PRIMUM SEMINARIUM OMNIBUS GENTIBUS DESTINATUM SODALITATIS GRECOLATINOVIVO

DE ARTE DOCENDI LINGUAS CLASSICAS XVI-XVII mensis Martii anni 2017

ab hora IX a.m. usque ad horam VI cum dimidia p.m. apud Theatrum Niccolini, Florentiae

Orationem habebunt:• GIAMPIERO MARCHI, praeses et conditor sodalitatis “GrecoLatinoVivo”, ex urbe Florentia

• ANTONIO GONZALES AMADOR, praeses et conditor sodalitatis “Associación Cultura Clásica”, ex Hispania

• EMILIO CANALES MUÑOZ, ex instituto “IES Montevives”, ex Hispania

• ROBERTO CARFAGNI, ex Schola Latina, ex urbe Montella

• DANIEL PETTERSON, conditor “Latinitium”, Stocholm University, ex Suecia

• ALESSANDRO CONTI, ex “Liceo Scientifico Guarino Veronese”, ex urbe Verona

• JORGE TARREGA, ex “Universitat de València”, ex Hispania

• ANTONELLA LO CASTRO, perita artis docendi discipulos qui DSA et BES laborant, Liceo Classico la Farina, ex urbe Messana

• LORENZO SCIAJNO, ex “Liceo Classico la Farina”, ex urbe Messana

• SUSANA MARTA PEREIRA, ex sodalitate “Clenardus: Promoção e ensino das línguas e cultura clássicas”, ex Lusitania

• LAURA FERRIGNO, ex “Université Paris-Sorbonne”, ex Gallia

• SAIOA ESCOBAR CALZADA, ex “Centro di Studi Classici GrecoLatinoVivo”, ex urbe Florentia

• YURI BORGES LOYOLA, ex “Centro di Studi Classici GrecoLatinoVivo”, ex urbe Florentia

“A doctrina ad usum: exempla et artes ad efficacem disciplinam in scholis quotidianis”

Conventu hoc velimus omnium adstantium animos convertere ad eas novas doctrinas atque speculationes quae a linguarum disciplinae peritis et mentis humanae indagatoribus postremis annis elaboratae sunt de lingua latina graecaque docenda. Quoniam numerus discipulorum Lyceo classico nomen suum dantium in annos oppido comminuitur, ideo magis urgemur ut viam rationemque, quibus ibi hae disciplinae tradantur, rursus cogitemus atque meditemur, a doctrina ad usum rerum contendentes. Omnibus conventus hic patet: magistris scholae medii et superioris gradus, necnon studiorum Universitatum; discipulis lyceorum qui suis ipsorum oculis aliud experiri velint quod inter scholas cottidie assueverunt; discipulis vero universitatum, quibus tandem licebit cognoscere doctrinas et artes iam vulgo et passim notas, at, proh dolor, etiamnunc ab universitaria disciplina alienas; quin etiam patebit conventus amantibus et studentibus quibuslibet harum linguarum. Inter conventum tractabitur etiam quomodo melius ii discipuli qui lentius progrediuntur in studiis ob naturales et insitas difficultates docendi sint. Orationes omnes hisce linguis habebuntur: italica, latina, hispania, anglica. Si opus fuerit, orationes in sermonem latinum convertentur. Altero die conventus, post meridiem, studio et favore Operis fundati “OPERA DEL DUOMO DI FIRENZE”, omnes participes ad aedes Musei “Opera del Duomo” et ipsius Ecclesiae Cathedralis Florentinae ab urbis monstratore ducentur.

