grupo vocal “sÓlo voces” · cristóbal de morales (1500 ca. – 1553) foi cantor na catedral...
TRANSCRIPT
Cristóbal de Morales (1500 ca. - 1553)
Circumdederunt me gemitus mortis
Missa pro defunctis, a 5Roma, 1544
Introitus
Kyrie
Graduale
Sequentia
Sanctus et Benedictus
Agnus Dei
Communio
GRUPO VOCAL “SÓLO VOCES”
Director: Fernando G. Jácome
Coa colaboración de
Violas: Xurxo Lois, Maika Novoa, Pablo Ruibal, Nerea Casanova
PROGRAMA
GRUPO VOCAL “SÓLO VOCES”Sábado, 8 de xuño de 2013Igrexa de Santiago A Nova. 21:00 h.
Cristóbal de Morales (1500 ca. – 1553) foi cantor na catedral de Sevilla, onde se formou
como músico. Posteriormente ocupou as prazas de mestre de capela nas catedrais de Ávila
e Plasencia. En 1535 foi recalar como cantor na capela papal de Roma, baixo o papado
de Pio III, polo que se atopaba nesa cidade o 28 de maio de 1539 cando se celebraron
as exequias pola emperatriz Isabel de Portugal, esposa de Carlos V falecida o primeiro de
maio de 1539. De feito o musicólogo Clemente Terni inclínase a pensar que esta “Missa pro
defunctis a 5” foi escrita por Morales para esta ocasión. Hai coñecemento de posteriores
execucións desta obra, por exemplo da que se fixo en México en 1559, nas cerimonias que
se celebraron trala morte do emperador Carlos V.
A difusión da obra de Morales por Europa e até o novo mundo produciuse grazas á impre-
sión a cargo dos irmáns Ludovico e Valerio Dórico, en cuxo prelo de Roma viu a luz o volume
“Christophori Morales Hispalensis Missarum líber secundus” en 1544.
A música da Missa pro defunctis é dunha sonoridade sombría, atemorizante e moi intensa
en todo momento. Esta monumental obra consta de oito partes, segundo o “Proprium” da
liturxia de defuntos: Introitus, Kyrie, Graduale, Sequentia (só pon en polifonía o derradeiro
verso: Pie Iesu), Offertorium, Sanctus, Agnus Dei e Communio.
A melodía gregoriana é levada pola voz máis aguda mentres arrastra ás demais cara a unha
tensión harmónica que nace e se esvaece en cada movemento da obra. En xeral, e como
norma excepcional nas misas de Morales, o baixo apártase con frecuencia do xogo polifóni-
co avanzando implacablemente en cuartas e quintas. Todas as voces anticipan a liña meló-
dica da voz superior dando unha sensación de imitación para suxerir ao oínte a melodía que
se está tratando en cada momento. A sobriedade contrapuntística de Morales atópase en
pasaxes homofónicos como o Sanctus e Agnus Dei, escritos nun estilo declamado, austero
e tenebroso.
Dada a grande extensión da Secuencia de defuntos (Dies irae) Morales só puxo música ao
Pie Iesu, deixando á vontade do intérprete a execución deste verso como se dun pequeno
motete se tratase, ou a interpretación do mesmo precedido do canto gregoriano. Ademais
dos versos do Dies irae, tampouco o Tractus (Absolve, Domine...) foi posto en polifonía.
Na versión que hoxe ofrecemos seguimos a tradición de dobrar as voces polifónicas co
acompañamento de menestreis, neste caso catro violas de gamba. Para acompañar a esta
misa incluímos no programa un motete igual de tenebroso: “Circumdederunt me”: Ro-
deáronme os xemidos da morte; as penas do inferno envolvéronme.
Grupo vocal “Sólo Voces” Fundouse en Lugo en 1992. Dende entón leva traballando diversos ámbitos do repertorio
coral: a música popular (rock, folk, pop...) e a culta (gregoriano, música sacra e profana de
autores consagrados, obras de compositores contemporáneos...), sempre con especial én-
fase nos autores galegos, e baixo a dirección de Fernando G. Jácome.
Ten editados catro CDs: Cantares (ano 2000), con clásicos do rock e da música sudameri-
cana, Clásicos galegos, Vol. 1 (ano 2000), coa Orquestra Municipal de Xove baixo a direc-
ción de Xan Carballal, onde se recolle música de autores lucenses, Nihil novum sub sole?
(ano 2005) con música sacra do século XX, e Dous séculos de música lucense (ano 2011)
baixo o patrocinio de Excma. Deputación de Lugo.
Se ben sempre existiu a vocación de dar a coñecer a obra de músicos locais precisamente
con Clásicos galegos comeza unha nova etapa intensificando esta labor de difusión, e en
2001 fan un concerto xunto coa Orquestra Municipal de Xove onde se representan varias
obras de xuventude do lucense universal Xoán Montes. En 2004 unha sección de Sólo Vo-
ces constitúe a Capela lucense para recuperar obras do arquivo musical da catedral de Lugo.
En 2007, no marco do festival Via Stellae, Sólo Voces ofrece varios concertos en Galiza
con obras de lucenses como Pascual Veiga, Juan Montes, Bal y Gay, e músicos da catedral
lucense. Este programa ofréceo en Lugo ó ano seguinte, na programación da Sociedade Fil-
harmónica lucense. En 2011, xunto coa Orquestra Vigo 430 fan soar en Lugo o Te Deum de
Montes. Tamén neste ano organizou - con grande éxito de público - unha semana dedicada
a Xoán Montes (Xoán Montes, sóache?) que consistiu nun ciclo de conferencias e concertos
sobre a música de Montes, e unha exposición de partituras e obxectos deste autor.
Outros aspectos do repertorio levaron a Sólo Voces a cantar nos ámbitos máis diversos,
mesturando o humor coa seriedade, a música coa poesía..., en toda Galiza e fóra dela: Casa
de Galiza en Madrid, Casa de Galiza en Lisboa, programación musical de Advento en Salz-
burgo, e Praga..., facendo a zarzuela Bohemios, en Lugo, baixo a dirección de Jorge Rubio.
Tamén é salientable a súa colaboración co grupo de instrumentos antigos Orpheon consort,
de Viena. Así mesmo ofreceron un concerto monográfico sobre Tomás Luis de Victoria en
Ávila e Lugo, e participaron en festivais de música: IX Certame de Música Sacra de Ourense,
XXVII, XXVIII e XL Semana de música do Corpus lucense, VII Bienal de polifonía regional
autóctona (Cangas de Onís), II e VI Ciclo de Música Sacra de São Pedro de Rates (Portu-
gal), Temporada de música Antiga no Douro en Lamego e Peso da Régua (Portugal). Tamén
destaca a participación no II Festival de música de Compostela e os seus camiños VIA STE-
LLAE (ano 2007) e no Ciclo de música vocal de ESPAZOS SONOROS (ano 2008) que o
consolida como unha agrupación de peso no panorama musical galego.
Un Réquiem para Carlos VMissa pro defunctis, Cristóbal de Morales