu zie," debeu. 8 Ge Pitor cu pe dade, "Neu peu madau gede a pi

huilak!" dedi; ge Jisu pe dade, "Acu peu neu hui kemak cai nang a da

mage de nlie ga," dedi. 9 Simon Pitor pe dade, "Rampaubo, a pi kena

runne melie ne a ba kena de na a peu de silo," dedi. 10 Iciuge Jisu pe dade,

"Mina pecu hui kedime, pepi swa kedabe huisi mede yi, pa mei kapbam

dida; na nnui au mei kapbam, dede pelane au ma," debeu. nKedane mene

pa caune pecu tuipwa miba gage kai ziebi de kecude ci, cine pa "Nnui

pelane mei ma," de iciu. 12 Pa iciu eh penui pi hui cangdi ge pepai

keubalu eh ntum mie bam daidi, iciu eh penui dade, "Nnui I nnui dage tei

kegai de cilu demi? 13 Nnui acu 'Keledeubo' mede 'Rampaubo' de eh kula,

cide nnui ci rang siakte lada, I ipaude delu gu. 14 Iciu eh I nnui Rampaube

na Keledeube tei eh nnui pi hui liecai nnuide hangge hangge pi hui kerabe

nsam lie. 15 Kedane mene I nnui dage tei kegai nzwa eh nnuide de peu

cide nzwa eh teilu kera saupwa nnuide lia beudi de kecu ziemne. 16 I nnui

dage range siakte liazie, kilabe pecu keteube swa dima, mede pecu

lang-kegaime langgai kebeume swa dima. 17 Nnui ma cidungde cilu eh

cidungde teila liecai nnui samlam pungtu delie. 18 "I nnui pelane de

rangma, I caudung gede kedetlu debi, I ipaume de cibam dede kesanglaisiu

sam canglu kera ziemne: 'A ngku keteibe pepi hwapwa acu cai'. 19 Na ma

cide ketei dwa cuge I mrai nnui dage kerang kedane mene cide ketei dau 'I

au I' delie kecu nnuide peu nlumlu kera ziemne. 20 I nnui dage rang siakte

liazie, mina keheibe de I pecu langgai kebeube de ngngwa kelume acu

ngngwa lula, na mina keheibe de acu ngngwa kelume acu langkegaibe

dede ngngwa lula," debeu.

Jisu pecu miba gage nimgai beu kera mrai kerang

21 Jisu ma cidungde rangkegai cai, pa pe rabe gade pelung keherei siit eh

zierang teigai eh, "I nnui dage rang siakte liazie, nnui hangge acu nimpwa

miba gage kaizie," debeu. 22 Iciuge ledeukelumedung pa caube de rang

zeubi, ci siakte kemak ziemne kerepie di. 23 Jisu pecu ku kegwang

ledeukelumedung kakte hangge Jisu heka mcui siakka taktei bamga

kumpung eh bam. 24 Cine Simon Pitor bazapwa pecu lia eh, "Pa caube de

rangzeu bi anui dage ranglia lo," dedi. 25 Iciuge pa Jisu heka mcui siakka

kumpung eh pe dade, "Rampaubo, ipaude cauno?" de eh keteu di. 26

Iciuge Jisu pe dade, "I ngku aide mpunglu eh pecu kepeube ipaude delie,"

debeu. Iciu eh pa ngku cide mpunglu eh keupwa Simon napei Judas

Iskariot depeu. 27 Iciu eh pa ngku cina de lu kelu cai Satan pe lungga lwet

ti ge Jisu pe dade, "Nang tei kerabe tei zette lulo," debeu. 28 Iciuge pa dai

ziemne sam aide rangbi taktei bamga twa-gwapung kebam mige de cilu

tadi. 29 Dede penui kangge Judas Iskariot rangkangbung teu kela ziemne

Jisu pecu, "Hengi dau malui kemak cai kesiabedung lui lulo," zeu zielie

kecu mede pecu peu kegame de ma peulo eh rang zeumi de eh mning di.

Samkai kebeu kehecibe

30 Iciu eh pa ngku cide lulu siakke tet kisie mpet ti na cidau tingmui di. 31

Iciu eh pa kisie mpet ti ge, Jisu penuide, "Cu au mina Nabe zierang teidi

zielie eh bam dida; na Tinggwang pereu gade zierang tei zielie eh bam

dida. 32 Iciu eh Tinggwang pe katei pecu peu zierang teilu zie, na pecu

peu zierang tei zette luzie. 33 Ainie henamedung, I tingkakke swa nnuide

ngngwa bam-si lakta; nnui acu pei zie, dede I aipaudwa Judamedung dade,

nnui I kegwang ga gwang gailak, de eh kerang nzwa eh, I nnui dage

ranggai zeulie. 34 Nnuide peu ket kette hunglu lo eh I sam keheci ge

nnuide peu zeulie; I nnuide hung kegwang nzwa eh nnuide ket kette hunglu

lo. 35 Nnui ket kette hunglu cai, cika de nnui a caisuime lie kecu mina

pekiene de peu cilu zie," debeu.

Jisu Pitor pecu mlai kera mrai kerang

36 Simon Pitor pe dade, "Rampaubo, nang daiga gwang di zieno?" dedi.

Ge Jisu pe dade, "Nang cu I kegwang ga a cai sui gwang gailak dede

aipau cai nang a caisui gwang luzie," debeu. 37 Ge Pitor pe dade,

"Rampaubo, I cu daitei eh n caisui gwang gailak no? I n ziemne au a

pumde mput kaibeu zielie!" dedi. 38 Jisu pe dade, "Nang a ziemne npum

kaibeu zielie ni? I n dage rang siakte liazie, nang piacum a zi rang-mei di

kemak tane mrui kwalak," debeu.