• DE SODALITATE Sodalitas Renovandae Disciplinae Linguarum Classicarum ARILC (ASSOCIAZIONE PER IL RINNOVAMENTO DELL’INSEGNAMENTO DELLE LINGUE CLASSICHE – GRECOLATINOVIVO) mense Maio anni MMXV condita est a tribus magistris linguae graecae et latinae qui sibi id praestituerunt: cunctos magistros admonere ut de rationibus docendi nostrae aetatis meditentur speculationibus atque indagationibus alte considerandis quaecumque ex sinu disciplinarum naturalium exortae sunt. Ianua electronica c.n. GRECOLATINOVIVO, eorum praecipum strumentum ad has indagationes divulgandas, qua plurima opuscula de linguarum disciplina de mente atque cerebro de historia artis docendi deque usu quotidiano docendi continentur, sesqui anno postquam condita est ad CC milia lectorum attigit, quocirca iam spectatissima in Portis de arte docendi habetur. Felicitate rerum sodalitatis sodales adduxit ut eiusdem tituli Circulum studiis provehendis conderent, in quo scholae aguntur ratione docendi quam ipsa Sodalitas divulgat. Circulo ei post modo unum annum plus quam CX discipuli nomen dederunt, a XII ad LXX aetatis annum. Post haec incepta vinculum connexum est cum aliis Sodalitatibus quae in Europa eamdem metam atque GrecoLatinoVivo sibi statuerunt, velut cum CULTURA CLÁSICA (ex Hispania) et cum CLENARDUS (ex Lusitania); inde secutum est amicitiae vinculum etiam cum Daniel Petterson, qui in Suecia inceptum c.n. “LATINITIUM” provehit, et cum COLLEGIUM LATINITATIS, ex urbe Valentia, quin etiam cum compluribus magistris iam methodos directas adhibentibus qui apud GRECOLATINOVIVO locum idoneum invenerunt ubi libere et amice opinionem suam aperirent. His omnibus inceptis atque consiliis urgemur ut primum conventum omnium gentium de usu docendi convocemus quo melius res praesentes considerentur atque componantur.

• QUIBUS DESTINETUR Conventus hic praesertim magistris linguae latinae et graecae destinatur, at patet etiam omnibus magistris cuiuslibet gradus vel in Universitatibus docentibus, quoniam potius quam doctrina ipsa, technae et usus tractabuntur, multis exemplis praebitis quae ad quotidianam disciplinam faciant et ipsos magistros instituant. Quin etiam praesides et moderatores Institutorum invitantur.

Patet etiam conventus omnibus linguarum docendarum peritis magistrisque peregrinorum sermonum, quo melius coniunctis viribus et communicato uniuscuiusque usu disciplina ipsa efficacior reddatur.

Summo studio et discipulos Universitatum studiorum ad conventum invitamus, praesertim qui litteras classicas discunt. Namque raro fit ut eorum curriculo studiorum ars ipsa docendi contineatur, etsi hac prorsus totum eorum opus futurum nitebitur. Itaque occasio eis erit ut tandem, inter suam ipsorum institutionem, artem docendi discant quae speculationibus et indagationibus quae iam plus quam dimidium saeculum ortae sunt neque potest ut ignorentur.

Libentissime etiam discipuli qui in Lyceis versantur accipientur, ita ut rationem aliam discendi cognoscant atque eam qua saepe in scholis laborant. Postremum omnes linguarum classicarum studiosi cultusque antiquorum omni nostro favore in conventum excipientur.

• LOCUS ET DIES Conventus habebitur Florentiae in splendidissima Theatri Niccolini sede, anno MDCXLVIII conditi, qui in via Ricasoli stat paucos passus ab Ecclesia Cathedrali Sanctae Mariae Floris (scl. “Duomo di Firenze”), ad quam pedibus post 5 minuta temporis a Statione Ferriviaria “Santa Maria Novella” pervenitur. Post longam et diutinam refectionem, Theatrum iterum visitantibus patet inde a mense Ianusario anni MMXVI. Conventus habebitur diebus XVI et XVII mensis Martii anni MMXVII, horis a IX a.m. ad VI cum dimidia p.m.

• QUOMODO PARTEM CAPIAS ET NOMEN TUUM DES - Licet utraque die adesse vel modo altera - utut est, oportet paginam nomini dando complere. Ut quis partem

conventus capiat opus est pretium LV nummorum europaeorum solvere (XLV intra diem septimum decimum mensis Februarii).

- Discipulis in Lyceis et discipulis, qui nondum XXVI annum attigerint, in Universitate discentibus vero, pretium solvendum est XXXV nummorum (XXX intra diem septimum decimum mensis Februarii).

Nomen datum erit, cum pretium huic inscriptioni argentariae translatum erit: GRECOLATINOVIVO BANCA IFIGEST - PIAZZA SANTA TRINITA, FIRENZE IBAN: IT67R0318502801000010218857 CAUSA: SEMINARIO FIORENTINO 2017 Ad hoc, oportet etiam totam paginam nomini dando completam (quae invenitur ad hoc vinculum interretiale: goo.gl/wPtZNi) mittere.Si volueritis plures scire, scribite ad info@grecolatinovivo.it.

