contents - moviecornermagazine.com fileinthurual takin, mipa thu ngawt ni lovin ngaihtuah ṭhin a...

http://www.moviecornermagazine.com

contentsFROM THE EDITOR’S DESKMAXEER

HMINGPUIA KAWMNAOMOMA VAJAZ

CUISINESTANLEY

UIABRAHAM LALTHLAMUANA

FIAMTHU CORNERTSA KHUPCHAWNG

DARTHLALANGLT ZOHRANGA

KRISTY ZINKAWNGH. VANLALHRUAIA

SHINE ON YOU CRAZY DIAMONDLAL JO-A

NUPUI / PASAL NEIHLEH FA NEIH CHUNGCHANGH. VANGCHHIA

MC PEOPLE :FAITH INC.

REVIEWSM. RALTE

MC’S ACTRESS OF THE MONTH:MONICA BELLUCCIMUANTEA CHINZAH

4

5

8

6

13

23

24

20

25

16

14

18

MC EDITORIAL

MOVIE CORNER • NOVEMBER 2013 | 4

-maxeerFROM THE EDITOR’S DESK

ZIAKWRITEREADCHHIAR.


Fa neih chungchang etc.:

Mizote hi nupaa kan insiam tawh hi chuan rei lo teah chhungte leh ṭhiante hian, “Fa in/an nei tawh em?” an ti nghal deuh sek mai ṭhin niin ka hria. Ka ngaihdan chuan, fa neih ngawt hi ṭha taka kan enkawl thei emaw, keimahni kan inhuam hle loh chuan a pawimawh hmasa ber lo ka ti ṭhin. Ngun taka ngaihtuah hnuin, nupa inthurual takin, mipa thu ngawt ni lovin ngaihtuah ṭhin a pawimawh ka ring.

Ka hmuh dan chuan, Mizorama kan fa neih dan leh kan nunphung hi nu leh pa te hian hma kan sial lutuk ni te hian ka hre ṭhin bawk. Kan fate hi an hlimna lam aiin keimahni duh zawng leh keimahni hlim theihna tura kaihhruai kan tum ṭhin lutuk em aw, ka ti ṭhin.

Han thlithlai thui mah ula, naupang hlimna tur ngaihtuah emaw kan intih lai hian keimahni hlimna tur, kan rilru mil tur hlir kan ngaihtuah fo lo maw? Naupang rilru hi kan hria emaw ti hian keimahni rilru hi naupangte put tir kan tum ṭhin ni te hian ka hria. An rilru ngaihtuahnate zah sak a pawimawh hlein ka hre bawk.

Ka hriat naupang pakhat chu a chhungten khaw pui lamah sikul ṭha zawka lehkha zir tir an tum a. Chu naupang pi leh pu te chuan, “Anu (thi tawh) hmel kan hmuh theihna chhun ania,” tiin rem zuk ti hauh lova mawle.

-h vangchhia

NUPUI / PASAL NEIH LEH FA NEIH CHUNGCHANG

MC TIPS

Anni kha tar (old age) anni tawh a, an khawvel hun a zo lampang a ni tawh. Kha naupang te, a nakin hun tur ngaihtuah pha miah lo khan, mahni hmasial takin anmahni rilru hlimna tur an la ngaihven hram hram tihna a ni awm e.

Mihring pangngai kan nih chuan nupui/pasal neiin fa kan la nei duh ang. Chutiang tur chuan upat lam hret emaw, rilru puitling tak nih hunah chauh fa neih hi a lo ṭha khawpin ka hre ta. Keimahah ngei pawh chiang takin ka inhria a ni. Ka ngaihtuah kir leh ṭhin a, hman leh tuna fa enkawl leh hmangaih dan te leh an hlut zia ka hriat sawt zia hi dang tak a ni ringawt.

Tin, Mizote hian fa kan neih vat duh chhan ṭhin chu, nakina min chawm atan tih te, nupa inneih tinghettu atan tih te etc. a ni fo mai. Nupa nun hi fate hian an tinghet tak tak lo, chhuanlam mai niin ka hria. Rilru puitling taka nupa insiam hian chhungkua a nghet mai ṭhin zawk a ni.

Chutah zet zawng, fate hi kan mawlsawmna dawn an nih zia pawh a chiang tawh ngang mai. Upat hi puitlinna a ni chuang lova, kumin a tlin vang ngawtin nupui/pasal neih a ṭha kher lova, hna nghet/thawh chhuah neih emaw nu leh pa te’n min nawr vang ngawt pawhin nupui/pasal neih ngawt hi thil ṭul leh ṭha ber a ni lo fo.

Naupang te emaw ka intih laiin upa lam ka ni ve ṭan dawn ta der mai! Engpawhnise, tun ṭum chu nupui/pasal neih hun ni a ka ngaih, keima lo tawn chhoh aṭang leh midangte nun aṭanga ka hmuh dan aṭangin ka’n sawi ve niah nuah ang e.

Ka hriatthiam tirh aṭangin, tun thleng mai hian, Mizote hi nupui/pasal neih kan hma hle ṭhinin ka hria; han ti nghal tawl mai teh ang! Kei ngei pawh hi ngaihtuah thui viaua inhre siin nupui hi ka nei hma khawp mai a. Thui takin keimah leh ka chhungte leh mi chhungte pawi ka sawi ni te hian tun thlengin inhriatna ka la nei fo ṭhin.

Nupui/pasal ni tur chuan hna fumfe neih hmasak a pawimawh hle awm e. Hna fumfe neih lem loh pawhin ṭul ang ang thawk hreh lo mi tak tak nih a ṭhain ka ring.

Hna fumfe tak neih ngawt erawh nupui/pasal neih hun a ni chuang hauh lo thung. Nupui/pasal nei tur chuan nakin thleng ngaihtuahin, “Nei ta ila, nulat/tlangval lai ka ngai ang em,” tih te, “Ka nupui/pasal chauh hi rinawm takin ka nei thei ang em,” tih ang te pawh ngun taka ngaihtuah a ṭul hle awm e. Nupui/pasala insiam hnu hian mi tam tak chuan nulat tlangval an kham lo ru duh riau mai a, chumi chuan, a ruka kawppui neih te leh nupa inkara buaina nasa tak a siam ṭhin niin ka hria.

MC PeopleMC EXCLUSIVE

# FAITH Inc.

Hmanni deuh khan, ka thawhpuipa hian thil ṭha deuh min hrilh tur a neih thu a sawi a. Ka han zawh chian chuan sawi

duh ta mai lo chuan, Upper Khatla-ah hian min hruai ta a.

Chutah chuan a unaupate inah hian kan va leng a, eng chu nge a la sawi duh chuang lo a. An garage-ah min kalpui a,

chutah tak mai chuan a thil sawi chu ka hmu ta a - custom built scooter pahnih mawi lutuk mai hi a lo awm a. Chutah

chuan, Faith Inc. te hi tunge an nih a, engtia lo awm nge tih ka han hre zui ta a. Tunah pawh Aizawl mipui hriat an hlawh chho ta hle mai a, anmahni belhchianna ka han nei

zui ta nghal bawk a ni.


-oniisan chawngthu

MC EXCLUSIVE


MC: Faith Inc. hi hria kan lo awm ve nual tawh a. A hmasain, tute tak nge in nih min hrilh thei em?

FI: Faith Inc. hi ṭhianzaho pawl pakhat a ni a, ṭhianzaho inkawm khawmna aṭanga lo piang chhuak a ni.

MC: Hruaitu emaw hmalatu deuh in awm em? Chhungkua deuh nge ṭhianza ang deuh in nih?

FI: Aw, awm e. Hruaitu hi pasarih (7) kan nei a, member zawng zawng te’n eng nge kan tih tur kan rel ho ṭhin. Thianzaho, chhungkua anga inkawm khawm kan ni.

MC: Tun tum kan issue-ah hian in custom built Scooter te kan hmang a. Mizoramah hian custom built vehicle hi kan la ngah lutuk lova. Tute nge a siamtu ber leh engtia han ti chho vel nge in nih?

