heaven gods beautiful home fula - bible for children...ewnatta deftere kisdam bali. inde yimɓe ɗon...

Asaman,

Saare Allah

Wonde

Deftere BikkonƊon sappina

Windowo: Edward Hughes

Didowo: Lazarus

Mo'inowo: Sarah S.

Lornowo: Christian Lingua

Waŋginowo: Bible for Children

www.M1914.org

©2018 Bible for Children, Inc.Jarfuye: A ɗon mari jarfu windugo mala wurtinugo tariya

ndu nder masin, to na je sippugo.

Yakke Yesu ɗon no yeɗɗa do lesdi O wolwini do Asaman

ha pokara Maɓɓe. O ewni ɗum "Saare Baaba Am",

e wi'i wodi cuuɗi jur ha ton.

Saare man ɗon maungel e

woɗi. Asaman ɓuran

cuudi je ɗon ha

duniyaru be

maunugo e

be woɗugo.

Yesu wi'i, "Mi ɗon yaha ha mi taskina mon jonde. E to

mi dilli e taskini mon jonde, Mi loran e Mi jaɓɓan mon

ha Am." Yesu dilli ha Asama, ɓawo o jalli wade. Nde

pokara'en maɗa ɗon no lara, Yesu yarnama ha do, e o

maji be gite maɓɓe

ha nder dulle.

Diga nden, jeeyaɓe siftori kaɓol Yesu je o lartan ngam

hoocugo ɓe. Yesu wi'i o lortan bana gujo, ha ɓalɗe je ɓe

renata mo sam. Nden kadi, ɗume footi

salla ngam jeeyaɓe je mayi hidekko

Yesu warta? Deftere ɗon wi'a ɓe

njehan fottugo be Yesu. Ko to

ɓandu wonay be yimɓe ma,

be Yesu kam en ɗon.

ƊON HOLLINA

BE JAUMIRAWO

Apokalipus, timminol deftere ha nder Deftere ɗon

wolwina amin noy Asaman ɗon woɗi. Ko ɓuri woɗugo

fu ɗum, ferejo, Asaman ɗum lati saare Allah. Allah ɗon

woni ko toy fu, ama

saare Maɗa ɗon

ha Asaman.

Malayka'en be ɓe'en feere ha

Asaman ɗon teddina Allah.

Bana ni waɗata yimɓe Allah je

mayi e dilli ha Asaman. ɓe ɗon

yimma yimre je feerejo ngam

teddinugo Allah.

Nda wolde seɗa je yimre je ɓe yimmata: A ƊON

MARI DARAJA NGAM A HISNI AMIN HA YEESO

ALLAH BE IYAM MAƊA HA

ASLI FU E LESDI FU E A LAMI

AMIN LAMIƁE MODIƁE HA

ALLAH AMIN. (Apokalypus 5:9)

Timminorde Deftere ɗon ewna asaman "Wuro Salima

Kesum". Ɗon mauni masin, be mahdi maungel. Mahol

man ɗum cardi Zasper, ɗon bana darugal. Cardi be

ka'eji je feerejo ɗon suɗɗi les mahol ndu, ɗon jalɓita.

Kala damugal berniwol

ndu

waɗama

be cardi

maungel

gooto.

Damugalji mauɓe be cardi go maɓɓatakke sam. Dillen

ha ton e laren ɗum ... Kaya! Asaman ɓuri woɗugo ha

nder. Berniwol ndu waɗama be cardi, bana darugal.

Ko labi ma

waɗama

e cardi.

Wodi mayo wonde, laɓɗum je illata diga korowal Allah.

Ha sera sera mayo, wodi legal kisndam, je ɗon no ngondi

tawon ha nder jarne je Eden. Legal man ɗon feerejo.

Ɗon mari ɓiɓe feere feere 12, kala lewru irin man feere.

E hakko legal kisndam go ɗon ngam hurgugo yimɓe.

Asaman ngiɗa Naange mala lewru heɓɓa anora wona.

Jayngol Allah ɗon hebbina ɗum. Wala jemma ha ton.