Jisu Peibe da kegwang mpuibe

14:1 "Nnui lung keherei di so; nnui Tinggwang de nlum bamlu; acu de

nlum bamlu. 2 A pei kiga mina bam bamsut; iciu melie cai au I nnui dage

ranggai beudi zie nage; iciude I gwang nnui bam telei zielie bam dida. 3

Na I gwang nnui bam telei lude, I nii gwang nnuide ngngwa ada gwang

dizie. 4 Na I daiga gwang ziebi nnui mpuibe de cibam," debeu. 5 Thoma

pe dade, "Rampaubo, nang daiga gwang ziebi, anui cima, na anui dai nzwa

eh mpuibe cilu zieno?" dedi. 6 Jisu pedade, "I lampuibe da, na kesangbe

na keringbe da: a dade kemak cai migede Peibe da gwang gailak. 7 Nnui

acu ci liecai a Pei dede cilu zie nage; cu au nnui pecu cibam dida, na

pecungaude luda," debeu. 8 Filip pe dade, "Rampaubo, Peibe de pwa

anuide Halo; iciu cai anui suiyi cang dizie," dedi. 9 Jisu pe dade, "Filip, I

zie aitie ge nnuide ngngwa bamde nang acu cime lieni? Mina keheibe de

acu kengaube Peibe dede ngau dida: iciu eh nang daitei Peibe depwa

anuide Halo, de zeuno?" 10 I Peibe lungga bam na Peibe a lungga bam

kecu nang cide nlum la meni? I nnui dage marang keladung de a katei a

dade rang melie ne, Peibe a lungga bam eh pe batadung tei lalie. "I Peibe

lungga bam na Peibe a lungga bam kecu acu nlum lulo; mede batadung

gade de acu nlum lulo. 12I nnui dage rang siakte liazie; mina keheibe de

acu nlum kelame I matei keladung pa de teizie; na cidung swade kedi

teizie; kedane mene I Peibe da gwang di lai eh zeude kecu ziemne. 13 Na

nnui a zi gade makeheibe de kiede Nabe dade Peibe de peu zierang teilu

kera ziemne a katei teipwa peuzie. 14 Nnui a zi gade makeheibe leune

kiede, I cide teipwa peuzie.

Kemci Rabe gwang kera samkai kebeu

15 Nnui acu hung liecai nnui I sam kai kebeubedung mzai luzie. 16 Na I

Peibe dade kiezie; iciude pa kelungta nnuide ngngwa lalu kera

Helungteikemlarabe kedage kaipwa nnuide peuzie. 17 Kesang Rabe cide

kideube pecu ngngwa gai kelakpe delie: dede nnui au pecu cibam, kedane

mene pa penuide ngngwa la na nnui lungga bam kecune. 18 I nnuide

mputpwa peu nggia dilak; I nnui da gwang zie. 19 Tingkakke cai kideube

acu ngausi ta dizie dede nnui au acu ngau zie, kedane mene I ringbam na

nnuide ringbam zie kecu ziemne. 20 Ipaunai tingba nnui I a Peibe lungga

kebam na nnui a lungga kebam na I nnui lungga kebam cilu zie. 21 Mina

keheibe de I sam kai kebeudung de ngaulu eh cidungde mzai kelame

ipaume acu kehungme delie, mina keheibe de acu hung kelame a Pei

kupung zie, na I ipaume de hung zie na I a katei acu pwa ipaume de

liazie," debeu. 22 Judas (Iskariot kemakpe) pe dade, "Rampaubo, nang n

katei neu pwa kideube de lia mene, anui de lia zielie kecu daitei eh no?"

dedi. 23 Jisu pe dade, "Mige acu hung-la liecai, pa a sam mzai zie, na a

Pei ipaume de hung zie, iciu eh a nai peda gwang eh pecu ngngwa bam

dizie. 24 Mina keheibe de acu hungla kemakme a sam mzai lama: na nnui

ngking kelabe sam cide a sam melie ne acu langkegai Peibe sam lie. 25 "I

nnuide ngngwa kebam nege sam aidungde pwa nnuide ranglia beu di delie.

26 Dede Helungteikemlabe, Peibe a zi gade langgaibeu kera Kemci Rabe

pe katei ma pelane rangpwa nnuide I nnui dage marang kegai leune nnuide

peu mninglu zie. 27 "I helung kenciep kaipwa nnuide peuzie, I a lung

kenciepte kaipwa nnuide peuizie; kideube ma kepeu nzwa eh I nnuide peu

zielie eh zeuma; nnui lung nlwet mpet di so, mede ngngi di so. 28 I tet ti eh

nnui da nii gwang dai zielie eh nnui dage kerangbe samde nnui cilu da: nnui

acu hungla liecai I Peibe da gwang di lai kezeu ziemne nnui suiyi luzie

nage: kedane mene Peibe a swa diki kecu ziemne. 29 Iciu eh ma cidungde

ketei dau nnuide peu nlumlu kera ziemne cidungde ketei dwa I cuge nnui

dage ranggai di delie. 30 I nnuide ngngwa mpau sibam lakta: kedane mene

kideu aika kedibe gwang di zeude kecu ziemne; dede pa a lambie mage de

ga. 31 Dede kideube de peu I Peibe de hungla, na Peibe sam kaipwa acu

kepeude mzai eh tei siakte lalie kecu peu cilu kera ziemne. Culu, anui tet

cu go.

Jisu kubeci-bang kesangbe

15:1 "I kube bang bangsangbe; na a Pei heta ketabe lie. 2 A reu gade

kepet pekiak keheibe de peci builu kemakme de pa ipaume de su dila: na

pekiak keheibe de peci builu kelabe de; peu peci buisi lu zielie eh pa telei

sigai beula. 3 I nnui dage rangkebeu samde ziemne nnui cude mei bam

dida. 4 Nnui a lungga bamlu; iciude I de nnui lungga bamlu zie; pekiakpe

pebangbe ga rei kemak cai pe katei peci builu la kemak nzwa eh nnuide

ada bam kemak cai nnui ci bui gailak. 5 I kube bangbe lie; nnui

pekiak-dung delie: mina keheibe de a da kelame na I peda kelame ipaume

peci buisiit lula: kedane mene acu ngngwa mene nnui mage de tei gailak

kecu ziemne. 6 Mina keheibe de a da la kemakme de pekiak nzwa eh

kelien gidi la, iciu eh kidi la, na mi cide mi hekwalu eh kelien pwa mi gage

kailu eh rudi ia. 7 Nnui a da bam na a samdung nnui lungga bam liecai, ma

nnui suibedung kie lulo; iciude cide teipwa nnuide peuzie. 8 Nnui cibui

kiesi kelu gade, a Pei zi tei mdi si luzie, na nnui a caisuimedung teilu zie. 9

Peibe acu hung kegwang nzwa eh I de nnuide hung gwang delie, nnui I

nnuide kehung ga bamlu lo. 10 Nnui I sam kai kebeudung de mzai bamcai,

I Peibe sam mzai eh kai kebeudung de mzai eh pa acu kehungga bam

kegwang nzwa eh nnuide I nnuide kehung ga bamlu zie. 11 Asui keyi de

peu nnui da bamlu, iciu eh peu nnui suiyi canglu kera ziemne I sam

aidungde pwa nnui dage ranggai lie. 12 I nnuide hung kegwang nzwa eh

nnuide hangge hangge de hung lulo kecu aide a sam kai kebeu delie. 13

Mige pezangnamedung ziemne pepum mput kai kebeu aide swa kehung

kedi gede ga. 14 Nnui I nnui dage sam kai kebeudung de teila liecai nnui a

zangnamedung delie. 15 Cu gade I nnuide kilamedung lie ku lakta, kedane

mene kilame au pecu keteume ma keteibedung cila kemak ziemne; dede I

nnuide zangnamedung lie eh ku dida, kedane mene, I a Pei dade ci

keluleune pwa nnui dage lia di de kecu ziemne. 16 Nnui acu kedetlu ma;

dede nnuide peu gwang nnui ci builu, na nnui cipeu bamlu kera ziemne I ne

nnuide kedetlu, na nnuide peu a gwame teilu dilie; nnuide peu a zi gade

Peibe dade makeheibe de kiede pecu peu cide teipwa nnuide peulu kera

ziemne. 17 Nnuide peu ket kette hunglu kera ziemne I sam aide nnui dage

kaibeu di delie.