FI: Ni e, hemi siamtu te hi kan Chairman - Pu Stephen Vanlalmuana leh kan Vice Chairman - Tv. Noel Zochhuanawma te an ni. A siam hi rin aiin a hautak ve khawp mai.

Hetiang Scooter kan tih mai hi internet aṭanga kan hmelhriat a ni a. A hming hi RUCKUS a ni. Bungrua leh hmanrua te hi kan lak khawm chawp leh internet aṭanga kan chah te a ni hlawm a, kan ṭhiante workshop-ah a body te hi kan siam a. Mi pahnih, khat ngaihtuahna ni mah se, ṭhianzaho thawh hona avang liau liaua puitlin a ni. A engine hi Blaze leh Flyte scooty hman a ni.

MC: Hmachhawp dang in neiin kan hria a, min hrilh phal em?

FI: Hmachhawp hi kan nei ve nual a, tuna a langsar deuh atan chuan, Faith Inc. hian Charity Ride neih kan tum a, Home leh mimal leh chhungkaw harsa te ṭanpui kan tum a ni.

MC: Faith Inc. motto hi?

FI: “Midangte tana Malsawmna” tih a ni a, kan theih ang tawk leh kan phak tawka mite ṭanpui hi kan tum dan a ni.

MONICA

BellucciMC’s Actress of the Month


MC REVIEW

-muantea chinzah

Monica Bellucci hming hre lo hi chu kan vang pharh awm e. A chhiat loh zia inhrilh nawn pawh a ngai tawh kher lovang. Nimahsela, khawi ami nge, engtia lo lar chhuak nge, lemchan khawvela a hnuhma tam tak la hre lo erawh kan awm duah awm e. Engpawhnise, a chanchin tlem i’n thailang dawn ang hmiang.

Monica Bellucci hi Brunella Briganti leh Pasquale Belucci fa neih chhun

niin, kum 1964 September ni 30 khan Italy rama khaw te tak te, mipui cheng pawh tlem te chauh awmna, Città di Castello-ah a piang a. Nimahsela, a pianna khuaah hian a seilian lo thung a. A pianna khua aṭanga hla lutuk lo, San Giustino khuaah a naupan lai hian a hun a hmang tam zawk a ni.

A tleirawl chhuah aṭang rengin pian zei tak a ni nghal a, kum 13 chauh a nih lai khan Modelling lamah a rilru

a awn nghal a ni ber mai. Kum 1988 khan Milan-ah inbengbelin, ‘Elite Model Management’ te nen an thawh hona tur thu an thlung a. Magazine hrang hrang te’n Cover atan an hmang a, mi hriat a hlawh nghal hle a, kum 1989 khan lemchan khawvelah a zuanglut ṭan ta chauh zawk a ni. Hetia lemchan khawvela a zuan luh hnu pawh hian Magazine ṭhenkhat Cover atana hman a la ni reng tho a, MAXIM Magazine-ah pawh a inlan tawh bawk

MONICA

BellucciBio-Data

Birth Name : Monica Anna Maria BellucciBirth Place : Citta di Castello, Umbria, ItalyNationality : Italian Height : 5’ 6” DOB : November 30, 1964

MC REVIEW

a ni. Monica hi a nalhin, a sexy bawk a niang e, kum 2002 khan ‘AskMen’ chuan Hmeichhe Itawm Berah an thlang hial a ni.

Kum 1990 khan lemchana a lanna hmasa ber chu chhuah a ni ṭan a; Italian Director lar Dino Risi TV Film ‘Vita coi figli’-ah a inlan a ni. Kum 1992 khan film lar zet, a hunlaia mi te en hlawh leh boruak ngah em em ‘Bram Stoker’s Dracula’-ah inlan lehin, a hming a chher hriam ṭan hle. Kum 1995 khan Joseph-ah (Mizo-in a Josefa kan tih kha) inlan lehin, Faraw-a nupui angin a inlan a. He film pawh hi a larin, Mizo te paw’n kan en nasat pawl a ni hial awm e! Kum 1996 khan ‘The Apartment’-ah a inlan leh bawk. Film hrang hrang-ah inlan chho noh nohin, kum 2003 khan ‘The Matrix Reloaded’-ah inlanin, a dang pahnih, ‘Enter the Matrix’ leh ‘The Matrix Revolution’-ah te


pawh a inlan bawk a ni. Kum 2004 khan Mel Gibson-a film lar em em ‘The Passion of Christ’-ah Mari Magdaline-i lemah changin, kha film khan sum a hailuh hnem zia chu kan hre vek awm e. A channa langsar dang leh em em chu ‘The Sorcerer’s Apprentice’ ngei kha a ni e. Lemchana a inlan tawhna film hi 57 zet a awm tawh a ni. Bible Film pahnih; Joseph leh The Passion of Christ-ah te inlan mah se, Christian erawh a ni lo a, Agnostic (Pathian awm leh awm loh mihring ten kan hre thei lo ti chi) a ni a, zawhna an zawh erawh chuan Sakhaw tin a zah em em thu a sawi thung!

Kum 1996-a ‘The Apartment’-a a inlan ṭuma a chhar Vincent Cassel nen inzuiin, 1999 khan an innei a, fanu pahnih an nei a. Tunah erawh an inṭhen thung! August thla mai khan an inṭhen a, nuthlawi tharlam tak a la ni tihna a nih chu

MC EXCLUSIVE


ṬHAZUALIPACHUAUDOB: June 15

Nuam tih zawng: Table Tennis khelh

Mipa Duhzawng: Fel, Ruihtheih thil engmah ti lo

Chenna veng: Bawngkawn, Aizawl.

MOVIE CORNER • NOVEMBER 2013 |11

Ṭhazuali hian tunah hian MBA (ICFAI) zir mek in, 3rd Semester zirlai a ni.#

MC EXCLUSIVE


PhOTOgRAPhy: Didini Tochhawng

WARDROBe:Afaki

hAIR AND MAKeUP:Amy L Fanai

AfakiBODy PAINT:

MaxeerAmy L Fanai

MC MUSIC CORNER

-omoma vajaz


Pu Zohmingthanga (Hmingpuia) hi Mizo rimawi ngainate zingah cuan hre lo kan awm tawh awm lo e. August ni 21, 1971-ah Agartala, Tripura-ah a piang a. Kum 6

a nih aṭangin guitar a tum ṭan tawh a. Mizo guitarist lar ber te zing ami ni chhoin, mi tam tak phei chuan Mizo guitarist thiam berah an ngai a ni. Tunah hian Zarkawt Vengah a nupui leh fa pali (kum 14, 11, 6, 2) te nen an cheng a ni. MC Magazine te’n kan ngenna min tih hlawhtlin sakin, kan zawhna te min chhan sak thei a, vannei kan

in tiin, U Hmingpuia chungah pawh kan lawm tak zet a ni.

HMINGPUIA KAWMNA

MC: I fate hian music an thiam ve hlawm viau niin kan lo hria a, nangma’ n i zirtir nge class an kal? Eng ang rual an nih aṭangin nge an zir ṭan?

Hmingpuia: A upa pahnihte hi an tui viau a. Professionals te kutah dahin, kei chuan ka zirtir lem lo. Upa ber Audrey (kum 14) hi KG II a zir aṭangin keyboard class a kal a, tunah Grade-3 practical exam turin a inpuahchah mek. Casio Piano Competition 2012-ah 3-na a ni. A chhang Samuel (kum11) hi nikum aṭang kha drums class a kal ve thung a, Rock School Grade-5 a exam dawn.

MC: I musical instrument neih hmasak ber eng nge? Engtik khan nge?

Hmingpuia: Kum 5 vel ka nihin acoustic tuk chawp kan nei ṭhin. 1976 vel lai khan.

MC: Mipui hmaah i perform hmasak ber ṭum min hrilh thei em?

Hmingpuia: Kum 10 ka nihin Dawrpui biak inah group singing ka rem.

MC: Albatross hma hian band dang telna i nei tawh em?