Quisquis nomen dederit, poterit: - partem conventus capere; - socius fieri Sodalitatis ARILC (Sodalitas Renovandae Disciplinae Linguarum Classicarum) - urbis monstratore Ecclesiam Cathedralem florentinae visitare, studio sodalium Operis Fundati “OPERA DI

SANTA MARIA DEL FIORE” - diploma accipere, quo se conventus partem cepisse indicetur.

FOEDERA • DEVERSATIO In usum eorum qui ex aliis urbibus aut peregre venture sunt, foedera nonnulla cum quibusdam deversoriis in media Florentia sitis sunt facta quae participes conventus excipiant. Omnia pretia infra relata ientaculum etiam continent. Tamen non computatur tributum deversandi, quod aliud in aliis deversoriis est.

PALAZZO OGNISSANTI**** Hotel Palazzo Ognissanti, in sinu Urbis Florentinae situm, spectatum aedificium est, saeculo XIX exstructum, quod in compito viarum Borgo Ognissanti atque via Maso Finiguerra stat. Situm est proxime Stationi “Santa Maria Novella” : distat modo 10 minuta temporis ab Ecclesia Cathedrali et 12 minuta temporis a sede conventus ipsius.

Pretium cubiculorum singulis noctibus (dum cubicula vacent): 65 cubiculum singulis hominibus 90 cubiculum binis hominibus destinatum ad usum vero singulorum hominum 105 cubiculum binis hominibus Verbum praeoccupationis (codice prenotazione): GRECOLATINOVIVO telephonum: +39 055 213021 inscriptio: INFO@OGNISSANTIHOTEL.IT pagina: HTTP://WWW.OGNISSANTIHOTEL.IT

PALAZZO RICASOLI**** Summum aedificium XVI saeculi, Palazzo Ricasoli situm est in vico quodam tranquillo mediae Urbis Florentiae, 10 minuta temporis pedibus ab Ecclesia Cathedrali et 8 minuta a sede ipsius conventus.

Pretium cubiculorum singulis noctibus (dum cubicula vacent): 90 cubiculum binis hominibus destinatum ad usum vero singulorum hominum 105 cubiculum binis hominibus Verbum praeoccupationis (codice prenotazione): GRECOLATINOVIVO telephonum: 055 352151 inscriptio: INFO@HOTELRICASOLI.IT pagina: HTTP://WWW.HOTELRICASOLI.IT

HOTEL PORTA FAENZA***

In media urbe situm, deversorium hoc Palazzo pegna est antiqua domus mercatorum florentinorum refecta. Proxime Stationi Maximae traminum, abest 10 minuta temporis pedibus ab Ecclesia Cathedrali et a sede ipsius conventus.

Pretium cubiculorum singulis noctibus (dum cubicula vacent): Si praeoccupaveris cubiculum apud paginam http://www.hotelportafaenza.it et imposueris notam secretiorem “FAENZA01” in lacunam propriam, pretium cuiuslibet cubiculi detrahetur XV centesimis partibus. telephonum: 055 217975 inscriptio: INFO@HOTELPORTAFAENZA.IT pagina: WWW.HOTELPORTAFAENZA.IT

HOTEL VENETO*** Aedificium exeuntis saeculi XIX, tribus tabulatis dispositum, quod prope abest a Statione Maxima “Santa Maria Novella” - distat a sede ipsius conventus 5 minuta temporis pedibus.

Pretium cubiculorum singulis noctibus (dum cubicula vacent): 40 cubiculum singulis hominibus 55 cubiculum binis hominibus Nota praeoccupationis: GRECOLATINOVIVO telephonum: +39 055 289433 inscriptio: INFO@HOTELVENETOFIRENZE.COM pagina: WWW.HOTELVENETOFIRENZE.COM

HOTEL DE LANZI*** Hotel de Lanzi situm est iuxta Plateam Ecclesiae Cathedralis, prope a platea “Piazza della Signoria”, Ponte vetere, Pinacotheca “Galleria degli Uffizi”. 2 minuta temporis pedibus a sede conventus ipsius distat.