Kideube kengkau

18 Kideube nnuide ngkau liede pa nnuide kengkau dwa acu ngkau di delie

kecu cilu lo. 19 Nnui kideube name lie kecu cai kideube pe katei pegume

de hunglu zie, dede nnui kideu name melie ne kideube name kak kade I

nnuide kedet kelu ziemne kideube nnuide ngkau la. 20 I aipau dwa nnui

dade, 'Kilame pecu keteume swa dima,' de eh kerangde nsung lulo; penui

acu mneu liecai nnuide de mneu zie, penui a sam mzai liecai, nnui samde

mzai zie. 21 Dede penui acu langgai kebeube de cila kemak ziemne a zi

ziemne penui nnui dage ma aidung leune teizie. 22 I gwang eh penui dage

rangbeu kemak cai au penui mau hamdi lak nage; dede cu au penui mau

magede kebai kelu bam gada. 23 Mina keheibe de acu ngkau kelame a Pei

dede ngkaula. 24 I penui kak kage aipau dwa migede tei kemak batadung

teigai kemak cai au penui mau hamdi lak nage; dede cu au penui acu de a

Pei dede ngaude si dida. 25 Dede nda penui hezai laisiukwak gage rauteu

kela "Penui pekie kega gade acu ngkau dida;" de kecube samde canglu

kera ziemne aiciu kelu lie. 26 Dede I a Peibe dade langpwa nnui dage

kaibeu kera Helung-teikemlabe, Peibe dade kepet kesang Rabe kegwang

dau pa a ha zierang teigai beuzie. 27 Na nnuide a zierangmedung da,

kedane mene raitu gade nnui acu ngngwa la kedine.

16:1 "I nnuide peu kiemdi melu kera ziemne sam aidungde nnui dage

ranggai lie. 2 Mi ngkwaki gade nnuide gwadi zie; mi nnuide dapkecetpe

pa Tinggwang tatei kezeu nzwa eh mning kera ting gwang zieda. 3 Penui

Peibe dede na acu de ci kemak ziemne ma cidungde teizie. 4 Dede ipau

tingde kegwang dwa, I mrai nnuide rangkegai samdung nnui de peu cetlu

kera ziemne, I nnui dage jam aidungde rang zeulie; na I nnuide ngngwa

bamreu kecu ziemne; kerai gade sam aide nnui dade rangma.

Kemci Rabe bata

5 Dede cu au I acu langkegaibe da gwang di zielie bam dida; iciude nnui

migede, "Nang daiga gwang di lai eh zeuno?" de eh keteu dema. 6 Dede I

nnui dage sam aidungde rangkegai ziemne nnui lung keherei siit bam dida.

7 Iciu liede I nnui dage kesangbe rangzie, I tet kedi au nnui ziuyi delie,

kedane mene I tet ti kemak cai Helungteikemlabe nnui da gwang lak dede

I tet ti cai I pecu langpwa nnui dage kaibeu zie kecu ziemne. 8 Na pa

kegwang dau, kemau ha na makesang ha na mide mmau kera ha rang

siakte pwa kideube de liazie. 9 Kemau ha penui acu nlumlu kemak

ziemne. 10 Makesang ha I a Pei da gwang di kera na nnui acu ngausi tadi

kera ziemne. 11 Mide mmau kera ha cide kideu aika kedibe de mmau dide

kecu ziemne. 12 "I nnui dage ma kekie rang-kera bam, dede nnui cu

cidungde pung gailak. 13 Dede kesang Rabe gwang kelu dau pa nnuide

ngngwa kesangle bie ge kaikap luzie, kedane mene pa pe katei pe dade

rang melie ne pa makeheibe de ci kelubedung rangzie kecu ziemne, na

aipau caide matei gwang kerabe-dung nnuide saulia zie kecu ziemne. 14

Pa acu tei mdi beuzie, kedane mene pa a samdung pwa nnuide liazie kecu

ziemne. 15 Peibe gu kelaleune cide a gulie; cine, pa a gudung keupwa

nnuide liazie, de kecu I rang.

Misuikeyi na kesia

16 "Tingkak nage nnui acu ngau tadi zie, na tingkak nage nnui acu ngau

daizie; kedane mene I Peibe da gwang di kera ziemne. 17 Iciuge

ledeukelume kak kade kangge mpau eh, "Tingkak nage nnui acu ngau tadi

zie, na tingkak nage nnui acu ngau daizie, na I Peibe da gwang di kera

ziemne,' de eh pa anui dade kerang aide dai sam geno?" dedi. 18 Cine

penui mpau eh, "Tingkak nage' de eh pa kerangbe samde dai sam gebi anui

pekie cima," dedi. 19 Jisu penui pe dade keteu neu kebam cilu eh penui

dade, "Tingkak nage nnui acu ngau tadi zie na tingkak nage nnui acu ngau

daizie de eh I nnui dade kerang ziemne nnui mpau lani? 20 I nnui dage rang

siakte liazie, nnui hapna nnui suisia siitzie, dede kideube au pe suiyi siitzie

nnui nnui lung keherei siitzie dede nnui lung keherei kecu de nii gwang

nnui suiyi dai luzie. 21 Mipui mna tet tei kelu dau peting cang gwang kedi

ziemne pelung keherei siit bam dila; dede pa mna kelu cai au mige de mna

pwa kideu gage kai kelu ziemne pe suiyi eh pereidung nsung tadi la. 22 Ci

nzwa eh nnuide cu au nnui lung keherei bam; dede I nnuide ngau daizie;

cidau nnui suiyi siit dizie; na nnui suikeyi cide migede nnui dade siit teudi

gailak. 23 Na ipaunai au nnui a dade mage de keteu lak; I nnui dage rang

siakte liazie, nnui Peibe dade makeheibe kiede pa a zi gade ma cide pwa

nnuide peuzie. 24 Nnui cu kecang a zi gade mage de kie mereu; nnui suiyi

canglu kera ziemne kielu, iciu cai nnui ngaulu zie.