Hmingpuia: 1988-89 lai khan Assam Rifles Public School, Shillong-ah school band-ah ka tel ve ṭhin a, chuan, 1989-90 bawr velah khan ‘Image’ band-ah ka tel ṭhin bawk.

MC: Tunge i musician ngaihsan ber? Solo musician i’n ti kher teh ang.

Hmingpuia: Musician duh ber ti a han sawi tur chu ka nei hran lo, Beethoven, etc. aṭanga sawi a ngai ang. Guitarist min influence nasa leh ka ngaihthlak tam ber ṭhinte chu David Gilmore, Gary Moore, Brian May, Yngwie Malmsteen, Jeff Beck, Eric Johnson, etc.

MC MUSIC CORNER

MC: Hnam dang band zingah hian tute nge ṭha i tih ber?

Hmingpuia: Commercial leh mainstream bands hi ka ngaithla vak tawh lo a. Vanneihthlak takin rock guitarist ropui Shawn Lane (RIP) te kan khuaah ngei kan hmu thei a. Tin, musician turu Scott Kinsey, etc. te kan lo mikhual tawh bawk a. Eric Johnson leh Allan Holdsworth te pawh kan la hmu maithei asin; khawvel a zim telh telh tawh bawk a. Hnam dang band chu ka ngaithla meuh lo. Indus Creed (Rock Machine) te kha chu kan ngaithla ve nasa ṭhin.

MC: Tunlai Mizo band zingah hian tute nge thiam leh ṭha i tih?

Hmingpuia: Tunlaiah Mizo band an ṭha sawt hle a. Aizawl-ah chuan Boomarang, Drop Doubt, Magdalene leh Freddie’s Nightmare te hian album/LP an tichhuak thei a, an ngaihsanawm khawp mai. Band dang pawh promising tak tak an awm nual tawh mai. Hla ‘hit’ kan tih mai, music history-a kan hlut reng tur kan ngah vak lo hi chuan khua a tihar deuh. Kan music industry hrim hrim hian hmasawnna tur a la ngah hlein ka hria a, tunhnaia music promotor kan hmuh te hi an fakawm hle.

MC: Mizote hian live music hi kan hlut ve ṭan tawh viau a, mahse live band ai hian track singers ho hi an hlawk zawk tlat zel mai a. Hei hi eng nge a chhan nia i hriat? Engtin nge live music hi hlawk zawk thei turin kan promote theih ang?

Hmingpuia: Kan ramin singers/musician kan mamawh dan hi chu eng programme emaw tiphuisuitu atan lek ni te pawhin ka hre ṭhin. Chuvang chu a ni ang, backing track (sound track tih aiin a awm zawkin ka hria) pawh a lar tak em em. Musical instruments buaipui ngai lova Rs.5000/- bawr vela artist lar backing

track hmang kan rawih theih te chuan a awlsamin, a remchang em a lawm le. Hemi ‘convenience’ hian backing track a tilar a, live music a hliah tlat. Tun hnaiah music promote-tute an fakawm hle a, band pawh kan ngah sawt hlein a lang. Hmanni, MZI Music Festival-ah pawh khan artiste/band 100 chuang an tel an ti a ni awm e. Live musicians tan promotion/sponsorship awm zel se, live shows tam thei ang ber buatsaih ni se hma kan sawn zel ang; hmanhmawh erawh a theih loh. Hlawk tak tak thei tur chuan hun a la duh deuh ang ka ring. Tin, live musicians te hi an hmuhnawm ve a ngai a, entertainers nih an zir ve a ngaiin ka hria.

MC: Mizote hi musician dangte han copy leh a practical-a han tih tawpah hi chuan kan thiam hlawm viau a, mahse a theory lam hi thiam tak tak kan tlem viau mai a. Hei hi a pawi thei em? Theory lam hi eng anga pawimawh nge?

Hmingpuia: Music theory hi a pawimawh hlein ka hria a. Music inzirtirna’n leh inhlanchhawnna’n a pawimawh em em. Music school kan nei ve ta nual te hi a lawmawm hle a, nasa takin hma kan sawn phahin ka hria. A lehlamah chuan, theory thiam apiang musician ṭha an ni chuang lova. Taima leh creative apiangin hma an sawn chak ṭhin zawk, chumi kawngah chuan theory hriat chu advantage a ni.

MC: “Sex, Drugs and Rock ‘n’ Roll” hi mi tam tak ngaihdan a lo ni ṭhin a? Hei hi eng nge i ngaih ve dan?

Hmingpuia: Music hi thil ‘physical’ tak a nih miau avangin thil dang pawh a lo keng tel ṭhin a ni mahna! Music hi a Siamtuin thianghlim taka a siam a ni a, ramhuai chungah pawh thuneihna a nei a, a hmang khawlotu chuan a Siamtu a zah lova, a ropuina pawh a pawh pha lo-ah ka ngai.

MC: Music hi Mizote tan hian eizawnna tlak a niin i hria em? Eng nge a chhan?

Hmingpuia: Music industry hrim hrim hi chu eizawnna a tling maithei, mahse performing artist/musician tan chuan a la harsa deuh chu a nih hi. Mi tlemte bak an leng lo. Kan music industry a la upat tawk loh vang ni berin ka hria.

MC: Mizo te hi music lamah hian hma kan sawn zual zel theihna’n eng nge pawimawh i tih? Tun aia ṭha lehzual hian engtin nge hma kan lak ang?

Hmingpuia: Music lamah hian hma kan sawn zual zel theihna’n chuan promotion a pawimawh berin ka hria. Tun ṭum Chapchar Kutah khan kan band kan zai ve a, a lawmawm hle nangin sum sen zawng zawng aqanga artiste chan kha a beitham deuhin ka hria. Vuivaina ni lovin, kan ramah musician te kan la hlut tawk loh zia a tilang. Arts dang ang bawkin music industry leh music artiste te hi support a ngai tak zetin ka hria.

MC: Nangmah ngaisangtu tak tak che kan tam a. Mizo ṭhangthar, music lam khawih ṭhin te zingah phei chuan an Mizo guitarist duh ber an sawi chuan “U Hmingpuia” hi a ni deuh vek mai a. Nangmah ngaisangtute tan leh ṭhangthar tam tak, music lam rawn khawih chho ve ṭan te tan eng nge thuchah duh i neih?

Hmingpuia: Music ngaina hnam kan ni hi ka chhawr hlein ka hria a. Music lama tawnhriat ka neih ve tlem te miin min hlut sak avangin ka lawm hle a. Music hriatna leh ‘taste’ tih zauh hi a pawimawh hle a, music styles/genre hrang hrang hriatthiam leh ngainat tum a pawimawhin ka hria. Band kan nei lo a nih pawhin CD jam-pui ṭhin te a ṭangkai. Mahni irawm chhuak ngei composition neih tum a ṭha a, hmasawnna hmanrua ṭha tak niin ka hria.

BN HOSPITAL AND RESEARCH CENTREKulikawn, Aizawl

GYNAE AND OBSTETRICS SURGERY, PAEDIATRICS, VACCINES FOR NEW BORN AND CHILDREN, LABORATORY, ULTRASOUND, AMBULANCE SERVICE, CLEAN AND HYGENIC ACOMODATIONS (GENERAL WARD, CABINS & DELUXED CABINS), ETC.

CONSULTATION TIMINGGynaecologist: 6:30 AM – 8:30 AM, 3:00 PM – 8:00PM

Paediatrician: 10:00 AM – 3:00 PMBooking : Ph No: 0389-2300702, 9615604570

MC EXPERT

-abraham lalthlamuana (The Kennel Club of Mizoram)

UIMOVIE CORNER • NOVEMBER 2013 | 16

MC EXPERT

-abraham lalthlamuana (The Kennel Club of Mizoram)

Mizo te hi tun hma aṭanga ui vulh tawh kan ni a, kan nunah hian ui hi a bet tlat tawh a maw tih mai turin, tun thleng hian ui vulh kan la intihhmuh nasa em em a ni. Kan pi leh pute hun laia ui an vulh ṭhinna chhan tam tak kha chu ram vahpuiah te leh nau ek eiah te a ni tlangpui ṭhin. Tun hnuah erawh kan vulhna chhan tam zawk chu an hmelṭhat vang te, an lawmawm avang te leh ran ngainat vang te-in ui kan vulh tlangpui tawh a. Amaherawhchu, Mizo te hi Ui kan ngaina viau e ti lo chuan a enkawl lamah leh a buaipui lamah hian kan la hnufual em em a, hei hi thil pawi tak a ni. A enkawl lam leh a buaipui lam chu sawi tur tam tak awm mah se, ui kan lak hmaa kan hriat ngei ngei tur thil pawimawh tak tak i han sawi phawt teh ang.