Pretium cubiculorum singulis noctibus (dum cubicula vacent): 60 cubiculum binis hominibus destinatum ad usum vero singulorum hominum 70 cubiculum binis hominibus Nota praeocuppationis: GRECOLATINOVIVO telephonum: +39 055 288043 inscriptio: INFO@HOTELDELANZI.IT pagina: WWW.HOTELDELANZI.IT

HOTEL ENZA** Abest modo 3 minuta temporis pedibus ab Accademia, 12 minuta a Pinacotheca “Galleria degli Uffizi” et ab Ecclesia Cathedrali, 15 minuta vero a Ponte vetere. Distat vero 10 minuta temporis pedibus a sede ipsius conventus.

Pretium cubiculorum singulis noctibus (dum cubicula vacent): 50 cubiculum singulis hominibus 62 cubiculum binis hominibus 100 cubiculum tribus hominibus Nota praeoccupationis: GRECOLATINOVIVO telephonum. +39.055.490990 inscriptio: INFO@HOTELENZA.IT pagina: WWW.HOTELENZA.IT

CONVITTO DELLA CALZA (Casa per Ferie) Olim saeculi XIII Nosocomium Sancto Ioanni Baptistae dicatum, Convitto della Calza situm est in vico trans Arnum (Oltrarno), prope ab Hortis “Giardini di Boboli” et a Palatium “Palazzo Pitti”. Et ad Ecclesiam Cathedralem et ad sedem conventus pedibus vel raeda omnibus publica numero 11 signata inde pervenitur 10 minutis temporis.

Pretium cubiculorum singulis noctibus (dum cubicula vacent): 60 cubiculum singulis hominibus 65 cubiculum binis hominibus destinatum ad usum vero singulorum hominum 70 cubiculum binis hominibus Nota praeoccupationis: GRECOLATINOVIVO telephonum. +39.055.222287 inscriptio: INFO@CALZA.IT pagina: WWW.CALZA.IT

CASA SANTO NOME DI GESU’ (Casa per Ferie) Casa Santo Nome di Gesù situm est in olim palatio “Rospigliosi-Pallavici” et distat 10 minuta temporis pedibus a Palatio “Pitti” et a Ponte vetere. Et ad Ecclesiam Cathedralem et ad sedem conventus pedibus vel raeda omnibus publica numero 11 signata inde pervenitur 10 minutis temporis.

Pretium cubiculorum singulis noctibus (dum cubicula vacent): 55 cubiculum singulis hominibus 65 cubiculum binis hominibus 85 cubiulum tribus hominibus Nota praeoccupationis: GRECOLATINOVIVO Telephonum. +39.055.213856

PRIMO SEMINARIO INTERNAZIONALE DI GRECOLATINOVIVO IN DIDATTICA DELLE LINGUE CLASSICHE

MODULO DI ISCRIZIONE

IL/LA SOTTOSCRITTO/A____________________________________________________________

RESIDENTE IN VIA/PIAZZA _________________________________________________________

CITTÀ________________________CAP_________________________PROVINCIA______________

TEL______________________ INDIRIZZO EMAIL________________________________________

CONFERMA LA PROPRIA PARTECIPAZIONE AL PRIMO SEMINARIO INTERNAZIONALE DI

GRECOLATINOVIVO, CHE SI TERRÀ NEI GIORNI 16 E 17 MARZO 2017 PRESSO IL TEATRO

NICCOLINI DI FIRENZE.

ALLEGA

RICEVUTA DI AVVENUTO VERSAMENTO DI (SPUNTARE LA CASELLA DI INTERESSE):

55� (45� ENTRO IL 17/02/2017)

35� (30� ENTRO IL 17/02/2017) [STUDENTI LICEALI ED UNIVERSITARI ISCRITTI AI CORSI LAUREA IN LETTERE SOTTO 26 ANNI]* *allegare copia libretto universitario

Si prega di inviare il presente modulo in ogni sua parte debitamente compilato e firmato firmato via email al seguente indirizzo: info@grecolatinovivo.it.

firma data

_________________________________ _____________________________

Informativa ai sensi del D. Lgs. 196/2003 GrecoLatinoVivo, in qualità di titolare del trattamento, garantisce la massima riservatezza dei dati da Lei forniti, in ottemperanza alle disposizioni del D. Lgs. 196/03. Le informazioni raccolte verranno utilizzate ai fini organizzativi del seminario.