ILLUSTRISSIMI, AC REVERENDISSIMI DOMINIG AB R IE L I» SZMICHIKLASZ,

ALMAE DIOECESIS CHISIENSIS GRAECI R. CATHOLICORUMEPISCOPI (P . T .)

OCCASIONE

SUAE IN PRAELAUDATAE DIOECESIS PRAESULEMA nno 1 8 3 4

MAGNOVARADINI CELEBRATAE INAUGURATIONISI H

PERENNE GRATITUDINE MONUMENTUM D E V O T E

O B L A T U M

A

J O A N N E NEP. M I L L A K O V I G H .

Typis Jos ephi Bei in el*

Carmine fit vivax virtus , expersque sepulehri Notitiam serae posteritatis habet.

Quis Thebas , septemque Duces , sine carmine nosset,Et quidquid posthaec , quidquid et ante fuit ? —

O vid. E lé g . Vili, ad S u il l i um.

Secula jam rursus redeunt gaudete, beata,Illyrici fines , omnisque Horvatia plaude !Quaeque fuit longo jam tellus Crisia luctu Tecta, et tam dudum jam vulnere saucia tristi,Exultat laeta, et vultus capit illa serènos.Pallida mors postquam clausisset lumina Praesul SZTANICH docte TUA ! et dum magna capessere Coeli Regna jubet, — nimis, heu ! nimis infensa omnibus aetas ! Crisia Sacra Domus gemuit spoliata parente,Illa suo gemituque omnem repleverat orbem ;Praesul abest, Pastorque gregis, Pater optimus hujus. — At pia Mens REGIS tantum non passa dolorem,Neve ultro saevis laceret plangoribus artus Gens haec chara SIBI, Regique, Deoque fidelis:Et dum bis, totiesque iterum persolvitur annus,Venit grata dies — qua gratior altera nunquam Visa est Savigenis. — O! sit gratissima semper!Mittitur en Praesul, lapsis solatia rebus ;Optatus Pastor huic, sponsus jungitur illi.GABRIEL iste est 8ZMICHIKLASZ laudabile Nomen, Pastor erit noster, cujus sapientia toto,Qua late sese extendit, laudatur in orbe.Auget spem Schydium, et populi te auctore beati. Seclaque et aeternum memorabit Syrmia Nomen

Tellus chara TIBI, — quali, quantoque superba Gavisa illa VIRO est ! Memorat majora decore;TE DUCE gesta bono, tum clara VICARIA SEDES* — Et nunc quod summum teneas TU culmen honoris,Non genus, aut Proavus meruit, Sapientia verum, Virtusque, ista tulere TIBI haec solatia tandem,Illa dicet justas nobis TE PRAESULE leges ,Jura dabit populis, et Sacra mysteria pandet,Haec normam vitae, et vivendi noscere morem.Candor enim cordis, pietas gratissima Divis,Justitiae studium, et celsae solertia mentis :Hae dotes tenero fuerant jam pectore magnae, Majoresque dedit aetas maturior annis,Hae semper sacrae Patriaeque, Regique, Deoque Hae fidae comites, per quas post Secula vives. —Vive igitur felix nobis diarissime PRAESUL!Vive diu sospes multos per Nestoris annos!Nam TUA nos quoque causabit fortuna beatos.Et postquam populos reddet TUA cura securos. —Et tunc ista TUO tumulo solatia sunto.Demum VIR ! cujus laudes modulatur in orbe Nemo satis ; sume ista haec magni muneris instar :Nam licet artifices solidos e marmore vultus,Aut TIBI si ponent e duro corpora ferro,Haec tamen absumet mordax post secula tempus;At TIBI quod nomen dat Musa, perenne manebit.