Ui kan vulh dawn reng rengin kan hriat hmasak ber tur chu:

Hun: Ui han neih mai hi thil nuam tak anga lang mah ni se, han vulh tak tak erawh hi chu hnakhat tling a ni. I ui vulh kha i pangpar khawi anga ni 2/1 leka paih mai theih thil a ni lo a, a kuma kum i vulh tur thil a ni tih hre ngei ngei ang che. A chhan chu ui hi nunna nei thil a nih avangin kum 7 aṭanga kum 12 te an dam a, an hrisel ṭhat phei chuan kum 20 te pawh an dam thleng thei a ni. Ui hi ran dang ang lo takin hun tam tak pek an ngai a, insawizawipui te leh awm

manah te i inseng ngam dawn em tih i enfiah hmasa phawt dawn nia. I ui chaw thlenga sa hrang awm i hmuh len viau chuan vulh lo lo lo la i tan a ṭha zawk ang.

In Leh Lo: Ui hi an len zawng inang lo thluah an nih avang hian an len dana zirin hmun an inheh hleihin, an inheh hleih lo thei ve hle a ni. Mizo te chu mahni it zawng lei ngawt ṭhin kan nih avangin, tul lo-ah kan buai phah fo ṭhin a. Scooty leng tawk lek garage neiin Maruti Gypsy a lei ṭalh chuan a dahnaah a buai phah fo ṭhin. Chutiang bawk chuan, ui kan vulh dawn a nih chuan kan hmun neihin a zir em tih hi kan chian phawt a ṭul. Ui lian chi chuan han infiamna tur hmun an duh zau avangin kawtzawl neih ṭhat a ngai. Chuvangin, kawtzawl nei ṭha lo tan chuan ui lian awt viau mah ila, neih loh mai kha a ṭha zawk a ni. Ui kan vulh dawn a nih chuan kan in leh lo, kan chhungkaw mil ang zelin ui kan vulh dawn nia.

Visit/Join The Kennel Club Of Mizoram:

Facebook Group: https://www.facebook.com/groups/TKCOM/

Facebook Page: https://www.facebook.com/TheKennelClubOfMizoram

dan mawi zir tir ngai ve te an nih avangin, i hun tam zawk a ei hek dawn a ni tih hria la, zin reng chi leh hna lama buai reng chi i nih chuan ui i vulh dawnin HUN i pek theih leh theih loh inngaihtuah chiang phawt ang che.

Vulh Duh Chhan: A tam zawkina ui kan vulh chhan ni a lang chu an hmelṭhat vang te, an lawmawm vang te a ni tlangpui. Hei hi thil pawi lutuk a ni. A chhan chu, kha ui hmelṭha deuh leh lawmawm deuh kan lak ngawta kha a lo ṭhanlen hunah duh aiin a lo lianin kan enkawl zawh loh ui-ah an lo ṭhang lian thei a, midang tan hnawksak leh mahni chhungkaw ngei tan pawh hnawksak a ni thei a. Han hralh ngawt pawh ni ila, mihring ang thoa inngainatna nei an nih ve avangin a leitute tan pawh han chul nel leh tur pawn buaipui tham a tling ṭhin. Chuvangin, ui kan vulh dawn reng rengin, kan vulh duh chhanah hian chian ngei ngei tur a ni. Kan vulh duh chhanah chuan kan in leh lo vengtu tur atan te, lung lam ṭha lo buaipui zeuh zeuh ngai lo vengtu tur atan te a ni thei ang; sawi tur tam tak a awm. Ui kan vul duh chhan hi chian ngei ngei tur.

Pawisa: Ui vulh dawna thil pawimawh deuh pakhat chu pawisa hi a ni. A chaw man te, a entirna man te, hri danna lakna man te, a nghawngawrh leh a kaihna hrui

https://www.facebook.com/groups/TKCOM/

https://www.facebook.com/groups/TKCOM/

https://www.facebook.com/TheKennelClubOfMizoram




MC EXPERIENCE

Thlasik a ni tawh a, tlai ni tla tur te chuan lunglenna an chawk tho veng veng zel mai hin. Zan boruak

thiang kuk kara arsi de zauh zauh te chuan hun kal tawh te min thlir tir a, tlaikhaw vara zai mai loh chu min hnemtu dang a awm lo. He’ng hunah hian a ni Mizo hla hlui saa, mittui hnam sawk sawka kan kiu vawng vawng ṭhin ni.

Chu’ng kan lunglenna te chuan ngaihtuahna thar min pe a. Krismas hma ngeia kan hranghlui zaithiamte inlar theihna hun siam sak bakah kan lunglenna te min ṭawmpui tura sawm ṭhain kan hre ta a. Tichuan, kan hranghlui zaithiam kan tih zual ho chu hun min hmanpui tura sawm tur thlang chhuakin hun kan hmang chhunzawm a. Kan ngaihtuahnaa lo lut hmasa ber te zinga mi chu “C.F.L. Hmingthanga” a ni.

“Ani hi khawiah nge a awm?”, “A la dam em?”, “A la zai thei angem?” tih zawhna te chu a rawn lut nghal zut zut a. Engpawhnise, zawnchhuah ṭhain kan hre ta a. Theihtawpa a hranghlui pui te kan biak kual hnu leh a awmna chin hriat theihna tur hrang hrang kan dap kual hnuah, Phunchawng veng-ah a awm tih chu kan hriat theih awmchhun a ni a.

November 12, 2011 chuan kan “Oldies Party” hmanna hmun tur, Valley View en thlithlai pahin, CFL-a zawng tur chuan Phunchawng veng lam chu kan pan thla ta a. Chawhnu her hreta kal kan nih avangin kan tlan chak hle a, Phunchawng kan tlan pelh fe hnuah ‘a ni tawh em em lo deuh’ tiin mi kan zawt a. “Let leh char char rawh u,” an tih avangin kan tlan let leh a, Phunchawng veng kan thlen chhoh leh chuan dawr kan hmuh hmasak ber aṭangin kan zawt chho ṭan ta a.

“Chhung saroast-i dawr han zawng rawh u,” ti chuan min hrilh zel a, chu dawr kan zawn hmuh leh hma chuan dawr 5 vel laiah kan zawt nawn leh hman. A hnuah a awmna In ni ngeia an sawi chu kan thleng ta rawih mai a.

In chhunga lut tlang nghalin, “Pu CFL

-lal jo-a

SHINEONYOUCRAZYDIAMOND


MC EXPERIENCE

Hmingthanga hi a awm em?” kan ti a. Anni chuan hmun danga a len thu te min hrilh a, lo nghak turin min ti zui bawk a. Rei deuh fe kan ṭhut chhungin a awmna nu hnen aṭang chuan a chanchin kan hre nual a. Ṭawngkam mawilo ni lo sela, zu a in nasat avangin damdawi Ina dah luh tawp tawp ṭhin a nih thu te, camp-a luh tir ṭhin a nih thu te, ruihhlo ngai te home lama dah a nih tawh ṭhin thu te chu min hrilh bawrh bawrh a.

Tichuan, nakin deuhah chuan, mi pakhat mit khur thuk dak mai, a hmel en reng reng pawha natna chi hrang hrangin a sual beh mek a ni tih hriat khawpa vun dum tak mai, zozial rawn pak khu talh talh chungin kawngkharah a rawn dak hau mai a. A thawmhnaw pawh suk lohin a ha rei tawh tih a hriat a, a kekawr zipper pawh zip lovin in chhungah chuan a rawn pai lut chhak chhak a. “Hei an nghak rei tawh lutuk che,” ti a a in neitunuin a sawi chiah chuan kan mi hmuh tum CFL-a a ni tih kan hre chiah. Mak kan ti lutuk chu kan hamhaih zo vek.