Kideube reu ngkieng kelu

25 Sam aidungde I nnui dage sam kecukke ranggai lie, dede pe-ting ge

gwang zie, cidau I sam kecuk rang mene, Peibe ha rang mei kap-pwa

nnuide liazie. 26 Cipaunai nnui a zi gade ma kiezie; na I nnui ziemne Peibe

dade kiezie de I nnui dage rangma. 27 Kedane mene Peibe nnuide hungla;

cide nnui acu hungla na I Peibe dade gwang lie kecu nlum kela ziemne. 28

I Peibe dade mpet eh kideu ga gwang: na I kideube de mpiitti eh Peibe da

gwang daidi zieda," dedi. 29 Pecaisuimedung pe dade, "Nang cu au sam

kecuk rang melie ne mei gi eh ranglia zeuda. 30 Cu au nang mapelane ci

kela, na migede n dade ma keteume de nang cibam kecu na cide ziemne

nang Tinggwang dade kegwang anui nlum dida," dedi. 31 Jisu cu penui

dade, "Nnui cu au nlum dide lieni? 32 Pielo, peting ge gwang zie, ainie,

cide cude gwang bam dida, cidau nnui nnui mcui ripga pakzang kap dizie

na acu peu a katei dizie, iciude Peibe acu ngngwa kelane a katei dilak. 33

Nnuide peu a dade nnui lung relui eh bamlu kera ziemne I sam aidungde

nnui dage ranggai lie; kideu gade au nnui keherei zie; iciude nnui suiyi lu, I

kideube swa ngkienglu da," debeu.

Jisu pecaisuimedung ziemne kekie

17:1 Jisu sam cidungde ranggai eh ngangcu tinggem pie eh rang-kecu, "A

Pie, bamdakkakpe gwang dida, nna de peu n zi tei mdilu kerane nang nna

zi tei mdi beulo 2 Nang petei tei kepung leune reu kengkieng kaipwa pecu

kepeu nzwa eh pecu de peu kelungta kering kaipwa nang pecu kepeu

leune de peu kelube tei lulo. 3 Iciu eh penuide peu Tinggwang ket gwale

kesang kegabe na nang pecu langkegaibe Jisu Khrista de ci kelu cide

kelungta kering delie. 4 Nang acu teilo eh kaipwa acu kepeu bata cide

teicang di eh kideu aika de I n zi tei mdi beu dida. 5 Na a Pie, kideu tei

kelu dwa I neu ngngwa zierang tei kela de pwa nang acu ngngwa zierang

tei lulo 6 Nang kideu aika de mina kaipwa a dage kekaidung dage I n zi

ranglia mei beu dida, na nang penuide kaipwa acu peu na penui n sam mzai

gwang lie. 7 Na nang kaipwa acu kepeudung leune n dade lie kecu penuide

cu au cibam dida. 8 Na nang sam kaipwa acu kepeudung I cidungde

kaipwa penuide peu dida. Na penui cidungde ngaulu eh I n dade gwang

kesanglie kecu cibam dida na nang ne acu langgai lie kecude penui nlum

bam dida. 9 I cidungde ziemne kiela, I kideube ziemne melie ne nang

kaipwa acu kepeumedung ziemne kiela, cidungde n gu de kecu ziemne. 10

Na a gu pelane n guda, na n gude a guda, na I penui reu gade zierang

teibam dida. 11 Iciude I au kideu ga bamsi lakta, dede penui au kideu ga

bamsi zie na I au nda gwang di zieda. Kemci Peibo, nang kaipwa acu

kepeumedung de peu anai nzwa eh ket teilu kera nang n zi gade penuide

gumteu lalu da, 12 na nang kaipwa acu kepeumedung de I penui mapie

gwang canglu da, iciu eh kap kedi nabe kemak cai migede de tei ngga

dima, cide kesanglaisiu sam canglu kera ziemne lie. 13 Dede I cu au nda

gwang di zielie eh bam dida, na penuide peu penui lungga a suiyibe bam

canglu kera ziemne, I kideu gade sam aidungde ranggai delie. 14 I n sam

kaipwa penuide peu; na I kideu gade pet kemak nzwa eh penuide kideu

game kemak ziemne kideube penuide ngkau dida. 15 I neu peu kideu gade

penuide keuteu dilo melie ne, neu peu makesiabe gade penui mapie la lulo

eh kiela. 16 I kideu gade kemak nzwa eh penuide kideu gade melie. 17

Kesang gade penuide tei mcilu, nsam kesang delie. 18 Nang acu langpwa

kideu gage kekai de nzwa eh I de penuide langpwa kideu gage kaibeu di

delie. 19 Na penuide peu kesangbe gade penuide tei mei teula lu kera

penui ziemne I a katei acu tei mei teu lalu delie. 20 "I aipaume runne melie

ne penui sam gade acu nlumlu kerame ziemne de kiela. 21 Kedane mene

penui pelane de peu ket teilu kera, iciu eh a Pie, nang acu langgai kebeu

kideube de peu nlumlu kera ziemne, na I n lungga bam na nang a lungga

kebam nzwa eh penuide de peu anai lungga bam lulo. 22 Na anai ket kecu

nzwa eh penuide de peu ket teilu kera ziemne I de nang acu kepeu

zierangbe de pwa penuide peu di delie. 23 I penui da bam, na nang ada

bam, iciu eh penuide peu ket tei kesang siakte lu kera na kideube de peu

nang ne acu langgai kebeu na penuide hungkela na acu hungkela cilu kera

ziemne. 24 "A pie nang kaipwa acu kepeu zierangbe de penuide peu

ngaulu kera na nang kaipwa acu kepeumedung dede peu I kebam ga bamlu

kera cide a lungning delie: kedane mene kideu tei kelu dwa nang acu hung

gwang de kecu ziemne. 25 Ainie makesang Peibo, kideube au neu ci meda

dede I au ci na aipaumedung au nang ne acu langgai kebeu de ci, 26 na I n

zi pwa penuide liabeu dida, na cide pwalia daibeu zie, kedane mene nang

pwa acu hung kegwang keku cide peu penui lungga bamlu kera na I penui

lungga bamlu kera ziemne."

Jisu de nim kelu

18:1 Jisu sam cidungde rangkegai cai, pa pecaisuimedung de ngngwa

Kidron reukung lule gim hegurie gega gwang, iciu eh pa de na

pecaisuimedung de cika lwet. 2 Na pecu tuipwa miba gage kai kebeu

Judas de ipau deude ci, kedane mene Jisu pecaisuimedung de ngngwa cika

gwang bam muila kecu ziemne. 3 Iciuge Judas ipaude reugwame de na

kecing kedimedung na Farisimedung dade hegwamedung de ngngwa lu eh

mitaubung na heleidung na hereunetdung teulu eh cika gwang. 4 Cidau

Jisu pe dage, matei kerabedung ci kaplu eh penui dade, "Nnui caude pei

lano?" de eh rang. 5 Ge penui pe dade, "Nazarethme Jisu delie," debeu.