Ko dabaji ha asaman ma ɗon feerejo. ɓe ɗon joɗida be

gooto e ɓe kallay. Goyru laade be bali nyamman huɗo

ha baabal gooto. Ko mbarogaji ma ɗon nyamma huɗo

be naage. Jaumirawo wi'i, "ɓe meemata goɗɗo mala

wonnata kuje ha do Hosere Am je ceninde."

Bana to min ɗon yurna ha seera amin, min faaman

kujeji feere wonay ha Asaman. Wala nanugo wolde

catinga. Wala goɗɗo

je haɓɓata be

goɗɗo feere

mala sati

jungo.

Wala kuɓlugo dammugal, ngam wiɓe wonnata ha

Asaman. Wala feewoɓe, mbaroɓe, mistiri'en, mala

yimɓe kalluɓe feere.

Wala ko hakke

gooto ha

Asaman.

Ha Asaman be

Allah wala ruffugo

gonɗi fahin. Yakke

feere, ummatore

Allah ɗon mboya

ngam yurmende

maungel ha nder

duniyaru nde. Ha

Asaman, Allah

majinan gonɗi

amin.

Wala mayti ha Asaman bo'o. Ummatore Allah joɗɗidan

be Jaumirawo ha abada. Wala nyurmende fahin, wala

bondi fahin, wala nawɗum. Wala nyau, wala sendurugo,

wala mayti. Ko moy

fu ha Asaman ɗon

seyi ha abada

be Allah.

Je ɓuri woɗɗugo fu bo'o, Asama ɗo je

ɓikkon gorko e rewɓe pamaron (be

mauɓe) je nuɗɗini Yesu Kristi bana

Kisnowo maɓɓe e ɗowtinnugo Mo

bana Jaumirawo maɓɓe.

Ha asaman wodi deftere feere je ɓe

ewnatta Deftere Kisdam Bali. Inde

yimɓe ɗon heewi ha ton. A aandi

inde yimɓe je ɗon woni ha ton na?

Ka yimɓe je lati amanjo maɓɓe

ha Yesu. Wodi inde maɗa

ɗon ha ton na?

Timminorde wolde Deftere do Asaman lati ewnandu

mbelka. "E Ruhu e ɓangowo wi'i, 'War!' E ko moy fu

je nani wi'a 'War!' E ko moy fu je ɗon ɗemka wara. E

ko moy fu je yiɗi, o hooca ndiyam kisndam meere."

Asaman, Saare Allah Wonde

Tariya ha nder Wolde Allah, Deftere,

tawama ha nder

Yahonna 14; 2 Koreentiya'en 5;

Apokalypus 4, 21, 22

"Damugal Wolde Maɗa ɗon hokka jayŋgol."

Jaabura 119:130

Timminol

Tariya Deftere ndu ɗon wolwina amin do Allah

amin je boɗɗo je taggi amin e je yiɗi ha en aanda Mo.

Allah aandi min ngaɗi kujeji kalluɗum, je O ewnatta hakke.

Eltare aybe ɗum wade, ama Allah yiɗi ma be gonga e O nelli

no Ɓiɗɗo mako je gooto, Yesu, ha o maya do Gafangal e ɓe elta

Mo ngam aybe maɗa, Nden Yesu finni nder wade e dilli ha saare

ha asaman! To a ɗon nuɗɗina Yesu e emmi mo ngam ha O

yaffa hakkeji maɗa, O waɗan ɗum. O waran e O wondan

be ma jonta, e a wondan be Mako ha abada.

To a tammi ɗum gonga, Yeccu ɗo ha Allah:

Yesu am, mi ɗon nuɗɗina an woni Allah, e lati neɗɗo ngam

mayugo ngam hakkeji am, jonta A ɗon yeɗɗa fahin. Useini nastu

ha nde jonde am e yafanam hakkeji am, ngam ha jonde am sanja

jonta, e yende feere mi wonda be ma ha abada. Wallam ngam

heɗɗitugo Ma e yeɗɗa ngam Ma bana ɓiɗɗo Ma. Amina.

Jaangu Deftere e ngewtu be Allah tum tum! Yohonna 3:16