Ani chuan bengvar takin, “In va’n fel em em ve, khawi aṭangin nge in lo kal a?” tiin min han bia a. Keini pawh chuan rang takin ṭhutna aṭanga thovin kan chibai zui nghal a. Kan zaithiam ngaihsan leh Mizo zingah chuan a aw lunglenthlak kan tih thu te chu kan fah liam liam a. Ani chuan inthlahrung takin, muang ban cherh chawrhin, min chhang ve zel a. Kan inbiak danah a rilru pawh a pangngai tawh lo hle tih a hriat a, rilru a na duh ngei mai.

Tichuan, kan kal chhan te, zai ve tura kan duh thu te kan sawi a, a hmun tur te min zawt a, a chak ve zia te, hun a neih phawt chuan tel ve ngei a tum thu te chu min hrilh ta a. Kan ti ti thui zel a, a hla hlui te chu laptop-ah chuan kan han play a, a ngaithla a, a sakpui a, a lung a leng a ni tih hriat takin a mittui a rawn parawl kuang a. A hla hlui a han sakpui te chuan a aw chu CFL-a ngei kha a la ni, mahse a hmelah chuan a ni ang tih rin ngaihna tur reng reng a awm lo.

“Ka pu, keini ṭhalai te hian kan la ui si che a, khawngaihin i thil tih ṭhin zu hi chu in tawh lo hram la, i thi hma ang tih kan hlau khawp mai,” tiin inthlahrung takin kan hrilh a. Chu veleh, a aw ki a rawn san a, thinrim meng bial pawpin, “Chutiangin min ti suh u,” tiin a kut chuan min kawk kual a. Sawi thuipui chi a ni lo tih hriain, a hla hlui lamah chuan kan kuai lut leh a. A lunglen ngai thoin a lung a leng leh a, Mizo Idol lama a hla “Intawng leh ngei ang” tih a lar thu te chu kan hrilh a, ani pawhin a lo ngaihthlak tawh thu leh, thiam a tih ve zia te a sawi a.

A ṭhian hluite, an hunlaia a zaipui ṭhin te ho chanchin te kan zawt a, a ngaih thu te, an hunlai na na na chuan Mizoram an al hneh ve zia thu te a sawi a. A bik takin U BM-a a ngaih thu a sawi chhuak ngun khawp mai.

A hla chu kan play sak zel a, a chang leh kut zaizir nen meuh a sakpui a, a chhing vawng vawng a. A hla kan play apiang chu, “Awwww…hei pawh hi,” tiin a sakpui zel a. A hnu deuhah phei chuan a music video hlui te chu kan en tir a, ama zai chu a en ngawih ngawih a, a kuttum humruhin, a awm ben dawp dawp pahin, “Keimah CFL Hmingthanga…Keimah CFL Hmingthanga,” a ti a.

Hun a kal chak duh ngei mai. Ani pawhin nuam a ti tih a hriat a, kan chhuah pahin min rawn thlah thlap a, phone-in thla ka lakpui zuai a, kan kalsan ta a, min vai lauh lauh lai hmel pawh ka mitthlaah a la cham reng mai. A live-a ka hmuh hmasak ber leh ka hmuh hnuhnun ber a ni ta. Zofate rimawi khawvel lunghlu pakhatin min kalsan hi a uihawm a, rimawi khawvel hian a ruakpui huai dawn a nih hi.

Remember when you were young, you shone like the sun.

Shine on you crazy diamond.

Now there’s a look in your eyes, like black holes in the sky.

Shine on you crazy diamond.


MC LIFE

-h vanlalhruaia

Rual pawl lo leh pa darben, keini ang tan hi chuan khawlaia lenchhuah fo ai chuan hostel room chhunga lehkhabu chhiar emaw mut tawp mai hi a thlanawm fo zawk ṭhin. Hemi ni hi erawh, ka ṭhianpa chuan tih tak meuhin lengchhuak turin min nawr tlat mai a. Ka peih lo tak zet…Cinema en a rawt dawn em ni aw…Vai film en tur a nih phei chuan…huiha!! Vanneihthlak takin kan hostel piah lawka park pakhatah len a rawt ta hlauh a. Mahse, he park hi hmun nuam teh chiam a ni lo. Tun hma pawhin ka lo kal pel fo tawha, a hranpa ngata va tlawh tur em em chi niin ka hre lo. Peih lo teh mah ila, min ṭhutchilh tak tlatah chuan ka insiam ve ta nge nge a. Ka insiam lai chuan, vawilehkhatah engemaw thleng tur awm ni a hriatna hi ka nei ta pek a. Mak tak maiin ka thinphu a rang ta thut a, engemaw min mawlhtu hi a awm nghal a, ka ti deuh huih bawk a. Ni e,

ka hre lawk a ni mai thei…engemaw chu a thleng ngei a lawm…ka dam chhunga ka theihnghilh theih tawh ngai loh tur chu, chu park-ah ngei chuan a thleng a ni.

Chu park hmun ngei chu Kristy ka tawnna hmasa ber chu a ni. Nidangah chuan nula leh tlangval lo ṭhu dun ral te, nunau leh naupang hlim taka tlan kawi zawr zawr hmuh tur a awm ṭhin a. Mahse, vawiin ni hi chuan tumah hmuh tur an awm tlat lo. Chu park chu a reh ngawih ngawih mai. Chu park kan thlen hma lawk chuan, na tuar thawm ni awm tak hi ka hre tawh a. Ka ngaih a ṭha chiah lo nain, ‘bengchhe ri a ni ang e’ tiin ka ngaizam lui a. Ka ṭhianpa lah chu a ti ti tui nasa mai a. Ka ṭawng meuh lova, ka ṭhianpa ti ti chu ka ngaithla meuh hek lo. Engemaw hian min mawlh tlat a ni. Ngai teh, Park kawngkhar pui ber kan luh lai chuan na tuar ṭap thawm

bawk chu ka hre leh ta a. ‘Ka bengchhe ri bawk’ tiin ka la haider lui leh tho a. Mahse, a vawithumna atan, kan piah lawk kawng pui leh park inkar tui luankawr aṭanga na tuar mangang zet a rawn rik chhuah leh meuh chuan rang lutuk hian ka tlan phei nghal hlawk hlawk a. Ngaih teh, ka va thlen chuan ka theihngilh tawh ngai hauh loh Kristy ngei chu tuiluankawr chhungah chuan a lo mu a ni. Motor kawng kalin a su palh a, tuiluankawrhah a lo tla lut a ni. Vai ramah chuan mihring an tam a, a ni, mi vakrawlai mai mai phei chu tuma’n an lo ngaihsak ṭha duh hauh lovang. Anni ang, in leh lo nei lo, khawlaia vak mai mai hi, a sing rual chuang khawpui tinah an awm a ni. Mahse, Kristy-i hi chu danglamna tak a nei tlat. Tui luankawr aṭang chuan thei leh thei lovin min rawn melh ṭawk ṭawk a. Chutah, nghak khawmuang lovin, tui luankawr aṭang chuan dim takin ka zuk

KRISTY ZINKAWNG


MC LIFE

pawm kang a. A hliam na tak avang chuan, ka pawm kan lai te chuan ka dim viau emaw ka tih laiin a ṭe ṭhawt ṭhawt a.