Jisu penui dade, "I ipaude delie," debeu, cidau pecu tuipwa miba gage kai

kerabe Judas de sap. 6 Iciuge Jisu penui dade, "I ipaude delie de eh

rangkegai dau penui caisin mpet eh kideu ga kaumie di. 7 Iciuge pa

penuide keteu dai eh, "Nnui caude pei lano?" de daige penui pe dade,

"Nazarethme Jisu delie," dedai lu. 8 Ge Jisu penui dade, "I nu nnui dade I

ipaude delie eh kerangbe de I delie; iciu eh nnui acu peila cai aipaume de

peu tet raidi lulo," dedi. 9 (Pa sam aide kerang pa aipau dwa, "Nang

kaipwa acu kepeumedung I cidungde migede de tei ngga dima," de eh

kerangbe samde canglu kera ziemne lie.) 10 Iciuge Simon Pitor kiengtie ge

teu lage zuthi eh pwa cingku ditube kilabe de bige pekwen zetle kwen

bitut mpet ti na kila ipau dezi Malka. nGe Jisu Pitor dade, "Kiengtie

pebung gage kaidai dilo; Peibe acu peu saklo eh hepiak pwa acu kepeube I

sak tadi zieni"? dedi.

Jisu Ana dwa kesap

12 Iciuge reugwame mabe na penui reu kedimedung na Judamedung Jisu

de nimlu eh kang-lu. 13 Iciu eh pecu ngngwa "Ana da gwang rai, ipaude

ipau kumne cingku ditube tei kebam Kaifa pau kecu ziemne. 14 Na Kaifa

ipaude aipau dwa Judamedung de ngngwa kesam zwa eh minadung

ziemne migede peu caidi de yilie eh kerangbe deda.

Pitor Jisu de mlai kedi

15 Cidau Simon Pitor Jisu caisuila na ledeukelu kedame gede sila, na

ledeukelu ipaude cingkube de kereci kecu ziemne Jisu de ngngwa cingku

ditube kedi bamga lwet ti. 16 Dede Pitor au kirie heg-wale bie sap, cine

cingku ditube de ngngwa kereci kecu ledeukelu kedabe hegwale pet kirie

kekwabe pui dage rang eh Pitor de ngngwa kilung nlwet ti. 17 Ge kirie

kwa kebam releibe pui Pitor dade, "Nang de mina aipaude caisuime ge

meni?" dedi. 18 Ge pa au, "Melie," dedi. Cidau kilamedung na

hegwamedung ting keregeu ziemne re-geumi teilu eh migum bam na Pitor

de penuide ngngwa migum bam.

Cingku kedibe Jisu de keheteu

19 Cidau cingku kedibe Jisu dade pa ledeukelumedung na pa mide

keledeu ha keteu. 20 Ge Jisu pe dade, "I kideube dage rang mei siakte lia

dida. I Judame pelane gwang kengkwa ngkwakidung ga na kerecakidung

ga dede mide ledeu gwang. I kembai gade mage de rangma. 21 Nang

daitei eh acu keteu zeuno? I mi dage daipai rangbi a sam kecimedung dade

keteu lulo, ainie, ipaume I kerangbedung cibam," debeu. 22 Iciu eh pa sam

cide ranggai ge ipau taiga kesap cingku kedimedung kak kade hangge pe

badeu hwapwa Jisu de kepeu eh, "Nang cingku kedibe dage sam ai

kenzwa rang zieni?" dedi. 23 Ge Jisu pe dade, "I sam kesia rangzeu liecai

petau kemakpe keli daibeu lo; dede a sam petau liecai daitei eh acu dap

zeuno?" dedi. 24 Iciuge Ana pecu kanglu delwe langpwa cingku ditube

Kaifa dage kaidi.

Pitor Jisu de mlai dai kedi

25 Cidau Simon Pitor sapke migum bam, ge penui pe dade, "Nang de ai

pecaisuime ge meni?" dedi. Ge pa cide rangmei eh, "I au melie," dedi. 26

Cingku kedibe kilame ge, Pitor ne pekwen bi mpet kedibe kibaume ge pe

dade, "Nang hegurie gade pecu ngngwa la eh I ngau meni?" dedi. 27

Iciuge Pitor rangmei daidi; iciu gai siakke mrui kwadi.

Jisu Pilat dwa kesap

28 Iciu eh penui Kaifa ki gade Jisu de ngngwa mtei bungga lwet ti, cide

tingcang tingba rimge cai mereu iciude penui Kakegwangngi gade matei

kera ziemne penuide tei heradi kera hing eh, penuibe au mtei bungga lwet

tadi. 29 Cine Pilat penui da pet eh, "Nnui daipai kie ziemne mina aipaude

de mmau eh gwang lano?" dedi. 30 Ge penui pe dade, "Mina aipaude ma

kesia keteime melie cai anui pecu nimpwa n ba gage kailak," dedi. 31

Iciuge Pilat penui dade, "Nnui katei pecu ngngwa gwang eh nnui zai gade

pecu keteu luio," debeu. Judamedung pe dade, "Anui migede de dapcet

kecu hezai ga," dedi. 32 (Jisu daipai cit tei eh cai kemak cai siabi, kecu pe

katei rangkegai de canglu kera ziemne aiciu kedi lie.) 33 Iciuge Pilat mtei

bungga nlwet dailu eh Jisu de ku eh pe dade, "Nang Judamedung

Gwangbe deni?" dedi. 34 Ge Jisu pe dade, "Nang aide n katei rangzeumi

mi kedame ne aide rangbeu no?" dedi. 35 Pilat pe dade, "I Judame geni? N

leume na nnui cing-kumedung ne neu tuipwa a ba gage kaibeu; nang daipai

ge teidi dibi," debeu. 36 Jisu pe dade, "A kedi au kideu aika melie; a kedi

kideu aika liecai mide peu acu tuipwa Judame dage kai melu kera ziemne

a kilamedung mide ngngwa keregilu zie nage; dede a kedi au aika kedi

ma," dedi. 37 Cine Pilat pe dade, "Iciu cai nang hegwang ni?" dedi. Ge

Jisu pe dade, "I hegwang lie, de eh nang rangzeu. Acu mna kelu na I kideu

ga gwang kecu peu kesangbe zierang tei kera ziemne lie, kesang-le bie

kela leune a kwa ngkingla," debeu.

Jisu de teicet ti kera samkai kebeu

38 Pilat pe dade, "Kesangbe daipai no?" dedi. Iciu eh pa sam cide

rangkegai cai pa Judamedung da nii pet eh, I au pe mau kette ngaulu

melie. 39 Dede Kakegwangngi gade hangge de lungmpet nnuide kepeu

nnui zaiga bam cine acu peu Judamedung Gwangbe de lungmpet nnuide

kepeu nnui suiyi ziemi meno?" delu. 40 Iciuge penui pelane sabak dai eh,

"Mina aipaude au migu siitketeime ge."

19:1 Iciuge Pilat Jisu de ngngwa gwang eh pecu dap. 2 Na

reu-gwamedung hetu keciaupwa kedi peurwa teilu eh pepeu gage kai na

pai giezam kecu ge peu pecu balu. 3 Ipaucai penui peda gwang eh,

"Judame Gwangbo, ngkieng kelube tei lulo, "de eh penui bale pecu kepeu.

4 Ipaucai de Pilat nlipet penui dade, "Ainie, I au pemau gede ngaulu melie

kecu pecu nnui da teu petlai eh zeulie," debeu. 5 Iciuge Jisu hetupeurwa

pung na pai giezam kecu ge balu eh pet, ge Pilat penui dade, "Ainie,

minabe"! degai. 6 Iciuge cingkumedung na hegwamedung pecu ngaulu ge

sabakke "Pecu gwakti," dedi. Pilat penui dade, "Nnui katei pecu ngngwa

gwang gwakti lulo, I au pemau gede ngaulu melie," dedi. 7 Iciuge

Judamedung pe dade, "Anui hezai ge bam na hezai cika de pa caibui dida;

pa pe katei pecu pwa Tinggwang Nabe lie kedi ziemne," dedi. 8 Iciuge

Pilat sam cide cilu ge ngngi siitti. 9 Iciuge pa mteibungga nii lwet Jisu

dade, "Nang dai gade gwang no?" dedi. Dede Jisu pe dade mage de rang

tadi. 10 Iciuge Pilat pe dade, "Nang a dade mage de rang lakni? I neu

lungmpetpeu zielie de na gwak cetti zielie de a kengkieng kebam nang ci

meni?" dedi. 11 Iciuge Jisu pe dade, "Nreule de kengkieng kaipwa neu peu

kemak cai nang ada mage de tei kelu kengkieng ga nage,. dede acu tuipwa

nba gage kai kebeube pemau hungki dida," dedi. 12 Cine Pilat pecu

lungmpet ti zielie eh pei cudi, dede Judamedung sabakke, "Nang mina

aipaude de lungmpet peudi cai nang Kaisar zangme melie; mina keheibe

de pe katei pecule pwa kedige lie kecume au Kaisar de ngaukerau sam

rangla lie," dedi. 13 Cine Pilat sam cide cilu ge Jisu de ngngwa mpet

henige pezi Cukwa cide Ibrime let kade Gabatha lie kela hetu-ketu bamreu

bamlu. 14 Cidau Kakegwangngi telei kecu tingdi, na bam heruk dauge di;

iciu eh pa Judamedung dade, "Ainie, nnui Gwangbe!" dedi. 15 Iciuge

penui sabakke, "Pecu peu bam so, pecu peu bam so, pecu gwakti!" dedi.

Pilat penui dade, "I nnui Gwangbe de gwak cet ti zie deni?" dedi. Cingku

kedimedung cu, "Kaisar gwale anui kedi ga," dedi. 16 Cine pa penuide

peu pecu gwakti lulo eh penui ba gage kaibeu di; ge penui Jisu de ngngwa

gwang di.

Jisu de kegwak

17 Iciuge pa pe katei pe krus teupwa lu eh kideu ge mipeura lie kela

Ibrime let kade Golgatha lie kecu gage gwang di. 18 Penui cika de pecu

pwa krus reu gage gwak; iciu eh Jisu de sum gage na pekung lule ailam

migu siitketeime hangna de ngngwa gwak. 19 Ge Pilat hezi gede raupwa

krus reu gage raukegai aide nzwa, "NAZARETH JISU JUDAME

GWANGBE." 20 Hezi cide Ibrime let, Romme let na Grikme let gage rau

na Jisu de pwa krus reu gage kegwak ni renam namdibe kemna ga kecu

ziemne Judame kekie hezi cide peilu. 21 Cine Judame cingku kedimedung

Pilat dade, "Judamedung Gwangbe de kecu rau so dede, Pa pe katei

pecule I Judamedung Gwanglie,' lalie kecu raugai beulo," dedi. 22 Iciuge

Pilat penui dade, "I rau kedibe rau dida," dedi. 23 Iciuge Jisu de gwak

kedi cai reugwamedung pepai peni zi mdai tei eh hangge zige ge lu; na pe

mcwa de: pe mcwa cide au pe herui ga, pepeule de dakmie pepile cang.

24 Cine penui mpau eh, "Anui aide hietti mene cithi kheli tei go, caube gu

ziebi," dedi, cide kedane mene, kesanglaisiu ga, "Penui kak kade a pai a

nidung nzi luda, na a mcwale cithi kheli tei luda," de eh kelabe sambe

canglu kera ziemne lie, cide ziemne reugwamedung ma aide tei. 25 Iciu eh

Jisu krus taiga pepui na pepui caihereibe pui Klopa nau Maria, na

Magdalin Maria de sap. 26 Cidau Jisu pepui na pa pecu hung kegwang

ledeukelube ipau taiga kesap ngaulu eh pepui dade, "Mipoe, nnabe cinie!"

dedi. 27 Ipaucai pa ledeukelube dade, "Npui cinie!" debeu. Iciuge

ipau-ting gade ledeukelu ipaude pecu ngngwa gwang pe katei peki gade

ngkwet bamdi.

Jisu cit

28 Ipaucai Jisu mapelane teicang kedi cilu eh kesanglaisiu samde peu

canglu kera ziemne, "I hereu dida! degai. 29 Na cika mabungge kehiaduile

puibam, ge penui hisop gage sponge pwa kehiadui gage mpunglu eh teu

hang pemui gage kai. 30 Iciuge Jisu kehiadui cide saklu ge, "Cang dida,"

degai eh pepeu keumie eh pe rabe mput kaidi.