Remchang lai berah chuan ka han nghat a. A ke chu a tliak ngei a ni. Chuti chung chuan thawh a rawn tum ṭawk ṭawk a. Ka han nem mu lui a. A taksa chu tuihawk bawlhlawh zetin a chiah dum nuau a. Tuam lumna tur ka nei mai bawk si lo. Ka kamis hak lai chu ka han phelh a, ka tuam ta tawp a. Ka ṭhianpa chuan mak ti em em leh hamhaih zet hian min lo thlek reng ringawt a. A ti ti tui lai erawh a tawp chiang tawh khawp mai. Chutah, ka ṭhianpa hnenah chuan damdawi In lam panpui vat a ṭul thu ka hrilh a. Ka ṭhianpa chuan- ka beisei hauh lovin min chhang ta daih mai. “A a teh suh, mi vakrawlai mai mai i buaipui avang khan i buai phah thei tih i hria em?” Ngawi rawh, Hospital Ambulance No. I nei em? Han phone teh….! “Tuma’n khatiang vakrawlai mai mai an rawn la duh hauh lovang. No. pawh ka nei lo,”a ti ta daih mai a. Ni e, tuma’n hetiang mi hi an ngai pawimawh duh hauh ngai hauh lovang, ‘keima’n ka enkawl thei alawm’ tiin ka rilru ka siam a. “Kan hostel-ah ka hruai haw dawn,” ka ti ta a. Ka ṭhianpa ngaihdan chu a ni lo nasa mai. Hostel-ah hruai a rem loh tur zia min hrilh ta bawrh bawrh a, mahse engmah ka ngaithlak sak tawh lo…ka pawm nawlh a…hmanhmawh em emin hostel lamah chuan ka tlan hawpui ta a.

Ka enkawl ta ngei a. A dam loh chhunga ka buai zia leh hospital-a ka hruai nasat ṭhin zia te kha aw…!! A ke na pawh a dam tawh…tunah chuan kan hostel kawt velah chuan hlim em emin a tlan kual zak zak thei leh tawh. Ummm…hming ala nei tlat lo…ka ṭhianpa, Naga pa chuan a farnu boral ta hming chawiin Kristy (Krisonovu tih atanga lak a ni awm e) tih a vuah ta a.

Ka ṭhianpa pawh chuan a chhawnchhaih peih ta viau mai a. Mi lawm a hlawh thei em em mai a. Ka ei ang apiang a ei ve mai ṭhin a. Vaccine pek hun chuan khawpuiah kan hruai ve mai ṭhin. Hostel-a awm ve dangte chuan an ngaina ve ta thuai a. Mahse, amah ngaina reng reng lotu pawh an awm bawk. Chu’ngte chuan vawi tam tak Kristy hi an vel ṭhin a ni. Mahse, dan lova, hostela awm tirtu ka nih avangin engmah sawi theih ka nei lo. Kristy chuan taksa rawl ṭhem ṭhum chungin dawhtheih takin a tuar a, a tan hmun nuam zawk zawng turin vawi khat mah min kal bo san ngai lo. Hrehawm chung pawhin ka bula awm a thlang zawk a. A rinawmna hi ka tluk theih ngai hauh loh tur chu a ni. Ka venthawn lutuk avangin bengchheng ngai lo tur leh awrawl chhuah

lo turin ka zilh lawm lawm ṭhin a, mahse Siamtuin a siam chhan a nih zia erawh ka lo hriatpui hauh ngai lo; a Siamtu a lo fak ve a lo ni zawk. Chu chu kei akzat hnih hnuailam hian ka lo khap buai theih a ni lo.

Hetiang reng reng hian hun kan hmang chho a. Ka lenna apiangah min zui a tum a, kan inhnawt haw tak rum rum chang a awm a. Ka class kal pawhin, pawnah rinawm takin min lo nghak ṭang ṭang ṭhin. Ṭhiante nen kan inbiak lai chuan min rawn tibuai ngai lova, min lo thlir reng a. Midang an kal kiang ta tihah hian rang lutukin min rawn pan ve chauh ṭhin. Khawpui hla zawka Bazaar tur leh mamawh lam tura ka chhuak min ngen ni hi chuan a buaithlak thei khawp mai….!

Tuk khat chu ni danglam tak a thleng ta. Ka zing tho hlim chu, pawnlamah chuan min lo nghak reng tawh a. Midang ang bawkin min lo lawm nghal a. Kan piah lawkah chuan Kristy ngaithei lo em em maitu pawh chu tukthawh nei ṭha lo zet maiin a rawn phei ve mek bawk a. Kristy chuan amah lo vel fotu a ni tih a hre chiang khawp mai; tun hunah hian chhantu ka nei ti ni awm takin a han bauh ta zeuh a. ‘Kristy’ tiin ka han khap a…a tawp ve ta nghal mai a…mahse, chupa chu a rawn kal hnai a, ka hmuh lai ngei chuan leng lawp khawpin a han pet ta mai a. Kristy angin tlawm zawka ṭan dan te, dawhthei taka nun dan te kan lo la zirthiam ve ngai lova. Chutah…ka tribal thin chu khawdur ang maiin a lo thawk nghal a, chu pa chu ka han zuan nghal ta rawp a. A nghawngah chuan nghet tak maiin ka han rek ta nghal a. A thaw a chhama, a inhambuai hle tawh. Ka tribal thin chu a lo chhe ta lua a ni, thlah mai ka tum lo, pa te zawk zawk ka ni bik bawk si lo…hostel-a awm te chu an rawn tlan khawm a. Min ṭhelh ta luai luai a, ka la thlah chuang lo. Ka ṭhianpa chu a rawn thleng ve ta a. “I ti hlum dawn..tlah rawh,” tiin, ring takin ka bengah a rawn au ta a. Ka harh thut a, ka thlah ta a. Ni e..ka tisual khawp mai...hepa hi a thawchham ti tih der tawh a ni.

A nghawngchhuah chu a ṭha lo khawp mai. Hemi ni aṭang hian tualthah tum tih degree ka hlawhchhuak ta nghal a. University court/thuneitute hmaah inlan tura koh ka ni. Thil chiang tak chu; ngaihdamna sang ber pawh nise, ka course zawm lai zawng zawng pawh an cancel anga, ka marksheet leh transfer certificate min pekchhuah duh chuan ka vannei hle ang. Hemi ni aṭang hi chuan University ti ti ber ka ni a, chanchinbu ṭhenkhat an rawn kal ta hial a. Mizo khawtlang pawl ṭhenkhat ang chu

ni se, an khawtlang pawlte hian mi tualchil a nih loh vek pawhin, ramri hrul thlengin min chaih anga, ka mawngah ticket belin Treasury Square, Aizawl thleng rawk min pet chho ngei ang. Mahse, hnam pui zawk zingah he’ng thilte hi a thleng ngai vak lo…ka chungah pawh a thleng hran lo. A pawi ber erawh kan Mizo hming ka timawi lova, North-East hming thlengin ka tichhia a ni. Kan zirlaipuite zingah chuan insurgency khawpui aṭanga rawn kal ka nihna a nemnghet lehzual a ni. Min ṭantu an awm a, min ṭan hauh lotu an awm bawk. Sawi tam a ngai lo, ka rilru a hah! ka thaw hial a hah a ni. A hah satliah mai pawh a ni lo. Ka awm hi a nuam thlawt lo a ni ber mai. Hetih lai hian Kristy hian ka rilru hahna min hriatthiampui ni awm takin min kalsan hla duh ngai hauh lo. Kristy hming phuahtu, ka ṭhianpa chuan theihtawpin min hnem a, a hriat ang angin kawng min zawnpui a. Kawng hrang hrangin leilawn kan dawh kual a. A hunlai chuan leilawn awngrawp vek a ni. Keini, zirlai mimawl thluakah hian innghahna tlak a chhuak mawh love. Ka ṭhianpa chuan, dawt deuh te nen ṭang turin min han rawn vel ṭhin..mahse, hei hi zawng ka ti thei lo. “Mizo tlangval ka ni a, dawt ka sawi lovang” tiin ka ṭhian Naga tlangval chu ka han chhampual khum ve ngial a. Ka thusawi hi a dik a ni…Kristy chanchin dik tak hi ka hrilh ngei dawn a ni tih chu ka thu tlukna a ni.