Jisu de reu kecu

31 Iciu eh Judamedung ipaunai ma telei kecu tingba di kecu ziemne

kemtakpe nai hepaudung peu krus reuga bam melu kera ziemne cidungde

pwadi zielie eh Pilat dade penui pidung dapcum zielie kie; kemtak tingba

ipaunai tingba kedige kecu ziemne. 32 Cine reugwamedung gwang eh Jisu

de ngngwa gwak kenzeu keraibe na kedabe pide dapcum di. 33 Dede

penui Jisu da kegwangdau pa cai bam kedi ngau eh pepi dapcum tadi. 34

Dede reugwame ge pengei pwa Jisu hezak gage reugai ge hezai penai

duilwa pet. 35 Iciuge cide ke-ngaube pe katei zierang teigai na pe zierang

kesanglie, na pa kesang ranglie kecu pa pe katei de ci, cide nnuide de peu

nlumlu kera ziemne. 36 Na kesanglaisiu ga, "Pera gede dapcum lak," de

eh rang kenzeube samde canglu kera ziemne ma aidungde tei kelu delie.

37 Ci runne mene kesanglaisiu ga sam keda ge, "Penui katei hengeile

pwane pecu reu kegaibe de piezie," de eh rang-pwa la.

Jisu de kekung

38 Ipaucai Arimathiame Josef, ipaude Jisu caisuime ge, dede Judamedung

de kehing ziemne mbai eh laia. Pa gwang Jisu pau pwalu zielie eh Pilat

dade kiege Pilat sam kaibeu, cine pa gwang Jisu pau pwalu. 39 Ge cidau

ipau dwa tingmuine ngkim Jisu da kegwangbe Nikodema de mur penai

aloe kai ncut kecu seer riakngei pwagwang. 40 Iciu eh penai Jisu paupwa

Judame de kekung zai nzwa eh marim kehengui pwa linen pai gage kailu

eh kezuilu. 41 Na pecu kegwak niga hegurie ge bam, na hegurie cika

madau gede mide kai kemak herau keheci ge bam. 42 Iciu eh ipaunai

Judame ma ketelei tingba kedi ziemne, na heraude mdei kemak ziemne

penai Jisu pau pwa cika ge kaidi.

Jisu ringdai cu kedi

20:1 Iciu eh kemtak tingba raitube nai tingmui kezeune de Magdalin Maria

tingcang nuge tetpwa herau ga gwang ge, herau gade ncube nlet kedi

ngaulu. 2 Cine pa pak Simon Pitor penai Jisu pecu hung kegwang

ledeukelu kedabe da gwang eh penai dade, "Mi herau gade Rampaube de

teupwa dida na mi pecu teupwa gwang dai gage kaidi bi cime da!" debeu.

3 Iciuge Pitor penai ledeukelu kedabe tetpwa heraule bie miedi. 4 Penai

pak gwang lage ledeukelu kedabe Pitor dwarai gwang herau canglu. 5 Iciu

eh pa keukeimie pelung pie gaige linen paidung bam eh ngaulu, dede pa

pelungga lwet tadi. 6 Pecaine Simon Pitor de gwang eh tet herau ga

lwetke pa de linen paidung kebam ngau. 7 Na pe peu kedum pai nade linen

paidung de ncut mene nra gwang kedale cam bamdi. 8 Ipaucai ne herauga

rai kegwang ledeukelu kedabe de lwet ngau eh nlumlu. yKedane mene

penui pa kecaime kak kade ring nii dai culu kemak cai sialie kecu

kesanglaisiu sambe cilu mereu kecu ziemne. 10 Iciu eh ledeukelube kena

tet daipwa penai katei penai kiga gwang di.

Jisu Magdalin Maria de peu pecu kengau

11 Dede Maria au hegwale herau kungga hapsap, iciu eh pa hap bam eh

keukeimie herau lungga piegai. 12 Ge Jisu pau kaipwa kebamga pepeule

bie hangge na pepile bie hangge tinggemgwame hangna pai harei kecu

baiwe bam eh ngaulu. 13 Ge penai pe dade, "Mipoe, nang daitei eh hap

lano?" debeu. Ge pa penai dade, "Mi a Rampaube de teupwa dida; na mi

pecu teupwa gwang dai gage kaidi debi cide ci kemakne lie," debeu. 14 Pa

iciu gai eh, pecai nreu gwang ge Jisu sap eh ngaulu, dede pecule Jisu lie

kecu cilu tadi. 15 Jisu cu pe dade, "Mipoe nang daitei hap bamno? Nang

caude pei lano?" dedi. Pa pecu hegurie kekwabe mi de eh pe dade,

"Kedibo, nang aika de pecu teupwa di cai pecu pwa gwang dai gage kai

dibi, a dage rangbeu lo, iciude a katei pecu pwa gwang dizie," debeu. 16

Ge Jisu pe dade, "Maria," debeu, ge pa de nreu gwang Ibrime let kade

pecu "Raboni," pekie Keledeubo! dedi. 17 Jisu pe dade, "Nang acu deu

helo, I cude Peibe da cu mereu lu: dede nang a caihereimedung da gwang

penui dade, I a Pei na nnui Peibe a Tinggwang na nnui Tinggwang da cudi

lai eh zeulie kecu pau beulo," dedi. 18 Magdalin Maria gwang

ledeukelumedung dade, 'I Rampaube de ngau delie' kecu na pa pe katei pe

dade sam aidungde ranglie kecu ranggai.

Jisu pecaisuimedung de peu pecu ngau kegai

19 Iciu eh ipaunai kemtak raitube nai tinghegi ledeukelumedung Judame

de kehing ziemne penui kebam bungga kikamdung ngkuipung kebam dau

Jisu gwang penui kakka saplu eh penui dade, "Nnui keyibe tei lulo,"

debeu. 20 Na pa penui dade sam cide kerang dau pa peba na pe hezak de

pwa penuide lia; ge ledeukelumedung Rampaube de ngau kelu ziemne

penui suiyi pwa mage tei di. 21 Ge Jisu penui dade, "Nnui keyibe tei lulo,"

dedai, "Peibe acu langkegai nzwa eh I de nnuide langgai di delie," debeu.

22 Iciu eh pa sam cide rangkegai cai pa ngngi pwa penuide peu eh, "Nnui

Kemci Rabe lulu lo! 23 Nnui mimau gipwa kepeumedung ipaume de

gipwa peuzie, nnui mimau gipwa peu mene bam dicai ipaume mau gilu

mene bam dizie," debeu.