Rilru hah takin hun ka hmang liam a, University Student reng reng chuan sakawlh melhin min melh vek ni hian ka hria. Mi tam tak tan sakawlh tluk lek ni mah ila, ka chhungril nun rawn kheuh pha ka ṭhiante erawhin ka darah min beng thawr thawr hreh phah chuang hauh lo. Chu’ng ka thiante chuan tlemin min thlamuan ve deuh a. Nithum a inher a, University thuneitute hmaah chuan ka inlan dawn ta a ni. University zirlai sang rual zingah keimah vang liau liaua ṭhukhawm tur an ni. Zahthlak tak a ni. Ka awmna hostel aṭang pawhin mahni chauha kal ka duh a, mahse ṭhiante’n min zui ta tho a.

University court room chhung chu ka piana hnulama a vawikhatna atan ka han lut a, professor zahawm tak tak leh Vice chancellor hnenah chuan hawihawm chhuahin…luh ka dil mawihnai leh te te a, ka han wish nghal bawk a. Ka chungthu an rel lai chuan, ding chunga awm mai ka inbeisei a. Mahse, ka hma a ṭhutna awlah chuan ṭhu turin min ti a. Hnial buai hran lovin, ka han ṭhu a, ka chanchin hostel warden-in a lo buatsaih chu a han chhiar chhuak a. Hun kal tawha ka record an en a, mihring mihrinnaah sawisel bo ka ni lo,

mahse hostel rorel phung kal pel erawhin ka awm ngai bik lo. Chu lehkha ziakah chuan Kristy chanchin erawh pakhat mah a lang ta miah lova, ka lawm ta phian zawk a. Zawhna tinreng min zawt a, ṭawngkam chaltlai pakhat mah an hmang duh lova, thil nihna tak min hrilh a. Ka chungthu leh ka thil tih dik loh tak mai chu an sawi hmiah hmiah mai a ni. A tawp lamah chuan ‘eng nge ni sawi duh i neih le?’ min ti ta a. He hunah hian Kristy chanchin ngei chu, chu’ng professor zahawm tak tak te hnenah chuan ka sawi tur a ni. ‘Ka sawi vek tur a ni!’ tiin ka insiam rem ṭan ta a

Ramsa/Rannnungte hian dikna/zalenna an nei ve lo em ni? Duh hun huna tharum thawh hi dan kalh a ni lo bik em ni?. He’ng zawhna te hi ka zawh buai an ngai lo. He University thuneitute zingah hian Animal Rights activist ṭhenkhatte an awm ve miau alawm…chu’ng mite chuan ka dinhmun min hriatthiampui ka beisei ber lova, Kristy dinhmun tal an hriatthiam ka beisei zawk a ni. Ni e, a tawpah chuan an hrethiam ngei alawm. Mahse, ka mihring pui chunga ka thil tih erawh pakhat te mahin min hrethiam lo.

An thutlukna chu hetiang hi a ni - Min ngaidam a, ka course an cancel lovang, tunhnuah erawh ka hostel awmnaa mite chunga tharum ka thawh leh a nih vaih chuan he university leilung hi ka chhuahsan vang vang ang. Pahnihna chu, hostel-ah hian tuma’n ramsa emaw ranvulh emaw kawl awih a ni lova, rang takin Kristy chu adopt-tu emaw Private, NGO, sorkar te’n enkawlna tur hmun bik an siamah ka pe tur a ni.

University court room chhung aṭanga ka chhuak chu ka thaw huai a. Ka ṭhiante’n chanchin hre chakin min bawr luih luih a. Ka awmna hostel thleng chuan min rawn lenchilh a. Ngai teh, Kristy chu rang taka ka kal bo tir ngei chu a ngai ta a ni. A tuk

aṭang chuan, chanchinbu aṭang leh mi hrang hrang hnenah chuan Christy adopt theitu tur chu ka zawng ṭan ta a. Thawm a reh vang vang mai. Kar khat chhunga ka zawn fel ngei a ngai a, kar khat a liam dawn ruai a ni tawh si. Rilru hah taka ka awm lai chuan ka phone chu a rawn ri ta vang vang a. Vai pitar pakhat, khawthlang awphawi zet mai hian, “Kristy chu ka lo enkawl ange” a rawn ti ta a. Ka lawm zia chu…sawi thiam har tak a ni. He pitar hi ram hla tak, India hmar lama awm a nih avangin, a tukah chuan train-ah Kristy chuan theihna tur ka va buaipui leh nghal char char a.

A tuk lawkah chuan kan zin dun ta reng mai. Kan thleng chiaha, chawl khawmuang lovin, kan tum ram Pitar awmna lam pan chuan kan kal nghal ta vang vang a. Engemaw ti ti chuan, an in awmna chu kan va zawng hmu ve ta mial a. Chu pitar chu, a tunu hnathawk mek nen an lo khawsa a, awm thei tawk tak leh in compound nei ṭha zet mai hi an lo ni a. A hma lawk hian an ui vulh hi an lo sun tawh a. Ui dang pawh an lo melh chiah tawh lova, mahse Kristy chanchin an lo hriat khan, he pitar hian a lo ngaihven ta riau a lo ni. Pitari-te in kan thlen chuan Kristy awmna tur tak niin ka hria. Hun ka neih loh em avangin hawsan nghal mai tur ka nih thu ka hrilh a. Pitar chuan ka thlenna tur te min zawt a, train station hnaih deuhah hotel thlenna ka zawn dawn thu ka hrilh chuan an ina thleng nghal turin min nawr hle chungin train station hnaih taka awm ka duhthu hmangin ka hnar ta zawk a. Kristy chanchin erawh uluk zetin ka hrilh ta thung a. Vawiin aṭang hian hostel chaw aiah uichaw tuihnai tak tak a ei thei dawn a ni. A infiam kualna tur mual zau tak a nei bawk a. Nuam taka a khawsak theih ngei ka beisei pui hle a ni. Dik tak chuan, a enkawltu tur te hi mi mumal lo deuh ni se chuan, ka hawn let leh duh ngat ang. Duhtui ve deuh ka nia..!

Kristy ka hawsanna pawh kum a vei dawn ruai tawh…Tuiluankawra ka hmuh lai kha chuan chuan Ui note mai a la ni. Tunah chuan a puitling ve hle tawh ngei ang tih ka ngaihtuah fo ṭhin. Kha pitar ka hmuh khan ṭha takin a enkawl ngei dawn tih ka hriat avangin ngaihngam takin ka hawsan kha a ni. Zan khat chu, tih tur em em ka nei lova, suangtuahna kawmin, ka khumah ka mu zal a. Kristy ka hmuh hmasak ber leh a zinkawng te ka ngaihtuah a. Hetih lai tak hian lukham bula ka Phone dah chu a rawn ri a, mak tak maiin Pitari-te Phone.No chiah kha a lo ni a. Ka ngaih a ṭha thlawt lo…’Hello’ ka han ti ta ṭawk a..”Mr…vawiin tlai khan Kristy chu kan inbul lawk tuihawk luankawr chhungah thiin kan chhar a ni,” hnukulh zet hian mi rawn hrilh a. Hei bak hi a sawi lo, phone chu a dah nghal a. Tubauha chhut dawp hi niin ka in hria.

Amah ka hmuh hnuhnun ber chu Gate pawn ka chhuak tur, a thlunna hrui mar pawt khawpa min rawn um zui kha a ni. Ka kalsawn laia hnunglam ka chhawn hnua min rawn kohna’n a bauh ri te pawh kha a la chiang lutuk tlat. A hmel hmu turin ka hawi let thei tawh lo…Nun thar ṭan tur a nih mek lai hian ka mittui tla hmel a hmuh hi a rem tawh lo…Kristy kha khawi aṭanga lo kal nge a nih a, eng khaw chhuak nge a nih reng ka hre lo, chu’ng chu a pawimawh ber hek lo…thil ka la hriatchian em em erawh chu tuiluankawra ka va hmuh kha a ni. Mangang em em leh ṭanpui ngai em ema min lo melh ṭawk ṭawkna mitmeng kha nimin...ni lo…tun lawk ang maia chiang a la ni. Kristy hian tuiluankawra a tlak vawi hnihnaah chuan chhantu a hmu zo ta lo a ni…! Ka hming a lam a ni thei...mahse ṭanpuitu tur hmel reng a awm tawh lo. Mi te’n engah maha an ngaih loh, an duh loh an paihna hmun - tuiluankawr chu Kristy nun bul ṭanna a ni a, a zin kawng tawpna pawh a ni.