Jisu na Thoma

24 Dede Jisu penui da kegwang dau Thoma mi pecu Diduma lie kela

ledeukelumebau hangge penuide ngngwa bamma. 25 Cine

ledeukelumedung pe dade, "Anui Rampaube de ngaulie," debeu. Dede pa

penui dade, "I a katei peba kena ga hegeuzam ngau eh a zurang pwa

hegeuzam gage kai na a katei aba pwa pe hezak gage kai kemak cai nlum

gailak," dedi. 26 Iciuge lang hesetne caidau ge pa ledeukelumedung

kibungga bam, na Thoma de penuide ngngwa silu eh kikam ngkuipung eh

bamge Jisu gwang penui kakka saplu eh, "Nnui keyibe tei lulo," debeu. 27

Iciu eh pa Thoma dade, "Nang n zurang hwa teupwa n katei aba kena pie

lulo na n ba hwapwa pet a hezak gage kai lulo, delwe nlum kemakpe teidi

mene nlum lulo!" debeu. 28 Iciuge Thoma pe dade, "A Rampaube na a

Tinggwang!" dedi. 29 Ge Jisu pe dade, "Thoma nang au acu ngau eh nlum

zeulie, ngau mene nlum kelume samlam pungtu lie," debeu. Laisiu aide

raukegai kie 30 Iciu eh Jisu ledeukelumedung dwa gade ketei laisiu kwak

aika ge raugai kemak misuikega bata kecam kekie ge de tei sigai. 31 Dede

sam aidungde raupwa la kelu kedane mene, nnuide peu Jisu Tinggwang na

Khristabe lie kecu nlumlu, delwe pezi gade peu kering ngaulu kera ziemne

lie.

Jisu pecaisuime hang hena de peu pecu kengau

21:1 Ipaucai Jisu Tiberia duikedi kung gade pe katei pecu pwa

ledeukelumedung de peu ngau daigai na pa penuide peu pecu kengau aide

nzwa: 2 Cidau Simon Pitor na Thoma Diduma lie kelabe de na Galil

Kaname Nathaneal na Zebedi napei kena, na pecaisuime hangna de

ngngwa sila. 3 Simon Pitor penui dade, "I au heka teizie," de iciu. Ge

penuide pe dade,"Anuide neu ngngwa miezie," dedi; penui iciu eh tetpwa

lim gega lwet luge ipau ziu penui mage de ngaulu ma. 4 Dede tingba petti

zeuge tingcang Jisu gwang hereukung ga sapti, dede ledeukelumedung

pecu Jisu lie kecu cilu tadi. 5 Ge Jisu penui dade, "Anamedung, nnui heka

kesa teu lani?" de eh keteu; ge penui pe dade, 'Ma' debeu. 6 Iciuge pa

penui dade, "Nnui lang kelien pwa lim zetle leuge kai pielo, iciude ngaulu

zie," debeu. Cine penui kelien gaige ipau pia au heka kieham kedine teu

mpet kailak ti. 7 Cine Jisu pecu hung kela ledeukelube Pitor dade, "Aide

ai Rampaube da," dedi. Ge Simon Pitor cide Jisu delie kecu cilu ge, pa

mtala kecu ziemne pe katak mcwade keu mcwalu eh nsaupwa duikedi ga

lwetti. 8 Iciuge ledeukelu kedamedung hekale puipung kela langbe nzap

teu gwang lim keceu gage kailu; penui kecang gade muk haina ge swa sila

melu. 9 Iciu eh penui kecangga mpet luge cika re-geumi keheu na ipau

reuga heka penai ngku kebam ngaulu. 10 Jisu penui dade, "Nnui cune heka

tui kelubedung keu gwanglo," dedi. 11 Iciuge Simon Pitor mpetke heka

haige eh riakngei eh kecum dwale puipung kela langbe mzap teu kecangga

mpetlu, na ai kiege lade helangbe hak tima. 12 Jisu penui dade, "Nnui

gwang eh matei lulo," debeu; dede ledeukelumedung cide Rampaube lie

kecu cilu kedi ziemne, "Nang cauno?" de kecu mige de keteu rehim di. 13

Ge Jisu gwang ngku keupwa lu; delwe penuide peu na cide nzwa eh heka

de pwa ciciu beu. 14 Jisu kecai gade ring nlicu dai kelu caine

ledeukelumedung de peu pecu kengau aide pia pe kecumbe.

Jisu na Pitor

15 Iciu eh penui matei luge Jisu Simon Pitor dade, "Jona na Simon, nang

aidungde swa acu hungki lami?" dedi. Ge pa pe dade, "Yeo, Rampaubo, I

neu hung kela nang cila," debeu. Ge pa pe dade, "A meurunna-dung puktei

lulo," debeu. 16 Ge Jisu pia pe kenabe de pe dade, "Jona na Simon, nang

acu hung lami?" dedai. Ge pa pe dade, "A meurundung de ngkwet lulo,"

debeu. 17 Jisu pia pe kecumbe de pe dade, "Jona na Simon nang acu hung

lami?" de eh rang kedi ziemne Pitor pelungsia di: iciu eh pa pe dade,

"Rampaubo, nang ma pelane cila, I neu hung kelade nang cila," debeu. Ge

Jisu pe dade, "A meurundung puktei lulo. 18 I n dage rang siakte liazie,

nang rehang dau au n katei n kia kangpung eh nsui leune ga gwang, dede

nang cing kedi cai au nang nba hwabeu eh mide peu ngkia kangteu nang

gwang neu kemak ka neu ngngwa gwang zie," debeu. 19 Pa daipai cit tei

eh Tinggwang zi tei mdi pwa mide lialu ziebi de kecu ziemne, pa sam aide

rang. Iciu eh pa sam aide rangkegai cai, pa pe dade, "Acaisui lulo," debeu.

Jisu na ledeukelu kedabe

20 Pitor pecai nreu gwangge aipau dwa tingmui matei kebam dau Jisu

heka mcui siakka bam eh, "Ainie, Rampaubo, caune neu tuipwa miba gage

kai zieno?" de eh keteu kedi pecu hung kelabe pecaisui gwang kela

ngaulu. 21 Ge Pitor pecu ngaulu ge Jisu dade, "Rampaubo, iciu cai mina

aipaude daipai ge tei zieno?" dedi. 22 Jisu pe dade, "I gwang kemak tane

pecu peu bam zielie kecu asui liecai nang daipai tei eh aiciu no? Nang

acaisui lulo!" dedi. 23 Cine ledeukelu ipaude caidi laklie kecu caiherei

swakecingme-dung kak kade rang pupbak ti: dede Jisu au pe dade pecu

peu cai laklie kecu rangma, dede, "I gwang kemak tane pecu peu bam

zielie kecu a suilie cai nang daitei lie eh aiciu no?" de kegai he. 24

Ledeukelu cipaude ma aidung zierang tei kegaibe da, na sam aidungde

raukegaibe da; na pe zierang kesang lie kecu anui ci siakte lie.

Sam kekambe

25 Cide runne mene Jisu ma kedade kekie tei sigai; ma cidungde ket ket

rau cam gwang zielie cai au a lung kemning au laisiu kwak cidungde raulu

kera kideu gade pebam ga dizie.