MC LIFE


FIAMTHU CORNER-Tsa Khupchong

Comedian Search 2013 fiamthu hit zual tlem...• Naute kha a lâwm ve a. “Ka naute hmelchhia ti ti chu an daw

duaiii…” tiin a sêp kâng vei rawk a, a hnarah tak a rawn êk khum siah!

• Chaw kha a chhum rum thei lutuk a, an sawiselsak ve ziah a. A tawpah a ning lutuk chuan, “Chutia a nêm i duh a nih chuan Tlawng hnarah buhfai thlak la, Sairang-ah lo ei la ni mai lawm!” a ti hmak.

• Tuikukho pawh khan ‘Iskut alu mai leh dal’ tih kha an lo hre vek a, ‘Uipui leh tangkawng, chempui leh hmarcha’ an lo ti ve char char.

• Nula pakhat pawh khan vaiho a mutpui ngun lutuk a, masala rim a nam vek!

• A thaw kha a’n uih tha mai mai asin. Mi chuan bati an chhem hlum a, ani chuan a chhêm alh. A faifuk pawh hian lungleng tawkin a faifuk uih veng veng zel.

• A’n phunchiar lo mai mai asi. An nu khan, “Pa-a, vawiin tlai chu chawhmeh siam tur kan nei hauh lo a nia,” a ti dek dek a, an pa chuan, “Ka chawhmeh duhzawng tak a ni!” a lo ti nghal ngawt!

• A’n haihawt mai mai asin. Thâwk a theihnghilh a, a thi daih.• An chhungkua kha an parual lutuk a. Mipa hlir fa an hring sia, a

tawpah mipa tho hi an hring leh a. ‘Tun tum chu sap hming i phuah ang u’ an tia, a hmingah ‘Pu Buanga’ an sa.

• Thingtlang nula fel deuh pakhat pawh kha khawpuiah a zin a. A thlen veleh hmun a phiat nghal char char a. A phiah theih zawng zawng a phiah vek hnu rei fe-ah chuan, “Ka pi, khawnge in phiah âwng?” a rawn ti hlawl!

• Kum hnih chhung Mizoram University-ah a kal a, kawng diaka berh lova kal dan chiah a rawn thiam haw.

• Nula pakhat pawh kha a’n fing phakar khawp a. Inleng a neih api-angin Nepal channel hmuhnawm loh deuh a enpui ziah.

• A damlo kha a inentir a, daktawrin bed rest a lo chawh a, damdawi dawrah bed rest a zawng zak zak.

• A zu in kha a tak tha awm mai mai asin. A in pawp a, a helh thla uk uk a, a tawp a tawpah a mawngah a tla thla tawp.

MC LAUGHS

1. The Hunger Games: Catching Fire $158.1M

TOPBOXOFFICE

2. Thor: The Dark World $14.2M

3. The Best Man Holiday $12.5M

4. Delivery Man $7.9M

5. Free Birds $5.4M

6. Last Vegas $4.4M

7. Jackass Presents: Bad Grandpa $3.4M

8. Gravity $3.2M

9. 12 Years a Slave $2.8M

10. Dallas Buyers Club $2.7M

www.mizofiamthu.com


MC TOONS

MC TOONS

#05

MC TOONS

#06

DA

RTH

LALA

NG

by

LT Z

ohra

nga

MOVIE CORNERM A G A Z I N E

EDITORIALEditor-in-Chief: U Manuna Hj

Creative Director: Maxeer Zach

Editor-At-Large: Muantea Cobain

Copy Editor : m.ralte

Columnist: Didini Tochhawng Able Smoochie Muantea Cobain Omoma Vajaz Ralte

Cartoonist: Hriatpuia Cc

Photographer: Andrew Lalbiaknunga Ralte

Art Director: Oniisan Chawngthu

Contributors: LT Zohranga TS-a Khupchawng Lal jo-a Stanley Abraham Lalthlamuana H Vangchhia H Vanlalhruaia

mov ieco rne rmagaz ine .com

http://www.moviecornermagazine.com

-stanley


MC CHEF

CUISINEMasi leh khawvawt lam kaih hnawihin aw!

Tunlai chu a Masi boruak bawka, ei leh in kut pui hi kan thleng a ni deuh ber, mahse hemi paha food facts tlem ka tarlan duh chu Ser te (Lime) hi a ni. Ser te hi limbu ai hian a tui sawrin a chhe hara, a rim hi a thlum zawk bawk. Chawhmeh leh in (drinks) lam kaihhnawihah chuan ka duhthusam leh lungkuaitu zawk chu Ser te hi a ni fo. Aizawl Bazar/Bazar puiah hian hmuh tur a tamin, lei tur a awm ve zeuh zeuh ta a, mahse mi hian hlut nachang kan la hre lo hle a ni. Tun ṭumah hian lime ṭangkaina chi khat leh a tui zirin, entirna’n lime kaihhnawih kan rawn tarlang dawn a ni e.

Mamawhte:• Lime (Ser te)• Tui (Thir fian 2)• Thingpui Sen• Chini (Thirfian 1)• Ice (Optional)

Siam Dan:A senin dal lam pangin Thingpui lum la. I lum chhung chuan Ser te chu thingpui no-ah sawr la, thir fian 2 awm bor vel i sawr chhuah hnu chuan chini chu telh la, chawk kawi hmasa rawh. Thingpui chu a so hnuah no-ah chuan thli chhuak la, i thlit pahin chawk bawk ang che. A rim a tuia, min tiharh kawk thei a ni; zawngchhang tlak in ti hle ang. Ice i telh duh chuan Ice Lemon Tea i nei a ni mai; i duh dan zawk zawkin i siam thei.

Mamawhte:• Ar bawp 1• Artui 1• Chhangthawp sawm (Bread

Crumbs) thir fian 5• Maida (Flour) thir fian 5• Chi (Tlem te)• Thing Hmarcha (Black/white

pepper) pawlh zeuh tur

Tips: Ar bawp leh Chhangthawp sawm (Bread Crumbs) hi S.F agencies, Millennium Aizawl-ah lei tur a awm.

Siam Dan:Artui chu sawhkeh la, chawk kawi la, plate dar-ah dah hrang rawh. Maida leh chhwngthawp sawm leh chi kha i chawhpawlh anga, chumi hnuah chuan Ar bawp chu artui-ah chiah la, chuan maida leh chhangthawp chawhpawlh chuan phul rawh; ti hian hian vawi hnih (2) ti ang che. Chumi hnuah chuan, minute 15-20 vel tel sa deuhah i deep fry dawn nia. I zawh hunah tissue paper-ah, a tel mawm lutuk venna’n i dah anga, chi leh black pepper chu i telh dawn nia.

Mamawhte:• Balhla pum 1• Butter thir fian 2 • Chini thir fian 2• Khawizu thir fian 2 (Optional) • Rum (A chhinte 1)• Ice cream (Optional)

Siam Dan:Butter chu frying pan-ah sa lo te in chhuang tui la, balhla chu i kang ser ser dawn nia. Butter-ina balhla a luan kim hnuah chuan chini chu i phul anga, i chhuan zel pah chuan Rum chhinte 1 chu i leih kual anga, nawhalhin hal rawh. A rawn alh pup hnuah chini chu a lo tui anga, balhla chu caramel-ah a lo chang dawn a ni. I duh leh khawizu-in i luan belh thei anga, Ice Cream nen pawh i ei pawlh thei. I tih chikim phei chuan a tui ting a ni mai.

LIME TEA(MI 1 TAN)

CRISPYAR BAWP

CARAMELBALHLA

contents - moviecornermagazine.com fileinthurual takin, mipa thu ngawt ni lovin ngaihtuah ṭhin a...

Documents